دردشة بنات ليبيا , دردشة حوامل ليبيا , تجمع بنات ليبيا

[dr.loly]

صبــــــــــــــآحووو

كنه التجمع مكــــــــــــــــــــسد؟؟

[اوشي]

المشاركة الأصلية كتبت بواسطة *ام فراس*

هههههههههههههههههههه صار توسوسي منــآ ... هو عندكـ الحق صح.. اقل غلطة في التعقيم تنقل امراض
شن كنتي تخدمي في الصحـــه؟ وكيف عديتي للتعليم
وروي حلو الاسم بجد ناعم خفيف ... نحب اسامي البنات اللي بالراء
وعلي فكرة كان وارد عندي اسم رؤي قريب من روي ... بس ردينا ل الاء لان معناه اقوي ومذكور بالمصحف ودلعه حلو قولي الدلع هضا لي هامني خخخخخخخخ... هو من كثر الاسامي دخنا واحترت واجد ردينا لاول اسم اخترناه من ايام حملي بفراس لما دكتورة قالتلي احتمال بنت وقتها قلت الاء بعدها في ثامن قالو اوليد وجا فراس... وتوا بعد اكدلي بنت من الخامس دخت واحترت
وجت وجا اسمها معاها

كيف حالك ام فروسي وشن داير توة ان شاء الله بخير ...

بالنسبة لاسم روى ما نحكيلك .. كلهم عارضوه وقالو مش حلو واقنعوني وقعدن صبياتي

يدورن في اسم قلت الهن اهم حاجة يكون حلو وله معنى

وكل مايجيبن اسم ما يعجبش ابو الشباب في الاخير هو قال انسميها سارة .. قلت خلاص

سارة سارة حلوة وزوجة ابونا ابراهيم

وهاذيك الليلة مشى زوجي ساهر مع اصحابه وسئلوه شن سميت عروسك حكالهم

القصة فاقنعوه باسم روى ...

وانا والله كان عندي احساس ان اسمها روى لذلك ما عارضتش وقلت في الاخير الاسم اللي امسميه الها ربي توة ايجي

وفعلا لاني في رمضان الثورة كنا عازمين عائلة زليتنية انزرت هنا لان الراجل كان يخدم في

راس لانوف.. ومراته كانت تكلم في هلها وحدة عندهم جابت وسمو البنية روى وانا في خاطري

دعت وقلت يارب تعطيني بنية ونسميها روى... اللى علي حول الثورة حملت بروى وشرفت

======================

وبالنسبة للصحة كنت في المختبرات ... وشوفي جوك كنت انا وصديقتي بس مسؤلين

مسؤلية تامة عن حجرة الايدز والهيباتايتس .. والله قبل انجنينا فيها

وبعد الزواج وحملي بردينة قلت لا ما عتش فيها ... نقلت للتعليم وقعدت معلمة علوم

دهشتك هههههههههه ..

المشاركة الأصلية كتبت بواسطة أم أجنادين 80

السلام عليكم
كيف حالكم ام فراس وام معاد واوشي
ايه والله خليتها مفتوحة وامشيت ياام معاذ

انا بخير ولله الحمد كيف حالك انت

المشاركة الأصلية كتبت بواسطة شموسه 88

كيف حالك يابنات شن اخر الاخبر امس زردنا في الاسترحه امتعنا اوتجمعت العيله اخخخخخخخخخخ من التعب روحت قريب الساعه 12الليل من الحوسه خلولي الدنيا دمااار اليوم اصبخت جوي متعكر اومش متحمله شي اوظهري متكسر

صحة ليك الزردة لا قوة الابالله ...

طبعا هظا عقاب الزردة وجيعة الظهر والتعب لكن الذذ حاجة النعاس صح

المشاركة الأصلية كتبت بواسطة شموسه 88

كبف حالك يا اوشي جالدي مره وحده والله مش ناقصه طريحة امس اتسد
اوربي ايعون شغل اوحوش مسؤليه

الله يسلمك ... يالله تم اعفائك من الجلادي بس مرة اخرى خوذي اذن

المشاركة الأصلية كتبت بواسطة ليبياقلبي

هلا ام معودي شن جو الوعواعة متعبتك ههههههههههههههههههه ربي يحفظه يارب وين وخيتك ام ورد شن اخبارها معاش خشيت
امل ليبيا اهلين بيك بينا وخليك ديما ماوادة
سوسو ري يوفقك \
شموسة مبروك ماخديتي حوايج ويلا ابدي جهزي للفرح طيحيهم كلهم
ام اجنادين واوشي واتري وينكم

انا هنا .. انت اللي وينك شن اخبار نوزة وحملك

المشاركة الأصلية كتبت بواسطة شموسه 88

السلام عليكم ورحمة الله وبركاتة

ههههههههههههههههه مشيت ياام معاد لحوش عمي حصلت منا جاكه صيفيه خذيت وحده راماديه او وحده خضرا اوفستان بس نبي انرده ماجش حلو

مبارك اتبيدي بالهنا والصحة

المشاركة الأصلية كتبت بواسطة *ام فراس*

صبــــــــــــــآحووو

كنه التجمع مكــــــــــــــــــــسد؟؟

وين يكسد وانت امكسدة عالتجمع طبعا مازلتي ما ربعنتي وامكسدة عالنت زي ما صارلي

لما جبت روى قاعدة في داري عاللاب توب صقع وبطاطين وحاجتي اتجيني لعندي طبعا لمدة

12 يوم بس راك تحسبيها للاربعين خخخخخخخ

[اوشي]

معنى إسم روى

معنى اسم روى : تزود بالماء, ومن النبات سقاه, وقيل نظر في الأمر وتأمل ولم يتسرع. وأصل الاسم عربي.


معني الإسم : الماء الغزير ، الماء العذب رُواء



وقلت يقعد قريب من اسم ردينة في النطق وحتى انا نحب حرف الراء

[dr.loly]

المشاركة الأصلية كتبت بواسطة اوشي

معنى إسم روى

معنى اسم روى : تزود بالماء, ومن النبات سقاه, وقيل نظر في الأمر وتأمل ولم يتسرع. وأصل الاسم عربي.


معني الإسم : الماء الغزير ، الماء العذب رُواء



وقلت يقعد قريب من اسم ردينة في النطق وحتى انا نحب حرف الراء

حلو الاسم ومعناه احلي ..قريب من معني اسم رواء وحتي هو كان مرشح...دكتورة فلسطينيه معايا عاجبها..قالتلي سمي رواء...وحلو التنسيق في اسماء البنات...وربي يخليلك ردينة وروي

[اوشي]

بنات سلمو لي علي بعضكم وربي يعطيكم الصحة وكل ما تتمنوا

هيا بالسلامة توة

[وجه القمرر]

السلام عليكم

[وجه القمرر]

كيف حالكم بنات اليوم انشاالله بخير

[dr.loly]

كيف حالك ام فروسي وشن داير توة ان شاء الله بخير ...

بالنسبة لاسم روى ما نحكيلك .. كلهم عارضوه وقالو مش حلو واقنعوني وقعدن صبياتي

يدورن في اسم قلت الهن اهم حاجة يكون حلو وله معنى

وكل مايجيبن اسم ما يعجبش ابو الشباب في الاخير هو قال انسميها سارة .. قلت خلاص

سارة سارة حلوة وزوجة ابونا ابراهيم

وهاذيك الليلة مشى زوجي ساهر مع اصحابه وسئلوه شن سميت عروسك حكالهم

القصة فاقنعوه باسم روى ...

وانا والله كان عندي احساس ان اسمها روى لذلك ما عارضتش وقلت في الاخير الاسم اللي امسميه الها ربي توة ايجي

وفعلا لاني في رمضان الثورة كنا عازمين عائلة زليتنية انزرت هنا لان الراجل كان يخدم في

راس لانوف.. ومراته كانت تكلم في هلها وحدة عندهم جابت وسمو البنية روى وانا في خاطري

دعت وقلت يارب تعطيني بنية ونسميها روى... اللى علي حول الثورة حملت بروى و

فعلا الاسم يجي معاااهم هذي حاجه اقتنعت بها...والاصحاب لهم فايده هههههههحتي نا في فراس اصحاب زوجي اختاروه له من مجموعه اسامي .. وكان الاسم اصلا عاجبني... وافتكيتي منه مختبر الايدز والهيباتيتس.. يخـــوووف فعلا

اقتباس:
المشاركة الأصلية كتبت بواسطة *ام فراس*
صبــــــــــــــآحووو

كنه التجمع مكــــــــــــــــــــسد؟؟


وين يكسد وانت امكسدة عالتجمع طبعا مازلتي ما ربعنتي وامكسدة عالنت زي ما صارلي

لما جبت روى قاعدة في داري عاللاب توب صقع وبطاطين وحاجتي اتجيني لعندي طبعا لمدة

12 يوم بس راك تحسبيها للاربعين خخخخخخخ

هههههههههههههه قاعده نحي فيه...
بس نا بجد ادمان نت من ايام قبل الزواج توا خفيت واااااااااااجد ... واني مكملة للاربعين خلاص مازلي 10 ايام ونربعن..في البدايه مانفتحش واجد بعد جبت كانت ماما معايا...وبعد عدت ردينا للنت.. واللاب توب نفسك عالسرير وطياح
بس بعد نكمل حوستي ويرقدوا العيال نفتح كيف توا او ف الصبح قبل ماينوضوا...اطشيشه ونسكـــر خخخخخخخخخخخخ...خصيصا اني مكسده زوجي يتغدي ويطلع ويجي عالمغرب وفي الصبح يطلع ومانشوفش فيه لاهي في البني والعمال خلاص المراحل الاخيره..

[dr.loly]

في دراسة طبية علمية حديثة تبين إن تناول الأطفال عدد موزه واحدة فقط يوميا أو كمية من عصير التفاح يومياً يخفض من أخطار إصابتهم بمرض الربو.

وقد وجد هؤلاء الباحثون في جامعة "امبريال كولدج " وهم الذين جمعوا معلومات غذائية تتعلق بـ حوالي 3000 طفلاً في عمر يتراوح بين 6 و10 سنوات لديهم الربو ، أن من اللذين كانوا يتناولون موزه يوميا قد انخفض لديهم خطر الإصابة بأعراض الربو ومشاكل التنفس بنسبة 34% تقريباً.


كما تبيّن أيضاً أن الأطفال الذين يشربون كوب من عصير التفاح يومياً ينخفض لديهم خطر الإصابة أيضاً بهذه الأعراض بنسبة 47%

[شموسه 88]

السلام عليكم ورحمة الله وبركاته