بدي رايكم يابنات

[زهرة الحب]

السلام عليكم ورحمة الله وبركاته
أنا عندي مشكلة بسيطة بس ياريت كل وحدة تدخل تحط حالها مكاني وتقلي شو بتعمل؟
أنا بنت وحيدة على صبيان صغار لسا أنا الكبيرة تزوجت وعمري 17وهلأ عمر 19وأهلي بحبوني كتير وخصوصاً بابا كنت ساكنة قريب من اهلي وكل يوم تقريبا اشوفهم ولازم كل يوم السبت أكون عندهم وبعدين فجاة سافرت وصرت بالشام يعني انا من حلب
وأهلي ماعم يقدورا على غيابي وخصوصاً بابا كتير متعلق فيني كل يومين بحكي معي وكل مابحكي معي بقلي اشتقتلك كتير أنا جاي أخاداك وأنا برفض لأنو زوجي مابرضى أتركه وبابا كل يوم عم يزعل مني وأنا مالي عارفة أرضي بابا ولازوجي اليوم حكى معي بابا وطلب مني بس اوصل على حلب أروح لعندهم وأنا لازم اروح لعند بيت حماي ما عرفت شو بدي رد عليه والله محتارة مع إنه بحبوا كتير لبابا ومابريد يزعل مني وهو كتير بدللني
شو اعمل راسي رح ينفجر ؟؟؟؟؟؟؟؟؟؟؟؟؟؟؟؟؟؟؟؟

[جمره غضى]

طيب نظمي جدول انتي وزوجك
كل فتره تروحون حلب ( المكان اللي فيه اهلك واهل زوجك )
وافضل شي يكون وقت الاجازه

وفي هالفتره تزورون اهلك ... وتزورون اهل زوجك
بعدها ترجعون لبيتكم

وكذا ان شاء الله تكونين ارضيتي اهلك ... وزوجك ... واهله

وفهمي ابوك انكم راح تزورونهم كلما سمحت لكم الفرصه
لان صعبه كل شوي تخلين زوجك وبيتك

[عزيزة النفس]

اذا انتي مدلله عند البابا وقريبه منه لها الدرجه
حاولي انك تنفصلي عنه بالتدريج
انا ادري كلامي قاسي شوي
لكن اذا انتي وبعد زواجك اتعود ابوكي
انك تنفذي طلباته واعرفي الفرق بين
انك تنفذي طلباته
وتؤدي واجبك تجاهه من البر به وطاعته ومحبته
يعني حاولي تخففي من تعلقه فيك
بحيث انك ما تنفذين كل طلباته
لانك الحين مرتبطه بزوج وعائله ثانيه
وابوك اذا صار متعلق فيك لها الدرجه رح تتعبين ويتعب ابوك معك علشان كذا حاولي تنفصلين عن ابوك
انا هذا رايي مع اني حاسه فيكم وقلبي يتقطع وانا اكتب لكن حبيت
اكون صريحه واقول رايي بكل صراحه
ويمكن غيري عندهم راي افضل
الله يوفقك ويسعدك يارب

[زهرة الحب]

يسلموا أختي جمرة غضى على مشاركتك الحلوة تسلم إيديكي

[زهرة الحب]

والله يسلم فمك ياعزيزة النفس بس أنا بعيدة عن والدي كتير يعني في بين بعضنا 5ساعات مسافة طريق وكل 4أشهر يشوفني مرة بس طبعا هاد الشي جديد شكراً على مشاركتك وعلى صراحتك

[نرجسة]

اممممممم
انا بقترح عليكي .. انك تشوفي مين متفهم اكتر ؟؟؟
وازا كان زوجك متفهم اكتر من ابوكي فالحل : بتقوليلو هيك هيك هيك واكيد رح يخليكي تروحي عند ابوكي اول
وازا كان ابوك متفهم اكتر : بتقوليلو هيك هيك هيك وبعدين يا بابا بيزعل جوزي مني وانا ما بدي زعل حدى وانت بتفهمني اكتر ومن هالحكي وبهيك بتوقع بتنحل مشكلتك
كمان حكي عزيزة النفس فيو وجهة نظر كبييييييييرة ..
الله يعينا نحنا النسوان ما منعرف بدنا نرضي مين ولا مين اووووووووووف

[sweet moon]

انتي بيدك الحل

انتي تزوجتي والزواج يعني استقرار واستقلال

لزوجك حق اكثر مو من كلامي تفهمي انك ابي اقطع علاقتك مع اهلك

لا طبعا

بس انتي تزوري اهلك كل شهر مره مثلا

على حسب مقدرتك واستطاعتك

انا متفهمه ان هم متعلقين فيك والله يديم المحبه

بس هم لازم يقتنعوا ان انتي تزوجتي واستقليتي عنهم

هاذي الحياه تزوج تفرق والحمدلله انك قريبه منهم

ناس تغربت بالدول

فانتي حلي الامر مع اهلك بدون ماتجرحيهم

[زهرة الحب]

المشاركة الأصلية كتبت بواسطة نرجسة

اممممممم
انا بقترح عليكي .. انك تشوفي مين متفهم اكتر ؟؟؟
وازا كان زوجك متفهم اكتر من ابوكي فالحل : بتقوليلو هيك هيك هيك واكيد رح يخليكي تروحي عند ابوكي اول
وازا كان ابوك متفهم اكتر : بتقوليلو هيك هيك هيك وبعدين يا بابا بيزعل جوزي مني وانا ما بدي زعل حدى وانت بتفهمني اكتر ومن هالحكي وبهيك بتوقع بتنحل مشكلتك
كمان حكي عزيزة النفس فيو وجهة نظر كبييييييييرة ..
الله يعينا نحنا النسوان ما منعرف بدنا نرضي مين ولا مين اووووووووووف

شكرا حبيبتي نرجسة عى ردك وإن شاء الله الاقي حل لمشكلتي
بس بتعرفي جربت مع زوجي وبابا وماحدا رضي يتنازل عني لتاني هههههههه بابا يقلي شو إذا تزوجك يعني صرت بس إله وأنا إلي حصة فيكي وزوجي يقول خلص انت صرتي متزوجة ولازم تضل معي

[زهرة الحب]

المشاركة الأصلية كتبت بواسطة sweet moon

انتي بيدك الحل

انتي تزوجتي والزواج يعني استقرار واستقلال

لزوجك حق اكثر مو من كلامي تفهمي انك ابي اقطع علاقتك مع اهلك

لا طبعا

بس انتي تزوري اهلك كل شهر مره مثلا

على حسب مقدرتك واستطاعتك

انا متفهمه ان هم متعلقين فيك والله يديم المحبه

بس هم لازم يقتنعوا ان انتي تزوجتي واستقليتي عنهم

هاذي الحياه تزوج تفرق والحمدلله انك قريبه منهم

ناس تغربت بالدول

فانتي حلي الامر مع اهلك بدون ماتجرحيهم

شكراً أختي على المشاركة وأسعدني ردك

[همسات ناعمة]

مرحبا صبايا هي أول مشاركة لي في المنتدى شفت الموضوع وبكيت كتير لأن مشكلتي مشابهة لهذه المشكلة زوجي مهندس ويعمل في محطة تحويل كهرباء في غير مدينتنا الاصلية وما بعرف كيف بدي أتصرف لدرجة ان زوجي قال أني أختار إما استمر بزواجي أو أسمع كلام اهلي وكل مرة يقول أنه بما انه مافي أولاد في الوقت الحالي مافي ضرر والسبب طلب اهلي من زوجي الزيارة لفترات طويلة ساعدوني أرجوكم .