دردشة حوامل مصر - دردشة بنات مصر - تجمع حوامل مصر ‏

[somia]

وحشتوني يا وحشين اغييب عنكم قرن ومحدش يسأل عليا خالص كده .. اهئ اهئ اهئ

[ام انس المصريه]

وعليكم السلام ورحمة الله وبركاته

ازيك ياسمسم وازى توتايه كبرت شويه ولا لسه صغننه

[ام انس المصريه]

سميه انا ساله عليكى اول امبارح كنت عند ماما وقعدت 8 ايام وجيت سالت عليكم نفر نفر

ازيك عامله ايه

[ام انس المصريه]

انتى بقيتى تدخلى قليل كده ليه ؟؟؟؟؟

طب حتى ابقى طلى علينا طله من الشوباك ارمى السلام ياجميل عبرنا اغمز لنا غمزه هههههههههههههه

[ام انس المصريه]

سميه انتى اختفيتى فين

ع العموم انا كنت كده كده قايمه اواصل سنفونية الشخير بتاعى هههههههههههههههههههه

معطلكيش بقى اخخخخخخخخخخخ بفففففففففففففففففف ههههههههههههههههه

[somia]

الحمد لله ازيك انت يا شيمو والله يا بنتي كنت في مشاكل وحرقة دم ما يعلم بيها الا ربنا حتى اللاب مكنتش بفتحه اصلا

[dr.princess]

وعليكم السلام ورحمة الله وبركاته
سمية انتى فيييييييييييين كل ده مش بتدخلى ليه

[dr.princess]

اازيك يا شوشو سيبى اللى ينضف ينضف ماتتعبيش نفسك ولا تعملى معاهم حاجة

[somia]

معلشي يا بنتي النت عندي بطيء حبتين تلاتة أربعة

[somia]

والله يا لولو كنت في متاهة مشاكل ما ليها اول من اخر

[somia]

ازيك يا لولو عاملة ايه ومحمد عامل ايه ؟؟؟؟

[dr.princess]

ربنا يبعد عنك المشاكل طيب يعنى دلوقتى المواضيع اتحسنت ولا لسه ؟؟
انا ومحمد كويسين الحمدلله

طمنينى عائشة بدأت تشوفك ؟؟؟

[somia]

والله يا لولو هديت حبتين كده بس لسة مهديتش تماما ..
اه الحمد لله الانسةتوتة هانم ماشاء الله بقت تشوف ماما وبابا كمان

[dr.princess]

الحمد لله ربنا يباركلكم فيها

ربنا يريح بالك والمشاكل دى تخلص بقى

[somia]

الباشا محمد عامل معاكي ايه كبر كده وبقينا رجالة خلاص ولا لسة نون؟؟؟

[توتة السيد]

ازيك ياشجرة الصبار وحشانى اوى ووحشنى لسانك الطويييييييييل

طبعا عارفه نفسك ياام قويق ههههههههههههههههههههههههههه

توته الملتوته اللتاته وحشانى والله ازيك وازى دوزك وازى البت نوران

[somia]

يسمع من بقك ربنا يا لولو لحسن الواحد تعب من كثر العياط والنكد كل دقيقتين ده

[dr.princess]

اه الحمدلله كبر شوية
ربنا يهديه ويظبط نومه

اخبار وزن عائشة الحمدلله زاد شوية ؟؟

[somia]

توتاااااااااااااااااااااااااااا ازيك وازي الانسة نور ..
انا عندي صور جديدة نعمل تبادل قبل ما اسيبكم والحق البت قبل ما تغير رأيها وتفتح عنيها؟؟

[dr.princess]

خلى القران شغال عندك طول اليوم فى البيت والزمى الاستغفار

[somia]

أه ماشاء الله الصناعي خليها كتكوتة كميلة كده

[somia]

باذن الله تعالى ..
هيه توتة راحت فين سلمت واختفت؟؟؟

[dr.princess]

معروف ان الصناعى بينفخ بس ليه بتديلها صناعى

[somia]

صحيح يا لولو اخبار البنات ايه .. كلهم عاملين ايه حد ولد جديد ولا ايه الاخبار؟؟؟

[somia]

اللبن عندي قليل قوييييييييييي ممكن اسيبها على صدري بتلات واربع ساعات وبتفضل جعانة وصدري اصلا خف الريشة ولا كانه فاضي اصلا فبديها لغاية ما اتعب وبعدين بديها الصناعي

[dr.princess]

البنات كلهم كويسين الحمدلله ومفيش جديد

توتة رمت كلمة بالغلط وشكلها كده دخلت تكمل نوم

[somia]

النوووووووووووووووم وحشني قوي البتاع ده الهانم طول ما انا صاحية باسم الله ماشاء الله عليها اول مما افكر انام تفنجلي عنيها وتبصلي كده كانها بتقولي انت هتعملي ايه باباها بيقولي شكلها بتشم ريحة النوم اللي فيكي ..ههههههههههههههههه

[نولارا]

حد هنا ولا اكمل نووووووووووووووووم

[نولارا]

سميه هنا يامرحبا يامرحبا
ليكى وحشه ياسمسم
البت توته اخبارها ايه
الولو
كيفك انتى ومحمد

[dr.princess]

نفس النظام اللى كان عندى

[somia]

نحن هنا ولكننا نفكر في الذهاب الى النوم ..
ازيك يا نورا وازي الباشا احمد عامل ايه الوقتي؟؟؟

[dr.princess]

ربنا يهديهم

نورا صباح الخير اخبارك ايه انتى ومحمد

[Rania Negm]

ههههههههههههههههههههههههههههههه هو ايه ؟؟؟

كل واحد يدلفق من ع السرير شوية يقع فى التجمع وبعدين يرجع تانى ؟؟؟؟

انا هنا يانورا اهو ازيك ياحبى اخبارك ايه واخبار الاجازة على حسكوا ايه ؟؟

انا عارفة ان زوجك مكوش على الكمبيوتر ههههههههههههههههههه معلش استحملى بئى



يا سمية وحشتينى اوى اوى اوى اوى والله طول الوقت بفكر فيكى وقلقانة عليكى وكانت لسه آية بتسأل عليكى دلوقتى

على فكرة انا مبسووووووووووووووووووطة جدااااا ان عائشة الحمدلله شافتك

الحمدلله

انا كنت قلقانة جدااااا ومكنتش راضية اقلقك

الحمدلله ربنا يخليها البت المسكرة دى

صباحو يا لووووووووولووووووووووووووووووووو

حمبوسة فين ؟؟؟

صاحى ولا نايم مع أحمووودى :)) ؟

[somia]

برضه .. شكلهم العيال كلهم نظام واحد ربنا يهديهم يا رب

[dr.princess]

يادى الهبل سورى يا نورا قصدى احمد مش محمد

[somia]

هههههههههههههههههههههههههههه حلو التوقيع ده يا روني معبر جدا ..
ازيك انتي يا روني عاملة ايه والله يا بنتي انا كنت مرعوبة اكثر بس الحمد لله تعالى ربنا سترها

[somia]

روني صحيح اخبارك ايه مع احمد بيه لسة ناقر ونقير برضه .؟؟؟ههههههههههههههههههه

[dr.princess]

رانيا صباح الورد ياحبى
محمد صااحى اهو

على فكرة الكيكة شكلها تحفة ما شاء الله
بس عايزة اسئلك سؤال حيوى
انا جبت قبل كده الكريم شانتيه دريم ويب البودرة وعملته طلع سايل اوى مش ماسك نفسه كده
انتى بتجيبى البودرة ده ولا العلب اللى زى المراعى كده وبتعمليه ازاى عايزة اتهور واعمل حاجة حلوة يوم الجمعة

[somia]

يا جماعة البت توتة طالعالها حبوب صغيره كثير قوي في راسها محدش يعرف ايه دي؟؟؟؟

[نولارا]

هههههههههههههههههههه
ايوه يارانيا جوزى مكوش على الكومبيوتر
لاء وايه كمان
عامل زى جوزك بيقولى الوقت اللى الولد نايم فيه نامى احسن بدل ما تقعدى على حوامل
المنتدى ده بوظ دماغك
نامى يمكن تتخنى او السمار اللى تحت عنيكى يروح عاااااااااااااااااااااااااااااااا
وكل شويه يقولى تعالى اعملك ماسك خيار
فالق دماغى

[dr.princess]

محمد من يوم ما اتولد وبيطلعله حبوب كتييير فى خدوده ورقابته من الحر

[نولارا]

سومه فى مضاد حيوى شرب جمييييييييل لحبوب دى اسمه كيوريسيف
ومرهم اسمه فيوسى
الحبوب دى بتتطلع لاحمد بس فى وشه وغالبا من الحر
او اكشفى اضمن ممكن تكون حمونيل

[somia]

ههههههههههههههه حلوة ماسك الخيار دي يا نورا

[dr.princess]

قوليله لو تحنت مش هيعجب ولما خسيت برده مش عاجب ونرجع تانى ونقول محدش عاجبه حاله

[somia]

والله يا جماعة ما انا عارفة بفكر فعلا ابقى اروح اكشفلها وربنا يسترها معاها بقى

[MALAK2010]

انا هنا تعالوا بقا وحشننننننننننننننننننننننننننننى

[MALAK2010]

ايه ده سميه ولولو ونورا مرة واحده كده اكتر مااتمنى ههههههههههههههههههههههه
ياريت الباقى كمان هههههه طمع

[MALAK2010]

سميه وحشاااااااااااااااااااااااااااانى عامله ايه الف سلامه على توتا هى عامله ايه الوقتى

[MALAK2010]

انتوا فين تانى انا كده هزعل

[dr.princess]

ازيك يا ملك
ايوه كده فكرتونى بايام زماااااان

[نولارا]

والله يابنتى كنت 75 ك فى الحمل
كان يقولى انى ارى كورا فى كل الاتجاهات ويقعد يضح ك عليا ويقولى انا موش بحب الستات التخينه
دلوقتى سلوعت وموش عاجبه
يقولى مفيش وسط

[نولارا]

كنت بكتب الرد ده واحمد صحى
رضعته ونمت جنبه لحد ما نام تانى كان هيصحح ويبوظ القعده هههههههههههههههه
ملك اخبارك انتى وسلمى

[MALAK2010]

انا نزلت الجيم امبارح ههههههههههههههههه
دنياااااااااااااااااااااااا
وانا بجرى على المشايه امبارح حاطين مرايا قدامها قلت فين ايام ماكنت غصن بان اهئ اهئ
بس برضه ارجع واقول واصبر نفسى ان دبلت الورده ههههه

[somia]

انا هنا ..
لوكااااااااااااااااااااااااااااا وحشتينيييييييييييييييييييييييي مووووووووووووووووت الانسة سلمى عاملة ايه يا ترى رجعتي لزوجك ولا ايه انا عايزة اشوف سلمى

[Rania Negm]

ايه ياعيال بقى اغيب كدا محدش يعبرنى ؟؟

افرضوا فطست مثلا ؟؟ ولا انا واحمد حد فينا خلص ع التانى

موش تسألوا علينا ؟؟؟

لاء وايه كمان
عامل زى جوزك بيقولى الوقت اللى الولد نايم فيه نامى احسن بدل ما تقعدى على حوامل
المنتدى ده بوظ دماغك

معرفش يانورا الرجالة دى خدت علينا أوى وشوكتهم قويت

لابد من وقفة على فكرة

يلا بعد ماتخلصى دردشة معانا وانتى خارجة اقطعى كابل الكمبيوتر



روني صحيح اخبارك ايه مع احمد بيه لسة ناقر ونقير برضه .؟؟؟ههههههههههههههههههه


هههههههههههههههههههههه والله يا سمسم محمد على طول بيخلص ما بينا هههههههههههههههه

على طول ياخده منى ويقعد يحايل فى الولد

وانا بدأت اتلم شوية لأن احمد صعبان عليا جدااا مؤخراااا حاسة ناحيته بتعاطف رهييييييييييب فبدأت الم الدور



على فكرة الكيكة شكلها تحفة ما شاء الله
بس عايزة اسئلك سؤال حيوى
انا جبت قبل كده الكريم شانتيه دريم ويب البودرة وعملته طلع سايل اوى مش ماسك نفسه كده
انتى بتجيبى البودرة ده ولا العلب اللى زى المراعى كده وبتعمليه ازاى عايزة اتهور واعمل حاجة حلوة يوم الجمعة


شالله تكسبى يامو محمد والله فتحتى نفسويتى

ايوة بجيب دريم ويب

انا اول مرة استخدمته ساح بردو منى

بوصى حاولى موش تستهبلى وتزودى كمية اللبن هههههههههههههههه انا عارفاكى

حطى ربع كوباية صغننة زى ما قايلينن

هتلاقيه نفش ماشاء الله وبقى نووفيخة

وقبل ما تزوقى بيه حطيه فى التلاجة ربعاية

بس كدا

قبل ما تتهورى وتعملى الحلو ؟ اخبار ورق العنب ايه ؟؟؟؟

[MALAK2010]

الاول اسلم عليكم
ازيكم كلكم وحشتونى والله ووحشنى لمتنا من الفجر ههههههههههه بس المرة دى كل واحده الحمد لله شايله ابنها او بنتها ربنا يبارك فيهم ياااارب
سلمى بتسلم عليكم

[somia]

هههههههههههههه حلوة التصبيرة دي انا بقى ولا الهوا وزني مش راضي ينزل خالص وبقيت بجوع بجنان

[Rania Negm]

أم سلمى ازيك يا جميلة معلش انهاردة فلسعت جوزى طب عليااا

قفلت اللاب توب على طول كأنى بعمل جريييمة

ياختى لو شاف كلامنا هتبقى فضيحة

هيقول ايه الستات الفاضية دى

حاكم انا جوزى راجل عاقل كدا وكوووبرة

[Rania Negm]

يا عيال اللى جوزها بيكبسها دى ويقولها فى وشها انتى عجيبة وخسى او اتخنى

احسن كتييير من الزوج المجامل

انا زوجى رقيق جدااا وعمره ما يجرحنى بكلمه هههههههههههههههههههههه على طول يقولى انتى مانيكان والذى منه

تخينة رفيعة يقولى مانيكان

لما انا موش عارفة ايه الله بيعجبه

ياعنى بفضل احلفه اقوله ايه اكتر شكل بتحبه فيا

يقولى كلك على بعضك عاجبانى

بقول فى سرى ما بلاش القرع ده

انا بنتكلم جد هههههههههههههههههههههههه

ففعلا انتى تبقى عارفة دماغ زوجك احسن مايبقى معيشك الوهم زييى

محمد محسسنى انو متجوز شريهان هههههههههههههههههههههههههههههههههههههههه

[Rania Negm]

وبعدين بئى فى الجوع الكلابى على رأى لولو

هفيت نص صينية الكيك لحد دلوقتى وبردو جعاااااااااااانة

انا عاوزة اروح أكشف على حاسة الشبع

شكلها باظت ولا ايه


Rania Non-stop

ههههههههههههههههههههههههههههههههههههههههههه

[MALAK2010]

سميه يا حبيبتى انا الحمد لله كويسه انا وسلمى ورجعت الامارات يوم الجمعه اللى فاتت الحمد لله
انا نزلت صور سلمى قبل كده وهنزلهالك يا جميل بس هى مش موجوده على الجهاز ده موجوده على جهاز جوزى هاخده منه النهارده ان شاء الله

[Rania Negm]

هفضل ارغى لوحدى كدا كتير فى الليلة دى ولا ايه ؟؟؟؟

لااا بقولكوا ايه ؟؟؟؟؟؟؟؟؟؟؟؟؟؟؟؟

انا فاضية طول اليوم

وعاوزة نحررة كدا

عاوزاكوا تسلموا ورديات لبعض

طبخت الكشرى الفجر وفضييييييييييييييييت
والواد أحمد كمان ناااام أهووو وانا قاعدة زى البتاعة مفنجلة من امبارح

[MALAK2010]

رانيا انا جوزى كان زى جوزك كده شايفنى مانيكان لغاااااايه مااتوزنت قدامه ماقدرش يستوعب الرقم ومن يومها وهو بيوزنى كل اسبوع ههههه وجابلى ميزان فى البيت كمان

[somia]

والله فكرة يا روني وابقي خديني معاكي برضه انا بقت امنية حياتي اني اشعر بشعور الشبع ده معرفشي ايه اللي حصلي ..
لوكا انا عايزة اشوف سلمي وروني انا برضه عايزة اشوف صور الباشا احمد لو ينفع يعني وبسرعة الله يستركم لحسن توتة نامت وعايزة الحق انام معاها قبل ما تغير رأيها

[Rania Negm]

مللك اعملى زييى

زغطى فيه لحد ما يتخن ويبقلظ وانتى مهما كنتى تخينة هتبقى جمبه موزة ههههههههههههههههههههههههههههههههه

انا الحمدلله فضلت ماشية ع الخطة طول السنة دى لحد ما بقلظته

ومامته لما جت قالتى لاااااااااااااااااااااا ظبطيله أكله موش تعملى دسم

محمد تخن يارانيا وانا موش عاجبنى كدا

هاهاهاااااااع

[MALAK2010]

انا جوزى رفيع جداااااااااااااااااااااااااااااااااااااااااااااااا ااااااااااااااااااااااااا
بس بدا يملى شويه يعنى مها ازغط واكلبز مش هيوصل للمستوى اللى انا فيه هههههههههههه

[somia]

هههههههههههههههههه حرام عليكي الصدمة على الراجل يا لوكا هههههههههههههههههههه انا عندي نفس المشكلة كل ساعة اقغ على الميزان يمكن يجاملني في كيلو ولا اتنين والاقي نفسي خسيت بس ولا الهوا..
الف حمد لله على وصولك بالسلامة . .. طب هتدخلي امتى تاني استناها منك؟؟؟

[somia]

روني انا عايزة اشوف احمد باشا ..
لولو ونورا انتوا رحتوا فييييييييييييييييييييييين؟؟؟

[MALAK2010]

عارفين انا عمرى مافكرت اروح جيم لانى حاسه ان جسمى الحمد لله كويس بس بعد الولاده القيصرى دى قلت لااااااااااااااااااااااازم جيم مفيش كلام

[MALAK2010]

سميه انا هتلاقينى فى مواعيدى القديمه ان شاء الله شويه الصبح وبعد الساعه واحده لغايه 5 بتوقيت مصر

[dr.princess]

والله يا رانيا كنت حطيتلها لبن قليل خالص وكان سااااقع زى ما قالولى بس برده كان سايح هجرب الجمعة تانى وربنا يستر
طيب انا عايزة اعمله بنى احطله كاكاو ؟؟؟


طبعا انا سألت ملك كل الائلة دى قبل كده بس زهااااااايمر مش فاكرة اى حاجة

[نولارا]

الرجاله خدت علينا
ههههههههههههههههههههههههههههه
لسه يارانيا بهزر معاه من كام يوم بقوله انتا خلاص بقتش تخاف منى
قعد يضحككككككك ويقولى مين يخاف من مين
انتى نسيتى ايام الدرس اجيب الخرزانه يابت هههههههههههه

[Rania Negm]

سمسوووووم من عنيا بس على الايميل موش ينفع هنا خالص

ابعتيلى ايميلك وانا اضيفك واهريكى صور ليه هههههههههههههههههههه ده بقى قرد مسلسل

[somia]

انا لو عملت ايه زوجي مش هيرضى خالص ..
روني ردي عليا على صورة احمد لحسن انا مفتحة عيني بالعافية

[MALAK2010]

حد يا بنات يعرف طريقه للفراخ المقرمشه وجربها وطلعت زى الجاهزة اصل عاوزة اعملها النهارده

[Rania Negm]

يانورااا احموودى بقى سكرة مسكرة ماشاء الله لاقوة الا بالله

تعرفى يا ملك ؟ انا كمان خايفة بعد الولادة القيصرى بطنى موش ترجع تانى

دى بقت فظيعة

من شهر جربت امشى على المشاية لكن حسيت بألم شديد مكان الجرح

لما سألت دكتورتى قالتلى موش تعملى رياضة بطن ابدا قبل 3 شهور وممكن تمشى لكن موش أوى واول ماتتعبى توقفى

لان انسجة البطن الداخليه بتلتأم من 30 ل 90 يوم

تيك كير وموش تشدى على نفسك


لولو بوصى

انا مجربتش احط كاكو عليه بس ممكن فعلااا يبقى لونه براون

ممكن تجيبى شيكولاته خام وتسيحيها وتضيفيها عليه جربى ككدا

وممكن تشترى دماغك وتعملى الكاكاو باللبن والنشا ع النااار

او كاكاو وسكر وسمنة ولبن فى الخلاط هيبقى صوص تخين بردو

[dr.princess]

حلوة الخطوات الاولى دى ربنا يفرحك بيه يا نورا

[somia]

من عيوني وهابعتهولك انتي كمان يا لولو عشان توريني صور محمد انا ما صدقت زوجي وافق

[Rania Negm]

ايه يابت يا سمية مستعجلة ليه

اقعدى معانا دانا مصدقت اعتر فيكى

ابعتيلى ايميلك واوريكى احمودى

[Rania Negm]

يا ملك

انا عملت الفوراخ دى

وطلعت هاااااااااااااااااااااايلة

[somia]

ماشاء الله عليه يا نورا بقى راجل ملو هدومه اهو فاضل العروسة اللي مطنشاه ومبقتش تدخل دي خلي بالك هتبتدي تتقل عليه ..نههههههههههههههه

[توتة السيد]

عودنااااااااااااااااااااااااااااااااااااا مين هنا بقي

[dr.princess]

هجرب يا رانيا ربنا يسهل

انا كمان نفسى اروح جيم او حتى اجيب اى جهاز فى البيت اهو اتشجع شوية


يللا يا بناتيت اسيبكم بقى محمد نام اروح اناملى شوية علشان البيريود مظبطاااانى وعايزة انساها شوية

[توتة السيد]

سمسمة ياقلبي وحشتينييييييييييييييييييييييييييييي فينك ياقمر والله كنت هاخد رقم ايمي من شيماء واكلمها اطمن عليكي ازيك وازي توتة القمر كبرت كده

[Rania Negm]

محدش هنا ياتوتى

يلا روحى

[MALAK2010]

والله يا رانيا كنت حطيتلها لبن قليل خالص وكان سااااقع زى ما قالولى بس برده كان سايح هجرب الجمعة تانى وربنا يستر
طيب انا عايزة اعمله بنى احطله كاكاو ؟؟؟


طبعا انا سألت ملك كل الائلة دى قبل كده بس زهااااااايمر مش فاكرة اى حاجة

ههههههههههههههههههه حسستينى انى ماغيبتش كتير عليكم

[dr.princess]

سمية لالالالالالالالالالا ايميلك بجد ايه التطورات دى وعلى كده هنعرف اسمك ولا لسه ممنوع ؟؟؟؟؟؟؟؟؟؟؟؟

[MALAK2010]

نورا ماشاء الله زى القمر ربنا يباركلك فيه يااااارب

[Rania Negm]

http://forum.hwaml.com/imgcache2/hwaml.com_1311746641_101.jpg



http://forum.hwaml.com/imgcache2/hwaml.com_1311746642_185.jpg




مين بيموت فى الكنافة النابلسى زييى ؟

[MALAK2010]

خلاص انا كمان عاوزة الايميل ههههههه يلا وزعيه علينا

[توتة السيد]

لولو ازيك ياقمر عاملة ايه ومحمد عامل ايه

لوكة حبي وحشتيني من امبارح رغم ان مالحقناش نتكلم هههههههههه سلومة عامة ايه

نوراااااااااااااااا ياقمري ايه الحلاوة والطعامة بتاعه موكشة انا شكلي هفلس عمر ولوجي

ونقرا الفاتحة ههههههههههههههههه

رانيا ازيك وبس لسه كنتي بتلوكي بدري

[dr.princess]

هههههههههههههههههههه شفتى يا ملك نحمل ونولد ونربى ولسه بسئل على التورتة انا مسخرة والله ههههههههههههههههههههههه
بس ان شاء الله مفيهاش كلام هعملها الجمعة

[MALAK2010]

يابنات الفراخ المقرمشه حد جربها ماحدش يدينى موقع انا عاوزة حد يكون عملها وعجبته

[Rania Negm]

سمية عااااااااااااااااااااااااااااااااااااااااااااااااا اااا

انا ياهو موش هوت مييييييييييييل

المشكلة بقى ان الياهو والهوت موش بيظهروا صور لبعض

ومتضحكيش عليا لو قلتلك عمرى ما اسستخدمت هوت ميل ولا عندى الماسنجر ولا بعرف استعمله اصلا هههههههههههههههههههههههههههههههههههههههه

انتى اعمليلك ايميل حلو كدا ياهو

[somia]

ههههههههههههههههههههههههههه واحدة واحدة على الراجل يا لولو انا اقنعته بالميل في حوالي سنة يعني عالسنة الجاية ممكن تعرفوه بس هتعرفوا اسم بابا واول حرف من اسمي لانه ده الايميل ..ههههههههههههههههه

[توتة السيد]

اجري يابت يارانيا

لا قلبي قلبي سومة هتدينا الايميل ادرس بتاعها لااااااااااااااااااا

دا اكيد بحلم حد يقرصني

[Rania Negm]

ايوة يا ملك انا قولتلك انا عملتها وحلوة جداااااا جداااا

[somia]

من عيوني يا لوكا ..
روني انا عندي ايميل ياهو بس معنديش الماسنجر عندك الاسكيب؟؟؟

[نولارا]

خليكى ليا ياام احمدوعقبال ماتشوفى احمد كده
سميه العروسه بتدخل كتير بس مواعيدنا موش متضبطه خالص
توته اتقلبت تانى اهى هههههههههههههههههه

[توتة السيد]

ويعني هو انا شفافة الا ماحد رحب بيا ولا ضرب طلقتين في الهوا اخص عليكم

انا عايزة سلام صعيدي شحط محط بس ها

[MALAK2010]

توتة يا حبيبتى فضلت استناكى امبارح لحد ما سلمى عيطت

[توتة السيد]

توته اتقلبت تانى اهى هههههههههههههههههه

هههههههههههههههههههه من حيث ايه

[somia]

ماشي يا توتة اتريقي براحتك .. لعلمك انا جبت صور جديدة لتوتة بس اظهري انتي بصور جديدة لنور الاول

[Rania Negm]

ههههههههههههههههههههههههههه واحدة واحدة على الراجل يا لولو انا اقنعته بالميل في حوالي سنة يعني عالسنة الجاية ممكن تعرفوه بس هتعرفوا اسم بابا واول حرف من اسمي لانه ده الايميل ..ههههههههههههههههه



ههههههههههههههههههههههه سمية ايه الساسبينس ده ؟؟؟؟

[MALAK2010]

طيب يارانيا بتعمليها ازاى

[MALAK2010]

طيب ورينا صور توتا يا سميه لانى ماشفتهاش غير وهى عمر يوم

[somia]

ههههههههههههههههههههههه سمية ايه الساسبينس ده ؟؟؟؟

يعني ايه الساسبينس؟؟؟

[توتة السيد]

توتة يا حبيبتى فضلت استناكى امبارح لحد ما سلمى عيطت


معلش والله ياقمر قمت حميت نور رجعت مالقتكيش

[نولارا]

ههههههههههههههههههههههه
توته رنا هتيجى تضربنا امسحى اللى انتى كاتباه ده بسرعه
ههههههههههههههههه

[somia]

من عيوني يا لوكا ثواني بس انزلهملكم

[توتة السيد]

ماشي يا توتة اتريقي براحتك .. لعلمك انا جبت صور جديدة لتوتة بس اظهري انتي بصور جديدة لنور الاول


هههههههههههههه وانا اقدر برضه ياقمر ده بس من الفرحة وريني القمر

وحاضر اوريكي نور

[نولارا]

ساسبينس تشويق ههههههههههههههههههههه

[توتة السيد]

ههههههههههههههههههههههه
توته رنا هتيجى تضربنا امسحى اللى انتى كاتباه ده بسرعه
ههههههههههههههههه


هههههههههههههههههههههههه لع مابنخافش احنا واعلي ما في خيلها تركبه

رنا حبيبتي انت الحتة الطرية اللي في حياتي اوعي تزعلي ههههههههههههههههههههههههه

[MALAK2010]

يابنات سلمى رافضه اللبن الصناعى بعد ماكانت بتاخده اعملها ايه

[نولارا]

الواد ده شغال عميل لحساب ابوه صحى وموش عارفه اكتب منه
عااااااااااااااااااااااااااااااااااا

[somia]

لوكا انتي بتديها صناعي ليه؟؟؟
روني لازم تشويق طبعا ..هههههههههههههههه
لعلمكم انتوا حظكوا من السما الاب مش قابل اي صور من الموبايل ومش لاقيه الصور اللي كانت عليه

[توتة السيد]

ياخلاسوا ياناس علي العسل السكر ما شاء الله لا قوة الا بالله

اللهم بارك ولا تضر زي القمر ياروني ربنا يخليهولك يارب

طالع زي امه كوميدي ههههههههههههههههه

بس حسابك عسير ليكي ناس وناس انت مااااااااااااااااااااشي

[MALAK2010]

رانيا :ماشاء الله عسوووول ربنا يباركلك فيه
احنا برضه شعرنا كان ناعم بس مش عارفه ايه اللى جراله ههههههههه

[somia]

باسم الله مااشاء الله عليه ربنا يباركلك فيه يا رب يا روني ايه اللي انتي عامله في الواد ده حرام عليكي ههههههههههههههههههههههه

[توتة السيد]

بنات انتو ملاحظين ان بقي تحت اسامينا نجوم بقينا مؤسسين في المنتدي

[Rania Negm]

الله يخليكو يابنات

توتة والله انتى موش طلبتى تشوفى احمد وبعدين انتى عندى ع الايميل فى اى وقت طبعاا انا تحت امرك يا عثللللل

الواد ده مبهدلينه انا وباباه هههههههههههههههههههههههههههههههههههه

بنجرب فيه كل حاجة

كل ما البس نضارة يبص فوق كدا عاوز يجيبها ههههههههههههه

[MALAK2010]

سميه :بعطيها لانها مش بتشبع واللبن على اده الحمد لله
كانت بتاخده وبعدين كرهت الببرونه خااااااااااااالص

[نولارا]

خلاسو ياناس
ما شاء الله يارانيا
ربنا يبارك لكم فيه ويجعله ذريه صالحه يارب

[MALAK2010]

يعنى ماحدش ناوى يقولى الفراخ المقرمشه ياناااااااااااااااااااااااااااس

[somia]

احنا شبه بعض فعلا يا لوكا انا عندي نفس المشكلة برضه اللبن قليل جدا

[توتة السيد]

توتة والله انتى موش طلبتى تشوفى احمد وبعدين انتى عندى ع الايميل فى اى وقت طبعاا انا تحت امرك يا عثللللل



ما انا قريت قبل كده انك موش عايزة تنزلي صورة علي التجمع

والاميل انت موش بتدخلي ياقمر موش مهم المهم ان شفت القمر ده

وبعدين الواحد احتار عمر ولا موكشة ولا احمد

[Rania Negm]

ربنا يكرمك يانورا

ثااانكس ياقمررررررر

لك بقولك ع الفراخ

انا ألفت فيها من دماغى

تبلتها بكل التتبيلات اللى عندى

عندى تتبيلة شيش طاووك حطيته عليها وحطيت عليها قرنفل وبصل مبشور كتير وفلفل اسود وسنة قرفة وأحيانا بحط مستردة .. بس الاكتر بحطها للمشويات

المهم تبلتها كويس وفتحتها بالسكينة وحطيت بين اللحمة

وتبلتها يوم كامل

تانى يوم فى كوباية مية اديتها غلوتين لحد ما استوت نص سواا

بعدين سبتها تبرد

والخلطة القرمشة بقى جبت كورن فليكس مطحون بس فيه حبيبات ظاهرة كدا متخليهوش بودر وبردو متسيبهوش صحيح اوى عشان موش تفك ومتلزقش معاكى

وضفت ع الكورن فليكس الحاجة اللى ادت طعم رهيب بقى خلطة البروست بتاعة كنور

بقت الفرخة لحمتها طعمها متبل والبودر كمان متبل

بس بقى

ومن لبن لدقيق

لبيض وبعدين الطبقة الاخيرة المقرمشة اللى طحنتيها

وحمريها فى زيت غزير وسخن ووطى عليها اول ما تعمل طششششششششششششششششش

كانت هايلة ومقرمشة وسبايسى ايه

اوعى وشك

[somia]

ياجماعة الصور مش راضية تتحمل على الاب اصبروا هعمل ريستارت للجهاز واحاول تاني باذن واحد كريم

[MALAK2010]

تسلمى يا رانيا خلاص ان شاء الله هجربها بس لما اجيب الكورن فليكس

[نولارا]

هههههههههههههههههه بت ياتوته انتى كنتى بتخضيها ولا ايه
ههههههههههههههههههبي عسوله ما شاء الله

[Rania Negm]

ياولاد عندى مشكلة رهيبة مع احمد ابنى

الولد اتعلم يمص الابهام بتاعه بشكل رهيب

وبيعرف يصطاده وصريخ فظيع لما بخرجه من بوئة

صريخ كأن مثلا تعبان قرصه لاقدر الله

دلوقتى مبقاش يعيط لما يجووع نهاااااااااااااااااااااااااااائى

صباعيه غانيه عن الرضاعة بقى يمص صباعه اكتر ما بيرضع

زمان كان يصحى نص النوم يعيط وبعدين ياخدله شفطتين ويكمل نوم

دلوقتى ببص عليه الاقيه بيمص فى صوابعه ويناااام

انا زعلانة جدااااا

عدد رضعاته قل خااااااااااااااااالص موش عارفة اعمل ايه فى موضوع صوباعه ده

دلوقتى شكيت انى سمعت صوت مصمصة صوباعه دخلت فعلا لاقيته صحى وبينيم نفسه بيه

الموضوع ده مؤذى جداااا

تفتكروا اروح لدكتور ؟؟؟

تقريبا رضعاته قلت للنص بسبب كدا

الموضوع أوووفر جدااا

اعمل ايه احطله حاجة لى صباعه ؟؟؟ نسكافيه او بن ؟؟ ولا غلط عليه ؟

[توتة السيد]

هههههههههههههههههه بت ياتوته انتى كنتى بتخضيها ولا ايه
ههههههههههههههههههبي عسوله ما شاء الله


ربنا يخليكي ياقمر تسلمي

هههههههههههههههه اه كنت بشخط فيها علشان تنام

[Rania Negm]

روح قلبى يانوورى زى القمر ماشاء الله

[توتة السيد]

بصي ياروني نور زي كده وكل البيبيهات كده

بس ماما قلتلي امبارح ان في دكتور جه علي قناة الحياة اللي مقيمة فيها رنا

وقال انها عاده وحشة ممكن تخلي اسنانه مش مظبوطة بضب من الاخر

قال طريقة انك تلفي صباحه ببلاستر واول ماهيجي يرضعه هيلاقيه ناشف مرة

علي مرة هيبطل انا لسه ماجربتهاش الحقيقة

[نولارا]

نسكافيه او بن
كده يسهر يارونى
انا ما قابلتنيش المشكله دى مع احمد فموش عارفه اقولك ايه
بس يمكن حد من العيال يفيدك

[توتة السيد]

روح قلبى يانوورى زى القمر ماشاء الله

تسلميلي ياقمر

[Rania Negm]

هجرب موضوع البلاستر ده

بس مافيهوش مادة ممكن تنزل فى معدته ؟؟؟؟؟

انا بفكر اروح لدكتور عشان اسأله

خدوا بالكوا احمد ما تمش 3 شهور لسه

[MALAK2010]

عسوله ياتوتا ماشاء الله ربنا يخليهالك

[somia]

استعدواااااااااااااااااااااااااا القمر بتاعي هيشرف ..هههههههههههههههههههههه
نور ماشاء الله زي القمر يا توتة

[توتة السيد]

هجرب موضوع البلاستر ده

بس مافيهوش مادة ممكن تنزل فى معدته ؟؟؟؟؟

انا بفكر اروح لدكتور عشان اسأله

خدوا بالكوا احمد ما تمش 3 شهور لسه


جربيها والبلاستر مافهوش مواد تضر ولا حاجة

[توتة السيد]

عسوله ياتوتا ماشاء الله ربنا يخليهالك

تسلمي يالوكة يارب ويخليلك سلمي يارب

[توتة السيد]

استعدواااااااااااااااااااااااااا القمر بتاعي هيشرف ..هههههههههههههههههههههه
نور ماشاء الله زي القمر يا توتة


هههههههههههههههه واحنا علي اهبة الاستعداد هههههههههههه

تسلمي ياقلبي ربنا يخليلك توتة

[somia]

جاهزيييييييييييييييييييييين؟؟؟

[MALAK2010]

والله يارانيا سلمى من امبارح وهى بتمص اديها كلها فجبتلها تاتينه مع انى مش حابه اجبهالها بس قلت هقدر اتحكم فى تعقيم التاتينه ام ايديها مش هعقمها بس هى رافضها فانا قاعده قصدها كل مااتحط ايديها احاول ارضعها علشان تسها عنها

[توتة السيد]

ههههههههههههههههههههههههه ايه ده يانورا دا عمل التورتة بضمير الحقيقة ههههههههههه

[somia]

هههههههههههههههههههههههههههههه ايه يا نورا اللي احمد عاملة في نفسه ده ..
نحن في الطريق اليكم

[MALAK2010]

نور :ايه التورته الجميله دى ههههههههه

[توتة السيد]

والله يارانيا سلمى من امبارح وهى بتمص اديها كلها فجبتلها تاتينه مع انى مش حابه اجبهالها بس قلت هقدر اتحكم فى تعقيم التاتينه ام ايديها مش هعقمها بس هى رافضها فانا قاعده قصدها كل مااتحط ايديها احاول ارضعها علشان تسها عنها



نور عندي برضه رافضه التاتينة وحتي العضاضة اللي جبتهالها موش راضيه بيها

لازم الصباع الصباع

[somia]

احم احم احمم .. ها نحن وصلنا ..ههههههههههههههههههه

[somia]

هههههههههههههه معلشسي اخويا كان لافف اللفة على راسها زي التحجيبة

[somia]

ايه ده معجبناش حد خالص كده .. اهئ اهئ اهئ

[MALAK2010]

سميه:انتى عامله فيها كده ليه هههههههه
بس برضه ماشاء الله زى العسل ربنا يباركلك فيها ياااارب

[Rania Negm]

ههههههههههههههههههههههههههههههههه نورا وليكى قلب تصوريه الواد التحفة ده

ايه اللى عامله ده يانهاارى اخر اجرام وسكرررررررررررر


يا ملك خدى بالك احمد بدأ يمص ايده كلها

دلوقتى بئى اتعلم خلاص يصطاد صباعه

عادة زى الزفت حااااااااااااولى تشيلى ايدها من بوئها دايما انا كنت بطنش عشان يسكت ويريح دماغى

[توتة السيد]

ياخلاسي ياناس علي القمر ما شاء الله عسوله بس ايه اللي عاملاه فيها ده هههههههههههههههه

ستو الحجة بقي ههههههههههههههه

[MALAK2010]

تفتكروا هلحق اطبخ هههههههههههههههههههههه

[نولارا]

كنت بعمل صوص لكيكه الشيكولاته
وهو عمال يزن
طلعته على الرخامه بتاعه المطبخ
لقيته نازل الحوض وعاوز يشد فى ازازه البريل والسلكه بتاعه المواعين
روحت مضطره وحقنا للدماء
شيلت سكينه الخلاط واديتهوله غطس فيه وعمل كده
جبت الكاميرا وقعدت اندهله يبص لى وده ابداااا
اخدته منه
راح مترجم كلام كتييييير كده وعمل زى ما انتوا شايفين فى الصوره
كأنوا بيقولى
هاتى الخلاط ياست انتى احسن لك ههههههههههههههههههههههههههه

[somia]

دا الواد اخويا كان بيلعب بيها ..هههههههههههههه
الهانم توتة برضه دلوقتي بتمص كل ايديها وساعات صوابعها كل صوباع شوية

[توتة السيد]

تفتكروا هلحق اطبخ هههههههههههههههههههههه

هههههههههههههههههه والله نفس السؤال سيدو قرب يجي وانا ماطبختش

[MALAK2010]

انا اول ماتمص ايديها بتصعب عليا بس هى كده جعانه ولا عاده

[Rania Negm]

هههههههههههههههههههههه دى عسل جدااااااا ماشاء الله لا قوة الا بالله

ربنا يحميها قلبى

وهتبقى قمرة بالحجاب ان شاء الله

انا اول مرة اشوفها يا سمية

سكرررررررررررررررر

[نولارا]

ههههههههههههههههههه
ما شاء الله اموره ياسمسم
كان نفسى يبقى ليا اخوات اصغر منى يلعبوا باحمد كده
بس انا اخر العنقود
بروح عندنا
احمد يضرب فى ولاد اخويا وهما يضربوا فيه ههههههههههههه

[MALAK2010]

مش عاوزة اسيبكم بس لازم اخرج جايز الحق اطبخ ربنا يسهل سلاااااااااااااااااام

[Rania Negm]

اعتقد عادة اكتر منها جوع

لان احمد شبعان او جعان بيمص صباعة

والكارثة بئى لو انا فاكراه نايم او سهيانة عنه الاقيه بيمص فى صوباعه ومندمج وممكن ينام لوحده وهو جعان

بضطر اصحى فيه ويصحى ياخد الشفطتين وينام تانى

والله زعلانة جداااااااااا الحجات دى بتخلينى اتأثر اوى ووالله بعد ما قفلت معاكو بعد الفجر قعدت اعيط

كان صعبان عليا اوى

حاسة انى لوحدى كدا وموش عارفة اهتم بيه

[somia]

احنا ماشاء الله كبرنا خلاس ياناس عارفيين الواحد كل ما يشوفها بيحمد ربنا فعلا ربنا كرمني وسترها معايا في ولادتها اخر ستر والحمد لله الواحد مكنش يشوفها اول ما اتولد كنت بخاف اغيرلها او حتى اشيلها من كثر العظم اللي ظهر فيها ..
يا جماعة التيتينا حطوها في بق النونة وخليكوا ضاغطين عليها شوية لحد ما تاخدها وتبطل تطلعها من بقها
الحمد لله انك شفتيها الوقتي احنا صحيح صغننين بس الحمد لله والشكر له كنا فين وبقينا فيييييييييييييييييين

[Rania Negm]

ههههههههههههههههههههه يا نورا ابنك رهيب ايه الشقاوة دى

انتى شكلك مدلعاه موت بكره هيديلك على دماغك

[somia]

روني متزعليش يا بنتي الاطفال كلها كده ما انا زيك انتي بس سيبيها على ربنا وهوه هيسترها معاكي ان شاء الله
نورا اخويا ده انا اللي مربياه وسمحلي اني اتزوج او بمعنى ادق اتخطب من اساسه عشان يبقى خالو ..ههههههههههه\
لوكة نتقابل بكره ان شاء الله تعالى

[somia]

اسيبكم انا كمان لحسن انا خلاااااااااااااااااااص خرفت مش قادرة

[نولارا]

ليه يارونى
والله انا ناس كتير حوالى اهو
يعنى حماتى وسلايفى
بس احمد على طول معايا ودى حاجه غايظه حماتى جدااااااااااااااا
بس انا موش ببقى مطمنه غير وهو جنبى او مع ابوه وبسسسسسسسس
عدت عليا شهور كنت بستناه ينام واقوم اخلص اللى ورايا
والشقه كانت زفت يادوب كنت بعمل الاكل
وايام كنت بفرش له فى المطبخ واخد اللعب بتاعته وندخل نعمل الاكل سوا
والايام دى بقى على رخامه المطبخ
بس والله موش ندمانه خالص
موش عاوزاه يلقط اى عاده او حاجه غريبه من بره البيت
ربنا يقويكى ويقدرك تربيه احسن تربيه

[somia]

السلام عليكم ورحمة الله وبركاته

[نولارا]

ههههههههههههههههههههه يا نورا ابنك رهيب ايه الشقاوة دى

انتى شكلك مدلعاه موت بكره هيديلك على دماغك
الولاد اشقياء جدا يارانيا ده الطبيعى
انا زى ما خالد بيقول ببقى عايزه اخلص اللى ورايا فبلهيه بأى حاجه هو كده غلط
انا مدلعاه عشان خالد بيشد عليه جامد
هو متفق معايا على كده
قالى انا لما اشد عليه
انتى ارخى من ناحيتك شويه
وبعدين هو بيشيله ويصالحه

[Rania Negm]

فى امان الله سمية وملك متتأخروش علينا تانى

يا نورا فى فرق

انتى موش متخيلة الحياة هنا مقفولة ازاى

اولا انا حاسة انى بتوه كتير وموش واعية كدا فى حاجات كتير ومبهدلة الولد معايا

ثانياااا احنا مبنشووووووفش حد

من يوم ما احمد اتولد ماشفش حد

جارتى لسه جاية من مصر لما بنزلها شقتها الولد بيبقى مكشر ومدايق من صوتها العالى ومن عياط ابنها مبيسكتش غير فى حضنى ويفضل يفرك لحد ما نطلع

اول ما احطه فى سريره والاقيه يلعب ويلاغينى كدا بتأثر جدااااااااا

بحس ان الولد ده هندمر شخصيته بسبب الغربة دى

حاساه هيطلع انطووائى وجبان موش هيقدر يواجه الناس

فاهمة ؟؟ الموضوع ليه ابعاده


وموضوع صباعه ده اللى قالقنى فيه انو اولا موش بيتغذى كويس ثانيااا فى طفال بتفضل تمص صوابعها لفترة طويلة لحد ما يبقوا كباااار

وده طبعا بيكون انعكاس لشخصياتهم الانطوائية والضعيفة والجبن

كنت سمعت كدا من دكتور

يااااااااااااااااااااااااااااااااااااااااربى لما بفكر فى اللكلام ده بحزززن جدا والله

يارب أعنا على تربية ولادنا يارب ويطلعوا أحسن حال مننا كلنا يارب

[Rania Negm]

والله يانورا تربية الاطفال موش سهلة والموضوع كبير بجد ومسؤلية

سبحان الله انتى فعلااا بتربى جيل وعلى اساس ما هتربيه هو كمان هيطلع يربى جيل

سبحان الله

يا اما تفلحى او تفشلى

مافيش وسط

الموضوع فعلااا صعب

هههههههههههههههه نورا أنا كئبتك ؟

[Rania Negm]

http://forum.hwaml.com/imgcache2/hwaml.com_1311750819_146.jpg

[نولارا]

كتتبت رد طوييييل بعدين اتمسح
عااااااااااااااااااااااا

[نولارا]

بصى يارونى موضوع صوباعه موش عارفه افيدك فيه
يارب يارب يسيبه قريب يارب

[نولارا]

كنت كاتبالك ان الاختلاط موش حلو قوى يعنى
العيال هنا بيخبوا اللعب من بعض ودى حاجه موش عايزه اعلمها لاحمد فبقيت بقعد بيه فى الشقه وخلاص
انا عاوزه اسس شخصيه قويه بعدين اطلعه للمجتمع
موش عايزه حد ياثر على شخصيته

[Rania Negm]

والله يانورا ربنا يقويكى ويعينك ويعينا كلنا وييسرلنا امورنا

بفكر كتيير انى ادور ع النت عن تربية الاطفال ومعاملة الطفل العصبى والانطوائى وكدا

اهو الواحد يتعلم بس كسسسسسسسسسسسل

[نولارا]

يمكن انا غلط فى تفكيرى بس انا موش بستحمل دلعهم للعيال خالص
يعنى مثلا العيل يضرب اكبر منه او يعمل حاجه غلط
امه ولالالالا تكلمه وتقولك اصله تعبان ومقريف
انا لسه متخانقه مع سلفتى قريب بسبب الموضوع ده
بحاول اشوف اغطائهم واتلاشاها مع ابنى

[Rania Negm]

صحيح كنت هنسسسسسسسسسسسسسسسسسى


انا عملت تحليل حمل الصبح

ولله الحمد مطلعتش حااااااااااااامل

ياااااااااااا الله القلق كان هيموتنى

ربنا كرييييييييييييييييييم

[نولارا]

عصير ايوا كده حاجه تطرى القعده هههههههههههههههههه

[نولارا]

الحمد لله
ههههههههههههههههههههههههه
دا انتى كنتى هتتعلقى
بفكر افاتح خالوده تانى فى انى اشيل اللولب وانا بطعم احمد السنه والنص
بس افتكر موش هيوافق

[Rania Negm]

والله يانورا انتى جريئة انك عرفتى تحجمى علاقات احمد بسلايفك وحماتك

انا لو مكانك بصراحة هتحرج وموش هقدر عليهم

وعلى فكرة اكيد هيبقى فى تصرفات منهم موش عاوزة ابنى يتعلمها ابدااا

لأن فى اختلاف بينى وبين عيلة محمد كبير اوووى

هم مووووووووووود وانا مووووووووود تانى خالص

وهم اتربوا على سستم وانا اتربيت على سيستم تانى خالص بردو

بس بصراحة لو كنت فى مصر موش هقدر عليهم

يابنتى دا من دلوقتى لما بيكلمونى فى التيلفون ويقولولى موش هنسيبك تروحى لأهلك موش هنسيب احمد

هو قال ياعنى بيحبوا الولد بس انا عارفة شخصيتهم المسيطرة الفظيعة اللى عاوزة تستحوذ على كل حد من طرفهم

ياااااستااار قلبتى معدتى يانورا وفكرتينى

[Rania Negm]

لا هيوافق يانورا ان شاء الله

احمد سنه دلوقتى مناسب جدااااا عشان تخاويه
وبعدين انتى موش ضامنه تحملى امتى بعد اللوب

هاتيهم سنهم قريب احسن

عشان يبقوا متقاربين فى دراستهم

موش يبقى عندك طفل داخل مدرسة ومن الناحية التانية عندك نونوة يلخمك تغيرى وتسهرى والذى منه

وممكن بعد أول اتنين تباعدى المدة بقى على تالت خلفة

[نولارا]

هى والله يارونى موش جراه اد ماهى عصبيه
انا لما كلمت سلفتى وقلتلها يعنى ده اللى بتعلميه لابنك
كانت ايدى بتترعش والله
بس هو ده طبعى بقول اللى حاسه بيه كله لابعرف اجامل وا اخبى

[Rania Negm]

تعالى يانورا افطرى معايا محشى كرنب وفراخ محشية ومحمرة

انا عارفاكى هفتانة ياقلبى

http://forum.hwaml.com/imgcache2/hwaml.com_1311752014_569.jpg

http://forum.hwaml.com/imgcache2/hwaml.com_1311752014_396.jpg

[نولارا]

ربنا يسترها معاكى يابنتى شكلهم موش سهليين ابداااااااااااا

[نولارا]

وليمه عظيمه عليها القيمه هههههههههههههههههههههههههههه
هنفطر صور ههههههههههههههههههه

[Rania Negm]

ايدك بتترعش عشان هفتانة

تعالى بس كلى معايا

يالهوووووووووووووووووى انا جعت موووووووووت يادى النيلة

[نولارا]

بصى يارانيا وجهه نظر خالد
انى ضعفت جدا ااااااااااااا
جسمى موش حمل انه يكون جنين تانى دلوقت ويديه اللى محتاجه
وانا فعلا ركبى ابتدت تطرقع وانا ماشيه هههههههههههههههههه
بس انا خايفه لاقدر الله اتاخر فى الحمل بعد ما اشيل اللولب
فعايزه اشيله قبلها بكام شهر
فى نفس الوقت خايفه اشيله احمل على طول
اوباااااااااااااا
ولسه احمد ما اعتمدش على نفسه فى اى حاجه
حتى دخول الحمام
يادوب بيعرف يشرب لوحده بس

[Rania Negm]

بوصى .؟؟ طول ما حمايا موجود ربنا يباركلى فى عمره انا مطمنة

حمايا فى مقام بابايا الله يرحمه

هو ابن خالة بابا وكان بيحب بابا جدااا

وبيحبنى انا اووى وبيبقى عارف ان مراته ليها سخفات كتيرة ونظراته ليا وكلامه معايا كأنه بيقولى فوتيلها وكبرى دماغك

والله انا مطمنة بوجوده ربنا يبارك فى عمره

لكن غير كداااا انا كنت هحس انى ضايعه من غير بابا الله يرحمه

انا لحد الآن لسه مغيبة

انا كنت معتمدة على بابا حتى بعد جواااااااااااازى بمسبة مليون فى المية

بيعملى كل طلباتى وفلوسى كانت معاه وكان سندى ومدلعنى وعاملى كل اللى نفسى فيه

محدش يقدر يكلمنى طول ماكان عايش نور عينى

كانت حماتى بتعمله الف حساب

انا خفت اووى بعد ما اتوفى الله يرحمه

حسيت ان حماتى هتالنى وتحطنى تحت دراعها وهتدفنى بالحيا هناك فى شبين بتاعتهم دى

لكن اخواتى لما كلمونى وقالولى حمايا اد ايه كان كويس مع بابا قبل وفاته وكان بيرعاه ازاى وهو فى المستشفى وكان بيطمن بابا عليا

الكلام ده طمنى كتير الحمدلله

ربنا يسترررررررررررررررررر ويهديهم عليا ويحبب زوجى فيا

لأنه مرتبط بيهم بجنان وعنده امه واهله فوق اى اعتبااااااااااااراااااااااااااااااااااااااااات

نفسى غلاوتى عنده تبقى زى أهله

واحس انه حامينى من ضهرى وانه يكره اللى يكرهنى ويضرنى ويجيبلى حقى من أودامى ومن ورايا

ياااااااااااااا الله انا بفكر فى حاجات تودى فى داهية

ربنا يبعد عنى شيطان واعدى الفترة دى على خيييير

نورااااااااااااااااا خلينا نغير السيرة بئى

[Rania Negm]

نورااااااا طب مانتى تستعدى من دلوقتى فعلااا

انا قبل ما قرر حملى بشهرين تلاتة هظبط نفسى بفوليك أسيد واديها ألبان وبروتينات وخضار

تركيز مكثف ياعنى

انتى من دلوقتى ابدأى وان شاء الله شهرين اودام هتلاقى الدنيا اتظبتت

وخدى خطوات جادة بدل ما تخسى اكتر واكتر والوضع يتطور

[نولارا]

الله يرحمه يارب هو وابويا وكل اموات المسلمين
ويجعل قبورهم روضه من رياض الجنه
ان شاء الله ربنا ييسر لك امورك يارانيا
اسكتى امبارح خالوده عاتب امه عشانى
ياخلاصى كنت عايزه ابوسه
بس فى نفس الوقت وقفت معاها
عشان ما تحسش انى بستقوى بيه عليها
ده احساس فظيع ممكن الام تحسه

[نولارا]

فكره برضه
انا كنت فكرت فعلا اخد حبوب الحديد
عشان حتى السمار اللى تحت عنيا ومسكات الخيار بتاع خالد هههههههههههههههههههههههه
ان شاء الله اعمل اللى انتى قولتيه

[Rania Negm]

قشطة انا كمان نفسى محمد يتخانق مع مامته عشانى

معرفش على ايه بس يتخانق معاها عشانى وخلاص ههههههههههههههههههه

ميتهيأليش عمره ممكن يعمل كدا

ده طلع كان مأموص منى عشان وانا ماشية بزعأ زى المجنونة فى الشقة لما كانت حماتى حاطة الكبة فى حتة انا موش عارفاها

عمالة اقووووووووووووووووول الكبة مكانها معروف تتشال من مكانها لييييييييييه ؟؟؟؟؟؟؟

ايه اللى شالها من كرتونتها ؟؟؟؟؟؟؟ ادور عليها فين ياربى فى الحماااااااااااااام ؟؟

ههههههههههههههههه يوميها فضل ساااااااااااااكت

ساااااااااااااااااااااااااااااااكت

يومين كدا وانا اللى قلتله قولى مالك انا موش قادرة استحمل كدا

راح قالى بئى ازاى تتنرفزى وتتكلمى عن ماما وانتى متعصبة كدا وموش عارفة ايه

وياختى كان مقهوور أوووووووووووووووووووووووى

واول مرة اشوفه محموووء على حد كدا

هووووف

[Rania Negm]

هههههههههههههههههههه ايه اللى عرفه بمسكات الخيار دى ههههههههههههههه

[Rania Negm]

يلا نحلى بئى

بسبوسة بالقشطة


http://forum.hwaml.com/imgcache2/hwaml.com_1311753122_302.jpg (http://www.facebook.com/photo.php?pid=583397&id=114809545209707)

[نولارا]

بصى يارانيا
انا بقول لو موش ليهم خير فى امهاتهم موش هيبقالهم خير فينا
انا وخالد ياما اتخانقنا بسبب حماتى والله
والفتره الاخيره كنت ميته فى جلدى وحاسه ان حبه ليا قل بسبب كلامى على امه
فبقيت بعمل لها اللى هى عاوزاه على قد ما قدر
وبتحكم فى اعصابى وانا بتكلم عليها
والحمد لله لسه خابطنى بوسه وانا نايمه قبل ما ينزل الصبح ههههههههههههههههه

[نولارا]

هههههههههههههههههههه ايه اللى عرفه بمسكات الخيار دى ههههههههههههههه
لا ده خالود عفريت فى الحاجات دى
بنت اخوه ياختى كانت مروقاه قبل الجواز ههههههههههههه
كانت بتعمله كمان توم وتفركه على الحتتين اللى داخليين فى الدماغ اللى مفيهمش شعر دول اسمهم ايه هههههههههههههههههه

[Rania Negm]

ههههههههههههههههههه ان كان الموضوع هيجيب خبط بالبوووس يبقى نتكلم عنها كويس وماله ياختى

البوس شح اليومين دول

[Rania Negm]

اسمهم الثعلبة يا نورا ههههههههههههههههههههههههههههههههههههههههه

[نولارا]

هههههههههههههه
ايوه الا البوس هههههههههههههههههه
قريت كلامكم عن الرقص السلو
بقوله ما تيجى نتفرج على فرحنا ونستعيد الذكريات
قالى ماشى يانون
انتى جهزى اكله حلوه
وفاكهه وحلويات ومزه
ونستعيد الذكريات
قلتله ايه الرومانسيه دى
قالى بقالك كتييييييير ما وضبتيش عشه حلوه
كله فول وجبنه
فول وجبنه
جبته لنفسى انا هههههههههههههههههه

[Rania Negm]

هههههههههههههههههههههههههههههههههههههههههه وهو بيفكر فى الاكل اساسا بلا رومانسية بلا بتاع يا شيخة

انا محمد جوزى ماشفش الفرح غير اول ماجبنا الفيديو

كل ما اقوله تعالى نستعيد سواا

يقولى لما بشوف الفيديو بتنكد

ههههههههههههههههههههههه دى كلمة تتقال ؟؟؟

اصلنا اتدبسنا ولتصوير والصوت كان زبالة

[نولارا]

انا برضه اتفرجت يجى خومسوميت مره
خالد اتفرج مره واحده وبس
افتكرت كمان نيمنى على دراعك
ههههههههههههههههههههه
خالد كان عاوز ينيمنى على دراعه وانا اللى كنت مكسسوفه وعماله ازقه بعيد هههههههههههههههه

[Rania Negm]

http://forum.hwaml.com/imgcache2/hwaml.com_1311754099_182.jpg

http://forum.hwaml.com/imgcache2/hwaml.com_1311754100_317.jpg

http://forum.hwaml.com/imgcache2/hwaml.com_1311754098_558.jpg

http://forum.hwaml.com/imgcache2/hwaml.com_1311754097_415.jpg

http://forum.hwaml.com/imgcache2/hwaml.com_1311754100_679.jpg

http://forum.hwaml.com/imgcache2/hwaml.com_1311754095_413.jpg

http://forum.hwaml.com/imgcache2/hwaml.com_1311754099_371.jpg

http://forum.hwaml.com/imgcache2/hwaml.com_1311754099_533.jpg

http://forum.hwaml.com/imgcache2/hwaml.com_1311754096_926.jpg

http://forum.hwaml.com/imgcache2/hwaml.com_1311754097_872.jpg

http://forum.hwaml.com/imgcache2/hwaml.com_1311754095_933.jpg

http://forum.hwaml.com/imgcache2/hwaml.com_1311754097_127.jpg

http://forum.hwaml.com/imgcache2/hwaml.com_1311754100_844.jpg

http://forum.hwaml.com/imgcache2/hwaml.com_1311754097_670.jpg

http://forum.hwaml.com/imgcache2/hwaml.com_1311754099_278.jpg

http://forum.hwaml.com/imgcache2/hwaml.com_1311754096_716.jpg


http://forum.hwaml.com/imgcache2/hwaml.com_1311754096_757.jpg


http://forum.hwaml.com/imgcache2/hwaml.com_1311754098_202.jpg



شوفى الموزز دول شكلهم حلو ازاى فى الجلاليب ؟؟

اهى لو واحدة فينا لبست جلبيه من دوول يقولولك عاملة زى الخدامين ههههههههههههههههههههه

[نولارا]

ههههههههههههههههه احنا برضه موزز هههههههههه
امبارح بقول لاحمد بص البنوته الحلوه ماشيه فى ايد مامتها ازاى
مااخدتش بالى ان امها لابسه بنطلون ضيق وسايبه شعرها
لقيت خالد بص بقرف كده وبعدين بص لى
قولتله اخ يااحمد انتا بصيت على الموزه الصغيره وابوك بص على الكبيره
قالى بلا موزه بلا بتاع
فى حد يمشى كده فى الشارع
عجبنى الراجل ده
شكلى هتجوزه تانى هههههههههههههههههههه

[Rania Negm]

ههههههههههههههههههههههههههههههههههههههههههه يانورا على نياتك انتى

لما محمد بيكلمنى بالطريقة دى بفقس على طول العكس ههههههههههههههههههههههههههه

فى حاجات كدا ميختلفش عليها اتنين

تلاقيه هو يقولك ايف ياع

ههههههههههههههههههههههههه

[Rania Negm]

http://forum.hwaml.com/imgcache2/hwaml.com_1311754594_210.jpg

المفرش اللى عاجبنى وكانت رنا حاطاه

ب 2600 جنيه

لييييييييييييييه ياعنى ؟؟؟؟؟؟؟ بيتكلم ولا بيوكوك

[نولارا]

لاء لاء
انا خالد موش بيخاف يبين رد فعله الحقيقى قدامى
وانا كمان بفقسه اوقات بيقول كلام عشان يغيظنى ويقعد يضحك هههههههههههه

[نولارا]

2600 ج بس
يابلالالالالالالالالالاش
هههههههههههههههههههههاكيد بيعزف الحان هاديه تجيب النوم
بمناسبه النوم
ادخل انام شويه جنب موكشه
قبل ما يصحى تانى
يلا سلام ياموزه
بوسيلى احمد

[Rania Negm]

هههههههههههههههههههه ماشى ياعم انا كنت بحاول اهدى النفوس بس منفعش ههههههههههههههههههههههههههههههههههههههههه

بت يانورا اسرحى بئى

انا منمتش من امبارح وعماله تغرينى وتخلينى ارغى معاكى

[Rania Negm]

http://forum.hwaml.com/imgcache2/hwaml.com_1311754998_134.jpg


قلوب البانيو المضيئه تعكس اضائه ساحر ورمانسيه بالماء تعمل فور ملمستها بالماء مزوده بحجاره

السعر 12 جنيه القطعه 3 قطع 30 جنيه


وااااااااااااااااااااااااااااااااااااااااو

[Rania Negm]

http://forum.hwaml.com/imgcache2/hwaml.com_1311755087_750.jpg


http://forum.hwaml.com/imgcache2/hwaml.com_1311755088_993.jpg

[نولارا]

ههههههههههههههههه
انا سبقتك هههههههههههههههههههههههه
يلا ننام يابتاعه القلوب المضيئه انتى هههههههههههههههههههه

[Rania Negm]

الشاليموووو المضئ


http://forum.hwaml.com/imgcache2/hwaml.com_1311755170_285.jpg


أموت فى اللعلطة

[Rania Negm]

هههههههههههههههههههه ماشى يانورا

اسرحى انتى وانا هقفل الباب واخرج وراكى على طول

[Rania Negm]

http://forum.hwaml.com/imgcache2/hwaml.com_1311755309_191.jpg


قشطة جداااا

الدوووووووووش المضئ ب 55 جنيه بس


دانا هخلى اخواتى يشترولى الحاجات دى من مصر\

صباح الزغللة ولاألوان

[Rania Negm]

http://forum.hwaml.com/imgcache2/hwaml.com_1311755340_282.jpg


ب 50 جنيه

[نولارا]

ههههههههههههههههههههههههه اخر مسخره (http://forums.fatakat.com/thread1737857)
دا احنا بنسرق اللحظات والواد نايم ههههههههههههههههههhttp://forums.fatakat.com/thread1737857

[Rania Negm]

http://forum.hwaml.com/imgcache2/hwaml.com_1311755382_493.jpg


ناموسية مضيئة للبيبى

ب 70

[Rania Negm]

http://forum.hwaml.com/imgcache2/hwaml.com_1311755418_659.jpg

السلحفاه المضيئة

[نولارا]

http://forums.fatakat.com/thread1737857

[Rania Negm]

ايه ياعيال حكاية فتكات اللى واكل دماغكوا ده

ده موقع خنيئ وكله اعلانات

[Rania Negm]

هههههههههههههههههههههههه جامد يانورا

هقول لمحمد عليه

انا وهو بنموت فى التنكرى

بس مكنتش لاعرف ان فى للرجالة

قشطة لو لاقيت هجيبهاله هدية عيد جوازنا

[Rania Negm]

http://forum.hwaml.com/imgcache2/hwaml.com_1311755861_468.jpg

[Rania Negm]

http://forum.hwaml.com/imgcache2/hwaml.com_1311755892_291.jpg


عووووووووووووووووووووووووووووووو

[Rania Negm]

اباجوووووووووووورة عملاقة


http://forum.hwaml.com/imgcache2/hwaml.com_1311755943_904.jpg

[Rania Negm]

كفاية بئى
ياااااااااااااارب احمد ينيمنى شوية وميصحاش ويطلع جدع

اخيرا حسيت بالنوم دلوقتى

[om arwa]

صبااااااااااااااااااااح الخيرررررررررررررر

[om arwa]

محدش ملاحظ حاجة

[gogo]

يابنات ادعولى هروح بكره اشوف التأشيره طلعت ولالا وبكره اخر فرصه علشان احضر اول رمضان مع جوزى وكمان حاجزه تذكره السفر
دعواتكوااااااااااااااااا

[om arwa]

يارب ييسرلك السفر يارب
ويجمعكو على خيرررررر

[دودى مجدى]

ربنا ييسرلك الامور يا جوجو وصباح الخير عليكو يا قمرات والله انا برضو مامتى مشكلتها زيك كدة يا جوجو وحاجزة يوم الجمعة وبكرة اخر معاد ليها عشان تجيلى يارب تطلع تاشيرتك وتاشيرتها

[om arwa]

دينا مش تباركيلى دخلت التالت الحمدلله
يارب يبقى النونو بخيرررررررر
عاملة ايه النهاردة؟؟؟؟؟

[malak ahmed]

الف مبرووووووووووووك يا سمسم دخولك التالت وعقبال التاسع يارب

بتفكريني بنفسي كل ما ادخل شهر جديد اجي ازغرط هنا واقولهم باركولي هههههههههههه

عقبالي يارب بقي لما توقيعي حبيبي يفرحني ويدخلني التاسع يلا الزغروطه بتاعتي قربت اهي يمكن ازغرطها النهارده بليل ان شاءالله

[malak ahmed]

ازيكم بقي

ومين هنا ومين مش هنا

هروح اخد شاور عالسريع كده علي ما واحده فيكم تيجي ترد عليا

[Om Rodina]

السلام عليكم ورحمة الله وبركاته
حبايبى كلكم وحشتونى خاااااااااااااالص والله ونفسى اتكلم معاكم زى الاول بس مش عارفة اعمل ايه من يوم ماسافرت وانا مش عارفة اقعد معاكم خالص بنتى مبهدلانى وعاوزانى دايما شيلاها ومش بالاقى وقت اكلمكم خالص
اخباركم ايه كلكم لانكم وحشتووووووونى خالص والله

[دودى مجدى]

لولولولى الف مليون مبروك يا ام اروى عقبال ما ييجى النونو وتشوفية قدامك يا رب انا كويسة حبيبتى ازيك انتى يا سمسمة اخبارك اية وعاملة اية

[Om Rodina]

رونى حبيبة قلبى وحشتينى مووووووت ايه العسل ده ماشاء الله اللهم بارك ربنا يحفظه ويحميه يارب خلاص احنا كده هانكبرله العروسة على اد مانقدر وما تقلقى شعرها لسه حلو الحمد لله مش اتغيرهههههههههههه وبعدين كمان احنا قربنا منكم خاااااالص وبقينا جيران

[Om Rodina]

ازيك يادودى اخبارك ايه ومبارك عليكى الحمل ربنا يكملك على خير وتفرحى بالنونو

[malak ahmed]

انا جييييييييييييييييييييييت

رووووووووووفي حبيبتي وحشاني والله .. ايه الغيبه دي بس بقي كل ده رودي تعملو .. بدايه مبشره ان شاءالله

كل سنه وانتي بخير يا قلبي ورمضان كريم .. اخبارك ايه ورودينا العسل عامله ايه

[malak ahmed]

ازيك يا دودي

اخبار الحمل معاكي ايه النهارده

[Om Rodina]

مبارك عليكى الشهر التالت ياام اروى عقبال التاسع يارب وتقومى بالسلامة وعقبال ملوكة احمد ربنا يقومها بالسلامة وباقى البنات اللى لسه بالشهور الاولى ربنا يكملهم على خير ويفرخهم بالنونو ياااااااااااارب

[دودى مجدى]

اهلا بيكى حبيبتى ام رودينا الله يبارك فيكى ويخليلك عروستك الامورة

[Om Rodina]

وانت طيبة وبخير ياحبيبة قلبيى يااارب ربنا يقومك بالسلامة يارب ياحبيبتى والله رودى مبهدلانى ع الاخر مش بترضى تقعد كده لوحدها لازم انا اشيلها وامشى بيها وكمان مافى غيرى انا وهى بس ف البيت وباباها بيبقى ف شغله علشان كده مش لاقيه وقت خالص اقعد معاكم فيه

[dr.princess]

جوجو روفى نهاد دينا ازيكم يا قمرات

جوجو دينا حمايا بيقول انه لما راح يحجز قالوله لازم يحجز ذهاب وعودة وطبعا احنا مش عارفين موضوع العودة دى هتكون يوم كام انتوا حاجزين كده برده ولا ايه


جوجو ربنا ييسرلك الحال والتأشيرة تطلع وتستقرى مع جوزك

[دودى مجدى]

ازيك يا ملوكة والله النهاردة نفسى ضيق جداااااااااااااااا وحاسة انى مخنوقة ومش عارفة اتنفس وكمان اما بكلم كتير قلبى بيوجعنى وبيدق بسرعة هو دة عادى فى الحمل

[Om Rodina]

ربنا يخليكى يارب ويكملك ع خير يارب ويرزقك ببنوتة عسولة

[dr.princess]

مبرووك على الثالث يا سماا عقبال التاسع ان شاء الله

[دودى مجدى]

ازيك يا لولو اخبارك اية يا حبيبتى ايوة انا ماما برضو قالولها لازم ذهاب وعودة وحجزت بس قولنا لما تيجى هناخر العودة من شركة الطيران

[Om Rodina]

لولو حبيبتى اخبارك ايه وعاملة ايه وحمودى اخباره ايه
ايوا ياحبيبتى طالما انها تاشيرة زيارة لازم وهو بيحجز تكون ذهاب وعودة ولازم يحدد معاد العودة فيها