ابي اللبس ولدي ثوب؟؟؟؟؟ وابي استشيركم

[ام دحومي]

سلامووووووووووش
كيفكم يا امهات
انا زواج اختي بعد شهر ويوم زواجها ولدي يخلص 3 شهور بالضبط
وودي البسه ثوب سعودي مطرز مع جزمه او شراب
بس مدري وين القى ثوب على مقاسه وهو بعده بالشهور
واذا مو ثوب ايش تقترحون علي البسه شي حلو وملفت لان العروصه تصير خالته واول طله له قدام الناس ماحد شافه غير في الاربعين مو كثير بس الاقربون
واذا ممكن تقولون لي من وين اجيب اللبس الغريب اذا مالقيت مقاسه ثوووب
وربي يحفظ لكم اطفالكم يااااااااارب

[كل الحلى]

ثوب ماراح تلقي إلا بعمر 6 شهور

لو أنتي من الرياض في محلات في خريص بلازا فوق

فيها ملابس أطفال روووووووووووووووووووووووووووووعة

وأنيقة بشكل

لكن والله ماأذكر أسمائها أنتي إذا رحتي بتلاقينهم على طول

[doody]

ياقلبي ايش مالبستي ولدك
اهم شي لاتنسي التحصين والاذكار
اهم من مية لبس راح يلبسه
ربي يحفظه ويحميه لكي
ولسا ولدك صغير لاحق عالشياكه
لاتلفتي انظار الناس له
والله من كثر مانشوف ونسمع من القصص صرنا نخاف
حبيت اذكرك بس ياقمر ..

[sweet moon]

اذا مانفع الثوب ومانصح فيه من الاساس

لبسيه بنطلون على بلوزه رسميه وكرفته

مثل كذا

[امل بعيد]

فيه محل ملابس اطفال ماركة فرنسية مقابل مطاعم حياة مول اسمه ديباري اوميم عنده ولادي روعة ومميز بصراحة صعب لبس الثياب السعودية على طفلك الله يحفظه لك

[ام ارجواااااان]

الثياب في ذا السن تفصيل ممكن لا جاهز ما اظن
وبعدين زي ما قالت دودي حصنيه واقري عليه
الله يحفظه ويخليه يارب


ايش راااااااااااااااايك

[ام دحومي]

اشكر تفاعلكم
لقيت بدلات زي الي جبتوها بس مره مو مقاسه ولدي نتفه هههه
وشريت له بدله مرتب من سنتربوينت تبون الصراحه زي ماقلتوا خفت عليه لان كل الي حملوا معاي وولدوا قبلي وبعدي بشهر او اثنين جابوا بنات وانا لود وكمان الفت الانظار له
الله يسعدكم يارب

[ام ارجواااااان]

الله يحفظه ويخليه لك يارب
بالتووووووووووووووفيق