ارجوو منكم ان تساعدوني

[نوف لهاسمي]

السلام عليكم ورحمة الله وبركاته

كيفكم جميعاً

صراحه ماني عارف اش اقول واش اكتب

بنت جاراً المسكينه تعرفت على شاب واخذوو مع بعض ما يقارب 5 اشهر يخرجو مع بعض في اشهر مرتين لان ابو البنت انسان مرررره مطووووع
والشاب هذا بس يضحك على البنت لين ما خلها تخرج معاه وكانو يبغوو يتزوجووو بعض بس الشاب ما حصل وظيف لحد ذحين

هذا الكلام الي وصلني من البنت نفسها
المهم
البنت تباااكم تساعدونهااا لانها حامل من الولد بغلط تقول الولد طلعمووويته برااا قدام عيني بس انا حسيت بشي قليل في


وهي خايفه من اهله تحلف لو درا ابوها غير يذبحه
والبنت ذحين دخلت تحفيظ حلفة غير تحفظ القران كامل وتحفظ 200 حديث بسبب غلطتهاا وتبغى المساعده منكم

( تبغى طريق تنزل الجنين )


مع العلم البنت لها شهر حامل
ــــــــــــــــــــــــــــــــــــــــــــــــــ ــــــــــــــــــــــــــــــــــ

البنت صدقت في توبتها
لانها حلفت تحفظ القران و200 حديث

وكمان ساعدت ناس فقرااااء

[أم عائشة]

لاحول ولاقوة الا بالله
استغفر الله العظيم الله يغفر لها
بس اختي اهي بتصلح الغلط بغلط اكبر منه!!!!!!
شذنبه الياهل حرام ذي روح ومالها حق لااهي ولاغيرها تتحكم فيها

لازم تخبر الشاب يتزوجها على سنة الله ورسوله ذي اهو الحل

وانصحج اختي لاتحاولين تساعدينها بتنزيل الياهل لانه ذي بذمتج يصير

الله يغفر لها
اللهم استر على جميع بنات المسلمين

[**سماسم**]

لاحول ولا قوة إلا بالله العلي العظيم ..
مالها إلا تخليه يتقدم لها وإذا رفضو أهلها تقولهم الحقيقه ..
هذي غلطتها عليها تتحملها مهما كانت النتائج ..
أنتي حسبالج تنزيل الجنين سهل حتى لو كان مالها غير شهر ..

[حكاية حلم]

لاحول ولاقوة الا بالله
ياربي والله مصيبه كبيره
الله يستر عليها وعلى كل المسلمات
خليها تكلم هالشاب يتزوجها وربي يستر عليهم
الله المستعان ولاتنسى ذكر الله واللجوء لله ليفرج كربها ويستر عليها

[قطرات ندى]

خلي يتزوجها لانه تنزيل الطفل حرااااااااااااام فاذا نزلت الطفل حرام عليها وانتي تقولين هي تابت لا تساعديها بتنزيل الطفل انا افتهمت اهو خطيبها خليهم يتزوجون تراة ماهي مشكله هينه

[الشوق عطري]

تكلم شااب يتزوجها

لان حراام تنزل الجنين

لو رفضوا اهلها تقووول لهم حقيقه

مو عيب الوااحد يعترف بخطااويه

[رمش القمر]

لاحول ولا قوه الا بالله العلى العظيم
بصراحه مشكله كبييييييره وعويصه بعد
ثاني شي حرام تنزل الجنين لانه تقتل نفس وحرام عليك اكثر انك تشاركينها في قتله
وشفي لو تلفين ودورين على حل مافي الا حل واحد انه لازم تقنعه بزواج
واذا ماقدرت لازم تدخل احد يقدر يتفاهم فبي القضيه من دون علم اهلها
والله المعين انشاء الله