خايفه على الجنين

[الشوق وداني]

السلام عليكم

بدخل في الموضوع كنت انا وزوجي الله يهدانا نسولف وهو يشرحلي عن حركه دفاعيه متعلمها والمهم اخذنا الحماس وقلنا بنجرب لف يدي بسرعه ودنعت بسرعه من الم يدي وحسيت بالم في نهايه بطني فجئه وللعلم انا حامل في الثامن وعندي الم ف نهايه بطني بس خفيف وانا خايفه ع البيبي بس قلت لزوجي مافي الم لان المسكين جد خاف و قعد ما يسولف معاي حس انه اذنب المهم سؤالي هو البيبي يتأثر ولا لا طمنوني ي جماعه عادي اتحمل الالم بس هو ما يجيه شي

[υм вtℓαα]

وعليكم السلام
ان شاء الله مافيه الاالعافيه البيبي
بس ماهو وقت تجربين خيتي لان الحمل حساس خوذي الحذر
اذا البيبي يتحرك ان شاء الله مافيه الاالخير

[سحاب]

هلا اختي ،، ان شاء الله ما يتاثر والحافظ رب العالمين بس انتبهي لنفسك مره ثانيه وخليك حذره

[الحلم المنتظر]

الله يحفظه ان شاء الله مافي الجنين الا الخير مدام يتحرك
بس دهني بطنك بزيت زيتون وان شاء الله يروح
ولاتجربين حركات مثل كذا وانتي حامل ^_^

[ريڤان]

اذا الالم محتمل والبيبي يتحرك ف ان شاء الله مافيه الا العافية
واذا زاد الالم روحي مستشفى تطمني
وبطلي شقااااااوة

[الشوق وداني]

ههههههههههه مشكورين فديتكم اي خلاص تبت ماراح اتحمس مره ثانيه والحمدالله احس بحركه البيبي زينه بس كنت جد خايفه وما تطمنت الا يوم تحرك

[ام روزي ويوسف]

ههههههه الحمد لله على سلامتك والحمد لله ان الجنين تحرك واطمأنيتي عليه ربي يتمملك على خير