آآآخر أخباري بعد طلوعي من المستشفى

[حياتي توأمي]

الله يعطيكم العافيه يابنات

بنات آخر اخباري

انا نزلت موضوع قبل هذا بخصوص نزول راس الجنين بالحوض وانا بعدني بشهري الثامن
المهم بعدها بيوم تقريبا صارت عندي تقلصات بعد مارجعت من شغلي حسيت فيها وتعبت ورحت للمستشفى وعملولي تخطيط وقالوا هذي تقلصات

ونمت بالمستشفى عشان يراقبون التقلصات لأنها لوزادت كانوا راح يعطوني ابره الرئه للجنين تحسباً لولادة مبكره

بس ولله الحمد ثاني يوم خفت التقلصات وكتبولي خروج من المستشفى بس تخيلوا وقت ماقمت اروح البيت رجعلي وجع غريب البيبي قعد يتحرك بطريقه غريبه يعني مستمر جداً واحسه بعنق الرحم الراس يضغط على تحت وكان الشعور شوي مؤلم فزوجي رفض اني اطلع مع اني كنت ابغي اطلع قال ماتطلعي الا لما تكشف الدكتورة عليكي مره آخرى
المهم كشف وعنق الرحم مسكر ولله الحمد
لكن قالت شيء انه عنق الرحم مترقق ( رقيق) يعني مو مشتد
واكون مستعده في اي وقت للولادة وان لو حسيت بوجع ارجع مره ثانيه
المهم

طلعت من المستشفى الحمد لله وعطوني اجازة من شغلي مدة اسبوعين ارتاح فيهم ممنوعه عن الحركه الكثير لأن يخافوا مع المشي الكثير والحركه تصير ولادة مبكره لاسمح الله خصوصاً راس البنوته نازل كثير باللحوض ومع التقلصات يزيد الخوف فقالولي خذي اسبوعين عالاقل حتى اخلص الشهر الثامن على خير


الحين حبيباتي ابغي خبرتكم بالموضوع
هل تحسوا حالتي قربت عالولادة ولا؟؟
من خلال اللي صار معاي !!

[يارب والباقي وحدك تعلمه]

ليش ماتاخذين ابرة الرئه عشان تكونين مرتاحه حتى لو لاقدر الله صارت ولاده مبكرة
بالنسبه للولادة اذا عنق الرحم مسكر ومافي طلق
فاتوقع ان شاء الله مو ولاده
ولكن نزول الجنين في الحوض جدا امر مقلق الى حد ما
ماتدري ايش ممكن يصير بلحظة
المهم ارتاحي لان الواضح سبب التقلصات من الارهاق والاجهاد
من رأيي تاخذي ابرة الرئه وترتاحي وان شاء الله تمر الاسابيع على خير
ولكن الاحتياط واجب
قلبي معاك استودعتك الله ومافي رحمك

[حياتي توأمي]

المشاركة الأصلية كتبت بواسطة يارب والباقي وحدك تعلمه

ليش ماتاخذين ابرة الرئه عشان تكونين مرتاحه حتى لو لاقدر الله صارت ولاده مبكرة
بالنسبه للولادة اذا عنق الرحم مسكر ومافي طلق
فاتوقع ان شاء الله مو ولاده
ولكن نزول الجنين في الحوض جدا امر مقلق الى حد ما
ماتدري ايش ممكن يصير بلحظة
المهم ارتاحي لان الواضح سبب التقلصات من الارهاق والاجهاد
من رأيي تاخذي ابرة الرئه وترتاحي وان شاء الله تمر الاسابيع على خير
ولكن الاحتياط واجب
قلبي معاك استودعتك الله ومافي رحمك

حبيبتي ماعطوني ابرة الرئه لأن انا عندي سكر حمل ويخافوا يرتفع علي
خصوصا ان ابره الرئه مزاياها ترفع السكر بالدم رفع عالي
فخافوا يعطوني اياها إلا اذا زادت التقلصات عندي وكانت مستمره ولابد م الولادة ساعتها راح يعطوني هو قالولي هالكلام
بس اكيد راح اسأل عن هالابره اذا ينفع آخذها من الحين لأني خايفه تكون ولادة مبكره
راح اروح عياده خاصه اليوم وأسأل دكتورة ثانيه

الله يسهل على كل حامل أمرها يارب

[sara saad]

حبيبتي انا صار لي مثلج بالضبط بس كان رحمي مفتوح 2 سم وعطوني اجازه اسبوعين للراحه وشوفي الحين ماباقي الا كم يوم اخلص التاسع وللحين ماولدت
تطمني ان شاءالله بتعدين على خير

[حياتي توأمي]

المشاركة الأصلية كتبت بواسطة sara saad

حبيبتي انا صار لي مثلج بالضبط بس كان رحمي مفتوح 2 سم وعطوني اجازه اسبوعين للراحه وشوفي الحين ماباقي الا كم يوم اخلص التاسع وللحين ماولدت
تطمني ان شاءالله بتعدين على خير

يارب الله يسمع منج حبيبتي

[عاشقة السفر]

حصل معاي نفس الشي في كل ولاداتي وفي الأخير اولدهم صناعي بالتاسع لان ما يفتح الرحم معي ، فلا تخافي التقلصات يزيد في الشهر الثامن والرحم أكيد يكون رقيق بهلوقت .. يارب توليدي بالسلامة وتكملي للتاسع حبيبتي.

[حياتي توأمي]

المشاركة الأصلية كتبت بواسطة عاشقة السفر

حصل معاي نفس الشي في كل ولاداتي وفي الأخير اولدهم صناعي بالتاسع لان ما يفتح الرحم معي ، فلا تخافي التقلصات يزيد في الشهر الثامن والرحم أكيد يكون رقيق بهلوقت .. يارب توليدي بالسلامة وتكملي للتاسع حبيبتي.

ياقلبي الله يسمع منك واكمل للتاسع يارب

تسلمي مرورك اسعدني

[sukar]

الحمدلله ع سلامتك ماتشوعين شر

انتي الحين بالاسبوع 34 تقريبا
وهالأسبوع اكتمل فيها نمو الرئتين يعني ان شاءالله ماتحتاجينها ابرة الرئة
وإذا ولدتي ع خير بالاسبوع 36

إن شاءالله يكون الجنين بكامل صحته ..

انتي ارتاحي هالفترة .. ع الأقل تدخلي اسبوعين بالتاسع
وبعدها ربي يكتب لك اللي فيه الخير

[حياتي توأمي]

المشاركة الأصلية كتبت بواسطة sukar

الحمدلله ع سلامتك ماتشوعين شر

انتي الحين بالاسبوع 34 تقريبا
وهالأسبوع اكتمل فيها نمو الرئتين يعني ان شاءالله ماتحتاجينها ابرة الرئة
وإذا ولدتي ع خير بالاسبوع 36

إن شاءالله يكون الجنين بكامل صحته ..

انتي ارتاحي هالفترة .. ع الأقل تدخلي اسبوعين بالتاسع
وبعدها ربي يكتب لك اللي فيه الخير

مشكورة عالافادة ماكنت اعرف ان الاسبوع 34 مايحتاج ابره رئه
الله يعطيكي العافيه
لكني بعدني لسه اليوم دخلت اسبوع 33 ويوم
يعني لسه ماخلصت 34 اسبوع
مشكورة ياقلبي عالافاده ريحتيني شوي الله يريح قلبك

[sosolibya]

والله ياحياتي شكلها قرررررررررربت هههههه ربي يحفظك عزيزتي وييسرلك ألأمور إن شاء الله..

وأظن إن حكاية نزول اليبي هذه مزعجة ومقلقة نوعا ما..

وألأفضل لكِ الراااااااااحة وإتباع كل نصائح الطبيب

وأي شىء غريب إتلي فورا أو راجعي دكتورتك..