دردشة حوامل مصر - دردشة بنات مصر - تجمع حوامل مصر ‏

[*رحمه*]

ايوه يا روووني انا الهيموجلوبين عندي 9 ، بس الدكتور بيقولي احنا الاول بنعمل صورة دم كامله و لو في نقص في عدد الكرات الحمراء يعني معنى كده في انيميا يا اما ناتجه من نقص الهيموجلوبين يا اما ناتجه من نقص الحديد ، فهي عاملتلي تحليل حديد عشان تشوف مخزون الحديد عندي و الطبيعي بيكون من حوالي (60 - 160 ) انا بقى عندي 43 و كان قبل العلاج 18 بس

[Rania Negm]

عنده انيميا تكسيرية يا لولو ربنا يعافيه

كرات الدم الحمرا بتتكسر وبيحصل نقص شديد فى الهيمجلوبين وموش عارفين السبب

من شهر 12 اللى فات كل شوية يحصل نقص ويتحجز فى المستشفى ومتبهدل كل شوية يعملوا منظار عشان يعرفوا السبب وموش عارفين ياقلبى لسه

[*رحمه*]

ربنا يشفيه و يعافيه يا رانيا و يقوم بالسلامه ، قوليلي انتي هتنزلي مصر امتى

[Rania Negm]

المشاركة الأصلية كتبت بواسطة *رحمه*

ايوه يا روووني انا الهيموجلوبين عندي 9 ، بس الدكتور بيقولي احنا الاول بنعمل صورة دم كامله و لو في نقص في عدد الكرات الحمراء يعني معنى كده في انيميا يا اما ناتجه من نقص الهيموجلوبين يا اما ناتجه من نقص الحديد ، فهي عاملتلي تحليل حديد عشان تشوف مخزون الحديد عندي و الطبيعي بيكون من حوالي (60 - 160 ) انا بقى عندي 43 و كان قبل العلاج 18 بس

نورتينى يا دينا والله

شاكرين مهللين

أنا عارفة دى دوامة تخنق

ربنا يعافيكى ياااارب ويتمم شفاكى عااااجلا غير آجل يارب

ياعنى موش هتبدأى معايا ريجيم ؟؟

انا عاوزة ابدأ اول الشهر

نفسى أخس شوية قبل ما أنزل مصر

[نولارا]

الف سلامه على بابا يارانيا
ياولاد دماغى هينفجر
عندى واحده 3 سنين ما بتفصلش كلالالالالالالالالالام
غير القرد بتاعى اللى بيشد فى كل السلوك اللى بتقابله
هقوم اضرب الاتنين دلوقتى

[dr.princess]

ربنا يشفيه ويعافيه ويخليه ليكم يا رانيا
انا مش فاكرة احساس الابوة ده عامل ازاى بس بتهيألى انهم بيبقوا حنينين وكمان بيبقوا سند وظهر كده ربنا يباركلكم فى عمره

[دودى اشرف]

انا جيت تانى معلش قلت اخد الشقة وش بالمكنسة كده

لولو حبيبتى معلش يا قمر هى الولادة كلها متعبة الله يعينك يارب ... بس لو لاقيتى حماده نايم سيبيه النوم افيدله علشان يكبر كويس زى ماكانوا بيقولولى
انا مرة عملتها وعمرلسه مولود ... لاقيته نام كتير اوى ومتحركش,,فقلقت عليه ... قلت اصحصحه شوية علشان اكله وماما قالتلى بلاش النوم احسن من الاكل دلوقتى سيبيه ... هو يا حبيبى كنت مطهراه يوم الولادة وكان مبيصدق ينام من تعب الطهارة .. المهم صحيته برضه ومسمعتش الكلام وقلت ده كلان الناس القديمة نوم ايه اللى افيد ليه .. لا انا هصحيه علشان ارضعه وياريتنى مصحيته يختى .. هههههههههههههههههه .. بهدلنى ومنيمنيش من الطهارة يا حبيبى ... قالولى مقلنالك سيبيييييييييييه ... هههههههههههههههه .. فلما يكون نايم سيبييييييييه يا فوزية هههههههههه

نورا ازيك يا ام موكشة يا قمر وازى منى اختك وابنها ؟؟؟

رحمة ازيك يا جميلة عاملة ايه

[Rania Negm]

المفروض انزل على اول رمضان بإذن الله

لكن ورق فلائوتوس شكله هيأخرنا

الموضوع متوقف على شهادة الميلاد والبسبور والاقامة والتأشيرة بتوعه يخلصوا

[دودى اشرف]

هههههههههههههههههه رانيا انتى مفترية والله ... لبانة يا قادرة ... يا قلبك الجبس يا شيخة هههههههههههههههههههه ... طب معملتهاش ليه دلوقى فى الواد قبل ميصحى هههههههههههههه .. وقللنا التجربة عملت ايه معاكى

[Rania Negm]

ربنا يبارك فيكوا ياحبايبى والله