انا اول المشاركات وهذي قصتي
بسم الله الرحمن الرحيم
انا يابنات تزوجت صغيره انخطبت بعمر 14 وتزوجت بعمر 17 طبعاً كنت مفهيه مادري عن الدنيا ولاافكر بشي كان كل همي اسوي عرس حلو نفس فلانه والبس نفس نفنوف فلانه وهذا طبعاً تفكير كل طفله بعمري تزوجت وماكنت ادري ان وراي معاناة راح تنسيني نومي اكلي راحتي سعادتي عشت اربع سنوات وانا اموت يومياً الاف المرات ولاتشوفوني اذا وحده من اهلي حملت ولا قريباتي اخش عن زوجي واقعد بروحي وانهار علا مخدتي ولااحد يسمع الانين والالم الي احس فيه كنت اشهق وانا اختنق بعبرتي واقول ياااااارب ليش انا ليش واستغفر وارجع اسال ربي نفس السؤال مليت من الحياة ماعاد فيه شي يفرحني لا اكل لالبس ولاشي
تزوج اخوي قبل زواجنا بسنه من اخت زوجي وماشاءالله عليهم صار عندهم ولدين وبنت وانا على حالتي هني كثرت المشاكل بيني وبين زوجي وصرنا على اتفه سبب ومشكله نصارخ على بعض اهو يطلع مقهور وانا اقعد بروحي اصارخ ودموعي تغرق مخدتي سافرنا خذيت ابر منشطات وكل علاج يخطر على بالكم تعالجت فيه ولاحياة لمن تنادي التكيسات مسكره المبيض عندي وامكانية الحمل الطبيعي جداً ضعيفه
ووربي فكرت بكل شي حتئ زوجي قلت باخليه يتزوج كافي انا صغيره بس اهو لا صار عمره 34 سنه لي متا بينطرني وكان يبين عليه انه زهق من الوضع ومن الحياة معاي وانا كنت اسوي نفسي عادي ومافي شي بس الوضع كان جداً متوتر بينا لغاية يوم رحنا المره الاخيره والرحله الاخيره من العلاج
نزلت دورتي يوم 1-3-2011 وانهرت كالعادة ورحت بيت بنت عمتي لان كنت مضايقه من نفسي وكنا نتكلم عن فلانه وحملها وفلانه شنو عندها عيال صار كل محيطي حمل عيال حمل هذي ولدت وهذيك حملت والي بتترك الحبوب تبي تحمل قلتلها انا افكر اسوي طفل انبوب وقررت هالقرار فجاه ونفذته بنفس اليوم جا زوجي من دوامه وقلتله يلا بنروح الطبيب قال خير وقلت اني قررت اسوي العمليه بس فاجاني ورفض وصار يضحك قال شنو حاولت معاه بكل الطرق حتا اني شلت. تلفونه واتصلت ع الطبيب اللي قررت اروحله قال شالي قاعد تسوينه نروح وين وعملية شنو قلت له مالك شغل هذا قراري وماراح لاارتاح ولا اريحك لو ماصار الي ابالي وهو منسدح قال وكل علامات التشاؤم علئ وجهه قال بوديج ولكن بشرط وقلت موافقه مهما كان قال ترا اخر مره بنحاول ولو فشلت العمليه ترا بتزوج قلت اوك طبعاً وافقت وماكنت متفاجاه بالشرط ومتوقعته مسبقاً
طلعنا وماكان معاي شي الا املي بربي دشينا وعطانا الطبيب كورس العلاج اااه مابي اطول اكثر وبختصر شوي خلصنا علاج وتم ارجاع الاجنة في رحمي وتميت بفراشي 15 يوم وكان هو يشتغل بالبيت ويسوي كل شي وانا ادعي ربي مايخيب املي واني احمل بااخر فرصه بيني انا وزوجي لان والله ماكنت مستغنيه عن حياتنا مع بعض بسهوله لانه نحب بعض رغم كل المشاكل الي عانيناها بسبب تاخر الحمل
جا يوم التحليل وهذا اليوم الي بالذات عمري مانساه رحنا وكان الصمت سيد الموقف سحبو الدم من يدي وقالت السستر ان شاءالله يكون في حمل مدام وبصراحه كان بيني وبين نفسي اقول مااعتقد وارجع استغفر ربي رجعنا للسياره وطبعاً زوجي كان مصر انه اتم مرتاحه لاخر لحظه وقلت له انا بنام بالسياره وهو راح وقال برجع بعد ساعه لانه التحليل بيطلع بعد ساعه
المهم انا نمت مادري شلووووون ماحسيت الا باب السيارة يتبطل وكان يضحك قلت اشفيك اصاااااااار قال للحين انا جاي اخذ الورقه مالت رقم التحليل راااااااح وررررررااااااح قلبي معاااااه اااااهئ اهئ😭😭😭😭😭 رجع وكان راسه بالارض ويبتسم ابتساامته الخبيثه ابن اللذينه مااقالي وفرحني تخيلووووووو يضحك وسااكت وانا الدم بعروقي وقف حطيت اديني برقبته كنت بذبحه قلت له شنووووووو قال تقول في نسبه بس لازم سونار بعد كم اسبووع علشان نتاكد وهوجذااااااب اطلعت قايلتله انه نسبة هرمون الحمل مرتفعه وفيه حمل بس علشان يبين الحمل لازم نصبر كم اسبوع وراح يبين بالسونار رجعت البيت واووووووول مررره من اربع سنوات انام واحس هالحساس طفل الحين في داخلي والحمدلله كانت بنتي شهدكانت وللحين اول فرحه بحياتي كلها
وكلمة بس للبنات المنتظرات ترا والله مهما بكينا ومهما حاولنا شيء قدره ربي ومكتوب لنا وماراح ناخذه لاقبل والابعد وقته ولا اكثر ولا اقل من الي قاسمه ربنا سبحانه وتعالى فلنتوكل عليه وبإذنه مايخيب رجائنااصبرو ومابعد الصبر ان شاء الله الا الفرج ورزقنا بالدنيا من مال وبنين مكتوب لنا قبل خلقنا فلانتعجل شي امره بيد الخالق عز وجل وراح يرزقنا بحوله تعالى بالوقت المناسب
اسفه عالاطاله هذي قصتي بس ادعولي بالحمممل قريباً
09-04-2012, 01:07 PM
قصتي لتحقيق حلم الإنجاب
●•• ShąhǿǾǿĎ ••● 
رد: (مشاركه بمسابقه اجمل قصه لتحقيق حلم الانجاب)
جديد منتدى منتدى علاج العقم و تأخر الحمل
العرض العادي
