حبيباتى سيدات ليبيا تفضلو لأعرف ما حالكم

dr.loly · 08-17-2013, 04:49 PM

وبالنسبه للغدااا درت كسكسو بالخضرة كلهااااااا انحب نكثرله الخضرة بطاطا كوسه قرع
باذنجال فلفل حلو بروكلي جزر رشة بصل اخضر وشبت عشان النكهة تحلـــي..
وهكي تقعد فائدته اكثر ديما نركز ع القيمة الغدائيه للاكل والخضروات وفوائدها
وكل مانزيد تزيدي فيتامينات ومعادن ومواد يحتاجها الجسم وتفيده...

dr.loly · 08-17-2013, 04:55 PM

اثري ... اكيد الملابس نفس ماقلتي...
بس برضه ملابس الاطفاااال لا تقاوم ومن منااا ماتحبش تلبس اصغارها ارقي واحلي الموديلات

وامس شريت فستان فرح ل لولي ماركة ارماااني...
وتوا نحطلكن صورته رووووعه لعمر سنه ال سنتين قلت تلقاه ف فرح خالاتها بعد انروحوا

وانتي نفسسك شفتي مرة عجبك قفطان ل دودي ماقدرتيش تقاومي... رغم انك واخدتيلها ملابس العيـــد

اطفالي قعدت انحب نشريلهم ونقتنيلهم كل الالعاااب والكتب التعليميه واجمل الملابس ... وبالنسبه ليا اللي انحطوه عليهم افضل من اني انحطه ع نفسسسسي ولو بذهب...
قعدت كيف ماما ههههه
ومع ذلك الحمدلله اهو ذهب وعندي حاجات ناعمه وبسيطه وبطبعي مانحبش واجد انفضل الفضه والاكسسوارات ..
وفاهمه قصدك متاع انحط الفلوس في ذهب ونلقاه بعدين وهكــي..
بس مانحسش في روحي سوا انا وزوجي انديرو هكي ...الطبع يغلب التطبع بالاخيـــــــــر

وع سيرة الصبغااات ... جتني ع صبغة الحنا ايام الثانوي بس شعري ضعف وبدا يتساقط منهاا حسب كلام دكتورة الجلديه قالتلي معش اتديرها ..

dr.loly · 08-17-2013, 04:57 PM

جنووودة صحة الحنه والصبغه...

بالنسبه لمسابقه اجمل منزل... تجمعي صور من النت ...
ل مطبخ وحمام و واجهة منزل و غرفه نوم وغرف اطفال وغرفة مغيشه
وتبعثي الصور لوردة سوريه ع الخاااص وهي تنزلهم لكي برقم ... في المسابقه

والموضوع قاعد في قسم ديكور المنزل عزيزتي

dr.loly · 08-17-2013, 04:59 PM

هدية ماشاء الله ... بنوتك حصلت الجنسيه والجواز الكندي
تلقاهن في المستقبل ان شاء الله خصيصا لو حبت تدرس بالخااارج

ولهالموضوع بالذااات انشجعك بقوه انك تحملي...

هنا في بريطانيا مافيش الصلاحيات هذه للاجانب ولو هذا لدولة باكستان كلها اصبحت عندها الجنسيه هههههه

ف صدقت الملكة اليزابيت بعد لغت هالشئ...

dr.loly · 08-17-2013, 05:01 PM

اثري بنسبه لبكاء واستغراب الولي هذكا اليوم نا بروحي استغربته
صح ديما انطلعواا فيها وماتستغربش بالعكس طبعها ضحوووكه للناس
حتي في العياده بعد انعدواا ديما تضحك للي ينابشها
وللدكتوره قبل ماتطعمها نفس الشئ
لكن اللي دارته هذكا اليوم صدمني بجد

dr.loly · 08-17-2013, 05:01 PM

وتوا انعدي نحط الغدااااااااااااااااا بيبي جااااااااا

أم أجنادين 80 · 08-17-2013, 05:34 PM

السلام عليكم ورحمة الله وبركاته

كيف تغدينا طبعا شبه كليت بروحي زوجي اخدي كويشيك واحد قاعد تعبان حرارته مرتفعه

توا دهنته بفيكس مش عارفة كويس او لا بس قبل انا ينفع معاي مشكلته اللوزات يتعبوا فيه هلبة

طبعا الغداء من العرس جابه لينا سلفي

والباين مش راح نمشي

أم أجنادين 80 · 08-17-2013, 05:43 PM

ام فراس ياريت تحطيلي رابط الانشوده اللي نزلتيها لينا اخر مرة

dr.loly · 08-17-2013, 06:53 PM

Your download will begin in a moment....

هذا الرابط جنووودة

الرابط الاول مالقيتش هذكا اسهل

dr.loly · 08-17-2013, 06:54 PM

رائعة ماهر زين رقت عيناي شوقا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	ايلاف	إستفسارات حوامل من الشهر السابع إلى الشهر التاسع	3567	06-15-2013 12:57 PM
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تفضلو حبيباتي	ريحانة المصطفى	منتدى أعراض الحمل والوحام	0	12-06-2012 10:41 AM
مهم لكل عضوات قسم الحوامل الغاليات.. تفضلو حبيباتي ..	xRano0x	منتدى أعراض الحمل والوحام	121	08-23-2011 01:48 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM