بنتي طبيعية ولا أوديها شيخ يقرأ عليها..لان لديها مشكلة خوف غريبة

[سمسمة مجودي]

بنات وأمهات
الله يسعدكم
أنا عندي بنتي حلا عمرها سنتين
هي ابدا ما تحب المستشفى والدكاترة وأذا اضطرينا نروح تبكي وتصرخ من قلبها وبالذات بالذات لا شافت ممرضة فلبينية تجيها حالة مو طبيعيه تصرخ وترتجف من قلبها وماتبغى احد يلمسها ابدا تحزن. .والمشكلة كبرت لأنها بس تشوف احد في اي مكان سوق او مطعم او بيت احد فلبيني او فلبينية تجيها الحالة والله ماتسكت ابدا..قبل فترة كان عندي زواج اخو زوجي اخذتها معايا ولبستها فستان ماحلاه وشياكة وكانت رايقة ولمن شافت الشغالات هناك صرخت قدام المعازيم وتبببببكي وبس تبغى تهرب حتى في حضني ماتبغى اضطريت ارجع البيت.. وانا الحين ماقدر اخرج مكان ابدا اخاف تتعب وتتعقد مع العلم اني احصنها كل يوم مرتين من يوم ماولدت. .
ا..لله يحقق أمالكم ويش الحل مع بنتي قلبي يتقطع عليها

[llmst ahsas]

الله يعافيها ويشفيها يمكن بنتك تخاف من أشكالهم بس يمكن مافيها شئ أو يمكن عندكم شغاله ومسويه لها موقف وتأثرت ولا نسته وإذا وديتيها لشيخ مش عيب بالعكس من باب الاطمىءنان ربي يفرج همك يارب

[سمسمة مجودي]

تسلمي حبيبتي لمسة احساس انتي الوحيدة اللي عبرتي ورديتي
الله يحقق لك اللي بالك ياقلبي

[روزآليندآ]

الله يعافيها ويشفيها

[فاغره]

عادي طبيعي كثير اعرفهم كذه في بنت اخت زوجي الله يشفيها تعبانه فيها القلب وعمرها سنتين وبعد كل فتره تتعب ويودها المستشفى وهناك تاخذ ابر ومغذيات وفي ممرض لابس قبعه صارت اي واحد تشوفه لابس قبعه تنهبل تبكي وتصارخ وتتخبى مره رحنا لها وزوجي لابس قبعه وكان يبي يبوسها غطت وجها وتبكي بقوه ويوم فسخها جلست معه وتضحك وعادي وحتى صارت تخاف من الون الابيض اي احد لابس ابيض تنهبل وفي بعد ولد بنت خالتي صار يخاف حتى من السقف توه 10 شهور اذا امه نومت لوحده على الالاض وشاف السقف يبكي على باله بالمستشفى ويبي امه جنبه دايم ويخاف من اي احد غريب من بعد ما طعموه وسوو له تحاليل جته هالحاله الله يعينك سمي عليها وحاولي توريها انو ما يخوفون يعني خلي مثلا الشغاله تقرب منها وتعطيها حلاوه وتضحك معها وانتي امسكيها قدامها وريها انو عادي ما تخوف وتعطيها لعبه هي فتره لحد ما تنسى لازم تتعبي الاطفال كذه وبعد اخوي زمان يخاف من النور الصغير اللي بالالعاب ينهبل اذا شاف نور باي مكان وبعدين جبنا له سياره وسرنا نعطي ويبكي ويدفها ومناحه صرنا نمسك النور ونضحك ونمسك اصبعه ونحطه غصب ولما شاف ما عوره شي صار عادي ما يخاف خخخخخخخ طولت صح ماعليه بس حبيت اوضح لك اكثر من موقف مر علي

[دافئة المشاعر]

آي خوف ورائه شي مآآ..!
موقف ما.. تجربه ما .. ابحثي عن الخلل ؟
واذا تودينها شيخ خير وبركه ان فيها عرفتي وان لا ماراح تخسرين شي

الله يحفظهآ لك من كل شر يارب

[دلـــوعــه عـــــبوديـ]

انا. توامي يخافون من الفلبينات والشغالات لاتوديها لشيخ ولا شي انتي اقري عليها حتى اذا مافيها شي بيقولك فيه والبنت طييعيه
لاتخافي ياختي

[سمسمة مجودي]

روزاليندا تسلمي حبيبتي عالدعوة الحلوة
فاغرة والله ريحتيني مرة من كلامك الحلو وانشاءالله ادور ع حل وترجع ماتخاف. .مشكورة يالغالية
دافئة المشاعر. .اكيد في سبب وفي خلل وانشاءالله نفكر في حل
ام التوأم..الله يخليلك عيالك يارب وتسلمي

[ام عاصم2]

هي مسالت تعود انا ابني نفس الشي احنا بالخارج وكلهم عيونهم صغيره وكدا يخاف مره صرت اطنشه ادا بكى اضحك له والاعبه ليييييييييييييييين تعود كنت اضحك بالغصب والله بس تعود اللان ونصيحه طلعيه خليه يشوف لناس ويتعود ع الاشكال المتنوعه ههههههههههههههههه

[احلى من العسل]

الله يشفيها
بس بنتك ربطت بين شكل الفلبينيه والمستشفى