دردشة بنات ليبيا , دردشة حوامل ليبيا , تجمع بنات ليبيا

[أثري في مدادي]

السلام عليكم ورحمة الله وبركاتــــــــــــــــــــــــــــــــــــــــــــ ـــــــــــــه ~~~~~

كيف حال الحلوين ؟؟؟؟؟

المشاركة الأصلية كتبت بواسطة sosolibya

غرييييييييييييييييييبة
كيف اترى ماعملتش اقتباسات وردت على مشاركاتى
ولا نسيتينى ياحلوة

أيه والله معك ألف حق ،،،، بس القصة إني يوم خشيت لقيت في التجمع البنات وهذه من محاسن الصدف النادرة " أنك تخشي للتجمع وتلقي مخلوق ياخد ويعطي معك " وفي نيتي قلت نكمل دردشة معهم ونرجع لمشاركاتك ونرد عليهم وحدة وحدة ،،،
لأنهم يستاااااااااااااهلواااااااااااااكل تقدير واعتناء ،،،،
فقدر الله أن زوزي روح ويبي عشاه ومش عارف شني ~~~~ صكرت الجهاز وقلت الصباح رباح ،،،ومن وقتها ما خشيتش إلا توااااااااااااااااا
السموحة والمعذرة يا أهل الكرم والجووووووووووووود

المشاركة الأصلية كتبت بواسطة sosolibya

ماقللتلكمش من الاسبوعين الفات جونى صاحباتى
وحدة واختها ىوامهم جت معامهم وصغارهم وحماتها يللى هى طبعا الاصل تدرس معى

ع اساس بيجو العشية ل6 انراجى مايبوش حت يردو وبعدين طلعو وحدة صايمة وبيجو بالليل

وطبعا اشتريت من مشتل لاجل عمتى بعض الورود يللى قابلت بيهم لان صورى كله ياااااااااابس
لان حوشنا فى عين الشمس من الصبح حتى المغرب

واخدت طاولة جدبدة للجلسة لان الاولى محمد كسرها بعد النفاس

والمهم من وسعة بالهم جو قريب بعد 9 ونص بعد ادان العشاء لما كان يدن 9 وربع

وانا فديت من الانتظار

لبست فستان قصير قهوى مبتش بالابيض
وفى حزة وبعدين كلوش
اول ماجو قدمت لهم فى مترد حلو شوكلا

وبعدين عصير وشوكلا نوع تانى
وبعدينقهوة وكاكاو
واتنين متارد حلويات
فيه يللىى من السوق (حلويات المدائن)وفيه يللى من اهل خالى لانها ادير فى حلويات رووووووووعة
وبعدين العشاء
رز بلاو بالدجاج والزبيب واللوز
ودجاج كنتاكى وسن توب مادرتش مشروب عشان الصغار
وبيتزا وطاجين وطبيخة عدس
طبعا لانه خلطهالهم زيارة نفاس ونجاح
وكله من صنع يديا
الا الطاجين حماتى عملاته
وبعدين فواكه وكاسة شاى باللوز
الحق كبرت بيهم لانهم اول مرة يجونى

شنو رايكم

ونسيت انقوللكم
انه لما روحو رديت لكل وحدة
فالينية حلوة لابنها

ياريتني جيت معاهم ،،، راهو ربحت تهدريزة وعشي وفالينية لولدي ومرات حتى قفطان لبنتي ~~~~~~
يعطيك الصحة ،،، ماقصرتيش الله يبارك ،،،
غير كان لبستي قفيطين أطول شوووووووووووية خخخخخخخخ

المشاركة الأصلية كتبت بواسطة سوما ليبيا

خلاص في جيابي ديريهالي انتي


حقا من توا نفكر شن بندير فاللمة كان ربي تتملي ع خير وجبت شن رايك ندير عشي خفيف ولا قعاد خير؟؟؟

والله أمرها محير هاللمات حتى أني نفكر ؟؟؟؟؟؟؟؟؟؟؟؟؟؟؟؟؟؟؟؟
خاطري نحصل مكان واااااااااااسع ومافيشي محاذير شرعية اندير فيه اسبوع كبير ونريح روحي ،،،،،،،،، ربي يسهلي ويسهلك ~~~

المشاركة الأصلية كتبت بواسطة سوما ليبيا

اني توا بنبدا نشري فحوايج البيبي عالاقل نفتك منهم فالوسع لكن قلت خلي بعد المراجعة نزيد نتأكد كويس من جنس البيبي قبل

إيه تأكدي خيرلك يا غالية ،،،، تخيلي أني في الرابع قتلي دكتورة الباين أنه ولييييييييييد ،،،،،،، وتوا مرتين يقولولي بنوووووووووووووتة

المشاركة الأصلية كتبت بواسطة saly.me.91

السلام عليكم
وين يقين استاحشتها
شمس وعيون وهاتو وتمرحنة وميراس وام معاذ تي وينهم مايبانوش حتى في الصفحات القدم
والحلوات زهورة وام ورد واثري وام رفيدة وام وسن وام اجنادين وليبيا قلبي وام قصي وسوسو استاحشتكم كلكم
والحبوبات الجدد ابتسامة وماب خاطري نتعرفو ع بعض ياغاليات
واي وحدة انسيتها اتسامحني قداش منه ادمااغي وانتو ماشاءالله

سلمك نشادة ،،،، كيف حال السنافر ،،،، وشن طباعهم متشابهة ولا مختلفة ؟؟؟؟

[sosolibya]

السلام عليكم

خيرك يا اترى طليتى ورحتى

[أثري في مدادي]

المشاركة الأصلية كتبت بواسطة sosolibya

تعرفو يابنات نفكر وعندى نية شديدة نلبس الاسدال
لكن ارتباط
باهى معقولة بنلسه فى مكان ومكان لا
ماهو انا متعينى حوش عمى وديما نمشيلهم والجمعة الغداء معهم وانا نسكن وراهم
ونحن سكنتنا فى حوازة
يعنى ديما العشية تلقونا نطلعو ونتلاقو احنا ونساوين عمى
يعنى تخيلو لابسة الاسدال فى الحوازة
وبعدين مشكلة الجامعة

بس غير انكمل هالعام
وان شاء الله ادا ربى اعطانى عمر
معاش عندى سبلة وحنلبسه بادن الله

انا مفروض مانحكيش
لان ضرورة الاخلاص فى العمل لله وحده

بس يقولو قول على الخير خلى يديرو زيك

وانا فقط من اجل روح التحدى والتسابق فى شىء ينفعنا

اعقدي العزم وتوكلي على الله ،،،،،،،،،،،،،،،،
وما لايؤخذ جلـــــــــــــــــه ؛ لايترك كلــــــــــــــــــــــــه
إبدئي بإرتدائه في طلعاتك ،،، وخلي لبسك مع متعينك جلباب فضفاض وإيشارب سادة ،،، وبعدين تتدرجي معهم بالإسدال ،،، الله يبارك
لأن تأخير هذه الأعمال الطيبة ،،، ليس من صالح سجل حسناتك
فكوني أذكــــــــــــــــــى من إبليس الذي يعشق المماطلة في الأعمال الخيرة ~ْ~~

المشاركة الأصلية كتبت بواسطة sosolibya

اترى بالنسبة للبرنامج زى ما انت مرتباته

مكياج وتسريحات

اظن زى ماقالتلك اجنادين بنوت توا معاش مستحقات

والله بناتنا مختلفات شوية عن البنات في عمرهم ،،،، فلمس المكياج عندنا ممنوع نهائياً ،،، حتى الكحل " جريمة " ،،،،،،،،،،،،،
بالإضافة إلى أنهن مرتديات الحجاب الشرعي منذ سنوات ولله الحمد ،،،بالرغم من صغر سنهم ،،وثلاثة منهم مختمرات ،،،
رفقتهم معرووووووووفة جدا ومن نفس النمط ،،،
ولأنني أحب أن تتميز الفتاة في كل شئ ،،، جهزت لهن هذا البرنامج ،،ولقد اعتمدته معهم أولية عامنا الأول ،،،في الصيف ،،،
الصيف اللي قبل الأحداث ،،، وجبتلهم مزينة اعطتهم أساسيات المكياج ،،،
وفهمتهم حتى لو مُنعوا من المكياج الآن ،،، إلا أنهم سيستعملنه وبإتقان في بيوتهم ~~

بس ممكن بالنسبة للتسريحات علميهم تسريحات بسيطة من اجل طلعات وزيارات خفيفة
لان وبصراحة هده انا المشكلة يللى واجهتنى
ماكنتش نقدر نتصف فى شعرى لما يعزمنى حد وانا عروس
فكنت نلفه بتوكه لفة عادية جدا
وكان مش راكب ابدا على المكياج الراقى يللى كنت نعمله
وزى ما انت عرفة
انا شبه مزينة
وتوا بديت نعرف ندير حلول سريعة والحمد لله لشعرة لما نطلع

زى متلا نلفه كله بالبوديقينو وبعدين نلفه او حتى نخليه هكى
او نسشور الجهة الامامية بس لو كنت مستعجلة ونخليها نازلة على جنب
والخلفى نلفه

او متلا تلفيه كله وتعملى بروشات

ووووووووووووووووو

صحيح ،،، ومن المهم أن تعرف الوحدة تستاشور حلو ،،، لأن فنيات الإستشوار تعطيك مساحة في الإبداع

واعتقد بالنسبة للمكياج
اهم حاجة عند امتعينك تكونى خاية تماما منه الكحل معليش
وبالاخص فى وجود السلاف

لان تلقيهم متعلمات وللاسف فى الخروج وبالخص لمناطق العمل والدراسة مكياج كامل
وتلقى الرجل لا حول له ولا قوة
ساكت
والله بصدق نعرف ناس هكى

واهم شىء لما يسافرو او حتى هنا فى المناطق العامة
مش ضرورى خمار ولكن على الاقل يكون الوجه خالى من الماكياج

لانى كنت انا بصراحة اول ماتزوجت وسافرنا نمكيج وتوا نادمة عليه اشد ندم وندعو الله ان يغفر لى ولكل المؤمنين

ومن يستفيق مؤخر خير من ان لا يستفيق

وفى حاجة مهمة الناس مش مدايرتلها اهمية

يسحابها حدها الوجه
فى حاجات اخطر من هكى

زى الدهب والخواتم والاكسسوارت والحنة

كلها زينة وربى يهدينا

ونبى نقول على نقطة مهمة
ان فيه يللى تلبس الخمار وهى احرف من يللى مش لابسة
لان تلفى اللبس ضيق وفيه والله يللى حتى تلبس فى سرولا مع خمار
هدا حجاب شنو
تى هو حنا نسون ونبدو نقولو هده من
فما باللك بفضول الشباب
وتلقى مع الخمار العطور
واااااك من هم العطور لما نمشى للجامع نكره نفسى من كتر مانحس انى فى كفر قريش
من هالعطور تقول مايعرفوش
وتلقى مع الخمار يللى العيون مرسومات ااحلى رسم
وشن الفايدة منه عاد اقعدى بلا بيه خير ماتشوهى سمعة الخمار

وتلقى الخمار قصير الصدر يبان واالجيوب (الكتف والصدر)

يسحاياها حده الوجه

اااااااااااااااااه

أيه والله معاك الحق في كل كلمة قلتهاااااااااااااااااااااااا

ربى يهدي من خلق

المشاركة الأصلية كتبت بواسطة sosolibya

حبيبتى اعرى وبالنسبة للطبخ

الطبخ فن

واسرع طريق لقلب الرجل معدته

تعرفو اكتشفت انه فعلا المثل هدا
يللى نقصده
انى لما ندير حاجة لزوجى وتعجبه يفرح ويصير يمدحنى

والزوجة لازم تعرف شن زوجه يحب وشن مايحبش
وطبعا السنة الاولى او حت الستة اشهر الاولى كافية لتعلمى مايحب زوجك من اصناف ومايكره

ولكن مع هدا
حاولى ماتخليش الكرش يطلع خخخخخخخخخ مشكلة الليبين

يعنى مرة بعد وين عشاء رومنسى لاباس بيه
لكن مش كل يوم وليمة على العشاء

لانك حبيبتى الزوجة انت طبيبة الاسرة
بيدك تقدرى تقدمى الاكل الشافى والضار

ديما حاولى تشكلى وتفننى فى الاشياء التىي يحبها زوجك
لان دلك سيفرحه

وحاولى ان تحبى مايحب زوجك

لان مثلا انا كنت نكره الاكل البحر ومانعرفش اندير الحاجات الغريبة زى القمبرى والقرنيط

وزوجى يعشقهم
فى الاول صار هو يعلمنى ومحلاها اللقطة لما زوجك يعلمك حاجة
وبشوية بشوية صار يحاول يحببنى فيه

وتوا انا اعشق الاكل البحرى
واتقنه وماهرة جدا فى صناعة الاطباق البحرية

أيه والله حتى هذه قصة ،،،، وحدة منهم عقدت قرانها الخميس اللي فات وقاللها نموووووووووووت في الأكل البحري ~~~~
وهي متحباش بكل ~~~~

واعلمى من يقف فى المطبخ هو طبيب الاسرة المسؤول عنها

والاهم الاسرة الكبيرة
امتعينك
ماتاكلى عليهم
شىء
تعرفو انا متربية فى حوازة وعندنا عادة ان ندوقو بعضنا ديما
ولما تزوجت
بديت نطيب على حساب عيلة مانعرفش نطيب لشخصين
ولهدا كنت يللى انديره لازم صونية لاتعينى
لدرجة لما ندزلهم حاجة يعرو انى انا اليوم مطيبة

وبعد سنة من زواجى لما حماتى نخطبت وبتعرس
قالتلى حاجة حللللللللوووووووووةةة
وفرحتنى هلبة

وهيا انها قالتلى انا بندير زيك مع امتعينى ماناكل عليهم شىء ونحسبهم فى كل شىء

طبعا هدا مش ضرورى ولكنه من باب العطاء والحسبانية
ولقطة حلوة منك
او ان زوجك يرفع صحن لامه ويقدمه ليها طبخة من يدين زوجته محلاها اللقطة

ولازم تتعلم الكنة حاجة وهى ان تنخرط فى اسرة زوجها كبنت لهم وليست كدخيلة
بصراحة نعرف حدة ماشاء الله عليها

من اسبوع عرسها نازلة تغسل معه فى الماعين
وخاشة فيهم

ووحدة تانية لبعد السنة ونص باش بدت تساعد فى عزوزتها فى الحاجات البسيطة

فكرتك جميلة ،،، بس ماتنسيش حاجة إنت واخدة ولد عمك وفي نفس الوقت ولد جيرانك ،،،،
لكن امتى تخشي على عيلة غريبة عنك بالكلية ،،، وتطيحي فيها عوالة من أول اسبوع ،،،راهو هذا مرات مش لصالحك بكـــــــــــــــــــــــــــــل ~~~~
أولا لأنك مازلت عريس ،،، ومعك كل حق أنك تشوفي وتراقبي وتدرسي ،،،،
وثانيا ،،،، لاحقة على النشاطة ،،، وخليها بعد ما تاخدي فكرة أولية عن طباع هذه العائلة ،،،،
ثالثا ::: أكبر مشكلة تواجه الكنة مع الأعمال الخيرية الزااااااااااااائدة التي تقوم بها اتجاه أهل الزوج ،،، أن أغلبهم إلا من رحم الله يرى في البداية أنها بجميلها ومن طبعها الأصيل ،،،
وبعد شوية تولي الحكاااااااااااية وااااااااااجب
وياويلك كان مخدمتيهمش ومادرتيش هذاك اللي كنت اديري فيه ؟؟؟؟

فخليك دكية واعرفى كيف تاخدى دوق كل واحد
الشيبانى يحب البازين والعزوز تحب الحلو
والعزارة يحبو الفتافيت
انا سلافى يحبو المهلبية فى رمضان فديما نحاول نعملهالهم

المشاركة الأصلية كتبت بواسطة sosolibya

ليا مايقارب شهر بادية نعلم فى ولدى خشان الحمام طبعا باديين من الصفر والطريق طويلة
خخخخخخ ان شاء الله لا
بس نحاول معاه بشوييييييييييية
بس توا اسبوعين دروس مكثفة
الشمال فى النوم بس القايلة هدا لو رقد القايلة
وفليل

وتعرفو عكس الناس مايحبش نديرله ميه قبل مايتبول

نفكر انه فى الشتاء كيف بيصير رح يتجمد لو زوجى محنش علينا ودارلنا ميه سخونة فى المرحاض

وطبعا نحن مرحاضنا فرنجى مسكين ولدى تعله ويركب بروحه ماشاء الله عليه

نعرف وحدة بنتها ناشطة وتعلمت بس لما خش الشتاء ماصارش لانه البنت تبدا زرقة من الصقع

طبعا حاشاكم
بس حاليا مهوسة
كل دقيقة نسأله ومع هدا مرات يعملها مسكين ونحاول قد مانقدر مانكشخش عليه
باش يعنى مايصيلاش حالة نفسية ويعملها وهو نايم وتستمر لما يكبر


خخخخخخخخخخخخخخخخ بالتفصيل الممل
تخيلو البارح والله هو مش البارح الصبح بعد 7 ونص لما حصلت شوية نوم

حلمت بروحى اندخل فيه الحمام ههههههههه

ربي يعاونك ،،،،،،،،، والله تشحوير تعليم الحمام ،،، أني درهلي كبدي عشرة أيام محمسات ،،،حاشاك
وماخلا وين عملها آخرتها
واقف علي حاشية المكتبة يتدرجح ،،،،
ويمشي ينزله °° اكرمكم الله°° ويمشي يتسرب لأدرج المكتـــــــــــــــــــــــــــــــــــبة
تخيلواااااااااااااااااااااااااا
أوراق ـــ شنتروات ،،،،ومفارش ،،،، وحاجات ومحتاجات كلها معطرة بـ................؟؟؟؟
وأني علمته وين ماطق عمره سنتين وثمانية شهور
مش زيك عامين بس ~~~~

المشاركة الأصلية كتبت بواسطة ام معاد

لاباس علي الصغار اسوسو حتي اني صغاري كانوا مرضي اسبووووووووووووووع مارقدتش عندهم احتقان وحرارة مانحكيلكش مارية احتقان بالصديد الي توا مازالوا ياخدوا في مضاد

إن شاء الله لاباس على صغيويرتكم ،،،
وربي يعطيكم الحكمة ووسعة الباااااااااااااااااال

[أثري في مدادي]

مشيت نكمل في وااااااااااااااااااااااجبي
هههههههههههههههههههه
وينك ؟؟؟؟؟؟؟؟؟؟؟؟؟؟؟

[أثري في مدادي]

هيا بالسلامة ،،،،،،،،،،،،،،
عيوني بيتغمضوا بروحهـــــــــــــــــــــــــــــــــــــــــــــ ـــــــــــــــم
السلام عليكم

[أم سعد]

السلام عليكم

[أم سعد]

اثري لو انتي من سكان طرابلس في صالات أفراح شرعيات

وانا درت في واحدة منهم أسبوعي في بنتي

سلااااااااامي للجميع

[أم أجنادين 80]

كيف شرعيات

[أم أجنادين 80]

السلام عليكم
شن الاخبار
انا نكتب وكيف نحيت حنتي ادعولي تطلع كويسة شكلها حمراء زعمه تزيد تصبغلي
حنيتها بروحي

[أم أجنادين 80]

صباح الخير
كيف حالكم
الحنه بهدلتني يابنات الباين انها مش كويسة
انا عجنت 2 باكوا ولما عجنت لاحظت ان واحد منهم لونه غريب داكن شوية
ماهتميتش وكملت ,,
وامس بديت انحني بعد ماصليت المغرب وقعدت ساعتين ولما حولتها شفت لونها
فكرت انه ساعتين هكي راح يكون اللون زدت حنيتها من غير مانحول الشريط
ونفس الشي اللون ماعرفش شنوا احمر علي برتقالي , قبل مانرقد
خطر في بالي انها ممكن معادش تزيد تصبغ وان الحنه فاسده او مش كويسة
عجنت شوية ثانية جديدة فكرت لو الي الصبح معادش زادت صبغت انهاودها
وفعلا الساعة 7 شفتها نفس اللون جهزت فطور راجلي وبديت انحني
ايديا كلهم بس رجليا ههههههههه حنيت الاماكن يلي بتطلع من الكندرة بس
والحمد لله خليها ساعتين وشفت اللون الطبيعي للحنه ,,,
طبعا تعلمت درس من هدا كل الحنه لو لونها داكن يعني مش كويسة