اطباق جزائريه حياكم الله

[رونق الروح]

خبز الدار

طاجين الجبن


طيبي صدر دجاج اواداند في زيت مع بصل مقطع رقيق ملح و فلفل و قرفة إذا تحبيها و قليهم و زيدي شوية ماء
كي يطيب الدجاج نحيه و فتيه و احتفظي بكاس من المرق
قطعي تقريبا 200 غ جبن الى مكعبات انا درت اقل من 200 غ

خلطي الجبن مع الدجاج مفتت مع معدنوس و كاس من المرق و كاس من الحليب و كاس من الشابلير و وحدة خميرة الحلوى و 2بيض او 3 على حسب كميتك هي تجي جارية

دهني قوالب صغار ولا في مول كبير دهنيهم مليح بالزبدة و فرغي الخليط و دردري فرماج رابي من فوق و دخليهم الفرن مسخن على نار متوسطة متفتحيش عليهم الفرن ياخذو تقريبا ساعة
حميص


مقبلات بالعجينة المورقة



يتبع

[رونق الروح]

سلطة العش بالكروفات (الجمبري

و هي بالطون

طاجين المحمر

يتبع

[السماح]

مشهية جداااا
مشكووورة غاليتى

[رونق الروح]

الحريرة

بوراك

سلطة بالارز


طاجين الخوخ

يتبع

[رونق الروح]

معقودة


شباح الصفرة بطاجين الحلو

مني بيتزا


طاجين الزيتون بالشمبينيو


سقار التفاح المعسل

يتبع

[رونق الروح]

قراتان بالبدنجال

تقطعي البدنجال بالطول و تقليه

تحضري الحشو ياي نوع من اللحوم المم تكون مطحونة و طيبيها في الزيت مع البصل و ملح و قلقل اسود و قرفة و معدنوس
تاخذي شريحة من البدنجال و تحطي شوية من الحشو و تلفي و تحطيهم في سينية نتاع الفرن
من فوق دتجطي صوص بالطماطم و ترشي بالجبن المبشور و دهليه الفرن
كورجات فارسي

محنشات بالدجاج


برريوات بالدجاج

يتبع

[رونق الروح]

كاك مالح
بيض+ علبة ياوورت طبيعي+نصف كاس زيت انا نقصت شوية على نصف+
كاس من جزر مبشور مقلي في شوية زبدة
كاس من البصل مذبل في زيت
كاس معدنوس مقطع رقيق
فلفل حلو اخضر مقطع رقيق و اذا عندك الاحمر و الاصفر مزيان ديرهم كان عندي غير الاخضر
كاس جبن مبشور
كاس زيتون اسود و احضر مقطع رقيق
1 خميرة الحلوى
كاس و نصف فرينة
ملح و فلفل و اذا تحبي الحار ديري شوية فلفة احمر حار

تخلطي السوائل و من بعد النواشف و ديريها في مول لي تحبيه يكون مدهون مليح

و دخليه قرن مسخن على درجة متوشطة ياخد تقريبا 50د يعني حتى تشوفيه تحمر من فوق و لا دخلي سكين فيه
كوركات بالبطاطة و الطون و الفرماج

لوبيا خضراء بالصوص

بيتزا رولي

كيسان فرينة + 5مغارف زيت+ 3 مغارف لحظة+ ملح + خميرة+ مغرف سكر و تعجينها بالماء و تخليها تخمر

و الصوص تحضري بصل و طماطم ملح و فلفل و فلفل احمر و كفتة و شوية فلفل حلو و ططماطم مصبرة و تخليهم ختى لي يطيبو تكونشوية المرفة عافدة خليها تبرد

حلي العجينة دائرة و فرغي فوقها الصوص و زيتون اسود مقطع و اخضر و فرماج رابي و من بعد رولي العجينة و حطيها في سني و دهنيعا بالبيض و زوقيها بالسانوج خليها تخمر شوية و طيبها في فرن مسخن
فراتان الخضر

فخيدات

طاجين الكباب

رولي الدجاج مع لوبيا صوتي

وصفة الرولي خلطت بين الدجاج و الداند بصح بالدجاج يجي بنين على الداند داند ناشف شوية

المهم تطحيني الهبرة نتاع الدجاج (صدر) و لا داند و تقسمي على 2 وحدة تكون كبيرة على وحدة
في كل وحدة ديري 2مغرف زيت عصير ليمون موتارد ملح فلفل
و اخرة نفس التتبيلة و زيديلها فلفل احمر اما الحار و لا حلو و شوية طماطم مصبرة حتى تاخذ لون الاحمر من الاحسن تديريها في الكمية الصغيرة انا درت العكس مبانش اذا تحبي تزيدي شوية زيتون مقطع انا منحبوش في الماكلة

في ورق بلاستيكي تحلي بيدك الاولة تدي شكل مستطيل حلي مليح متخليهاش غليظة بزاف و فوقها بدون ما توصلي للجوانب زيدي فوقها الثانية لي فيها الاحمر و حليها و تستفي البيض مغلي و من لعد تبقى ترولي و تاعوني بالبلاستيك و تلويها في بابيي اليمينيوم و دريها في مول نتاع الكاك و حطيه في سني غامق شوية فيه ماء سخون يعني طيبيها في باماغي في الفرن تاهدلك تقريبا نصف ساعة انتي حلي شوية من الاليمنيوم و دخلي سكين تقدري هداك الماء لي يطلقو ديري بيه صوص
ديسير بالحليب المحلى


3ضربي 3 صفار بيض+ علبة نسلي يعني حليب محلى+ كاس حليب تقيسي بكاس الحليب المحلى + نصف كاس جوز الهند
ضربي 3 بياض ابيض مع قرصة ملح حتى يصبح كالتلج
و منبعد اضيفي البياض الى الخليط الاول و خلطي بالبطئ
ضعبي الكرمال في قاع المول نتاع كاك او اي مول عندك و رشيه بشوي جوز الهند ثم افرغي الخليط عليه
ضعي مول اكبر منو فيه ماء ساحن و حطي فيه المول يعني في حمام مريم و ادهليه الفرن
خليه يبرد 3 ساعات في الثلاجة و من بعد افلبيه و قطعيه التزيين يبقى لكي انا زينتو بقشور البرتفال المعسلة

الصراحة يجي لذيذ بزاف
بوراك بالعجين



فيلي د صول مشرمل

[رونق الروح]

ديسير بدانات شوكو كرمال



سخني نصف لتر من الحليب مع الفاني
ضربي 3بياض بيض مع قرصة ملح كالتج
ضربي 3 صفار بيض مع 4 مغارف سكر مع 2مغارف نشاء
فرغي الحليب على الصفار و حركي و رجعي الكل فوق النار و حركي حتى يتقال شوية

بعد ما يتقال نحيه من فوق التار و قسميها على 2
وحدة ضيفيلها 2 علب دانات كرمال و خلطي مليح وزيديلها نصف كمية البياض البيض لي طلعتيه و حركي غير بالعقل باش ما يهبطش
و الاخرى زيدي فيها شوية كاكاو و 2 علب دانات شوكو و لي بقالك من بياض البيض

و حطي في قوالب نتاع الكرمال و من فوق نتاع الشوكو
و زينتها بشنتيي بالكاكاو و عنب و كوكاو ايفلي

و دخليها الثلاجة على الاقل 3 ساعات
ومزال الكثير من المطبخ الجزائري
انا بستنى ردودكم

[ام صفاء]

يسلمو الايادي رونق يعطيك الصحة

[رونق الروح]

[quote=السماح;1925178]مشهية جداااا
مشكووورة غاليتى[/quote
نورتي صفحتي يالغاليه