تجمع حوامل الأشهر الوسطى(الرابع,الخامس,السادس)

غايتي الجنة · 07-30-2012, 05:39 AM

صباح النور والسرور...

اخباركم؟؟

بنات عجزت انام قلت اسؤلف معكم

اميرة الورد ~ · 07-30-2012, 05:41 AM

صبااااح الخييير حبيباااتي
كيفكم وكيف الحمل معكم والصياااام

غايتي الجنة · 07-30-2012, 05:58 AM

انا الحمدالله وانتي اخبارك؟؟وكيف الصيام معك؟؟انتي باي شهر ياحبيلك؟؟

اميرة الورد ~ · 07-30-2012, 06:25 AM

دوووم
والله الحمدلله بخير بس تعرفين تعب الحمل
انا بالخامس فديتك
وانتي

يارحيم · 07-30-2012, 07:02 AM

اهلين بالسهرانين وباللي صاحين بدري.. انا ما جاني النوم لاني قيلت بعد المغرب وتورطت!!

انا بالاسبوع ال 18 توقعت انه يعتبر نص الخامس بس لاحظت من شريط الحمل عند بعض البنات ما ينتقل للسادس لين الاسبوع ال 22!! غريب يعني الشهر مب اربع اسابيع!!

انا وزنت وضاق صدري مرررررررة للحين زايده اربعه كيلو ونص و المفروض ازيد بس سته لين نهاية السادس يعني باقي لي كيلو ونص لين الاسبوع المدري كم وهالشي احسه مستحيل بالذات هالفتره احسه يزيد بسرعه مع نظام المعجنات والمقالي برمضان!!

الكل خوفني وسوالي فلم رعب ترا منتب حاسه بنفسك وبتنتفخين ومنتب قادره تنحفين بعدين ومادري وشو وانا ارتعبت واليوم ما تسحرت زين من الخوف واحس الحين بديت اجوع!! وش رايكم؟؟

اميرة الورد ~ · 07-30-2012, 07:07 AM

صباااااح الوررررد
لاياقلبي لازم تاكلين انتي حامل لازم تاكلين
ع الاقل كثري سوايل عشان ماتعطشين
ماعليك من كلام الناس اهم شيئ انتي
واذا ع الوزن انا مثلك زدت 4ونص وتوي بالخامس لكن انا توأم
يعني المفروض اسمن زيادة
تغذي حبيبتي

يارحيم · 07-30-2012, 07:34 AM

انا اشرب سوايل كثيير الحمدلله وكل ساعه او ساعتين اشرب كاس مويه كبير من المغرب لين الفجر الدكتورة منبهه علي..

انتي زيادتك اتوقع قليله على توأم بس انا اعتبر زايده شوي لازم انتبه وانا اساسا عندي فوبيا سمنه صار هوس واحس اني بصير دبا مرة وبتوهق!!

اميرة الورد ~ · 07-30-2012, 07:41 AM

اقتباس:

المشاركة الأصلية كتبت بواسطة يارحيم

انا اشرب سوايل كثيير الحمدلله وكل ساعه او ساعتين اشرب كاس مويه كبير من المغرب لين الفجر الدكتورة منبهه علي..

انتي زيادتك اتوقع قليله على توأم بس انا اعتبر زايده شوي لازم انتبه وانا اساسا عندي فوبيا سمنه صار هوس واحس اني بصير دبا مرة وبتوهق!!

احسن لك كثرري
اي حتى اهلي يقولون لي المفروض اكثر
اتوقع يبوني فيل بهالحمل كفاية ثقل الاجنة
انا جالسة اخفف بصراحه عشان مااسمن
جالسة انصحك وانا مثلك

يختي سهالات ان شاءالله تولدين وترجعين لوضعك الطبيعي
انتي لاتفكرين بس وخلي كل شيئ ع ربك
انا بصرااحة تعبت احس ظهري يوجعنننني
وشكلي بناام
تمسييين ع خيير ياقلبي
اشوفك الليل ان شاءالله

يارحيم · 07-30-2012, 07:48 AM

انتبهي لا تخففين مرة ترا وضعك خاص.. وانتي من اهل الخير حبيبتي..

سلطانة المحبه · 07-30-2012, 01:35 PM

السلام عليكم حوامل عساكم طيبين ..

عندي سؤال متى تبدا خطورة النوم على الظهر ..؟ في اي شهر مفروض الحامل تمنع نفسها تنام على الظهر

انا الحين في الشهر الرابع باقي اسبوعين و اخلص وادخل شهر الخامس .. صيرت انام كثيير على ظهري و سمعت انه مضرر للحامل و للجنين .. ارجو الرد لاني قلقانه و مشكووورين

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الشهر السادس من الحمل أفضل الأشهر	طيور الحب	إستفسارات حوامل من الشهر الرابع إلى الشهر السادس	84	03-20-2013 01:08 AM
نزيف في الأشهر الوسطى للحامل	قحطانية	إستفسارات حوامل من الشهر الرابع إلى الشهر السادس	15	03-08-2012 02:16 PM
هنا تجمع حوامل الشهر (الرابع والخامس والسادس)	سماسم	إستفسارات حوامل من الشهر الرابع إلى الشهر السادس	32655	01-01-2012 06:32 AM
أهم المواضيع المميزه في قسم حوامل من الشهر الرابع إلي الشهر السادس	سماسم	إستفسارات حوامل من الشهر الرابع إلى الشهر السادس	0	09-25-2011 10:34 PM
هنا تجمع حوامل الشهر (الرابع والخامس والسادس)	عزيزة النفس	إستفسارات حوامل من الشهر السابع إلى الشهر التاسع	9772	07-27-2010 08:57 PM