هدية لعيد زواجى الرابع

[سورينام]

اولا يا سوسو يا عسللللللل الله ايباركلك في زواجك ويحفضلك الغالي من كل شر -
تانيا شكلك متجوزة معاي في نفس السنه والشهر كمااان هههههه انا اتزوجت في 3-7-2008
عيد زواجي الاسبوع الماضي خذينا تورته عصاير وبيتزا وطيبت في البيت شعيريه بالمكسرات وسلاطه مشويه ودرنا حفله في البيت والطريف في الموضوع ان بنتي تحسابه عيد ميلادها واتغني على روحها ... وبعد ما نامو العيال درنا سهره خاصه وهدينا بعض - طبعا اني زيك كنت حاااايره لان كل اللي سميتيه اهديته فيما فات فقررت هديله حاجه ضمن اهتماماته - اني زوزي ايحب عصافير الكناري والقرديل(الحسون) كان تعرفيهم وطبعا عنده منهم مجموعه يعني ما اهديتش عصفور اهديت متعلقاته هههههه يعني خذيت كتاب م المكتبه عن تربيه الحسون كتاب امقوم ب 18 دينار واخديت من العطار حاجه اسمها حب ازقوقو للعصلفير طبعا ومن محل العصافير اخذتمجموعه فيتامينات خاصه وغلفت الكل بتغليفه حللللوه وشديتها بتوكه ساره على شكل عصفوووور هههههه
وهو ما اسيتاش هديتله تزدان جلد رجالي وحطيته في باكو معاه كيسه كبيييييييييره مكسرات لانه ايموت فيهم غلفتهم واعطيتهمله وخلاص
وهو جابلي شبشب صبع ههههههههه لكن راااااااااااقي وحلوووو وكله فصوص ولقطات تلمع لانه عارفني انحبهم وقالي والله احترت وما عرفتش شن ناخذلك ومعاه ريحه اسكادا الكبيره وبس وربي ايهنينا ان شاءالله
الخلاااااااااصه يا عمري ... انتي تعرفي زوزك ش اهتماماته يعني حاجه يستفيد منها المفروض وعا حسب ما تحكي انتي زوزك متا قرايه ماشاءالله فأنا م رأي تهديله كتاااااااب لان احسن رفيق للانسان شوفي اي مكتبه وخوذي منها قاموس اوكتاب قصص او عجايب او حاجه زي هكي وصدقيني رح يعجبه ... ولو لقيتي في المكتبه مصاحف خير وخير اهديله مصحف كبير توا جاي رمضان يختم فيه التلاوه وتككسبيفي جرته اجر ان شاءالله وربي ايوفقك وعذرا للاطاااااااااااااااااااااااله