اهلا باهل الجود والكرم **اهلا بسيدات ليبيا**

[dr.loly]

الله يرحم اخوك عزيزتي هدهد
ومنحك الله الصبر
ذكرتيني بفقدان خالي الغالي
ومانصبر كنت الا بختم المصحف ع روحه
كل مره .. وحتي هو مافارقني في احلامي
وللان .. مايفوتش شهر مانحلم به..


وان شاء الله ربي يعوضك خـير وتجيبي احلى احمد زغيرون
تفائلتلك لانك قلتي الغلط صار في اخر ايام التبويض اعتقد
وهالشئ ان شاء الله لوطلعتي حامل ح يرجع ان المولود ذكر
بأذن الله تعالي..


بالنسبه لبقعة مخاط ممزوجه بالدم مثل ماقالن اخواتي
هذه العلامه نقولولها انا الحق عمرها ماصارتلي

بس سلفتي صارتلها مرتين حملت معاي

وقالتلها امها طول نذكر انها حامل..
اهم شئ بعدها ان مانزل شئ عليك عشان
تحولي الشك من الدوره مثلا..

وربي يحفظلك الاموره سما تبارك الرحمن عليها
وع ضحكتها زي الملآك .. واللون الاسود لاقوة الا بالله
عليها..ربي يحفظها وتخاويها

[dr.loly]

المشاركة الأصلية كتبت بواسطة خوله 2014

<b>

السلام عليكم ورحمة الله وبركاته
كيف حالكم يا بنات اليوم يا بنات اليوم تلبيسة اوخيي ادعو بالله معاي ربي يوفقه ويهنيه والعقبه لكل شاب وبنيه يااااارب والعقبة عندكم يا اوخياتي في المنتدي وتفرحو بخوتكم ووخياتكم

</b>

ماشاء الله ربي يهنيه
اللهم بارك له ..
وتسلمي ع الدعوة الطيبه

[dr.loly]

المشاركة الأصلية كتبت بواسطة ام معاد

ﻻﻻ ياكلوا بروحهم الحق اني عندي عبد الرحمان مش معاد هدا اسم نبي نسميه بس زوجي ما وافقش امويتي انجيب ولدونسمي معاد

ان شاء الله ربي يرزقك بولد وتسميه معاااد
وحتي اولادك ماشاء الله اساميهم حلوة
وصحة المعجناااات ولز متاخره

[sosolibya]

السلام عليكم ورحمة وبركاته..

بنات حق اليوم كنت عند دكتورتي وقتلي العيل قاعد راسه فووق وقتلي عندك تلات خيارات يا اما نولدوك وهو بالوضعيع هده لكن مرات حيكون خطر شويه عليا وعالبيبي او ناخدلك موعد في المستشفي ونلفوه (تلفه الدكتوره تقلبه يعني ) او العمليه والله لين اضايقت وراجلي قالي لاحظت ان في حملك هدا ما تتحركيش هلبا زي حملي الاول معادش عارفه حايسه في بعضي وخلاص بالله مني صايرلها زيي البيبي متاعها راسه فوق وشن درتي وكيف صار معاك
نستني في ردودكم

خولة ,, ربي يسهل عليك ,, وييسرلك ولادة سهلة ومريحة..

الولادة بالوضع الفارسي صعبة نوعا ما ولها بعض المخاطر ولا أنصحك بها

وقلب الجنين هما أدرى مانعرفش الحق,, ختي قعدت الشهور ألأخيرة كلها البيبي مقعمز تقعميز وفي ألأخير جابت عملية ..
وماشاء الله بنتها جت كبيييرة قصدي وزنها كويس,, وللأسف من كثرة تقعميز البنت في نفس الوضعية طلع عندها مشكلة بسيطة في الرجل طلبو منها ألإهتمام وتلبيس 3 شمالات وإن شاء الله تتعدل...

المهم أنتي حاولي كل الطرق باش تجيبي طبيعي ,, من سجود وغيره ,,

ولو مافيش أمل توكلي على الله وديري عملية ,,

في ريم قعدت نبكي ونقول لدكتورتي مانبيش عملية بعدين قلت الحمد لله عملية ولا يصير للببي حاجة لسمح الله

لأن المية كانت ناقصة ومايقدروش يديرولي حتى الوجع الصناعي بالرغم من أني طلبته في سبيل نجيب طبيعي

س خافوا تنزل المية كلها ويقعد البيبي معلق ويموت,,

ربي يسهل عليك يارب,

[dr.loly]

المشاركة الأصلية كتبت بواسطة أم أجنادين 80

وهذه خبزة طاجين بالخضرة

درتها البارح بطريقة جديدة

ماشاء الله تسلم الايادي جنووده
خبزة الخضرة لفتره ما في حياتي كانت المفضله عندي
خصيصا برشه شبت وزيتون وبصل ذابل ف زيت زيتنون
ومرات بشرة جزر حتي.. طبعا مع جبنة مبشوره
لكن اعتقد من ايام ثالت ثانووووي

يعني قبل 11 سنه هكي معش تقبلتهااا واجد
لانها اتذكر عليا في وفاة جدي الغالي ..



شن اخر اخباركـ وشن قررتي ولا مازال؟؟
ننصحك بصلاة الاستخاره..

[sosolibya]

فروووووووووووووووسة ,, ألف الف الحمد لله على سلامة فراس الغالي,,

ربي حفظه وجت قريبة ,, الله ستركم ..

إن شاء الله بالشفاء العاجل..

والله نقرأ أنا وماما جنبي في القصة وكأنه فيلم رعب,.,

الحمد لله الحمد لله كثيرا حمدا طيبا مباركا..

ردوا بالكم منه.. ويبله جو باش ينسى..

[dr.loly]

المشاركة الأصلية كتبت بواسطة أثري في مدادي

الســــــــــــــــــــــــــــــــــــــــلام عليكم ورحمة الله وبركاتـــــــــــــــــــــــــــــــــــــــــه

كيف حال الحلوات ،،،،،،،،،،،،،،،،،، الليبيات ،،،،،،،،،،،،،،،،،،،، الغاليات !!!!

اشتقت إليكن كثيرا

واستاحشتكم هللللللللللبة

ورايفت عليكن واااااااااجد

بكل اللهجاااااااااااااااااات ،،،،

طبعا خشيت مبارح على أساس بنهدرررررررز

لقيت الوااااااااااااااجب
قعدت نقراااااااااااااا

لا كملت الواجب ولا خشيت هدرزت

الليلة قلت خلي نهدرز قبل
وبعدين نقرااااااااااااااااااا
بالشويـــــــــــــــــة

يا مرحبا بأثووره
حتي احنا راااايفنا واجد
واستحشناك هلبه
ميس يو تو ماتش وبكل اللهجات ..
كيف حالك وحال الحلوين اصغاااركـ
وشن صار معاك فطمتي دودي ولا مازال

تصدقي حتي نا قاعده نقرا ف الواجب مازال ههه
نقرا ونحل

[sosolibya]

إكسسوارات تناسبك ,, لتكوني بأروع حلة..

هدهد وجيجي زرتوا موضوعي هذا..أحلى قصة ولادة بالدنيا........

[dr.loly]

المشاركة الأصلية كتبت بواسطة sosolibya

فروووووووووووووووسة ,, ألف الف الحمد لله على سلامة فراس الغالي,,

ربي حفظه وجت قريبة ,, الله ستركم ..

إن شاء الله بالشفاء العاجل..

والله نقرأ أنا وماما جنبي في القصة وكأنه فيلم رعب,.,

الحمد لله الحمد لله كثيرا حمدا طيبا مباركا..

ردوا بالكم منه.. ويبله جو باش ينسى..

الله يسلمك عزيزتي سوسو
ومعليش لو رعشت الماما سلميلي عليهااااا ..
بس حكيتلكم جزء من اللي صار معايا
موقف ربي مايوريه لكي ان شاء الله

توا كنت بنرد عليك ع اجواء الدز بعد درتي عشاااك كرنب مقلي
ما احلاه جو الدز والترابط الاسري والصحبه
والله فيكم الخير ... ذكرتيني بأحلى ايام زماااااااااااااااان
بس اكيد هذيكا الليلة رقدتي وعندك تخمه

[sosolibya]

فروسة شكلك ماسمعتيش

أبشركن اخواتي ولدت الغالية حياتي توأمي