دردشة حوامل مصر - دردشة بنات مصر - تجمع حوامل مصر ‏

[*رحمه*]

الحمد لله يا رووووووني انا كويسه بقيت احسن
لوجي القمر عامله ايه وحشتني قووووووووووووي

[رنا خالد]

هادخل انا بقي اصلي الظهر واكمل نوووووووووووم
تصبحوا علي خير

[dr.princess]

هههههههههههههه يعنى انتم السابقون ونحن اللاحقون يا دينا

طبعا يارنا انا مزة وستين مزة كمان ههههههههههههههه

[dr.princess]

جوزى رجع من جده بالسلامة الحمدلله
استئذنكم انا بقى ونكمل كلام بالليل ان شاء الله

[دودى اشرف]

صباح النووووور على البنور صباح الفل على الكل
انا بصبح على عمر كده بس بقوله على سيد الكل

ازيكم بجه ...وحشتونى ...

رنا عامة ايه فيييييييييييييينك يا بنتى

دينا ازيك يا قمر عاملة ايه دلوقتى ؟؟؟

مشمشة عاملة ايه يا حبيبتى

[*رحمه*]

و انتي من اهله يا رناااااااااااا
فعلا يا لولو ربنا معاكي
بس كنت عايزه اسألك على حاجه لو الزياره اتقبلت دلوقتي المفروض يطلعوا في خلال اد ايه تعرفي المعلومه دي ، عشان عايزه اعمل زياره ل بابا و كنت هعملها اول الشهر

[*رحمه*]

ازيك يا غاده عامله ايه و عمر عامل ايه

[دودى اشرف]

لولو ازيك يا قمرر وازى محمد ؟؟؟

[*رحمه*]

غاااااااده
انا هقوم اصلي الظهر و هجي

[دودى اشرف]

ماشى يا قمر تقبل الله

كله خرج...انا كمان هقوم لان جوزى على وصول ونتقابل كمان شوية لو حد موجود

[نولارا]

hانا هاطق
ومش عارفه اعمل ايه

[ام انس المصريه]

صباح الخير بعد الظهر

صباح الخير وصباحنا يارز ولبن وطبخنا لو كان الوقت بدرى كنا كلنا وانشرحنا

صباح الخير بقول يارب زيد العمر طول

صباح الخير بزياده تعمى عيون الحساده

صباح الخير الشمس طلعت ع السرير

ستو الله يبارك فى عمرها هو اللى كانت بتصحينا تقولنا كده

حد فيكم بيقول لعيالو كده هاااااااااااا

انا هبقى اقول كده لاحفادى هههههههههههههه طب مش اما اقول لكده لاولادى

الهبل اشتغل اهو

حد هنا يكلمنىىىىىىىىىىىىىىىىىىىىىىىى

طبعا مفييييييييييييييييش

[نولارا]

انا هنا يااختى

[عاشقة الود]

صعبه يروح لبيت اخوه وهو خارج البيت

طيب ينتظر حتى يجي اخوه ويروح ويصلح على كيفه

شئ غريب

طيب هي مرات اخوه كيف ترضى يجيها البيت !!!!!!!

[انشودة حزن]

السلام عليكم ورحمة الله وبركاته ازيكم يا بنات عاملين ايه انا عضوة جديدة في المنتدى معاكم ودي اول مشاركة لي وعايزاكم بليز تساعدوني انا متجوزة بقالي ثلاث شهور وفي غربة وصراحة معنديش خبرة في امور الجواز وعندي سؤال من فضلكم ياريت تساعدوني انا الشهر الي فات اتاخرت عني الدورة خمس ايام ولو انها بقت منتظمة من بعد الجواز وكنت بحس باعراض زي اعراض الحمل الي سمعت عنها قلت خلاص يمكن ده حمل بس للاسف نزلت علي دم بس كانت مختلفة عن الي بتيجي كل مرة يعني كان لونها فاتح والشهر ده انا حسبت يوم الدورة زي الشهر الي فات يعني النهاردة وعندي الام فظيعة قبلها باسبوع في اسفل بطي وفي صدري وظهري كمان ونومي بقا مضطرب بحب انام بالنهار وليل مش بيجيني نوم وكثرة التبول اعزكم الله وبقت بستنا جوزي يعمل اي حاجة عشان اشخط في وشه مسكين بيصعب علي هههههههههههههه شكله حيتعب مني واحا لسة في اولها اسفة لو طولت عليكم بس حبيت اوضح الموضوع طيب في رايكم ممكن اكون حامل ولا لا واستنى قد ايه واعمل تحليل دم عشان اعرف بليز ردو علي اختكم انشودة حزن

[انشودة حزن]

هو مفيش حد هنا ولا ايه بليز ردوا ربنا يخليكم

[دودى اشرف]

عليكم السلام ورحمة الله وبركاته اهلا بيكى يا حبيبتى معانا .. والف مبروك على الجواز ونباركلك ان شاء الله قريب على الحمل ..وان شاء الله ربنا يرزقك بالذرية الصالحة
والله انا اعرف ان ممكن يكون فى حمل والدورة تنزل ... واعراض الدورة زى الحمل بالظبط
علشان ترتاحى اعملى تحليل .. هو المفروض لما الدورة بتتأخر بتعملى تحليل بعدها باسبوع او اتنين بس طبعا محدش بيستنى المده دى .. انا عملت بعدها ب 5 ايام تقريبا تحليل فى البيت وبعدين عملت دم وربنا يرزقك امين يارب

[ام انس المصريه]

حلالة المشاكل ام عمر هههههههههههههههههه

كبيرتنا هنا والمعلم بتاعنا وصبح صبح ياعمى الحج وشوبششششششش لام عمر

ههههههههههههههههههههههه

اشتغلت عشانك مشواشاتى اهو ياام عموره

[ام انس المصريه]

شكلك ياام عمر مش عارفه يعنى ايه مشوشاتى ومش هتعرفى غير لما اقولك

المشوشاتى ده اللى بيبقى فى الافراح الشعبيه بيقعد يكلم ورا المغنواتى

شفتى فييلم الفرحح عارفه بقى دور ماجد الكدوانىىىىىىى

هو ده بقى المشوشاتى

هتقولى معرفشششششششششش ماجد الكدوانى ومعرفش فيلم الفرح

هقولك ياحزن الحززززززززززن ههههههههههههههه

[دودى اشرف]

هههههههههههههههههههههههههههههههههههههههههههههههههه ههههههههههههههههههههههههههه
ماشى يا شلموئة ده انتى مصييييييبة . هسميكى بعد كده شلموئة زى اسم بنت عمى اسمها شيماءوبنقولها كده هههههههههههههههههه

اكبر منك بيوم يعرف عنك بسنة . وشوفى بقى انا اكبر منك بكااااااام سنة هههههههههههههههه

[انشودة حزن]

عليكم السلام ورحمة الله وبركاته اهلا بيكى يا حبيبتى معانا .. والف مبروك على الجواز ونباركلك ان شاء الله قريب على الحمل ..وان شاء الله ربنا يرزقك بالذرية الصالحة
والله انا اعرف ان ممكن يكون فى حمل والدورة تنزل ... واعراض الدورة زى الحمل بالظبط
علشان ترتاحى اعملى تحليل .. هو المفروض لما الدورة بتتأخر بتعملى تحليل بعدها باسبوع او اتنين بس طبعا محدش بيستنى المده دى .. انا عملت بعدها ب 5 ايام تقريبا تحليل فى البيت وبعدين عملت دم وربنا يرزقك امين يارب
اهلا بيكي يا ام عمورة وربنا يبارك فيكي يا قمر تسلمي علا ردك ويارب يطلع كلامك صح ويرزقني ربنا ويرزق كل محرومة بالدرية الحسنة انا حستنى كدا يوم لو مشرفتش حروح اعمل تحليل دم وا شاء الله اجي ابشركم ادعوووووووووووووووووووولي

[ام انس المصريه]

ربنا معاكى ياانشوده ويعوض عليكى ويرزقك الذريه الصالحه يارب

انا وانتى وكل محروم

[ام انس المصريه]

لسـْت فـِي صـفّ الأميـرات،،
ولـَم أدخـُل فـِي مسـَابقـة الجـَميـلَات
ولاكـُنت من العـَارضـَات الفـَاتنـات،،،
ولـَكنّـي أطمـَح أن أكــُون فـِي صـفّ التـّقيـّات،،،
وأدخــُل مسـَابقـَة العَفيفـَات وأكـُون من الثـّابتـَات،،
وأتمنـّى أن ألـْحـَق بالصـّالحـَات وأكـُون فـي ركـْب الصـّابـِرات الشّهِيـدات

[ام انس المصريه]

نقدم لك طريقة عمل كيكة الشيكولاتة بالبسكويت التي من شدة حب الأمير "ويليام" لها منذ طفولته.. لأنه كان يتناول قطعا منها مع الملكة كل يوم ساعة تقديم شاي الساعة الخامسة.. طلب من الشيف "دارن ماكغريدي" Darren McGrady طباخ القصر الخاص إعدادها خصيصا لعروسه "كيت" يوم الزفاف.

المواد:
نصف ملعقة زبدة لدهن القالب
* 8 أونصات بسكويت سادة Rich tea biscuits
* 4 أونصات زبد غير مملح طري
* 4 أونصات سكر ناعم
* 4 أونصات شيكولاتة سوداء للكيكة
* بيضة واحدة
* 8 أونصات شيكولاتة سوداء لتغطية الكيكة
* أونصة واحدة شيكولاتة للتزيين.

الطريقة:
لإعداد الكيكة:
* إدهني دهنا خفيفا قالب كيك مستدير وضعيه على صينية فوق قطعة من ورق المطبخ.
* إكسري كل قطعة بسكويت لتكون القطع في حبة اللوز وإتركيه على جانب.
* إخلطي الزبد والسكر في طبق عميق وقلبيه حتى يصبح المزيج كريمة خفيفة.
* سيحي ال4 أونصات شيكولاتة وإمزجيها مع كريمة السكر والزبد مع التقليب المستمر.
* أضيفي البيضة للخليط السابق.
* أضيفي قطع البسكويت وقلبي حتى تتغطى كل القطع بالشيكولاتة.
*إغرفي المزيج في القالب الذي سبق إعداده.
* ضعي القالب في الثلاجة لمدة 3 ساعات.
* أخرجي الكيكة من الثلاجة وإتركيها لترتاح بينما تقومين بتسييح ال8 أونصات شيكولاتة السوداء.
* إقلبي الكيكة من القالب المستدير فوق رف من السلك.
* صبي الشيكولاتة فوقها وغطي بها كل سطح وجوانب الكيكة بسكين مسطحة عريضة.
* إتركيها لتستقر في حرارة الغرفة ثم إنقليها على طبق التقديم.
* سيحي الشيكولاتة المتبقية وزيني بها أعلى الكيكة.

[مامامشمشة]

السلام عليكم

[مامامشمشة]

ازيكم جميعااااااااااااااااااااااااااااااااا

[ام انس المصريه]

اوعو تعملو الكيكه دى

الكيكه فيها سم قاتل

ندااااااااااااااء الى ابراهيم معرفش اسم ابوه ايه

الكيكه فيها سم قاتل

ههههههههههههههههههههههههههههههههه

[ام انس المصريه]

وعليكم السلام ياشوشو

ازيك وازى لوجى القمر

اسيبك اقوم اصلى المغرب

[مامامشمشة]

اتفضلى مستنياكى وهو مسموش ابراهيم

[مامامشمشة]

الى السيد احمدابراهيم القاطن بدير النحاس لاتشرب الدواء الذى ارسلت ابنتك فى طلبه الدوااااااااااء به سم قاتللللللللللللللللللل

[نولارا]

gازيك يامشمشه

[نولارا]

من حكمدار العاصمه هههههههههههه

[ام انس المصريه]

حكمــــــــــة اليوم

حين تقســــو عليك اللحــظــــــات وكــل شــــيء كــان معك يصــــبح ضـــــــدك
لا تقســـــــــو على نفســـــــــك
...قـــلْ يـــــا رب وابتســــــم
وان لم تســــتطع أن ترســـــم الابتســـــامه على شـــــــفــاك
ارســـــمها على شـــــــفاه من هــم حولك
هكـــــــذا تكــــــــــن ســـــعيـــــــــدا

[ام انس المصريه]

ياختى بتتفرجو على افلام ابيض واسود كتير

انا مبحبش الافلاه خاااااالص

بحب التمسيلات التركى زى العشق الممنوع بتاع سمر الله يكحمها هههههههههههههههه

واتفرجت على وتمضى الايام بتاع غزل واسمر وعلى

كانت جمييييييييييييييييييله كنت بحب اسمر ده اوى جوزى كان بيكرهو كره العمى عشان كان رومانسى

بس للاسف ماعندى تلفاااااااااااااز اهىء اهىء وااااااااااااء

كنت بتفرج عند مامتى

[ام انس المصريه]

استاذن ياموزز الظاهر مفيش غيرى

هنزل اقعد مع حماتى وامرى لله

سلام ياقمرات

بس اوعو تتغرو فى نفسكو انا بس بجامل

انا القمر الوحيده اللى هناااااااااااااااااا

ههههههههههههههههه

[مامامشمشة]

اهلا يانورا

[نولارا]

ازيك انتى
لوجى عامله ايه

[مامامشمشة]

لوجى كويسة الحمدلله منورة دنيتى والله ومطلعة عينى اناوابوها

[Rania Negm]

سلام عليكم

ازيكوا ياحبايبى وحشتونى

انا مخنوقة أووووى حاسة انى بموت بالبطئ نفسيتى زفتتتتتتتتتتتتتتتتتتتت وحاسة الدنيا مضلمة فى وشى والنفس اللى بيطلع بيدخل غيره بصعوبة

ياااااااااااااه احاسيس فظيعة ربنا مايكتبها على حد

مخنوقة حاسة انى محبوسة فى أم البلد دى

مقيدة كدا موش عارفة أروح ولا أجى

هتجنن على بابا محدش بيقولى حاجة فى مصر منتهى الغباء

خلاص عرفت ان حالته خطيرة يعرفونى بئى الوضع حتى لو بيسوء

أنا دماغى بتفضل تودى وتجيب وبحلفهم يقولولى الحقيقة انا كدا تعبانة أكتر

لكن منتهى البرود يقولولى الحمدلله ولما اضغط عليهم يقولوا تعبان يا رانيا ادعيله

كل ما اكلم حد من اخواتى يضحك عليا بكلمتين بكلم اخواتى السبعة كل واحد باخد منه حاجة شكل واكتشف ان التانى مخبى عليا حاجة لما هيجننونى

والله يا بنات حاسة ان قلبى مولع فى ناار فى صدرى موش قادرة اخد نفسى هموت من القلق

نفسى انزل واشوفه وفى نفس الوقت موش متخيلة انى هشوف بابا حبيبى وهو نايم فى سرير موش بيتكلم موش بيتحرك

طول الوقت مفهمنى إن جاتله جلطه وكلمت اختى جوزها رد عليا وقالى هى فى البيت انا اللى هنا عند بابا فى المستشفى .. واكتشف من حمايا انها كانت فى المستشفى فاستنتجت طبعا انها كانت بتعيط وموش رضيت تكلمنى

لما قلت لجوز اختى يعنى بابا موش هيتحرك تانى ؟؟ قالى الجلطة دى موش مهم خالص هم سيطروا على جلطة المخ وفى جلطتين فى القلب بيحاولوا يدوبوهم ربنا يعافيه يارب

باصرار رهيب منى لما لاقانى بعيطله فى التليفون واقوله محدش بيقولى حاجة وانا هموت هنا

قالى متخافيش من الجلطة دى أهون حاجة قالى المشكلة بس ان كل شوية حاجة بتظهر

ميه على الكلى وميه على القلب وقالى على حاجات تانية التليفون كان بيقطع مسمعتش

بيقولى الدكاترة بيقولوا لو عدى عليه لحد يوم الخميس يبقى كدا خير ومرحلة الخطر عدت

انا موش فاهمة ايه مرحلة الخطرر اصلااااااا !! ولو لاقدر الله حتى محصلش تحسن بعد الشر بعد الشر إيه اللى حاصل او ايه المضاعفات ؟؟ نفسى يفهمونى حاجة

انا هموووووووووووت

عندى شك ان بابا فى غيبوبة ومش قايلين والله دماغى هتنفجرررررررر

مش عارفة اعمل ايه ؟؟ اعمل ايه طيب ؟ ولا عارفة اكلم حد ويريحنى وارتاح

ولا قادرة انزل مصر محبوسة هنا بسبب أوراق أحمد

هتجنن هتجننننننننننننننننن موش عارفة اعمل ايه
اعمل ايه بس ياااااااااااااااااااااااااارب

وحبيبى وحشنى آخر مرة سمعت صوته كانت قبل الجلطة بيوم وكان صوته ضعيف اوى حبيبى بعدها مبقاش يتلكم

احساس رهيب انى موش هسمع صوت ببابا تانى انا هموت والله

محمد هيودينى الحرم ان شاء الله يوم الخميس عشان اعمل عمره أو اصلى وادعى ليه

كان نفسى اعمل العمرة بس خايفة أنوى ومقدرش أكمل لأنى لسه بتعب من المشى شوية

لما محمد يصحى هخليه يكلم حمايا لأنه كان عند بابا فى المستشفى يمكن نعرف حاجة جديدة

انا مخنووقة جداا بس ارتحت شوية لما كتبت كدا وحاسة ان فى حد هيقرى كلامى

حبايبى ادعوا لبابا دعوة صادقة بظهر الغيب

هو أمل صعب شوية بس مافيش شئ صعب على ربنا سبحانه

يارب يعديها على خير ويرزقه الصبر على الابتلاء ويرجع ينور بيته سالم معافى ويقدر يقف ويمشى على رجليه ويرجع يتكلم تانى حبيب قلبى واسمعه بيدعيلى تانى زى ما عودنى يااااااااااااااااااااارب

[مامامشمشة]

ربنا يشفيه يارانيا ويقوم بالسلامة بس انتى متزعليش نفسك وخلى املك فربنا كبير وعشان ابنك اللى بيرضع ده

[مامامشمشة]

وكل اللى يجيبه ربنا خير

[انشودة حزن]

الف سلامة عليه وربنا يقومه ليكم بالسلامة يارب ويبعد عنه كل شر متخفيش يا قمر ان شاء الله حيبقى كويس وتسمعي صوته قريب يارب

[توتة السيد]

ياقلبي يارانيا ياحبيبتي ربنا يعفي عنه ياااااااااااااااااارب ربك كريم وقادر علي كل شئ

انت ادعيله وكلنا هندعيله وان شاء الله يقوم بالف سلامة

هما ياقلبي مش بيرضوا يقولولك علشان مايقلقوكيش لانك في غربة ومش بايدك حاجة

روقي كده ولو كنتي بداتي تصلي صلي وادعي ربك كريم

[نولارا]

الف الف سلامه على باباكى يارانيا
ربنا يعافيه يارب ويقوم بالف سلامه
معلش ياحبيبتى حاسه بيكى والله
ربنا يقومه بالف سلامه

[dr.princess]

قلبى معاكى يارانيا
هم اكيد مش عايزين يضايقوكى وخصوصا انهم عارفين انك مش عارفة تنزلى علشان ورق احمد
ربنا يشفى باباكى ويعافيه ويرجع احسن من الاول ان شاء الله

[نولارا]

لولو
انتى لسه هنا ولا روحتى فيييييييييييين

[أم إياد]

رانيا حبيبة قلبي حاسة بيكي ياحبيبتي
ودعيت لوالدك بظهر الغيب كتير ربنا يستجيب
وان شاء الله ياحبيبتي شدة وتزول ويقوم بالسلامة ويرجع البيت ويبقى زي الفل
وربنا يخليهولكم ويديله الصحة وطول العمر

وبالنسبة لاخواتك هما عارفين ان انتي في غربة وبتحاولي تروحيلهم
بس الورق مأخر واكيد مش قصدهم يقلقوكي

طيب ايه اخبار ورق احمد دلوقتي عملتوا ايه ولسه ايه؟
ربنا ييسرلكم وتخلصوا الورق ده في اقرب وقت وتشوفي باباكي وهو بصحة وعافية

[دودى اشرف]

قلبى عند يا رانيا يا حبيبتى وحاسة بيكى اوىىى...ربنا يارب يطمنك عليه وقادر كريم يشفيه ويعافيه هو الشافى المعافى ...واحنا كلنا بندعيلك وان شاء الله ربنا يستجاب منا جميعا ... انتى بس خلى بالك من نفسك علشان خاطر احمد وان شاء الله تطمنى عليه يا حبيبتى

[دودى اشرف]

آية انتى لسه هنا؟؟
ازيك يا حبيبتى فينك وعاملة ايه فى الامتحانات؟

[دودى اشرف]

محدش هنا ولا ايييييييييييييييييه؟؟؟
يعنى لما اكون قاعدة محدش يبقى موجود

[dr.princess]

انتى لسه هنا يا دودى

[مامامشمشة]

صباح الخير جميعا

[مامامشمشة]

صحوا النووووووووووووووم

[dr.princess]

ومين اللى نام اصلا

[دودى اشرف]

صبااااح الخير

حد هناااااااااااااااا

[ام انس المصريه]

السلام عليكم جميعا

كيف حالكم وحشتوووووووونى

البطيخه طلعت قرعه

[دودى اشرف]

ايه الهدوووووووووووووووووء ده يا عااااااااااااااالم

[dr.princess]

دووووووودى سؤال على السريع
اخبار صينية السمك ايه وعملتيها ازاى اشرحيلى بالتفصيل
لانى طلعت السمك وعايزة اعمله النهاردة

هروح انام شوية وابقى ارجعلك تانى ان شاء الله


بت يا شيماء انا حاسة ان جسمك كله بقى مية من البطيخ اللى بتهجمى عليه كل يوم ده بس احسن احسن خليكى كده علشان البطيخ مش بيتخن

[دودى اشرف]

لولو ازيك يا قمر عاملة ايه وازى حماده
فرمت توم وعليه ملح وكمون وليمون وتبلت بيهم السمك وسبته شوية فى التلاجة فى مصفاه وبعدين قطعت بصل وفلفل رومى وطماطم حلقات وممكن تقطعيهم مكعبات على حسب ما بتحبى وبحط عليهم السمك ودعكتهم مع بعض وبعدين حطيت عليهم شوية ميةعليها ليمون وملح وكمون بس انا كترت معايا المية فا انتى قلليها اوى بقى يدوب بوء كده بس ومن غير سمنة ولا زيت خالص هتنفعك اوى للرجيم وسبتها فى الرفن لحد مستوت وبعدين ولعت عليها الشواية شوية وعملت رز سمك معاها وبالهنا والشفا ههههههههههههههههههههههههههههه والله وبقيت اشرح اكلات اهوووووووووووووووو

[دودى اشرف]

انا بقطع على رز السمك فص توم صغير وطمطماية وفلفل رومى وممكن تحطى جرز بيبقى حلو اوى بس انا مش بتصادف يبقى عندى جزر للاسف .. بس اختى كانت بتعملهولنا فى البيت بالجزر كان بيبقى حلو اوىىى وبحط سنة قرفة بسيطة وانا عموما على الرز بحط نص مرقة ماجى لو انتى حابة يعنى بيديله طعم حلو hwaml7hwaml7

[ام انس المصريه]

ياختى ياام عمر جبتى الديب من ديلو ياختىىىىىىى

انا بعمل السمك اللى بتقولى عليه ده على طووووووووووول مسمياه سمك بسلطه وبعملو بالسمك الروسى

هو فى حد فى حلاوتى وشطارتى ههههههههههههههههههههه

[ام انس المصريه]

والرز ياختى اللى طايره بيه ده بعملووووووووووووو على طول

فرحانه اوى بالرز بتاعك هههههههههههههههههههههههه

لازم احبطك

عملتى ياختى البراااااااام ولا نسيتى الشرح الملل اللى شرحتو لكى

ههههههههههههههههه

[dr.princess]

دودى انا بعمل الفراخ بنفس طريقة السمك دى تقريبا
ورز السمك اانا بعمله ببصل بس

عايزين ابداع بقى كل يوم تيجى تكتبيلنا طبق اليوم هههههههههههههههههه

هعمل السمك بالطريقة دى و هبقى اجى اقولك النتيجة

[ام انس المصريه]

لولو انا اكلت بطيخ كتييييييييييير اوى جوزى كان جايب 10 بطيخات

طلع منهم 4 قرع والباقى عسل نحلللللللل

[ام انس المصريه]

ياااااااااااااااارب ارحمنى برحمتك

المغص رجع تانى جامد اوى عن امبارح واول

يارب اشفينى بالله عليكم ادعولى يكون خير هتصل بالدكتور بقى وامرى لله

[توتة السيد]

http://forum.hwaml.com/imgcache2/hwaml.com_1308149010_842.jpg

[توتة السيد]

هاي شلة في حد هناك

[توتة السيد]

http://forum.hwaml.com/imgcache2/hwaml.com_1308149255_973.jpg

[دودى اشرف]

هاااااااااااااااى
انا هنا من زماااااااااااااااااااااااااااااااان

لولو شفتى شطارتى بقى ... البت اللى اسمها شيماء دى احبطتنى ... بس برضه مش ها احبط هههههههههههههههههههههههههههههههههه
الف هنا يا لولو مقدما وابقى قولى عملتيها ازاى ههههههههههههههههههههههه

توتا ازيك يا قمر عاملة ايه ... رجعت تانى بليل ملقتش حدددددددد خالص

بت يا شلموئة الف سلامة عليكى يا فقر ربنا يعافيكى يارب
.. انا بعمل لسان العصفور اهو ويارب يطلع حلو بقى على بوئك قصدى على وشك هاهاهاهاها ومش عارفة اتحرك من الواد بعمله على مراحل

[دودى اشرف]

انا اخدت طريقة اللازانيا بالخضار من الشيف الشربينى لما ابقى ان شاء الله اعملها هبقى اكتبهالك يا لولووووووووووووووووووو شكلى هبقى شاطرة يا جدعاااااااااااااااااان هههههههههههههههههههه

توتا ايه الصورة دى بتديهاله فى زيزووووو هههههههههههههههههههههههههه

[dr.princess]

ههههههههههههههههههه الرقابة يابت يا دودى

[dr.princess]

حماتى مش راضية تقولى ان بنتها حامل فى ولد علشان محسدوش
هع هع هع هع هع
وعجبى

[dr.princess]

الف سلامة عليكى يا شوشو
ماتقلقيش انا المغص ماكنش بيروح من عندى تقريبا وعدت على خير الحمدلله

[دودى اشرف]

ههههههههههههههههههه منا مش موضحة هاهاهاهاها ... صحى النوم يا لولووووووو .. ازى حماده ؟؟؟
عملتى السمك ؟؟؟

[dr.princess]

هو انتى كنتى عايزة توضحى اكتر من كده فين ههههههههههههههه

محمد الحمدلله كويس اخبار عمر ايه ؟؟

عملت السمك اه هو حلو وجوزى قالى عادى مفيهوش جديد

[نولارا]

سالخير عليكم
لولو انا جبت دقيق البسبوسه وداخله اعملها بطريقتك
لو طلعت حلوه ليكى حته منه وبوستين من موكشه هههههههههههههههههههه

[ام انس المصريه]

ههههههههههههههههههههههههه وبتقولى عليا بلسانين ياست ام عمر هيطردوكى من المنتدى ياغاده ههههههههههههههههه

............

لولو ازيك عامله ايه الحمد لله المغص قل شويه بس هو بيروح وبيجى عندو شعررررررررره ساعه تروح وساعه تيجى هااااااااااا

................

انا خلاص حجزت بكره عند الدكتور مش قادره اتحمل بقى اكتر من كده

جوزى بيقولى روشتينى انتى ست فاضيه قرفتينى زهقتينىىىىىىى

ابقى شوفى مين هايجى معاكى عند الدكتور هااااا

[ام انس المصريه]

هذا رقم كنتاكي 19019
انشره... و لك الاجر باذن الله
)): .......تخيل حد جعان و مش عارف الرقم
لو انت مش جعان في ناس غيرك جعانة
لو ارسلته لــ١٠ أشخاص هتشبع بدون ما تاكل
انا اعرف واحد استهان بالرسالة دي و جاله ... اسهال
اذا لم ترسله اعلم ان مكدونالدز هو اللى منعك

[dr.princess]

ههههههههههههههههه طيب قولى نص الصينية ده انا هموت واكل اى حاجة حلوة
جربيها بجد بجد بتطلع تجنن وروفيدة قالت كده برضه
بس اهم حاجة غطيها بعد ما تخرج من الفرن علشان تفضل طرية وحلوة

[ام انس المصريه]

حكمة اليوم من ابله حكيمه الست شيماء والست لما لما لما الست لما تكون عايزه تعيش بتعيش
ههههههههههههههههه

................

هى دى الحكمه

قــد لا أكــون الأجمل ...... وقــد لا أكــون الأروع .....قــد لا أكــون الأذكى ..... وقــد لأ أكــون الأبرع ......ولــكنــي إذا مــا جــائــني المهموم أسمــع ........... وإذا مــا نــاداني صــاحبــي لحاجة أنفــع ......وحتــى إذا حــصــدت شــوكــــا" فســأظــل للــورد أزرع .....وإذا مــا كان الكــون واسعا" ....... فــــ...إن قلــبي أوســـع

[dr.princess]

ههههههههههههههههه انتى بتجيبى الحاجات دى منين يا شوشو

[ام انس المصريه]

ونا نفسى فى المبسوسه على راى كريمه فى فيلم توت توت بس انا هخلى جوزى يجبهالى من اولاد رزق تاخدى حته يالولو .. لالالالا انتى عامله رجيم قاسى ههههههههه هاكل انا لوحدىىىىىىى

.............

بطن شيماء اوجع .. بطن شيماء دق ههههههههههههههههههههه

اه يانى ياممممممممممه

[ام انس المصريه]

من الفيس بووووووووء يالولو هههههههههههههههههه

................

لولو انتى بطنك كانت بتوجعك ازاى

انا بطنى بتوجعنى من تحت خالص ومن الجنب وحاسه بتقل جامد جدا

انا هخلص السادس كمان اسبوع تقريبا بااذن الله

[توتة السيد]

ياجماحة في خسوف للقمر كليييييييييي وبدا حاليا اتفرجي وصلو صلاة الخسوف وادعوا

واذكروا الله

[dr.princess]

بكرة لما تولدى وتبقى اد الكرومبة مش هتعملى رجيم قاسى بس لالالالالالالا ده انتى ممكن تولعى فى نفسك هههههههههههه

[توتة السيد]

خسوف القمر :-

الصلاة فى خسوف القمر كالصلاة فى خسوف الشمس لقوله صلى الله عليه وسلم ( فإذا رأيتموها فافزعوا للصلاة )



وهذة هى صلاة كسوف الشمس....



1-حكمها ووقتها:-



صلاة الكسوف؛سنة مؤكدة في حق الرجال والنساء ،أمر بها رسول الله صلى الله عليه وسلم بقوله :"إن الشمس والقمر آيتان من آيات الله،لا تخسفان لموت أحد ولا لحياته،فإذا رأيتم ذلك فصلوا"

وفعلها كصلاة العيدين ،ووقتها من ظهور الكسوف فى أحد النيرين :الشمس أو القمر إلى التجلي ,وان وقع الكسوف في آخر النهار حيث تكرة النافلة كراهة شديدة ,استبدل بالصلاة ذكر الله والاستغفار والتضرع والدعاء0



2-ما يستحب فعله في الكسوف

يستحب الإكثار من الذكر والتكبير والاستغفار والدعاء والصدقة والعتق والبر والصلة ,لقوله صلى الله عليه وسلم :-" إن الشمس والقمر آيتان من آيات الله لا تخسفان لموت أحد ولا لحياته،فإذا رأيتم ذلك فادعوا الله وكبروا وتصدقوا وصلوا".



3-كيفيتها

كيفية صلاة الكسوف : أن يجتمع الناس في المسجد بلا آذان ولا إقامة ،ولا بآس أن ينادى لها بلفظ:الصلاة جامعة ،فيصلى بهم الإمام ركعتين في كل ركعة ر كوعان و قيامان، مع تطويل لكل من القراءة والركوع والسجود و إذا انتهى الكسوف أثناء الصلاة فلهم أن يتموها على هيئة النافلة العادية وليس فى صلاة الكسوف خطبة مسنونة وإنما للامام أن يذكر الناس ويعظهم ان شاء وهو حسن لقول عائشة رضى الله عنها (خسفت الشمس فى حياة رسول الله صلى عليه وسلم فخرج رسول الله صلى عليه وسلم إلى المسجد فقام فكبر وصف الناس وراءه . فاقترأ رسول الله صلى الله عليه وسلم قراءة طويلة ثم كبر فركع ركوعا طويلا وهو أدنى من القراءة الأولى , ثم رفع رأسه فقال :- سمع الله لمن حمده , ربنا ولك الحمد ثم قام فاقترأ قراءة طويلة هى أدنى من القراءة الأولى , ثم كبر فركع ركوعا هو ادنى من الركوع الأول , ثم قال :- سمع الله لمن حمده , ربنا ولك الحمد , ثم سجد , ثم فعل فى الركعة الأخرى مثل ذلك حتى أستكمل أربع ركعات واربع سجدات ,وانجلت الشمس قبل أن ينصرف ثم قام , فخطب الناس , فأثنى على الله بما هو أهله ثم قال :- إن الشمس والقمر آيتان من آيات الله عز وجل لا تخسفان لموت أحد ولا لحياته , فإذا رأيتموها فافزعوا للصلاة)

[ماما قلقانه]

اه يانا تعبانه.نفسى انام ياعالم

[ام انس المصريه]

انا لما احب اتسلى محبش أأزز لب انا عندى اقرا مجله

او ارسم زى مااحب مهما تكون الاسباب مش ممكن ابقى وحيده انا اصلى مصاحبه كتاب

وحببتى قرايه مفيده

.........

دى حملة القرائه للجميع بتاع الحرميه بنت الحرامى مرات الحرامى شوزى اقصد سوزان مبارك

اللى سرقت مليار ونص دولار من حملة القرائه للجميع بنت الحرميه
واحنا كانو بيغنو علينااااااااااااا

[ماما قلقانه]

جزاكى الله خيرا يا توته

[ام انس المصريه]

جزاكى الله خيرااااااااااااا ياتوته بارك الله فيكى واثابك الله

طلعت البلكونه ادووووور ع القمر مش لقياه نهائى

................

سموره الاموره وحشااااااااانى انتى فينك من زمان ورنا ويوسف الكتاكيت اخبارهم ايييييييه

اكيد مش عارفه تنامى من زنهمممممممممم هههههههههههههههه

معلشى بقى اتحملى اول 3 شهور من غير نوووووووم

[ماما قلقانه]

ازيك يا شوشو عامله ايه يا قمر .انا قربت اتجنن يا شيماء اومال لما جوزى يمشى هعمل ايه فى موضوع السوق كمان ربنا يستر

[ماما قلقانه]

الراجل كتر خيره بيجيب اكل جاهز بعد كده هنعمل ايه

[ام انس المصريه]

ياحببتى ربنا يهون عليكى

خلى مامتك او اختك تيجى تقعد معاكى او يجيبو لكى الحاجات من السوق

.........

الله يكون فى عونك ههههههههههههههه

ربنا يعينك ويقويكى

[ماما قلقانه]

باركولى بأه عملت ختان ليوسف يوم 6يونيو وركبت النهارده الحلق لرنا عقبالكم جميعا زغروطه يا رداله

[ماما قلقانه]

جوزى اشترالى يا شوشو عربية التوائم عشان اعرف اخرج بيهم .يعنى ورايا ورايا

[ماما قلقانه]

انتى فين يا لولو وحشتينى .ملك ولدت مش كده ولا متعرفيش عنها حاجه

[ام انس المصريه]

لووووووووووووولىىىىىىىىىىى الف مبروك ياسموره على الطهور وعقبال ماتجوزيه يارب

ومبروك على حلق رناااااااا وعقبال ماعريسها يجيب لها الشبكه

ايه رايك فى الدعوتين العسل دول

.................

ومبروك على عربيه التؤام ههههههههههههههه وراكى وراكى فين ماتروحى هنيجى معاكى ياماما ههههههههههههههه

[ماما قلقانه]

انتم لكاكين جدا مش ملاحقه كلام معاكم ههههههههههه.انا هقوم انااااااااااااام

[dr.princess]

ياربى ماتقوليش على الثقل ده انا كنت بموووووووووووت
والمغص فى كل حتة والله يا شيماء الحمدلله عدت على خييير

[ام انس المصريه]

ملك ولدت من 10 ايام تقريبا او اسبوعين وهى الحمد لله بخير هى وسلمى الصغنونه

[ماما قلقانه]

عقبال انس ما ييجى بالسلامه يا قمروربنا يباركلك فيه و فين ما تروحى وراكى .وتسلميلى على الدعوتين الحلوين دول

[ام انس المصريه]

ياريت ع التقل بس يالولو ده فى مغص كمان وانتى عرفانى موسوسه خالص

طيب سعات بحس بحركة النونو من تحت خاااااااالص فهماااااااااااااانى ؟؟؟؟؟؟؟؟؟؟؟؟

[ماما قلقانه]

عقبالك يا شوشو لما تقوملنا بالسلامه انتى وانوس حبيبى

[dr.princess]

مبروووووووك يا سمورة ربنا يخليهملك

توتة ربنا يكرمك انا للاسف مش بصلى

[ماما قلقانه]

ما تقلقيش ياشوشو كل الحاجات دى طبيعى فى الحمل .

[dr.princess]

كلالالاكيت حنة تانى مرة
الراجل هيطفش من البيت من الريحة هههههههههههههههه

[ام انس المصريه]

والله ياسموره بدعى ربنا انو يفضل ورايا حتى لو دخلت الحمام يجى ورايا ههههههههههههههههههه

ويبقى حلقه فى ودنى ابن امو يعنى ههههههههههههه

وحشنى اوى الواد ده ربنا يعدى الايام على خير ويجى ينور شقتى ويقر عينى بيه وعين ابوه ويارب عماد يفرح بيه ويكون انس سند لابوه ومعاه فى كل مكان

[dr.princess]

عاااااادى يا شيماء توقعى اى حاجة فى الحمل

[ماما قلقانه]

انا هقوم احضر العشا واحاول ارجع اكلمكم لانكم وحشتونى جدا .سلام مؤقت وسلمولى على البنات لما يدخلوا

[ام انس المصريه]

انا هاروح ياسمر بكره للدكتور ان شاء الله بصراحه الدكتور زهق منى

بيقولى امتى تولدى وارتاح منك زهققققققت منك هههههههههههههههه

...............

لولو ايه حكاية الحنه دى ههههههههههههههه كل يوم حنه

[ام انس المصريه]

مافى حد غيرى عايز يحنى شعرو ويشقر حواجبو ويعمل وشو بالفتله هههههههههههههههههه

فاضل لى شويه اربى دقنى وشنى ههههههههههههههه

مش قادره اروح الكوافير ياختى

اه يانى يامممممممه

[ام انس المصريه]

بنات انا قايمه بقى دلوقتى

سلاااااااااااااااااام ياقمرات

[dr.princess]

انا مدمنة حنة وجوزى بيكره ريحتها بس انا ولا بيهمنى هههههههههههه

[dr.princess]

انا يا شوشو اهو حنيت شعرى بس مش بعمل وشى
بس بفكر اشقر حواجبى وخايفة لانى عمرى ما عملت التشقير ده لوحدى

[نولارا]

لولو حصلينا على الاقمار

[dr.princess]

اوووووووووكى

[يارا ويوسف]

ازيكم يابنات عاملين اية

انا الحمد لله ولدت وجبت يوسف قولت ادخل اطممنكم وعقبال كل الحوامل يارب يتملهم على خيير

[dr.princess]

والله والله يا سومة انك كنتى على بالى النهاردة وقلت اكيد ولدتى

مبروووووووووووك وحمدالله على سلامتك انتى ويوسف

[dr.princess]

يا شماتة أبلة ظاظا فيا
المية قطعت والحنة لسه فى شعرى اهئ اهئ اهئ

[*رحمه*]

بنااااااااااااااااااااااااااااااااات
انتوا هناااااااااااااااا

[dr.princess]

انا هنا يا دينا

[*رحمه*]

بناااااااااااااااااااااااااااااااااااااااااااااات























انا








































انا



































انا





































انا





































انا حااااااااااااااااااااااااااااااااااااااااااااااااا امل
اللهم لك الحمد
اللهم لك الحمد
اللهم لك الحمد
دعواتك يا بنات بثبات حملي وربنا يتمم لي بخير يااااااااااارب
و عقبال جوجو و منى يارب العالمين

[dr.princess]

ياحبيبتى يا دينا والله فرحتلك من قلبى
الف الف الف مبرووووووووووووووووووك ربنا يتمملك على خير يارب وتجيبى احلى نونو فى الدنيا كلها
خلى بالك من نفسك وماتعمليش اى مجهود

[*رحمه*]

ربنا يخليكي يا لولو
انا مش مصدقه والله
امبارح لما شفت التحليل اتجنننننننت
عماله اقول لاحمد انت شايف الخطين ، شايفهم يا احمد
يااااااااااااااااااااااااا الله اللهم لك الحمد
يارب يا حنان يا منان تمم فرحتي بخير يارب

[dr.princess]

يااااااااااارب اللهم امين
انا حاسة بيكى الحمدلله ربنا عوضك خير
ربنا بفرح قلبكم كمان وكمان

[*رحمه*]

يارب يا لولو يااااااااااااااااااااااارب
الحمد لله رب العالمين حمدا كثيرا مباركا ملء السموات و الأرض
الحمد لله كما ينبغي لجلال وجهك و عظيم سلطانك

لولو كنت عايزه اسألك على حاجات
اتصل بيكي امتى بكره تعرفي تكلميني

[dr.princess]

طيب افتحى اليااهو دلوقتى نتكلم مايك
ولو مش ينفع انا فاضية بكرة من بعد 6 المغرب

[Rania Negm]

??????

ياقلبى يادينا
فرحتى قلبى والله العظيم وربنا عالم انا حالتى النفسية كانت عاملة ازاى

ياااااااااا الله ياحبيبتى الف الف الف مبرووووووووووووووووووووووووووووك

ربنا يتمم فرحتك ياااااااااااااااااااااااااااااااااااااااااااارب ويثبت حملك ويرزقه سلامة الخلقة وتسمعى وأوأته يااارب

الف مليون مبروك أنا كنت شاكة من المغص اللى جالك بس مرضيتش اقولك عشان موش تحطى أمل ولا قدر الله يطلع مافيش حمل

دينا أنا مبسوطة موت والله والله فرحتى قلبى

ربنا كان رايد انى افتح المنتدى فى الوقت ده عشان اقرى الخبر اللى فرح قلبى ده ويهون عليا حزنى على بابا

الحمدلله الحمدلله ياحبيبتى

[Rania Negm]

انا مبسوطة أوى وانتى موش بتردى على التليفون وشكلك نايمة يارخمة اعمل ايه بئى هموت واباركلك واسمع صوتك وانتى فرحانة

[رنا خالد]

والله العظيم انا فرحانه لدرجه بجد ماتتصوريهاش
والله والله قلبي فرح يادينا جداااااااااااااا
الحمد لله ياحبيبتي انتي طيبه وتستاهلي كل خير ربنا يتمم لك علي خير ياقمر
وبجد الصبر حلو صبرتي ونولتي ماشاء الله ربنا يكرمك دايما
وحياة ربنا كنت بدعيلك علي طول في صلاة الفجر يادينا
مليون مبرووووووووووووووك ياعسل

[رنا خالد]

شكلها بتكلم لولو مايك يارانيا
عامله ايه دلوقتي والف سلامه علي باباكي ربنا يديله الصحه والعافيه يارب وتشوفيه احسن من الاول وتطمني عليه بمشيئة ربنا ويطمن قلبك
وازي احمد عامل ايه ياقمر؟

[Rania Negm]

اه شفتى يارنا ؟؟

خبر جميل والله فرحتنا ربنا يسعدها يارب ويتملها على خير انا اتصلت بيها دلوقتى بس كنسلتعليا قمة الاحراج خالص هههههههههههههههه بس كنت عاوزة اباركلها محستش بنفسى وانا بتصل والله

[رنا خالد]

http://forum.hwaml.com/imgcache2/hwaml.com_1308183579_826.giffile:///C:/DOCUME%7E1/ahmed/LOCALS%7E1/Temp/moz-screenshot-3.pngfile:///C:/DOCUME%7E1/ahmed/LOCALS%7E1/Temp/moz-screenshot-2.png

[رنا خالد]

file:///C:/DOCUME%7E1/ahmed/LOCALS%7E1/Temp/moz-screenshot-4.pngمعنش ياروني يمكن مشغوله او بتكلم حد من اهلها
تعيش وتاخد غيرها وياعثثثثثثثثثثل
اخبارك ايه وحشاني
بقالي يومين مش بدخل البنات وحشوني والله

[dr.princess]

رانيا اخبارك ايه انتى واحمد
عملتى ايه فى ورقه ؟؟؟
واخبار بابا ايه دلوقتى ؟؟

[dr.princess]

رنا يارنا يا زميلة الكفاح ههههههههههههههههههه
انتى فين يابنتى بتختفى بالايام كده ليه

[رنا خالد]

الجهاز مش عايز يعمل ريفرش حاجه عجب كل شويه يعلق

[رنا خالد]

لولو نياااااااااااااااااااا
احنا صح زمايل هههههههههه
اخبار الدايت ايه
انا خسيت نص كيلو وبقيت 66 ونص يامسهل
وجوزي عمال يعك وبصراحه مضايقه منه مبقاش بيشجعني واارادته مفستكه خالص اعمل ايه فيه مش عارفه
وبيتحجج بالصيام اهئ اهئ
شكلي هابقي لوحدي في الدايت وهو هايفلسع

[رنا خالد]

البت توته وحشتني اووووووووووووووي
بقالي كتير مكلمتهاش اكتر من اسبوع
رانيا اين انتي ياجميل
تعالي طمنينا علي باباكي يلا
ولا بتكتبي موشح من موشحاتك هههههههههههه
بتقعدي ساعات تكتبي وتلوني بالاحمر هههههه

[Rania Negm]

الحمدلله انا كويسة والله ياجماعة انا وأحمد

كان عندى اكتئاب رهيب غير عادى لكن الحمدلله خبر دينا فرحنى أوى ورجعلى ثقتى بفضل ربنا باستجابة الدعاء الحمدلله

الحمدلله يا لولو شهادة ميلاد احمد طلعت من مصر واتبعتت بالبريد السريع وهتوصل على يوم السبت ان شاء الله وهنوديها السفارة وللأسف الشديد موش هتطلع قبل شهر من هنا

بابا كل ساعة بحال أمبارح كان الحال سئ جدا لكن انهاردة صوت اخواتى مبسوط وبيقولوا ان بابا حرك عنيه وحرك إيده اليمين يااااااااااااااااااااارب يتمم شفاه على خير يارب

بس انا حاسة انى موش هقدر استنى شهر كامل لحد ما البسبور يطلع بتاع احمد

الحل الوحيد الموجود هو وثيقة سفر ياعنى يتعملنا خروج نهائى انا وأحمد وشكلى هعمل الموضوع ده لو لاقدر الله بعد الشر حالت بابا حصل فيها تدهور لاقدر الله

[Rania Negm]

أنا كمان عاملة دايت من يوم السبت بس زودلى الاكتئاب سبحان الله

شكلى هكنسله لأنى شاكه ان احمد موش بيشبع ياحبيبى خالص بيعيط وهو على صدرى وبقى يفضل على صدرى كتير وكل ما اشيله يعيط فوااضح ان موش بينزله لبن كويس

مع ان الريجيم ريجيم رضاعة موش فاهمة ليه حصل كدا ؟؟ ممكن يكون بسبب الزعل ؟ انا لسه جاى على بالى كدا دلوقتى

[رنا خالد]

فرحانه جداااااااااا لدينا ياولاد
عقبالك ياجوجو ياااااااارب انتي ومني

[Rania Negm]

رنا فى الريجيم الصحى فعلا هيعدى عليكى اسبوع تخسى فيه نص كيلو بس هيحصلك كدا كذا مرة عااادى

[رنا خالد]

لو حاسه ان الدايت هايقلل اللبن بطليه يارانيا
بس هو السوايل مهمه للرضاعه زي الاكل تمام فممكن تكوني بتاكلي كويس بس مش بتشربي لبن وعصاير ومايه كتير
المفروض ليكي 3 لتر مايه في اليوم
وكوباية لبن وكوباية عصير او اتنين
وفرحتيني ان والدك صحته اتحسنت يااااااااارب يقوم بالسلامه وينور بيته ويرجع احسن من الاول عشان احمد يشرف جده في احسن حال
لولو راحت تاكل ولا ايه هههههههههههه
انا اتعشيت سلطة تونه بس حاميه علي صدري اااااااااااه
فين البيبسي دلوقتي كان حل الازمه دي

[dr.princess]

الحمدلله بداية خير يا رانيا
طيب ليه طلعتى شهادة ميلاده من مصر انا معملتش كده
وان شاء الله ميحصلش حاجة وحشة ولما يبقى ورقه يكمل تبقى تنزلى مصر

[dr.princess]

لالالا يا رنا
بعيد عنك المية قطعت وانا حاطة حنة فى شعرى فكنت بحارب فى الحمام علشان اغسل الحنة والحمدلله غسلتها بس برده محتاجة حد يصب عليا لما جوزى يجى بقى

[dr.princess]

رانيا خدى بالك ده اللى كان بيحصلى مع محمد وده اللى خلانى ادخل لبن صناعى
كترى اوى من السوايل وان شاء الله اللبن يتظبط تانى

[رنا خالد]

انا ضعيفه قصاد حاجتين موجودين علي طول عندي بوفره اولا
الجبنه الرومي المبشور اااااااااااااه
جوزي متصاحب علي واحد عنده محل بيتزا وعلي طول يشتري منه الجبنه بالاتنين والتلاته كيلو اهئ اهئ
وتاني حاجه الكيكه اللي بالشكولاته كل اما حماتي تيجي تزورنا تجيبها ذللللللللللللللللل

[dr.princess]

انا الحمدلله تقريبا منتظمة فى الرجيم
بس الميزان اللى هنا مش مظبوط خالص كل مرة بوزن فمش عارفة خسيت ولالا

[Rania Negm]

انا معرفش ايه الطقوس بتاعة الورق يا لولو بس كان بابا الله يتمم شفاه حبيبى هو اللى قالى انا ومحمد على كدا ان الشهادة لازم تتوثق من وزارة الخارجية فى مصر

ياعنى احنا طلعناله من هنا الشهادة السعودية وبعتناها تتوثق فى مصر
والله انا موشفاهمة التفاصل اصلااا

رنا تعرفى ؟؟ الريجيم بتاع الرضاعة اللى كاتباهولى ظريف اوى هى سألتنى بنام أد ايه فقلتلها ساعتين بالنهار وساعتين باليل فكتبتلى على وجبات قصيرة حوالى كل ساعتين مني مااااام الوجبة 200 كالورى والغدا 400 كالورى والمجمل 1500 كالورى فى اليوم

[dr.princess]

هههههههههههههههههههه
انا كمان مدمنة جبنة رومى
والايام دى هموووت على الحلويات نفسى فى بسبوووووسة الله المستعان

[رنا خالد]

ساره ودينا ع الميل ماتيجو

[رنا خالد]

1500 كالوري حلو لأن الرضاعه بتحرق 500 كالوري وبتعادل رياضة الجري وبالتالي هاتخسي ان شاء الله بسرعه جدا
انا برضه الرجيم بتاعي في الحدود دي وعمل معايا شغل رائع

[Rania Negm]

بصوا هقولكوا على أفكار الوجبات اللى هى قايلاها فى الغدا

بجانب السلطة طبعا اساسى

صباعين كفتة مشوى وشورة عدس وربع رغيف عيش بر

اه بمناسبة العيش رنا ؟ هو فى فمصر عيش اسمر؟ غير العيش السن ؟؟ ياعنى شبه العيوش العادية بس عيش اسمر كدا بتاع دايت

وفى كمان 100 جرام لحمة مفرومة تعصجيها من غير دهون مع شرايح كوسة ونص رغيف عيش بر دى تحفة بئى حبيتها اوى

وعلبة التونة مع رغيف عيش بر كامل عاملة 400 كالورى

وفى كفتة سمك مع شوربة مشروم صوباعين بردو

يوووووووووووووه كسلانة افكر دماغى تايهة

[Rania Negm]

لما قلت للدكتورة موضوع الرضاعة بيخسس دى ؟ قالتلى ده ايام زماااااااااااااان ايام الناس اللى كانت بتخبز وتعجبن فى البيوت

1500 كالورى دى البداية هى بتقلل كل اسبوع

ؤكى هاجى مع انى بكره الياهو ده

[*رحمه*]

يا بنااااااااات ربنا يخليكم ليا و الله
فرحت قوووووووي من كلامكم
والله انتوا و نعم الاخوات
ربنا يخليلكم اولادكم يارب

[Om Rodina]

حبايب قلبى كلكم عاملين ايه والله كلكم وحشتووووووووونى اوى

الف سلامه على بابا يارونى وربنا يتم شفاه على خير والف لا بأس عليه طهور ان شاء الله وربنا يباركلكم فيه وما يحرمكم منه ابدا

ديناااااااااااا حبيبة قلبى مبااااااااااااااااااااارك عهليكى الخبر السعيد ده ويارب العالمين يتم عليكى بخير ويفرحك باجمل نونو ويهون عليكى الايام وتشوفيه بين ايديكى وهو باحسن حال وعقبال يارب هجورة ومنى وبنت خالتى وكل بنات المسلمين ياااااااااااااارب اللهم امين

[مامامشمشة]

السلام عليكم

[مامامشمشة]

ازيكم يابنات الف مليووووووووووووووووووون مبروك ليكى يادينا وعقبال كل لاالمحرومين وتفرحى بشوفته

[دودى اشرف]

بناااااااااااااااااااااااااااااااااااااااااااااات

انا
انا
انا
انا حااااااااااااااااااااااااااااااااااااااااااااااااا امل
اللهم لك الحمد
اللهم لك الحمد
اللهم لك الحمد
دعواتك يا بنات بثبات حملي وربنا يتمم لي بخير يااااااااااارب
و عقبال جوجو و منى يارب العالمين

الف الف الف الف الف الف مبرررروووووووووووووووووووووووووووووووووووووك يا دينا والله والله عينى دمعت من الفرحة لانى حاسة فرحتك اوى .. ربنا يكرمك يا رب بالطفل السليم المعافى باذن الله ويتملك حملك على خير امين يارب العالمين والله كنت بدعيلك ومرة جيتى على بالى فجأة الفجر ودعيتلك ...وعقبال باقى البناااااااات يارااااااااااااااارب وعن قريب نبارك لجوجو ومنى ان شاء الله.... وبالمناسبة عاوزين بارتى بقى حلوة كده يعنى سهرة حلوة على الميل ولا حاجة ههههههههههههههههههههههههههههههههه hwaml7hwaml7hwaml7hwaml7hwaml7hwaml7

[دودى اشرف]

لا موأخذة من الفرحة نسيت اصبح على اللى هنااااااااااااااا
ولونى عارفة ان محدش هنااااااااااااااااااااااااااااا ههههههههههههههههههههه

صباح الفللللللل عليكم جميعا

[دودى اشرف]

مفيش حد هنا واااااااااااااااااااااااااااااااء
انا تعبت من كتر مبقيت لوحدى فى المنتدى ده .. مواعيدكم مش ماشية معايا خالص

[توتة السيد]

اقسم الله العلي العظيم ان عيطت يادينا اول ما قريت كلامك وعرفت انك

حامل والوقت كان عندي بين الاذان والاقامة قعدت اعيطت وادعيلك

الف الفلاالف مبرووووووووووووووووووووووووووووك ياقلبي ربنا

يكملك علي الف خير ويقر عينك بيه سليم معافي ياااااااااااااااااااااه انا

سعيده سعيده الله يسعد قلبك ويسعد قلب كل محروم يارب

ومايكسر خاطر حد ابدااااااااااااااا

[توتة السيد]

عقبالك ياجوجو يارب ياحبيبتي انتي ومني وكل محتاج

ومايحرم حد ابدا من السعاده


ادووووووووووودي ازيك يابت ليكي شوقة الكام ساعة اللي فاتو هههههههههههه

[دودى اشرف]

هههههههههههههههههههههههههههههههههههههههههههههههههه
تسلميلى اتوتاااااااااااااااا ... وانتى والله اهو هنعمل ايه بقى لازم ننام يا حمات ابنى .. انا بنتهز اى فرصة عمر نايم فيها واقعد انقض على اللاب توب .. والحقيقة ان كل منقض عليه مالاقيش حدددددد خالص هههههههههههههههه

[ام انس المصريه]

دينااااااااااااااااااااااااا حبيبتى الف مليووووووووووووووون مبروووك

انا بجد والله العظيم جسمى قشعر وشعرى وقف من الفرحه افتكرت نفسىىىىىىى والله العظيم

وزر عليا العياط من الفرحه اقسم بالله

ربنا يتتمم حملك وولادتك على خييييييييير ويرزقك الطفل المعافى السليم

دينا انا دعيت لكى كتييييييييييير والله العظيم وماما كمان دعت لك وجوزى والله دعالك

ربنا معاكى ياحببتى وخلى بالك من نفسسسسسسسك انا لسه صاحيه من النوم وتوته قالت لى

فرحتتتتتتتتتتتتتتتتتتتت اووووووووووووووووووووووووووووى اوووووووووووووى

فاكره يابت لما قلتى لى عايزه انام وجسمى همدان ومصدعه وقلت لكى تبقى حامل قومتى متريقه عليا قولت لكى احسنى الظن بالله

فااااااااااااااااكره

انا مكشوف عنى اللحاف هههههههههههههه

[دودى اشرف]

هههههههههههههههههههههههههههههههه ...صح مكشوف عنك اللحاف علشان كده بتشوفى حاجات غريبة يسلم حنكك يا بت يا شلموئة والله اول مرة تقولى حاجة صححححححححححححححححح هاهاهاهاهاهاهاها hwaml02hwaml02

[ام انس المصريه]

ياانسان بعد الجوع شبع وبعد الظمأ رى وبعد السهر نوم

وبعد المرض عافيه وبعد الفقر غنا

اذا رايت الصحراء تمتد تمتد فااعلم ان ورائها رياض خضراء ورافة الظلال

اذا رايت الحبل يشتد يشتد فااعلم انه سوف ينقطع مع الدمعة بسمه ومع الخوف امن ومع الفزع سكينه

دع المقادير تجرى فى اعمتها

ولا تبيتن الا خالى البال

فما بين غمضة عين وانتباهتها

يغير الله من حال الى حال

وانظرو الى يوسف بن متى فى ظلمات ثلاث لا اهل ولا ولد ولا حبيب الا الله فهتف بالكلمة المؤثره الساطعه

لا اله الا انت سبحانك انى كنت من الظالمين فجاء الفرج

[ام انس المصريه]

ديناااااااااااااا

انا فرحااااااااااااااااااااااااااااااااااااااااااااااا اااااانه جداااااااااااااااااااااا

عقبال سماح صاحبتى يااااااااااااااااارب

وعقبال جوجو ومنى وكل محروم

يارب ماتحرم حد من الخلف الصالح يارب

وكمل حملى على خير

وارزقنى طفل معافى وسليم

ياارحم الراحمين

[دودى اشرف]

يا سلام على حكمك يا شوشو ... جميلة

[ام انس المصريه]

بقى انا اول مره اقول حاجه صح ياام عموره

وبعدين صورة عمر دى مختلفه تماماااااااااااااااااااا عن اى صوره قبل كده

معرفش ليه مختلفه يمكن لانك مصوراه من بعيد والصور التانيه قريبه

.............

وبعدين ياغاده دى مش حكمى ده كلام الشيخ عائض القرنى فى كتاب له بعنوان لا تحززززززززززن

وعامل شريط برضو كنت لما ابقى مخنوووووووقه ومضايقه اشغلووووو

الاقى نفسى رضيت وسلمت امرى لله والحزن راح منى وبقى عندى حسن ظن فى الله

[ام انس المصريه]

غسلتتتتتت تل مواعين بقالو يومين فى المطبخ

ضهرى وجعنى من الوقفه وبطنى مغصت

انا بعترف انى فسكونيااااااااااااا

ولو حد نفخ فيا اطير

ومفيش عندى صحه

وهخلى الراجل يجوز وامرى لله
هو قالى لو اجوزت هجبهالك خدامه تخدمنى وتخدمك

بس لاااااااا والف لااااااااا ولو هسحف على ايدى ورجلى ومش هخليه يجوز دى تبقى وقعته مهببه

[ام انس المصريه]

حد يدخل بقى يكلمنىىىىىىىىىىى

زهقتتتتتتتتتتتتتتتتتتتت افففففففف


خدو الكام فستان ده ايكش يطمر هههههههههههههههههه

http://forum.hwaml.com/imgcache2/hwaml.com_1308222794_102.jpg



http://forum.hwaml.com/imgcache2/hwaml.com_1308222795_378.jpg



ده بقى جميل اوى بس ايه الستات السمبتيك دول انا يلزمنى شوال البسو ههههههههههههههه

http://forum.hwaml.com/imgcache2/hwaml.com_1308222795_257.jpg

[ام انس المصريه]

http://forum.hwaml.com/imgcache2/hwaml.com_1308222854_373.jpg

الصور مطلعتش لييييييييه دى كانت حبة فساتين تحفه

اهىء اهىء

[دودى اشرف]

ايه يا ام انووووووس ... محدش معبرك زيييى هههههههههههههههههههههه
تعالى حطى زهقك على زهقى ونرغى انا وانتى

[يارا ويوسف]

والله والله يا سومة انك كنتى على بالى النهاردة وقلت اكيد ولدتى

مبروووووووووووك وحمدالله على سلامتك انتى ويوسف



ربنا يخليكى يالولو وربنا بفرحك بأبنك يارب

[دودى اشرف]

يارااااااااااااااااااااااااا الف مبروووووووووووووووك .. ايه الاخبار السعيدة دى انهارده
يتربى فى عزكم يارب وربنا يخليهولك
م$عرفش والله انك ودلتى اصلى مبقتش اذاكر اللى فاتنى

[دودى اشرف]

عاملة ايه والنونو عامل ايه ؟؟؟... ولدتى قيصرى ولا طبيعى ؟؟...

[ام انس المصريه]

الف مبروك يا يارااااا وربنا يخلى لك يوسف ويجعله من الذريه الصالحه

[رنا خالد]

مافيش حد هنا اهئ اهئ نيااااااااااااااااااا

[دودى اشرف]

انا هنااااااااا يا رنا يا وحشة ... مش بتسألى عليا ليييييييييييييييه
عاملة ايه وحشانى

[مامامشمشة]

السلام عليكم

[مامامشمشة]

حد هناككككككككككككككككككككك

[دودى اشرف]

وعليكم السلام ورحمة الله وبركاته
ازيك يا مشمشة عاملة ايه
انا هنا برد على اللى بيدخل وبعدين يخرج ههههههههههههههههههههههههههههههههه

[دودى اشرف]

وعليكم السلام ورحمة الله وبركاته
ازيك يا مشمشة عاملة ايه وازى لوجى الجميلة
انا هنا برد على اللى بيدخل وبعدين يخرج ههههههههههههههههههههههههههههههههه

[مامامشمشة]

الحمد لله تمام واخبارك انتى وعمورة ماشاء الله صورته الجديدة جميلة ربنا يخليهولك

[مامامشمشة]

انا مبخرجش بس الجهاز او المنتدى بطئئئئئئئئئئئئئئئئئئئئئئئئئئ

[دودى اشرف]

الحمدلله يا قمر اهو على ايدى وكل لما اسيبه يزننننن زهقنى ... تسلمى حبيبتى ويخليلك لوجى
اه الموقع بقاله كام يوم رخممممممممم

[ام انس المصريه]

ازيكم ازيكم انا جايه ارخم عندكم

حد هنا ياوظاويظ

ولا كلكم هناااااااااااك

اكلت مكرونه ولحمه بارده وسلطه ومن ساعتها تعبااااااااانه ونعسانه وجسمى همدان

وجالى اسهاااااااااااااااااال من البطيخ

ااااااااه يانى يامه

[ام انس المصريه]

ماشاء الله ياغاده

الصوره دى اللهم صلى على النبى جميييييييله وعموره ياتى كميله ضحكته عسسسسسسل

ربنا يخليه لكى

[Om Rodina]

ام انوس حبيبتى اخبارك ايه واخبار انوس ايه ربنا يعافيكى ياحبيبتى ويكملك على خير يارب
دودى ام عمورة العسل عاملة ايه واخبارك ايه والقمور الصغنن ربنا يحميه ويجفظه عامل ايه

[نولارا]

الف الف الف مبرووووووووووووووووووووووووووك يادينا
وربنا يتمم حملك وولادتك على خير وتفرحى بااحلى نونو
وعقبال منى اختى وجوجو يارب امييييييييييييييييين
خلى بالك من نفسك ومن النونو

[نولارا]

ام يارا ويوسف
الف حمد الله على السلامه وربنا يخلى يوسف ويجعله ذريه صالحه ويتربى فى عزكم

[Om Rodina]

سومة ام يوسف
حمد لله على سلامتك وسلامة يوسف وربنا يباركلك فيه يارب ويحفظه هو ومهند ويجعلهم ذرية صالحة ويقر عينك بيهم يارب اللهم امين

[نولارا]

ازيك ياروفيده
اخبار رودينا ايه

[Om Rodina]

نورا حبيبتى ازيك وعاملة ايه واخبار موكشة ايه

[Om Rodina]

بخير ياحبيبتى الحمد لله احنا تمام
بس اكيد عارفة الاطفال اد ايه بيبقوا متعبين فى الشهور الاولى بتاعتهم دى ربنا يهديها يارب

[نولارا]

ربنا يهديهالك يارب
احمد الحمد لله كويس واشقى من الاول هههههههه

[ام انس المصريه]

انا رايحه للدكتور كمان ساعه ان شاء الله

ادعووووووولى

[ام انس المصريه]

نورا ازيك انتى والواد احمد وجوزك عامل ايه هههههههههههههههههه طبعا انتى عارفه انا بضحك ليه ههههههههههههههههههه

.............

ام رودينا حبيبتى ازيك وحشانى اوى بقالى كتير مش كلمتك ولا شوفتك

ازى رودى عامله ايه العسوله الصغننه ربنا يبارك فيها

[دودى اشرف]

الحمدلله يا ام رودى بخير يا قمر انتى عاملة ايه وازى القمر بتاعك ؟؟؟يارب تفرحى بيها ان شاء الله

تسلمى يا شيمو عقبال متحطى انتى كمان صورة القمر انووووووس

[انشودة حزن]

مساء الخير على البنات الحلوين ازيكم عاملين ايه يارب تكونوا بخير المهم انا لسة الدورة مجتنيش والنهارة ثالث يوم ليها تتاخر ولسة بحس بالام في اسفل بطني و صدري لو ضغط عليه بيوجعني اوي وخايفة اقول لجوزي وميكنش في الاخر فيه حاجة ونتصدم احنا الاثنين بس بصراحة انا بحس بتغييرات كثيرة اوي ده انا مبقتش بطيق اي حاجة وانا وجوزي كل شوية نشبط مع بعض على اقل سبب مبقتش بطيقه سامحني يارب هههههههه والله يا بنات انا بحكيلكم من كل قلبي حاسة اني وسط اهلي الي بعيدة عنهم المهم انا حستنى كمان كم يوم واشوف لو مشرفتش اروح اعمل تحليل ويارب اكون حامل ادعوووووووووووووووولي يا بنات جزاكم الله كل خير وانا حبقى اقولكم حصل معايا ايه سلام يا قمراااات على فكرة انا اسمي بسمة واوعوا تنسوا دعائكم لي

[انشودة حزن]

يالهوي هو كل ما انا باجي هنا مش بلاقي حد ده ايه الحظ ده

[dr.princess]

هههههههههههههههههههه كل الناس كده مش انتى لوحدك يا بسمة
ان شاء الله تكونى حامل
لسه امبارح عارفين خير حلووووو ان دينا صاحبتنا هنا حااااااامل بعد طول انتظار
وانتى كمان باذن الله تيجى تفرحينا قريب وياارب جوجو ومنى كمان ويبقى شهر الاخبار الحلوة وبالمرة بقى الاقى شغل واشهيص ههههههههههههههههههه

[رنا خالد]

لسه شاربه كابتشينو سخن لسعلي بؤي اااااااااااااه
شيماء ارحمي نفسك من البطيخ للواد ابنك يجي اقرع تبقي مصيبه وشكلك بتعيبي علي العيال الصغيره وهاتقعي علي جدور رقابتك ويطلع الواد شبه حماتك حميدو ههههههه
كتر البطيخ بيجيب اسهال طبعا يافالحه ياام العوريف
دودي والله وحشتيني اوي ودايما بتظهري وانا مش موجوده بس معلش هانعطر في بعض برضه اكيد
نورا حماة بنتي العزيزه مبقتش تدخل كتير زي الاول ياخوساره نفسي اكلمها هي والبت توته المفعوصه ام نور القمر سايقه التقل عليا خالص

[dr.princess]

وانا ماليش كلمتين انا كمان ولا ايه ياست رنا

[رنا خالد]

لولو تشتغلي يالولو حته واحده طب والطفل الرضيع الغلبان ده توديه فين يابونيه
بسمه خير ان شاء الله بس انتي مستعجله ليه ياقمر ده انتي بقالك 3 شهور لسه بدري ع العيال اه لو تعرفوا تقولوا حقي برقبتي هههههههه

[dr.princess]

احلى حاجة فى الرجيم ده انه بيوفر كميات مهولة من السكر والزيت هع هع هع هع

[رنا خالد]

لولو ياطماعه ده احنا سهرانين سوي امبارح ع الميل للفجر هههههههههه
الكلمتين دول بضحك بيهم ع الناس اللي مش بشوفهم ههههههههههه
بهزر والله لحد يصدق
محمد عامل ايه صحيح ياعثثثثثثثثل
واتغديتي ايه النهارده اشجيني

[انشودة حزن]

هههههههههههههههههههه كل الناس كده مش انتى لوحدك يا بسمة
ان شاء الله تكونى حامل
لسه امبارح عارفين خير حلووووو ان دينا صاحبتنا هنا حااااااامل بعد طول انتظار
وانتى كمان باذن الله تيجى تفرحينا قريب وياارب جوجو ومنى كمان ويبقى شهر الاخبار الحلوة وبالمرة بقى الاقى شغل واشهيص ههههههههههههههههههه

تسلمي يا قمر على ردك ويارب يسمع منك ويفرح كل وحدة فينا ياااااااااااااااااااارب

[dr.princess]

رنون ماهو يابنتى فى هنا حضانات او ستات كده بياخدوا الاطفال زى حضانة بيتى كده
مليت من القعدة وقلة الخروج من البيت والواحد دماغه بقت عاملة زى البطيخة ومعدتش فاكرة اى حاجة من اللى درسته فى الخمس سنين

[رنا خالد]

لا يالولو احلي حاجه في الرجيم ان لو كان في اكل في التلاجه وخلص فجأتن وجوزك سألك مين كل الاكل ده تردي تقولي لاااااااااااااااا
مش انا انا عامله دايت مانت عارف
وهيرد امال مين اللي كله تقولي انتي مش عارفه الشقه دي اكيد مسكونه ههههههههههه بينا نعزل
وكأن في شخص تالت موجود في هذا المنزل نياهاهاهاها

[dr.princess]

محمد تمام الحمدلله
فضل البيه صاحى لغاية الظهر ومن قلة النوم انا وباباه ماسمعناش المنبه والراجل اتأخر على شغله وخارج مخنوق مننا احنا الاتنين

اتغديت علبة تونة متصفية من الزيت ونص رغيف عيش بلدى

[رنا خالد]

انا مليت من توقيعي ده الدبدوب المقلبظ والفار المبحلق ده عايزه اغيره بقي طول معايا المره دي

[انشودة حزن]

هاي يا رنا ازيك عاملة والله صح كلامك لو علي انا كنت استنيت ع الاقل سنة بس اعمل ايه جوزي مطلع عيني كل شوية هاااا فيه حاجة في سكة قريبة ولا لا ياااااااااااالهوي لغاية ما زهقت تصوروا ده اول ما تجوزنا كانت عندي حبوب منع الحمل قلت لسة بدري اما اخدها اول ما شفها اخذها ورماها في الزبالة قالي انتي لو مش عايزة انا عايز ده ايه العبط ده هما الرجالة بيجوزونا عشان نطبخ ونخلف وبس مش بقولكم بقيت مش بطيقه ههههههههههههههههههه

[أم إياد]

السلام عليكم
حبايبي وحشتوني كتييييييييير
أخباركم ايه وازي نوناتكم؟
اولا الفففففففف الفففففف مبروووووووووك يا دوندون ياحبيبة قلبي
والله عينيا دمعت من فرحتي
ربنا كرييييييييييم وياااااارب يتمملنا جميعا بخير ويفرحنا بذريتنا الصالحة
خدي بالك من نفسك ياحبيبتي

ثانيا بقى انا لسه جاية من الامتحان من شوية ومرهقة اوي بس قلت لازم ادخل اتطمن عليكم لاني بقالي 3ايام مادخلتش
ربنا يسهل واخلص بقى على خير انا زهقت خاااااالص
والامتحان النهاردة كان هين شوية عن بتاع المرة اللي فاتت
وربنا يسهل ويكون ال3مواد اللي فاضلين لي احسن ان شاء الله
كل امتحان اقول كده وبرضه اللي بعده مايعجبنيش ههههههه
يلا بقى خلاص الواحد طموحه قل ما هي الظروف مابقيتش زي الاول..
المهم بس ربنا يسهل والمادة بتاعة المرة الي فاتت تعدي بخير انا مش طمعانة في اكتر من كده ويارب بقية الامتحانات تبقى كويسة
والواحد بقى يخلص على خير انا تعبت اوي
انا عندي امتحانات ان شاء الله الحد والتلات والخميس اللي جايين ضاغطين الجدول اوي الاسبوع الجاي ربنا يبارك في الوقت والحق اخلص شوية من المواد قبل ما ادخل الامتحان
ودعوااااااتكم بقى ..
انا هاستنى شوية اهه لو ماحدش دخل هتلاقوني خخخخخ
وطمنوني عليكم..

[dr.princess]

هههههههههههههههههههههههه
المشكلة انى قبل الرجيم على طول كنت شارية 5 كيلو سكر بيجوا على بعضهم فى كيس وعندى فى الثلاجة مربى وعسل اسود مش عارفة اعمل فيهم ايه

وجوزى كل يوم دلوقتى بيجيب مانجو مع انى قلتله انها ضد الرجيم بس مش بيقدر يقاوم شكلها وطبعا احنا الاتنين مش بنقدر نقاوم طعمها ههههههههههههههه

[dr.princess]

ازيك يا ايه
ربنا يهونها عليكى بقى يابنتى وتخلصى ده انا زهقتلك سلف يا شيخة

[رنا خالد]

بألف هنا يالولو انا بعمل التونه سلطه ودي الطريقه
بصفيها من الزيت وبقطع فيها طماطم وخيار وفلفل ملون وبحط رشه جبنه رومي وبعصر ليمون وبقطع بقدونس وممكن كمان اقطع فيها مكعبات بطاطس مسلوقه بتبقي عثثثثثثثثثثثثثل وبتشبع جدا بعد الحاجات دي لما تضيفيها

[أم إياد]

رنوووووش لولووووو
اخباركم ايه وازي الكتاكيت بتاعتكم؟؟

بسمة اهلا بيكي ياقمر وان شاء الله ربنا يكرمك ويفرحكم بالحمل
ولو ماكانش في نصيب ياحبيبتي الشهر ده مش مشكلة انتم مش بقالكم كتير ولازم يكون عندكم صبر عشان ربنا يكرمكم
وبعدين ماتستعجليش واتمتعي بحياتك قبل دوشة الحمل والعيال قولي لزوجك كده
وان شاء الله ربنا يكرمك عن قريب وتفرحينا

[انشودة حزن]

اهلا بيكي يا ايه ازيك اخبارك ايه يارب يوفقك انتي كمان في امتحاناتك وتطلعي الاولى ان شاء الله اما بخصوص الحمل كل الي يجيبه ربنا كويس والي فيه الخير يقدمه ربنا لينا جميعا ان شاء الله

[أم إياد]

يارييييييييييت يالولو الاقي عندي حضانة او حد بيقبل الاطفال الرضع او سن شهرين تلاتة كده
دي تبقى نجدة جاتلي من ربنا
دا انا ان ربنا كرمني ان شاء الله وقمت انا والنونو بالسلامة حاجات كتير اوي متوقفة ع الاموضوع ده
وتقديمي في الدبلومة التانية بتاعة السنة الجاية هتكون في شهر 8 الجاي
ومش عارفة والله اقدم ولا اعمل ايه؟
اما استنى بس نتيجة اللي انا بامتحنها دي تطلع الاول وبعدين ربنا يسهل
واللي فيه الخير يقدمه ربنا

عارفة يالولو في السعودية ناس كتير ماشاء الله بياخدوا الاطفال في السن الصغيرة دي
وبيبقوا كويسين وامناء اوي
انا كانت ماما بتوديني وانا عندي 3شهور عند واحدة كانت جارتنا في السعودية كانت سورية تقريبا وكانت بتاخد بالها مني لغاية اما ماما تيجي من الشغل
وكنت بارضع صناعي
اهااااااااه اياااااااااام بقى

[dr.princess]

رنا انا عملتها قبل كده قريبة من طريقتك بس محمد كان بيزن فاكلتها لوحدها حطيتلها بهارات وعصرت عليها ليمون وخلاص

[أم إياد]

ان شاء الله يابسمة سيبيها على الله وربنا كريم
وبالنسبة لامتحاناتي لاااااااااااااا مش عايزة اطلع الاولى تاني
تووووووووووبة
امال اللي انا فيه ده من اييييييييييه
انا خلاص مابقيتش عايزة اطلع الأولى ولا العاشرة حتى خلااااص
في الظروف اللي انا فيها دلوقتي خلاص بقيت عايزة اعدي بسلام وخلاص
بعد الجواز والحمل طموحي قل وبقيت فاااااااااشلة آخر حاااااااجة هههههههه
هناخد زماننا وزمن غيرنا يعني هههههههه
استنى بنتي بقى هي اللي تبقى تطلع الأولى ولا بلاااااااش عشان ماتتمرمطش زي امها ههههههههه

يوووووووووه عليا شكلي بدات اخرف ولا ايه ههههههه
شكله من تأثير امتحان النهاردة

بوسبوس استأذنك دلوقتي هاقوم تعباااانة ع الآخر
وان شاء الله كلها اسبوع وافوقلكم
وماتنسونيش من دعواتكم

السلام عليكم

[dr.princess]

وانا كمان يا ايه مولودة فى البحرين وماما ودتنى حضانة من دول وانا 40 يوم
بس المهم انى الاقى شغل الاول انا بتهيألى ده بقى من رابع المستحيلات الشغل هنا قليل اوووووووى

قوليلى يا اية هى مامتك او حماتك مفيش حد منهم قريب منك تبقى تخلى البيبى عندها ؟؟

[رنا خالد]

كان معايا مكالمه طويييييييييييييييييييله
واحده صاحبتي من ايام ثانوي
عدنا بعد الفاصل

[رنا خالد]

انا لو شنقوني ماسبش بنتي لحد الا لماما محدش هيخاف علي ابني او بنتي اكتر مني ممكن مثلا تديله بزازه مش مغسوله كويس وانتي طبعا مش شايفاها
او يكون جعان وهي مش عارفه ومش هاتحس بيه زيك
او يزن وتشخط فيه او تسيبه نايم في وضع مش مريح
لاااااااااااااااا بيتي وبنتي وجوزي اولي من اي شغل وبعدين اللي بتتجوز بتبقي عارفه انها هاتضحي بحاجات كتير من ضمنها الشغل وتحقيق الذات
فسبيل الامومه والاستقرار واللي حابب يشتغل ويدرس كان ممكن يأخر الجواز شويه او يأخر الحمل مثلا لكن صعب تخلفي وتسيبي ابنك عنده شهور وتنزلي شغل ده ممكن في حالة لو الولد كمل الاربع سنين ساعتها ممكن
ولو اني مش بحبذ كده برضه

[ام انس المصريه]

ازيك ياايه وحششششششششششششششششششانى كتيييييييير اوى عامله ايه فى الامتحانات

والحر ياحبيبتى بتخرجى فى الحرررر الرهيب ده

ربنا معاكى ويهون عليكى

.................

بت يارنا وحشانى ياوحشه اوى لا اميل ولا دردشه انتى بتروحى فين ياوليه انتى ههههههههههههه

..............

لولو ازيك ياجميل واخبار الحنه ايه ها الميه جات ولا جوزك جه لقاكى لسه بالحنه ههههههههههههههه

...........

[ام انس المصريه]

كلامك حكم يابت يارنا والله عين العقل تستاهلى عليه بسوسه امووووووه

انا كمان عمرى مااسيب ابنى لاى حد حتى لو حماتى ولا سلفتى امى ماشى اسيبه معاها

لكن طظظظظظظ والف طظظظظظظظ فى الشغل

ايه انتى كده بتظلمى نفسك وبتظلمى زوجك وبتظلمى بنتك ومش تزعلى

هى دى الحقيقه والله

انا خالتو محاميه وبتروح المحكمه

مهمله فى حق بيتها وجوزها وعيالها ونفسهااااااااا

بس اكل العيش بقى

[ام انس المصريه]

ماذا فعلتى ياشيماء عند الدكتور

الضغط الحمد لله كويس

الوزن مش هاقوله لتتصدمو ههههههههههههههههههه

اما الكشف ف النونو الحمد لله بخير

لكن الدكتور قالى ارجعى نامى تانى على ظهرك ومتعمليش اى حاجه خالص ومش توطى نهائى

لان بطنك نازله لتحت وده غلط ع النونو

وبالنسبه للمغص فده بسبب انى بطنى نازله لتحت

يارب يكون خير

انا سالت الدكتور ده عادى يعنى ولا فيه خطر

قالى اعملى اللى قلت لك عليه وخلاص

مش بيريح ابدا الدكتور ده

[malak ahmed]

دينااااااااااا الف مبرووووووووووووووووووك فرحتلك اوووووى والله

ربنا يتمم ليكي علي خير ويقر عينك بشوفته انتي وزوجك

خلي بالك علي نفسك وقللي مجهودي ..

ياربي لك الحمد حمدا كثيرا مباركا كما ينبغي لجلال وجهك وعظيم سلطانك

http://forum.hwaml.com/imgcache2/hwaml.com_1308254474_316.gif

[malak ahmed]

لولو ازيك عامله ايه انتي ومحمد

رنا ازيك يا جميل واخبار عروستنا ايه

ايه هانت ان شاءالله ربنا معاكي يارب ويوفقك

[malak ahmed]

شيموز حبيبه قلبي والحته الجوانيه ههههههههه

حبيبتي متقلقيش من المغص ده والله كل واحده اعراض الحمل بتختلف عن غيرها والله المستعان والله

سبيها علي الله ومش تفكري ولا تخافي من كلام الدكتور

بس انتي اعملي بتعليمات الدكتور وريحي نفسك يا قلبي

واخيرااا ...

وحشتيني يا مززززززززززتي :)

[malak ahmed]

كده مشيتو وسبتوني لوحدي ؟؟ :(((

ده انا بقالي كتير مدخلتش ولا شفتكم

وحشتوني اوووووووووي كلكم

[رنا خالد]

في حد هونا ياجدعان

[رنا خالد]

لوكه وحشاني يابت يافظيعه يابتاعة المكالمات اللي بتولد هههههههههههه
ايه اخبارك واخبار المكاالمات العاطفيه من الحته الجوانيه واموت انا في الرومانسيه هههههههههههه
اسامه منير ياخواتي

[malak ahmed]

هههههههههههه ده انتي علي كده مذاكره كويس يا ام لوجي

مبرووووووك ناجحه بتقدير امتياز مع مرتبه الشرف

اهو يختي زي مانا في المكالمات مش عارفه اطول منه اكتر من كده

تصدقي الصيف والحر بردو بيعملو شغل وانتي ست العارفين صح ؟؟

[malak ahmed]

يا سلااااااااااااام يا ولاد فرحت اوي للبت دودو

ياااااااارب ارزق هاجر ومني عن قريب يارب

[malak ahmed]

وياااااااااااااااااااارب اشفي والد رانيا ورجعو بالسلامه لبيتو معافي من كل سوء

انك علي كل شىء قدير

[malak ahmed]

بت يا رنا يا مقروضه روحتي فين وسبتيني بقي

اخبار عروستنا ايه مقولتيش ..

وقوليلي خبرتك كده في تجهيزات البيبي يعني اكتر م الهدوم وكده ولا لا .. ماما بتقولي كفايه لغايه كده لان الشتا هييجي عليها والبيبهات بيكبرو بسرعه

اكتر حاجه مفرحاني اني جبت البانيو اول حاجه وبلعبه كمان ههههههههه .. اصلي بحب النظافه اوى

ايه تعليق سيادتك بقي علي كلامي

[دودى اشرف]

انا هناااااااااااااااااااا
لوكاااااا ازيك يا قمر عاملة ايه وحشانى والله.. فينك سبتلك رسالة على الماسنجر ... اخبار النونو ايه؟؟

رنونة يا قمر وحشانى والله كتير وازى القمر لوجى ؟؟

[دودى اشرف]

بسمة ان شاء الله خير يا قمر وان شاء الله تطلعى حامل باذن الله تعالى وتفرحينا قريب

[malak ahmed]

ام عمر حبيبتي وحشاني والله

معلش اصلي مبقيتش بفتح الميل خالص

انا الحمد لله بخير بس مفيش غير الموضوع اللي فهمته البت شيماء بس هو اللي تاعبني

انتي اخبارك ايه انتي وعموره

اتفضلي معايا دره مشوي لسه جاي حااااااااااالا

[malak ahmed]

بنات قولولي هو انا ممكن اولد قبل ما التاسع يخلص ولا هي البكريه لازم تاخد شهورها كامله

[دودى اشرف]

الف هنا يا قمرررر ... لا مش لازم تخلصى التاسع كله ... انا ولدت فى نصه او قبل ميخلص ب 10 ايام وفى ناس بتخلصوا كله وبتبقى مخلفة مش شرط ... هما برضه قالولى كده انى ممكن اخد الشهر كله .. ربنا معاكى يا رب

[نولارا]

رنا لسه هنا ولا روحتى فين
وحشااااااااااااااااااااانى

[malak ahmed]

تسلميلي يا ام عمر

قوليلي هي البت شيموز عالاقمار ؟؟ اصلي مش فاتحه الميل

لو موجوده ابقي سلميلي عليها

[نولارا]

ازيك يالوكه
انتى وام عمر
غاده عامله ايه ههههههههههههههه
معلش روحت وطولت وهفلسع كمان شويه جوزى جه

[دودى اشرف]

كانت موجودة من ساعة ونص كده وقفلت علشان جوزها جه وكمان الدكتور قالها متقعدش كتير وتنام على ظهرها

[malak ahmed]

ازيك انتي يا نورا مبقيناش بنشوفك كتير زي الاول

معرفش ليه الدكتور قالها كده وايه السبب يعني ..

بس كلو خير ان شاءالله .. ربنا يكملها علي خير