دجاج مشوي بالفرن

[υм вtℓαα]

دجاج مشوي بالفرن ( سهل وسريع )

***

السلام عليكم..

الدجاج هنا جداً سهل وسريع..

تقدرون تسوون نفس الطريقة بصدور الدجاج .. وتضيفون عليها الخضار وتكون أكلة لذيذة..

أو قطع صغيرة من الدجاج .. تكون حشوة للساندوتش..

أو حتى دجاجة كاملة وتقدمونها مع الرز مثلاً..

***

المقادير..

- دجاجة ونصف مقطعة (6 قطع )

- 1 علبة زبادي

- 1 1/2 ملعقة صغيرة بابريكا

- عصير نصف ليمونة ( وممكن تزيدون الكمية حسب الرغبة )

- 3 فصوص ثوم مهروس

- زعتر طازج

- 1 ملعقة كبيرة حبوب الماسترد

- ملح بحر وفلفل أسود

زبدة بالثوم ( أو عادية )

الطريقة..

نخلط جميع المقادير ماعدا الزعتر والزبدة والماسترد ..

نتبل الدجاج بالمقادير .. ونخلية بالثلاجة مدة ماتقل عن 4 ساعات

حتى يكتسب نكهة التتبيلة..

بعدها نوزعة بصينية فرن ونضيف علية حبوب الماسترد والزعتر..

ندخلة الفرن على درجة 180 لمدة 45 دقيقة إلى ساعة أو حتى ينضج..

بعد مانطلعة من الفرن علطول ندهنة بالزبدة..

وبالعافية..

***

ملاحظة..

1/ ملح البحر .. ممكن إستبداله بملح عادي ..

2/ زبدة الثوم


طريقتها..

لزبدة بالثوم ممكن نستخدمها مع أي شي

خبز الثوم, نحطها فوق الستيك , البرجر, الدجاج, البطاطس المخبوزة بالفرن, المكرونة….مع أي طبق..

طبعاً زبدة الثوم تختلف إضافاتها

ممكن نضيفلها أوريغانو أو بارميزان أو ليمون بابريكا أو بهارات إيطالية ..

بالنسبة لي أنا أحب أحط معها الثوم المعمر..

هنا ماحبيت أكثر الإضافات حتى نقدر نستخدمها مع اي شي..

المقادير..

1 أصبع زبدة غير مملحة ( لينة)

3 فصوص ثوم مفروم فرم ناعم

1 ملعقة كبيرة بقدونس مفروم فرم ناعم

1/4 ملعقة صغيرة فلفل

1/4 ملعقة صغيرة ملح

الطريقة..

طبعاً الزبدة لازم تكون لينة.. نطلعها قبل بفترة من الإستخدام..

نخلط المقادير مع بعضها بالسبتيولا..

نتأكد أنها أمتزجت زين ..

نلفها ببلاستيك التغليف ونخليها على شكل أسطوانة

ونخليها بالفريزر حتى وقت الإستخدام..

* غالباً أسويها بدون بقدونس

3/ الدجاج هنا بدون جلد .. لكن تقدرون تخلونة لو تحبون.

[ام ارجواااااان]