سيدات ليبيا الحبيبات ..تفضلووو

[هدية الخالق]

خوله وينك ياريت تخشي اطمنينا عليك وعلي وليدك
جنوده وام وسونه وفيفي وينكم
الله يسلمها شموسه ليها وحشه والله إن شاء الله تلقي حل لكلمة السر وتخش من جديد

[هدية الخالق]

يا بنات منساالكم مني مجربة سيروم زيرو فريز للشعر مره قالتلي عليه جنوده وحتي بنت خالي تشكرلي فيه قاتلي مش عادي بعد السيشوار واني قريت عليه في قوقل في اللي يشكر وفي اللي يدم معاش عرفت واني خاطري نجربه الحق طلبت اليوم من الأمازون ويبي أسبوع أو عشرة أيام مش يوصل

[هدية الخالق]

وينكم العفو لما نخش ما في حد ؟؟؟؟؟؟؟؟؟؟؟؟؟

[هدية الخالق]

هذا وين حسيت باحساسك يا سوسو لما تخشي تهدرزي بروحك وتقولي وينكم هههههههه

[أثري في مدادي]

الســــلام عليكم ورحمة الله وبركاته

هلا هدووووووووو

كيفك ؟؟؟؟

[أثري في مدادي]

أوشـــــــــي
الفستان المورد
ناااااااال على إعجاب الأغلبيـــــــــــة
رائع جدا
وزي ما قالت هدووووووو
مع تركيب جاكيت قصير عليه ~~~~~

إمممممممم
خش خاطري ~~~~

[أثري في مدادي]

ربي يعطيك صحيحتـــــــــك
سوسو
حوســــــــة العصبااااااااان هلبة
وخاصة لما يكون كمية !!!!!

لكن مذااااااقه روووووعة

ردي بالك من روحك ~~~~~ وصحيحتك أوزنيها في ميزان الذهب ~~~~

[هدية الخالق]

اهلييييييييييين اتوره الله يسلمك أنا تمام والحمد لله إنتي كيفك وشن جو دودي بعذ الفطام وكيف حال عليوه وبوه ؟
جيجي وينك اليوم والا مازال بتشدي التوووكه بعد أتري

[هدية الخالق]

ام معاذ وين غاطسة كيف حالك إنتي والصغار وكيف حال ام ورد وسموحاتها ؟
فروسه وينك اليوم الشحن كمل والا توا توتي في الشناطي ربي يعاونك إن شاء الله ونصيحتي توا تبدي في التجهيز عالأقل اللي ما تستعملوش فيه والا الحوايج اللي مش موسمهم توا اسهلك باش بعدين يخف عليك التعب والجري
حتي أني اللي مازلت لكن الحق بديت نحول في الزايد في شناطي وسكرتهم علي جنب زي متلا حوايج سما وهي صغيره والعابها والسرير الهزاز امتاع الضي وحوايجي امتاع المناسبات لأنه من اهبالي زمان جبت معاي حتي بداليه الرسميات والاحذيه متاع المناسبات ههههههههه علي أساس منلبسهم اهني وضميت حتي شويه الهدايا اللي خديتهم لأنه سما كل يوم تجبد فيهم من الدولاب وتفركس فيهم هههههه ومازاااااااااال باقي الهدايا سريبهم سريب معدش خذيت الحق نستني في الصيف يخش لأنه حاجات الصيف احلى

[جوهرة ليبيا]

السلام عليكم ورحمة الله وبركاته