دردشة حوامل دولة الجزائر- تجمع بنات الجزائر

AMAL JADID · 10-19-2011, 06:55 PM

اقتباس:

المشاركة الأصلية كتبت بواسطة ام صفاء

اه صحة تعيشي ختي
انا الطبيبة قاتلي نحي الحمل من راسك كامل 3 شهر وحنا ننظموا فالدورة نقولك الصح انا خفت نشرب الاعشاب بصح كي يعطوا نتيجة دوك نشريهم والقسط الهندي وقتاه نبدى نشربوا

قولي الاول دوره تاعك منتضمه ؟ و لا نص نص و وقتاش تجيك ولا لازم دوا باش تهبط

انا دورتي كانت كل 30 يوم مديرش تاخير و تهبط عادي حتى انا مكنتش نشك تكيس

نعطيك برنامج على حساب واش تقوليلي

ام صفاء · 10-19-2011, 06:58 PM

انا كي كنت jeunefille كانت كي نزعف تتاخر وكي تزوجت تخلطت مرة 28 يوم مرة 30 يوم ومرة بالتاخير نص نص كل مرة كيفاه

ام صفاء · 10-19-2011, 06:59 PM

انا لقاتلي 23 كيس فالايمن و23 فالمبيض الايسر اه الطبيبة الاولى قاتلي البويضات صغار اما هدي 2 ماهدرتليش كامل عليهم على البويضات

allmaza · 10-19-2011, 07:02 PM

خلي نبدلو الديسك تع الحمل صفصف
هيا واش شريتو روبة تع العيد

AMAL JADID · 10-19-2011, 07:05 PM

اقتباس:

المشاركة الأصلية كتبت بواسطة ام صفاء

انا كي كنت jeunefille كانت كي نزعف تتاخر وكي تزوجت تخلطت مرة 28 يوم مرة 30 يوم ومرة بالتاخير نص نص كل مرة كيفاه

لالا مارهيش مخلط بزاف شوفي للزعاف و العصاب اشربي تلبينه النبويه تلقايها عند لعطار

كي تجيك الدوره اشربي بردقوش لده قبل التبويض و متزيدش على 20 يوم
اشربيه مثلا 10 ايام من اليوم الاول للدوره باش ينقس الالم و بنضف الرحم و ينضم هرمونات انا شربتو من اول يوم مغرفه صغيره صبح و مغرفه عشيه يساعد على النوم بصح متزيديش على مغرف صغير يعني مره صبح و مره مساء لمدت 10 ايام
والقسط هندي مرتين مره صبح و مره عشيه كل ايام وروحي للطبيبه بعد شهر ورديلي لخبر و اشري الماء بزاف انا شربت كنت نحط القرعا قدامي و كولي العسل وقت التبويض حبسيه لخاطرش حار على الرحم و كولي الزبيب ينشط التبويض
القسط الهندي مذكور في الطب النبوي و عندو بزاف فوائد و ربي يشافيك و متتقلقيش

AMAL JADID · 10-19-2011, 07:07 PM

اما مزال مشريتش معلاباليش واش نشري

ام صفاء · 10-19-2011, 07:09 PM

خلاص انا اليوم راني في 4 ايام الدورة دوك نقول لماما تشريهولي وتجيبوا وانتي فرايك نشرب مانع الحمل ولا كيفاه والله غير حصلت

AMAL JADID · 10-19-2011, 07:10 PM

اقتباس:

المشاركة الأصلية كتبت بواسطة ام صفاء

خلاص انا اليوم راني في 4 ايام الدورة دوك نقول لماما تشريهولي وتجيبوا وانتي فرايك نشرب مانع الحمل ولا كيفاه والله غير حصلت

انا قتلك تجربتي انتي ديري استخاره
منين انتي بالضبط؟

ام صفاء · 10-19-2011, 07:12 PM

انا من الجزائر العاصمة

AMAL JADID · 10-19-2011, 07:18 PM

اقتباس:

المشاركة الأصلية كتبت بواسطة ام صفاء

انا من الجزائر العاصمة

لوكان تشربي مانع الحمل مع الاعشاب هذو مراحش يخدم خدمتو خاطرش هما لزوج ينضمولك الهرمونات و مانع الحمل يحبس هرمونات باش ميصراش تبويض و بالتالي يتوقف نشاط

تسما الا قررتي تشربي مانع الحمل متشربيش الاعشاب و ماتاكليش منشطات و اذا شربتي دوا السكر تقدري ترفدي في هذاك الوقت و كاين الي رفدو بصح يفشل و يشين و يعيي و اذا قررتي الاعشاب وقفي كل الادويه

قالولي على طبيبه في حجوط ممتازه انا راني رايحا ليها تحبي نمدلك رقم تاعها

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع بنات النعيريه أو اللي مقيمه فيها	زوزي	إستفسارات حوامل من الشهر السابع إلى الشهر التاسع	4	07-26-2012 07:05 AM
هنا تجمع بنات حائل ورفحاء وحفر الباطن	نجوووله	إستفسارات حوامل من الشهر السابع إلى الشهر التاسع	25	03-25-2011 03:54 PM
تجمع بنات قطر لاطفال الانابيب	أميره بكلمتي"	منتدى أطفال الأنابيب	3	10-06-2010 07:06 PM
تجمع بنات الكويت ؟؟؟ فديتكم وكل البنااااااااات	ام امونه	إستفسارات حوامل من الشهر السابع إلى الشهر التاسع	14	06-16-2010 06:38 PM
::ازياء حواامل::	بنووتهـ كيووتــ	الموضة و الجمال	8	05-17-2010 03:59 AM