ليبيا غالية ،،، وما تعرفني إلا بالغااااااااااالي~~~~ تفضلوا

[sosolibya]

هلا فروسة سلمك ليا ياحلوة وأكيد لو حابة اضيفيني وأي وحدة عندها فايبر خلو نتواصلوا مع بعض...

[sosolibya]

مساء الخير,,

بالله تطلعلكم حتى أنتم الدعيات البايخة زيني ولا لا ,,,


تعالوا هدرزوا عليا بالله نبي نهدرز ونسألكم على حاجة,,

[sosolibya]

جايني عرس في الصالة ومش عارفة نمشي ولا لا

حااايرة من ناحية اللبس والتصوير زعمه نلبس وشاح وخلاص,,

باهي يللي ماشية لعرس في الصالة تجي تقولي,,,

باهي زعمة يصوروا ,,, ؟؟ وحدة قالتلي إجباري التصوي عشان أمن الصالة والسرقة والجو هذا ,,

باش يراجعوا الفيديو ويشوفو ,,

قصدي مش عارفة الواحد يخاف ,, باهي توا شنو نمشي متحجبة وخلاص ولانبطل...

أنا قبل مامشيتش للصالة ,,

زعمة قولكم نتحجب أفضل حل مش عارفة والله نخمم وخايفة,,,,,,,, وحدة تسأل وتجاوب ,

مرات حق علاش نحرم في نفسي ماهو نمشي وندهور وانا في نفس الوقت متحجبة ,, عادي زعمة ,,

صاحبتي قالتلي عادي هلبة هكي عباية بوشاحها أو قفطان وشاح مثلا ,,

أنا حتى لو بنلبس شنو تسحابوني عريااان لااا لكن معناها قفطان أنيق ,,


وطويل ,,

تعرفوا معاش نحب القصيرولاعاد نشري فيه ,, معاش نحبه شبح ,, خخخخ

مع أني كنت عادي,,

[sosolibya]

هما ملتزمين ,,


باهي نلبس قونة وبلوزة والوشاح تحت الجلباب,, وااااك .,حالة التخميم واحد يريح روحه ومايمشيش أحسن صح ههههه

سامحوني إنفختلكم روسكم ,, ههههه


لا إله إلا الله ,, محمد رسول الله ,,


ربي يطمنا على هدهد,,

[هدية الخالق]

السلأم عليكم كيف حالكم
بارك الله في كل من دعتلي وعطتني نصيحة وسألت عليا بارك الله فيكم جميعا ربي مايحرمني منكم
اني الحمد لله علي كل حال قاعدة الاكل شييييي حتي حاجة تصوروا اليوم قاعدة علي نص طاسة عصير فقططط اللي ناكله نرجعه حشاكم والمشكلة اللي نرجعه نكرهه ااااخ وبس ربي يعيني حتي ريقي معاش قدرت نبلعه وتخيلوا كرهت الثلاجة لما نشبحلها بس نرجع نتخايل في الحاجات اللي فيها ونرجع طووول والامية متخاصمة اني وياها مانطيقش فبها خايفة من المسالك حالة وخلاص حتي امية الوضوء كان خشت لريقي شوية نرجعها طول قاتلي الدكتورة ديريلها نكهيها بليمون والا زنجبيل لكن مامشي معاي شي كان ماكرهتها اكثر نشرب عصير عادي خصوصا فيمتو جي في خاطري نتمني ندوقه من زمان ولقيت منا في محل عربي خديته ونشرب فيه مصقع نعوض بيه شوية
وكرهت الحلو والفواكه واللحم والحليب نحب الحاجة الحارة والحامضة واني حاليا في الاسبوع الثامن معناها في نص الثاني مازااااال المشوار طويل ربي يعيني
عموما الدكتورة وصفتلي حبوب دوخة ساعدوني في سما زمان هلللبة وان شاء الله يهونوا عليا حتي توا لانه بصراحة وحمي هذا أصعبببب من سما نحس في رقبتي نار وتقول مخنوقة لدرجة نبكي ونتصل براجلي نقوله تعال لسما منموت شكلي والله ياخواتي يجوني حالات نتمني في الموت استغفر الله نرتاح من الشعور اللي خانقني
ربي يآجرنا وخلاص
المهم ان شاء الله تكونوا كلكم بخبر ليكم وحشة كلكم
فروسة وسوسو ماعنديش مانع نتواصلوا عالفايبر بالعكي مناااااي حتي تغيروا جوي لو تبوا قولولي نبعتلكم رقمي
سلامي للجميع

[sosolibya]

صباااااااااح الخير ,,


هدهد مقدرينك وضعك والله غالب ,, بس سامحيني بهالكلمة ,, راجلك أكيد بعيد ,, وحتى لو مش بعيد لو بيجيك أكيد بيخلي حاجة وراه ولو ماجاش حيقعد مشغوووووول,,


بالله عليك ماتحرجيش يامجنونة..ً

والله ماقصدي حاجة ,, أكيد بتقولي غير مش حاسين بيا وتفوت عليا لحظات نشوف الموت ,,, لكن الله غالب شن بديري..


وأبعثي رقمك ياحلوة حتى نهدرزو عليك شوية ,ونغيرولك جوك,

حتى فروسة ,, وأي حد ثاني ,,

[sosolibya]

شن غدااااااااااااااااااااااااااااااااااااكم ؟؟؟؟؟

أية وينك تعالي..

[هدية الخالق]

السلام عليكم ورحمة الله وبركاته
مساء الخيرات كيف حالكم اليوم
سوسو لالا علاش بنحرج ممكن معاك حق بس اني مضطرة ونشوف في الموت بعيوني ولما نقول نشوف في الموت بعيوني مش تعبير مجازي لا حاساته فعلا بكل معنى الكلمة ييجوني حالات معاش نلقي في نفس ونحس في صدري نار ونبدأ نبكي بأعلى صوتي وناخد في نفس عميق معقولة نقعد نعاني بروحي وفوق منها وراي عيل يبي اهتمام هذا ربي ماقال بيه
اني ماعندي حد غيره بعد الله اهني هوا اللي ملزوم بيا وواجبه يقعد معاي ويعانيني وطز في الشغل والقراية في سبيل صحتي كله يتعوض واني بصراحة مش ديما انادي فيه أغلب الاحيان نتحمل في روحي ونقول خله يشوف شغله يعني انادي فيه مرررررة مرة لما نكون معاش قادرة ونبي مستشفي
اني عارفة علي قد مانحكي مش حنوصف اللي فيا ممكن لو وحدة توحمت بشدة وشافت الموت زي آية واثري يحسوا بكل كلمة نقوللها لكن اللي ما تتوحمش ديما تحسابنا نبالغوا
سامحيني مش قصدي انك مش حاسة بيا لكن نحكيلك انه كل كلمة حكيتها نقصها ونعنيها بكل معناها ومابالغتش ابدا وربي شاهد وحتي النفسية زايدتني لو كنت جنب اهلي وعويلتي عالاقل كنت أهون شوية عالاقل من الناحية النفسية لكن اهني من اول ما انوض نين اتظلم الدنيا واني ملوحة بروحي ومافي من يهدرز علياويغيرلي جويي وبنيتي سلامتها زايدتني حركية ههللللبة ننقعد نجري ونجيب فيها من اهني واهني ونقول لا وقعمزي واهفتي
وفي الاخير نقولك انتي معاك حق وكلامك فيه وجهة نظر بس الله غاااااالب عليا مضطرة وربي يسهل وبس
وحاضر ياحلوة تو نبعتلك رقمي قريبا انتي واي وحدة تبي
سلام

[sosolibya]

صبااااااااااااااح الخير ,,


كيف حالكم اليوم ,, خيركم وييييييييينكم


توا أية مايعجبهاش جونا وتقول مكسدين ,, هيا تعااااااااالو هههههههههههه...

خلي نهدرزو..

[sosolibya]

هدهودة عزيزتي الغالية ,,, ياااااااااااااااااااااارب معاد تشوفي شىء يكدرك في هالشهرين خلي يفوت وحمك على خير ,,

وتبدي عاااااااااادية كأنه مافي شىء ,, وربي يحفظ جنينك يااارب,,