حبيباتى سيدات ليبيا تفضلو لأعرف ما حالكم

[اوشي]

زعما كيف المتصفح فروسة وكيف انسمعوا

وهل وردة يمكن انها تضيفني للمتسابقات

[اوشي]

فروستي وهدهد وين عدتين

[اوشي]

يابنات اثري ما عتش خشت زعما وقعت في اسر الفارون خخخخخخخ

[dr.loly]

المشاركة الأصلية كتبت بواسطة اوشي

انا اليوم رفعت المربوعة عشان بنزوقها ..

ودار الاولاد حتى هي

ورفعت داري وحطيتها في دار ردينة

وانا بنزوق داري ونشري دار جديدة

نبي اذواقكم يا ذويقات

ماشاء الله ربي يعاون اوشتي..


حتي نا غيرت داري قبل مانجو بعناها مع ان جديده تعتبر استعمال سنة


وانباعت بسعر رخيص الحق .. واللي يجي تعجبه فخمة ومبهرجه
قهويه وخشبها لامع موديل 2012

لكن ياحنة هذا زوجي حلف ماهي راكبه بشقتنا الجديدة .. ايحب التجديد ,, ياخوفي يجي يوم عليا نا ويجددني هههههه مش مره حكيتها لكم ان غير 3 سيارت ف اقل من سنتين زواج
بعد شيرينا السياره قبل مانسافرو بشهر حكيتلكم ع القصه هذه..


عموما زوجي زهد فيها بعد ادهورت نا وياه ف معارض بنغازي خصيصا معرض ارجوان كل اثاته ع الموضه الدارجه التركيه فقط وشفنا دار بجد روعه بالكريستال هي وفي منها لونين ع ابيض واسود ....
وديكورها وحائطها روعه ..


عموما زوجي نسق دار النوم وديكوراتها ع استايل ثلجي ورمادي هادي والسقف ديكوره جبس وزوايا ضي وثريا وناسات كله نفس لون .... درجات الكريستال والفضي اللامع والثلجي..


والارضيه سيراميكه حلوة دارهااا اللي يجي تعجبه نوعها اسبانيه وفيها لمسه لماعه هكي ...

وشبيه نوع ما بالرخام ..





وداري الاولي بجد متحسفه عليها كانت ديكورها ع كابتشينو اللي يعطي لمسة اشراقه هكي
كلاسيكيه وكنت دايره الستاره بيج ع قهوي غامق والطرف الداخلي ذهبي لامع بالفراشات


وفرشه كريمي ع طروف مكرونه فرش ... ووناسات ذهبيات وجووو فخم




بس الجديدة نبو انديرو فرش تركي حريري هذا رووووعه
وطروف بس بم ان سيراميكا اتجنن ونبو استايلها بسيط نوع ما



واستايل الكلاسيكي بنديره ف مربوعه و دار مقعد

دار مقعد كانت فضي في الدمي برضه روعه هالخليط بس طاوله خوديها قزاز مائل رصاصي وفي حاجات خيال ونسقي مثلآ فرشه تحت رمادي بلمعه وفوقها قطعة دمية كيف ماكنت دايره

وستاره كنت واخدتها من سيداار ف شارع دبي بنغازي ع لونين


وتحف طبعا محتفظه بهن .. لانه خيال اسمهن الزجاج المكسور وكان بلونين دمي لامع وفضي


وينغيرها بعد انروحوا ان شاء الله نفس استايل ماما المفضل عسلي ف قهوي بيش نقدر اندير استايلات خشبيه يمشن ع لون هذا


واحتمال اندير لمسة اولاانج ع صاله .. لان سيرامكتها زي اورانج ف عسلي مخلطة يقولولها ليزرية .. وفيها حائط حجري ... اكيد عرفتيه نفس الجووو اللي نزلته بمشاركتي بمسابقه المنزل



وزوجي بيدير نفسه ع مربوعه .. وبيدير الطوب الابيض لدار النوم..

وطبعا الشاشه ف صاله مغروسه فيه ..


ان شاء الله افكاري البسيطه فادتك شوي

[dr.loly]

انا كنت اندير في عشا عديت وغيرت لفروس لي قامجو النوووم ..
وغسلت اماعين العشا وبرمت ع المطبخ ونظمته وبخرت الحوش وجيت

[dr.loly]

المصحف الجامع | الموسوعة الإلكترونية الشاملة للقرآن الكريم

نزلي مصحف عندك ع جهاز وراجعي منه ...
متصفحك الخاص اديرلك صفحة او موضوع خاص بيك تقعدي اتسمعي فيه
واليوم ساهل اول ست سور لعند الكافرون

دزيلها ع خاص تو اتضيفك..عادي

[dr.loly]

http://forum.hwaml.com/t268160-2.html

[dr.loly]

التسميع يكون كل يوم تخشي وتشوفي المطلوب تسميعهن وتحفظيهن

وتقسمي انك حفظتيها غيبآآ

وتكتبي

وبعدين تراجيعهن ع المصحف وتكتبي الاخطاء شن كانن

[dr.loly]

يوم ممطر كااااااان

[اوشي]

ماشاء الله تبارك الرحمن ذوق حلو كيف صاحبته واكيد بنستفيد