أي استفسار عن ايفون ايباد ايبود أناجاهزة

[شام الهوى]

السلام عليكم غاليتي
عندي مشكلة أني مابعرف انزل صور من الايباد على المنتدى هون عرفتي كيف فياريت لو تعرفي تساعديني
مثلا بدي نزل طريقة طبخة والصور عندي بألبوم الايباد شلون اقدر انزلها
وجزاك الله خير

[زهرة الحب]

في مستعرض يدعم أشهر المتصفحات
وهذا الرابط من متجر البرامج آبل
App Store - Perfect Browser - EXTRAORDINARY Fullscreen Browser
إذا كان جهازك في عليه جلبريك قوليلي
مشان اعطيكي رابط مكرك يعني مجاني

[زهرة الحب]

حبيبتي هاد برنامج تاني جربيهن
App Store - Mercury Web Browser Pro - The most advanced browser for iPad and iPhone

[شام الهوى]

اي عندي جلبريك بس الحين سؤال محورين صحيح ان حرام الجلبريك يعتبر سرقه وانا خايفة بصراحة استخدمه لأي شي افيديني ولو في فري بيكون ممتاز عزبتك ياقلبي

[زهرة الحب]

حبيبتي مابقدر أقلك أذا الجلبريك حرام أم حلال
اعتقد كل شركة تستغل المستخدمين تعتبر شركة سيئة
وكتير من اسباب بتخلينا نستخدم الجلبريك
لأنو أغلب الهاكات والبرامج مو موجودة بمتجر آبل وموجودة بالسيديا التابعة للجليربيك
لذلك بظن إنه مو حرام
وبالنسبة لسؤالك التانية عطيني اصدار الجهاز وبشفلك اذا اصدار جهازك بقبل جلبريك مجاني
وأهلا وسهلا فيكي نورتي ولا عذاب ولاشي هاد واجبي وانا هون لخدمتكن

[شام الهوى]

انا إيباد2 مابعرف شلون يعني اصدار

[زهرة الحب]

حبيبتي بتفوتي الاعدادت بعدين على العام وبعدين حول
بتشوفي مكتوب اسم الاصدار عطيني ياه

[شام الهوى]

5.0.1(9a405)

[زهرة الحب]

حبيبتي سجلي معنا هون بهل الرابط وحطي معلومات عن جهازك نوعه واصداره والمودم
والمسا رح ابتدي الشرح
http://forum.hwaml.com/t108418.html

[شام الهوى]

السلام زهورة شو اخبارك بدي اسأل عندي الوتس اب بالايباد مابقدر أضيف حدى عليه الا اذا هو ضافني فهمتي علي شلون اقدر أضيف ياريت لو تعرفي تخبريني جزاك الله خير