تجمع حوامل سوريا-دردشة ورود سوريا-دردشة الغاليات

[سرووءة]

الظاهر عحظي كلكم نايمين
انا ميتة نعس
بس جود خانم مصحصة
وبس بدها حدا يلاعبا
بس فوت من اللاب توب ببعتلكن صورها
لان من الايفون مابتنزل الصور

[شام الهوى]

سلام بنات كيفكن اليوم وشواخباركن اشتقتلكم كتير 😍😘

[وردة حلب]

سلام يا بنات
وينكن ....؟؟الظاهر اليوم اجازة والكل مشغولين
انا ميته نعس واولادي الله يصلحهم ماخلوني انام متل العادة يعني
واليوم شووووووووووب عنا كتير والي نفس لشي
بس اجباري طبخت خضار مشكلة ورز بشعيرية
والمسا حابة نطلع من البيت نغير جو للاولاد
واليوم مقطوع الماسنجر والفايس بوك بسوريا الظاهر ...لانه مو قادرة اتواصل مع اهلي
والله ياخد بشار ويريحنا بقى

المشاركة الأصلية كتبت بواسطة سرووءة

وردة حلب
كيفك شو اخبارك
ماشالله الله يخليلك ولادك يارب
الله يحمين بياخدو العقل
خصوصي ابنك ضحكتو بتجنن وبدو عض خهههه
الله يحفظلك ياهن ويحمين

تسلميي ياقلبي ....الله يخليلك الامورة جود ويفرحك فيها
كلها شهر كمان وبتصير بتنتظم بنومها وبتعرفي راسك من رجليكي هههههههه
اساليني انا عن الشهر الاول لمحمد كان رح يصير معي انهيار عصبي
بالذات بعد ما امي تركتني وسافرت بعد ولادتي ب10 ايام
وكمان قيصرية كانت ولادتي
وطلبات البيت ولين ومحمد وابوهم مسكين بالوقت الضايع
هههههههههههههههههههه
والحمدلله على كل حال ...الله يخليهم ويقدرنا على تربيتهم التربية الصالحة

[وردة سورية]

السلام عليكم
كيفكم يا بناااات اشتقتلكن كتير كتير كتير كتيـــــــــــــــــــــــــــــر
انا الحمد لله منيحة وبخير
الاوضاع بدرعا تعبانة شوي والناس خايفة من الايام اللي جاي اامانة لا تنسونا من دعواتكم

ظليت كتيير حاول لاتواصل معكن واليوم اشتغل النت ودغري عم احكي معكن
اذا ظليت بخير راح اتواصل معكن
امانة امانة انتبهوا لحالكم وهلاء اذا قدرت بقرء الصفحات اللي فاتت وبتشكر كل مين سئلت عني واهلا وسهلا بالضيفات الجدد
بحـــــــــــــــــــــــــــــــــبكم كتــــــــــــــــــــير

[وردة حلب]

اهلا اختي وردة سوريا ....الله يحميكم يارب ويحمي اهل درعا واهل سوريا كلهم
ويارب يفرجها علينا بالقريب العاجل

[hadeel al rouh]

اهلا ورد ة وشام كيفكون
فعلا اليوم قاطعين النت بسوريا كلها الله يقطع رقابهم قولو ااااامين
قال شو ومنعو الفيس بووك هههههه مفكرين رح يقدرو يسكتو العالم وتبطل تتظاهر بس بعيدة عن عيونون والنصر قريب باذن واحد احد


ورد ة سوريا ياوردتنا الغالية اليوم دبلانة ياقلبي عليكي ربي يفرج على درعا وعلى كل سوريا ويحمي كل الناس والمسلمين من بطش هالظلام ‏
مندعيلك تبقي بخير وترجعي لزوجك بخير ياغالية

[أم عائشة]

جوري انا الله يسلمك عندي ولدين راشد ومحمد عشان هيك بيناوني ام راشد والف سلامة عليكي ياقلبي وديري بالك لتعدي يزون وشربي حليب بالزنجبيل كتير منيح وكمان عصير برتقال مخلوط مع ليمونة كتير منيح


هدولة لك تابريني شو بحبك
كيفك ياقلبيي وكيف البوبو يارب تفرحي بضمتو ؤاهو بالف صحة وعافية
يلا خبرينا شوجاية على بالك يكون صبي لوبنوتة؟؟وشوناوي تسميهم؟؟
وبدي خبرك شي
انا ولاداتي كلها قيصري وماعندي حدى من اهلي هون
وهالمرة جبت توام وقيصري وصحيح تنفست ببيت اهل زوجي بس كنت دايما لحالي
انا اللي بلبسهم وبحممهم لانه ام زوجي كبيرة بالسن ةماتقدر تطلع درج وانا كنت بالطابق التاني ولحالي الا بس الخدامة كانت بتساعدني بغسيل تيابهم وتجبلي الاكل
فلا تفكري حبيبتي وربي بيسهلها علينا والله واهم شي جوزك جنبك وا
كيد اهو ماراح يخليكي لحالك

سيلا كيفك ياقمر ماشاءالله تبارك الرحمن مابقالك شي ربي يتمملك على خير يارب وتجيبيه واهو بالف صحة وعافية

[أم عائشة]

ام ملاك كيفك حبيبتي وكيف المورة ملاك ربي يخليها الك يارب وتجيبي اخوها واهو بالف صحة وعافية

وردة سورية اششششششششتئتلك قد الدنيااااااا
وربي يحميكي ويحمي اهل سوريا كلهم من هالظالم يارب ولاتخافي يومو قريب ورب الكعبة والف مبرؤؤؤؤؤؤؤك على الاشراف بتستاهلي والله



زهرة الحب حبيبة قلبي كيفك والله كل مابحكي مع اختي وبتحكيلي انو فيه مشاكل قدام بيتهم بتذكرك وبدعي انو تكوني منيحة
ديري بالك على حالك والله كريم ان شاءالله

وردة حلب كيفك اختي وماشاءالله ولادك بيجننوا الله يخليهم الك يارب وتفرحي فيهم

[أم عائشة]

سرؤؤؤؤؤؤؤؤؤؤؤة كيفك ياقلبي وكيف السهر معك وكيفها الاميرة جود الله يخليلك ياها يارب
كيف عمليتك هلق ان شاءالله صرتي احسن
ليش سوولك قيصري سرؤؤة؟؟؟

شام الهوى كيفك حبيبتي انتي باي شهر حامل؟؟

[أم عائشة]

مابعرف اذا نسيت حدى سامحوني اذا نسيت حدى ماشاءالله صرنا كتار
واستغليت نومهم مشان فوت بسرعة واطمن عليكم

بحبكم والله من قلبي وبتمنى نظل نطمن على بعض دايما
اللي عندها واتس اب او بي بي تبعتلي بنها اورقمها عشان نتواصل دايما