مشاركتي في مسابقة قصة مضحكة بعنوان سفرة وغبرة ووصول بالسلامة

[ريوماتي]

السلام عليم
رح احكيلكم قصة صارت معي وكان عمري تقريبا ١٢ سنة
كان عندنا سيارة فورد قديمة وكان الوالد الله يرحمه دائما يصلح او يعتني بقطع السيارة من بيروت
مرة من المرات احتاج انه يغير مصفاة البنزين فقرر يبدلها من بيروت مع العلم نحن من دمشق قرر الوالد انه ياخدنا معه انا والوالدة واختي يلي بتصغرني سنة ونصف تقريبا ( للعلم ان بيروت او لبنان قريبة على سوريا جدا )
منه سفرة وسيران ومنه اعتناء بمحبوبة بابا يلي هي السيارة
ما إلكون بطول السيرة
المهم لبسنا احلى اللبس وجهزنا امورنا وكاننا مسافرين لاميركا ركبنا بالمحروسة سيارة خانم وانطلقنا
وصلنا لبيروت واحلى ما يكون وفطرنا و اتسوقنا و وووو وصار وقت الرجعة للهوم يعني لبلدنا ولبيتنا
وفجأة السيارة ما عم تمشي ابدا
يا حبيبتي امشي ما في رد
يا حياتي امشي ما في جواب
يا قلبي امشي ما في نتيجة
اكتشف بعد ذلك ان بعد تغيير المصفاة البنزين مغشوش يوجد به شوائب
المهم يعني السيارة ما رح تمشي الا اذا كان الطريق كله منحدر بحيث انه يتدفق البنزين للمحرك ( للآن مالي فهمانة هالجملة شو يعني تدفق وشو يعني بنزين اصلا. هههه )
المهم يا احبابي الطريق من بيروت للشام كله طلوع يعني ما في امل تمشي السيارة إلا بطريقة وحدة الا وهي الرجوع انارييه يعني السيارة ترجع عكسيا
يعني على الوالد الكريم انو يقود السيارة وهو عم يطلع للخلف ( مسكين يا بابا وربي يرحمك برحمته )
رجعنا وياريت ما رجعنااااااااااااا
طول الطريق الرجوع عكسيا والناس بالطريق تضحك علينا وعلى الحدود الحرس يضحكوا علينا واناااااااااا اعيييييييييييط يعني ابكي ههههههه
بعد حين ومين وصلنا الى البيت بالسلامة وانا عم ابكي من الفرح معتقدة اني ما رح شوف البيت ابدا

على فكرة بقي بابا ثلاث ايام رقبته مفتولة للخلف مسكين

نهاية المغامرة او القصة

بتمنى تكون القصة عجبتكون دمتم بالصحة والعافية