سيدات ليبيا الحبيبات ..تفضلووو

[جوهرة ليبيا]

سوسو ربي يعاونك وان شاء الله ديما ملمومين

وراك تنسي هدرزينا عالعرس

هدهد كيف حالك وحال الاموره وبوها

اثري كيف حالك اليوم والسنافر وبوهم وحال اميمتك وكل عويلتك

اوشي اخبارك عسوله

امووووووووول كيف حالك ياحلوه وينك مغطسه فطوم خداتك

منا كيف حالها واخر تطوراتها

اني الاموره هاليومين بدت تنقلب ومعادش نقدر انخليها عالسرير او بروحها

وتعلمت اتحط البطانيه علي وجهها قصدها انجيها من جيهة رجليها وانديرلها تي تي

بديتي تلبسيها في توكات

اني طبعا ليا فتره بس الخفاف لاني انمووت فيهم ههههه

وقلة نومها ولله الحمد للاسوأ ماترقدش وزياده تعيط او تنقنق وطول الوقت تبي ترضع

[جوهرة ليبيا]

كل البنات ياااااارب اتكونوا بالف خير

اعذروني بس جمونتي تنق انخاف بوها واختها اينوضوا

[جوهرة ليبيا]

تصبحوا علي الف الف الف خييييييير

[dr.loly]

صباحوووووووو

[dr.loly]

المشاركة الأصلية كتبت بواسطة هدية الخالق

فروسه وينك اليوم الشحن كمل والا توا توتي في الشناطي ربي يعاونك إن شاء الله ونصيحتي توا تبدي في التجهيز عالأقل اللي ما تستعملوش فيه والا الحوايج اللي مش موسمهم توا اسهلك باش بعدين يخف عليك التعب والجري
حتي أني اللي مازلت لكن الحق بديت نحول في الزايد في شناطي وسكرتهم علي جنب زي متلا حوايج سما وهي صغيره والعابها والسرير الهزاز امتاع الضي وحوايجي امتاع المناسبات لأنه من اهبالي زمان جبت معاي حتي بداليه الرسميات والاحذيه متاع المناسبات ههههههههه علي أساس منلبسهم اهني وضميت حتي شويه الهدايا اللي خديتهم لأنه سما كل يوم تجبد فيهم من الدولاب وتفركس فيهم هههههه ومازاااااااااال باقي الهدايا سريبهم سريب معدش خذيت الحق نستني في الصيف يخش لأنه حاجات الصيف احلى

مرحبا هدووو كيف حالك وحال اسرتك كلها ووحبوبتك سوما
اي الشحن الحمدلله تريحنا خلاص يوم الاثنين

والشناطي مازال بدري عليهم هههههه
والدبش شحناه كله جديد
ودبش لي نلبسوا فيه خليناه كله بنعطوه لبنك الملابس الاسلامي متاع تبرعات
قبل مانطلعوا من الحوش لميته
حتي دبش العيااال متاع الصيف ولي جبنا معانا لي يصغر نلمه كله ويشيله زوجي

الشناطي نخلوهن فاضيات ماتنسيش قبل مانروح
بنلم اشويه هو مش شويه يعني مجموعه يعني انتي فاهمه اكيد الماكياج الخ الخ هههه\
بنلم من ماركة ماكـ
بس بنجرب الاول هنا مثلا زي ديبنهامز دور التجميل عادي يمكيجوك كتجربه عجبك به ماعجبكش الكواليتي نقصد ع وجك عادي عندهم
لكن ع العلن بالك يديورلي ستاره خخخخخ

وحاجات خفاف اخري
اخر يوم قبل شحن خديت ادوات سيلكون للمطبخ الامريكيات عاد انتم عندكم غادي ارخص
لان هذينا الاصليااات.. وخديت اكسسوارات خصيصا العقود القصار والمعبيات طالعات موضه
هنا بشكل رهيب ..



وان شاء الله ايام الفندق يقعد اخر اسبوع والسنتر طول تحت
ويستر الله..

وفعلا حاجات الصيف احلى عندك الحق خصيصا ملابس الاطفال شرينالهم جاكيتات
شتويه كلهم الصغااار

وتوا قلت كان خديتلهن قفلطين خير بعد شفت دبش الصيف نزل توا ف بريطانيا

عارفه حتي اقل ب سعر واسهل وارتب ماياخدوش حييز واجد

بس نصيب يلا حتي جاكيته من بريطانيا تجيهم ماعندهم مايقولو فيها هههه

وربي ييسرلكم اموركم

بس ننصحك ع قد ماتقدري ابدي ف هدايا بدري
خصيصا لو ناس واجد لي بتاخدولها زينا

والله سريييب دوختك ف محلات وانتي تخيلي هذه اتجي ولا ماتجش

وكرهم للحوش

[dr.loly]

المشاركة الأصلية كتبت بواسطة اوشي

بنات عندي الكن عرض تجاري وبصراحة لقطة وفرصة للجميع

خاصة لفروسة وشموسة لانهم يحبو الجبل الاخضر واجد


قطع اراضي .. مخطط جديد

القطعة 400 متر والسعر خيال 30 الف بس .. والعرض هو

قطعتين بجانب بعض يعني 800 متر بستين الف مع العلم ان سعر هذا المخطط

السنة الفائتة كان 15 الف يعني خلال سنة ارتفع الضعف وانا من الاخر وادتكن بيهن

يعني لو شريتيهن السنة وخليتهن سعرهن يرتفع

المهم قطعتي الاراضي في سوسة المدينة بجانب الجبل مباشرة وماتقوليش الارض مرتفعة

بل بالعكس منبسطة

واللي تبي تقولي .. لان بصراحة راهم عرب طرابلس وحتى واااااااجد من بنغازي خذو منهن

الله يودك بالخير كيف ماوديتينا حبيتي..
بس للاسف رغم العرض المغري وعشقنا للجبل الميزانيه لاتسمح
لان شرينا ارض مرة حكيتلكم عنها ونحن هنا شراها
خو زوجي اللي معاطيه توكيل المصرف
سحب فلوس وخداها..
وهك زادت حيرتنا شوي نبدوا نبنوا عليها ولا ف ارض عمي
لي عطاها لنا ..والاهم ان بني توا نوووو هههههه
كيف طالعين من بني قبل مانسافرواا
وف نفس الوقت جنب عربي افضل ع ماكبروا عويلتي\زي ما انتي
عارفه قصة عمل زوجي اسبوعين ب اسبوعين

[dr.loly]

سوسو صحة العصبان
ويعطيك الصحه ان شاء الله
تعجبني المراه اللي تقدر ف اهل زوجها
وتحسب فيهم ف كل شئ تديره
زي حوت ..عصبان حلويااات وجو هذا
حتي تكبري ف عين زوجك

[dr.loly]

ام معاد شخبارك واخبار الحلوين..
واخبار ام ورد ورداتها..؟


جيجي.. ربي يحفظها الاموره جموون
اكيد رنوده فرحانه بهااا بعد بدت تلعب

امووله .. ماتخليش الفيس ياخدك منا
واجد مره مره طلي علينا
وطمنينا ع اخر اخبااارك


اثووره ..كيف حالك وحال سنافرك
ان شاء الله دودي خلاص تأقلمت توا


خوووله اكيد لاهيه
ف التجهيز ل لمتها وخداها ميدووو


فيفي ان شاء الله امورك تمام يارب
وشن جو المانيا هالاياااام


جنوووده اختفت
ان شاء الله تدخل وتطمنا عليها


انتمني نكون مانسيت حد

[dr.loly]

الايام هذين ضباااااااااب عندنا
جو جديد علياااا
نحسابه لندن بس مدينه الضباب خخخ

ف النقال يطلعلي طقسها صافي ومشمس

[dr.loly]

السلام عليكم ورحمة الله وبركاته