|
علاج الغبطه عند الاطفال
السلام عليكم ورحمة الله وبركاته...
أخباركم؟؟ وأخبار كتاكيتكم؟؟* إن شاء الله كلكم بخير... تكفووووون بغيت فزعتكن أبغى أعرف وش هي أعراض الغبطه اللي تجي الأطفال؟؟؟؟ وايش علاجها؟؟؟ لأن خايفه ع ولدي عمره سنه وشهرين *معه إسهال غريب -وانتم بكرامه- لونه مايل للبياض وريحته كريهه😢 >>> اعذروني ع الوصف بس والله غصب عني كاسر خاطري ولدي حبيبي😔.... المهم أنا فيه أحد قالي غبطه وأحد قالي لا إنه الغبطه يجي معها حرارة وترجيع -تكرمون- وقالوا إنه إذا جت للطفل تستمر معه وقت طوووووويل وربي خايفه تكون هي... طبعا الغبطه تجي من كثرة الأكل وراء بعض..، وانا ولله الحمد مرتبه أكل ولدي ماأخليه يأكل إلا إذا حسيته بدأ يجوع بس قبل *يومين رحت عند أهل زوجي العصر وعندهم عيال ولدهم الكبير وانا كل ماشفت ولدي معه فيشار وعصير وحنا كنا ماتغدينا إلا قبل العصر بشوي،،،، أدري طولت عليكم بس لاتلوموني والله قلبي يعورني عليه ،،،،، تكفووون أبغى تطمنوني إذا غبطه ولا لا؟؟ وبغيت له علاج؟؟؟؟ |
رد: علاج الغبطه عند الاطفال
وعليكم السلآم ورحمه الله وبركاته
الحقيقة انا اول مرة اسمع عنها ماعنديش خلفية عنها ...؟ وان شااء الله يكون خير وربنا يشفيه يااااااااااااااااااارب ....~ |
رد: علاج الغبطه عند الاطفال
يمكن ولدك فيه غبطه علاجه انك توديه عند حرمه تعالج الاطفال وتعطيك علاجه
ويمكن يطلع أسنان اعطيه دلوك الأسنان سلامته مايشوف شر |
رد: علاج الغبطه عند الاطفال
أاسفه مشرفات على الرد ادري الموضوع قدييم بس حبيت افيد الاخوات جميع
أيوه هاذي اعراض الغبطه يكون البراز امساك ابيض او سهال زيتي او اصفر معاه مخاط أبيض والريحه للجميع كريييييييهه والناس تقول الخشه غير والغبطه خير انا عن نفسي اقول هيا هيا من ناحية الاعراض والتعب لكن الفرق هو الغبطه تجي من الاكل الخشه تجي من البرد والاعراض وحده يكون بطن الطفل منفوخ لو طقيتيه خفيف بأيدك كأنه صوت بالون يعرق كثير عند الرضاعه وخاصه عند الجبهه عضلات يدينه بارد مع ان الجسم حراراته عاديه كل شوي يصحى نص الليل يبي يرضع وكأنه مارضع وصدقتي اختي هي تطول حيل انا ولدي انولد معه خشه وهي الغبطه وماراحت الا لما كمل سنه حاولت بشتى الطرق اخر شي اخذت من جارتي وهي مداويه ربي يجزاها خير ونفع معه الدواء والحمدلله راحت عنه لكن الان مهتمه حيل لاكله ولو مافيه شي اعطيه الدواء مره بالشهر لان الاطفال معرضين للغبطه بأي وقت علاجه فيه دواء يلهمه ويشرب بعد شي او يرضع وفيه علاج الخوا جوا تحطينه بالحفاظ اخذته من جارتي لكن مادري وش مقاديره ومستحيه اسألها والان هي نقلت عني وكل فتره بعيده اطلب منها بس انا قلت لاختي قالت اي معروف زمان يحطون خواجوا بالحفاظ للاطفال انتم يااخوات جربوا مخلوط الخواجوا المعروف للشمم يجيك خواءجوا مع زيت زيتون او فازلين ومخلط ان شاء الله ينفع معكم ولا وديه اقرب حرمه مداويه تعالجه لانه راح يتعب كل ماطولت وهي فيه اللي تبي العلاج يااخوت تراسلني خاص والله كلمة رهيب قليله عليه اول ماتحطيته يسويها الطفل (يخرج) ويرتاح والله ماانسى ولدي اول ماعطيته سواها بعد ربع ساعه وقعد يضحك قبل اذا سواها يتقرف ويبكي لكن من الراحه نسى القرف طلعت بلاوي من اول مره وحتى الغازات طلعت ماشاء الله عليه هالدواء اموت وعرف مكوناته بس مستحيه منها وهي تستاهل اللي يعطيها حقه |
| الساعة الآن 01:47 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .