ولدت الحمدالله وجبت بنت سميتها هيا عمرها 26 يوم خل اقولكم سالفتي مع الولاده
طبعا انا بكريه في تاريخ 17 سبتمبر كان موعد ولادتي وانا خلاص حدي طفشت قلت لازم اسوي كل شي عشان اربي هاليوم لان مابي اعوشر تعبت من الحمال المهم صبحت الصبح شربت على الريق ماي ورد مع زعفران و رحت امشي في مجمع مشييت واجد وبعدها رجعت خذيت خروع للعلم انا الرحم كان مفتوح 1 سانتي لان مب زين الحامل تشرب خروع والرحم عاده مافتح معاها المهم شربت ربع الغرشه تقريبا ونطرت ونطرت وطبعا كنت امشي في البيت واكل تمر مرت خمس ساعات ما حسيت بولا شي يعني مافاد معاي الخروع مر الوقت وانا ف بيت اهلي امشي واشرب دارسين يعني خبصت واجد ابي اربي كانت تجيني الام مثل الدوره بس خفيييفه تجي وتروح المغرب رحت للعياده قلت ابي الدكتوره تفحصني وتسويلي تحفيز رحتلها فحصتني قالت واحد ونص توج في البدايه قلتلها ماتقدرين تسوين تحفيز قالت ما اقدر لان كيس الماي نازل واحس فيه اخاف اسويلج وينبط الكيس وانتي عندي قلتلها يعني مافي امل اربي اليوم قالت لا انتي توج في بدايه الطلق وللعلم هي معطتني ترايخ 23 اربي فيه معنه المستشفى معطيني 17 وانا مابي انطر اسبوع زياده قالتلي روحي سوي تخطيط احتياط رحت اسوي وانا متحطمه لانها حطمتني واجد قالت انطري اسبوع مثل ما عطيتج بعد ما خلص التخطيط رجعت لها شافته قالت فيج طلق شفتو سبحان الله لو وحده تحط في بالها شي وتعزم وتتكل على الله سبحانه وتعالى يحققلها ذا الشي رجعت البيت ماجات الساعه عشر الا وانا ما اتحمل الام رحت المستشفى قالولي 4 سانتي طبعا طلبت الابره لاني مب كفو اخاف اربي بدونها وعطوني اياها ف البدايه ما حسيت بش اختفى الالم جات الساعه 3 الفجر فحصتني الدكتوره قالت 4 ونص انصدمت قلتلها طول هالمده مافتح الا نص قالت لازم نعطيج طلق صناعي لان لو جلستي كذا برتبين المغرب اليوم الثاني قلتلهم الشكوه لله عطوني اياها وعطوني الصناعي شفت الموت معنهم معطيني ابره بس الظاهر قصرو على مفعولها عشان يحمي الطلق بسرعه الم فظييييييع كنت ابكي من الام الطلق الطبيعي ارحم المهم جو مره ثانيه يوم شافوني ما اتحمل الالم وابكي زادو مفعول الابره واختفى الالم الحمدالله جات الساعه 8 الصبح فحصتني قال 10 سانتي خلاص ولاده المهم الساعه 8 ونص ربيت وجبت بنتي حبيبتي ما وعيت الا على دخله امي وخالتي ام زوجي وزوجي معاها وخالتي الثانيه العيله كلهم خخخ وراحو كلهم صوب البنت ونسوني ما تحمدولي بالسلامه ههههه
10-13-2015, 11:47 AM
ولدت الحمدالله تعالو اقولكم سالفتي
الشوق وداني 
جديد منتدى إستفسارات حوامل من الشهر السابع إلى الشهر التاسع
العرض العادي
