أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات،
بالضغط هنا.
كما يشرفنا أن تقوم بالتسجيل بالضغط هنا
اليوم وبعد مارتحت من ولادتي قررت اكتب لكم قصة ولادتي
ببنتي ونور عيني__حـــــــــلا__
اولا انا بكرية
اول مادخلت التاسع بديت اكل تمر وعسل وامشي كثير وافكر في النفاس ايش راح اعمل فيه وقلت لنفسي لسسسسسسسسة بدري عليكي الولادة لاني بكرية وكل الناس قالو لي نفس الكلام!!
لمن عديت نص التاسع جاني رغبة اعمل شي لبنتي
اشتريت فلين وقماش تل وغرا وحاجات حلوة كثير وعملت لها مجسم اطفال عشان اعلقها عند باب غرفة نفاسي وكان يوم الربوع
فبدأت عمل المجسم من الساعة واحدة الظههر وماخلصت الين المغرب...تخيلو هذا كله وانا جالسة في الارض وضاااغطة على بطني في وضعية وحدة...من الحماااااس هههه
والبنت تتحرك في بطني كثير وقتها لاني فاعصتها..
الموهم
بعد ماخلصت المجسم وانا هلكااااانه ورجلي متووووورم ..افتكرت ان ام زوجي الله يحفظها جابت لي عسل اصلي ورحت واكلت منه كثير شوية بعدها حسيت بحرارة في بطني وزي الم خفيييييف مرة لايذكر وطنشته..
في اللي قبل ماانام رحت ابول الله يكرمكم ودايما انا بعد ماابول اطالع في المرحاض الله يكرمكم عشان اشوف لو في اي تغيرات في لون البول او افرازات ...
وبعدين طالعت الا اشوف حاجة زي الخيط خفيييف مرة دم..
انا قلت يمكن ويمكن مرة مت خطر في بالي ابددددددا انه سدادة الرحم عشان وقتها استبعدت جدااااا فكرة الولااااااادة,,
ورجعت سريري وبعد نص ساعة كمان رحت الحمام وتبولت برضو لقيت نفس الشي خفت شوية..وخوفي مو لاني اعتقدت انه ولادة لاااااا لاني اعتقدت انه البيبي صار له شي...
وجبت منديل اتاكد ومسحت ولقيت شي وردي وطنشت
وكان اليوم الي بعدع عندي مراجعة عند الدكتورة,,
حطيت راسي وقومت زوجي حبيبي وقلت له نزل مني زي الدم قال في الالام قلت له لا قال خلاص بكرة قولي للدكتورة كل شي قلت طيب ,,
الا وانا بحاول انام جاتني الالام زي الم الدوووورة على خفييييييف وكمان مرررررة ماخطر على بالي انه قرب الولادة او شي,,
طنشت الموضوع
لمن جا الصباح اتصلت على دكتورتي وقلت لها انه نزل مني دم وكذا قالت تعالي على الطوارئ علطول وانا راح اقابلك هناك قلت لها طيب,,,
وبعد ما صلينا الفجر وجات الساعة على ثمنية رحت الطوارئ وكان مافي الالام كثير وجات الممرضة وقالت لي نزل موية قلت لا قالت طيب بطلعك فوق غرفة الكشف اجيب لك عربية ؟؟؟قلت لا مرة لا,,
مافي الالام قالت لازم
قلت طيب والله جلست في العربية وكان شكلي يضحك وقالي زوجي وهو يضحك ,,,احلى يلي مسوي تعبان وما يمشي ,,وضحكنا......فاضي الاخ
المهم دخلوني الغرفة وجات دكتورة مو دكتورتي وقالت انا راح افحصلك بدال دكتورتك..طبعا انا مرة ماهمني
فحصت وكان يدها ماشالله خفيف الله يسعدها وقالت ماشالله فاتحة 2سانتي بس لسة بدري عليكي ارجعي البيت ولمن تجيكي الالام قوية تعالي وقمت وفاااكرين الم الدورة الخفيفة اللي كانت تجيني بدأت تجيني مرة ثانية والالم كان شوية ازيد بس ما حطيت في بالي
المهم رحت على طول عند دكتورتي وقال ها ايش قالولك قلت لها 2 سانتي قالت كويس ماشالله بس انتي بكرية ويمكن تولدي في نهاية التاسع وانتي الحين في وسطهطوقلت لها انا احس بالالام قالت منتظمة قلت لا قالت لاتخافي هذا مو طلق ابدا هذا طلق كاذب الين ما تنتظم معاكي وقتها وانا اتكلم معاها بدأ الالم يزيد لكن شوية ويروح وانا خلاص برمجت في راسي انه مو ولادة وانه طلق كاذب ولازم اتحمل,,
وخرجنا من المستشفى الظهر وكان الالم يجي ويألم لمدة عشر ثواني ويروح فكنت في السيارة اول مايجي الالم اقول ااه واصنم في مكاني الين مايروح ..بس والله الم غريب زي الم الدورة بس حاااد شوية,,
المهم رحنا نتغدا في مطعم وكنت جيعاانه فكنت اكل لقمة وتجيني الطلقة امسك نفسي مرة وانوح والناس تطالع واول مايروح ارجع اضحك واكل ولا كأنه صار شي ؟؟؟عبيطة..
رجعنا البيت ونام زوجي من التعب وانا اتسدحت جنبة وكل شوية الام يجي والله بدأت اصرخ من قوة الام لكن مو بصوت عالي..
وزوجي كل شوية يصحى ويطمن علي وهو كمان مو حايف كثير علي لانه عباله مو ولادة وهو طلق كاذب ومرت العصر والمغرب وانا قفلت غرفة زوجي عشان يرتاح ورحت امشي في البيت رايحة وجاية واتصلت على امي وقلت لها الحكاية راحت تكلمني وصوتها كانها تبكي بس ماتبين وقالت اجيكي قلت لا لاتتعبي نفسي لسسسة بدري وانا راح امشي في الليل وقفلت من عندها
ولمن جا الساعة عشرة اللي خلاااص انا وصلت حدي من الام المشكلة ان الالم يجي مدة كم ثانية ويروح وترتااااحي
فصرت اعض المخدة واضرب الكنب من الالم واضرخ لكن مو بصوت عالي’’
الين ماقام زوجي وجا عندي وقال ها وش الاخبار قلت له والدمعة في عيني خلينا نرجع المستشفى واكشف يمكن اتوسعت شوية قال طيب الا وشوية راح الام قلت خلاص بلاش خلينا نروح نمشي قال طيب ونمر على اخواتي يجو يجلسو معاك يمكن تحتاجي شي قلت طيب
الا وشوية رجع الالم وضرخت لا خلاص وديني المستشفى قال طيب بروح شوية اعبي بنزين واجي عشان نروح قلت طيب,,
والله كل ما يجي الالم كنت امسك بيد زوجي ولا ذراعة واضعط عليه بكل ما اوتيت من قوة ويقول ايوة اضغطي لا تخافي ,, الله يسعده
فراح وامي واخويا كل شوية يتصلو وعرفو من صوتي اني تعبانة وكان اخويا الكبير يهديني وحزن علي قال اصبري معليش الله يقومك بالسلامة ولمن كنت اكلم امي وهي مصرة تجي وانا اقول لا مو ولادة لو ولادة بقولك ولمن تجيني الطلقة اقفل السماعة ماابغاها تسمعني لان قلبها ضعيف ومت تتحمل,,الله يطول في عمرها يااارب
المـــهـــم,,
جا زوجي ولبست روب طويل واخذت شنطة الولادة احتياط وفي السيارة كل ماتجي الطلقة اضرب باب السيارة ووقتها زوجي كان يهديني وانا ما احب كذا وعصبت منه وقلت له اسكت اسكت لا تكلمني لمن اتعب كذا وانا ابكي
وسكت وبعدين جات طلقة ثانية وكلمني برضه صرخت وقلت اسكت وضربته في ظهره بقوة وقال ايوة اضربيني بقوة كمان عشان يروح الالم ,,الله يخليه لي حبيبي والله تحمل مني الكثير وهو صابر ماشالله تبارك الله
ووصلت المستشفى للطووارئ اول مادخلت عرفو اني تعبانه جابو لي العربية علطول وقتها زوجي ضحك وقال الحين رضيتي بالعربية وصرخت وقلت مو وقتك
تحيلة هذا كللللللله وانا ماحطيت في بالي ابدا انه ولادة ع بالي طلق كاذب
الموهم طلعوني فوق غرفة الكشف وكانت الممرضة طبية الله يسعدها وجات دكتورة الله يسامحها مرررة عورتني
وقالت ايه ده انتي فاتحا واحد سانتي صرخت عليها وقلت الصباح كان اثنين قالت واحد اثنين مافرق المهم انه مش ولااادة خاااالص
انتي احتمال تقعدي كذا يومين ثلاثة مع الالم ده بدون ولادة ...والله قهرتني بدا الكلام قلت طيب اعطيني مهدئ قالت مافي مو كويس قلت الله يخليكي ابغى انام شوية انا تعبانة قالت انا ممكن اكتب لك على مهدئ بس ماتاخديه من هذا المستشفى قلت طيب وراحت بعدين راحت والممرضات عملو لي تخطيط في بطني عشان يشوفو قوة الطلق وزوجي الله يحفظة نام جنب السرير ع البلاطة من التعب وكل مايجيني طلق والله صرت اضرخ بصوت عالي انادي السستر وبعدين
,,,,,,,,,,,,,,,,,,,,,,,معليش انا تعبت من الكتابة بنام شوية ,,,,,,,,,,
والله لسة الحكااااية فيها اكشن وحاجات حماااااااس وغرييية .. انتظروووووووووني