&*&تجمع أمهات المستقبل للمقدمات والمنتظرات نتيجة أطفال الأنابيب والحقن المجهري&*&

[●•• ShąhǿǾǿĎ ••●]

الحمدلله على كل حال فديتكم والله يرزقنا وياكم يارب كلمت الدكتور وكان جدا مستغرب قال ان الاجنة كانت ممتازه والرحم بعد كان ممتاز وقال انه مستغرب مولاقي تفسير وليش فشلت وماقدر الرحم يمسكهم قالي اقدر اعيد العمليه بعد شهر بس انا قررت انسا الموضوع حاليا واتفرغ حق بنتي توها صغيره وان شاءالله افكر اعيدها شهر 12 اذا الله كتب بتكون شهودا كمل عمرها سنه كنت متأمله اجيب لها اخ او اخت يكبرون مع بعض بس ربي ماكتب الحمدلله على فكره قالي ممكن تحملين طبيعي وممكن بعلاج عادي وحتا ممكن بالتلقيح الصناعي العادي بس مادري شسوي حيرني قلت بقعد ست شهور وبعدين اعيد العمليه قال انه نتيجة المجمد مونفس الفرش ويفضل اسويها دايما فرش ونجاحها ماله علاقة بالحركه والراحه قلت له ممكن عشاني مارتحت عدل قال لا ماله علاقة يثبت اول ساعه وبعدين يكون مثل الحمل العادي والحريم الي يحملون عادي خلال اول شهر يعيشون حياتهم طبيعي سألته عن التكيسات قلت ممكن تنفع لهم جراحه قال نتيجتها ماتكون زينه افضل تبين حمل مضمون ان شاءالله سوي انابيب فرش او تبين تجربين طرق ثانيه وانا بصراحه مالي خلق فكرت اعيدها مرة ثانيه شهر 12 ان شاءالله شرايكم