ابني مصاب بشحنات كهرباء زائده

[نسيم الصبا]

السلام عليكم

مساء ـ / صباح الخير جميعاً

ماني عارفه كيف ابدا بختصر لكم قصتي مع ولدي

جبتة طبيعي مافيه اي شي ونموه طبيعي وكل شي تمام الحمدلله لين كمل سنتين ونص
وفجآه وهو نايم على الفجر كذا .. بدا ينتفظ ويرجف طبعا انا ماني عارفه ايش حصل له كان نايم مافيه شي

وديناه المستشفى سوو له فحوصات وطبيعي مافيه شي

بعدها بشهرين تكررت الحاله وفي نفس الوقت يعني وهو نايم بعدها وديناه وتنوم وعملوا له اشعه وتخطيط مخ
طلع عنده كهرباء زايده في الفص الايسر من الدماغ تسبب له هذي النوبه

وسماه الدكتور مرض الصرع .. وصرفوا له ادويه

والحمدلله على كل حال هي ماتجيه كل يوم او كل اسبوع .. هي تجي كل شهرين او ثلاث شهور والحين عمره 3 سنوات ونص
اللي حبيت اعرفوا هل ممكن تستمر هالشحنات اذا بلغ او ممكن تختفي

وثاني شي ولدي كل شي فيه طبيعي من ناحية النمو والحركه والنطق والفهم
اللهم هذي النوبات اللي تجي

مين عندها ولد ولا تعرف احد مررر بحالة ولدي وشفاه الله

طمنوني الله يسعدكم او اعطوني المفيد

مشكورات واسفه طولت عليكم

[عيش الحياة]

الله يشفيه يارب والله ما عندي فكرة بس انتي دائما اقري قرآن وخليه يسمع انا اعرف انو كثرة السجود يزيل الشحنات الى الارض ان شاء الله يكبر وتروح منوا حبيت ادعي له

[نسيم الصبا]

عيش الحياة ربي يسعدك ان شاء الله تروح مع تقدمه في العمر

والعلم عند الله

مشكوره

[نسيم الصبا]

امممممممم مافي احد عندو خلفيه حتى لو بسيطه يفيدني !!!!؟

[رضاك ربي]

حبيبتي طمني قلبك تراها صارت مع كثيرين وربنا عافاهم وآخرهم ابن صديق اخوي كانت تصيبهوتبارك الله الحين يلعب ومايشكي من شي بعد العلاج ربنا عافه واسأل الله انه يعافي ولدك يا اكرم الاكرمين

[نسيم الصبا]

رضاك ربي يعطيك الف عافيه وربي مشغول بالي عليه وماانام ليلي ربي يلطف بحالو

لانو الموضوع ذا مررررره مهم بالنسبه لي وشااااغلني فوق ماتتصوروا

[ياورد]

اختي الغاليه لكي مني اجمل علاج
والله ثم والله انه اجمل علاج لحالات الصرع وباذن الله
الواحد الاحد انه يتشافى اول شي بقول لك قصتي
ويارب تستفيدي مني كان احد ابنائي البالغ من العمر 5 سنوات واصيب فجئه بسخونه واسهال ونتم بكرامه لاكن النتيجه بعد شهرين تنتكس الحاله عندما زاد وزنه 5 كيلو خلال اسبوع وفجئه والصاعقه الكبرى يوم وديته للدكتور
فااجئني وقال ابنكم بيكون عنده فشل كلوي ماله اي علاج
وقال لناحطو ببالكم الفشل الكلوي وخلاص بغيت انجن وزوجي بس يبكي المهم قمنا وودينا ولدي لراقي شرعي وبعد كم شهر من الرقيه يومياااااااا والصدقه رحنا للدكتور تدرون وش قال الحمدلله الطفل استجاب للعلاج
وان شاء الله مايجيه فشل كلوي
والحين الحمدلله مافيه اي شي باتم الصحه والعافيه
انصحك اول شي تاخذين اثر اي وحده تخبريها تكلمت فيه او اعجبت فيه
وديه لراقي ممتاز
انتي بالبيت خذي ملعقه سدر مطحون واخلطيه بكاس ماء واقري فيه ايات الرقيه وادهني جسمه بزيت زيتون ثم السدر المخلوط بالمويه وافضل وقت بعد العصر واستمري يومياااا
لاللكسل ولا للتعب
وان شاء الله مايشوف شر وتذكر دايمن
ان القران علاج لكل الامراض
تقدرين تاخذين الرقيه شريط للعجمي وحطي له السماعات وهو مدهن وانتي ارقيه واذا نام ادهني جسمه بالسدر خليه يطول على جسمه وان شاء الله يتشافى
والله علاج المستشفى مامنه فايده
يارب استفدتي من تجربتي وتطبقين كل كلمه قلتها لك ودمتي
والله يشفي ولدك ويشفي كل مريض

[نسيم الصبا]

ياورد / ربي يعطيك العافيه ومشكوووووووووووره يااختي على النصيحه
وانا بمشي عليها بإذن الله ... والحمدلله اللي فرحكم بشفاء ولدكم ..
الله يفرحني بشفاء ولدي
وحسبي الله لا اله الا هو عليه توكلت وهو رب العرش العظيم

[دافئة المشاعر]

الله يشفي ابنك يارب العالمين يانسيم الصبا

..

ياورد ردك رائع الله يجزك كل خير يارب
تستحقين التقييم عليه
خالص تقديري

[شموخ امرأه]

هلا حبيبتي الله يشفي لك ابنك
اقولك انا بنت اختي نفس الحاله ...راحت لحرمه تقراء وعطتها اعشاب وقالت لها كلام يخوووف
ثم راحت لشيخ قالها الحمد لله ما فيها شئ بس حطي على راسها كروووم اللي هو الملفوووف مثل الطاقيه..وبعدين عرفنا انها طريقه الطب البديل لازاله
الشحنات الزائده.. المهم تحسنت البنيه لكن مو لهاك الحد لما راحت للطبيب قلها الاشعه كلها حمررررراء يعني الحاله متاخره ووصف لها شراااب وماشيه عليه والحمد لله
وسمعت كثيرين نفس الحاله وتعافووو
وطريقه قالت لي ايها وحده شاطره بالطب البديل عن دراسه وهي كالاتي
حطي في نصف مطحنه القهوه خردل حبووب واطحنيها خشن ثم اضيفي عليها كاس من زيت السمسم ودفئي الخليط على النار وحطيه على راس الطفل مره وحده بالاسبوع مده 2 ساااعه
وحاجه ثانيه خليه يمشي حافي في الرمل في العصريه
وان شاء الله لما يكبر ويصلي تروووح لان وضع الراس على الارض وباتجاه القبله برضوا يشيل الشحنااات
وربي يشفيه ويعااافيه