كل اللي أقوله و اشوفه و اتخيله و احلم فيه يصير ..!!

[مشاعل الدوسري]

السلام عليكم ..

كيف حالكم انشالله تكونو بخير


ممكن تقولون اني موسوسه ابالغ لكن كل اللي صار معاي حقيقي

مشكلتي اغلب احلامي اللي تخصني بتتحقق
لا اله الا الله و سبحان الله

لدرجة اني رحت لدكتور نفساني و قلت له قصة حياتي كلها
اي شي اقولها يصير احلم فيه يصير لدرجة اني صرت انطوائيه ..
و محد كان يدري ليه انا صرت وحيده و ما احب اطلع و اخاف و هيك شغلات ..
كنت اخاف من صوتي الداخلي و من تفكيري و ما افكر عشان كل شي كنت اقوله يصير
بقولكم كذا موقف ..
احد المواقف مع زوجي :
مابالغ يا بنات زوجي قبل لا يتقدم لي ...

كنت اسمع من خالته انه يدورون له على وحده و راح لبنت عمه و قلت ماراح توافق
و جاء لبنت عمي و ماوافقت في اليوم اللي هي شافته و ارفضته انا قاعده معاها و اقول
بخاطري بيجيني و بوافق و اضحك و اقول حق نفسي تخيلي بس تصير
قويه لو صارت ..
طبعا قلتها بيني و بين نفسي ..
بعدها ب 5 ايام اتصلت خالته على جوالي كنت نايمه قالت لي جبت لك
عريس صرت خطابه قلت لها و انا امزح خلاص خلي يجي انطره موافقه هههههو رجعت كملت نومي انا على بالي تمزح لان هي من النوع اللي دمها خفيف حقت مقالب و مزح و حرركات
لما صحيت من النوم قالو خلاص بعد بكره بيجي ..
جاء لبيتنا مع خالته و خطبني ..

احد المواقف الثانيه :
اذكر مره كنت قاعد اذاكر و كنت بغرفتي قلت لروحي الحين فلان بيطلع من الدوام
و بيجي لامي ببدلة الدوام و بيخطبني و امي بتكون نايمه و منسدحه بلصاله ..
في نفس اليوم جاء و ببدلة الدوام و خطبني و انا كنت واقفه على الدرج و شفت المنظر تتوقعون شنو سويت ...
رررررررررررررررررررررركضت رحت الغرفه و انخشيت بلدولاب .. اهم شي الدولاب هههههههههه

و قاعده اقول حق نفسي ماصارماصار ماادري ماادري لا لا لا بعدها
قررت اروح لطبيب نفسي..

و الدكتور شرح لي و طمني قالي كلام علمي و كلام بلدين .. ما تذكره كله لكن الاهم بقوله..

الكلام العلمي ان اذا الشخص كان مرتبط مع الواقع اللي هو فيه
يعرف كل شي بيصير له أو يحس او يتخيل او توصله على شكل احلام ..
مثل بعض الاشخاص
كانو يشوفون السماء يعرفون ايش بيصير ايام اجدادنا
ما كان فيه علم فا من النظر بعضهم فطره من عند الله
يعرفون ايش بيصير .. بتمطر بتغبر بيصير رياح ..

كلام في الدين قالي انتي ربي معطيك هلنعمه يا انك تتعاملي معاها بشكل طبيعي او
انه بيتحول الى هوس و مرض عندك خوف من رؤية المستقبل
و كلام كثير بس حاليا هذا الاهم و اللي اتذكره ..
و من بعدها صرت امنع نفسي من التفكير و اقول الليربي كاتبه بيصير..
و صرت التزم بلصلاتي و احمد ربي على كل لحظه اعيشها و و و و لدرجة اني
حسيت بمدى قوة ايماني بللي قاعد يصير .. معاي من تخيلات و كلام اقوله و احلام و الخ ..
حاليا مشكلتي ما تعتبر مشكله كبيره لكن ممكن تكبر

لو ركزت فيها و ممكن تكبر لو اهملت فيها ..

حلمت اني حامل و حملت

حلمت اني بجيب بنت و شكلها بلضبط نفس اللي بلحلم جات ..

حلمت بتحذيرات من امور في الحياه ان في حد بيضرني و بيخرب حياتي و بلفعل..

و اللي جنني أكثر كذا مره احلم و يتحقق الحلم نفسه
كل مافيه من ملامح يتحقق قدام عيني

يعني مثلا كان حلمي اني بروح زواج و شفت كل وحده ايش لابسه و كيف كان شكلي

اصحى من النوم و لما اروح الزواج نفسه
اللي بلحلم بلاشخاص بلملابس بكل تفاصيله ..
فا لما كنت احضر مثل هلمواقف اوقات اخاف و اوقات اقول عادي هههههههه

على فكره محد يدري اني كذا الين اليوم بس قلت لكم هنا و قلت حق زوجي كذا موقف و ماصدقني ههههههههه يقولي تبالغين يتهيا لك..

عموما المهم الحين ..

من فترة 3اسابيع تقريبا
و 3 مررررات حلمت ان في وحده تتلصق بزوجي تتفيقر عليه و
تحاول تتكشف و تسوي اغراء بس بطريقه غير مباشره و
تسوي نفسها المظلومه
تحاو تتودد لكن بطريقة انا المسكينه ما لي حد محد فاهمني
و زوجي بلحلم كان متعاطف معاها و يبي يحل مشكلتها ..
اول حلم ماكانت جنبه بعيده عنه بس تحاول تظهر نفسها ثاني حلم ..
كانت قريبه منه و هو راح لها و كان واقف معاها
عشان يفهم شنو محتاجه و هي تجي بحضنه و انا احاول ابعدهم
عن بعض و اسحبه منها
و اقولها خلها كذابه بلطقاق مافي فايده كان يشيل يده مني و يمسك فيها
ثالث حلم خلاص شبكت فيه و كل ما احاول أوصل لها عشان
ابعدها ما كنت اقدر
و بلحلم اقول حق امي شوفيها خليها تتستر و تبطل مياعه و تبعد عنه
كانت بنفس الوقت اللي تتقرب فيه من زوجي و تسوي نفسها المسكينه بطرف عينها نظره
ممكن اقول عليها انها تقهرني كانها تقول ماراح تقدرين تغيرين شي هو مصدقني
و كل ما اقرب منها عشان ابعدها ابدا ما اقدر اوصل..


بعد يومين من 3 احلام المتواصله تتصل طليقة زوجي على اخت زوجي و تقولها
زوجي طلقني و مايبيني و انا قاعده أشيل ملابسي..

أول شي جاء في بالي مافي وحده زوجها بيطلقها تدق على اهل طليقها و تخبرهم و تتعذر منهم و تقولهم انا متندمه و و و و و و و مشتاقه لكم تخيلو قالت كذا .. اللي بتتطلق و تلم ملابسها تكلم اهلها صحبتها بنت عمها بنت خالها مو اهل طليقها خير

أتصلت ام زوجي و بلغت زوجي بلموضوع و هو قالي .. و يقولي حالها ابد ماراح يتعدل لكن مع نفسها هي طريقتها دايم غلط و اختيارها و اسبابها لاتأخذ القرار هو اللي بيدمرها و متعاطف معاه كان

فا قلت الله يعينها شده و تزول ...


سرررحت و قعدت افكر بأحلامي رحت
في عالم ثاني و افكر هل الحلم يقصدها اني انتبه منها يالله ايش اسوي ..


كنت ناويه اقعد بيت اهلي 3 شهور ..

بعد ما دريت انها تطلقت و مستحيل ترجع قلت ماراح اروح بيت اهلي ..
و قعدت في بيتي ..

و بنفس الوقت تعوذت من ابليس و صليت و استغفرت و شلت الموضوع من بالي ..


بعد كم يووووووووووم القاء على صفحتي بلفيس بوك طلب صداقه ..
ما انتبهت للاسم مضبوط ..

قبلت و اكتشفت انها طليقت زوجي ...

و رجعت تذكرت الحلم قلت ايوه هذا تفسير الحلم تتلصق و تشرح مشكلتها و تقولنا بخبر طلاقها و شوي
على الفيس بوك خفت اكثر و قلت لزوجي انها طلبت مني صداقه على الفيس بوك ..

و ربي كنت افكر و افكر قلت حق ايش اذبح روحي

وكلة امري لربي و شلت الافكار من بالي و قلت حرام اظلمها هي مازالت على ذمت رجال ..

حرام علي اني اظن فيها ظن السوء ..

قلت اللي ربي كاتبه بيصير و لكل حادث حديث ..


المشكله الأكبر أن أهلها لهم علاقه بلسحر و الشعوذه و الخ .. ما احط بذمتي


لان هي معترفه حق زوجي ان امها تعرف توصل حق هلناس عن طريق جدتها..

فا كل اللي احاتيه هل ممكن في يوم من الايام هي تسحر زوجي مو شرط هي جدتها امها يسون سحر عشان يرجع لها
بسم الله عليه .. ما ابي اتفأل بلشر

ما ابي احطها براسي من هلناحيه لان لما تزوجنا ..

زوجي انسحر الله و اعلم من مين ما نبي نحط بذمتنا شي

بس مبدئيا محد له مصلحه انه يسحر واحد مثل زوجي
لكن ما تمكن منه السحر لانه يصلي الفجر بموعده ..
و معروف اللي يصلي الفجر بموعده محفوظ طول اليوم من كل شر ..

لكن انقلب الى وسوسه .. كان فترررررررره طويله يوسوس ..

و انا بوقتها اللي طيحتني العين و يوم جاء الشيخ قراء علينا احنا الاثنين..
و قالها السحر كان حول بيتك او في بيتك مدرري شي من هلقبيل لكنه
ما تمكن منك لانك محافظ على صلاتك ..

و زوجي بوقتها اعترف لي ان اهل طليقته لهم علاقه و شك فيهم ..

و انا بوقتها ماقلت حق امي سكت لكن ..

قلت حق امي كلام الشيخ و راحت امي اسالت عن سمعت جدتها .. و امها ..

و قامت امي تصارخ على زوجي بذاك الوقت ان انت
تدري ليه ما قلت لنا من البدايه بكره
يسون في بنتي و فيك شي مايسوى عليها
انا لو ادري ان اهل طليقتك لهم علاقه بامور السحر و الشعوذه
كان مازوجتك بنتي و و و و الخ

حتى بفترة زواجي الاوله قد ايش كنا متضايقين و طول الوقت
أمي تحتينا
ما ارتاحت الا لما طليقت زوجي تزوجت ..


و الحين تطلقت الله يستر عليها و الله يبعدها عنا .. ما في وحده
تتمنى ان وحده ثانيه تشاركها زوجها ...



قلت لكم مخاوفي و افكاري و احلامي و تفكيري و و و و

لكن ودي تنصحوني و استشيركم بوضعي ..




ودي الكل من اللي يقراء يذكر الله .. لا اله الا الله .

[sweet moon]

مشاعل الدوسري

يمين بالله كانك تكلمين عني

فعلا كنت متوقعه هالحاله مجرد هاجس ومحد يمر فيه

الشي اللي افكر فيه يتحقق مهما كانت صعوبته مجرد اني اتخيله بضحك

القاه صار بالواقع لااراديا

ذكرتيني بمواقف كثيره مثلك خلتني اتاكد ان حالة التفكير والخيال تصير بعدين حقيقه

في مره من المرات سوا احد من الجماعه حادث وحزنت بيني وبين نفسي

وجلست اقول يالله لو يصير حادث لنا كيف بيصير موقفنا

واعوذبالله من الشيطان الرجيم اليوم الثاني صار لاهل صاحبتي حادث مروع واحنا مسافرين سوا

الله يرحمنا برحمته بغى قلبي يتوقف

لكن الحمدلله مافي جثث وهاذا المهم

جلست افكر وقلت معقول هالكلام واتعوذت من ابليس

وامور كثير مجرد ماتخيلها او اتمنى اعيش هالشعور

سبحان الله يتجسد بالواقع قدام عيوني

________________________________

طيب انا كيف اتفادى هالشيء

كل ماتخيلت شي سيء لي ولا لاهلي اتعوذ من ابليس واستغفر

واحاول قد ماقدر اصرف تفكيري عنه عشان ماشوفه بعدين بالواقع

خصوصا لاكان شي مشؤوم

مرات افكر بتفكير مدري ايش يبغى واجلس اتساءل مع نفسي

كيف ذا يصير وايش شعور ذي والخ

مايجي بعدين الى وانا امر بنفس الشعور سواء محزن ولا مفرح

سواء موضوع يسوى ولا موضوع تافه

فبالاخير يامشاعل اشوف ان هاذي نعمه كبيره من رب العباد

+ اذا فكرتي بشيء شين لاتفكرين فيه كثير واستغفري وحاولي تنسيه

مؤلم لاصار بالواقع ومريتي بشعور الالم وتذكرتي تفكيرك وتخيلك

[تاج الوقار88]

السلام عليكم
حبيبتي احمدي ربك هذي نعمة بس المهم مثل ما قال الدكتور ما تخليها تسببلك حالة هوس و حاولي على الاقل تتناسينها و تقربي الى الله اكثر و اكثر و دائما رددي في بالك فكرة القضاء و القدر لانها تحاول تنسيك و اقراي كتب من هذا النوع و الله المستعان لا اله الا الله محمد رسول الله.عليه الصلاة و السلام

[ام sara]

والله كنك تتكلمين عني انا حسيت اني بجيب بنت وتكون مريضه وسبحانه وتعالي
ودام احس في اشيا وتصير بس منجد في اشيا مرات بتضحك مثلا مره كان ناقص البيت خيار والله يبنات صادقه ودخل علي زوجي وبيده خيار فقط لا غير وجتني ضحكه هستيريه كثير اتمني اشياء ويجيبها زوجي بدون ماطلب شي هههه توقعته توارد خواطر بس انا احس الصادق مع نفسه يمر بشيا كذا انا طبعي ماتحرج اقول مخطيه ومهما كان العقاب

[(ملاذ الروح)]

حبيبتي انا كمان عندي هالحاله
قالو لي انو الانسان من لما يكون في بطن امه ربنا بيمرر عليه شريط حياتو عشان كدا عقلك الباطن بيهأيلك انك عشتي هالاشياء قبل كدا او حلمت فيها طبعا العلم عند الله وحده
حبيبتي هي نعمه من الله بس لا تخليها تتملكك وتاخذ تفكيرك وتكون ليك هوس

[عمري فداء ولدي]

مثل ماقالوا خلي القضاء والقدر في بالك ولا تخااااااااااااافين من طليقة زوجك ولامن السحر ولا من اي شي ثاني خلي رب العالمين بين عيونك انتي وزوجك وتوكله عليه دائما واحرصوا ع الاذكاااار .. والله يستر عليكم ...

[Miss Rose]

حبايبي اللي يصير معهم الشئ

هذا. اذا جاء مايفرحك احمدي الله عليه

اما الشر تعوذي منه وانفثي على يسارك

ثلاث. حماتي يصير معها الشئ هذا بس

احلامها اعوذ بالله منها مو زينه تحلم انو واحد

راح يموت وسبحان الله يصدق حلمها

الواحد لما يجيه الشئ هذا يكثر من الذكر

والجوء الى الله ومايقول لاحد حتى مايفسر

على هواه. الله يعينكم

[nada tira]

حبيباتي عااااااادي كل الناس هيك بتعرفو ليه مشاعل البيبي لما يكون ببطن امو بشوف حياتو كلها لحد مماتو مدة 9 شهور فبعض المعلومات تتخزن في العقل الباطني سبحان الله فانت يلي بتحلمي فيه هو الي انت شايفتيه وانت ببطن امك فالعقل الباطني بمثلك اياه على شكل حلم او افكار يقضة بس

[مشاعل الدوسري]

يعطيكم الف عافيه على ردودكم و مشاركتكم لي موضوعي..

[ليلى الحلوه]

الله يفرج عنج ويريحج أنا ساعات تييني مثل هالاشياء بس بالنادر بس إلي يخوفني إنه إذا يت إتيي بفتره محدده وبعدين تختفي يعني تييني بالسنه و تستمر عندي أسبوع أو أقل , بس إنتي لا تخافي إلي الله كاتبه هو بيصير وهو شي فعلا ماله تفسير أصلا الاحلام بكبرها مالها تفسير و شي غريب ترومي تحلمين بشخص ميت و تحلمين بالماضي و تحلمين بناس عمرج ما شفتيهم بس شنسوي كل هذا مب بئيدنا , صح إلي يستويلج يخوف ويقلب يومج بس إنتي خلي كل شي على ربج وثقتج بنفسج على طووووول...
و إذكري الله بكل وقت والله يحميج من كل شر...