ألذوأطيب الطبخات السورية

[زهرة الحب]

الله يبارك فيكي سرووءة حبيبتي ونحن بإنتظارك ياعسل

[وردة سورية]

السلام عليكم ورحمة الله وبركاته

كيفكم وشو اخباركم

المجدرة اكلة طيبة وسهلة وخفيفة رح قدملكم اياها بطريقتي وهي مجدرة البرغل

المقادير

كاس برغل خشن

كاس عدس

3 كاسات ماء

ملح

نصف كوب زيت زيتون

بصلة كبيرة مقطعةجوانح

الطريقة

يغسل كل من البرغل والعدس كل على حدة بمصفاة

يسلق العدس بالماء لحد الاستواء تقريبا تلت ساعة او اكتر

يضاف البرغل واليحرك حتى يتناسق مع العدس ويغطى القدر

يترك على نار هادئة لخمس دقائق

في طواية يحمى الزيت وتحمر جوانح البصل

ترفع جوانح البصل وتوضع جانبا

يرش الزيت الحامي على المجدرة (نفس الزيت الذي استعملناه مع البصل )

يسكب بصحن التقديم ويزين بجوانح البصل المقرمشة

يقدم مع اللبن العيران او الرائب

والسلطة والمخلل

المجدرة حلوة ومدردرة

ان شاء الله تعجبكم

[وردة سورية]

معقوووووووووووووووول 170 مشاهدة وما في ولا مشاركة
ولا لايكون ما بعجبكم الاكل السوري
وينكم يلا فرجونة الهمة

[ميآر [ مهند حيآتي ]]

تسلم ايديكن يا احلى صبايا بنات سوريا الحلوات ...

والله ما قصرتو والاكلات طيبات كتير...

نشالله برجعلكن ومعي اكلة جديدة ... بس اليوم ما طبخت هههه

نجووووم وتقييم لكل المشاركات :)

ودي

[زهرة الحب]

تسلم إيديك ياوردة اكلة كتير طيبة وسهلة وأنا بحبها كتير

[زهرة الحب]

هايدي ياعمري عم بانتظارك وبانتظار طبخاتك ويسلموا على التقييم

[زهرة الحب]

اليوم جايبتلكن أكلة سهلة وطيبة كتير اسمها مقلوبة البازلاء

المقادير:
1\2 كيلو لحم غنم ناعم
5 جزرات كبار مقطعين قطع صغيرة
1كليو رز
بازلاء مقدار علبتين
رشة ملح صغيرة ورشة فلفل اسود
معلقة من السمنة النباتية
مكعبان ماجي
ماء لطبخ الرز
الطريقة:
قلي اللحمة بالطنجرة حتى تستوي وحطي لها ملح وبهار
بعدين حطي الجزر وقليه حتى يستوي تمام وإذا حسيته رح يعلق أو يحترق حطي رشة مي صغيرةبس استوى حطي البازلاء وقليها شوي بعدين حطي المي وتركيها تغلي حطي السمنة ومكعبان الماجي وصفي الرز المنقوع طبعا قبل بنص ساعة واغسلية وحطيه بالمي وحركيها حتى ينخلط مع الخضروات واللحمة واتركيه يغلي وتنشف ميته وبس استوى اسكبيه وكلي منه جنبه كاسة لبن والف صحة وهنا
وهي صورة الطبخة انا عامتلها

[وردة سورية]

يا سلااااااااااام الله يعطيكي العافية منظرها بشهي
ربي لا يحرمنا من أكلاتك الطيبين

[زهرة الحب]

يسلموا حبيبتي وردة هاد من ذوقك يارب نقدر نخلي موضوعنا متجدد ونشيط ومليان أكلات طيبة

[jorri sham]

ولي على قلبي اكلات بتشهي فعلا لك ورببي مافي اطيب من اكلنا يمممم يممم نشالله بس اتركن ببيتي كل ما اطبخ بدي صور اكلتي ازاصحلي واكتب طريقتا
يسلمو وحة وزهرة على الموضوع القيم وﻷرائع تحياتي