وش بتسوين ب2000 الي استلمتيها من حافز

[ياورد]

صباح /مساء الخير
كيفكم ؟؟؟
اعجبني الموضوع وحبيت اطرحه لكم بس نبغا صدق بدون مبالغه
كل وحده استلمت ال2000 من حافز وش ناويه
تشتري فيها ؟
ابداا انا
واعوذ بالله من كلمه انا
صراحه انا قالو الشهر الجاي بيصرفون لي بس صراحه مدري وش فيني فاقده الامل احس بيقولون بياناتك مو كامله
عاد انا ذا الشهر شريت غساله اوتماتيك ب2500 ريال وزوجي زعلان يقول الغساله القديمه مافيها شي ليه غساله جديده
المهم كل شوي يقول ترا حافز الشهر الجاي لي باخذها كلها طبعن انا اجامل اقول يؤ فداك الصرافه وصاحبت الصرافه >مصدق نفسه
المهم كان قصدي اعطي امي 500 ريال والباقي اعطي كل واحد من عيال مبلغ او انزله السوق واخليه يشتري له اي لعبه في خاطره
بس والله حاله واحد يبغا اي فون وواحد يبغا اي بود
وواحد يبغا اي باد وهاذي يبغا لها راتب كامل >تهي تهي
وقصدي والله افرح عيال قبل كل شي وماابغا انا شي منها وهاذي هي امنيتي في ال2000
يالله كل وحده تقول وشششش عندها من امنيات

[سيدة الغرام]

احم احم طبعان انا بعطي ابويه وامي اول شي ابويه 500 وامي 500 والباقي بعشيهم عشاء دسمه هع هع والباقي اتصرف فيها انزل سوق اشتري للي يخطر في بالي عطورات ملابس كل للي اتمنها :) بث

[ياورد]

سيده الغرام الله يبارك لك فيهاااا يارب
بس وين الباقي
من ساعه ماستلمو حافز قفلو المودم والكمبيوترات خلاص استغنو >هع
كانو اول يراقبون الاخبار الحين خلاص ههههههههههههههه
والا الضاهر البنات بالسوق ساير السوق زحمه هع

[رحمتك ياربي واسعه]

لاتنسون الصدقه يابنات حتى ربي يبارك فيها
(الدال على الخير كفاعله)

[حلة الظل]

والله انا اعطيت امي 500 وام زوجي 500

وبااقي الف في البنك بروح اجييب مقااضي البيبي الجديد

[حبيبة هااني]

أنا اعطيت أمي 500 وابوي 500 والباقي بالحساب مافي شي معين ببالي..

[لمسة أنوثه]

انا شريت هديه لاختي بـ 500 ريال

وشريت لي ملابس بــ 200 ريال

وملابس لبنتي بـ 600

والباقي ابشتري فيه فستان لزواج اخوي

[احلى من العسل]

السلام عليكم ورحمة الله وبركاته
من وين ابدا ومن وين انتهي
احسبوا معايه
اول شي بسددجوالي 337ريال
وبشتري هديه لبنت خالي ولدت ونقلت بيت جديد
بشتري لها ملابس للبيبي وبشتري لهاطقم سفره عشان البيت طبعن الطقم ماراح يقل عن 500ريال ولبس البيبي اكيد ماراح يقل عن 200ريال
وبروح لبينت عمي برضه ولدت بعطيهاقيمه الهديه 200ريال
وبروح لزوجه عمي زوجت ولدها وماحضرت الزواج طبعن هي غاليه على قلبي جداجدا وبناتهازي خواتي
بعطيها 500ريال
وبروح لبيت عمي الكبيرلان جدتي عندهم ماشفتها من العيد وراح اعزم كل العائله ونتجمع عندهم طبعن مادام اني اناالي عزمت راح اتكلف بالعشاء راح اعطي ابويه 500ريال قيمه العشاء واذانقص شي الله يعينه يكمل من عنده هاحسبتم كم صاروا


ملاحضه :اكيد بتقولون ليش كل هذي تجمعت بوقت واحد اقلكم حضي ونصيبي
لاني ياحلوات ساكنته بمنطقه بعيده جدا عن منطقه اهلي وتحصل مناسبات وماقدراحضر المناسبه واناذحين ان شالله راح اسافرلهم وطبعن لازم اوجب لكل واحده لاني مقدراهدي وحده واسيب الثانيه لانهم يقربولي كلهم وعزيزين عليه
تذكرت كمان اخت زوجي انخطبت وراح تتزوج ان شالله 25بهاذاالشهر راح اشتري لها هديه الله اعلم بكم لان مابي راسي شي معين وكمان بشتري اغراض البيبي بس مومشكله بخليها الشهر الجاي
يالله اسيبكم على خير واذا تذكر حاجه برجع اكتبها

[موت و ميلاد]

ماشاء الله

يجي منهاا حافز فكت آزمااااات

ربي يبارك لكم في مـــاعطاااكم

<<~ آمــــا انا عطيت امي 500

ووزعت على بزران عيال عمتي و اخووي

و جــــزء من مبلغ راح في عمل الخير ياااارب يتقبله

وبث

[عاشقة عيونهـ]

انا عن نفسي لسه ماستملت ياااااااارب استلم *_*

بس لواستلمت اول شي هديه لfather

وهديه لزوجي حبيب قلبي والباقي لبنوتي

ولاتنسون الصدقه علشان الله يبارك لكم فيها