فضفضة

[التائبة لله(ام محمد باذن الله)]

السلام عليكم ورحمة الله وبركاته
بنات انا ترددت كتير في كتابة هالموضوع لكن انا هلا رح انفجر مقهورة تعبت بدي ياكن تونسوني في مشكلتي
انا لي تقريبا سنتين متزوجة و اعيش بالغربة مع زوجي و اهله تزوجت في البلد و اجيت على هون كنت عايشة ببيتي انا و زوجي عين الله علينا عمرنا ما تناقشنا او حتى واحد فينا علا صوته على التاني و كنت حسة ان اخوه مو طايقني و اقول لا يمكن انا غلطانة كان يجي على بيتي و ما اخلي شي ما اطبخه و اعطيه ياكل و يشرب و حتى شكرا ما يقولها معلش انا المهم عندي زوجي يكون فرحان و بعدين صار شوي شوي كل مرة جايب اغراضه و جاي رح نام عندكم و كمان ما قلت شي بس كان يضيق علي ما احس حالي مرتاحة و انا لابسة الحجاب يعني ببيتي و طول اليوم لابسته و طول اليوم واقفة في المطبخ وهو هاتي هاتي ما يشبع
قلنا الحمد لله على كل حال و في مرة كنا زيارة لبيت اهل زوجي و كان هو اخوه عامل باربي كيو و ان كنت مع امه فوق فهو ناد علينا على اساس نجي ناكل امه قالتلي اكمل الفيلم و اروح و انا قلت استناها لان كلهم رجال و ما ينفع اجلس معاهم تربيتي ما تسمحلي بعدين هو زعل و قال كله منها ما خلت امي تنزل و بدا صراخ حتى سمعت هي قالت يلا ننزل حتى ما يزعل منا و تناست الموضوع كإنها ما سمعت منه شي و انا كانت الدمعة رح تنزل و هي تقلي كلي لحم روعة و انا آكل و ما اقدر ابلع من كتر القهر حتى زوجي ناداني قالي انا ما رح اسكت لاخي بس خلينا هلا نروح لبيتنا هديته وما خليته يتكلم و رجعت جنب امه كأن شيئا لم يكن
و انا نسيت كل شي و قلت معلش ما له الا اخو زوجي و ما لازم اجيبلهم انا المشاكل
مرت سنة و هو في كل هالسنة مو حاسبني زوجة اخوه حاسبني خدامة عندهم انا اروح كل نهاية اسبوع اساعد حماتي في شغل البيت

و هلا النا شهرين عايشين ببيت حماتي لان بيتنا فيه اشغال و نفكر نبيعه و نشتري تاني المهم انا الي اسبوع كنت مريضة كتير كانت عندي حمى بس كنت ماسكة حالي و كنت اساعد شوي بشغل البيت و لما اتعب اطلع انام و ما في حد سأل عني و في يوم قلت حماتي مسكينة تشتغل لحالها انزل اساعدها و كانت عارفة اني مريضة و كنت نازلة من الدرج و سمعتها تقول لابنها مين فقالها هي الاميرة نازلة كانت نايمة فقالت اسكت اسكت لا تسمع فكملت نزلت الدرج و عملت حالي ما سمعت شي و فضلت مقهورة و ابكي لحالي حتى زوجي ما قلتله

المهم اليوم كان اخو زوجي الصغير عامل عملية و كنت انا و حماتي و زوجي رايحين نزوره بالمستشفى انا الحقيقة ما كنت حبة اروح بعدين حماتي قالتلي انتي جاهزة قلتلها ايوة فقام هو - اخو زوجي الكبير- و قال لا اخي ما بدو ياها تزوره زوجي ما سمعه و بعدين قلت لزوجي خلاص انا مو حابة اروح قالي ليه ما حبيت اقله شي فألح علي و اجبرني اقله فقالي انتي سمعتي غلط هو ما يقصد اللي فهمتيه فقلت حاضر يمكن انا غلطانة بس ضليت طول الطريق و انا زعلانة و ادور على شي عملته بهالسنتين خلاهم يكرهوني ما لقيت شي بعدين زوجي لما شافني هيك قالي شو في انتي ما رح تتهني الا لما تعلق بيني و بين اخواتي و قلي انتي حرة انا ما تزوجتك بالغصب لو بدك روحي
والله كلامه جرحني و لما شافتني حماتي حست انو في شي و قعدت تضحك و تقلي انتم اول مرة تتهاوشو - على قولتها- قوليلي على شو و لو شي شخصي لا تقولي قلتلها شخصي لاني ما احب احد يتدخل بيني و بين زوجي فقالت حتى شخصي قولي و كانت تضحك سبحان الله قلتلها لا ما رح اقول قالت رح يجيكي راكع يطلب السماح قلتلها ليش انتي شفتينا قبل سكتت و ضحت ضحكت سخرية
و الله انا تعبت كرهت حالي و زوجي اللي ما اقدر اعيش من دونه و الله صرت افكر في الطلاق
يا ربي ساعدني
بنات ما عندي غيركم تواسوني سامحوني على الاطالة والله من كثر قهري راسي رح ينفجر

[افنان الحربي]

اقري سورة البقرة كل يوم واستغفري
صدقيني البقرة بتحل مشكلتك
انا كانوا اهل زوجي خصوصي خواته كانن يتمشكلن معه
وخاصه خالته تطلع علي كلام كل شوي
مع البقرة وقراءة الاذكار والاستغفار والصدقة زان كل شي

[mama to be]

مش عارفه شو احكيلك قلبي معك.
بتعرفي انا اللي فهمته انو اخو زوجك عقله صغير او هوا صغير ما بعرف يتصرف
او ممكن ماخذ عليكي كثير بعاملك مثل اخته...مش عارفه ما حكيتي اذا عندهم اخوات بنات.
ريحي راسك هوا بدوا يستفزك ويشوف شو بتساوي... ما دام زوجك بتحبيه وما في مشكله
بيناتكم ما تسألي من اخوه اعملي حالك ما بتسمعي, واقهريه..زوجك مثل كل الازواج ياما سمعنا نفس الحكي
اهم اشي اهلهم واخوانهم..فكلامه لا تخليه ياثر على علاقتكم هيا كلمه وبحبوا يحكوها كل الرجال.
لا تنكدي حالك حبيبتي صدقي ما بستاهلوا زعلك هوا في ناس طبعها تنكد وتسيئ للاخرين.
الله يهون حزنك يا رب ويسعد ايامك

[حياتي توأمي]

حبيبتي ام محمد

خليكي قوية حبيبيتي

اعتقد مشكلتك ليست سبب نهائي للطلاق
تعوذي من الشيطان اللي يخليكي تفكري بهالطريقة !!

حبيبتي حااااااولي قدر الأمكان تتجنبيهم انتي اساساً قلتي راح تبيعي بيتكم وراح تشتروا غيره

يعني مصيرك تخرجي لبيت لحالك
ولهذاك الوقت ربك يفرجها

كبري عقلك
وحاولي ترضي زوجك
وخليكي احسن منهم وصدقيني ربك راااح يعوضك بالخير ان شاء الله

موفقه

[الماسة26]

[التائبة لله(ام محمد باذن الله)]

ربي يسعدكم حبيباتي والله كلامكم صحيح
ما بعرف شو اللي خلاهم يكرهوني مع انو حتى صديقة حماتي المقربة رعلت و قالت المسكينة ساكتة تعملكم كل شي و فمها ساكت و انتم ما تخلوها حتى ترتاح
الله يفرج همي يا رب انا حكيتلكم لاني ما لقيت حدا هون اشكيله همي و حتى اهلي بعاد عني ما اقدر احكيلهم دايما
لو مش من زوجي ما كنت ترددت لحظة في ترك البيت
الله يهديهم و يهديني و يصبرني عليهم

[υм вtℓαα]

ام محمد اصبري خيتي ولومهم عارفين قدرك ماكان استغنو عنك وانتي قايمه فيهم وكل شي
عيشي حياتك الطبيعيه وطنشي اهم شي عليك بزوجك وبس ولاتهتمين لكلامهم
واخو زوجي طنشيه لانك راح تتعبين اخسريهم وراح تشوفين كيف
والطلاق موحل دامكم تحبون بعض ولافيه مشاكل بس سبحان الله دايماا اللي مبسوط لازم ينكدون عليه عيشته
الله يهديم يارب ويصبر كم عليهمم

[فراشة فلسطين]

حبيبتي ام محمد ربي يفرجها علينا وعليكي الدنيا بدها صبر وتتحملي وتنطشي ربي يسعدك ويوفئك وخليلك زوجك انسي واعملي حالك مو سامعه شي خليكي احسن منهم المهم انتي وزوجك تكونوا سمنه وعسل وبالاخر رح ترجعي لبيتك ربي يسر امورك وبفرجها عليكي

[التائبة لله(ام محمد باذن الله)]

مشكورة ام بتولة و فراشة
تعرفوا ان انا و زوجي ندور على بيت تاني و حماتي تدخلت و قالت انا اللي اختار البيت و لازم يكون قريب مني مشان تضلوا دايما عنا و في رمضان تناموا عنا كمان قلتلها اعملي اللي بدك ياه و انا رح اروح عند اهلي في رمضان قالت لا ما رح تروحي و قالت لزوجي لا تخليها تروح
و ما قلت شي والله ما تكلمت و هلا تتبعني و لما تشوفني اكلم اهلي تجي جنبي وتبدا تتحدث معي و ما تخلني اتكلم معاهم و لا كلمة و لما اقلهم مع السلامة تروح هي كمان
و الله ما عاد اقدر اتحمل الحقيقة هما ضلو اكتر من شهر طيبين معي ما اسمع منهم ولا كلمة و سبحان الله بعدين عادت حليمة لعادتها القديمة
بس ارجع و اقول الحمد لله على كل حال

[غادوشكا]

حبيبة قلبي ام محمد
انت الكسبانه .. وما عليك منهم .. كل ما تسمعي كلمه رددي (حسبي الله ونعم الوكيل) .. واحتسبي كل اللي بتعمليه لله .. وانت الغلطانه حياتي مهما سالك والح عليك زوجك لا تحكي شيء في اهله خليه يسمع من غيرك والا ما يجي اليوم ويعرف .. حبيبتي مجتمعاتنا متربية على انه الزوجة تحارب عشان تاخد زوجها من اهله .. بعدين ليه تخربي بيتك عشان تفاهات مصيرها تنتهي .. استمري كما انت عاملة صامتة وثقي ان الله سيجعل لك من كل ضيق مخرجا