دردشة حوامل مصر - دردشة بنات مصر - تجمع حوامل مصر ‏

[somia]

الحمد لله تعالى الانسة توتة مطلعة عيني اهه ... الهانم بتدلع عليا افضل صاحية هيه تنام اجي احط راسي او مجرد افكر امدد تبتدي العياط .. ربنا يهديها يا رب ويصلحلي حالها ..
ربنا يتمملك حملك على خير ويسهلك ولادتك ورضاعتك ..
بقولك صحيح انتي المفروض هتبقي قيصري ان شاء الله صح؟؟ هتولدي فيييييييين؟؟؟

[somia]

بوستيهالك يا ستي .. انا هنا انتي اللي بتختفي فييييييييييييييييييييييين؟؟؟

[ام انس المصريه]

انا هنا اهوووووووووو

ايووون هولد قيصرى ان شاء الله

ربنا يخلى لكى عائشه ويبارك فيها ويجعلها من الذريه الصالحه

بقولك ياسمسم هى الولاده القيصري بتوجع اوى ولا عادى ؟

[ام انس المصريه]

اهو احنا كده فى الحمل نقعد نقول ايام الحمل طوووووووووويله نفسى اولد بقى

ولما نولد نقعد نشتكى ونقول مش عارفين ننام مش بيبطل عياط هههههههههههه

ما نرسى على بر بقى

هو الانسان كده

ربنا يبارك فى عائشه وسيبيها تدلع براحتها

[somia]

بصي يا بنتي انا جربت الطلق من قيمة اسبوعين كده وبجد القيصري اهون منه مليوووووووووووووون مرة

[ام انس المصريه]

اين انتى ياام عائش

تصورى انا كنت مفكراكى عايشه فى السعوديه طلعتى انتى قاعده فى مصر واهلك فى السعوديه

ايمان كلمتنى ع الموبيل النهارده ايمان العليمى ربنا معاها يارب

[ام انس المصريه]

انا بمزاجى او غصب عنى هولد قيصري ان شاء الله عشان عامله حقن مجهرى

ادعيلى ياسميه ربنا يكملى على خير واشوف ابنى نايم فى حضنى حبيب قلب امه ونن عين امه وروح قلب امه

بس بالله عليكى ياسميه مش البصه فى وش عائشه بالدنيا كلهاااااااااااااااااااا

[somia]

ما هو زوجي بيقولها اعملي اللي انتي عايزاه امك واخده جنيه عشان تدلعك .. شفتي الراجل..
بقولك حاولي تاخدي بنج نصفي احسن من الكلي بميون مرة انا جربت الكلي في عملية الحمل العنقودي بس بجد ده احسن مشكلته بس اني بيجيلي لحد الوقتي صدااااااع رهيب في راسي بس الكلي اضراره اكثر من كده بكثيييييييييييير

[somia]

هيه ايمي معاها نمرتك .. ايمي دي انتيمتي اصلا..
أه طبعا يا شيماء يا بنتي مع اني مش مستوعبة اني خلفت وكده يعني الا اني ببقى هموت اما احس انها تعبانة او مش عارفة تاخد نفسها ببقى هموت والله العظيم من الرعب عليها وبفضل اعيط جمبها ..
عارفة ساعات اقعد اكلمها كده وبيبقى نفسي قوي انا تتكلم بقى او حتى تناغي وتشوف وتضحك بقى وتتفاعل معايا

[ام انس المصريه]

النصفى بيعمل وجع فظيع فى الظهرررررر

انا جربت البنج الكلى يجى 7 مرااااااااااااااااات هههههههههههههههههههه

الحمد لله

كنت بحس بصداع بيقعد اسبوع تقريبا ويروح على طول بس بيضيق الخلق جداااااااااا

بقيت بتنرفز بسرعه وروحى فى مناخيرى

[ام انس المصريه]

بكره تلاغيكى ياسميه وتضحك لك مشكلتنا اننا عايزين كل حاجه تيجى ورا بعضها انا كمان زيك والله ربنا يخليها لكى

انا كمان بقول لو ابنى كح كحه ولا عطس عطسه هقعد اعيط واجرى ع الدكتور

..........

ايون ايمان معاها نمرتى تصدقى كنت فاكره اخد نمرتك اكلمك والله بس انسانى الشيطان

[somia]

7 مرات لييييييييييييييييييييييييييييه يا أمي؟؟؟

[somia]

ثواني هارضع توتة واجيلك

[ام انس المصريه]

اه والله 7 مرات عملت عمليات كتييييييييييير والحمد لله

سميه بصى هقوم عشان جوزى عايز يقعد ع النت شويه

بوسيلى عائشه

سلاااااااااااااااام دلوقتى

[somia]

ماشي يا بنتي ربنا معاكي

[رنا خالد]

نمتوا طيب تصبحوا علي خير
مقلقش نومكم بقي ههههههه

[رحماك يا معين]

ازيكم يا بنات
حد لسه صاحي؟؟؟

[ام انس المصريه]

انا صحيييييييييييييت

الساعه 8 صباحا بتوقيت المحله الكبرى يلااااااااااااااااا اصحوووووووووووو

حاسه انى نمت كتيييييييييير اوووووووووووووى

[دودى اشرف]

صباح الخيييييييييييييييييير .. كلمة مش بقولها كتير الحقيقة هههههههههههههههههههههه ياترى فى حد يرد عليها ؟؟

[أم إياد]

السلام عليكم
أم عمر انا هناااااا

حد هنا يابناااااااااات؟؟
شيمااااااااااء انتي لسه هنا؟؟

[ام يحيي 2011]

أسألكم الدعاء

[دودى اشرف]

انا هناااااااا

[دودى اشرف]

سارة ازيك يا قمر عاملة ايه وازى العسل يويو .. بقى اد ايه دلوقتى ؟؟

[أم إياد]

السلام عليكم

ام عمر اخبارك ايه انتي لسه هنا؟

أم يحيى اتصلت بيكي مرتين قبل الظهر ماردتيش
يارب تكونوا بخير طمنينا طيب عليكي

[ام انس المصريه]

السلام عليكم

فى حد هناااااااااااااااااااااااااااااااا

[ام انس المصريه]

ام اياد انتى لسه هنا ولا روحتى هناك

كنتى عايزه تقولى لى حاجه عن البأ هل هو عادى ولا فيه ضرر؟؟؟؟؟؟؟؟؟؟؟؟؟؟؟؟؟؟

[توتة السيد]

أسألكم الدعاء


ازيك ياسارة ياقمر عملة ايه ويحيي عامل ايه

خير حبيبتي في حاجة ولا بتقولي كده عادي طمنينا ياقمر

[malak ahmed]

سلام عليكم .. ازيكم يابنات

جمعه مباركه ان شاءالله

[*رحمه*]

السلام عليكم يا بنااااات
قرأت ده و عجبني ، جبته عشان تستفيدوا منه

تأثير ابتسامتك على الجنين

يشعر الجنين وهو في رحم أمه بكل مايدور حوله في العالم الخارجي ففي التسعة اشهر التي يقبع فيها في جوف امه يمر بمئات التجارب يتعلم خلالها الاصوات ومذاق الاطعمة والاحاسيس وملمس الاشياء


الجنين ينصت للاصوات:

تبدا حاسة السمع في النمو عند الجنين بداية من الاسبوع الخامس عشر من الحمل فيسمع صوت تدفق الدم في اوردة الام وصوت حركة الجهاز الهضمي وصوت دخول الهواء الي رئتيها
وأفضل الاصوات لديه هو صوت ضربات قلبها التي يطمئن لسماعها ويهدا وبعد مرور ستة اشهر يتمكن الجنين من التقاط الاصوات خارج رحم امه فلا تتعجبي اذا شعرت بركلة او حركة مفاجئة كلما سمع جنينك صوتك او صوت ابيه وفي الثلث الاخير من الحمل يستطيع الجنين الاستماع جيدا لما يجري في العالم الخارجي فحاولي التحدث او الغناء الي طفلك فالابحاث قد أظهرت ان الطفل يطمئن بعد الولادة لسماع نفس النغمات التي كان يسمعها عندما كان في بطن امه
*********
يري الضوء:

وفي الاسبوع السابع والعشرين تنفرج جفونه فتفتح وتغلق وتتحرك عيناه استعدادا لاستقبال يوم ميلاده
وقد أظهرت الابحاث الحديثة ان الجنين في الاسبوع الثالث والثلاثين يكون قادرا علي تمييز اختلاف الضوء في خارج بطن الام فيري خيال الضوء القوي من خلال بطن الام كما نري نحن اشعة الشمس القوية من خلال الجفون المغلقة
*************
ويتذوق الطعام:

علي الرغم من ان الطفل لا ياكل وهو في رحم امه الا ان حاسة التذوق تنمو عنده بعد ستة اشهر من الحمل فيستطيع التمييزبين الحلووالمالح حيث يتاثر السائل المحيط به بما تتناوله الام من طعام وقد أثبتت التجارب ان الطفل يفضل المذاق الحلو حيث يستهلك المزيد من السائل المحيط به عندما يكون تركيزه حلو المذاق
***********************
ويتمتع بحاسية اللمس:

في النصف الثاني من فترة الحمل تبدا حاسة اللمس في النمو فيستخدم الجنين الاشياء المتاحة له مثل اطرافه والحبل السري وقد تراه الام في السونار واضعا اصبعه في فمه ليسمح للاعصاب العديدة في نهاية لسانه للشعور باصبعه او يمسك بالحبل السري

ولديه الحاسة السادسة:يتاثر جنينك بالتغيرات المزاجية التي يصاحبها تغييرات كيميائية في جسدك اثناء الحمل كما يتثر بما يحدث لك عند الشعور بالحزن او الغضب مثل سرعة ضربات قلبك وسرعة تنفسك وايضا يتاثر بمشاعرك عندما تكونين سعيدة فينساب الي جسده الصغير هرمون الاندروفين المعروف بهرمون السعادة ليشعر هو الاخر بالرضا

فابتسمي ليبتسم طفلك معك....

[توتة السيد]

دينا ازيك عاملة ايه تمام

قوليلي بتكلمي لولو عاملة ايه هي دلوقتي

والبيبي اخباره ايه طمنينا عليها وابقي سلميلنا عليها

[توتة السيد]

ربنا يفرح قلبك يارب يادينا ويكرمك بالذرية الصالحة اللهم امين

[ام انس المصريه]

السلااااااااام عليكم

طبعا مفيش حد هنا كا العادع كل ماادخل مش الاقى حد

جزاكى الله خيرا يادينا ياحبيبتى وربنا يرزقك الذريه الصالحه عاجلا غير اجل

[*رحمه*]

انا الحمد لله يا توته والله بخير
انتي عامله ايه انتي و نوران ؟؟؟
و الله انا كلمت لولو مره واحده بس بعد الولاده و هي الحمد لله كويسه بس كانت بتقول تعبت في الولاده جدا ربنا يكمل نفاسها على خير يارب
بس قلت اسيبها تشد حيلها كده و اكلمها تاني بإذن الله اول ما اكلمها هقولكم

ام انس عامله ايه و الواد أنيسه اخباره ايه ؟؟؟

و شكرا على دعواتكم الحلوه ربنا يخليلكم اولادكم و تفرحوا بيهم

[رنا خالد]

حد هنا يابطابيط

[*رحمه*]

رنووووووونه ازيك عامله ايه ، والبنت لووجي ، اخباركم ايه ؟؟؟؟

[أم إياد]

السلام عليكم
بناااااااااااات حد هنا؟؟

[أم إياد]

ام اياد انتى لسه هنا ولا روحتى هناك

كنتى عايزه تقولى لى حاجه عن البأ هل هو عادى ولا فيه ضرر؟؟؟؟؟؟؟؟؟؟؟؟؟؟؟؟؟؟

أم انس حبيبتي ايوه انا فعلا كنت عايزة اكلمك عن موضوع السائل اللي بينزلك ده .. بس كنت عايزاكي تبقي موجودة وانا باكتبلك عشان عايزة اسالك على حاجة..

هو اسمه اللبأ ,وكان نزل عليا برضه الحمل اللي فات ابتداء من الشهر السادس واستمر لحد قبل الولادة بكام يوم وقف,,
وكان طبعا مزعجني لان كان بيغرق هدومي, وقلقني ورحت كشفت وعرفت وقتها ان اسمه اللبأ والدكتورة طمنتني ان ده حاجة كويسة دليل على نشاط الغدد اللبنية وتكونها في الثدي..

وعرفت بعد كده كمان انها بتيجي في حمل الصبيان .. لان سبحان الله كمية وسمك اللبن اللي بيبقى ربنا مصنعه في جسم الأم اكتر مقارنة بالحامل في بنت..

والسؤال اللي كنت عايزة اسألهولك .. انتي في البيت او معظم وقتك يعني بتكون لابسه البرا ولا لأ؟
ولو آه بيكون مقاسه مظبوط عليكي ولا ضيق؟؟

هو المفروض ان بعد الحمل نلبس مقاس اكبر نمرة من المتعودين عليه, عشان ندي فرصه للغدد اللبنية انها تتمدد بدون مانضغط عليها , ونتسبب في خروج السائل ده..
كمان المفروض نستمر على لبس الجزء ده خصوصا اول شهور الحمل , عشان الغدد دي برضه ماتتمددش اكتر من اللازم..

لان انا كنت الحمل اللي فات مش طايقة البسه في البيت وعلى طول قالعاه..
وبعد ما موضوع نزول السوائل دي ازعجني فبدات استمر على لبسه ولاحظت فعلا ان بدأ يقل نزوله بالتدريج .. فعشان كده باسألك..

ويارب اكون افدتك وطمنتك

[رنا خالد]

دينا وحشتيني جداااااااااااا
اي ميس يو
عامله ايه ياحبيبة قلبي

[*رحمه*]

انتي كما يا رنونه عامله ايه ؟؟؟

[رنا خالد]

دينا رحتي فين

[*رحمه*]

انا هنا يا رنا انتي فييييييييين ؟؟؟؟

[توتة السيد]

صباح الخير ياوظاويظ عاملين ايه شفتوا العيال علمتنا الادب بنصحي من الفجرية

نشكر رب البرية ههههههههههه حد احي زيي ولا كله اخخخخخخخخخخ

[توتة السيد]

ايه ده ياروني الرضا ده كله الصورة الرمزية بقي الحب الحب

الشوق الشوق اكيد التقل خف فهماني طبعا ههههههههههههههه

وكمان التوقيع لا ده كتير احنا مانستحملش يارومنتيكي انت

[ايمان العليمي]

السلام عليكم ورحمه الله وبركاته


في حد هنا ؟؟؟؟

[ايمان العليمي]

انتم نمتوا كلكم لما انا دخلت ولا ايه ؟؟؟؟ :(

[ايمان العليمي]

يا جماعه لو تعرفوا حاجه علي لولو ابقوا بلغوني علي الخاص لاني مش بقرا الي فات خااالص


نفسي اطمن عليها

[ايمان العليمي]

سميه ........... اختك حتيجي امتي تبات معاكي علشان انا عايزه اجيلك ؟؟؟؟

[lamiaahussienhussien]

ازيكم يا بنات انا عضوة جديدة hwaml7

[توتة السيد]

ازيك ياايمي عاملة ايه في الحمل وقف الدم الحمد لله طمنيني

لينا مده مش بنتقابل

[توتة السيد]

ازيك يالميس عاملة ايه ياقمر نورتي

قوليلنا بقي السي في بتاعك

[توتة السيد]

لمياء مش لميس اسفة خطأ مطبعي بقي

انت حامل في قد ايه عؤفينا علي نفسك ياقمر

[ايمان العليمي]

انا الحمد الله بخير يا توته


والدم والله قل شويه وسعات بيوقف ويجي تاني واديني باخد مثبت والله المستعان


والله غصب عني طول اليوم مشغوله مع ليلي مش بعرف ادخل بسهوله علشان هي بتبقي عايزه

تلعب بالاب توب

[ايمان العليمي]

يا هلا بيكي يا لمياء معانا


يلا بسرعه قدمي السي بتاعك بسرعه


احم احم :)

[ايمان العليمي]

يا دي النيله

ايه الحظ المهبب ده


هو كل ما اجي ادخل ابقي لوحدي كده ............محدش يجبر بخاطري ويخش ؟؟؟؟


فينك يا سميه ايام الرغي والذي منه.............. :(

[malak ahmed]

صباح الخير يا بنات .. ازيكم hwaml7hwaml7

دعواتكم معايا اصل اختي جايه تقضي اليوم عندنا النهارده hwaml93

طبعا انتو عارفين اني مش بتكلم علي اختي انا بتكلم علي ابنهاااااااااااااااااا hwaml56
ربنا يستر ويكون طيوب مع خالتو النهارده ومش يضربني زي كل مره hwaml79 ..
بس والله عسول وحبيب قلبي من جوا مهما عمل فيا بردو hwaml53

[ام انس المصريه]

انا الحمد لله يا توته والله بخير
انتي عامله ايه انتي و نوران ؟؟؟
و الله انا كلمت لولو مره واحده بس بعد الولاده و هي الحمد لله كويسه بس كانت بتقول تعبت في الولاده جدا ربنا يكمل نفاسها على خير يارب
بس قلت اسيبها تشد حيلها كده و اكلمها تاني بإذن الله اول ما اكلمها هقولكم

ام انس عامله ايه و الواد أنيسه اخباره ايه ؟؟؟

و شكرا على دعواتكم الحلوه ربنا يخليلكم اولادكم و تفرحوا بيهم

ههههههههههههههههههههههههههههه كده يادينا حرام عليكى بقى تقولى على ابنى حبيبى انيسه زى ماجوزى بيقولى هتخلونى اغير الاسم مع انى بحبه وبموت فيه
ربنا يرزقك يالذريه الصالخه يارب انا وانتى وكل محروم

[أم إياد]

السلام عليكم
ام أنس انتي هنااااااااااا؟؟


قريتي الكلام اللي كتبتهولك امبارح؟

[malak ahmed]

شيماء ازيك اخبارك ايه واخبار البيبي ايه دلوقتي ؟؟ ابتديتي تحسي بالحركه اوى ياتري ؟

ايه ازيك اخبارك ايه .. ربنا معاكي عرفت ان امتحاناتك قربت .. خلي بالك ع نفسك بقي

[أم إياد]

شيماااااااااااء روحتي فيييييييييييين؟؟
انتي خرجتي ولا ايه؟؟ hwaml17

[malak ahmed]

اهي هي البت شيماء كده محدش عارف يكلمها .. تيجي تكتب كلمتين وتختفي ههههههههه

[أم إياد]

نهاااااااااد ازيك انتي ياحبيبتي أخبارك ايه؟

ايوه امتحاناتي قربت والله, ولسه ماذاكرتش .. الله المستعان
انا ماخرجتش اصلا الكلية النهاردة.. عندي كحة فظيييييييعة ومغصصصص وظهري بيتقطع..

المهم انتي عاملة ايه؟

[malak ahmed]

الف سلامه عليكي يا ايه .. اقولك ايه بس .. مكانش ليها لازمه كليه وانتي ف ظروفك دي .. انا اصلا اتعقدت م الكليه . ربنا معاكي يارب ويهونها عليكي

انا الحمد لله ع كل حال .. صحيح مبروك عرفت انك هتجيبي بنوته ان شاءالله .. والله يا ايه ما فيش احلي م البنات وكل اللي بيجيبو ربنا نعمه .. محدش طايل والله والحمد لله

بس قوليلي بالنسبه للحركه .. اصلي بقالي يومين كده مش بحس بالحركه اوى غير مره واحده ف اليوم وساعات مش بكون متاكده ان دي الحركه لانها مبتكررش وبقت خفيفه عن الاول وخايفه مووووووووووووت .. ده عادي ده يا تي ولا اروح للدكتور

[ام انس المصريه]

ازيك ياايه انتى ونهاد وحشتووووووووووووووووونى والله

انا كمان يانهاد مش حاسه بحركة النونو

انا بقول ان الواد بيزعل اوى لما انا وابوه بنعمل احم احم سيكو سيكو على راى توته هههههههههههههههههههههههه

فبيقول بقى كده مش عاملين حساب لوجودى فيزعل ويعمل اضراب عن الحركه

[ام انس المصريه]

ام اياااااااااااااااااد كنتى عايزه تقولى لى حاجه عن البأ

ببقى قاعده فى امان الله الاقى بلل على صدرى ابص الاقى ميه واللبس اللى لبساه يتبل

[أم إياد]

الله يسلمك يانودي,, وعلى رأيك والله ع الكلية بس انا اصلي كنت عاملة حسابي ع الخلفة السنة اللي فاتت وكده لما خدت اجازة السنة اللي فاتت عشان الحمل وكنت هاولد في شهر الامتحانات فما قدمتش دراسات عليا السنة اللي فاتت..
والسنة ضاعت عليا.. وجيت في الىخر ماحصلش نصيب وظروف الوفاة غصب عني فما كنتش حاطة في حسباني الظروف دي..

والمشكلة ان متحددلي سنوات معينة اكون عملت الدبلومة السنتين وكملت التمهيدي والماجستير كلهم في 5سنين من التخرج..
وطبعا بضياع السنة اللي فاتت ع الفاضي (وكان طبعا بسبب الحمل والولادة),, فما ينفعش اضيع وقت تاني بقى..

غصب عني حظي كده.. نحمد ربنا على كل حال..

وطبعا دلوقتي مشغولة بالدراسة عندي 9مواد,, وشغل مطلوب مني في الكلية, وسكاشن ومحاضرات باديها.. واشراف على حاجات + الحمل وتعبه +شغل البيت

لما عماله اصوصو لوحدي.. وطبعا مع كل ده لسه مابداتش مذاكرة ومش هاعرف ابدأ غير مع بدا الامتحانات..

ربنا يسترها ويقدرني ع اللي انا فيه..

دعواااااااااااتك

[malak ahmed]

الحمد لله يا شوشو ازيك انتي ... طب يختي انا جوزي مسافر يبقي حضرتها عامله اضراب علي ايه بقي .. ولا بتتدلع عليا البت دي

ربنا معاكي يا ايه ويعوضك خير يارب .. انا نفسي اشتغل اوى بس جوزي مش راضي ابداااااااااااا وحتي الخدمه خليت واحد قريبي يعملهالي وانا قاعده ف البيت ومش هروح ف حته..

[ام انس المصريه]

ربنا يقر عينك ياام اياد ويعوض صبرك خير ويرزقك احلى بنوته فى الدنيا وتكون بصحه جيده

..........

وربنا ينجحك وتطلعى من الاوائل انا ياختى خدت الدبلون وارتحت هههههههههههههههههه

وبعد ماارتحت اتجوزت ومرتحتش برضو مفيش راحه فى الدنيا

هييييييييييييييييييه ربنا يخرجنا منها على خير

[أم إياد]

أم انس حبيبتي ايوه انا فعلا كنت عايزة اكلمك عن موضوع السائل اللي بينزلك ده .. بس كنت عايزاكي تبقي موجودة وانا باكتبلك عشان عايزة اسالك على حاجة..

هو اسمه اللبأ ,وكان نزل عليا برضه الحمل اللي فات ابتداء من الشهر السادس واستمر لحد قبل الولادة بكام يوم وقف,,
وكان طبعا مزعجني لان كان بيغرق هدومي, وقلقني ورحت كشفت وعرفت وقتها ان اسمه اللبأ والدكتورة طمنتني ان ده حاجة كويسة دليل على نشاط الغدد اللبنية وتكونها في الثدي..

وعرفت بعد كده كمان انها بتيجي في حمل الصبيان .. لان سبحان الله كمية وسمك اللبن اللي بيبقى ربنا مصنعه في جسم الأم اكتر مقارنة بالحامل في بنت..

والسؤال اللي كنت عايزة اسألهولك .. انتي في البيت او معظم وقتك يعني بتكون لابسه البرا ولا لأ؟
ولو آه بيكون مقاسه مظبوط عليكي ولا ضيق؟؟

هو المفروض ان بعد الحمل نلبس مقاس اكبر نمرة من المتعودين عليه, عشان ندي فرصه للغدد اللبنية انها تتمدد بدون مانضغط عليها , ونتسبب في خروج السائل ده..
كمان المفروض نستمر على لبس الجزء ده خصوصا اول شهور الحمل , عشان الغدد دي برضه ماتتمددش اكتر من اللازم..

لان انا كنت الحمل اللي فات مش طايقة البسه في البيت وعلى طول قالعاه..
وبعد ما موضوع نزول السوائل دي ازعجني فبدات استمر على لبسه ولاحظت فعلا ان بدأ يقل نزوله بالتدريج .. فعشان كده باسألك..

ويارب اكون افدتك وطمنتك

أم أنس انا كتبت لك الكلام ده امبارح ف الصفحات اللي فاتت..
ماقريتيهوش ولا ايه؟

[ام انس المصريه]

انتى غاويه تعب يانهاد شغل ايه ياختى بكره لما تولدى ان شاء الله هتقولى يارب اليوم يطول مش ملاحقه خالص من غسيل غيارات النونه وكل شويه تعمل حمام لازم تشطفيها دى وسخت هدومها هغير لها

يااااااااااااااااااااارب ياختى الايام تجرى بسرعه نفسى ابقى ام بقى يارب واحضن حبيب قلب امه وابوسه يخلاصى يانى

حاسه انى على مااولد هكون بضت بيضه ههههههههههههههههههههههههههههههه

[ام انس المصريه]

لا للاسف مقرتهوش ياام اياد معلشى والله تعبتك معايا

جزاكى الله خيرا ياام اياد طمنتى قلبى الله يطمن قلبك

بصى ياستى بالنسبه للبرا اللى اول مره اعرف اسمها اصلا مبقولش عليها البرا بقول الاسم التانى محلاويه بقى ههههههههههههههههه

انا من اول الحمل مش بلبسها نهااااااااااااااااااااائى لان صدرى بيوجعنى جدااااااااااااا لما بخرج بس بلبسها

بس بعد اللى قلتيه ده هلبسها بقى وامرى لله

وجزاكى الله خيرا وربنا يتم حملى وحملك على خير ويقر عينا بالذريه الصالحه يااااااااااااااااااااارب

نفسى اخلف 6 عيال بسسسسسسسس يارب اكرمنى

[malak ahmed]

ههههههههه عسل يابت يا شوشو .. حلوة هبيض دي

ياااااااااااااارب بقي عديها .. انا حاسه ان لسه قدامي بدرررررررررري اوووووى علي ما اولد وعاوزة اشغل نفسي بتجهيزات البيبي عشان احس بان الايام بتعدي بقي .. بس مستنيه الشهر الجاي ان شاءالله هبدأ التجهيزات

[malak ahmed]

انا حاسه ان البيبي اللي ف توقيعي ده مش بيكبر .. كل يوم استناه يكبر بس بلاقيه زي ماهو

[أم إياد]

ربنا يخليكي يا نهاد انتي وشيماء دعوااااتكم

هههههههه اطلع من الاوائل ياشوشو!! تااااااااني؟!

ماهو اللي انا فيه ده من ايه.. عملت نفسي فالحة وطلعت الاولى ياختي ..
وجزائي اللي انا فيه دلوقتي اهئ اهئ

والله العظيم طول اليوم اول امبارح وامبارح ملخومة ف حاجات كتير وعمالة اعيط
لما صحيت النهارده عينيا وارمة وواجعاني

[ايمان العليمي]

السلام عليكم


موجودين ولا اخرج وامشي ؟؟؟؟

[malak ahmed]

لالا متخرجيش يا ايمان ودي تيجي احنا اللي هنخرج ههههههههههه

اخبارك ايه يا حبيبتي .. واخبار الحمل معاكي ايه

[ام انس المصريه]

هههههههههههههههههه بس اللى فى بطنك اكيد بيكبر ماشاء الله

انتى لسه مشترتيش حاجه لنونه يانهاد؟؟؟؟؟؟

انا ياختى ونا جايه من عند الدكتور شفت لبس اطفال عسل اوى بقوله احنا هنشترى امتى

يقولى احنا مش هنشترى احنا هنشحت اهىء اهىء

قلت له انا شوشو هانم بنت امام باشا البس عيالى شحاته دى هزولت

بس انا عندى لبس كتير كنت جيباه من السعوديه ونا بعمل العمره

[ايمان العليمي]

لا يا ملك مش تخرجوا ده انا عماله اشحت اي حد اكلمه من الصبح


ازيك يا شوشو عامله ايه ؟؟؟

[أم إياد]

ولا يهمك ياشوشو تحت امرك ياحبيبتي

شفتي بقى موضوع اللبس ده بيفرق ازاي
عشان كده سالتك اصل انا كنت زيك كده مالبسش الا ف الخروج..
وكنت مش طايقاه خااااالص..

انا معاكي ان فعلا .. والسبب ان الصدر اصلا بيكبر في حمل الولاد اكتر والعروق كمان بتنفخ عشان كده الواحده مش بتطيق لبسه..

جيبي بقى زي ماقلتلك مقاس اكبر نمرة او نمرتين وهتستريحي ان شاء الله..

كمان كنت بالاحظ ان تدفق السائل بيزيد اوي مع الحرررررر

فمعلش اليومين دول داخلين ع الصيف جامد..

ربنا يجعله ف ميزان حسناتك وتشوفي انس في حضنك

[ام انس المصريه]

ربنا معاكى ياام اياد فى الاخر ياختى هتقعدى تربى العيال ولا انتى ناويه تشتغلى .. انتى اصلا فى كلية ايه ؟؟؟؟؟؟؟

....................

ايمى ام لى لى وحشااااااااااااااااااانى خالص والله

الحمل عامل ايه معاكى انا هتصل بيكى ان شاء الله ياايمان كمان ساعه كده

...............

[malak ahmed]

ههههههههههه لا يابت تلاقيه بيهزر معاكي بس .. اكيد طبعا هيجيلو احلي لبس

انا بقي يا ستي الشهر اللي فات حبيت افرح نفسي كده فاشتريت بطانيه لونها روز في بمبي بناتي كده عجبتني .. واشتريت كام غيار داخلي بس مش كتير .. قولت افرح نفسي بدول علي ما اجيب الباقي .. دي لسه حاجات كتيييييييييييييييييييره اوى ناقصه .. يااااااه ربنا يعيني يارب انا وابوها

[ايمان العليمي]

عامله ايه يا ملك ...........لعلمك انا مش اعرف السي في بتاعك غير انه اسمك ملك ؟؟؟


يعني ينفع كده :(

[malak ahmed]

الحمد لله انا مش بقلع البرا ابدااااااااا علطول لابساها لاني كنت سامعه ان اللي بيقلعوها دول صدرهم بيكبر وكده .. وانا اصلا صدري صغير فممكن بلبس بادي بس مكانها ..

مرات عمي صدرها كبر اوووووووى لانها مش بتلبسها خالص وبقي واضح .. والله مانا عارفه هرضع ازاي هههههههههه هيضحكو عليا لاني ناويه ادخل البت هي اللي ترضع وتخرجلي تاني لان صدري صغير هههههههه

[ايمان العليمي]

انا كويسه يا ام انس والحمل الحمد الله بخير



ماشي مستنيه تليفونك يا قمر :)


وانتي الحمل عامل معاكي ايه .............والمغص ايه اخباره؟؟؟؟

[أم إياد]

ايمان ازيك ياحبيبتي ؟ وازي لي لي ؟؟

صحتك عاملة ايه دلوقتي.. والنزف اخباره ايه؟
ربنا يتمملك بخيييييييير

[ام انس المصريه]

الحمد لله يايمى انا بخير انتى اللى عامله ايه والحمل عامل ايه انتى فى الكام دلوقتى ؟؟؟؟

ربنا يكمل لنا على خير

...............................

ام اياد جزاكى الله خيرا ياحبيبة قلبى انا هلبس البرا وامرى لله وكله عشان عيون الكتكوت ربنا يجيبه بالسلامه

...................

انا عارفه يانهاد انو هيلبسه احسن حاجه ده اتصل بااخوه فى السعوديه وقاله هاتلى لبس

ربنا يهديه عماد ابن حميده قولو امين

[ايمان العليمي]

ملك متخافيش .....الرضاعه ملهاش دعوه بحجم الصدر و لا بكميه اللبن


والكلام ده عن تجربه

[ايمان العليمي]

انا لسه فال3 ومتستغربيش اصل حملي حمل جملي


هههههههههههههههههههه

[malak ahmed]

تؤ تؤ مينفعش طبعا يا ايمان .. بسسسسسسسس كده اعرفك يا ستي

انا اسمي نهاد 21 سنه متجوزة من سنتين ونص حملت قبل كده بس ربنا ما ارادش انه يتم

وربنا عوضني بالحمل ده .. دعواتك ليا بقي

وانتي يا قمر ؟؟؟

[ام انس المصريه]

الحمد لله ياايمان المغص الشديد راح لكن المغص المعتاد اللى من اول الحمل مازال موجود

...............

انا كمان صدرى صغير بس لما حملت كبر شويه قلت كويس انه كبر عشان يملا العين كده ههههههههههههههههههه

بس اصلا عمرى ماهبين نفسى على حد عشان محدش يحسدنى ياختى هههههههههههههههههههه

[ايمان العليمي]

ربي يتمم حملك علي خير يا عسوله انتي


انا بقي اسمي ايمان وعندي 23 ومتجوزه من سنتين بفضل الله وعندي ليلي وحامل تاني والحمد


الله وربي يتمم حملي ده علي خير


بس كده ........... :)

[ايمان العليمي]

يا جماعه نصيحه محدش يرضع قدام حد والله انا كنت برضع عادي قدام الناس لغايه ما بنتي


رضعت مني شهرين بس وشكرا علي كده وكملت الباقي صناعي وحصلتي لي ظروف خلت


صدري ينشف لغايه ما تفطمت وخلاص علي كده..........الحمد الله

[أم إياد]

نوووودي ماتقلقيش ياقمر هتعرفي ترضعيها ان شاء الله ,
صدرك مش هيفضل بحجمه كده مهما فضلتي لابسه..
خصوصا بعد الولادة هيكبر اكتر وبطريقه ملحوظة.. لما يزيد تدفق اللبن فيه عشان الرضاعة.. بينتفخ ويكبر مهما كان حجمه صغير قبل كده .
فما تقلقيش ان شاء الله..

بتقولي الحركه عاملة ايه معاكي دلوقتي؟
مش بتحسي بالحركة نفسها اوي.. ولا بتحسي بيها بس عدد المرات مش كتير في اليوم؟؟

[ايمان العليمي]

ازيك يا ام اياد ...........انا الحمد الله كويسه وسمحني علي انه رديت متاخر بس


لسه شايفه دلوقتي والنزف اقل من الاول

[ايمان العليمي]

انتي فالشهر الكام يا ملك؟؟؟؟؟؟؟

[ايمان العليمي]

عندي ليكم خبر وحش ؟؟؟؟؟؟؟؟


ليلي صحيت من النوم



اهئ اهئ اهئ اهئ اهئ

[ايمان العليمي]

انتم نمتوا ولا ايه ؟؟؟؟

[malak ahmed]

ربنا معاكي يا ايمان ويتمملك ع خير يارب

انا لسه ف اول الشهر السادس ان شاءالله

الحركه يا ايه بقت مش ملحوظه زي الاول وقلت اوى يعني ما شاءالله الشهر اللي فات كنت بحسبيها علطول لكن الشهر ده بقت حركتها قليله .. ممكن تتحرك مره واحده وتكون كمان مش ملحوظه ومتتكررش تاني وبكون عاوزة اتاكد من ان دي هي فعلا ولا لا بس مش بتتحرك بعديها
وانا خايفه اووووى .. انتي ايه رايك

[malak ahmed]

ايه يا بنات مشيتو ولا نمتو ولا ايييييييييييييييييه

[أم إياد]

معلش يابنات النت عندي بطييييييئ عشان خلصت الميجابيتس بتاعتي, وممكن يفصل..

ايمان ربنا يتمملك بخير ويخليلك لي لي
هتفضلي تاخدي مثبت لغاية الشهر الكام؟

[أم إياد]

نهاد حبيبتي بالنسبة للحركة ماتقلقيش
انا زيك كده بالظبط مع اني نفس التوقيت ده الحمل اللي فات كانت الحركة رفص وشلاليت طووول اليوم..

بس دلوقتي زيك كده , وتقريبا عشان حركة البنات بتبقى طبيعتها كده وخفيفة

انا ساعات ماباحسش بالحركة الا مرة في اليوم , وايام كذا مرة بس خفيفة اوي لازم اركز عشان آخد بالي منها..

ماتقلقيش وربنا يتملنا بخير..

لو ماحسيتيش بالحركة اشربي عصير وهتلاقي النونة بتجريييييي

لو مالقيتونيش بأرد يبقى النت فصل عندي

[أم إياد]

نوووووودي انتي سابقاني في الحمل باسبوع بالظبط..

احنا الاتنين اللي قريبين من بعض اوي في التجمع هنا

[أم إياد]

انتوا بقى اللي بتروحوا فييييييييييين دلوقتي؟؟hwaml9

[malak ahmed]

ايوة يا ايه بس فيه واحده تانيه اسمها نهي ماشيه معايا بالظبببببببببط نفس اليوم حتي .. يلا بسيطه بسربنا يهونها بقي

[أم إياد]

طيب انا هاقوم دلوقتي ورايا حاجات وعندي شغل كتيييييييييير

دعوااااااااتكم

[أم إياد]

ايوه صح نسيت نهى (هابي بيبي) معاكي بالظبط
ماشية معاك ياعم هههههه

ربنا يتمملنا جميعا بخير..

هي شيماء ام انس في الكام بالظبط؟

[malak ahmed]

ايه يابت مانا برد اهو .. ده انا قاعده عشانك هههههههه

اوك يا قمر ولا يهمك خدي راحتك

وخلي بالك ع نفسك ..ربنا معاكي

[malak ahmed]

شيماء متهيالي ف اول الخامس ان شاءالله ..لاني فاكره اني سابقاها بشهر

[أم إياد]

ماشي يانوووودي ان شاء الله ياحبيبتي

هي نهى عرفت نوع البيبي ولا لسه؟
على اساس لو بنوتة .. يبقوا انتوا كده زي بعض بالظبط
لو في حاجة قلقاكي سالتيها وطلعت زيك يبقى كده تمااااام هههههههه

ربنا يتمملنا بخير كلنا يارب ويرزقنا ذرية صالحة

استأذنك بقى يانودي
السلام عليكم

[ام انس المصريه]

السلام عليكم

فى حد هنا ولا كا العاده

انا وحدى بالمنزل ووحدى بالدردشه

[*رحمه*]

ام انس ازيك عامله ايه و ازاي الواد انيسه ؟؟؟

[somia]

السلام عليكم ورحمة الله وبركاته..
حد هنا؟؟؟

[somia]

يا جماعة دعواتكم مع عائشة الله يخليكم لحسن نسبة الصفرا عندها عالية قويييييييييييييي وهتروح باذن الله تعالى النهاردة الدكتورة

[somia]

يا عالم اين انتم؟؟؟؟؟؟؟؟؟؟؟؟؟؟؟؟؟ظ

[ام انس المصريه]

مصممه برضو يادينا على انيسه اهىء اهىء جوزى كمان بيقولى كده ههههههههههههههههه اعمل فيكو ايه هتكرهونى فى الاسم يعنى ممكن العيال تقوله كده لو العيال قالو له ياانيسه هطلع اضارب معاهم فى الشارع وافرج عليهم الدنيا انا مجنونه واعملها هههههههههههههههههههه

.............................

سميه الف سلامه على عائشه شفاها الله وعافاها ربنا يخليها لكى ومتخافيش معظم الاطفال بيجى لهم الصفرا

ربنا معاكى ياحبيبتى

[dr.princess]

دعواااااااتكم
تعبانة جدا والله ونفسيتى زى الزفت طول اليوم عياط استغفر الله العظيم
واهل زوجى مش بيبطلوا يقولولى كلام زى الزفت يحرق الدم حسبى الله ونعم الوكيل فيهم

[ام انس المصريه]

مالك يالولو سلامتك الف سلامه عليكى ياحبيبتى

والناس دى مش سيباكى فى حالك ليه انتى لسه فى النفاس يحرقو دمك ليه ربنا يحرق دمهم

بلاش عياط وبلاش زعل علشان ابنك وربنا معاكى

[نولارا]

لولو
مالك بس
يارب تكونى لسه هنا
ربنا معاكى يارب وتعدى الايام على خيرر
وترجعى ترغى معانا تانى

[نولارا]

سمسمه ما تقلقيش والله احمد الصفرا قعدت معاه اول شهر
بصى انتى اديله دوا اسمه baby vit ومعاه دوا تانى اسمه spasmotalده للمغص بس والله عن تجربه الاتنين مع بعض وفى المعاد بالضبط هيقضوا على الصفرا فى 3 ايام تقريبا
انا كشفت على احمد حوالى 4 مرات بسبب الصفرا
اخر مره كان عنده تقريبا 24يوم وكانت نسبتها 9 عاليه جدا
والدكتور كتبله الادويه دى وخف الحمد لله

[نولارا]

شيمو انتى لسه هنا ولا روحتى فييييييييين

[رنا خالد]

ازيكوا في يامقطقطين

[ام انس المصريه]

نورا ازيك

ايوووووووووون لسه هنااااااااااااا

اوعى تكونى روحتى هناك

[رنا خالد]

نورا ازيك ياقمر وازي احمد عاملين ايه

[ام انس المصريه]

ازيك يارنا انتى بتروحى فين بقالى كتييييييييييييييير مش شوفتك

لسه بقول هى البت دى مختفيه فين

[رنا خالد]

حاسه كده اني مودي رومانتيكي خالص
مش عارفه ليه اظاهر رجعت لسن المراهقه هههههههه
ماتيجوا نقلبها شويه رومانسي ياجدع
وردتين علي شمعتين وخلي الدنيا تولع
نورا انتي شكلك رومانسيه ومدلؤه علي جوزك زي حالاتي ماتيجي نصوصو شويتين كده ونخرج المشاعير والمحاسيس بتاعتنا هههههههه

[ام انس المصريه]

لوجى الحلوه اخبارها ايه لسه ضراضيرها مطلعتش ههههههههههه

...........

انس زعلان منى خالص عامل اضراب عن الحركه زعلان منى ومن ابوه عشان معملناش حساب لوجوده وعملنا احم احم ههههههههههههههههههههههه

[رنا خالد]

شيمو شماشيمو عامله ايه انتي وانس باشا
وحشاني اخبارك ايه
واخبارك خاصة مع جوزك ايه
اصل انتوا كوميديه انتوا الاتنين

[رنا خالد]

احم احم ههههههههههههههههههه
ياستي براحتكوا اعملو اللي تعملوه بس هو اظاهر مكسوف شويه فمخبي عينه
ولد محترم اخر رجال المحترمين زي نور الشريف في الفيلم هههههه

[ام انس المصريه]

انا ياختى لما باجى ارجع المشاعير والمحاسيس جوزى بيدينى على قفايا ويستهبل بقى

انا بقى اقوم مطنشاه واديلو الطرشه ومعبروش الاقيه جاى على بوزه ههههههههههههههههههههه

اقوله انت مينفعش معاك غير كده لكن لو انا اللى اقبلت عليك تتبغدد عليا يقولى اه طنشينى عشان انا اعبرك واجى

راجل مبالغ فيه هههههههههههههههههه

[نولارا]

hانا هنا بعمل توقيع زى بتاع البت رنا وجايه

[ام انس المصريه]

والله بكلم بجد يارنا مفيش مره يحصل احم احم غير والوله يقعد يومين تلاته محسش بحركته خالص اقوم انا اقول لجوزى بص ابعد عنى خالص فيبعد يقوم متحرك ماشاء الله

انا ادبت جوزى الادب الشرعى مره واحده فى الاسبوع وممكن كل 10 ايام بيقولى هجوز عليكى قلت له عشان اخليك لا تنفع طبله ولا طار وتبقى بدل عماد اعتماد هههههههههههههههههههههههههههههههههههههههههههه

[رنا خالد]

قشطه يانورا
قشطه يانورا
ايون كده شويه رومانسي بقي انت اللي هاتطوعني يامعلم

[ام انس المصريه]

يابختكو بتعرفو تعملو تواقيع

رنا عملت لى توقيع فضل زى ماهو مزدش ولا يوم ههههههههههههههههه قمت انا بذكائى عملت توقيع موقع رنين والمفروض انى حامل فى نص الخامس عملت التوقيع انى فى الشهر السادس غباء بعيد عنكو ههههههه

[نولارا]

حاسه كده اني مودي رومانتيكي خالص
مش عارفه ليه اظاهر رجعت لسن المراهقه هههههههه
ماتيجوا نقلبها شويه رومانسي ياجدع
وردتين علي شمعتين وخلي الدنيا تولع
نورا انتي شكلك رومانسيه ومدلؤه علي جوزك زي حالاتي ماتيجي نصوصو شويتين كده ونخرج المشاعير والمحاسيس بتاعتنا هههههههه
ياخبررررررر
هو انا مفقوسه قوى كده

[ام انس المصريه]

انا جعانه اوى هقوم اكل بقى ولا اقولكم هعمل سندوتش واجى ارغى معاكو

اوعو تمشوووووووووووو بدال مااخنقكم مابصدق الاقى حد يكلمنى طول النهار وحدى بالمنزل ووحدى بالدردشه

[نولارا]

على فكره ده طبيعى ياشيمو انا كنت بقلق زيك كده
بس كنت بخلى خالد يسمع دقات قلبه وبس

[رنا خالد]

شوشو معلش ياقمر خدي كورسات
وانتي هاتبقي قشطه وحلاوه طحينيه
نورا فينك يلا هاحضر الشمع والورد

[ام انس المصريه]

الوووووووووووووووووووووووووووووووووووووو

[نولارا]

انا هنا يارنوش عملت التوقيع وبحط الرابط بتاعه يقولى ملف خاطىء

[رنا خالد]

طبعا مفقوس يامعلم كلنا مفاقيس يابنتي
سايحين ونايحين من يومنا

[ام انس المصريه]

يسمع دقات قلبه ازاااااااااااااااااى ياست نورا

[ام يحيي 2011]

بالله عليكم دعوااااااااااتكم يحيي وابوه تعابين وسخنين ومش عارفه اعمل ايه

رحمتك يااااااااارب

[نولارا]

dpيحط ودنه على بطنك يااوختى ولا هتتكسفى يابتاعت السيكو سيكو
كل مره تصيحى للراجل كده
بكره تحلمى بيوم من الايام دى والباشا يعيط ويقطع عليكوا قد مرتين تلاته كده لحد ما تزهقوا وجوزك يدخل يناااااااااااااام
هههههههههههههههههه

[نولارا]

ليه بس كده ياساره
الف سلامه عليهم
اللهم اذهب الباْس ربنا يشفيهم يارب

[ام يحيي 2011]

مش عارفه والله يا نورا هما الأتنين ومش عارفه اتصرف اذى واروح بمين فيهم لدكتور انا خلالالالالالالالالالالاص دعواتكم

[رنا خالد]

ربنا يشفيهم ياساره يارب ويطمنك عليهم ياحبيبة قلبي

[نولارا]

طيب مفيش حد من اخواته او اخواتك يساعدك فى المشوار ده

[رنا خالد]

اديهم خافض للحراره وخديهم هيلا بيلا ع الدكتور
وماتقلقيش بأذن الله هايكونوا زي الفل

[نولارا]

بصى ياساره بالنسبه ليحيى اديه دولفين لبوس ممتاز وهينزل الحراره فى 10 دقايق ان شاء الله

[رنا خالد]

نورا التوقيع طار ولا ايه
فينك ياعم الرومانسي
شوشو انتي رحتي فين

[ام يحيي 2011]

انتى فين يا رناااااااااا وموبيلك مقفول ليه يااااااااااارب يا حبيبتى

انا مستنايه بابا وماما اهو المشكله ان احمد بيبقى عايزه حد واخد باله منه عشان لو السخونيه ذادت اوى لقدر الله لازم يعلق محلول ومش عارفه اعمل حاجه من يحيي لأنه كمان تعبان وما بطلش عياط من امبارح وانا سلمت نمر تربية العيال مش سهله انا حاسه ان انا الى طفله وعايزه حد يأخدنى فحضنه واعيط

ربنا يعينا يااااااااااااااااااااارب

[رنا خالد]

دولفين خطييييييييييييييرصح
اهم حاجه دفي يحي كويس ياساره حتي لو الجو حرر خففي هدومه بالتدريج

[رنا خالد]

خسيت نص كيلو بس الاسبوع ده وبقيت 69 ونص
حلو اهو احسن من مافيش

[نولارا]

انتوا فيييييييييييييييييييييييين

[رنا خالد]

انا نسيت اكتب كلمة ماريد في التوقيع دلوقتي الناس تقول علينا ايه متصاحبين يانهار ابيض
ادخل اظبطها هههههههههههه

[نولارا]

مش تقولى السبب ان كان عندى 3صور فى التوقيع
وانا بقول البت رنا شالت توقيع الريجيم عشان الحب الحب الشوق الشوق هههههههههههههه

[نولارا]

متصاحبين ايسه بس ماتقلقيش الانسه لوجى موجوده تسبت الماريد يارنا

[نولارا]

انا متجوزه قبلك ب 8شهور
وده تقريباالفرق بين احمد ولوجى
بقولك ايه لوجى موش هتيجة عيد ميلاد خطيبها بعد بكره ان شاء الله

[رنا خالد]

ظبطت التظابيط وجيت

[رنا خالد]

ههههههههههه اه يانورا كان نفسي احط التلت توقيعات بس مانفعش خالص
فقلت الاولي البنت وباباها وخلي توقيع الرجيم علي جنب شفوي هههههههه
لوجي بتعيط جامد اوي يانورا وعماله تقولي ياماما اروح عيد ميلاد موكشه خطيبي
اقولها بعيد عليكي طنطا تقولي مش مهم هاخد تاكسي هههههههههه
جايباله الهديه ومحضره نفسها بس لولا المشوار بس
بنات اخر زمن

[رنا خالد]

نورا صحيح احنا مش معانا اميلات بعض

[رنا خالد]

هاكتب قصيده جديده علي ادي كده في مواضيعي ابقي ادخلي شوفيها
دقيقتين اكتبها واجي

[نولارا]

هابعتهولك على الخاص يارنا وتعالى نتكلم على الميل احسن

[نولارا]

رناااااااااااااااااااااااااااااا

[نولارا]

[quote=رنا خالد;1034623]ههههههههههه اه يانورا كان نفسي احط التلت توقيعات بس مانفعش خالص
فقلت الاولي البنت وباباها وخلي توقيع الرجيم علي جنب شفوي هههههههه
لوجي بتعيط جامد اوي يانورا وعماله تقولي ياماما اروح عيد ميلاد موكشه خطيبي
اقولها بعيد عليكي طنطا تقولي مش مهم هاخد تاكسي هههههههههه
جايباله الهديه ومحضره نفسها بس لولا المشوار بس
بنات اخر زمن[/quote
]موكشه مستعد يجى ياخدها من البيت هههههههههه
شوفتى بقى واد رومانسى زى ابوه

[توتة السيد]

يا جماعة دعواتكم مع عائشة الله يخليكم لحسن نسبة الصفرا عندها عالية قويييييييييييييي وهتروح باذن الله تعالى النهاردة الدكتورة


الف سلامة عليها ياسومة بصراحة ياقمر انا كنت عايزة اقولك من سعتها

المفروض كانت قعدت في الحضانة شوية علشان مصلحتها يابنتي ربنا معاها وطمنينا

[نولارا]

ازيك ياتوته انتى ونور عامليين ايه

[دودى اشرف]

ازيكم يا بنات عاملين ايه
نورا ازيك يا قمر وازى موكشة
الف سلامة على عائشة يا سمية وربنا يطمنك عليها يارب وابقى طمنينا

[دودى اشرف]

رنا وتوته فينكم يا بنات بتتكلموا من ورايا ولا اييييييييييييييييييييييه يا كتاكيييييييت

[توتة السيد]

الف سلامة عليهم ياسارة ياقلبي ربنا معاكي ويعفي عنهم يارب

[توتة السيد]

ازيك ياتوته انتى ونور عامليين ايه


ازيك يانورا عاملة ايه وموكشة عامل ايه

كل سنة وهو بالف خير

[توتة السيد]

انا هنا يادودي ياقمر كنا بنتكلم عبر الاقمار الصناعية هههههههههههههه

[توتة السيد]

نورا سجلتي الميل ولا لسه

[دودى اشرف]

هى رنا مش ناوية تمشى الزمن عند العيال ولا ايه ههههههههههههههههههههههه

[توتة السيد]

انا عارف ياحبيبتي وقفتهم محلك سر

[أم إياد]

السلام عليكم
أم نووووووووور أم عمر ام احمد
حد هناااااااا ولا بتتكلموا عبر الاقمار الصناعية؟؟

[ام انس المصريه]

السلام عليكم

ازيكم جميعا

فى حد هنااااااااااااااااااااا

وبتكلمو فى الاقمار الصناعيه ازاى يعنى

[رنا خالد]

انا هنا فتحت الاقمار الصناعيه لقتكوا قافلين
اخص عليكوا كده سايبني لوحدي في القمر لما هايجيلي برد

[malak ahmed]

سلام عليكم ..

بنات حد عرف يدخل النهارده ؟؟ اصلي بحاول م الصبح ومش عارفه ادخل خااااااالص .. الظاهر كده كان فيه مشكله ف السيرفر

[malak ahmed]

ياااااااااااااااااارب هونها بقي ... بجد يوم الصيف ده رررررررررررررخم مووووووووت

ربنا يكمل الايام علي خير وبسرعه ومحسش بيهم يارب

[malak ahmed]

حد هنا يابنات ؟؟

يارب حد ييجي بقي

[منى مصر]

السلام عليكم جميعا

[رنا خالد]

مني ازيك عامله ايه وازي ادهم
وانتي يانهي اخبارك ايه اخيرا عرفت اسمك كنت عماله اخمن ههههههه
انا هاخد شاور في السريع واجي تاني عشان جوزي يجي يلاقيني متستفه ونظيفه
بدل مايتصدم
اوعوا تمشوا
فاصل ونواصل

[منى مصر]

ازيك يا رنا متابعة معاكي بعد الدش

[malak ahmed]

ازيك يا مني عامله ايه .. والواد ادهم خلص امتحانات ولا لسه

رنوش ازيك وحشاني بس مين نهي يابت دي .. لو تقصديني انا يبقي تؤتؤ فاااااااول ..

ربنا معاكي ف الشاور

[يارا ويوسف]

بنااات ازيكم عاملين اية انا مكنتش عارفة ادخل النهاردة خالص

انتو عاملين اية فى حد موجوووود

[منى مصر]

ازيك يا ملك وانتي يا يارا

[malak ahmed]

انا هنا يا يارا ازيك اخبارك ايه

[malak ahmed]

الحمد لله يا مني ازيك انتي

امال نورا فين ... مش هتدخل ولا ايه ياتري؟

واخبارها ايه هي وموكشه

[منى مصر]

ادهم كان مفروض هيمتحن بكرة الوزير اجل الامتحان يوم وهو نايم دلوقتى علشان يصحى بدري للامتحان

[منى مصر]

نورا بتحضر لعيد ميلاد موكشة الاول وعقبال عيد ميلاده المليار حبيب خالتو وعقبال متقومي بالسلامه يا ملوكه

[malak ahmed]

تسلمي يا ام ادهم وربنا معاه يارب .. بس انا ولاد خالتي امتحنو النهارده وهما ف اولي ابتدائي دلوقتي

ابقي قولي لنورا كل سنه وميدو بخير .. وعقبال 100000000 سنه

[منى مصر]

عاملة ايه يا ملك ومامتك سابتك ازاي

[malak ahmed]

الحمد لله يا مني كويسه .. بس مين قالك انها سايباني ههههههههههه اهي قرت يختي كلامك وبتقولي قوليلها قومي انتي التانيه من قدام النت هههههههههه

ردي عليها انتي بقي

[منى مصر]

لسه مستلمه لادهم رقم الجلوس وامتحانه يوم 10 و 11

[منى مصر]

انا يختى مش حامل وابنى نايم وجوزى بره

[منى مصر]

قالت ايه مامتك بقي

[malak ahmed]

ههههههههه ماهي كانت فاكراكي حامل ف الاول وانا قولتلها لا

فقالتلي اقوم انا .. وبتقولك روحي حضري العشا لجوزك

الست دي عامله زي هادم اللذات ومفرق الجماعات عاوزه تقومنا كلنا وخلاص هههههههه

شكلي هتتضرب اهو

[منى مصر]

حد لسه معايا

[منى مصر]

ير غانا محضره الغدا و بعدين الاستاذ قال هصلى العصر وبعد العصر مسك المصحف واعد يقراوانا كنت بذاكر لادهم وبعدين حسيت اني مش شايفة ورحت في النوم وصحيت لقيت االاستاذ كت من غدا والاستاذ ادهم فاتح الكرتون ولما قلت با مذاكرة دخل نام

[دودى اشرف]

هااااااااااااااااااااااااااااااااااااى .. ازيكم ياللى هنا واللى مش هنا

[ام يحيي 2011]

السلام عليكم

ازيكم يا حبايبى وحشتونى

حبيت أطمنكم زوجى أحسن الحمد لله دلوقت

بس يويو هو الى تعبان حبيبى كشفت عليه واخد دور برد جامد مع أنى مدفيه أووووووووووى والله بس الجو عندنا برد اوووووووى دعواتك شكله يعنى همدان خالص ومش بيعرف يرضع يا ريت الى فيه فيا وهو بخير بالله عليكم دعوااااااااااااتكم

وسلامى للكل وربنا يطمنا على لولو ورانيا الى يعرف عنهم حاجه يطمنا يا حبايبى

[malak ahmed]

ساره الف سلامه علي يحيي ربنا يشفيه ويعافيه قريب يارب

ربنا يخليهولك ويباركلك فيه .. معلش اصبري يا حبيبتي وان شاءالله تعدي علي خير

ومتقلقيش ... بجد وحشاني مووووت

[رنا خالد]

ساره الف سلامه عليهم وان شاء الله هايكونوا بخير ماتقلقيش لازم تتعودي علي كده هما العيال الصغننين كده عياهم كتير واحنا لازم نجمد قلبنا شويه
ربنا يعينا اصل تربيه العيال دي عامله زي مضغ الزلط

[malak ahmed]

ازيك يا رنا .. ايه يابت كل ده شاور

للدرجه دي بقالك كتير مخدتيش شاور هههههههههه

[malak ahmed]

يووووووووو حد ييجي بقي زهقااااااااااااااااانه ياناس ياهووووووو

يارب هونها بقي .. الشهر ده رخم اوى

[malak ahmed]

استغفر الله العظيم ... لا اله الا الله

[ام انس المصريه]

السلام عليكم

حد هناااااااااااااااااااااااااا

[malak ahmed]

انا هنا يا شيماء

ازيك

[ام انس المصريه]

بت ياملك انتى هنا ولا هنااااااااااااك

[ام انس المصريه]

الحمد لله بخيييييييييييير

انتى عامله ايه وحشانى والله

امتى بقى الايام تجرى وننشغل بالنونو ياختى

ربنا يهون الايام

[malak ahmed]

انا هنا يختي يعني هروح فين

مش بخرج خاااااااااالص زهقت والله

عماتي مسميين السرير ** المبيضه ** ههههههه بيقولولي خليكي قاعده فيها دايما امال يعني هروح فين ماهو السرير قدامه التليفزيون والكمبيوتر

[malak ahmed]

انا حاسه ان الايام ماشيه وبتيجي لعندي بتقف

بجد نفسيتي تعبانه اوى اليومين دول مش عارفه ليه اول ما دخلت السادس حسيت بكده .. ربنا يهون

[ام انس المصريه]

جوزى عايز يقعد على الكمبيوتر ونا النهارده طول النهار مقعدتش عليه ولا دقيقه

النونه عامله ايه ياملك ضربتك بالشلوت والبوكس ولا لسه

[ام انس المصريه]

ياملك نحمد ربنا هو احنا كنا لاقين اللضا

كل مااضايق ولا اتخنق اقول هو انا كنت فيييييييييين وبقيت فييييييين ونحمد ربنا

متستعجليش بكره تولدى وتزهقى ياختى

[malak ahmed]

قلقاني اوي عليها يا شيماء شكلها زعلانه علي زعلي

الشهر ده حركتها غريبه كده وقليله .. ربنا يحميها ويستر

هو جوزك مش بيقولك قومي ؟؟

[malak ahmed]

الحمد لله ع كل حال والله ..بس غصب عني اكيد انتي حاسه بردو بيا

يعني جوزي مسافر وسفره اكيد تاعبني بردو وعايشه بنتظر الاتنين اهو

[malak ahmed]

روحتي فين ياتري ؟؟

[توتة السيد]

العواف ياكتاكيت

[ام يحيي 2011]

السلام عليكم

فى حد هنااااااااااااااااااااا

[ام يحيي 2011]

ازيك يا توتا وحشتنى نور عمله ايه

[Rania Negm]

سلام عليكم وحشتونى خالص ياولاد الايه

وحشتينى يا توتة خاااالص

انا موش بلحق ادخل مافيش وقت خالص

الوقت الفاضى بستغله يا اما فى دخول التويلت أو النوم

أنا واحمد كويسين الحمدلله

بس لسه طبعا اثار الجرح بيقوم عليا وبيظبطنى الحمدلله

وفلائوتوس ياحرام ضعفان وغلبان وبيعيط وبيصعب عليا نفسى يكبر بسرعة ويشد حيلة عشان انا بقعد اعيط جمبه

يلااا قلت اسلم ع السرييييييييع

اراااااااااااكم قريبااا

سلامى وبوساتى للجميع

لولو وتوتة وجوجو ودودى وشيماء وملك وملك ورفيدة وسمية ومبروك صحيح ليكى يا سمية وبوسيلى عائش كتييير

[ام يحيي 2011]

وانا فين يا وحشه مخصماكى

على العموم ربنا يعينك يا ستى انا حاسه بيكى وربنا يعلم بدعيلك اد ايه انتى ولولو وسمسم وكل الحوامل

وبجد وحشتنى مووووووووووووت

[ام يحيي 2011]

ما حدش هنا الكل ناااااااااااااااااااااااايم

وانا والواد بس بنعيط جمب بعض

ياااااااااااااااارب يا معين

[Rania Negm]

سااااااااااااااارة انتى هوووووون؟؟؟؟؟

صباح الخير جميعاا

سارة والله امبارح كنت شايلة احمد بايد وبكتب بايد

والموقع هنج ومعرفتش ارجع تانى

انتى كمان وحشتينى والله ورنوووشة ونوراا

ياولاد انا صدرى بيموتنى من الالم

الحلمات مكشوطة متجلطة وبتنزل دم لما احمد بيرضع

همووووووووووووووووووت والله موش عارفة اعمل ايه

[Rania Negm]

يا دينااااا وحشاااااااانى

اخبارك ايه ياقلبى واخبار الحديد ؟؟؟ سيبيلى رد ع الفيس بوك طمنينى عليكى

وآيوووووش وحشتينى خالص يا ام اياد

انا خايفة اكون نسيت حد

بس الاكيد انى مفتقداكم خالص كلكم واول ما فتحت الموقع هنا ودخلت اتأثرت جدااا

افتكرت ايام الحمل وايام الفراغ وسبحان الله اد ايه كنت مستعجلة الولادة

لكن انا مفتقدة الايام القديمة جداااا .. انا عندى اكتئاب من غير سبب مخنوقة وكل ما افتكر اى حاجة قبل الولادة اعيط كتييير

يوم السبت كان معاد الفحص بتاع احمد فرحنا المستشفى وكنت متأثرة جدااا طول الطريق

وعيادة الاطفال قصاد عيادة النسااا

كنت متأثرة انى موش رايحة عيادة النسا وافتكرت لما كنت بروح وبتلطع بالساعات بس كنت برجع مبسوطة عشان بشوف النونو وكل يوم يقرب معاد الولادة

سبحان الله دلوقتى قمة الاكتئاب اللى من غير سبب

بس انا حاسة ان فى الاسبوع ده حياتى اتغيرت

انا على طول قاعدة باحمد ومحمد ماسك اللاب توب طووووووول الوقت

ومامته فى المطبخ او قاعدة مع محمد

اليوم كئيب وانا طول الوقت مع احمد من آلام الجرح لآلام صدرى لصراخة بسبب قلة اللبن وانا موش بهنيه على صدرى بشده من بوئه من شدة الالم

والله مكتئبة جدااااااااااا

حاسة ان حياتى انتهت بالشكل ده

يللا معلش كئبتكوا معايا بس فجأة لاقيتنى فتحت كداااا

ياااااااااااااااااااارب فرج كربى وهمى وكل مكروب ومهمووووووم

آمين آمين آمين

[ام انس المصريه]

السلام عليكم

رنيااااااااااااااااااااااا وحشتينى يابت

زعلتينى خالص على الاكتئاب اللى عندك ياهبله افرحى باانك ولدتى الحمد لله وقمتى بسلامه والنونو الحمد لله بخير بلاش تخلى الشيطان يضحك عليكى

وكل ماتلاقى نفسك مضايقه استغفرى الله واذكرى الله (الا بذكر الله تطمئن القلوب )

والله انا عن نفسى سعات بتخنق وبضايق من غير سبب اقول لنفسى احمدى ربنا انا كنت فين وبقيت فين الحمد لله على نعمة الحمل وانتى يارنيا ياحبيبتى احمدى ربنا انك الحمد لله قومتى بسلامه

...........

وبالنسبه للبن كل البكريات بيحصل ليهم كده الحلمه بتتعور واللبن بيكون قليل

خلى جوزك يجيب لك عجوه وبلح وحلاوه طحينيه وكلى سكريات كتير علشان تدر اللبن وربنا معاكى ياقلبى

وبوسيلى الصغنون هو اسمه احمد ولا محمد

بدال مااقولك احمد ويطلع جوزك وتيجى تخنقينى منا عرفاكى ههههههههههههههههههه

[malak ahmed]

حمدلله علي سلامتك يا رانيا .. ومعلش يا حبيبتي اصبري هي الايام دي بتبقي صعبه شويتين بس كله بيهون ف الاخر ... ربنا معاكي يارب ويباركلك ف البيبي يارب

[malak ahmed]

شيماء يا وحشه انا زعلانه منك ومخاصماكي بقي ها :(((
لانك سبتيني امبارح ومردتيش عليا وفضلت استناكي كتير تردي عليا ومجتيش تاني

[ام انس المصريه]

حقك عليا ياملوكه

والله جوزى الرخم هو السبب قفل المنتدى خالص وقعد هو

مستولى على النت لوحده ويقولى لما ازهق منه هسيبه لكى

[ام انس المصريه]

ربنا يجيبلك جوزك بالسلامه ياملك

بس انتى قاعده مع مامتك حد يطووووووووووووول يقعد مع مامتو ياريت اروح اقعد مع ماما والله

بس عندها ناموس زى الجاموس وعندك اختى حبيبه مطلعه حباب عنيه عندها 6 سنين وبتشتمنى وتبهدلنى وتهددنى انها تضربنى فى بطنى بت غبيه هههههههههههه

.............

انتى ياملك فى نص السادس صح ؟

لان انا فى نص الخامس

[malak ahmed]

هههههههههه انا بهزر معاكي يابت انتي

ربنا يخليلك جوزك ومامتك واختك العسل .. والله يا شيماء انا ابن اختي ضربني براسه في بطني اول امبارح وانا نايمه عالسرير وصوتت م الخبطه وكنت همووووووووت م الخوف ساعتها .. هو لسه صغير ومش بيعرف يتكلم بس بيحب يلعب معايا

ايوة ان شاءالله انا دلوقتي ف نص السادس كده

اخبارك انتي ايه دلوقتي ؟؟

[ام انس المصريه]

ومازلت وحدى فى المنزل ووحدى فى الدردشه

حد يدخل بقى زهقققققققققققققققققققت

استغفر الله العظيم

[ام انس المصريه]

الحمد لله انك دخلتى ياملك عشان زهقانه اخر حاجه

انا ياحبيبتى الحمد لله سالت عليكى العافيه والفراخ الدافيه هههههههههههه

الا قوليلى مامتك جابت فراخ تربيهم علشان تنفسك فى الفطار فرخه

والغدا فرخه والعشا فرخه ههههههههههههههه

امى جابت 35 فرخ وطلعو عيانين ومرضانين

[ام انس المصريه]

اصل امى طيبه اوى وهى بتشترى الفراخ تقول للناس هنفس بيهم شيماء على اساس ان شيماء منشار طالع ياكل نازل ياكل

الناس تلاقيها حسدت الفراخ وقالو عليها مفجوعه ههههههههههههههههه

[ام انس المصريه]

روحتى فيييييييييييييييييييييييييييييييييييييييين ياملك يادى النحسسسسسسسسسس

ملك انا لسه مصلتش الظهر هقوم اصلى على ماتدخلى حضرتك

يلا سلام مؤقتا

[malak ahmed]

انا جيت اهو يابت افتكرتك مش هنا

ههههههههه لا يختي انا ماما هتجيب ان شاءالله الحاجه لما اولد من عند الراجل بتاع الفراخ .. بس قولي يارب احنا ناكل اصلا لان ماما بتقولي الوالده دي بتكون ملهاش نفس للاكل خالص

قوليلي روحتي للدكتور امتي اخر مره وبتروحيله كل اد ايه

[malak ahmed]

تعالي هنا قوليلي يابت انتي ايه التوقيع الرهيب بتاعك ده .. مش انتي لسه ف الخامس ؟؟ امال توقيعك قريب مني ليه ههههههههه

انا نفسي اعمل توقيعي ف التاسع عشان احس اني قربت اولد

[MALAK2010]

حد هناااااااااااااااااااااااااااا

[malak ahmed]

ازيك يا ملوكه .. عامله ايه ..

[MALAK2010]

الحمد لله مفستكه على الاخر ههههههههههههههههههه

[MALAK2010]

وانتى يا جميل عامله ايه
وايه اخر اخبار البنات

[ام انس المصريه]

انا جيت اهو يابت افتكرتك مش هنا

ههههههههه لا يختي انا ماما هتجيب ان شاءالله الحاجه لما اولد من عند الراجل بتاع الفراخ .. بس قولي يارب احنا ناكل اصلا لان ماما بتقولي الوالده دي بتكون ملهاش نفس للاكل خالص

قوليلي روحتي للدكتور امتي اخر مره وبتروحيله كل اد ايه

روحت له من اسبوع بالظبط لما جالى المغص الكلوى روحت له قبل معادى عشان المغص كان هيموتنى وكنت مرعوبه لان الوجع كان فى الظهر والبطن فخفت جدا على النونو

ف الدكتور طمنى ع النونو وقالى ده مغص كلوى وطلب تحليل طلع عندى التهابات ع الكلى فاادانى علاج وقالى متخديهوش عمال على بطال لو حسيتى بمغص بس خديه

والحمد لله ماشيه

[MALAK2010]

ام انس:الف سلامه عليكى ربنا يكملك على خير وتقومى بالسلامه

[MALAK2010]

قريت حاجه الوقتى فى موقع وفطست على روحى من الضحك

- وصفة لإكثار وإدرار لبن المرضعة :

إن تناول السمسم والحمص وعصير البرسيم الطازج ومغلي اليانسون يمكن أن يزيد إدرار لبن المرضع ، وتحسين تغذيته للطفل الرضيع .

وقد ثبت أن أحسن وصفة هي عصير البرسيم الطازج ، وهو مجرب في الأرياف المصرية بصورة مقنعة لجميع المرضعات من وجهة النظر العمليّة

[ام انس المصريه]

تعالي هنا قوليلي يابت انتي ايه التوقيع الرهيب بتاعك ده .. مش انتي لسه ف الخامس ؟؟ امال توقيعك قريب مني ليه ههههههههه

انا نفسي اعمل توقيعي ف التاسع عشان احس اني قربت اولد

هههههههههههههههههههه

منا عامله التوقيع بتاعى على انى هولد بعد اسبوع من التاسع ههههههههههههههههههه

الدكتور قالى انى هولد ان شاء الله وكله باامر الله تانى اسبوع فى التاسع لانى عامله الحقن المجهرى وده نظام الحقن انى اولد تانى اسبوع

فاانا بقى ادمت اسبوع بمزاجى ههههههههههههههههه

[MALAK2010]

انتوا فيييييييييييييييييييين

[MALAK2010]

http://forum.hwaml.com/imgcache2/hwaml.com_1304941946_627.gif

[ام انس المصريه]

السلام عليكم

حد هناااااااااااااااااااااااااااااااا؟؟؟؟؟؟؟؟؟

[MALAK2010]

http://forum.hwaml.com/imgcache2/hwaml.com_1304942356_442.gif

[ام انس المصريه]

ملك ازيك عامله ايه

الله يسلمك من كل شر ياملك انتى هتفقسى امتى هههههههههههههههه