سيدات ليبيا الحبيبات ..تفضلووو

[هدية الخالق]

اهليبن اوشي كيف حالكم والف مبروك نجاح وليدك وعقبال البقية يارب
سوسو شن الجو صحتين فطورك وغداكم
امولة اهليييبن انستني شن اخبارك وكيف حال فطومة ماشاء الله كبرت الايام جري كانه امس لما قلتي جبت وتوا ماشاء الله تقعمز وتاكل ربي يحفظهلك وتخاويها
مساء الورد جيجي كيف حالك اليوم
فروسة شن اخبارك والله بالنسبة ليا قاعدة ماحللت منطلعوا غضوة ان شاء الله ومنشري اختبار لكن تعبانة الحق نحس في راسي بينفجر ونفسي ضايق عليا وفاااااااشلة تصوري من الصبح قاعدة مقعمزة ماخاطري انوض ندير شي
حتي سوما واجعتني قالقة وتجيبلي في الالعاب لإيديا تبيني نلعبها قعدت نبكي وجعتني انها حتنهمل شوية ان شاء الله ربي يخفف عليا ونقدر نهتم بيها ونعطيها من وقتي

[sosolibya]

صباااااااااااح القايلة وينكم ياهوووووووووووووووووووووووو ...


أمولة باهي كويس ماشاء الله انك درتي موضوع الحمل في بالك وماقلتيش مثلا لا أو ياسرني تعبت ولا خلي نأجل ,, ولا وحمي كان صعب بما أنك كنت حتى ريقك ماينزمط.. والله كويس فرحتلك ,, وبإذن الله قرار سليم ,,

تبشرينا قريبا يارب..

[sosolibya]

روروووووووووووووووورررررررررررررروووووووووووي


بنت عمي يللي ديما نحكيكم عليها ونقوللكم حتى هيا بنت وحدة زيني ومدايرين رواحنا خوات وبنخلوا صغارنا ينادونا خالات ,,


المهم بشرتنا بالحمل ماشااااااااء الله الحمد لله الحمد لله ......

ربي ييسرلها يارب..

حضنتها ودرته دموع وبكي وفرحة لاتوصف الحق الحمد لله ,, ي متزوجة 2010 لما حمود كان عمره شهرين..

[sosolibya]

المشاركة الأصلية كتبت بواسطة sosolibya

الله أكبر الله أكبر..

ماشاااااااااااااااااااء الله وسبحاااااااااااااان الله ,,

مبرووووووووووووك جنودة والله على قد مانوصف ماتتصوري فرحتي ,, الحمد لله الحمد لله والشكر لله إسجدي لشكر الخالق عزيزتي ,,

الحمد لله يللي ربي جبر بخاطرك وفرح زوجك وفرحنا ,,

الله يشهد ديما على بالنا وندعيلك ,,

اللهم ثبت جنينك وسهل حملك وييسر ولادتك ,,

يللا حبيبتي شدي حيلك وردي بالك من روحك وإهتمي بنفسك ومن البوبو ,, من الفرحة قلت لراجلي وقالي قوليلها نبوالزردة ههههههههههههههههه


ربي يحفظك يارب,,

لو بس نشوفك نضمك من الفرحة ونباركلك ,, ضروري اديري موضوع في قسم الحمل..ضروووووووووري
....


جنودة
تعالي قوليلنا شن شعورك وشعور زوجك وأهلك أكيد فرحووووووووووووولك..

سبحان الله لما بديري الكلوميد لقيتي روحك حامل ,, عظمة الخالق سبحانك يارب ,,


اللهم لك الحمد..

اقلتيش جنودة شن جو أهلك وأمك فرحت أكيييييييييييد وأهل زوجك وكيف خبرتوهم ,,,,

[dr.loly]

اووووه وامووول منورتنا حتي هي اليوم الحبايب كلهم خاشين
اول شئ شن اخبار الحبوبه طمطومه وشن اخر تطوراتها.؟؟
اكيد تقعمز واحلى جو توا اللعب معاها
الحمد لله حبيبتي والله بخير ايه الحمد لله بدت تقعمز ماطولش هلبا لكن باهي معقول وتاكل وبسلامتها حركية هلبا وتحب جو اللعب هلبا ولما نبعد عليها ادير جو عياطات وزعل لين نرجع
واخباري الحمدلله فعلا كلامك صح قد ما انا مرااااايفه ع بلادنا
قد ح ماحنحس بالشوووق لنيوكاسل\
والله حاسه بيك حتي اني نحس روحي لما بنروح بنقعد نبكي ع المدينه متاعي اهني لانه تعودنا ع جوهم وخدينا عليهم اااه تبيلنا فتره باش ننسو لكن تقعد ذكريات حلوه
لدرجة اني ديما نتأمل من الشرفه ف صاله ههه نودع من توا ف الطقس الحلو
والطبيعه الروعه... هذا لي ح نشتاقله اكثر شي
ويمكن الفاشون وماركات العالميه خخخخخخ ساهل اغلبهن عندنااا
بس مش كيف الجو هنا
اكيد صح الطبيعه والهدوؤ والنظام بصراحه لايعوض وخاصه مع وضع بلادنا ربي يفرج عليها ان شاء الله

الشحن شحنا ف اخر 3 ولله الحمد

بس توا طلع شحن اخر مع قروب الغرب عاد زوجي
عاطيهم كلمة زمان ومنهااا في حاجات بسيطة حصلناهم هالفتره

زي دفايات الحائط لي زي الخشب بالنار منظر وتدفئه واضاءه

و شوايه باربيكيو متاع فحم + وباربيكيو كهربائيه دون فحم هده عاليه كبر الغاز
نازلات توا بكثره خصيصا الصيف ع الابواب

ومنها خدينا شويه حاجات اخري ومنها دراجات للعيال حلوات بكل
مع العاب خشبيه بكل انواع نادرات عندنااا


ونا كيف ماحكيت قبل هالفتره خديت فساتين وتوبات وقطع

نلقاهم بعد نروح .. خصيصا ف مناسبات ..
اقتباس:
المشاركة الأصلية كتبت بواسطة dr.loly


اها عندك حق في حاجات تعتبر فرصه هنا ان شاء الله يوصلو بالسلامه وتبيديهم بالهنا والصحه يااارب وتوا مره تانيه بنقصقصكشويا ع حوسة الشحن حتي اني خاطري في هلبا حاجات بس مش فاهمه شئ ع حوسة الشحن
امووول شن قصه شريط الحمل؟؟ حامل في 12 اسبوع

فال خير ان شاء الله ههههه
لا والله هههههههههه هذا البخل ع اصوله كل مره بنحذفه ونقول توا مره اخرى اهو حذفته توا لكن فعلا توا مدايره مانع نفكر نزيد شهر تاني او شهرين ونحوله يكون فطومه عمرها 7 او 8 شهور بنفكر ف مشروع جديد لاني نويه ان شاء الله نحصل بيبي اخر اهني قبل مانروح باش نرتاح فتره في ليبيا ان شاء الله

والا مخليتيه للذكري؟


وبااااااااارك الله فيك ع الموضوع ام لولي اكيد ح نستفاد منه هلبا تسلمي وخاصه نعرفك مهتمه بتغدية اطفالك بطريقه صحية ويحبوها الصغار

اهلين عزيزتي اموول بالنسبه لكلامك اغلبيتها طلع مربعات زغيرونه عندي
ماعرفتش نقرا

بالنسبه لموضوع الشحـــن هي حاويه كبيره اشتركوا فيها 5
هذه لي عدت بنغازي وكلفت اجار الف وخمسمائه باوند
قسموهن ع 5 هكي وكلهم م شرق وبتنزل ف بنغازي.. عادي كيف لي صناديقه واجد
كيف لي شويه ماحسبوش بمتر فيما بينهم متفاهمين يمكن طبع اكثر مايحسبوش فيهااا

وخلاص قروب هذكا ف مدينه تبعد عن عنا بساعه وصلوا ليبيا توا ومفروض ع صول
الباخره لان طقت شهر وايام ونحن خدوا رقم اخ زوجي

الحاويه توصل مسكره ويستلمها القروب لي وصل ع شاحنه كبيره وتعدي
لحوش واحد فيهم كلهم بما فيها لان طلبه مافش تفتيش هذه من ايام معمر هك

لان هنا بعد ينحط الدبش كله فيها يبرموا عليها بجهاز وجو هكي ان مافيهش حاجات خطيره عادي

وطبعا عليها تأمين لو صار شئ لاسمح الله للباخره او راحت الحاويه


بالنسبه للشحن الثاني نفس شئ لكن حاسبينها بمتر

لان زوجي عاطي كلمة للقروب هذا بتنزل ف طرابلس اعتقد
هذه

وفيها حاجات بسيطه نفس ماقتلك مش زي الاولي جينريتور الضي
واغلب الالات والمستلزماااات

[dr.loly]

اكيد صح الطبيعه والهدوؤ والنظام بصراحه لايعوض وخاصه مع وضع بلادنا ربي يفرج عليها ان شاء الله

امين يااارب

بلادنا هي بلادنا مهما شفنا من تطور وتقدم

اللي عاجبني الجو والطبيعه اكثر شئ

والحمدلله ع كل حال عندنا تفاؤل وامل باللله

ان بلادنا اتحسن بس لو الناس لي تدمر وتقتل

تهدي بس والشعب يبقي اكثر تفهم وتحضر لبلاده
وفي بعضه...






عندك ابوفروسي ديما نقول فيها كان يلقي يروح اليوم قبل بكره

يمكن لو حد اخر كان فكر ف الاستقرار هنااا

يقدر يدير تكمله لقرايته


ونقدرو نديرو لجوء انساني حتي

مانحكيلك ع ليبين هنا ف لجوء سياسي وانساني

يعطوك حوش من دوله وكل 3 سنين في مدينه

بس شروط زياره ليبيا صعبه للغايه ممنوع اول سنوات تردي




والاهم الاهم شغلي هنا عندهم واو...

طبيبه اسنان فرص العمل خياليه هنا

تخيلي ف اليوم بس تقريبا 900 ليبي فما فوق
مايعادل راتب شهر ف ليبيا هههه

وزوجي حتي هو يحصل


وهم هنا المتعلمين مرحب بهم
بس نحن مش جونا جو نتغربوااااا


وفي ناس العكس خصيصا لي طولوا هنا

مش متقبلين فكره العوده اول شئ يقولو مستقبل عيالينا..؟
وهنا نظريات ونا نحترم كل واحد ووجهة نظره في الموضوع

[شموسه 88]

السلام عليكم ورحمة الله وبركاته

[شموسه 88]

ربي عااالم قداااااش وحشتووووووووني كلكم

[شموسه 88]

والله مريت ابظرروف مايعلم بيهن الا ربي المده لي فااات الحمد لله عل كل حااال
بس توه الحمدلله استقرينا اوبدت امور حياتنا اتنظم

[شموسه 88]

ام فررروسه باين موعد عودتكم ليبا اقريب ياروحي اتروحو طيببين اكيد ترجي في مووعد العوده بفارغ الصبر ماااتخفيش من وضع لبلاد باذن لله ايكون الوضع افضل