ليبيا غالية ،،، وما تعرفني إلا بالغااااااااااالي~~~~ تفضلوا

[آية 87]

خولة اهلا بيك وطلي علينا وربي يهني البلاد يارب" هدهد ربي يلطف بحالك يارب والله حاسة بيك و هكي حالي لما نحمل انتِ في ليبيا او بلخارج ؟ فيفي ان شاء الله تجيبي على خير وسلامة يارب وتشوفي بنوتك باحسن حال اللهم امين

[آية 87]

وينكم القروب مكسد هلبا :( !!

[dr.loly]

صباحووووووووو

[dr.loly]

آيــه ربي يوفقك إن شاء الله
في الدراسه والحق نشجعك عليها وبقوه
نحب مرأه يكون عندها تحصيل علمي
لو مافادت به الغيـر تفيد به حتي أولادها\
في دراستهم وتحصيلهم العلمي مازلتي صغيره
وحتجيبي بعد ربي يسخرلكم إن شاء الله
وهو فعلا المنتدى يشجع ع الحمل هههه
نا بروحي كنت مأجله لوقت اطول 3 سنين
بس بعدها قعد يتقلص ل سنتين ونص
من ثم سنه سنتين ههههه
شويه اخري سنه ونص يبقي
بس الحق حتي زوجي مايبناش نطولو ف تأجيل
سنتين اكثر شي قااال ونحن الاثنين\
خصيصا بعد جينا بريطانيا نتعاونوا عليهم رغم ان دراسه
وينوض بدري بس لو كانت تاعبه يمسك هو عادي لو ناض
حد ف ليل والحمدلله الفتره هذه تنظموا واجد بالنوووم
مش نفس اول ماجينا قبل سنه ونفس رمضان اللي فات..


عمومآ نعرفك عليا أختك من بنغازي ومتزوجه في اجدابيا
و 5.6 من الشهر الجاي نسكر 3 سنوات زواج

اول مازوجت الحمدلله ربي رزقنا الحمل طول
وجبت احلي فرااس في شهر 3
دوبه سكر الاربع شهور وصار الحمل الثاني ما كانش ف الحسبان
نهائيااااااا تعبت نفسيتي واجد اول 3 شهور بس بعدها حمدلله
ورزقنا ربي ب آلآء في نص شهر 3 نفس شهر ميلادي وخوها ههه
متفقين ع باتهم ..قيسنا وفروسي توا سنتين وشهرين
وألولي سنه وشهرين
وتوا لينا سنه في بريطانيا زوجي مهندس نفط وخلاص قريب يكمل قرايته
وراجعين لارض الوطن الغالي نص شهر سته وربي يهني البلاد أهم شــئ

[dr.loly]

هدووو ربي كون معاك عزيزتي
مأجوره ان شاء الله
فعلا صعب الوحم الواعر
شفته ف صاحبه اختي
ان شاء الله اول شهور ويعدي يارب
طمنينا عنك بعد تخشي

[dr.loly]

فيفي بتيجك امك او لا؟
يييه انسيت قصة تأشيره ولا دعوه اكيد

صاحبتي ف تركيا تقرا جتها امها ثاتت يوم

عاد تركيا ليبين يخشوا بدون تأشيره أسهل

[dr.loly]

امس لهينا بالتشطيباااات للشحن الثاني
اليوم ان شاء الله الموعد

واليوم مطر قويه م صبح شفت طقس ل ليل هكي

رغم ان زوجي قال نطلعوا ع 9 هكي ع سريع نجيبو نواقص
يبيهن


رغم ان ف الشحن اول ع اساس مافيش غيره قبل هههه

الظاهر بريطانيا كل ماتقعد فيها تشري وخلاص خخخخ

الحق حاجاتهم يسهفن والكواليتي او الجوده أفضل منا



ع سيره الجوده أمسسسس ندور ف حاجه نأكد
بها ان الخطوط البريطانيه وقفت رحلاتها او لا لطرابلس حاليا



لان ردوا في اخر شهر اربعه عموما

لقيت خبر عن رجوعهم قبل سنتين

لكن ركاب 45 نفر بس لازم
قالو هم عشان وقود الطياره لي يجوا به من لندن يردوا به

لان وقود طيران ليبيا لا يتمتع بجوده مواصفات بريطانيا هههه\
اسم الله علينا وخلاص


وكذلك قالو الاكل والمشروبات مايقدروش ياخدوهن من السوق الليبي
بالمطار يعني يديرو طلبيه لهن


لانهن لا يتمتعن بالمواصفات وجوده بريطانيا والخطوط لبيريطانيه!!!!!

لذلك نقدم سندويتشين جبن جاف بالطماطم رغم غلاء تذكره السفر
ع الخطوط البريطانيه........


وفعلا هذا ماشفنا في رحلتنا

بس مع ذلم ماحسيناش بالرحله بكل رغم جوع هههههه

[fefe93]

فيفي ان شاء الله تجيبي على خير وسلامة يارب وتشوفي بنوتك باحسن حال اللهم امين [/color][/size][/font][/QUOTE]

تسلمي اية انشاء الله

[sosolibya]

ألسلام عليكم ورحمة الله وبركاته..


حتى أنا يافروووووووووسة شادينهالي جيبيهم وانت صغيرة جيبيهم وانت صغيرة ,, لحد مابديت مقتنعة نوعا ما ,,,



هدهد الله غالب ربي يهون عليك كله يهون من أجل تشوفي يديه الصغيرة ,, امس نكلم في بنت عمي وحتى قالت عندي شوية غثيان وقلتلها نفس الكلمة فرحت وتشجعت ,,

[fefe93]

المشاركة الأصلية كتبت بواسطة dr.loly

فيفي بتيجك امك او لا؟
يييه انسيت قصة تأشيره ولا دعوه اكيد

صاحبتي ف تركيا تقرا جتها امها ثاتت يوم

عاد تركيا ليبين يخشوا بدون تأشيره أسهل

توا مزال مش معروف لن تطلع التأشيرة لكن ان شاء الله خير و الله خاطري انه اتجيني ان شاء الله يوافقوا الالمان