دردشة حوامل مصر - دردشة بنات مصر - تجمع حوامل مصر ‏

[AyoyA]

السلام عليكم جميعا
مينفعش تخزنى الكوسه خالص هتسود ولسه سمعه حالا الشيف بيقول على تخزين الباميه والبسله وقال الكوسه مينفعش
بالهنا والشفا

[dr.princess]

مش عارفة والله يا توتة هسأل ماما واشوف وهشوف على النت برده

امال يا فالحة هتعملى ايه فى رمضان ربنا يعينك

[dr.princess]

يادى النيلة يللا قدر الله وما شاء فعل
انا ممكن اكلمها واشوفها لو بتطبخها كتير اديلها جزء منها وبعد كده اقولها تجيب بالكتير 2 كيلو وبرده كمان يومين هشوف مرات صاحب جوزى ممكنا اديلها جزء لان تقريبا اللى جوه دول 4 كيلو

[dr.princess]

يا بناااات فى حد فيكم عنده حلل الومونيوم ؟؟؟

[dr.princess]

وزنت الكوسة طلعت 4 كيلو ونص ياحلولى

[AyoyA]

اه انا عندى حلل الومونيوم يا علياء

[dr.princess]

انا جيت لقيت جوزى جايب حلتين الومونيوم طبعا بكره اعمل فيهم حاجة علشان بيصفروا وافضل ادعك فيهم لما تطلع عينى وكمان جبت لبانة صغيرة علشان النسكافية والشاى بلبن ونفس النظام
المهم شفت على فتكات واحدة بتقول بحط ملح ليمون واغلى مية فى الحلة بيشيل الصفار ده
مكدبتش خبر ومن شوية حطيت مية ومعلقة ملح ليمون فى الحلة وفى اللبانة وسيبتهم يغلوا دقايق وعينك ماتشوف الا النور بقوا بيبرقوا من غير دعك ولا اى حاجة كأنك شارياهم لسه
جربوا كده وادعولى

[ام انس المصريه]

هههههههههههههههههههههههه

توته انهبلت نور هبلتها هههههههههههههههههه

انا البندوره الحمرا مزروعه بين الخضرا تاكل منى لا تشبع وتصير خدودك حمرا

وتصير خدودى حمرااااااااااااااااااااااا

[ام انس المصريه]

طب كويس اجيب ملح الليمون ده لانى بكره ادعك الحلل بالسلك اوووووووووووف بتخنق

تعالو شوفى الحولل بتوعى معفنين ههههههههههههههههههههههههههههه

[ام انس المصريه]

لولو

جربى الوصفه دى ومش هتندمى والله الكوسه المحشيه عصاج لحمه مفرومه بتبقى جميله جداااااااااااااااااااااااااااا

اعمليها بس متخافيش يا شملوله

ههههههههههههههه

[dr.princess]

ايه شملولة دى يا بت انتى ده انا عدلة العدلين ههههههههههههههه اسمع الناس بتقول الكلمة دى على الست الشاطرة

والله ياشيماء سحر اللبانة والحلة بيلمعوا جوه من غير لا دعك ولا نيلة

[ام انس المصريه]

ازيك ياايه ياحبيبتى عامله ايه النهارده ؟؟؟؟؟؟؟؟؟

[ام انس المصريه]

خلاص ياختى اجيب ملح الليمون ده

تقولى تكرهى ايه فى حياتك اقولك دعك المواعين

من يومى وامى بتقول عليه معفنه فى غسيل الحولل والبت هاجر اختى نفس النظام

.........................

تعالى كولى فاصوليا ورز وفراخ

جوزى صايم النهارده

[dr.princess]

لالا ما شاء الله احنا فى البيت غسيلنا بيلمع من نظافته ما شاء الله علشان كده لو اى واحدة جاتلنا من قرايبنا وغسلت اى حاجة بنعيد وراها لما بتمشى

[dr.princess]

بالهنا والشفا بس فاصوليا بيضاء ولا خضراء مش بحب الخضراء أبدااااااااااا

[ام انس المصريه]

ده انا عندى كنكة الشاى معفنه اوى مع انى عندى البراد الصاج وعندى 2 براد كمان الومنيوم بس ماسكه فى ام الكنكه دى مش عايزه اهلك حاجتى كلها مره واحده

كل الجهاز بتاعى عيناه مش بستعمله بقول هبقى اديه بنوتى هديه هههههههههههههههههههههههههه

اصل انا متاكده ان جوزى مش هيجهز جهاز زى اللى بابا كان مجهزه ليه

بيقول فشخره ع الفاضى

[dr.princess]

الشاورما ريحتها تجنن ما شاء الله تبارك الله

[dr.princess]

لالالا يا شوشو ماتقوليش على جوزك كده
فى حاجات كتير من حاجة ماما لسه زى ماهى وفى حاجات فى جهازى انا واختى ماما كانت شارياها تقريبا من 20 سنة

[dr.princess]

باقى من الزمن 6 دقايق
الحمدلله رب العالمين

[dr.princess]

ياااااارب ديمها علينا نعمة واحفظها من الزوال فطرت ولله الحمد

[توتة السيد]

صوما مقبولا وافطارا شهيا يالولو ياقمر

[dr.princess]

يااااااارب اللهم امين ربنا يخليكى يا توتى

[*رحمه*]

مين موجوووووووووووووووود

[om arwa]

ازيكووووووووو وحشتووووونى

[dr.princess]

http://forum.hwaml.com/imgcache2/hwaml.com_1310406910_568.jpg

http://forum.hwaml.com/imgcache2/hwaml.com_1310406908_801.jpg

http://forum.hwaml.com/imgcache2/hwaml.com_1310406908_194.jpg

http://forum.hwaml.com/imgcache2/hwaml.com_1310406909_313.jpg

[dr.princess]

دينا سما ازيكم يا بنات

[*رحمه*]

ازيك يا لولو عامله ايه و محمد عامل ايه ؟؟؟
صوما مقبولا ان شاء الله

[dr.princess]

انا ومحمد كويسين الحمدلله
ياااااااااارب اللهم امين

[dr.princess]

دينا اخبارك ايه والنونو عامل معاكى ايه ؟؟؟

[*رحمه*]

قوليلي يا لولو عايزه اعمل سمك فيليه ، ازاي بتعمليه ؟؟

[om arwa]

الحمدلله ازيك يا لولو
اول عباية حلوة اوووووووى
ازيك يا ديناا

[*رحمه*]

الحمد لله يا لولو كويسين

[*رحمه*]

ازيك يا سما عامله ايه ، و اروى اخبارها ايه
روحتى اطمنتي على النونو ولا لسه

[om arwa]

دينا انتى اول يوم فى اخر بيريود امتى

[dr.princess]

سمك الفيلية بغسله كويس وبحطله ملح وفلفل وكمون و كسبرة وليمون واسيبه شوية وبعدين فى دقيق وبيض وبقسماط ويتحمر عادى
وبعمله صينية سمك بالطحينة بس مش حلو اد كده لو تحبى اقولك طريقته مفيش مشكلة

[om arwa]

انا رحت من اسبع وشفت كيس بس صغنون اوى بالسونار المهبلى مش بان بالبطنى
وكان ضغطى عالى شوية الدكتورة ادتنى اسبوسيد مثبت
ومعادى بعد اسبوع ان شاء الله

وانتى؟؟؟؟

[*رحمه*]

كانت 2-5 يا سما
و انتي ؟؟

[*رحمه*]

انا لسه معادي كمان 3 اسابيع ان شاء الله
و ربنا يطمنك على النونو ان شاء الله

[*رحمه*]

بيبقى حلو بالبيض و البقسماط يا لولو

[dr.princess]

بيبقى حلو اوى يا دينا
تسويه عادى زى البانية تحطيه فى زيت بيغلى وبعدين توطى النار
وممكن تحطى فى التتبيلة توم مفروم

[*رحمه*]

ماشي يا لولو هجربه و اقولك ان شاء الله

[dr.princess]

انا عايزة اشترى مشروم بس عمرى ماطبخته ايه الاكلات اللى ممكن تتعمل بيه وياريت لو فى حاجة تنفع مع الريجيم يبقى تمااااااام
دينا انواع ايه الكويسة هنا

[*رحمه*]

بصي يا لولو انا بجيب قودي حلو قوي ولو جبتيه صحيح مش شرايح بيبقى حلوو قوي
و ممكن تعملي بيكاتا بالمشروم لو عايزه طريقتها اجيبهالك
و طبعا ممكن تحطيه مع المكرونه بوايت صوص
او شوربة كريمه بالمشروم
بس اخر حاجتين مش بتوع ريجيم

[dr.princess]

ياريت يا دينا قوليلى طريقة البيكاتا انا شفتها فى كذا موضوع على فتكات بس مكنتش بركز قوليلى بتعمليها ازاى
وكمان المكرونة بالوايت صوص قوليها برده ابقى اعملها فى اليوم الفرى
معلشى هتعبك

[om arwa]

انا 23 يا ديناااااا
انتى كدة التيكر بتاعك غلط ازاى الفرق بينا اسبوع كدة الفرق بينا 20 اعملية صح

[om arwa]

انا كمان عايزة اعرفهم
حد يقولى اعمل شاورما فراخ ازاى
انا بعملها بس عايزة طريقه احسن

[dr.princess]

انا شفت اللى انتى حطتيها على الفيس دلوقتى يا دينا شكلها رهييييييييييب
بس دى فيها كريمة ماتنفعش فى الريجيم

[*رحمه*]

لا يا لولو تحت امرك
بصي البيكاتا حطتلك الطريقه على الفيس بوك هتعجبك قوي

بالنسبه للمكرونه
تجيبي مكرونه اقلام و تسلقيها
و تجيبي علبه كريمه مخفوقه اللي مرسوم عليها فراوله
و تجيبي فلفل رومي تقطعيه مربعات صغيره و ممكن فلفل الوان بيديها شكل حلو
و تجيبي فراخ بانيه تقطعيها شرائح صغيره و تشوحيها ببصله على النار مع شوية ميه لحد ما تستوي و تحطي عليها الفلفل الالوان و هي بتستوي
و مشروم صحيح او شرايح زي ما انتي عايزه
بعدين تجيبي حله
و تحطي فيها المكرونة و الفراخ و علبة الكريمه و المشروم و تقلبيها على النار لحد ما تسخن
و ممكن تحطي زيتون معاها بيديها طعم حلو
و ممكن تبدلي الفراخ بسوسيس بتبقى حلوه برده

[dr.princess]

الشاورمة دى يا سما وهممم بجد جربيها وادعيلى
[/URL][URL]http://forums.fatakat.com/thread1110060 (http://forums.fatakat.com/thread1110060)

[*رحمه*]

بصي يا لولو ممكن بدل الكريمه ، حطي معلقتين دقيق هتعملك نفس الصوص بس خفيف

[MALAK2010]

اكل اكل اكل ههههههههههههههههههههههه وفى رجيم كمان ازااااااااى

[dr.princess]

تمام اعملها بالدقيق طيب والمكرونة قصدك الاقلام اللى هى بتاعة البشاميل ولا اى مكرونة تنفع

[MALAK2010]

جوزى عنده مشوار وماما خرجت مع اخويا وسلمى نايمه اعمل اييييييييييييييييييييييييييييييييييييه
اوعى تكونوا خرجتوا انتوا كمان هتكلمونى يعنى هتكلمونى

[dr.princess]

هههههههههههههههههه ملك مانتى عارفانى مقدرش استغنى عن سيرة الاكل حتى لو مع الريجيم

[*رحمه*]

هو انا بعملها بالمكرونه بتاعة البشاميل بس اي نوع عادي

[om arwa]

الشاورما شكلها جامد اووووووووووووى يا لولوووو
شكرا
انا مش عندى مايونيز هشوف هعرف اجيب ولا لا

[dr.princess]

انا بحب المكرونة القواقع موووت والسوستة او اى مكرونة صغيرة

سما جربيها بجد تحففففة ريحتها بتبقى قالبة الشقة ما شاء الله

[dr.princess]

ملك اخبارك ايه وسلمى عاملة معاكى ايه ؟؟

[Rania Negm]

بون سوار

حد هنا ؟

[om arwa]

دينا انتى كدة كدة 9 اسابيع مش 7
مادام اخر بيريوم 2 مايو

[توتة السيد]

هاااااااااااااااااااااااااي شلة

[om arwa]

ازيك ياتوتة وحشانى

[Rania Negm]

helloooooooooooz Ya ToOty

[توتة السيد]

لولو روني حبي دينا القمر سما الجميلة عاملين ايه كيف الحال وكيف الصحة

[توتة السيد]

ازيك ياتوتة وحشانى

انتي اكتر ياقمر اخبار اروي والنونو ايه

[dr.princess]

ازيكم يا رانيا اخبارك ايه انتى واحمودى ؟؟

[توتة السيد]

روني ممكن بقي ترانسليشن للصورة دي اللي كلها عجنليزي

[MALAK2010]

انا لسه هنااااااااااااااااااااااااااااااااااا

[dr.princess]

بت يا توتة خلعتى المغرب وسيبتينى لوحدى ماشى يا وحشة

[توتة السيد]

بنات البت نور عضت لسانها وحمر جامد اعمل ايه؟؟؟؟؟؟؟؟؟؟؟؟؟؟؟

[توتة السيد]

بت يا توتة خلعتى المغرب وسيبتينى لوحدى ماشى يا وحشة

ههههههههههههههههه معلش يالولو والله البت نور عملتها وغرقت الدنيا فاخدتها حميتها

وبعد كده مافضتش ادخل تاني عشا بقي وبتاع فطرتي ايه بقي انهارده

[توتة السيد]

لوكة ازيك ياجميل وازي سلمي

[dr.princess]

الف سلامة على نور مش عارفه والله ممكن تعملى ايه يخفف الاحمرار ده

فطرت شاورما فراخ بنص رغيف عيش بلدى وخيارة

[om arwa]

رانيا ازيك يا قمر انتى وملك

[*رحمه*]

ايوه يا سما 9 اسابيع على حساب البريود ، لكن على السونار زي ما انا حاسبه كده
روني ازيك والواد فلائوتوس
توته عامله ايه يا حبيبتي والف سلامه على نور كنت هقولك حطيلها عليه طحينه و نسيت انها بيبي : )
ملك ازيك عامله ايه و ازاي سلمى بقى عندها اد ايه دلوقتي

[توتة السيد]

الف سلامة على نور مش عارفه والله ممكن تعملى ايه يخفف الاحمرار ده

فطرت شاورما فراخ بنص رغيف عيش بلدى وخيارة

الله يسلمك يالولو يارب مش عارفة بقي هعمل ايه

عضته ازاي مش فاهمة امال لما تطلع سنان تعمل ايه

ياحراااااااااااااام بس كده قليل قوي

[MALAK2010]

ازيكم يا بنات والله وحشنى
الف سلامه على نور
سلمى بقى عندها 40 يوم
انا بنزل الصور على الكمبيوتر ربنا يسهل عاوزة اوريهالكم بقا

[توتة السيد]

توته عامله ايه يا حبيبتي والف سلامه على نور كنت هقولك حطيلها عليه طحينه و نسيت انها بيبي : )

الله يسلمك يادينا يارب هشوف والله لو ماخفتش لبكره اسال علي اي حاجة وجبهالها

[dr.princess]

لالالا مش قليل خالص يا توتة انا حتى ماكملتش نص الرغيف و اتبقى كمان من الشاورما

[توتة السيد]

الله يسلمك يالوكة


هيييييييييييييييييييييييييييييييييه وهنشوف سلمي

افقعولنا زغروتة

[dr.princess]

انا فكرتها يا توتة بدأت تسنن علشان كده عضت لسانها
شكلها كده عصبية

[توتة السيد]

لالالا مش قليل خالص يا توتة انا حتى ماكملتش نص الرغيف و اتبقى كمان من الشاورما

المهم انك شبعتي ياحبيبتي انا عارفة علشان الرجيم مش بتكتري ربنا معاكي

[dr.princess]

أخيييييرا يا ملك يللا مستنين اهو

[MALAK2010]

الصور غامقه ليه كده اهئ اهئ

[dr.princess]

توتة البطن بتبدأ تتعود على الكميات القليلة وكده كويس الحمدلله

[توتة السيد]

انا فكرتها يا توتة بدأت تسنن علشان كده عضت لسانها
شكلها كده عصبية

ماهو فعلا بتسنن ويمكن هو ده اللي خلها تعض لسانها

دراديرها وارمه خالص وحاسة كده اني في حته بيضه بدات تطلع مش عارفة دي السنة ولا ايه

[dr.princess]

رااااااااانيا روحتى فين

[dr.princess]

هههههههههههههههه حلوة اوى دراديرها دى يعنى ايه ؟؟؟

[om arwa]

دينا حساب البريود هو الصح الادق يعنى حساب السونار بيعتمد على وزن البيبى بس
طب الدكتورة مش قالتلك ايه اسبوعين اقل؟؟؟؟
ان شاء الله المرة الجاية يبقى ماشى مظبوط مع المعاد

[MALAK2010]

شوفوا الرومانسيه فى الصورتين وبعدين الشكل اللى فى الصوره التالته هههههههههههههههه
بس طبعا الصور مكبر وشها هى مش كده ههههههههه

[dr.princess]

ما شاااااء الله تبارك الله يارب احميها واحفظها ايه العسل ده يا ملك ربنا يباركلكم فيها

[توتة السيد]

توتة البطن بتبدأ تتعود على الكميات القليلة وكده كويس الحمدلله

ربنا معاكي ياقمر

[توتة السيد]

هههههههههههههههه حلوة اوى دراديرها دى يعنى ايه ؟؟؟

ههههههههههههههههههه يابت دراديرها يعني لثتها بس بالعامية

[dr.princess]

ههههههههههههههههه بجد الدرادير = اللثة جديييدة ومنكم نستفيد يا توتة

[توتة السيد]

بسم الله ما شاء الله تبارك الله احسن الخالقين

زي القمر ييالوكة ياروح قلبي سكر وعسل ربنا يخليهالك يارب ويحميها من كل سوء يارب

هي شبهك ولا شبه بباها

[MALAK2010]

تسلمى يا لولو ربنا يخليكى يا حبيبتى

[توتة السيد]

ههههههههههههههههه بجد الدرادير = اللثة جديييدة ومنكم نستفيد يا توتة



ههههههههههههههههه اي خدعة انا تحت امرك انتي اول مرة تسمعيها ده مشهورة قوووووي

[MALAK2010]

تسلمى يا توته انتى اللى عسوله يا حبيبتى انا شيفاها شكل بباها بس الكل بيقولوا شبهى

[*رحمه*]

ما شاء الله يا ملك عسل والله ، شبه البنت اللي انت حاطه صورتها
ربنا يحميها و يحفظها

[dr.princess]

بس ليه يا ملك حاطالها التوكة دى بحس انها بتخنقهم وبتكتفهم كده

[MALAK2010]

رحمه :ايه المجامله دى ههههههههههههههههه
يارب تبقى فى حلاوتها بس عارفه انا حاطه فى خلفيه الجهاز بنت جميله اوى ماشاء الله بس فى نظرى سلمى احلى هههههههههههههههههه

[MALAK2010]

لولو :اصل انا مصوراها صور كتييييييييييير اوى فبغير فى المناظر

[توتة السيد]

تسلمى يا توته انتى اللى عسوله يا حبيبتى انا شيفاها شكل بباها بس الكل بيقولوا شبهى

زي القمر ربنا يحميها

[توتة السيد]

هي رانيا راحت فين

[MALAK2010]

ودول صورتين كمان بعد ما الشعر ضعف فقولت ادارى هههههههههههه

[MALAK2010]

كان نفسى جوزى يشوف الصور النهارده بس للاسف هيشوفهم بكرة ان شاء الله

[توتة السيد]

ياخلاسي ياناس تتاكل اكل اللهم بارك ولا تضر ربنا يخليهالك يارب

[MALAK2010]

الحمد لله انك موجوده ياتوته وشوفتى الصور لانك سالتى على صور سلمى

[dr.princess]

ما شاء الله عسل خااالص يا ملك
يللا بقى غيرى اسمك زى باقى البنات

[MALAK2010]

انا خارجه يا بنات سلام

[MALAK2010]

تسلموا يا بنات على ذوقكم انتوا رفعتوا من روحى المعنويه ههههههههههههه
اصل حماتى حاساها مش شايفاها حلوة وكل ماتشوفها تقول احلوت او لونها فتح شويه محسسانى انى مخلفه بنت زنجيه هههههههههههههههه

[dr.princess]

هههههههههههههههههه سيبك منها دى عسل وكل البيبهات بيتولدوا لونهم غامق شوية وبيفتحوا محمد كان كده برده

[om arwa]

انا عايزة اشووف سلمى مليش دعوة
سيبك من حماتك ياملك
كلهم بيقولوا كدة دول كانوا معقدنى من اروى
مع انى شيفاها زى القمر ربنا يحميها
وهى العة سمرا لابنها اعمل انا ايه؟؟؟؟؟

[gogo]

انا جيتتتتتتتتتتتتتتتتتتتتتتتتتتتتت
تصفيق حاد
وحشتونى

[*رحمه*]

جوجوووووووووووووووووو
منوره يا حبيبتي والله
بس ما لحقتيش تسافري و ترجعي طيب ليه ما جددتيش الزياره

[gogo]

hwaml16امشى تانى يعنى

[gogo]

هما هناك رخمين اوى ف موضوع التجديد ده ربنا يسهل ونلاقى حل
المهم انتى اوصفيلى الحظه الى عرفتى فيها انك حامل وبالتصوير البطىء ههههههههههه

[gogo]

دينا رحتى فين

[*رحمه*]

ههههههههه بصي يا ستي
هي اتأخرت يوم اتنين عن ميعادها و كل يوم اقول هي اكيد هتيجي و كنت ادخل الحمام ملقيش حاجه
احمد قعد يقولي اجيبلك تحليل قلتله ده احنا ياماااااااا اتصدمنا و التحليل بيطلع سلبي قلتله اكيد حاجه باظت و عشان كده متاخره
بعد ما اتأخرت اسبوع
لقيته نزل اشترى تحليل و كنا بالليل ساعتها
رحت قايمه جري و قلت اعمله و زي ما يحصل
عملت التحليل بالليل ما استنتش للصبح
عملته و انا هو مبحلقين في التحليل
و طلع خطيييييييييييييييييييين ولاول مره في حياتي اشوف الخطين
قعدت اقوله ايه ده خطين يا احمد مش دول خطين
يقولي اه خطين
و نحضن في بعض
و جريت اكلم ماما اقولها في التليفون قعدت تصوت في التليفون من الفرحه اختي كانت جمبها اتخضت
بتقولي في ايه
بقولها انا حاااامل
ولا بابا ما صدقش و كا طااااااااااير من الفرحه يا حبيبي
يااااااااااااااااااااااااااااا كان يوم ولا في الاحلام
قعدت اقول لاحمد انا صاحيه يا احمد ولا انا نايمه بحلم
اللهم لك الحمد والشكر يارب
عقبالك يارب يا جوجو
و ربنا ما يحرمش حد ابدا من الفرحه دي يارب

[*رحمه*]

ههههههههههه اصل القصه طويله

[gogo]

ما شاء الله ربنا يديم عليكى الفرحه يارب ويتمملك على خير ويفرحك بيه يادينا
معلش اتاخرت ف الرد بنت اختى جت وقفلتلى الجهاز كالعاده وهى بتلعب
عارفه يبقى هو نقص الحديد الى كان موقف الحمل

[gogo]

عارفه يادينا كل شىء بمعاد يعنى انتى كان ممكن تكتشفى موضوع الحديد ده من زمان وتعالجيه بمنتهى البساطه وتحملى بس كان معادك مجاش
واكيد التأخير ده كان لحكمه عند ربنا
والله يادينا انا فرحنالك اوى من قلبى

[*رحمه*]

ولا يهمك يا حبيبتي
الله و اعلم والله يا جوجو كان ايه السبب ، بس ربنا سبب الاسباب و كرمنا و رزقنا بالحمل الحمد لله رب العالمين
و عقبالك يا جوجو يارب تيجي تفرحينا قريب ان شاء الله

[gogo]

دينا انا هقوم اعمل حاجه وشويه وهاجى لو مش هتكونى موجوده يبقى اشوفك على خير يارب انتى والنونو

[*رحمه*]

ربنا يخليكي يا جوجو يارب
فعلا كل شيء بميعاد
تعرفي انا كنت بفكر في خطوة الحقن المجهري
لكن ربنا كريم قوووووووي
عوضني من غير عمليات ولله الحمد
عقبال كل مشتاقه يارب و ربنا ما يحرمش حد ابدا من الفرحه دي

[رنا خالد]

اوبا جوجو مش معقووووووووووووول
وحشتيني يابنت الايه عامله ايه في المغرب اكيد هايصه ههههههههه
دينا وحشاني انتي والنونه الجميله اللي في التوقيع دي

[*رحمه*]

ماشي يا جوجو لما تيجي كلميني تاني ممكن ابقى موجوده

[*رحمه*]

بت يا رنااااااااا وحشاني جدا
عامله ايه انتي ولوجي وحشتني جدا هي كمان

[*رحمه*]

رنا انتي روحتي فين
عايزه اقوم اتبل السمك عشان بكره

[رنا خالد]

لوجي يادينا ارفتني في عيشة اهلي والله
بجد لاتطاق خرجنا النهارده وبوظت لنا الخروجه وعياط وصريخ وزننننننننننننننننننننننن ونكد فرجت علينا امة لا اله الا الله
نفسي اتسدت بجد
اما نشوف ايه اخرة التسنين السنه باينه من ضراضيرها ومش عايزه تشق بقالها شهر علي كده
برج من دماغي هايطيييييييييييير ياخلق ياتلحقوني يامتلحقونيش
هروح فين يعني اكيد هاتلحقوني ههههههههه

[رنا خالد]

هاتدخلي التالت امتي ياعسووووووووول
وايه اخبار الوحم معاكي طمنيني
عقبال جوجو ياااااااااارب ونفرح كلنا

[dr.princess]

هههههههههههههههههه رهيبة دراديرها دى

[dr.princess]

جوجوووووووو حمدالله على السلامة
ربنا يسهلك ورقك وترجعى تستقرى مع زوجك بقى

[Om Rodina]

السلام عليكم ورحمة الله وبركاته
لولو ورنون وجوجو وكل حبايبى وحشتووووووووووووونى موت والله اخباركم ايه وعاملين ايه انتوا والنونات العسل

[Om Rodina]

لولو اخبارك ايه واخبار محمد ايه
جوجو حمد لله على سلامتك وربنا يفرح قلبك بالحمل السليم

[رنا خالد]

انا مهنجه
نزلت اجيب فستان سهره وجبت اخيراااااااااااا
بقي في فساتين سهره لايقه عليا قبل كده الحاجات كانت موحزقه ومهذئه هههههههههه بس في تطور
وعندي دور برد مطلع عيني اتعديت من احمد ربنا يسامحه بقي
انا بكلم نفسي ده من بعد اذنكم هههههههه
اصل الواحد ساعات بيحب ينفرد بذاته عشان يرفع معنوياته ههههههه
شاعره ياخواتي

[dr.princess]

رفيدة انتى كمان وحشينا
ما شاء الله رودينا عسسسسل ربنا يباركلكم فيها النهاردة يوم البنات الحلوين

قوليلى وصلتى بالسلامة لزوجك ولا لسه ماسافرتيش

[Om Rodina]

رنوووووووووووون القمر اخبارك ايه واخبار لوجى العسل ايه
الف سلامة عليكى وشفاكى الله وعافاكى ومبارك على الفستان الجديد
يارب تلبسيه كده وانت اسعد انسانة

[رنا خالد]

ام رودي وحشتيني انتي والقمر اللي في الصوره دي
ياخلاصي كبرنا ماشاء الله وبقينا بنلبس فساتين فرح وفاضل العريس بقي
واكيد العرسان كتيييييييير الله اكبر
لولو ضراضيرها بالضاض ههههههههههههه
سيبك من توته دي لسه بتفك الخط هههههههه
حبيبة قلبي توته والحته الجوانيه لو شفتي الكلام ده اوعي تزعلي انا بنكت
نياهاهاها
وعلي فكره الكلمه دي فري فيمس
بس انتي يالولو فايتك كتير تعالي بقي اديكي درس في الضراضير هههههههه
مش بقولكم شاعره

[dr.princess]

هههههههههههههههههه خدى راحتك يا رنا
طيب عندك مناسبة ايه جايبالها فستان السهرة وقولى بقى لونه ايه وشكله ايه صوريه واخلصى ههههههههههههههه

[Om Rodina]

الله يكرمك يارب يالولو انت الاحلى
ان شاء الله مسافرة الخميس باذن الله
اخبار ميدو ايه

[dr.princess]

ههههههههههههههههههه بالدال ولا بالضاد انا عمرى فى حياتى ما سمعت الكلمة دى

الف سلامة عليكى انتى وزوجك

[Om Rodina]

الله يكرمك يارب يارنون
ولوجى اخبارها ايه ربنا يحميها ويحفظها يارب ويباركلكم فيها

[dr.princess]

توصلى بالسلامة ان شاء الله يا روفى
انا ومحمد كويسين الحمدلله

[Om Rodina]

سبحان الله يالولو ازاى مش تعرفيها
الكلمة دى معروفة اوى وتقريبا كده تلت اربع الشعب المصرى بيقولها هههههههه

[Om Rodina]

تسلمى يارب ياقلبى
وربنا يباركلك فى محمد وباباه وما يحرمكم من بعض ابدا

[رنا خالد]

الله يسلمكم ياقطاقيط وتوصلي بالسلامه ياروفي انتي والقمر
الفستان يالولو لونه اسود وفي شغل فصوص بيضا صغيره علي الحمالات وعند منطقة الصدر وكام فص احمر كبار شويه بس عاملين شغل رهيب
قماشته ليكرا وجبتله كارينا اسود ساده وعندي ايشارب ابيض في اسود وفي برونز خفيف هالبسه
والمناسبه ياستي خطوبة بنت خالتي يوم الخميس ان شاء الله
ماتيجي معايا ههههههههههههه
عشان نقعد انا وانتي نتحنس لما نشوف الناس وهما بيضربوا جاتوه ونواشف وحاجه ساقعه واحنا يدوبك بنشرب المايه المعدنيه نياهاهاهاها
فرحانه في نفسي بس اكيد هازور الحلويات برضه وربنا يغفرلي بقي
دي حاجه تزهق الله

[dr.princess]

هههههههههههههههه بجد انا اللى مش طبيعية بقى وانا اللى استغربتكم لما سمعتها

[رنا خالد]

هدخل بقي اتسطح علي السرير
واوعي يالولو تقوليلي يعني ايه اتسطح هههههههههههه
عايزه انام نوم التنين
يارب بس اعرف انام من بنت القرده الشمبنزي اللي عندي دي
تصبحوا علي خيييييييييير يابطابيط وبوسولي ميدو ورودي
وسلمولي بقي علي المترو ههههههههه

[*رحمه*]

يا عيني يا لووووووجي اكيد السنه وجعاها عشان كده بتعيط
مبروك عليكي الفستان يا رنونه
انا هدخل التالت ان شاء الله كمان اسبوع يا رنا ربنا يهون الأيام

رفيده ازيك يا جميل توصلي بالسلامه ان شاء الله يا حبيبتي و ابقى ادخلي طمنينا عليكي

لولو ضراضيرها دي كلمه معروفه انتي الوحيده اللي اول مره تسمعيها هههههههههههههه

[Om Rodina]

ماشاء الله يارنون ربنا يباركلك والف مبروك وعقبال ماتفرحى بلوجى العسل ياااااااااارب
ابدا يالولو ممكن كل مكان وله مفردات معينة ممكن تتقال مش هانختلف على دى مش مستاهلة هههههههه

[Om Rodina]

دندون حبيبتى ازيك ياقمر اخبارك ايه واخبار الكتكوت الصغنون ايه ربنا يكملك على خير ويقومك بالسلامة ويفرحك بيه ياااااااارب
الله يسلمك ياحبيبتى وباذن الله اما اوصل اكيد هاطمنكم

[*رحمه*]

الحمد لله يا رفيده بخير
ما شاء الله صورة رودينا عسسسسسسسسسل ربنا يحفظها و يحميها
النهارده يوم البنوتات على رأي لولو

[Om Rodina]

الله يكرمك يارب يادندون وعقبال ماتشوفى نونتك على خير يارب وتفرحى بيها يااااااااارب

[*رحمه*]

امين يارب العالمين
استعديتي بقى للسفر يا رفيده

[gogo]

رنا ولولو ورفيده وحشتونى اوى ايه اخباركم
دينا كويس انك لسه هنا

[*رحمه*]

مرحبتييييييين يا جوجو منوره التجمع و الله

[gogo]

بمناسبه الرجيم يارنا انا خسيت والكل لاحظ ان وزنى نزل وفرحت اوى
بس عارفه انا كل الى عملته انى باكل كل حاجه بس عينات وبلعب رياضه بس الحلويات نوووووووووووو

[gogo]

ده نورك يادينا والله

[*رحمه*]

شطووووووووره يا جوجو برافو عليكي ، استمري بقى على الريجيم

[gogo]

ياعيال عيالكم عاملين ايه

[Om Rodina]

جوجو حبيبة قلبى اخبارك ايه وحشانى كتيييييييييير اوى والله

دندونة انت عارفة ياحبيبتى الشنط بتفضل مفتوحة لغاية ليلة السفربس الحمد لله قفلت شقتى وجهزت الشنط وربنا ييسر الحال من عنده يارب
والله انا مرعوبة اوى لانى اول مرة اسافر لوحدى وكمان معايا رودى وهى هاتلبخنى على الاخر ربنا يستر بقا

[gogo]

عارفه يادينا حتى لما نزلت مصر قادره اتحكم ف الرجيم لان معدتى حتى اتعودت على كميه اكل معينه خلاص وكمان علشان مش حارمه نفسى من صنف معين باكل كل حاجه

[*رحمه*]

ربنا معاكي يا رفيده ان شاء الله و توصلي بالسلامه

[*رحمه*]

دي احسن حاجه في الريجيم انك ما تحرميش نفسك من حاجه و ان شاء الله توصلي للوزن اللي انتي عايزاه

[gogo]

روفيد بنتك ما شاء الله عسل شبه الصوره الى كنتى حطاها الاول
ومتخافيش من السفر لوحدك عادى جدا انتى بس اطلبى ان الكورسى بتاعك يبقى على الحرف علشان تقدرى تقومى علشان بنتك لو حبيتى تغيرلها او ترضعيها
وكمان متخديش شيل تقيله تلخمك وحتى لو شنطك كتير ابقى اطلبى من اى حد يحطهملك وينزلهملك من على السير
وخدى بالك متخديش شنط معاكى ف الطياره لانك هتبقى شايله بنتك كفايه شنطه ايدك الباقى خليهم ف الوزن
ومتقلقيش انا اول مره ركبت طياره ف حياتى كنت لوحدى
هى رحلتك كام ساعه

[Om Rodina]

الله يسلمك يارب ياحبيبتى

[gogo]

اه وخلى بالك خدى للبنت بطنيه علشان جو الطياره هيبقى سقعه عليها التكيف بيبقى عالى

[*رحمه*]

صح يا رفيده ما تخديش شنط كتير معاكي على الطياره عشان ما تتعبيش في شيلهم سيبيهم في الوزن

[Om Rodina]

الله يكرمك يارب ياجوجو وعقبال ماتفرحى يارب بالذرية الصالحة
انا فعلا هاعمل كده مش هاخد معايا حاجة غير بنتى بس لانها لوحدها شيلة اصلها مرووشة حركتها كتيرة اوى وهاتلخمنى وبرده مش معايا غير شنطتين بس
وربنا يطمن قلبك يارب ويسهل السفر من عنده لان مدتها تلات ساعات وربع باذن الله

[gogo]

ياستى 3 ساعات وزعلانه انا رحلتى 5 ونص لما ببقى هرمى نفسى من الطياره

[Om Rodina]

ربنا يخليكم ليا يارب ياحبايبى
انا باذن الله هاعمل كده بس ياجوجو انا هاخدلها كوفرتة مش بطانية وهى مش خفيفة ولا حاجة لانها مش هاتستحمل البطانية بشرتها حساسة اوى وفيها حمو نيل كتير وكمان باباها بيقولى الجو حر اوى عنده علشان كده مش هاحتاج للبطانية معايا

[gogo]

يارب توصلوا بالسلامه ياروفى
وصدقينى مش هتحسى بالوقت بدام رايحه لجوزك

[Om Rodina]

لا والله عادى بس انا خايفة لانى اول مرة اسافر لوحدى انا متعودة ع السفر بس كان مع بابا وماما وانا صغيرة لكن دلوقتى الوضع اختلف وكمان معايا نونة علشان كده ربنا يستر باذن الله

طمنينى هاتسافرى تانى امتى لزوجك ان شاء الله

[Om Rodina]

ربنا يخليكى يارب ياحبيبتى وربنا يجمع شملكم على خير وبفرح قلبكم بالذرية الصالحة

[gogo]

والله ياروفيده احتمال على اول رمضان لو التأشيره طلعت ربنا يسهل

[gogo]

دينا اختفيتى فين

[Om Rodina]

ربنا ييسر لك الحال يارب ياجوجو ويجمع شملكم على خير تانى

[gogo]

وبقيت البنات اخبارهم ايه رانيا ورنا وميرى وساره ولولو وتوته ودودى ونولارا وام انس وملك وحشونى كلهم

[gogo]

وام اياد وحشتنى اوى ووحشتنى دعويها الحلوه عملت ايه ف الامتحنات

[Om Rodina]

والله ياحبيبتى اكيد كلهم بخير بس انا بقالى فترة مش بادخل علشان كده مش عارفة عنهم حاجة

[*رحمه*]

معلش يا بنات هستأذنكم عشان هدخل انام اشوفكم على خير
و ابقى ادخلي طمنينا عليكي يا رفيده لما توصلي ان شاء الله
جوجو ادخلي على طول بقى
يلا تصبحوا على خير

[gogo]

روفيده انا هقوم وهاجى كمان شويه ان شاء الله سلام مؤقت

[توتة السيد]

صباحو صباحو في حد نوجود

الحسنه الوحيده اللي بتعملها فيا نور بتخليني اصلي الفجر

[Om Rodina]

وانت من اهل الخير يادندون وباذن الله هاطمنكم لما اوصل
ماشى ياجوجو اتفضلى ياحبيبتى

[توتة السيد]

جووووووجوووووووووووووو ليكي شوقة ياقمر اخبارك ايه

واخبار المغرب معاكي ايه؟

دينا ياقلبي خلتيني اعيط علي اول الصبح كده الله يسامحك ربنا يتمملك علي خير يارب

روفي حبيبه قلبي الغالية وحشتيني انا لا تتخيلي فرحانة ليكي قد ايه

ربنا يسعدك يارب ويجمعكم علي الف خير دايما وتوصلي بالف سلامة ياااااارب

انتي معاكي رقمي اللي هنا لو معاكي ابقي رني عليا من هناك طمنيني

لو مش معاكي قوليلي وابعتهولك وماتخافيش من السفر لوحدك والله مافيش اسهل منه

بس انتي اتوكلي علي الله وربنا معاكي بوساتي للقمر اللي منور المنتدي

[توتة السيد]

واكيد العرسان كتيييييييير الله اكبر
لولو ضراضيرها بالضاض ههههههههههههه
سيبك من توته دي لسه بتفك الخط هههههههه
حبيبة قلبي توته والحته الجوانيه لو شفتي الكلام ده اوعي تزعلي انا بنكت
نياهاهاها
وعلي فكره الكلمه دي فري فيمس
بس انتي يالولو فايتك كتير تعالي بقي اديكي درس في الضراضير هههههههه
مش بقولكم شاعره


انان ان قلبي قلبي قلبي الحته الجونيه بتتمهلس عليا اهي لولو دلوقتي تقول ياعني ايه تتمهلس

ههههههههههههه انا بفك الخط يابت دا انا معلمة اجيال ههههههههههههه


اه فعلا شاعرة بس شاعرة بمغص شاعرة بلا قافيه هههههههههههههههه

مبروك الفستان ياعم يابتاع السوريه انت الف مبروك لبنت خالك وعقبال خطوبة لوجي

علي موكشة كده هههههههههههه

[أم إياد]

وام اياد وحشتنى اوى ووحشتنى دعويها الحلوه عملت ايه ف الامتحنات
ايه الحظ العسل ده
اخييييييرا حد سأل عليا
لأ وميييييين جوجوووووووووووو hwaml03
دا بجد حظي عسسسسللللل

سألت عليكي العافية ياحبيبتي
انا بقالي 3اسابيع مخلصة امتحانات
وفي انتظار النتيجة ان شاء الله
هي كانت رخمة اوي الامتحانات بس أملي في ربنا كبير لأني تعبت اوي بصراحة

وحشتيييييييني اوي ياجوجو
اخبارك ايه ؟ مش بتدخلي بقالك فترة
طمنيني عليكي كده

[توتة السيد]

ياهلا باية عاملة ايه ياوزة واخبار النونة ايه

[توتة السيد]

روحتوا فين اهئ طيب هقوم اركع الفجر واجلكم فاصل ايماني ونواصل

[أم إياد]

ميييييييين بقى لسه هنااااااا؟؟

تووووووووتة روووووفي اخباركم ايه وازي بنوتاتكم؟

دوندون اخبارك ايه ياقمر في الحمل؟
ربنا يتمللك والجميع بخير

[dr.princess]

ضراضير وتتمهلس انتوا بتجيبوا الكلام ده منييين

[أم إياد]

توووووووتة تقبل الله ياقمر
انا كمان مستنية الفجر عشان اصليه واقوم اريح شوية
عندي مغص غريب هو اللي مش مخليني عارفة انام لحد دلوقتي
مش عارفة ايه موضوع المغص ده بيرد في الظهر واحس ان هيجيلي طلق
احساس كده غريب
بأحس ان في تشنج كده وبطني مشدودة
والبت متكومة في جنب
وتقل رهيييييييييب

الغريبة بقى ان المغص ده الحمل اللي فات ماجاليش الا آخر التاسع كده قرب الولادة مش دلوقتي في اول التامن

ربنا يتمم بخير يااااااارب انا تعبت والله من كتر القلق

أخبارك ايه وازي نور ؟

[dr.princess]

رناااااااا الليكرا ده بيجسم موووت اوعى تكونى جايبة الفستان ضيق هزعل منك
والف مبروك لبنت خالتك عقبال لجين

[أم إياد]

ضراضير وتتمهلس انتوا بتجيبوا الكلام ده منييين

ههههههههه مصطلحات في الصميم
بس لايقة والله
سمعتهم برضه بس مش كتير

طالعين منك زي العسل يالولو
حسيت اني اول مرة اسمعهم

يلا أدينا بنتعلم هههههههه

انتي عاملة ايه وازي حمودي؟

[gogo]

توته انتى الى ليكى شوقه والله ايه اخبارك ونوران عامله ايه
ام اياد دايما ف بالى ومبروك على النجاح مقدما علشان يبقى فال حلو
لولو وحشانى طمنينى على محمد بقى احسن الوقتى والرضاعه الصناعى ماشيه معاه وبتغذيه
وكمان عايزه استشاره منك انا عايزه اعرف كريم لازاله اثار الشمس لانى اسمريت ف المغرب

[أم إياد]

صحيح ياولو هو الدكتور ماخيركوش على محمد يعمله غرز ولا عملهم كده وخلاص؟؟
صعبان عليا ياقلبي يتخيط في المكان ده وهو صغير كده
وكمان بتقولي الخياطة مش حلوة

متغاظة اوي والله
طيب طالما هو مش بيخيط حلو بيخيط اصلا ليييييييه
ناس كتير ولادها مابتتخيطش

ربنا يعافيه ويتم شفاه بالسلامة ويخليهولك

[gogo]

حد ميعرفش الضراضير انتوا جاين منين ياعيال

[dr.princess]

انا الحمدلله يا اية انتى اخبارك ايه انتى والنونة

تخيلى ان جوزى بيقولى انى بقول كلمات غريبة وبيقعد يتريق عليا بس لو قلتله ضراضير وتتمهلس دى هيزلنى بيهم ههههههههههههههههههههه

[gogo]

خياطه ايه هو محمد ماله

[أم إياد]

جوجو ربنا يبارك فيكي ياحبيبتي
فال حلو والله ويسمع منك ربنا

وربنا يكرمك ياحبيبة قلبي ويجمعك مع زوجك بالسلامة
ويخليكوا لبعض ويرزقك بالذرية الصالحة عن قريب ان شاء الله

[dr.princess]

كريمات التبيض مش حلوة يا جوجو بمعنى اصح مضرة فأنتى ماعليكى الا انك تجيبى صن بلوك نوعية محترمة كده وتواظبى عليه وماتخرجيش ابدا الا وانتى حاطاه وشوية وأثر الشمس هيروح

[gogo]

ايه اخبار سميه وبنتها عملت العمليه ولا لسه ابقوا وصللولها سلامى

[أم إياد]

هههههههه
وانا كمان والله يالولو بقيت باقول كلمات غريبة
وجوزي كذا مرة علق عليهم

انا بخير الحمد لله يالولو
بس حاسة بشوية تعب كده
كنت لسه باشتكي لتوتة من مغص غريب
ربنا يتمم بخير

[gogo]

انا عندى صن بلوك بس كل ما احطه يزيت ف وشى ف كرهته قوليلى على نوع حلو

[gogo]

ام اياد ابقى كلمى دكتورتك وقليلها على المغص ده بدام مش وقته

[أم إياد]

عائشة بنت سمية ياجوجو عملت العملية وقامت بالسلامة الحمد لله
بس سمية مش بتدخل كتير
آخر مرة قالت ان اكتشفت فتأ تقريبا بعد العملية
مش عارفه ايه التطورات بعد كده

[dr.princess]

لا والله يا اية هو قال فى خياطة وانا معرفش بيبقى فيه ولالا والخياطة بعيد عنك تقرف كأنه كان بيخيط بلوفر مع انه استشارى جراحة كبير هنا عندى امل ان مع الوقت تروح أثرها

جوجو دى عملية ختان محمد عملتهاله من 3 اسابيع تقريبا

[gogo]

ربنا يطمنها عليها

لولو كويس انك عملتيهاله الوقتى كل ما كان صغير بقت اسهل

[dr.princess]

هاتى يا جوجو نوع يكون oil free ده مش بيسيح على الوش فى ماركة حلوة اسمه بيوديرما اسئلى الصيدلى على الماركة دى والنوع ده منها بس هو غالى شوية ممكن يكون ب 100 او اكتر

[gogo]

انا هقوم انام بقى ياجماعه لحسن فصلت تصبحوا على خير

[dr.princess]

ايه ده انا معرفش موضوع اللى بعد العملية ده ربنا يكمل شفاها على خير

[dr.princess]

تصبحى على خير يا جوجو ادخلى بقى كل يوم

[أم إياد]

بصي ياجوجو انا سألت لولو قبل كده ع الموضوع ده
عشان وشي حساس اوي للشمس

وبرضه كرهت السن بلوك بسبب طبقة اللمعان اللي بيعملها
كمان وشي من النوع اللي بيطرد اي كريمات تتحطله

بصي انتي تسالي على سن بلوك يكون oil free
انا سألت وجبت نوعين
نوع اسمه نوفو وهو سبراي كده وتحسيه سائل
وعلبته اورانج
225 مل
35 مرة حماية
بشرتي امتصته بس برضه حسيت انه بيدي ع الوش لمعة

فجبت نوع تاني مكتوب عليه oil free
اسمه photoderm max 100 spf
بس هو غالي شوية وعبوته مش كبيرة اوي زي النوفا
هو 40 مل علبته بيضا مكتوب عليه بمبة

[أم إياد]

ياحبيب قلبي صعبان عليا اوي والله
هما كام غرزة يالولو؟
ان شاء الله يروح اثرها بالوقت

[dr.princess]

ايوه الفوتوديرم ده حلو برده

[dr.princess]

مش عارفة كام غرزة بدون قلة أدب يعنى هو داير مايدور على البتاع ههههههههههههههههه

[dr.princess]

الفجر بيأذن هستأذن منك يا أية اصلى وانام لانى صاحية من زماااااااااااان
تصبحى على خير

[أم إياد]

بأقولك يالولو
بالنسبة للغرز بتاعتك انتي
هي بتبقى الشهرين الاولانيين مكلكعة
انا كنت مشوهه ومازلت يعني بس خفت بعد اول شهرين
وبقت الا حد ما بسوى الجلد حواليها


تخيلي كنت متخيطة 11 غرزة خارجي و4 داخلي
اتبهدلللللللللللت
اصل الواد اياد ابن اللذين كان نازل 4 كيلو
وطلع روحي

ربنا يجعله في ميزان حسناتي ويعوضني خير
نفسي والله ربنا يتمم بخير كل المراحل المرة دي
دعواااااااتك


بالمناسبة يالولو
انا كنت قايلالك من فترة تبعتيلي قصة ولادتك
وبعدين كتبتيها وبعتتيها للبنات وانا لأ
انا زحلااااااااااااااانة

[أم إياد]

وانتي من اهل الخير يالولو

بالنسبة لغرز محمد ان شاء الله يروح اثرها
بس انا بيتهيالي ان السبب في انه اتخيط انه عملها متاخر شوية
فالدكتور تقريبا خاف لينزف
فعمل الغرز بس ان شاء الله يبقى زي الفل
وربنا يباركلك فيه وتشوفيه عريس

[dr.princess]

انا فعلا خياطتى مكلكعة شوية يارب تتظبط بقى
ربنا يجعله فى ميزان حسناتك وان شاء الله تفرحى المرة وربنا يكملك على خير ان شاء الله

وقصة ولادتى والله بس مش عايزة أقلقك بس هبعتهالك دلوقتى
يللا تصبحى على خير

[توتة السيد]

انا بييييييييييييييييييييييييييييب

[أم إياد]

لولو حمد الله على سلامتك ياحبيبتي
وسلامة وصول محمد للدنيا
ربنا يخليهولك ويباركلك فيه
وعقبال البطن الجاية هههههه وتبقى الولادة اسهل من كده ان شاء الله

مش موضوع اني اقلق والله
ما انا مجربة قبل كده وحاسه ان كابوس معلق في دماغي
وزي مايكون نقطة صدمة في مخي مش راضية تروح عن بالي

ظروف ولادتي كانت زيك بالظظظبط بس انا طولت اكتر وكانت متعسسسرة اكتر
ولما الفرج جه من عند ربنا والراس طلعت مرتين وترجع عشان الدكتور الباشا قافل علينا العيادة سيادته ونااااااايم في شقته

المهم قدر الله وما شاء فعل
وحمد الله على سلامتك
والصبر حلو برضه ربنا يدي الواحد الصبر وطولة البال وقتها

مش عارفة بقى المرة دي انا ونصيبي هتبقى طبيعي ولا لأ
اللي فيه الخير يقدمه ربنا
المهم تيجي النونة بالسلامة مش مهم انا والله

[dr.princess]

اعمل ايه فى الواد ده

[توتة السيد]

واعمل ايه في البت دي زن زن يابااااااااااااااااااااااااااااااااااااااااااااااا اي

[ام انس المصريه]

توووووووتة تقبل الله ياقمر
انا كمان مستنية الفجر عشان اصليه واقوم اريح شوية
عندي مغص غريب هو اللي مش مخليني عارفة انام لحد دلوقتي
مش عارفة ايه موضوع المغص ده بيرد في الظهر واحس ان هيجيلي طلق
احساس كده غريب
بأحس ان في تشنج كده وبطني مشدودة
والبت متكومة في جنب
وتقل رهيييييييييب

الغريبة بقى ان المغص ده الحمل اللي فات ماجاليش الا آخر التاسع كده قرب الولادة مش دلوقتي في اول التامن

ربنا يتمم بخير يااااااارب انا تعبت والله من كتر القلق

أخبارك ايه وازي نور ؟



ربنا يكمل حملنا على خير يااااااااااااااااارب

تخيلى بقى ياايه انا بيجى لى الوصف اللى انتى وصفتيه ده من اول الشهر السابع تخيلىىىىىىى

بس الحمد لله بقاله كام يوم مجاش يارب ميجيش تانى لانى مش بتعب من التعب لااااااااااااااااء والله انا بستحمل التعب

انا بتعب من الخوفففففف ببقى خايفه ومرعوبه وافضل ارقى الجنين واذكر ربنا واقرا قران على بطنى

[توتة السيد]

ايه اللي مصحيكي بدري يامو بدوي

[ام انس المصريه]

مش عارفة كام غرزة بدون قلة أدب يعنى هو داير مايدور على البتاع ههههههههههههههههه


ههههههههههههههههههههههههههههههههههههههه

لولو

بتاع ايه ايه ايه ؟؟؟؟؟؟؟؟؟؟؟؟

ههههههههههههههههههههههههههههههههه

[ام انس المصريه]

توتايه حبيبتى

انتى هنا ليييييييييييييه يابت دلوقتى

[ام انس المصريه]

اكيد نوران قرفاكى وقاعده تزنلك هههههههههههههههههههههههه

احسسسسسسسسسسن احسسسسسسسسسسن احسسسسسسسسسسسن

الكهربا ياستى امبارح رايحه من العشا مجتش غير 12 ونص بليل

ونا نايمه كمان الساعه 2 ونص قبل الفجر ملقتش هوا ولقيت نفسى حرانه اكتشفت ان الكهربا اتقطعت تانى

معرفتش انااااااااااااام وبعدين جات الكهربا فنمتتتتتتتتتتتتت ومدرتش بنفسى وصحيت الساعه 6 وده تالت يوم يروح عليا صلاة الفجر

والبيه جوزى مش هنا بيسلم شغلللللللللللللللل

[ام انس المصريه]

لا تحزن إذا تركك شخص من أجل شخص أخر فمن الصعب...
.
.
.
.
....
.
.
.
.
.
.
.
إقناع القرد أن الفراولة أحلي من الموز!



الحكمه دى بهديها لجوزى



بس كده



يستاهل



هااااااااااااااااااا

[توتة السيد]

يافرج الله ياناس هتشل من الفرحة

نور نااااااااااااااااااااااااامت سمعونا زغروتة بقي

بت ياامو بدوي ماحطلكيش اي جووووووووو علي السرير عدل

الحق اخطفلي حلم وارجعلك رابطي كده في المنتدي لحد ماجي

فاصل تشخيري ونواصل اخخخخخخخخخخ بف

[توتة السيد]

طيب وهو مين الفراولة دي انتي

قولي شجرة لبخ دووووووم تين شوكي قال فرولة قال

[dr.princess]

ههههههههههههههههههههههههههههههههههههههه

لولو

بتاع ايه ايه ايه ؟؟؟؟؟؟؟؟؟؟؟؟

ههههههههههههههههههههههههههههههههه


انتى لسه صغيرة غلى الكلام ده لما تكبرى شوية ابقى اقولك

[أم إياد]

صباح الخير يالولو
ياحبيبييييييبتي انتي لسه صاحية
تلاقي محمد مش مخلكي عارفة تنامي
ربنا يهديهولك ويظبط مواعيد نومه
هااااااااانت بيتهيألي فاضل اسبوعين ويدخل في الشهر الرابع
وان شاء الله نومه يتظبط

باقولك يالولو لو انتي لسه هنا
تعرفي لبوس جينوزول بتاع الاتهابات الفطرية
اللي هو تركيبه نترات الميكونازول
صحيح مابيمتصش من الvagina ؟
يعني مناسب في الحمل؟؟

اصل انا الظاهر جالي عدوى محترمة
انا جسمي حساس اوي
رحت كذا مكان الفترة دي وباضطر طبعا ادخل الحمام كتير
وكما الحر جامد مساعد على تطور الموضوع
خلصت جرعة اللبوس هو 3 وحدات الواحدة 400 جم
وحاسة الاعراض لسه عندي
قلت اكمل مرهم نفس النوع عندي برضه

كانوا موصوفين لي الحمل اللي فات
بس مش عارفة ليه قلقانة

لولووووووو ماتعرفيش نوع مفعوله احسن ويكون مناسب برضه في الحمل؟؟
مستنية ردك بليييييييييز

[om arwa]

سلام عليكم
ازيكم
ام انس وتوتة ولولووام اياد الحلوة اللى هتسمى على اسم بنتى ان شاء الله

[dr.princess]

اية انتى نفسك بتقولى كان اللبوس ده مكتوبلك فى الحمل اللى فات قلقانة ليه بقى
انا بصراحة عمرى ماستعملته فمش عارفة بيجيب نتيجة ولالا
انا كنت بستعمل Gynodaktarine حلو اوى

[dr.princess]

اية المشكلة انه صحى باباه كمان ومنمش تقريبا ساعتين على بعض وعنده النهاردة يوم طويل فى الشغل ربنا يعينه

محمد لسه شهرين واسبوع

[dr.princess]

بنات محتاجة دعواتكم
جوزى النهاردة عنده جرد فى الصيدلية وده اول جرد يتعمل مع زميله الجديد هو بيقول انه امين بس مش عارفة ليه قلقانة وقلبى مقبوض
ادعولى يطلع الجرد مظبوط ومايبقاش فى عجز لان فى واحد زميله فرع تانى من كام شهر حصلتله مشاكل كتييييييير بسبب الجرد ده
يااااااااااااااااااااااااااارب

[dr.princess]

تعالوا بقى يا وحشين

[dr.princess]

أذكر نفسي وإياكم
بصيام الايام 13 -14-15 الخميس -الجمعة - السبت من شهر شعبان تقبل الله منا ومنكم ورزقنا وإياكم الاخلاص في القول والعمل . اللهم بارك لنا في شعبان
صومآ مقبولآ ان شاء الله وجزاكم الله كل خير

[رنا خالد]

لولو هيه هيه
يارب ماتكوني مشيتي ياام محمد ههههههههه
ولابلاش بدل ماتشأط بحاجه

[ام انس المصريه]

hwaml02طيب وهو مين الفراولة دي انتي

قولي شجرة لبخ دووووووم تين شوكي قال فرولة قال

ههههههههههههههههههههههههههههه

عارفه

اقول ولا اسكت اقول ولا اسكت

هقووووووووووووووول

والله لنا قايله بقى

اما انا يابت ابقى شجره جميز وتين شوكى

تبقى انتى ايه

قرص جله هههههههههههههههههههههههههههههههههههههههههههhwaml02 hwaml02 hwaml02

بس كده تستاهلىىىىىىىىىىىىىىىىى

hwaml4 زمان بقى شكلك كده دلوقتى

او كده مصدومه hwaml03

او كده مجنونه hwaml9

او كده hwaml15

ونا وانتى هنبقى كده hwaml17

ههههههههههههههههههههههاااااااااااااااااااااااااااا ااى

تستاهلى ياام قويق

[رنا خالد]

فستان السهره مش ضيق خالص والله يالولو مقاسه حلو ومبحبح واوعي تقولي انك مش عارفه يعني ايه مبحبح ههههههههههه
انا عمري ماحب اللبس المحزق انا اصلا خجوله جدا ومبتحزقش لجوزي هههههههههه
اه والله جبت قميص نوم محترم ولبستهوله لقيته بصلي وتعجب كده وقالي
رنا القميص ده حلو بس ينفع في الشتا هيدفيكي جااااااامد ههههههههههه
ياكزوفي عايزني البس فتل هههههههههه

[ام انس المصريه]

انتى لسه صغيرة غلى الكلام ده لما تكبرى شوية ابقى اقولك

ايوه ياطنططط يالولو

انا لثه ثغنونه وكثوفه

اه ياكثورفى يانى

ههههههههههههههههههههههههه

[رنا خالد]

شيموز وتوته والمعارك الصباحيه ههههههههه
ازيك يام انس يابتاعة البطيخ كل اما اشوف فكهاني بيبيع بطيخ افتكرك يافأريه

[ام انس المصريه]

قشططططططططططه ياموزه هههههههههههههههه

طبعا اقصد بالموزه دى رنا لواحده كده اسمها توته تفكر انى بقولها ههههههههههههههه

ازيك يارنا وحشانى ياوليه

طيب يارنا الاقيش عندك شوال قطن ياختى البسه هههههههههههههههههههههه

وخدى كل القمصان المحزقه الملزقه اللى عندى

[ام انس المصريه]

هههههههههههههههههههههه البطيخ خلص ياختى

جبنا عنب تاكلى عنب ولا بلاش مش مستحب مع الرجيم

ازى البت لوجى

عملتى الغدا ولا لسسسسسسسسسسسه

انا هقوم اعمل مكرونه وفراخ متبله وبابا غنوج وسلطه

تيجى تاكلىىىىىىىىىى

ولا بلاش انتى عامله رجيم ههههههههههههههههههههه

[رنا خالد]

عندي شوال دقيق ينفع ههههههههههه
بعد ماتولدي ياشيماء لو قللتي في اكلك شويه بشويه جسمك هاينزل ماتخافيش وتلبسي المحزق والملزق
انا برضه بطني لسه خارجه شويه لقدام مش اوي بس بتبان في القمصان الستان بالذات وجوزي عايزني البس قطعتين ههههههههههه
هايفتكر اني حامل لو شاف بطني دي
وعارفه لما ببقي مش واكله بتبقي مش باينه خالص
بمجرد ماكل تتنفخ
لدرجة فكرت اني البسله قميص النوم علي الريق او وانا صايمه ههههههههههههه

[رنا خالد]

انا ياستي تعبانه وباخد مضاد حيوي فموقفه الدايت لمدة 3 ايام
فهاكل بيتزا جبناها امبارح وطلعت كبيره موت اتعشيت بنصها وسبت نصها
واحمد مش هايفطر معايا عنده شغل كتير يعني هاضرب لوحدي
هاتي بقي شوية عنب يلا