دردشة حوامل أهل القصيم - دردشة بنات القصيم - تجمع حوامل القصيم

فجر المحبة · 07-18-2011, 03:16 PM

مرحبا كروشات القصيم,,,
اخباركم? واخبار بيبيهاتكم?
ماعليش كان ودي ادخل معكم بس النت عندي زفت وآلحين داخله من جوالي>>> قصة حياتي..
حبايبي حبيت استفسر منكن إذا فيه وحدة ولدت بمستشفى الملك سعود او تعرف احد ولد فيه..
اللي تولد طبيعي كم يخلونها تجلس عندهم? والملابس لازم ملابسهم هم لي ولبيبي ولا عادي من عندي? والاكل عادي بجيبون لي اهلي ولا لازم اكلهم>> لاني مااطيق لبس المستشفيات ولاأكلهم....
ومشكورييييين,,

ام فيصل23 · 07-18-2011, 04:03 PM

اهلين فجر المحبة .. كيفك انتِ؟
انا جربت الولاده فيه وجلست يوم بعد الولاده وكتب لي الدكتور خروج وحماتي اذكرها تقول بنتي قعدت عندهم في الحضانه خمس ايام وتقول طلبت اجلس عندها علشان ارضعها ووافقوا بالنسبة للملابس والاكل عااااااااادي جيبي اللي تبين

فجر المحبة · 07-18-2011, 05:20 PM

مشكوووووورة ام فيصل الله يعافيك ويوفقك..... بس حبيت اسالك كيف الولادة عندهم. .. ولو اطلب منهم دكتوره يوافقون ولا لا؟؟. ماعليش كثرت عليك....

ام فيصل23 · 07-18-2011, 10:09 PM

العفو يالغلا ماسويت شيء

لا ماتوقع يجيبون لك الا اللي عليها المناوبه بس اتوقع اذا موجوده دكتورتك تجي تشوفك انا اذكر كنت عند كمالا هي دكتورتي انصحك فيها اذا موجوده الحين مادري والله بس شوفي راجعي عندها مره روعه

وبالنسبة للولاده عندهم تساهيل بس افضل بكثير من مستشفى الولاده ببريده

لين العسولة · 07-19-2011, 01:24 PM

انا بعد من عنيزة يشرفني انضم لكم دكتورة كمالا روعة مولدتني بطفلي الاول

وادعي ربي تولدني مرة ثانية يارب تسهل عليكم وتزرق كل محروم

محبة الجنان · 07-19-2011, 02:42 PM

مراحب كروشات
أنا توني مسجلة بالمنتدى
عندى سؤال وعسى اللي تجاوب عليه يرزقها ربي الجنة والولادة السهلة
أنا عندى الجنين مقعدي وهالحين داخله بالاسبوع الأول من التاسع
الدكتورة قالت إذا ماتعدل احتمال عملية
وربي خايفه من العملية
طبعا هذه الولادة مو الأولى لي
أبي طريقة لتعديل وضعية الجنين
لأني جربت الحبو والسجود
وماتغير شيء
إذا فيه وحدة ( دايه ) ممكن تعدل الوضعية ببريدة ياليت ماتبخلون علي فيها
انتظر ردودكم ياحلوات
الله يسهل علي وعلى جميع الحوامل ولادتهم

ام فيصل23 · 07-19-2011, 06:14 PM

هلا والله بلين كيفك ؟ نتشرف فيك معنا

محبة الجنان الله يسهل امرك كنت بقولك جربي الحبو كثير جربوه ونفع معاهم ان شاء الله البنات يفيدونك

ام رموسه · 07-19-2011, 07:07 PM

هلا كروشااات وشاخبار كل وحده باسمها
والله يام جنان اني متعرف شيء ببريدة ودي افيديج ستبعد قلبي

غنج حواء · 07-20-2011, 03:02 AM

السلام عليكم اول مره اكتب هنا
انا بكريه وحامل بالشهر السابع ودي اعرف وش احسن دكتورة بالوفاء وش اطلب منه خياطة
وش تجهيزات وين اروح محلات معينه والله مو عارفه شي ابداااا
وخايفه من الولادة كل ليله احلم به.

القلب الأبيض · 07-20-2011, 03:52 AM

أخباركم ياارب سهل عليكم ياارب
http://forum.hwaml.com/t66596.html#post1286865