السلام عليكم ورحمة الله وبركاته مساء الخير ايش أخباركم اسفه طولت عليكم بس صارت لي ضروف يلا جبت لكم قصة ولادتي بنتي البكر هي الحين بثاني ابتدائي الله يحفظها لي هي واخوانها المهم طول مدة الحمل وانا كل يوم أستني الولاده واليوم الي عدي وانا ماولدت أتضايق واشيل هم وذاك اليوم كان يوم الاثنين الصباح جاني مغص خفيف واروح أخواتي واسألهم قالو بداية طلق بس وافرح ويوم الثلاثاء نفس المغص ماتغير وانا كنت في بيتي وأنام واصحى يوم الاربعاء الصباح اصحى على ذاك الألم المحترم الي فرحني وخوفني بنفس الوقت واروح لاهلي الله يطول باعمارهم واعلم امي وتقول خلاص بدري اجلسي الين تحسين بالتعب الجدي واجلس وحده من خواتي عند اهلي والثانيه جت العصر وانا. اهاه اه اه وانا والله اغلبه خيانه وحنا في ذاك اليوم معزومين على سابع وحده من قرايبنا وقالوا خواتي ياويلك لو ماتولدين اليوم بس واجلس من المغرب وانا احس الألم يزيد ويقوى شوي وانا من الفرحه ودي أطير وانا اخر وحده ولدت لان الدفعه الاولى اربعه وكلهم ولدو قبلي أخير بشوف النونو وأخذ شنطتي معي وتشوفها امي الا وتلقاني مابقي شي في الدولاب الا وأخذته حتى الملابس أخذ بالهبل بس وتقوم امي الله يطول عمرها وتنفض الشنطه نفض وتطلع اغراضي كلها وتحط بس الضروري لي ولنونو وخواتي جالسين يضحكون علي وتدرون وش كانت فكرتي كنت اقول مستحيل اقدر أولد طبيعي المكان اصغر من راس البيبي (شفتوا الأفكار ) وانا ودوني المستشفى وامي تقول شوي يابنت بدري وانا اه اه وامي معانده وفاتني العشاء ذاك اليوم الي يهبل يادوب اكلت ملعقتين وقمت المهم وتجي الساعه 10،45 باليل واترجى امي نروح للمستشفى وهي رافضه وانا احسب أني وصلت حدي بس ويترجونها خواتي طبعا مجربات الولاده وأخيرا توافق واتصل على زوجي الذكي ويودينا وعلى فكره بعد هولا يقل ذكاء عني كلموه اخوي يسأل عني قال دخلتها ورايح أجيب اغراض من البقاله وارجع وألقاها والده ماشاء الله والله حتى اجراءات الدخول مايمديها تخلص وانا الفالحه اتوقع على طول يقولون ولاده ويقولوا فيه ولاده بس لسى فاتح 2سانتي تنويم ويجيبو لي لبس المستشفى والبس وأنام على السرير ويحطوني لي المحلول وأجهزة نبض الجنين وتخطيط الطلق وتجيني هاالقابله معصبه وأسكت وأكون على الي هي تبي وتهدى شوي شوي وانا صرت مؤدبه وش اسوي لانفردبي وانا لحالي ( اعرف السياسه)ويوم شافتني كذا شوي وتحب رجلي بس والله طيبه صارت لي زي الاخت وانا طول اليل متحمله الطلق وصابره لان وحده الله يجزاها خير نصحتني أني مااصرخ لأني راح اتعب بدون فايده وقالت بعد اشغل وقتي بالقران والدعاء. وفعلا الله يجزاها الجنه سويت زي ماقالت لأني اذا صرخت وقت الولاده مايكون عني طاقه والساعه سبع الصباح جتني القابله شوي وتبكي وتقول حبيبتي أنا خلاص مناوبه وانا زي الي تاركتني بصحراء ً( ضاربتها صحبه طول اليل سوالف )الي وقول يمكن تجيني شريره قالت لا احسن من أنا وانا اسكت الا وتجي وتكشف علي الجديده وتقول فاتح 6 وطمني وتبشرني بولاده سهله بإذن الله وافرح واستبشر وامي الغاليه بر تنتضرني واجلس وانا استويت من الآلام وأفكر كيف الحرمه جربت كل هذا وتحمل مره ثانيه وعلى الساعه 9،30الصباح قالت خلاص عشره سانتي
قومي ولاده ويجوني مستخدمات اثنين ويساعوني ربي يساعدهم دنيا واخره وأنام على السرير المفصول سرير الولاده ورجولي معلقه وحده يمين وحده يسار وانا ارجف مدري خوف والابرد والمهم تعمل التوسيع وانا والله ماحسيت فيها ويعلموني وقت الطلق كيف ادف والحمد لله الساعه عشره ونص ولدت بسعولتي والحمد لله وماكنت اعرف بنت ولا ولد لين ماولدت وشفت احلى وأغلى بنت وكانت صغيره مره وجهها يهبل وأخذوها بسرعه قبل ماشوفها زين وجابو لها دكتور أطفال وكشف عليها والله وقتها ماني حاسه بنفسي كل تفكير بنتي وقالت لي الدكتوره يلا بطلع المشيمه وانا مستعده ابي ادف وماادري ايش الاوتقول لاريحي وسحبتها ونضفتني وجهزت عدة الخياطه وجابو 2دكاتره لبنتي وحطو ستاره بيني وبينهم والله انها تخيطني وانا ماني حاسه قلبي مع بنتي وخفت عليها وقال الدكتور لا مافيها شي بس ناقص وزنها بس مافيها شي الحمد لله وزنها كان 2كيلو بس ومااعطوني بنتي ولا حتى شفتها بس من بعيد وهم ينضفونها ويلبسونها ايوه أنا طول ماانااولد وانا يارب يارب وبااعلى صوتي بعد ويوم ولدت وانا الحمد لله الحمد لله والحمد لله وكل الي عندي يقولون اي والله الحمد لله واجلس ابكي الي أنا الحمد لله قمت بالسلامه أنا والنونو حمد الله وبعد ثلاث ساعات طلعوني بغرفت التنويم عند امي أنا وبنتي حبيبتي بحضني بس والله شعور أنا كانت تدفني الممرضه والله إحساس وشعور تحسي انك ملكه وانك أكشخ وحده بالعالم والله ان التعب كله يهون بس تشوفي النونو بخير وعلى فكره أنا يوم ولدت اقول ياغباءالحريم الي جربو الولاده ويعيدوهاوطلعت عند امي وبس أطالع ببنتي ونفسي أبوسها واحضنها بس استحيت من امي والحريم الي معها وجاء وقت الصلاه وراحو يصلون ورحت أمد يدي على شان اوصل لها بس ياخساره ماقدرت أطولها وأقول لامي بعدين وتقول ليه ماقلتي لي والله أني حزنت بس إخوانها والله احضنه وابوسه على طول وهي بعد يومين بالبيت اعطوني اياه خواتي وآسفه طولت عليكم وآسفه على التأخير
12-15-2012, 09:27 PM
رد: تجمع حوامل الأشهر الوسطى(الرابع*الخامس*السادس)
أم احبابي 
جديد منتدى إستفسارات حوامل من الشهر الرابع إلى الشهر السادس
العرض العادي
