تجمع حوامل سوريا-دردشة ورود سوريا-دردشة الغاليات

[زهرة الحب]

تسلمي حبيبتي والله متل مابقولوا ربما أخاً لك لم تلده أمك
والله وأعز من أخوات
حبيبتي زوجي اليوم جاي تعبان نام وأنا سهرانة
متعودة كل يوم لبعد آذان الصبح
بس اليوم تعبانة نمت العصريات فاهلأ مو جايني نوم
وأنتي وينه زوجك وكيف بتقضي يومك؟

[سرووءة]

انا زوجي قاعد ميتابع فلم يوم الخميس بيسهر
وانا مالة
كنت عم ضب المطبخ وهلا خلصت
حاسة حالي جوعانة
بس موجاي عبالي اكل
يعني ماكتير حاسة بجوع
بتعرفي توحمت عالمكدوس وماكان عندي كانو خالصين
بعتتلي امي من اسبوع تازة وكتير طيبين
عم فكر قوم لف بالصامولي مع البندورة
بس خايفة تصيبني حرقة
وماكتير حاسة بجوع
بس جاعبالي شي موعارفة شوهو
وانت شو طبختي اليوم

[زهرة الحب]

ممممممممم طيب المكدوس كتير أنا كتير بحبه
أنا بحب دائماً يكون عندي أكلات لنقنقة بهيك وقت متل بسكويت وأي شي تاني أنا اذا جعت بهل الوقت بقوم بساوي بوشار وأو بقلي شبيس
دائماً بحب إختراعات ههههههههه
اليوم طبخت مجدرة نوعين بالرز وبرغل جوزي مشتهي عليها برغل وأنا مو زيادة معها عدت ساويت نوعين تفضلي
أنا بس تجي دورتي بحس السكر نزل للصفر بعود بخطر على بالي الحلو كتير

[زهرة الحب]

أضحكك زوجي بحب بطنه كتير أوقات بجوع بهل الوقت بحكم منسهر كتير بقوم بساوي معكرونة بالجبنة ههههههههه
بساوي بيض بالملفوف كتير طيب بخترع لأ نو كتير بحب الطبخ

[نيهال]

بنات سوريا هون لك ليليليليليليليش
كيفكم

[زهرة الحب]

أهلين نهولة كيفك؟
وين غاطة ؟

[نيهال]

لك أنا كل يوم هون بس ما عم لاقي حدن كيفك

[نيهال]

زهرة أسفه أنا كتير تعبانه منحكي السبت إن شاء الله تصبحي على خير يا حلوه

[زهرة الحب]

الحمد الله بخير وأنتي من اهله إن شاء الله منحكي بس شو فيكي من غير شر؟

[سرووءة]

زهرة هههه
شهبتيني معكرونةوبجبنة
والله منيح انك بتحبي الطبخ
معناتا بتعرفي تساوي كل شي
وبتعملي عزايم
واكيد طبخك طيب وزوجك بحبو ماشالله
مجدرة الرز نفسي ضوقا كلو بقول طيبة
فيكي تعطيني الطريقة
وبتنصحيني سويا ولالا ازا صعبة مابدي
هههههه