السلام عليكم ورحمة الله وبركاته...
أخباركم؟؟ وأخبار كتاكيتكم؟؟*
إن شاء الله كلكم بخير...
تكفووووون بغيت فزعتكن أبغى أعرف وش هي أعراض الغبطه اللي تجي الأطفال؟؟؟؟
وايش علاجها؟؟؟
لأن خايفه ع ولدي عمره سنه وشهرين *معه إسهال غريب -وانتم بكرامه- لونه مايل للبياض وريحته كريهه😢 >>> اعذروني ع الوصف بس والله غصب عني كاسر خاطري ولدي حبيبي😔....
المهم أنا فيه أحد قالي غبطه وأحد قالي لا إنه الغبطه يجي معها حرارة وترجيع -تكرمون- وقالوا إنه إذا جت للطفل تستمر معه وقت طوووووويل وربي خايفه تكون هي...
طبعا الغبطه تجي من كثرة الأكل وراء بعض..، وانا ولله الحمد مرتبه أكل ولدي ماأخليه يأكل إلا إذا حسيته بدأ يجوع بس قبل *يومين رحت عند أهل زوجي العصر وعندهم عيال ولدهم الكبير وانا كل ماشفت ولدي معه فيشار وعصير وحنا كنا ماتغدينا إلا قبل العصر بشوي،،،،
أدري طولت عليكم بس لاتلوموني والله قلبي يعورني عليه ،،،،،
تكفووون أبغى تطمنوني إذا غبطه ولا لا؟؟ وبغيت له علاج؟؟؟؟