دردشة بنات ليبيا , دردشة حوامل ليبيا , تجمع بنات ليبيا

[sosolibya]

بارك الله فيكم كلكم على النشدة سلمكم ليا يارب

[sosolibya]

اهلين وسهلين بنور العين

اهلين امل ليبيا منورة ومشرفة

تفضلى مرححبتين بيك

ومبروك عليك الزواج والحمل وان شاء الله توصليه بالسلمة

اهم شىء لغثيان السصباح تاخدى حاجة جافة فى فراشك الصبح قبل ماتنوضى يعنى بسكويت او شىء

واكيد قلة الماكلة مش كويسة حاولى تغيرى فى المكان ونوعية الاكل


ويللا عرفينا عليك قبل مانبدو فى القصقصة

[sosolibya]

عندى صاحبتى فى الجامعة ديما انق عليها نبيها تخش معنا هنا فى التجمع

تعرفو يانارى توا ليها حامل شهر او اتنين بس البيبيى توفى

[dr.loly]

المشاركة الأصلية كتبت بواسطة اوشي

بعيد تالسو عليه ... عندي لك طريقة مجربتها 100% نافعة تسخني حليب دوب مايشرب

وتحطي فيه اشويه زنجبيل وعسل وتشربيهم له قي كبايته قبل النوم

اولا يدفا وماعتش يكح وهو راقد اقل من اسبوع ويبرا ان شاء الله وزيادة اخذي زيت زيتون واقري

فيه الفاتحة والكرسي والاخلاص والمعوذات وانفثي فيهم 3 مرات ودهني له صدره وظهره







مشكورة يالغلا .. صدقتي ربي يحفظنا ويحفظهم من كل سو










والله ياحنة الجو ايهبل تهبيل مر حبا بيك ان ماشالك الجبل نشيلوك علي روسنا

على فكرة عندي حمادي سنن بصدره بس عليوة عصومي لا كان تسنينهم عادي








انت مازلتي ما ربعنتي وتفكري في النشاشة ياحنة خخخخخ

راك تزعلي الجو امسقع اشوية راهو وقولي لي شن جبتي وشن سميتي

والحمد لله عالسلامة


ة

اهلين اهلين بأوشـــــــــــــي... كيف حالك وكتك ماتخشي واجد رايحه زي هلآل العيـــد ....


وبارك الله فيك عالوصفه ان شاء الله ح نجربها... انا نعطي فيه في عسل عالصبح توا جايبنه من الجبل في اخر مشيه لنا بس كان عمره اقل من سنه ماعطيتش له الا توا الراجل شكره لزوجي اسمه عسل الربيع خاص بالاطفال اي كويس لهم...
ونعطي فيه في الليل رضاعه كمون بالحليب دافيه ... قريت واجد ف النت ان له فائده في كحة الحساسيه اليانسون...


يعني عندك اوليد سنن بصــــــــدره؟؟؟؟ معناه بديت نصدق ان لها علاقه بالتسنين وفعلا باديه سن بتطلع اصلآ...



انفكر في النشاشه ايوووة ههههههههههههههههه .... بصراحه جو الجبل غالي عليا
يؤيح في نفسيتي ويصفي في ذهني وننسي كل الهموووووم بعد نمشي غادي ومانملش بكل حتي لو حفظت الاماكن غادي كلهن والطرق... بس لايمـــــــــــــــــــــــل
طبيعه خلابه وجو صافي تريح في نفسيتي عالاخر و
اكيد يعد ما نربعن حنمشوا...ان شاء الله تعالي

وجبت بنوته وسميناها الآء ...يوم15.3 الجمعه 7 صباحآ
بالليه الصناعيه بعد مافتت موعد ولادتي وخشيت العاشروهذا وين عرفتي صح النوم مش قتلك جو الجبل اينسي هههههههه

[dr.loly]

فروووسي توا شاله باته بيطعمه تطعيمة السنه بعد فاتت شهر بموعدها... كان مريض ياروحي من اول ماجبت
وان شاء الله ماتعبش..

[dr.loly]

20 طريقة لتجعلى زوجك مبتسما

أولاً

أظهري له حبك وأكديه ..
مثال ذلك : الإتصال به إذا تأخر عن العودة إلى المنزل حتى لو كنتِ غضبانة عليه ..

ثانياً

تجهيز الطعام الذي يحبه في وقته دون أن يطلبه منك ..

ثالثاً

ضمه وتقبيله عند دخوله وخروجه من المنزل ..

رابعاً

استقبليه وأنتِ بكامل زينك ومتعطرة ومبتسمة..

خامساً

أحسني الظن به دائماً , وثقي به ..

سادساً

لا تذكري أهله إلا بخير ولا تنسي أن تهدي لأمه بين فترةوأخرى ..

سابعا

إجعلي بيتك جنة يسعد في الجلوس به من حيث الترتيب وحسن التنظيم والتجديد
والتغيير الغير متكلف به واثيري الروائح العطرية في المنزل المحببة إليه ..

ثامناً

اشغلي مكيف غرفة النوم على البارد في فصل الصيف
خاصة عند عودته من عمله ظهراً, أو دافئاً في فصل الشتاء ..

تاسعاً

اهتمي بضيوفه وبالغي في ذلك ..

عاشراً

ابتسمي في وجهه كلما التقت أعينكما ..

الحادي عشر

اسمعيه كلاماتك الحلوة ودعواتك الصالحة له ..

الثاني عشر

اهتمي بنظافة أبنائه واجعليهم كالوردة الفواح عطرها..

الثالث عشر

قومي على رعايته واهتمي به أكثر عند مرضه .

الرابع عشر

إحذري أن يرتفع صوتك على صوته حتى لو كنت مازحة ..

الخامس عشر

لا تنشغلي عنه أثناء وجوده بالمكالمة والقراءة وتنظيف المنزل..

السادس عشر

إذا اصطحبك إلى السوق خذي رأيه في مشتراياتك واثني على ذوقه ..

السابع عشر

إذا كنت في منزل أهله أو أهلك ناديه يا أبا فلان تقديراً له واحتراما ..

الثامن عشر

إذا أراد السفر اكتبي له رسالة تعبرين عن اشتياقك له وعطري ملابس نومه
بعطرك حتى يتذكرك أثناء سفره ..

التاسع عشر

إذا غضبت منه واعتذر إليك إقبلي إعتذاره على الفور ,
وإذالم يعتذر بادري أنتي بالإعتذار ..

العشرون

إذا كنت في أي مكان به رجال سواء في السوق أو المستشفى وغيرها من الأماكن التي بها رجال
حاولي أن تخفضي رأسك وتغضي بصرك ,
ثم قولي له أنت مالي عيوني بجمالك وحسن خلقك فلماذا أنظر لغيرك ..

حياة سعيدة لكل المتزوجين .....

[أم أجنادين 80]

الــــسلام علـــــيكم
ان شاء الله ربي يكملك علي خير ام وسن ويفرحك بشوفت حمووووودي يارب
اوشي بارك الله فيك علي النصيحة ان شاء الله ناخد منها الكريم يلي قلتي عليه

[أم أجنادين 80]

المشاركة الأصلية كتبت بواسطة sosolibya

صباح الخير كيف حالكم

والله المشروع مبهدلنى

تخيلو كنت مدايرة فى بالى ان اليوم بنعزمو اصحابنا السوريين ( خخخخخخ توا اجنادين بتتقعد)

بس تخيلو مشيت اولامس للجامعة لقيت الدنيا ملخبطة تخيلو حاطيلنا امتحلن شفوى نهائى يوم الاحد

والمناقشة قربوهالنا الخميس الجاى

والله خلاااااااص تعبت

وانا هنا فى الحوش مش ملحقة

ربى يستر وخلاص

يارب وفقنا ويسرلنا امورنا وفرحنا بالنجاح ياااااااارب

ان شاء الله ربي يعاونك سوسو
يلا اضغطي علي روحك شوية هانت شني مزالك وبعدين ترتاحي
ربي يوفقك

[أم أجنادين 80]

امل لـــــيبيا شرفتينا
بس انا متذكرة انك كنتي معانا في التجمع وقلتي كيف متزوجة بتسافري او مسافرة

[أم أجنادين 80]

المشاركة الأصلية كتبت بواسطة sosolibya

عندى صاحبتى فى الجامعة ديما انق عليها نبيها تخش معنا هنا فى التجمع

تعرفو يانارى توا ليها حامل شهر او اتنين بس البيبيى توفى

ان شاء الله ربي يعوضها خير