تجمع اللي بيولدون في شهر ذو الحجه

عسله · 10-18-2011, 08:25 PM

من ناحيتي ماسكه ع موية زمزم والمشي واولاً واخيراً موكلتها ع الرحمن الرحيم

حلا جدة · 10-18-2011, 09:08 PM

كيفك عسله ؟
الله ييسرلنا يارب
خلصتي تجهيزات البيبي ولا باقي لك شي

لياليـ · 10-18-2011, 10:46 PM

السلام عليكم

مراحب كيفكم

مشاعل الدوسري · 10-18-2011, 10:59 PM

السلام عليكم ليالي
هلا والله كيف حالك

حنا حالنا شكله من حااالك الموضووع الطبيعي عند الحوامل تعب شوي و ملل
و و و و و و الخ...

انشالله بس تكونين بخير و الله يسهل عليك و علينا يارب

لياليـ · 10-18-2011, 11:00 PM

ع فكرة الثوب للطفل اول اسبوع مهم
علشان يلتئم السر

لياليـ · 10-18-2011, 11:02 PM

هلا والله شعوله الله يكون بالعون

يالله راح ننسى ان شاء الله التعب بعد مايشرف النونو بالسلامه

اجوان · 10-18-2011, 11:19 PM

كيفكم مامات؟؟؟

طفشانه من يسولف معايا؟؟؟

لفتت نظري شغله..
مشاعل ماشاءالله عليكي تطبخي كل يوم وحماس وتنظفي يالله ماتتعبي انا الطبخ من زمان عنو خلاص اهل زوجي يرسلو والعشا زوجي يعملو ساندويتش جبن او اي شي وبس ,,ريحي نفسك ودلعيها لاحقه عالكرف..

Dado · 10-18-2011, 11:33 PM

ياحليلكم والله يعينكم ويسهلكم يارب
انا رايحه اشوف نونتي عندو اليوم فحص العين
ادعولي تكون النتايج سليمه مررره خفت من كتر ماقريت عن عمى الخدج

مشاعل الدوسري · 10-18-2011, 11:34 PM

ليالي ايه صح الاثواب هذي هي اللي شريت منها انا 5 و 3 مهادات أشتريت عن الخاطر و امي هي اللي أشترت الباقي ماخسررت شي للبيبي

لانه مو وقته نشتري اشياء كثيره تتخزن على الفاضي

بوقتها لو كل شهر نشتري 4 او 5 قطع ماراح تكون ملابس النونو غاليه

اجوان تتدلعين انتي ههههههههههههههههه كل وحده فينا تختلف عن الثانيه
بلتعب و بلتحمل و بلنفسيه

انا اطبخ و الخدامه هي اللي تشيل السفره و تحطها
و بس

أنا مااعرف و ما أحب طبخ الخدامات

و أصلن ماأطيق الخدمات
الله يعين بعد النفاس بكم شهر بوديها مااحب تكون عندي خدامه بلبيت ماأخذ راحتي
لا بلبس و بلبيت عموما

عاد أمي بتزعل مني و معترضه تقولي لازم الخدامه بلبيت

و انا ماابيها و انا اسلك حق امي اقولها ايه صح بخليها عندي لمدة سنه
هههههههههههه

مشاعل الدوسري · 10-18-2011, 11:41 PM

لان انا متزوجه واحد كان متزوج و عنده ولد
فا امي خايفه اني اتورط بلاهتمام و النظافه
لكن الحمدالله أنا ربيت ولد زوجي بطريقه تريحني و بطريقه تنفعه للمستقبل
يعني لما يفصخ ملابسه يشيلها و يحطها بسلة الملابس الوسخه لوحده
و لما نرجع من بره يفصخ الجزمه الله يعزكم و يكرمكم و يحطها بمكانها
يعني معلمته كيف يساعدني و يساعد نفسه
حبيبي اذكر مرره من المرات يوم كنت حامل بلشهر ال3 او الرابع كنت تعبانه تطريش الله يكرمكم و حالتي صعبه
راح جاب لي مناديل و الماي
و مخده لاني كنت قاعده بلحمام على الارض
هنا قعدت ابكي يهبل هلولد هههههههههههههههه
و لا بعد ماقمت و رحت قعدت بلصاله راح المطبخ جاب لي فطيره و عصير من الثلاجه
و قعد يواسيني

و يقولي تعبانه ماما

حبيبي فديته الله يخليه لي انشالله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الحوامل اللاتي سيلدن بشهر رجب 1432	يالبيه ياانا	إستفسارات مرحلة الولادة	13690	07-03-2011 03:39 AM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM
تجمع الحوامل الاتي سيلدن في ذو الحجة	بيوني	إستفسارات مرحلة الولادة	3806	01-09-2011 10:00 PM
تجمع الحوامل الاتي سيلدن شهر 5 (صحبه طيبه )	مرمر احمد	إستفسارات حوامل من الشهر السابع إلى الشهر التاسع	1	11-29-2009 02:27 AM