لجميع الاعضوات عطوني رايكم بصراحه مع ذكر السبب

[عزيزة النفس]

ماريك في تشابك الايادي بين الزوج والزوجة بالاماكن العامة......؟



البعض وخاصه الرجل يحس ان هذي الحركه غير لائقه او ماتنفع في مجتمعاتنا او


تنقص من رجولته او.....او.......الخ




والبعض يحس ان حركه جدا عاديه ومافيها اي شي حتى لو في مكان عام وهي


بالنهايه زوجته و .....و......الخ



فاي نوع انت(ي) منهم ....



وحتى البنات اتمنى اسمع رايهم بس يمكن انا ركزت بموضوعي عالرجل لانه غالبا هو اللي يعارض الفكره
...


( هل انت /ي مؤيــــــــــــــــد /ة .وليش ..........؟
( او معــــــــــــــــــــارض / ة .وليش .............؟


بإنتظار تفاعلكمـ

[الحب لك وحدك]

بصراحة عزيزة
انا غير مؤيده
ان زوجي يمسك يدي في الاماكن العامه
بعضهم يقولوا زوجي يحبني عشان كذا يمسك يدها
طيب ماقلنا شي يحبك بس مسك اليدين شي مو حلو عني انا احسه منظر مو لايق
حتى زوجي انا يقول مالها داعي
موضوووووع رائع يالغلا

[سموة الشوق]

بصراحه عني أنا

ببداية زواجي كنا نسويها أحسها حلوه

لأنها توطد المحبه بين الزوجين

أما الآن بعد سنين عشرة أقول لا ماهي حلوة

لأن عيون الناس ماترحم ويصكو الزوجين بعين الله يكافينا

وبصراحه أنا وزوجي كل ماشفنا زوجين ماسكين بيد بعض نقول عنهم إنهم عرايس الله يديم المحبة بينهم ونضحك على هالحركات ضحكه لاإرادايه

تصدقين ذكرتيني بجارنا

اللي مرة سوى حركه كل اللي بالحارة يتكلمون عنها وهي أن الزوج فتح باب سيارته لتدخل زوجته السياره وانتظرها إلين مادخلت وأقفل باب السياره برقه وماهمه اللي بالشارع والظاهر الشارع كان مليان وصار حديث المجالس
يعني وش فيها بس زودها الظاهر متأثر بأفلام الخواجه

هذا التطور ولا إيه.................

[دلوعة حبيبي]

انا موووووووووووووووويده وبقووووووووووووووووه
عشااااااااااااااااااان الحرمه ماتضيع ههههههههههه
لابجد انا مؤيده ذا الشي بالعكس افتخر وانا امشي مع زوجي وانا ماسكه ايده وبعدين مافيه رجال مايحب هالحركات بالذات لماتعوديه ع شي لاتحاولي انك تنسينه عشان مايفتكر انو الزواج حلاته باوله وبعدين كل شي يتغير عليه انا نصيحتي انك تدلعي زوجك حتى لو انك بالسوق او بالماكن العامه حتى لاينظر ويشوف غيرك ممكن انها تسويله هالحركات
هذا وجهة نظري ومشكوره عزيزة النفس موضوووع رووووووووووووعه

[الشوق عطري]

اني بالرغم مو متزوجه

لكن هالحركه

احسها تحسس البنت انها في امن هذا راي

ولا كمان مستحيل مافي رجال ما يحب هاي الحركه وخصوصا الشباب هالايام

وجايه هالايام راح تتكلمون على مشيه اخرى

في مره واني في احد مطاعم وحنا طالعين

ما اشوف الا زوجه وا زوجها

ماسكين بعض من وراء يعني راح تشوفوا اعظم

اما مسكه اليد احسها ما فيها شي


عزيزه النفس مشكوره على هيك طرح

يلا انتين كمان اعطينا رايكم

[عزيزة النفس]

مشكورين يا الغلا على ردودكم والكل قال شي انا كنت رح اقوله الزوج يحب هالحركه اذا كان طالع معك وهو رايق ونفسه مفتوحه اما اذا كان طالع من غير نفس تشوفي حركات مالها داعي
هههههههههههه عن تجربه
وانا في بعض الاماكن احب هالحركه وفيه اماكن زي الاسواق العاديه الا حظ نظرات من الناس غريبه وتحسون بعضهم نظراته غيره وزي ما قالت طيف تخافين من عيونهم وراي دلوعة حبيبي راااائع بانك ما تحرميه شي كان متعود عليه في بداية الزواج وتقولي بعد سنين زواج ماعاد صرنا نسوبها لا..........بالعكس اللي كنتي زمان تسوينه معه وكان يخلق شعور بينكم جربي ترجعين تسوينه ورح تلاقين ان الايام هذيك رجعت بكل مافيها من ذكريات حلوه
الله يوفقنا جميعا
واكيد ننتظر مزيد من اخواتنا الباقين يشاركون معانا

[فجر]

والله ياقلبي الموضوع حلو بس راي الشخصي ما ائيد هالحركات خصوصا ان عيون الناس اعوذبالله اذا شافو واحد وزوجته متماسكين يبدون يقالهم يا كافي والقهر واضح مايعطون خير انا اذكر اول زواجي كنا عادي نمشي متماسكين وحاله والحين مستحيييييييييل بعد ما كبرنا وفهمنا وشلون تفكير العالم
موفق بإذن الله ... لك مني أجمل تحية .

[**سماسم**]

أمممم
من جد والله وهذا رأيي الشخصي برغم أني مو متزوجه
مؤيده لهذي الحركه وبنفس الوقت ضدها!!
مؤيده إذا كانا في الخارج سوي معاه برى كل الي تبينه >> أي خارج البلد
مو مؤيده في داخل البلد لان الحين حتى الاطفال ينقدون وتطحين من عينهم
وهذا غير الكلام إلي ذكروه البنات هنا أنو الناس مايعطون خير وصدقوني فيه ناس بعد تدعي
على الي يسوي هذي الحركات ومره سمعت وحده تدعي عليهم وكانت طالعه من قلب بسبب أنو أولادها
كانو يتابعون المنظر بمجرد مالفو سوو نفس الحركه ..
ومشكوره عزيزه على الطرح والنقاش الحلو ..

[بيسان]

أنا من وجهة نظري مؤيدة جدا
لأنها حركة عادية مافيها شي ابدا وإذا قلنا عشان عيون الناس هم لوشافو زوجك معاكي بالسوق أصلا بيحسدوكي ههههه
بس لا بجد مااحرم نفسي من شي حلو ويبسطني عشان الناس

[سوسهs]

انا من وجهت نظري حلو ان الزوج يمسك ايد زوجته انا عن نفسي احس براحه نفسيه
في بدايت زواجي كنت اذا مسكت يد زوجي يقول لي احس اني مقيد لا تمسكين يدي واذا اصريت يقول لي طيب لاتمسكيني من يدي اليمين امسكيني من يدي اليسار اذا تبين