سيدات ليبيا الحبيبات ..تفضلووو

[هدية الخالق]

السلاااااااااام عليكم ورحمة الله وبركاته
كيف حالكم ياغاليات وحشتوووووووووووني موووووت كلكم
شن اخباركم ان شاء الله تكونوا بخير

[هدية الخالق]

بارك الله فيكم جميعا علي سؤالكم علي اختي وعلي دعواتكم الحلوة ربي يسمع منكم ومايوريكم سو في غالي
عموما هيا كويسة توا والحمد لله مع العلم إني ماحصلتهاش الا مرة وحدة كلمتها عالسريع لانه زوجي كان جنبي يبي يكلم زوجها يباركله فما حصلتش فرصة للتهدريز مجرد سألت علي احوالهم وطبعا زوجها جنبها ماقدرتش نسألها بخصوص وضعها لكن حسيت نفسيتها كويسة وتضحك واختي الثانية تكلم فيا عالواتس قاتلي كويسة توا الحمد لله واليوم جاية لاهلي وبايتة بتحني عندها عرس حماتها الاسبوع الجاي
عقلي معاهم وماعنديش علم إنها جاية الا من خالي لقيته باعتلي عالواتس يناشب فيا قالي ناكل في عصبان يهبل في حوش أهلك ههههههه يسفه فيا علي اساس وقالي فلانة جاية لاهلك ومدايرين عزومة
وخطرها يوم كلمت اختي قالوا كان اديرولنا دعوة نجوكم زيارة وشهر عسل في نفس الوقت فرررررررررحت نين خلاص ياريت والله يصير منها هيا ليها فترة من لما مخطوبة يقوللها منمشوا لتركيا بعد العرس بس اني قلتلها تقنعه انه تجوني اهني نديرلكم دعوة لكن هوا قاللها صعب ومايصيرش منها مانحصلوش لكن شكله اقتنع توا وسأل راجلي قاله كم تكلف التأشيرةوالمصاريف كاملات غادي قاله في حدود 5000 مشي وجي ومصاريف شهر وشكله اقتنع حتي لما نكلم في اختي سمعته يبصر قاللها قوليلهم راهو مش قاعدين في فندق منقعدوا عندكم هههههههه قلتلها معقوووووووولة اوخيتي ليا عامين ماشفتهاش وتجيني زيارة ونطلقها تبات في فندق مستحيييييييل نبي نقضي كل دقيقة معاك وخلهم الرجالة يقعدوا فيها ههههه قاتلي بشرط لما منرقدوا صكري حوشك بالمفتاح من داخل خير من انوضوا ونلقوهم هاربين يهيجوا براااا ههههههه
ااااااااه يارب يصير منها نحس في روحي نحلم ممصدقة

[هدية الخالق]

بالنسبة لسؤالك يااثري عالتصفيح لا الحمد لله اني وياها افتكينا منا شكله في عهدنا فهموا جداتنا انه غلط
لكن اخواتي اللي اكبر منا مصفحات الحق

[هدية الخالق]

جيجي وسوسو وفروسة واوشي واثري وفيفي وجنودة وخولة وام معاذ وينكم مغطسين ان شاء الله تكونوا بخير
اني مريض.ة مرضتي المشهورة زكمممممة قوية لدرجة عيوني يصبوا اكثر من خشمي خديت وصفة اثري الله يبارك فيها امتاع الليم والزعتر مع ماء مغلي وعسل ليا يومين اندير فيها مافيش فايدة وامبكري قر يت وصفة فيكس وقرنفل تدهن بيهم باطن الرجلين ويلتفوا بنايلوا وترقدي بيهم لكن مانحبش نرقد في شخشير وفي نفس الوقت تبدأ الريحة قوية قدام زوجي درتها توا في النهار وخلاص والعشي درت مقطع جااااري وحار ومنكترله ثومة بالك يتصلح حالي شوية نبي تخف حتي شوية لانه غضوة عطلة مانبيش نطلع بالهالحالة مانستمتعش بالطلعة حتي امبكري ضرب جرس الحريق طلعت قدام الباب بس الجو نو وماعنديش جهد ننزل ونسمع في صوت الجارات يهدرزوا ويضحكوا مابيتش نوري روحي لاني باختصااااار مريييضة ومش قادرة حتي نهدرز وعيوني منفخات تقول باكية لين عيانة وعطس وراء بعضه ومتبهدلة يارب اشفيني يارب
والدورة موعدها امس وماجتش ومافيش لا اعراض دورة ولا غير دورة رغم انه لعبت رياضة قوية الاسبوع هذا قفز حبل وغيره هههههه مفروض تجي حتي قبل الوقت بعد هالتنقيز لكن شي مافيش بوادر واحسن عندي تتأخر ههههه لاني مريضة من الاول مانبيهاش تكمل عليا حتي هيا وتزيدني مع إني مانتعبش منها هلبة من لما جبت الحمد لله لكن مهما يكون تأثر حتي عالنفسية والجو يتعكر

[هدية الخالق]

الاتنين اللي فات عزمتني صاحبتي عالغدي جاراتها بيسافروا وحدة راجلها جاي دورة لمدة سسنةوبيكملوا توا وبيروحوا والثانية بتنتقل لمدينة ثانية ووحدة ثانية مروحة لليبيا لانهم ماحصلوش قبول مسامين تشحوروا عالفاضي المهم هيا عازمتهم عالغداء مسكينة هيا حامل وتعبانة وعندها زوز صغار سلامتهم قريب هبلوها متعلقين بيها يبوها مقعمزة جنبهم وبس وتعبت روحها مسكينة ماخلتش مادارت وياريت كلوا نبش بس واغلب الصواني رجعوا زي هما ماتمسوش بكل سخفتني الحق بعد هالتعب قعد زي ماهو اني الحق حاولت ناكل وندوق من كل شي قدر الامكان علي خاطر تعبها عالاقل
المهم دارت كسكسي بالبصلة وطاجين وبيتزا وافخاد دجاج في الكوشة وخبزة ملفوفة وبوريك وعصبان وبراك وكوسا وفلفل محشي وسلايط ومسير ماشاء الله هذا كله وهيا حامل في السادس وتعاني من الوحم وضهرها يوجع فيها
واني الحق مشيت بكري قلت باش نعاونها وفي نفس الوقت بعيدة عليا مادابيا نمشي ونروح بكري درت طبيخة ممكرونةووتيتها للعشي ومالحقتش ضميت حتي الحوش لبست بنتي ولبست ومشيت طول طلعت 11 وصلت 12 خشيت للسوق قريب عليهم خديت تشيز كيك وعصير ومشيت نجري قلت انظني اتأخرت ومنلقاهم قدامي هههههه لما خشيت انصدمت مالقيت حد قاتلي بيجوا الساعة 4 قلتلها تي كيف غدي هوا والا عشي قاتلي لا غدي لكن قالولي منجوا متأخر منطيبوا غداوات رجالتنا قبل
المهم عاونتها في المطبخ وكملت معاها اللي مازاللها ولقيتها موتية البصلة ومرقة اللحم ومازال الكسكسي تستني في وحدة منهم علي اساس بتجي بكري وبتجيبله كسكاسها كبير لانه كسكاس المراة هادي صغير قاتلي مايسدش المهم لما تأخرت المراة امتاع الكسكاس قتلها مشكلة هكي امتا بيطيب الكسكسي لما بيجوا مفروض واتي الغدي وتحطي طول وقلتلها ترا وريني كسكاسك لما شفتها حسيته يسد قلتلها والله الا ساد ومش حيكملوه اصلا مع هالحاجات ماشاء الله المهم حطيته عالسريع وولدها امريض يعيط يبيها مشتله واتصلت براجلها قاتله تعالا خود الصغار طلعهم ماخلوني ندير شي والمراة واقفة في المطبخ بروحها قاللها ربع ساعة بابكثير ونكون غندك فرحت مسكينة وفي الاخير ماجاش حمقت منا حي عليه لما يروح هههههههه
وكملنا اخيرا وهيا خشت نشفت الحمام حشاكم وغيرت حوايجها وغيرت لصغارها وقعمزنا نستنوا قلتلها اني كان فاتوا الخمسة سلامتهم منروح الحق وقت مانقدرش نتأخر حوشي قاعد حايس وعشاي يبي التكميل خليته نص طياب
جو الساعة 5حطتلهم عصير وتشيز كيك وبدت تسخن وتقلي في البوريك واني قعمزت نساير فيهم ونصهم ماجوش لانها عازمة حتي عزوز جاية مع ولدها وعازمة طالبة بنية جاية تقرأ بروحها سحفتني المراة بعد التعب نصهم ماجوش واللي جو متأخرين وخشوا ايديهم فاضية وقالت في وحدة منهم دارتلنا عزومة اليومين الي فاتوا وجوها كلهم بكري عاونوها وكل وحدة جابتلها اكلة من حوشها وتوا اغلبهم اعتدروا واللي جو قالوا تأخرنا نحسابوا العزومة عشي!!!!!وهيا عاطيتهم علم انه غدي
المهم نبشوا نبشتين وقالوا الحمد لله وناضوا شكيت فيهم متغديين في احياشهم واني الحق نضت استادنت لانه كانت الساعة وقتها ستة ونص تأخرت قبل خاطري نعاونها في الماعين لكن االله غالب مضطرة نؤوح يادوب نلحق سلمت ولبست وحطيت بنيتي في العربة وانطلقت والباص تأخر للسبعة ماجاش وصلت الثمانية صليت المغرب وولعت عالعشي وضميت عالسريع وراجلي خش عليا وقاعدة ماكملت الضم هههههه تحشمت غير هو باهي مايدورش لا يتكلم قعدت نبرر في وقفي قتله هادي الوصلة من برا عطلوني الضيوف جو متأخر
صلي المغرب وحطيت العشي والمراة عطتني صونية معبية من كل نوع ماعدا الكسكسي لانه هوا صونية وحدة وسقاته كله للضيوف وبس
هاااااادي الاخبار اااااخ عيييت من الكتابة
سلام توا راجلي جي ومنحط العشي

[هدية الخالق]

السلام عليكم صباح الخير وينكم شغلتوني عليكم
سوسو وينك استاحشتك طلتك الصبح تفتحي في التجمع كل يوم وجيجي تصكر فيه اخر وحدة
جنودة شن اخبار حملك البقية وينكم مغطسين ان شاء الله خير
الساعة توا 11 راجلي مشي للصلاة وسوما رقدت واني منوض نضم ماعين العشي ومنشطب الحوش العاب سوما في كل مكان ملوحات
والعشي طبعا ماصارش من الرشدة تنبلت هههههههه درت مكرونة وخلاص نحس في روحي خلاص معاش متحملة قلت لراجلي خلينا جلوا الطلعة للاحد بالك نصحصح شوية قالي نسيتي الاحد عزومة؟
يوم الاحد عازملي سبعة رجالة من غيره هوا ومندير باذن الله رز مسقي وطاجين وامبطن مبدئيا ومنزيد حاجة تانية ش عارفة شن هيا قاعدة نفكر شوروا عليا
والله كان قعدت علي هالحال يستر الله اني وجبتنا وندير فيها بالسيف
ان شاء الله ربي يشفيني ونقوم بواجبهم وزيادة
استغفر الله الجو تغير مطر وريح والصبح كان نوووووو ليه ايام متقلب هذا اللييي مرضني اني وحتي سوما انزكمت مسكينة وراجلي ليه قداااااش مزكوم عنده حساسية الربيع وتعطل مايصحش منها الا لما يكمل الربيع سبحان الله
هيا سلام ان شأء الله تخش وحدة منكم اليوم استاحشكم بجد

[sosolibya]

السلام عليكم ..

كيف حالكم وصباحكم سكر ,,

راهو مستااااااحشتكم ونقرأ في الواجب..

المهم هلا وغلا بساااااااااااااااااااااالي نورتي وليك وحشة ياغالية ,, وينك وكيف حال السنافر..

جنوووووودة زي ماقلتلكم قبل ,, المعلبات مختلفة وخصوصا التن هههههههه أكثر حاجة لاحظتها ,,,,

..

[sosolibya]

اه اه فروسة وجنودة نتلخبط فيكم لو ماشفتش ألإسم الصور الشخصية تتشابه ههههه


كيف حالك فروسة وشن أخارك ,,

وعلاش تقولي للولي كان صبرتي عملابس الحمل..

ياماما أحملي ثاني ,, باهي ياحلوة هههههه وأشبعي في ملاس الحمل ههههه إغراء..


سالي ,,

أنا نجحت الترتيب الثاني ولهذا في أمل ياخدونا معيدين..

[sosolibya]

هدهد مشكورة ياغالية وربي مايحرمنا من طلتك حتى أنت كيف حال كندا وشن جو سوما والطقس شنو ؟؟؟؟

ليك وحشة..

[sosolibya]

جنوووووووووووووووووووودة


كيف حال خالتك زكية وسكينة شن جوهم ,, إن شاء الله أمورهم طيبة ؟؟