دردشة حوامل اهل فلسطين الغاليات ^_^

[حواء مثالية]

هلا وغلا بهالطلة

الله يسعدكم يارب انا بخير طول مانتم بخير

منورة سما الك وحشة حبيبتي

جارة طولي بالك

كل البنات الله يسعدككم وما يحرمني منكم

[سما الدنيا]

منورة بو جودك حواء وبوجود كل الصبايا.....

[عسولة فلسطين]

الله يسعدك يا سما
بس كثفوا دعواتكم لي لسه اليوم ان شاء الله حبدأ بمرحلة العلاج وااااااء بس باقوووووووووووول ياااااااااااااااااارب
والله خااااااااااااااايفة كتير كتير اني ما أحمل وخايفة لو حملت اجهض زي اول مرة عنجد حاسة نفسيتي تعبانة بس برجع وباقول طالما موكلة امري لربنا خلص ربنا هو أرحم علي أكتر من امي
والله اليوم عملت حواضر زهقانين الاكل
يلا صحة وعافية

[سما الدنيا]

صحة وعافية يا عسولة..
يا رب ان شاء الله اتكوني هاد الشهر حامل وربنا يرزقك الذرية الصالحة امييييييييين...
اتوكلي عالله ..والله كريم...

[عسولة فلسطين]

ان شاء الله يا سما
ربنا كريم
الحمدلله الشهر هادا سمعت خبر حمل لنااااااااس من زماااااااان متزوجة والله العظيم فرحتلهم من قلبي
وتصدقي فرحتي لهم كانت أكتر من لما عرفت انتي حامل اول مرة
ههههههههه الله يتمم لهم ع خيييييييييييير يااااااااااارب ويتمملكم خواتي يارب
ويقيمكم سالمين انتوا والبيبيات

[جارة القمر]

مساء الخير بنات.......الحمد لله انا هلا نفسيتي افضل بعد ما اكلت هههههههههههههههه
اليوم عملت جاجه محشية وملوخيه وعصرت حامض لشبعت هههههههههههههه

سمعه جديده اللي بتتوحم على حامض بيقولوا بنت ,,,,,,,,,,,يارب يرزقنا طفل سليم معافاه
بتصدقوا يا بنات عندي اواعي بنات بشهوا جداد كنت كل ما شوف شي حلو اشتريه \ هههههههههه مجنونه
وحتى ابني لما اقوله بلكي ولد مش بنت بنجن ............

سما ...انسيت اقلك اني لما كبر بطني بحملي الاول داومت على استخدام زيت الاطفال
baby oil
بعد كل حمام وقبل مانشف المي عن جسمي ما شالله الحمد لله ما تشقق نهائيا
كنت لما خلص حمام تكون العلبه جنبي كنت امسح بطني وصدر فيه والماء على جسمي ويعدها نشف جسمي بلطف

احساس .................وينك يابنت .............زوقي على دمك وتعي هون.........

[جارة القمر]

بنات نفسي مره ادخل القاكم وينكم؟؟؟؟؟؟؟؟؟؟

[لولو حمادة]

اهلين جارة صحتين وعافية على الملوخية نفسي فيهاههههههههههههههه بس مافي عنا عشان الشتاء انا كمان كنت بدي بنت بس الدكتور حكت ولد المهم يكون سليم ومعافى وكامل اهم شى

[سما الدنيا]

هاييييييييييييييييييييييييي..انا هون جارة..حبيبتي يسلمو عالوصفة بس انا بدي استخدم فازلين بزبدة الكاكاو بيحكو منيح للتشققات..لحد هلاء الحمد لله ما في تشققات بس رح استخدمو عبداية الشهر السابع بما انو يومين وبفوت فيه..وين الصبايا احساس اليوم ما شفناها..

[جارة القمر]

هلا بلولو والله كيفك وان شالله ابنك احسن,,,,,,,,

سما .......... صحيح فازلين مع زبدة الكاكاو ممتاز ..........بس صدقيني ما تنتظري شي ابداي فيه .........متى بدا بطنك يكبر من اي شهر؟؟؟

[جارة القمر]

لولو يا وردي علي انا والله في ملوخيه عندي ياريت اقدر اوصللك ياها .......

[لولو حمادة]

وين الصور يا سما انا بستنا فيها

[لولو حمادة]

حبيبتي جارة كانها وصلت انا اليوم عملت بوفتيك وبطاطا ورز

[سما الدنيا]

هلا لولو حبيبتي بس انزلهم هون عالكمبيوتر بدي وصلة للجهاز ما عندي بس ااخزنهم عالجهاز ببعتهم هون

[سما الدنيا]

انا بلش من بداية الشهر السادس يعني الخامس يدوب بس هلاء ما شاء الله مبين منيح حلو الحمل ولبس الحمل هلاء خرج لبس صار ...عالسابع يا جارة كم معدل زيادة البيبي بتكون يعني كم بزيد بهاد الشهر؟لانو ما شاء الله بنهاية السادس وزنو 900 غرام طب لما اخلص لسابع كام ممكن يزيد لانو ان بعر عالتامن والتاسع ممكن يزيد كيلوين او كيلو ونص؟؟؟؟؟؟

[لولو حمادة]

سما ماهو شريط الحمل شو القصد منو وكيف شريط الحمل بينعمل كشير شفت بنات بيحكو عنو بس مش فاهمة انتي بتوقيعك في شريط

[سما الدنيا]

اها في شريط يا عمري هيو الي باين عندي بتوقيعي ببين كم صارلي بحملي يعني زي ما هوه كاتب 26 اسبوع وخمس ايام انتي حطي عليه وحطي اخر موعد لدورتك وينتا كانت وهوه بصير يحسبلك كل يوم بيومه كتير منيح وما بيفرق حسابو عن حساب كتورتي الا يومين يعني هون باين انو اليوم فتت بالسابع بس الدكتورة حكتلي كمان يومين بتفوتي السابع ما فرقت يعني

[لولو حمادة]

مافهمت عليكي كيف بينعمل بس انا مابعرف اخر دورة لاني حملت بعد اجهاض علطول بس اتوقع يمكن 2\7 اول سبعة حسب التبويض

[سما الدنيا]

انا عملتلي اياه وحده بالمنتدى ..بس انتي اضغطي عالشريط الي عندي بيجيكي الموقع حطي موعد اخ دورة الك 2.7 بعديها اعملي كوبي للموقع وبيست عند مكان التوقيع الي الك وهو بصير يمشي لحالو..موفقه

[جارة القمر]

انزلت عند حماتي شوي وهي رجعتي ............

[جارة القمر]

بكرا بدي روح على دار اهلي اكل ورق شول-قرنبيط- والله اليوم اجا عالبالي ولا امي بتتصل
بتقلي بكرا عاملته تعي كلي ,,,,,,,,,,,لانه بينعصر عليه ليمون
سما و لولو على شو وحامكم كان حامض او حلو.؟

[بينك روز]

مسا الخير حوامل كيفكم
شكرا للكل الي سأل عندي
حابه اطمنكم انا اليوم رحت على الدكتوره والحمد لله وضع الجنين ممتاز شوفته ماشاء الله حكتلي الدكتوره كبران عن اول زيارة قبل ثلات ايام صار طوله نص سم وحكتلي بالنسبة للدم الخفيف الي نزل مني بكون التهابات بالبول وحكتلي اعمل تحاليل بكره هعملها ان شاء الله، ادعولي الله يخليكم
اما يا عسولة فلسطين بالنسبة لقصتي مع العلاج
انا الي سنة و8 شهور متزوجه حملت اول مره بعد زواجي ب 8 شهور وسقطت على طول وتاني مرة حملت قبل 7 شهور وسقطت والسبب انه كان عندي تجلطات بالرحم لازم اخد ابر هيبارين بس لهلا ما اخدت هخدهم لما يسير عندي نبض ان شاء الله
والعلاج كان كله على الالتهابات وبعد حملي التاني صار معي قرحه واكتشفتها بعد ما نزلت ب 6 شهور وعالجتها بالكي الكيميائي لاني بخاف من الحراري
ادعولي الله يثبت حملي

[جارة القمر]

حبيبتي بينك روز ربي يطمن قلبك ...........

الله يثبتلك حملك وتقر عينك برؤيته .........

[جارة القمر]

حواء +احساس+بكفي تثقلو علينا تعو نسهر ........

[غُمُوض أُنثَى]

يسعد مسآكو يآ صبآيآ كيفكم ..؟

ان شاء الله كلكم بخير وتمام
وشكرا ليكم كتير ولدعوأتكم الحلوة وربي يسمع منكم

من مبارح انا ضليت بالسرير والدم بطل ينزل عليا
بس كأنه مبارح حسيت شي نزل مني كانه قطعة او قطعتين دم ما بعرف ماشفتهم
بس ما اجاني وجع ولا شي

مابعرف هل ممكن يصير اجهاض بدون وجع
انا والله لسا حاطة امل انه ممكن تكون هالشغلات دم متجمد او هيك شي ما بعرف
حكيت لجوزي ما بدي اروح بكرا بدي استنى شوي بلكي الجنين كبر وصار في نبض

وازا ماكان في شي خلص ساعتها ربي يعوضني لسا ما الي 5 شهور متجوزة والعمر قدامنا
والله اهلي كلهم كلموني مبارح اول ما سمعت صوت ماما انفتحت بالعيااط

بس الحمدلله هونوها عليا شوي وحكولي ازا الك نصيب فيه بتشوفيه ما الك نصيب خلص لساتك صغيرة

وانا وكلت امري لربي الي كاتبو ربنا بصير ان شاء الله
والله يا عسولة انا بحكي يمكن برضو النفسية بتأثر لانه مبارح كل ما اعيط وازعل اكتر الاقي الدم ينزل اكتر

بس الله يخليلي ياه جوزي ما سابني دقيقة :)

ربي يتمم لكم ع خير وادعولي انه يكون لي نصيب اشوفو وازا ما الي نصيب ادعولي ربنا يعوضني ان شاء الله

[لولو حمادة]

شكرا سما عملت شريط الحمل غلبني شوي بس جوزي ساعدني
غموض الزعل مش كويس بيعمل تقلصات ربنا يكتبلك الخير ولا تستعجلي يمكن يسير نبض في الجنين بس نصيحة لا تقومي من الفراش لمن تخلصي الثالث والاكل اشتري جاهز والشغل على جوزك عشان النونو
صحتين مقدما يا جارة
انا بحب الحلو والمالح مابتزبط معي هده الشغلة يعني الحلو اكثر وجنيني ولد يعني الاكل وشكل البطن وخرابيط الحوامل مابتزبط معي

[غُمُوض أُنثَى]

والله يا لولو .. جوزي الله يخليه يجيب الاكل جاهز
وبيعملي شوربة خضار وبجيبلي عصاير يعني مش مخليني اقوم بالمرة من السرير

لعله خير ان شاء الله
والله انا بآكل الموالح كتير ما بيجي عبالي لحلو بالمرة
وصحتين يآ صبآيآ

[جارة القمر]

جبتلكم ضيافة بس طلوااااااااااااااااااا

http://t1.gstatic.com/images?q=tbn:ANd9GcSVCIxWxB9_mEVvvoJ4oj6GcrgCY6rvQ E4X28a9PxiZBKkFFNVUSg


http://t0.gstatic.com/images?q=tbn:ANd9GcSVsWUrZXE0JkShXZSgRybj9k6Kle6aC iN8ygymmdp0MKgNkGrB



وعصير الليمون لحواء
http://t0.gstatic.com/images?q=tbn:ANd9GcThA8k8xIK55d6oUUEtDOiNunkqubHKR YlitYhr3PYZQLwYShf1


وهاي لاحساس
http://t1.gstatic.com/images?q=tbn:ANd9GcQPgxZk8jjP5_ixwcHrB5vI_ZPUa9gD9 WmgZdDD9GrjgNEuTZZsMw





والملوخيه لحبيبة قلبي لولو
http://t3.gstatic.com/images?q=tbn:ANd9GcQtT6PxdAumo_-j5wNl0IQGI8i3wV1pbyz7ZZO6lNx8czpu_iQBig





وهاي لسما حلو لشعيريه
http://t2.gstatic.com/images?q=tbn:ANd9GcQx3x7b1q_2Vl180grGNrlGU5Qk0Gr__ BmXaQ7893M4zQJJvbcsPg

وصحن الشوربه لغمض ربي يثبتلها جنينها

http://t3.gstatic.com/images?q=tbn:ANd9GcS_GNrGwqkz_xvZkEA83pfg9G45h9UXn k_CnTBswV1sk9Hl36hq




وهاي اللي لاني تعبت

http://t3.gstatic.com/images?q=tbn:ANd9GcQ4ZVcRW4ZiWB0lSlI-Cz6e4e1Lz0URv98b-crx3S6gpgMLulD7_w




وهاي قهوة مع السلامه.............\
.



http://t0.gstatic.com/images?q=tbn:ANd9GcQ9XX1SbMCBDWxcCp4oq-h0IwN08lz16zoCydQFD4hwzOvs8tTH

[لولو حمادة]

هيني موجودة شكرا على الضيافة
وين سما اختفت وعسولة

[غُمُوض أُنثَى]

يييي حبيبتي تؤبريني شو انك زوء يآ ألبي :))

يسلمو يآ حِلوة والله صحن بيشهّي
الله يخليكي يآرب ويسمع منك ان شاء الله

وصحتين وهنآ

[جارة القمر]

مشااااااااااااااااااااااااان الله يا بنات انكم تدعوا لاخوانا بسوريا قتل ورعب
ربي
انصرهم
وكن معهم انت اعلم بحالهم ياااااااااااااااااارب


والله اني ببكي عليهم وبحلم فيهم

يارب انصرهم ..............
وامنحهم الامن والامان يارب

[عسولة فلسطين]

يا هلا باحلى خوات
كيفكم
احسااااااااااااااااس مالها ما فاتت اليوم والله قلقت عليها
غموووووووووووض يا حبيبتي قولي ياااااااااااارب وربنا كبير وان شاء الله حيضل البيبي وتشوفيه وتصيري تقوليله هيك هيك صار معي لما كنت حامل فيك
جااااااااارة انا زعلت وين ضيافتي ههههههههههه بمزح
لولو وسما منورين ربنا يخليكم ياااااااارب
بينك روز الله يتمملك ع خير يااااارب

[عسولة فلسطين]

بيعين الله يا جااااااااااااارة الله يكون معهم يااااااااااارب
والله انا وحدة من الناس بطلت افهم وين الصح ووين الغلط باللي بيصير

[Kiamed]

السلام عليكم ورحمة الله وبركاته
كيف حا ل إخواننا واحباءنا الفلسطنيين انا والله لحبي لفلسطين دخلت لاحي نساء فلسطين وارجو من الله العلي القدير ودموعي علي خدي ان يرحمكم وينصركم في القريب العاجل ووالله اني احب هدا البلد واحب اهلها ولاول مرة لتسجل في منتدي ولكن عز علي المرور عليكم دون إلقاء التحية والسلام وارجو من الله الرحمان الرحيم ان يرزقكم ويزدكم من المال والولد ويتب حملكن انه الواحد القادر عليه أختكم من المغرب*

[بينك روز]

صباح الخير حبيباتي كيفكم
شو اخباركم كيفك عسولة فلسطين وسما وجارة القمر واحساس انثى مابعرف ازا نسيت حدا لاني لسه ما حفظتكم كلكم
انا اليوم رحت عملت تحاليل واحد بالدم والتاني بالبول والحمد لله دمي طلع 10.6 وعندي بالبول شحطة دم وشحطين التهابات، اتصلت على دكتورتي وحكتلي اخد زينات مرتين باليوم لمدة اسبوع
احكولي في اشياء تانية ممكن اعالج فيها الاتهابات من غير ادوية
ازا بتعرفوا احكولي وماتبخلو عليه

[غُمُوض أُنثَى]

صبآح الخير يآ بنآت ..

اجهضت ونزل الجنين والمشيمة لحاآلهم بعد معآنآة فظيعة مع الوجع والدم اللي كان بلآ توقف :(
والصبح رحنا للدكتورة عملت سونار من فوق ومن تحت ولقت الرحم فاضي خلآص ومش محتاجة عملية تنضيف الحمدلله
اعطتني مضاد حيوي وحبوب لتنضيف الرحم ووقف الدم وان شاء الله خير

الحمدلله ع كل حال وان شاء الله ربنا يعوضني خير
مش زعلانة والله خلص زعلت وخلصت وعيطت بما فيه الكفاية
بس بحكي اكيد نزل لحكمة من ربنا ومنيح انه نزل في نهاية التاني مش بعد هيك

الحمدلله ادعولي ربنا يعوضني بالقريب العاجل :))
ربي يتمم لكم ع خير وحضلني متابعة معكم في التجمع ان شاء الله

موفقين

[بينك روز]

السلام عليكم ورحمة الله وبركاته
كيف حا ل إخواننا واحباءنا الفلسطنيين انا والله لحبي لفلسطين دخلت لاحي نساء فلسطين وارجو من الله العلي القدير ودموعي علي خدي ان يرحمكم وينصركم في القريب العاجل ووالله اني احب هدا البلد واحب اهلها ولاول مرة لتسجل في منتدي ولكن عز علي المرور عليكم دون إلقاء التحية والسلام وارجو من الله الرحمان الرحيم ان يرزقكم ويزدكم من المال والولد ويتب حملكن انه الواحد القادر عليه أختكم من المغرب*

اهلا وسهلا فيكي عزيزتي نورتي تجمعنا اكيد
ونحنا كمان بنحبكم وبنحب اهل المغرب
تحياتي الك

[بينك روز]

صبآح الخير يآ بنآت ..

اجهضت ونزل الجنين والمشيمة لحاآلهم بعد معآنآة فظيعة مع الوجع والدم اللي كان بلآ توقف :(
والصبح رحنا للدكتورة عملت سونار من فوق ومن تحت ولقت الرحم فاضي خلآص ومش محتاجة عملية تنضيف الحمدلله
اعطتني مضاد حيوي وحبوب لتنضيف الرحم ووقف الدم وان شاء الله خير

الحمدلله ع كل حال وان شاء الله ربنا يعوضني خير
مش زعلانة والله خلص زعلت وخلصت وعيطت بما فيه الكفاية
بس بحكي اكيد نزل لحكمة من ربنا ومنيح انه نزل في نهاية التاني مش بعد هيك

الحمدلله ادعولي ربنا يعوضني بالقريب العاجل :))
ربي يتمم لكم ع خير وحضلني متابعة معكم في التجمع ان شاء الله

موفقين


حبيبتي ماتزعلي لعله خير
انا متلك قبل 7 شهور اجهضت والحمد لله ربنا كتبلي الحمل من جديد
بس انتي اكثري من الاستغفار والدعاء والصدقة
وربنا راح يعوضك خير يارب
ديري بالك على حالك وما تتعبي حالك كتير
واهم شي ما تزعلي ربنا هيعوضك اكيد

[حواء مثالية]

صباح الخير

راح ابلش من الاخير من عندك غموض والله اني انخنقت ودموعي نزلوا عشانك بعين الله يا قلبي الله يعوضك قريب عسى ان تكرهوا شيئا وهو خير لكم

الحمدلله على كل حال

سما عسولة وجارة واحساس ولولو الله ما يحرمني منكم ولا من سؤالكم عني والله يا بنات مبارح روحت من الشغل نمت لروح جوزي عملت عشى وبعدها ارجعت نمت كنت تعبانة وحطيت اللاب توب عندي مثل كل ليلة بس والله بكون طافيه ان شاء الله يخلص هالشهر على خير ونرتاح من الوحام بعدين انا عشان طول نهاري برا البيت وقتي ذيق شوي

جارة يسلموا على العصير واصلة يا قلبي

ان شاء الله تكونوا هون هلا وندردش كل النهار

بينك روز منورة يسعد صباحك وكل اوقاتك يارب

حبيبتي Kiamed شرفتينا وان شاء الله بتابعي معنا كمان احلى عالم المغرب انا عندي صديقات من الدار البيضاء كثير بحبهم وكل الوقت متواصلة معهم

[بينك روز]

وصباحك حبيبتي حواء
انتي بأي شهر
والله انا الحمد لله بحس بس بلعية نفس ودوخه بسيطه
يعني حاسه انه لسه ما بدا الجد عندي

[حواء مثالية]

انا بالشهر الثالث هلا الله يكملي على خير يارب

والله الوحام ذابحني انا بنص الثاني بلش معي

[جارة القمر]

بنات مستعجله دخلت بسرعه

يا عمري عليك يا غموض حبيبتي بسيطه والله العظيم لو صار معي اللي صار معك رحل ازعل
صحيح بس رح احتسبه عند الله ............وعسى ان تكرهوا شيئا وهو خير لكم
ربي يؤجرك في مصيبتك ويخلفك خيرا منها



عسوله حقك علي بس ما عرفت شو بتفضلي للضيافه عشان هيك حطيت كيك وعصير للكل ههههههههههههههه

حواء ............الحمد لله اطمنت عليك


اراكم لاحقا

[سما الدنيا]

صباح الخير يا بنات.....
غموض والله انو ازعلت عليكي كتير بس معلش قضاء ربنا وعسا ان تكرهو شيئا وهو خيرا لكم ان شاء الله ربنا يعوضك عن الي راح ..وما في اكرم من الله المهم ريحي نفسيتك وضلك ادعي واستغفري ربنا والله ما النا غير رب العالمين الحمد لله عكل شيء..
هلا بكل الصبايا من حواء لبينك روز صباحكم سعيد ..
يلا حواء معلش اتحملي هالوحام شهر وبروح انا قعد معي اربع اشهر بس الحمد لله هلاء ولا اشي بحس..
بينك روز انا بفضل ما تاخدي ادويه انا كان معي التهابات استمرت من اول ما اتزوجت لحد الشهر التامن وعشان هيك طولت لاحملت بس كنت مداومة عشرب الماي ..
ضلك اشربي مي وبان الله بتنزل كل الاتهابات الله يعافيكي..
عسولة شكرا عالحلو وربنا يكتبلك الحمل عن القريب العاجل ...
وجارة ولولو وكل الصبايا..
واحسااااااس الي مش مبينه ان شاء الله خير لازم اطلي اليوم علينا اشتقنالك يا حلو........

[حواء مثالية]

هلا صبايا الله يسعدكم يارب

جارة منورة

سما شو عامله انا اليوم كمان ما عندي شغل كثير شبه فاضية

بوكل بتفاح تفضلوا

[سما الدنيا]

صحتين يا حواء اها منيح التفاح للحامل كل يوم كلي حبة..انا الي يومين ما طبخت حتا ما بقوم عزوجي معو الصبح احضرلو افطور بضل نايمه غصب عني ضهري بضل يوجعني حتا وحياتك ما بخليه يقرب عليه بتحججلو الدنيا برد ومن هالحكي الله يعينا بس عباقي الاشهر الحامل نفسيتها بتكون غير شكل...
بدي اعملو سمك اليوم مع انو روحي طالعه..مش جاي عبالي اعمل شيء

[حواء مثالية]

بعين الله ياقلبي ان شاء الله يكون بميزان حسناتنا يارب

انا اليوم حماتي عاملة اقراص سبانخ ولحمة بدها تحسب حسابنا انا مبطلة اطيق اشي بالبيت مبارح كنت مش طايقة المطبخ غصب عني جليت

[سما الدنيا]

هههههههههه..تساليش انا ما كنت اطيق اشم ريحة التلاجة يهدول الاشهر ولما اطبخ اشي فيه جاج استفرغ عطول اربع اشهر وانا ما حط الجاج بتمي....
بس يلا صحتين اقراص سبانخ شهتيني ابعتيلي هههههه....

[حواء مثالية]

من عيوني ياقمر خلص عشاكي عندي تفضلي

[عسولة فلسطين]

مساء الخير يا بنات
كيفكم
غموووووووووووض والله العظيم اني انقهرت عليكي لأني جربت هادا الاحساس من شهر وشي بسيط تقريبا
حبيبتي ماتزعلي لأنه الزعل مش منيح أنا يوم مااجهضت بكيييييييييييت بكى لما عيوني تورمت ومين ما كان بده يحكي معي ما كنت طايقة حد ونفسيتي تعبت بس الحمدلله أول ما سمعت خبر اني اجهضت احتسبت عند الله وقلت اللهم أجرني في مصيبتي وأخلفني خيرا منها بس بعديها انفجرت بالعياط الله يثبت حمل كل حامل يارب
وبعدين ان شاء الله يارب تضلي حامل وراها ع طول
فيه جارة امي قالتلي الساقط لاقط هادا مثل ما كنت فهماه بس معناه انه ان شاء الله اللي بينزل بيتعوض وراه بسرعة وهادا اشي بارادة ربنا طبعا عشان هيك تزعليش لأنه وحطي تحت هالكلمة ألف خط الزعل مش منيييييييييييح للي بتجهض عرفتي؟؟
والله يعوضك خير ياااااااااااااااااارب ويعوضني ربنا خير ويعوض كل هالبنات وربنا يجبر خاطرنا

[عسولة فلسطين]

كيفك حواء وسما
وكل البنات ان شاء الله بخير
وين احسااااااااااااااااااااااااس؟؟؟ اطلعي يا بنتي طمنينا عنك؟؟؟؟؟؟

[عسولة فلسطين]

مممممممم اليوم طبخت بازيلا وماما بعتتلي صحن كشك بتعرفوه؟

[سما الدنيا]

هلا عسولة منورانا والله ...الله يعوض عليكي وعغموض يا رب العالمين...
صحتين يا عيني الكل مش طابخين واكلهم من الاهل... متلي بدي اعمل صنية فيلية بالفرن ...

[لولو حمادة]

مرحبا كيفكم اليوم
زعلتيني غموض عليكي ربنا بيعوضك في القريب ان شاء الله المهم لاتزعلي الزعل بياخر الحمل
انا جربت كيف الاجهاض بس انا اصعب في الخامس
ربنا كريم مازعلت كتير وحمدت ربنا على كل حال لانو ربنا كاتب يمكن يكون مريض عندو مشاكل المهم ادعي

[عسولة فلسطين]

ههههههه الله يخليلنا الأهل يارب

[عسولة فلسطين]

كيفك يا لولو
والله مزبوط كلامك
حتى يا غمو وقت ما نزلت لما كنت عند الدكتور هو يحكي وانا والا كلمة بس دموع تنزل
قالي كلمة والله انها علقت بداني الى الآن عارفة قالي افرضي اجى مريض او مشوه وبعدين لو علمنا ما في الغيب لاخترنا الوااااااقع وعنجد كلامه

[لولو حمادة]

صحتين حواء على الفطاير وبعين الله على الوحم هانت
كيفك جارة
السمك كثير كويس للحامل يا سما وانا بحملى كلو ما باكل جاج اول اربع شهور بقرف منو ومن ريحتو
وانا كنت طابخة قبل امبارح بازيلا اليوم بدي اطبخ لوبيا بس مابعرف الكشك شو هو

[عسولة فلسطين]

والا انا بس بآكله وبحبه ههههههههههههه
يللا صحة وهنا يا لولو

[حواء مثالية]

هلا عسولة منورة ياقلبي

ان شاء الله انتي وغموض نفرحلكم قريب يارب وتحملوا قادر يا كريم

[عسولة فلسطين]

تسلمي يا حواااااااااااء ان شاء الله
ياااااااااااااااااارب الشهر اللي حيجي نيجي نفرحكم بخبر حملنا أنا وغمووووووووووض يارب

[لولو حمادة]

مافهمت عليكي عسولة شو اللي بتحبيه
شو مكونات الكشك يمكن عندو اسم ثاني ومن المكونات اعرف شو هو

[حواء مثالية]

امين يا عسوله ان شاء الله ربنا يفرحنا فيكم قريب يارب

[لولو حمادة]

ليش اختفيتو يا بنات

[حواء مثالية]

انا بعدني هون شوي تانيه طالعة من الشغل

مممممممممممممممم

راح احاول افوت المسى ان شاء الله القالكم كلكم

اشوفكم على خير صبايا

انتبهوا لحالكم حبيباتي

[احساس أنثى]

صباياااااااااااااااا وينكم ؟؟ كتييييييييييييييييير اشتقتلكم والله والله والله

شكرا كتير للصبايا يلي فقدوني سما وعسولة والجميع

وربي يصبرك حبيبتي غموض عسى ان تكرهوا شيئا وهو خير لكم

با1ن الله ربي يكرمك الشهر الجاي انتي وعسولة ياكريم

وتسلمي ياجارة على الضيافة .. وصحتين وهنا لكل الصبايا على كل الي عاملينو


والله غيبتي من التعب الوحام فعلا تعب .. لوعة المعدة والدوخة مابرتاح الا لما اطلع يلي ببطني الصبح

والله لما احس بهالتعب بدعي من كل قلبي لكل محرومة يارب تجرب هالوجع ياكريم يارب العالمين

دعواتكم ليا ... ويسعد مساكم جميعا

[سما الدنيا]

مسائو صبايا..هلا احساس والله نورت ممممممممممممم يعني كان اجيتي من الصبح كان كمل النور بالدردشة مع هالصبايا الحلوات.....
شو عاملات ..انا زوجي لسا ما لحق ياكل طلع على عمو يصلحلو جهاز يلا بستغل الفرصه هون

[لولو حمادة]

مرحبا سما كيفك اليوم
شو جوزك بيشتغل صح حشريةهههههههههههههههههههههه

[سما الدنيا]

هلا لولو يسعد مساكي زوجي يشتغل بالكهربا والكترونيات تصليح اجهزة وفرمته ...ما شاء الله عنو عندو اكتر من صنعه...شو بتعملي هلاء اليوم بحكي لو يصير عند اولاد رح اعرف اقعد هيك متلك عالنت ما بزن الوحده اتلاقي وقت ولا شو رايك؟

[لولو حمادة]

يعني دارس هندسة انا جوزي هندسة الكترونيات وكهرباء مثل جوزك
بتلاقي وقت انا دايما فاتحة النت لا شغلة ولا عملة يعني باليوم يمكن ساعتين شغل والباقي ملل اهلي واهل جوزي بغزة وانا لوحدي وجوزي من الساعة 6 بيطلع وبيوصل 6

[سما الدنيا]

اها يلا معلش الله يعينك الحياه كلها ملل بس الاطفال اكيد بضيعو الوقت وبيسلو...
لا انا مش دارس خلص توجيهي بس كان معو صنعة الكهربا ودورة الكترونيات فلهيك بيشتغل بالتنتين....اكتر شغلو بالكهربا وبالبيت بيصلح اجهزه للناس ..

[احساس أنثى]

مسا الخير صبايا

يسعدكم ربنا على دردشتكم الحلوة

انا مافتت الصبح كانوا عندي صحباتي جاين يباركولي بالحمل وتغدوا وضلوا لل3

سما انتي من غزة ؟؟ من وين ؟

[سما الدنيا]

هلا احساس ...لا انا من ضواحي القدس متزوجه ببير زيت ...ان شاء الله ربنا يكتبلنا زيارة عغزه وربي يفتح هالدنيا عبعضها والواحد يصير يفوت المدينة الي بدو اياها.......

[احساس أنثى]

يااااااارب ... منورة حبيبتي

أنا معدتي بدت تقلب مش قادرة اقعد حتضر اقوم

[بناتي كل حياتي]

http://forum.hwaml.com/t87601.html#post1773246

ادعولي فديتكم ..

[عسولة فلسطين]

يا هلا يا احسااااااااااااااس نورتي
هههههه يللا الله يعديلك هالشهور ع خير يارب
وينك يا غموووووووووووووض؟؟؟
والله يا لولو مش عارفة ايش مكونات الكشك بسألك ههههههه

[عسولة فلسطين]

شكلها حوااااء نامت هههههه

[لولو حمادة]

اهلين عسولة شكلو هيك حواء نامت وباقي الصبايا
كويس بنتعلم منك اكلات جديدة

[Kiamed]

سلام حار جداً لاخواتنا في فلسطين فانا دخولي هدا المنتدي والمرور عل اهل فلسطين دون التحية والسلام ليس له معني الهم تبت حملكن وارزقكم وفك اسر إخواننا في فلسطين والله ان قلوبنا معكم ولا ننساكم في دعاءانا داءما أبدا

[عسولة فلسطين]

kaimed
الله يسعدك ياااااااااااارب
من وين حضرتك"؟

[عسولة فلسطين]

شايفة يا لولو ههههههه
شكلك منيمة حمادة؟؟؟

[لولو حمادة]

بلعكس صحي على الساعة 11 بتوقيتنا يعني 9 عندكم كل يوم هيك وبينام 4 او5الفجر

[زوجة صالحة]

http://forum.hwaml.com/t22534-82.html
انا اسفة دخلت من دون طلب ولكن اردتكم ان تشركوني اصواتكم وتصوتولي الله يحفظكم

[عسولة فلسطين]

هههههههههه الله يعينك
حسب ما عودتيه يا لولو

[غُمُوض أُنثَى]

صبآح الخير يآ صبآيآ ..

اكيد كلكم نآيمين هلأ وانا لسآ بصحى من النوم من ورآ هالدوآ !
اول شي الله يسمع منكم جميعآآآ يآرب ويعوضني خير ان شاء الله

بينك روز ,يسلمو حبيبتي وان شاء الله ربنا يتمم حملك ع خير ويعوضني بالقريب العاجل
حواء , ما عاش ولا كان الي ينزل دموعك حبيبتي الي كاتبو ربنا بصير والحمدلله ع كل حآل الله يخليكي ويتمم حملك وتفرحي فيه يارب ويخف وحامك وتبطلي تعبانة :)
جارة , الله يسعدك يارب وانا احتسبته عند ربنا وان شاء الله يجي اللي احسن منه :)
سما , اكيد حبيبتي والنعم بالله انا توكلت ع الله وخلص بجد مش زعلانة اللي راح راح وربنا يكتبلي الخير في الجاي ^^

عسولة , اول شي يارب يعوضك ويعوضني عن قريب ان شاء الله ونفرح ونيجي نبشرهم بالخبر الحلو يارب :))
انا والله يا عمري بالاول قبل ما اجهض لما الدكتورة حكت حينزل انفتحت بالعياط وعملت مناحة وعيوني اتورمت وحالة بس لما بدا الوجع والدم وبدا ينزل كل شي
نسيت الزعل وركزت بالوجع هههه معاناة فظيعة واكيد انتي عارفة !
والحمدلله ع كل حال كنت ادعي واحكي " اللهم لا اسالك رد القضاء ولكن اسالك اللطف فيه " .. وربنا لطف فيه وفينا
ولعله خير يارب ان شاء الله بصير حمل عطول الي والك ياااااااااااااااااااااارب

والله يخليلي جوزي يارب طلعني من الجو الي اانا فيه وقاعد طول الوقت جنبي لانه بجد كنت تعبانة كتير بس الحمدلله مع كوم الادوية خف كل شي

يارب يسعدك حبيبتي ويعوضك ويجبر بخاطرنا انا وياكي امين يارب تسلميلي

لولو ..ماتزعلي ع غالي حبيبتي والحمدلله انا وكلت امري لربي ونسيت الزعل ولله
والحمدلله انا بحكي منيح ما نزل بأشهر متقدمة والله كنت رح انجن
وهاي ربنا عوضك بأحلا حمادة وجاي نونو عالطريق يعني ربنا ما بينسى والحمدلله
الله يخليكي حبيبتي

احساس .. الله يسمع منك يارب ونيجي نبشركو بخبر حملنا انا وعسولة تسلميلي حبيبتي ربي يتمم لك ع خييييييير :)
وان شاء الله يخف الوحام معلش هوا اولو بيكون صعب كتير وبتبطلي طايقة حد بس لقدام بيخف ان شاء الله

تسلمولي يآ بنات ع وقفتكم الله يخليكو ويسعدكو
ودعواتكم الي ولعسولة :)

[Kiamed]

نعم اختي عسولة فلسطين انا مغربية واعيش بفرنسا علي علاقة باسرة بغزة زوجي مكفل يتيم لحبنا الشديد اناس فلسطين وأهلها انشاء نتمني لكم الخير ولبلاد الاولي فلسطين فانا احس باني فلسطينية قبل ان اكون مغربية

[عسولة فلسطين]

Kaimed
أهلا وسهلا فيكي
بتنوري صفحتنا أكيد بنتشرف بوجود ناس متل حضرتك معنا

[عسولة فلسطين]

غموض أنا صاحية ههههه
مش جايني نوم
بس حاقوم انام هلأ
الحمدلله اللي تطمنا عليكي انك بخيروان شاء الله باب السما يكون مفتوح وربنا يجبر خاطرنا يااااااااااااااااارب
تصبح على خير

[بينك روز]

صباح الخير أخواتي كيفكم
بتعرفوا شغلة والله بنسى افوت بالليل احكي معكم
بجد حبيب كلامك حاسه كأنكم قاعدين في بيت واحد ونازلين دردشه

[عسولة فلسطين]

أهلين بينك روز كيفك
ويييييييييييييين حواااااااااااااااااااااااااااء اليوم مش مبينة؟؟؟؟
والا جارة واحساس وسما وغموووووووووض ولولو وينكم يا بنات سايبيني لحالي وااء

[حواء مثالية]

سلام عليكم كيفكم بناااااااااااااااات شو اخباركم هلا لفضيت وهيني على طول اجيت

غموض الحمدلله على كل حال ياقلبي

سما منورة

جارة واحساس وعسولة كل البنات الله يسعدكم وما يحرمني منكم يارب

[سما الدنيا]

كيفكم يا حلوات...وكيف الصحة ان شاء الله اتكون تمام ...بنات في اشي مدايقني كتير بدي اشكي همي هون..مش عاجبني مكان سكني البيت الي مستاجرتو مش عاجبني موقعو والجيران مش عاجبيني والحاره الي ساكنه فيها كل المكان مش عاجبني نفسيتي بضلها تعبانه من هيك اشي وكل ما احكي مع زوجي بيحكيلي انو بس تولدي طيب انا مش قادره اتحمل وبتعرفو انا حاسه انو مش حابب يطلع لانو بيت الي مستجرينو بيت خالو ما بدو يزعلهم طيب انا..وراحتي النفسيه..الله لا يسامحو حماي كلو منو ما بدو يسكن حد عندو يا الله فيه هيك ظلم

[سما الدنيا]

بتعرفو شو نفسي اعملها حرده عند بيت اهلي واحطو تحت الامر الواقع ...بجد ملييييييييييييييييييت

[em adam]

مساء الورد لعيون الجميع :))

كيفكم يا حوامل فلسطين شو اخباركم وكيف البابيات معجبين عليكم ههههه:)

[سما الدنيا]

هلا ام ادم اها الحمد لله الحمل تمام الله يقوم الجميع بالسلامة يا ربي

[جارة القمر]

..........مرحبا يا بنات

اصحيت اليوم على مصيبة الحمد لله على كل حال........


اهلي انسرقوا ..............عنا مكان عمل والدي كله متكسر ومسروق مبالغ كبيره
حاسه حالي رح انجلط,,,,,,,,,,خايفه على امي وابوي والدي حساس وكتوم ما بيطلع كله بكبته \
ربي فرج همهم ..........وأجرهم في مصيبتهم وخلفهم خيرا منها
ما عندي القدره اروح عندهم واشوفوف وضعهم وقاعده بالبيت على نار
والله دخلت اطلب منكم انكم تدعوا لهم

ما من عبد مسلم دعى لاخيه بظهر الغيب الا كتب له مثله ارجوكم بنات


سما : احمدي ربك انك مو عايشة عند بيت حماك لانهم مهما يكون مناح وطيبين الا تدايقي من تدخلهم ............

[حواء مثالية]

هلا يا بنات

سما طولي بالك ما تذايقي حالك مو كويس عشان الحمل وانتي شوي شوي اقنعي زوجك انا عارفه عن هالحياة مش زابطه مع حد ياقلبي

جارة حسبي والله ونعم الوكيل بس على كل مفتري الله يعوض اهلك يارب

[عسولة فلسطين]

لا اله الاالله يا جارة
الله يفرج كربهم وهمهم ياااااااااااارب
وينتقم ربنا من اللي كان السبب
حسبي الله ونعم الوكيل والله زعلتيني
-------------------------
سما حبيبتي خلي حد يحكي معه بس ما تتعودي تطلعي من بيتك وتحردي

[احساس أنثى]

مالكم صبايا شنو السالفة

حبيبتي سما ... طول ماانتي ببيت لوحدك هادي نعمة ..والله نعمة

وخلاص مادام وعدك لما تولدي تحملي شوية ..

وجارة والله زعليتني ربي يفرج همهم اهلك

بلغوا مراكز الشرطة الا ما يعرفوا مين عاملها

وان شاء الله بيمسكوهم ...

ويسعد مساكم ياصبايا

[جارة القمر]

مسا الخير يا بنات,......حاسه راسي بدو ينفجر ..........

شو عاملين .؟..وينكم

[بينك روز]

مسا الخير كيفكم
انا من روحت من الدوام وانا نايمة وهي صحيتي من النوم
سما حبيبتي والله انا متلك حماية مابده يسكن حدا عنده وطلعنا
بس والله هيك اريح اتحملي شوي وان شاء الله ربنا بفرجها على الكل يارب ومتل ما حكو ما تتعودي على الحرد مش كويس بحقك
حبيبتي جارة الله يعوض اهلك خير يارب
بلغتوا الشرطة ولا لسه
حسبي الله ونعم الوكيل الله لا يوفقهم يارب
بعين الله حبيبتي

[جارة القمر]

بلغوا الشرطه وما لقيت اي اثر ولا بصمات ..........الله المستعان حسبي الله على الظالم
والله مو لانهم اهلي لكن عائلتي الحمد لله متدينه ,,,,,,,,ومخافة الله بين عينيهم .........

[غُمُوض أُنثَى]

يآ سآتر يآرب
شو الدعوة اليوم الكل عندو شي يزعل !!

جارة ربي يعوض عليهم اهلك والله شي بيقهرررررررررررر اوف شو هالدنيا هاي غآبة !!!
الله يصبر الوالد يارب زعلت على هلخبر والله

سما معلش حبيبتي مافي حد مرتاح بهالدنيا الا ما يطلعلو شي يعكر مزاجو
بعين الله حبيبتي اصبري وطالما انتي وزوجك مبسوطين وفي بيت يجمعكو احمدي الله
وماتعمليها زعلة لانك حتندمي .. ان شاء الله يصير الي بدك ياه بدون زعل

يسعد مساكو يا بنات ون شاء الله ما تشوفو شر ولا زعل يارب

[عسولة فلسطين]

مسا الخير ع الجميييييييييع
مين موجوود معي ؟؟؟

[لولو حمادة]

السلام عليكم كيفكم اليوم
ربنا يصبر اهلك ياجارة ويعوضهم والله زعلت عليهم ربنا ينتقم من السارق
سما اصبري واقنعي جوزك شوي شوي بس لا تحردي
كيفك حواء وغموض واحساس
انا هون يا عسولة

[عسولة فلسطين]

يختي عليكي منورة يا لولو
كيفك؟ وكيف حمادة

[لولو حمادة]

انا بخير وحمادة بخير مغلبني خايفة يخبطني بطني صغير مش فاهم

[لولو حمادة]

مسا الخير وينكم مختفيين مشغولين بالاكل اليوم الجمعة
تفضلوا تغدوا عندي عملت مفتول واللحمة ويخنية

[سما الدنيا]

مسائو كيف الصبايا اليوم ...سلاماتي لكل الصبايا ....جارة ..الله يصبر اهلك على مصابهم والله مش قليلة بيجيهم يومهم اولاد الحرام الي عملوها...
شو عاملين وكيف الاجواء عندك..
انا مشحونه الاجواء عندي شوي..جيت اغير جو شوي مع الصبايا الحلوين شو بتعملو هلاء...

[سما الدنيا]

بنات بعد ما كان يناديني سنفورة صار يناديني يا بطريقتي ههههههههههههههه...وااااااع
شاف عناشونال جيوغرافي بطاريق بيحكيلي صايره تمشي متلهم من سنفورتي لبطريقتي بصير هيك يعني........:):)

[احساس أنثى]

ههههههههههههههههه

بسيطة ياسما

انا سلفي بقلي عقبال ماتصيري بطة

هههههههههههه

يسعد مساكم جميعا ومسا خاص لكل الموجودين

[سما الدنيا]

هلا احساس منوره والله كيفك يا كروشة وكيف الحمل معاكي..اها شايفه عليهم طيب لاصير بالتاسع شو ممكن يناديني ههههههه

[جارة القمر]

مسا الخير بنات ان شالله تكونوا موجودين ................


الحمد لله على كل حال كنت عند اهلي والله شي بيقهر
وهيهم صابرين ..................

[احساس أنثى]

هههههههههههه

انا بخير ياسما بس بتعب فترة الصبح ومابيجي عبالي الاكل بدعي ربنا يعدي هالتلات شهور على خير

ربي يصبرهم ياجارة ... ويكون بعونهم

[سما الدنيا]

هلا جارة مساكي سعيد كيفك ..الله يصبر اهلك ويعوضهم خير يا ربي...
والله ما الو الواحد بهالدنيا الا التوكل عالله والصبر ..
الحمد لله عكل حال

[جارة القمر]

شكرا بنات الله يخليكم ..........الواحد بفضفض

احساس الله يعينك.............بس بدك رايي والراي لك طبعا انا كلمة يلعن بالصورة الرمزية
متصاعب منها \كلمة يلعن سيئة غيرها لكلمه تانية............

سما هههههههههههه اي دلع من الازواج مقبول هههههههه

اليوم ما عملت اكل

[سما الدنيا]

هههههههههههههه....معلشي مقبولة منهم انا طبخت اليوم رز وفاصولياء..بحضر هلاء بعرب ايدول ما رح تقهر ني الا احلام الي عاملة فيها مطربة زمانها ...
نيييييييييييييييييكست لا وعامله حالها بتحكي انجلش بس

[جارة القمر]

ههههههههههههههههههههههههه

بتحاول تكون خفيفة دم احلامووووووووووو

[سما الدنيا]

يا عمي بلا خفة بدم بلا...
بس احنا الي هوووووووووون خفيفين دم...
احلا فلسطينيات والله واحلا تجمع..
لولاكم كان مليت حالي ربي ما يحرمني منكم

[عسولة فلسطين]

مسااااااااا الخير
انتي لولو قوليله في بطني أخوك او مابعرف كم عمره لحمادة الله يخليلك اياه واليوم كنت طول النهار عند أهلي وأكلت مفتوووووووووووول
هههههههههههه فترة وبتعدي يا سما وبترجعي سنفورته وبين ايديكي السنفور الجديد يقطع شرك ضحكتيني
وع فكرة ما غايظني الا أحلام بكلمة نيييييييييييكست بتعصبني والا المواااااااااااااااهب بحضره بس عشان أضحك
جارة الله يصبرهم يااااااااااااااااارب لأهلك والا ما ينعرف اللي عمل هالعملة
كيفكم كلكم بدووووووووووون استثناء؟؟؟
غموض وينها؟

[حواء مثالية]

صباحكم عسل يا بنات كيفكم شو اخباركم يارب تكونو بخير مبارح كانت اجازتي وكنت كثير تعبانة افطرت وتغديت عند حماتي حزنت علي مبارح الله يهونها علينا يارب

الكم وحشة طمنوني عنكم يارب تكونوا بخير يارب

جارة الله ما بنسى حد والا يقتص من الي عمل هالعملة باهلك

سما منورة لولو حمادة حيالله طلتك غير عسولة واحساس

الله يخليلي اياكم يارب

[ام حمود2]

صباحكم سكر حبيباتي

رح اعرفكم على نفسي كوني عضوة جديدة هون

انا ام حمود من فلسطين

متزوجة وعندي طفل امور حمود الله يحفظه

عمري 22سنة

متخرجة من جامعة الاقصى تخصص لغة عربية واساليب تدريسها

حاليا حامل بالشهر السابع ربي يتمملي ويتمملكم على خير

بالنسبة للحمل تاعبني جدا

صار معي زيادة بالوزن 5كيلو بشهر خايفة تكون مية زايدة ع الجنين مع العلم مو سمينة كتير وزني مع الزيادة 55كيلوhwaml5

ببداية حملي صار معي تقلصات بالرحم واخدت حبوب مثبت خايفة ياخرلي موعد ولادتي يلي عندها علم بحبوب التثبيت هل باخر موعد الولادة ولا لا ياريت تفيدني؟؟؟؟؟

هاي سيرتي الذاتية يلا عرفوني على حضراتكم

[حواء مثالية]

هلا ام حمود منورة يا قلبي الله يتمملك على خير يار انا من بيت لحم متزوجة جديد وحامل بالثالث

[بينك روز]

هلا ام حمود انا من غزة وحامل بالشهر التاني
بالنسبة لسؤالك والله مابعرف لاني انا لسه بكريه
منوره عزيزتي

هلا حواء يسعدك صباحك ياقمر

[حواء مثالية]

بينك روز الله يخليكي ويسعد كل اوقاتك يارب

كيفك ياقمر

[بينك روز]

والله الحمد لله تمام
عزيزتي حواء انا مابعرفك كتير ممكن تعرفيني عليكي اكتر
يعني من وين بفلسطين واكم الك حامل في اي شهر
شو دارسه
زي هيك

[حواء مثالية]

انا متزوجة من ست شهور وحامل ثلاث شهور من بيت لحم بيت ساحور والحمدلله كملت تعليمي مخلصة بكالوريوس تاريخ ودبلوم عالي اساليب وتاهيل هلا بشتغل بغير مجالي عمري 26

[بينك روز]

اهلا وسهلا بيكي حبيبتي حواء
والله يتمم حملك على خير يارب

[احساس أنثى]

هلا بأم حمود ربي يخليلك ابنك يارب ويثبتلك حملك وان شاء الله الوزن الزايد مايكون خطر

فرصة سعيدة تعرفنا عليكي ..أنا من غزة عمري 23 حامل بالشهر التاني الي سنة متزوجة و3 شهور طبعا عاطل عن العمل ههههههههه شي اكيد

حواء انا كمان مخلصة تاريخ وجغرافيا ...بس للأسف ماحد طالب هالتخصص وقاعدين نستنى الفرج

مسا الورد لأحلى بنات بلا استثناء الجديد وصاحب البيت ^_*

اليوم مبسوطة لاني مارجعت يلي في بطني لأني افطرت الاول اكتشفت انه الميه يلي على الريق هيا الي تتعبني الصبحلأني اول مااصحى باخد الحبوب التثبيت عشان هيك

[حواء مثالية]

هلا احساس منورة يا قلبي بعين الله وانا والله الوحام تاعبني كثير رحتي على الدكتور اتطمنتي على البيبي انا الزيارة الجاي الاسبوع الجاي ان شاء الله

بينك روز الله يسعدك حبيبتي

[بينك روز]

هلا بيكي عزيزتي حواء
منوره احساس، والله انا متلك بحس انه الميه هي الي بتعبني مشان هيك مابشرب ميه بشرب عصير أغلب الوقت انا حامل بالاسبوع السادس والحمد لله حملت من بعد ما سقطت مرتين وطبعا من سكان غزة وعمري 24 الي سنه و8 شهور متزوجه، خلصت جامعة محاسبة وهلا بشتغل بشركة خاصة الحمد لله على كل شي
وطبعا طول فترة حملي لازم اخد ابر هيبارين مابعرف ازا سمعتوا فيها ولا لأ، واليوم في إلي إبرة هخدها بالليل، والاسبوع الجاي هيكون عندي زيارة للدكتوره تبعتي
الله يثبت حمل كل وحده فيكم
ادعولي انا كمان ربنا يكون معي

[حواء مثالية]

الله يسعدك يا رب ويكون معك ويتمملنا كلنا على خير

[عسولة فلسطين]

كيييييييييفكم يا بنات يا حلوين حواااااااء واحسااااااااااس وبينك روز
سما صارت تغطس وجارة طمنينا ع أهلك
غمووووووووووووووووض وينك يا بنت طلي ونورينا
لولو شكلك ما بتفوتي الا بالليل ههههه
أهلين بام حمود نورتينا
وأنا عمري حصير23 ههههههه ومخلصة انجليزي من الاسلامية ولهلأ ما اشتغلت
الا مرة وحملت واجهضت وصارلي متزوجة 9 شهور>>> سيرتي الذاتية هههههه
اليوم حآكل سمك مين يتفضل معي
وايش عاملين يا شيفات؟ ^_^

[عسولة فلسطين]

بينك روز لو ابرة الهيبارين اللي يتأخديها للدم ما تخافي
بعرف وحدة أخدتهم وما شاء الله عن بناتها أخدتهم بحملها الاول والتاني
هما والا أنا بيتهيألي ههه؟؟
الله يكون معك ويمملك ع خير

[حواء مثالية]

هلا عسولة منورة ياقلبي

شو اخبارك انا اليوم مو جاي عبالي شي اخدت بسكوت مملح وحبة تفاح غصب عني عشان الدوى تعبااااااااااااااااااااااانة اليوم وطافية

والطبخ انسي الي بطبخ منه ما بوكله معدتي على طول بعيد عنك استفراغ والله حاسه حالي نايطه ومصفرنة وحالتي حالة خواصري بوجعوني على قد ما بستفرغ والمشكله ما في اكل يعني كلها معاناة ووجع خصوصا طول الليل

يارب يجعله بميزان حسناتنا يارب

وعقبال ما نبارلك عسولة

[بينك روز]

هلا حبيبتي احساس الابر بخدهم تحت الجلد مشان تجلطات الدم
صحه وهنا على السمك
والله انا اليوم مو جاي على بالي اعمل شي
جاي على بالي اروح على البيت وانااااااااااااااااااااااااام
حاسه حالي مسطله مع اني نمت بدري وصحيت على 8
بس مابعرف شو قصتي كتير بنام ومابشبع نوم

[بينك روز]

بعين الله حبيبتي حواء هاد الوحام عندك جامد
انا لسه ما بدا عندي الجد
يارب هونها علينا يارب

[لولو حمادة]

مرحبا يابنات كيفك عسولة صحتين على السمك
كيفك حواء معلش هيك الوحم ان شاء الله بتخلصي الثالث بيخف0000وحامك جامد الله يعينك
اهلين ام حمود منورة
كيفك بينك روز
كيفك احساس اليوم *********انا وحامي خفيف بس المعاناة من الحموضة بتسير من الشهر الثالث بعرفش انام منها موتتني واخدت دواء بيخفف الوجع شوي بعدين بيرجع تاني
وين سما مختفيه وجارة

[عسولة فلسطين]

بيعين الله يا حواااء
ايش بدك تعملي تحملي مش بالسااااااهل الجنة تحت أقدام الأمهات
ههه ان الله راد ربنا يسمع منك
أهلييييييييين لولو وع قلبك يااااااااااارب
تمام يا بينك روز ما تخافي الابر هاي عادية الله يهونها عليكي يارب
بشرب شاي عشان اصحصح ههههه تفضلوا بعملكم شاي واللي تأمروني فيه

[سما الدنيا]

صباح الخير يا صبايا يا حلوين..
منورات والله كانو الجميع موجود هون بس جارة حبيبتنا وينها...
هلا بام حمود منورانا حبيبتي انا متلك باول الشهر السابع ..بالشهر السادس لحالو ما شاء الله زدت اربع كيلو وكنت قبل اسبوع عند الدكتورة والحمد لله كان كل شي تمام انا ووالبيبي يعني ما اتخافي بس برضو زيادة اطمئنان روحي عددكتورك...
هلا بعسولتنا وحواء واحساس ولولو وبينك روز وجارة وغموض وكل الصبايا يا رب اتكونو بالف خير......

[جارة القمر]

مرحبا بنات

..........

الله يعينكم على الوحام انا الحمد لله معدتي هديانه ..........

لكن بحملي الاول كان جدااااااااا متعب ...........

انا هلا بطبخ
كتير طبخات تعلمتها لما تجوزت مع انه ببيت اهلي ما بيعملوها
اعملت رسطو .......يخني بطاطا زوجي بحبها انا لا رح اعمل شي تاني اللي
بحب لمسخن ............ممكن اعمله
او اوزي ............ مش عارفه


ام حمودة هلا فيك

رح عرفك على حالي بما انه الصبايا نازلين تعارف............

انا من القدس ......بشتغل اخصائية اجتماعية في الشؤون الاجتماعية
عمري يناهز 25 سنه مع اني مش مصدقة بحس حالي اصغر هههههههههه
متزوجه وعندي ولد عمره 3سنين ونص وحامل بالشهر 3 كمان كم يوم بخلصه
زوجي بكرا بصير عمره 29 سنه كل سنه وهو سالم والله بسب ظروفي ما نفسي اعمل شي
مع اني كنت بدي اعمل حلويات .............

زوجي مهندس كمبيوتر مسؤول قسم الحاسوب بشركة تامين.



بنات بتصدقوا اني مش قادرة خبر الشغل عندي اني حامل وكمان شوي بكبر بطني
كيف بدي خبر ...........!!!!لاني ما صارلي سنه بالشغل جديد

[حواء مثالية]

منورات بنات

[عسولة فلسطين]

أهلين سما وجارة
منورين

[سما الدنيا]

هلا جارة كيفك....صحتين يا عمري بتعرفي من زمان ما عملت مسخن ناسيتو خلص لبكرة ان شاء الله بعملو...
طيب عادي خبريهم انك حامل اذا هاد الاشي ما باثر عشغلك ..
يعني انا الشغل الي كنت بدي اروح عليه اختصرت من حالي وما رحت لانو كنت بالخامس واكيد كان مبين عليه والشغل ما بدو حوامل وبدهم بنات عطول ..
اها انا ما عرفت عن حالي انا ساكنة حاليا ببير زيت متزوجه الي سنة وتلت اشهر وببخمسة واحد بصير عمري 26 سنة يعني عبداية السنة تقريبا الله يطول اعمار الجميع...

[جارة القمر]

ما شالله عليك سما اكبر مني ما توقعت .....ههههههههه
العمر كله يا قمر

انت مره حكيت انك قليله يعني متلي كم انت
بالنسبه لي
انا طولي 159 وزني قبل الحمل 48 ههههههههههههه سنفورة مع انه زوجي ما شالله طويل وزنه مناسب لطوله مو ضعيف ولا ناصح وانت؟؟

[سما الدنيا]

اها شايفه كبرنا ههههههههههه..
المهم مش باين علينا اهم شي..
انا طولي155ووزني قبل الحمل42 وبعد الحمل وهلاء 48 يعني اتمنا يزيد كمان اربع كيلو وبس واضل عنفس الوزن يعني نفسي اصير خمسين بعد الولادة ان شاء الله بس زوجي بدو اياني اكون اخر الاربعين ما ازيد اكتر وزوجي برضو طويل ...
هلا عسولة منورة فيكي

[لولو حمادة]

انا اطول منكن واثقل واكبر سنا ههههههههههههههههههههههه

[جارة القمر]

عملت ماسك لوجهي
فاضية اشغال
بس بجد كنت استخدمة قبل .....

معلقة لبن+معلقة ونص طحينيه+شوية ما زهر+نقاط ليمون بيصير متل لكريم
بس التكرار بجيب نتيجه ..........
يلا سما اعمليه ازا فاضيه هههههههههه

[جارة القمر]

لولو هلا وغلا ...........يا سلام بس شو قصدك اثقل منا وزناا ولا عقلا ههههههههههههه بمزح كم انت ما شالله

[لولو حمادة]

انا طولي 167ووزني بلاش واو انا مصدومة منه ماشاء الله حملت ولدت واجهضت وحملت وراء بعض مافي مجال للرجيم والرياضة
عمري 26ونص
سلامت عقلك بيوزن بلد

[سما الدنيا]

انا ببخر وجهي بقطع ليمون ما شاالله بيطلع وجهك صافي كتير..
وماء الزهر الورد احسن اشي تستخدميه بعد ما تمسحي مكياج الطلعه لما اتكوني بره ...لما اتروحي عالبيت امسحية وجهك فيه بخفف من اثار الشمس ومشاكل المكياج..
لولو هلا بيكي كم عمرك ووزنك خلينا ناخد منك شويه هههههه..
جارة من وين من القدس انتي ...انا من الضواحي بس ما معنا هويه

[جارة القمر]

ما شالله الله يحميك لولو ...........انت بابنك اسمه احمد ولا حمادة؟

سما ممتاز لقيت وحده متلي بحب هالقصص والماسكات
انا ببخر وجهي ببابونج واحيانا بخلط معه اعشاب نعنع مرميه قرفه روووعه بس احيانا بطلع بعدها حبوب .............طيب بعد البخار لازم شي يسكر المسام ماء بارد او تلج
شو بتحطي بعده ما سكات ؟؟؟

[سما الدنيا]

اها بتعرفي عطول بعد ما ابخر وجهي بتكون طبعا المسامات مفتحه بمسحة بقطن ابيض بيطلع كل الاوساخ الي بالمسامات بعديها بجيب بشكير بنقعو بمي بارده وبمسح في وجهي...يعني للمعنيه تشتريه
انا بحب هالاشياء الطبيعيه انا وامي وخواتي كنا دايما نخلط عسل ولبن وليمون كنا فاضيين اشغال...
اسمعتي عن كريم دارج بنطقتنا بالقدس وضواحيها اسمو الكريم السحري واو عنجد بيجنن عنجد انو سحري خلال اسبوعين بتكون بشرتك مقتحه وكل النمش واللف بروح قريباتي جربوه الي فيه بوجوهم هالاشياء وربي انو راح..جبت لصاحبتي الي كانت ادرس معي بالروضه علبه وكانت حامل بالخامس ومكلفه ما شاء الله وجها انجلا جلي وقبل قترة بتتصل عليه بدها كمان واحد...بحكو كلو خلطات طبيعيه ما بيضر يعني

[جارة القمر]

صحيح انا من صورباهر بعرفش ازا سمعتي فيها

المهم ممتاز وين بينباع والله مرت اخوي متل القمر لما تحمل الكلف بيعجب عليها قوليلي من وين بينشرا....

[حواء مثالية]

حلوه قصصكم انا الي بهالشغلات كمان بس كلشي طبيعي بعمله يعني مثلا قررت اعمل كوكتيل عشان اول بزيد شوي عشان وجهي بندورة ليمون خيار لبن كلشي الحمدلله عمره ما طلع حب ولا كلف ولا نمش ولا شي

في ماسك الحمص والعدس يا بنات للشد هاد بجنن

[جارة القمر]

يا سلااااااااااااااااااااام هلا بحوائتي هلا وغلا ,,,,,,,,,,,,اشتقتلك يا قمر


ممتاز انا كمان بستخدم طبيعي وجهي الحمد لله صافي
قوليلي حواء انت خبرتي شغلك بانك حامل..؟؟؟ انا لحد هلا مش قادرة اقول لهم

[سما الدنيا]

حمص وعدس كيف بينعمل...ما عمري اسمعت فيه...خلص ان شاء الله يا حواء بتطلع التجاعيد علينا بعد اربعين سنه ومنصير نستخدمو ههههههههههه..
اها بعرفها صور باهر ولو الله يرحم لما كنا انفوت عالفدس عادي كان بينا وبينها فقط عشر دائق يلعن الجدار وسنينو ...
بينباع بالصيدليات اساليه الكريم السحري (او مرات بسمو روز السحري) سعر 75 شيكل...

[جارة القمر]

انا بحب قناة فتافيت بس مش كل البرامج اكتر برنامج بحبه ,.,,,ولا بالاحلام لنرمين

وكمان حورية روعه ,,,,,,,,,هلا بحضر ولا بالاحلام

[جارة القمر]

ليش انتي من اي منطقه؟؟

[حواء مثالية]

اي خبرتهم على طول ما في مشكله

الحمص والعدس بنطحنو ناعم وبتخلطيهم مع بعض وبتحطي كمية تكفي الوجه وبتحطي عليها مي وبتخلطيهم كويس وبتحطيهم على وجهك مدة ربع لنص ساعة

الله يغنينا على ماسكات التجاعيد

[حواء مثالية]

انا هلا طالعة من الشغل يالله اشوفكم على خير بناااااااااااااااااات جاي عبالي فلافل بدي اشتري وانا مروح

سلامااااااااااااااااااااااااااااااااااااااااااات

[سما الدنيا]

انا من بيت اكسا بتسمعي فيها ...القدس قريبة كتير علينا....
الله معك حواء بس ما اكتري فلافل بلاش يصيبك انفاخ مش ناقصك حبيبتي...
فتافيت صاير معظم برامجها اجنبي واكلهم خرابيط

[احساس أنثى]

صحيتن حواء بس في هلأ على ال3 فلافل ؟؟

ياسلام عليكم يابنات قمرات من غير هالخلطات

والله انا بحب هالاشي لكن بهالايام مو طايقة اعمل شي بالمرة

[جارة القمر]

هلا احساس ...............ههههههههههههه انا مش قادرة اروع اغير اواعي
....................وااااااااااااااااااااا


كيفك احساس هلا بيج.............


سما ,,,,,,الكريم لون علبته زهري
ازا هو موجود بالمحلات وسعر مابين 15-25 شيكل

[سما الدنيا]

اها زهر لونو ومرات بكون ابيض سادة واصغيرة العلبة ..في منو اصلي ومقلد ...سعرو بالصيدليات الاصلي 75 _65شيكل...

[جارة القمر]

اها
شو طبختي اليوم؟؟
انا لسا ما اكلت حاسه حااااالي دايخه لانه زوجي وابني طلعو ولحد هلا مال رجعو

[سما الدنيا]

الله يرجعهم بالسلامه ..
لا والله مش طابخه اليوم افطرت متاخره ع 2 وزوجي بدو يطلع عرام الله بعد ما يروح من شغلو يعني بيتعشا بره مش قادره اطبخ الليلة والله ما عرفت انام من وجع اسناني وما بدي اروح عدكتور مشاني حامل...بتعشا وباخد فيتامينات وبكفي ...انا وياكي فاضيين اشغال اليوم ..

[جارة القمر]

هههههههههههههههههه انا اليوم بدي عوض اللي فات هههههههههههه بكرا بختفي




بس لازم نحدد وقت ندخل فيه كلنا

[احساس أنثى]

يسعد مساكم صبايا فاضين اشغال ههههههههه

هاتوا شي طيب ندردش فيه

[جارة القمر]

شو اكلتي هههههههههههههه هذي مواضيعنا ؟؟؟

[سما الدنيا]

هههههههههههههههههههههههههه...حوامل بس بالاكل وبس بنحكي

[احساس أنثى]

هههههههههههههه

اكلنا ملوخية بقية اكل مبارح

[احساس أنثى]

وينكم صبايا حبيت اسألكم كيف كنتم بالأشهر الاولى من الحمل

أنا بزهق كتيييييييييير ..يعني كنت افتح اغاني اتسلى هلأ بموت من لاصوت العالي ومن الاغاني والدوشة

وماالي على الأكل كتير عشان اللوعة عايشة على العصاير واللب وفترة الفطور

الصراة حاسة حالي متغيرة وتعبانة حيييييل

[سما الدنيا]

حبيتي احساس كيفك يا حلوه..
الله يعينك فترة واتعدي والله انا كنت برمضان وبتاني شهر واول تلت ايام صمتهم وما كنت اكل الا شوي ولهيك افطرت وما صمت الا خر رمضان الله يعيني عقضائه..
انا ما كنت اكل وكنت اضل اتصل عامي اعيط لانو ما باكل وبضل استفرغ كل شي وكنت خايفه عالبيبي ...وضليت للشهر الرباع هيك بس الحمد لله كان البيبي كويس ..اختي بتحكيلي بالاشهر الاولى شو ما اكلتي لو قليل بستفيد البيب لانو اولها بكون ياخد منك..
انا ماكنت اطيق الاكل بس كنت اعوضها بهالاشهر بالاشياء المفيده الي ما بتلعي المعده متل الفواكه والخضروات والحليب والمي والفوليك اسيد واكل نشويات بسيطة متل معكرونه ومجدره شي يسندني..
يلا معلشي اتحملي هالفترة وبتعدي عخير

[جارة القمر]

الله يعينك احساس

سماااااااااااااااااااااا بعدك هوووووووووووووون

[سما الدنيا]

انا هوووووووووووووون....جارة انتي هون
لسا زوجي ما اجا من رام الله وقاعده لحالي الزهق

[جارة القمر]

لا والله انا زوجي وابني اجو واكلنا بعد اذان المغرب لو صمت اليوم احسن من الصبح على خبزة لاكلت الغدا
وراسي دبحني من الالم جاي على بالي روح نام بس لسا بكير

الله يعينك على قعدة البيت لحالك بتزهق ,,,,,,,,,,,,


اعملت قبل شوي حلو سهل وبسيط وزاكي
ما بعرف اسمه بس في طبقات جلي وبسكوت وشمينت ,,,,عرفتيه

[سما الدنيا]

اجا زوجي يا حرام جاي مبلول....ما شاء الله الدنيا مطر كتير

[لولو حمادة]

مسا الخير
جارة ابني اسمو احمد ودلعو حمادة
انا مابستخدم لوجهي اي كريم حابة اجرب بس مابعرف انواع مناسبة
وجهي جاف لمن احط بودرة بيقشف

[غُمُوض أُنثَى]

/

يسعد مسآهم الصبآيآ الحلوين ..~

ان شآء الله دووم مجتمعين عالخير :)
شكرآ لكل الي سأل عني ودعآلي تسلمولي يآرب احلآ خوآت

بس بالنسبة للوحام يآ صبآيآ اانا مرة وحدة حكتلي لغثيان الصبح
كلي وحدة بسكويت ناشف عالريق ما بتحسي بغثيان بعدها لو شو ما اكلتي
جربوها وان شاء الله بترتاحو .. الله يعينكم صعب كتير الوحام

عسولة .. انا منيحة يآ البي الحمدلله احسن بكتير بس الادوية الي بآخدها بتسطلني كتير
طول اليوم نآيمة مو ضآيل كتير للدوا يومين وبيخلص ان شاء الله
نفسي اخف واصحصح وارجع للحياة .. بدي اطبخ وازبط البيت وازبط حالي
قررت اعمل نيو لوك جديد عشان احس بالتغيير واغير الاجواء :)) شو رآيك ..؟
جوزي بيستنى اروق واخف بسرعة هههه
انتي كيفك وكيف علاجك طمنيني عنك ..؟
..

والله ما شاء الله عليكو يا صبآيآ كلكو مهتمين بحالكو
انا كنت اعمل لوجهي تبخيرة بابونج لانه بيفتح المسامات وبيصفي الوجه وحتى منيح للنفس
وكنت اعمل لبن + عسل .. كتير حلو الماسك
وفي كمان ماسكات كتير .. بس نسيتهم عشان من زمان ما عملت
بس ماسك العسل كتير منيح للبشرة

عسولة ولولو بدي اسالكم سؤال بس خجلانة احم احم بما انكم مريتو بالوضع قبلي
اول شي بعد كام يوم وقف الدم؟ و بعد الاجهاض بكام يوم صار " الاشي " hwaml53 ؟؟ مع العلم انه حنكون متجنبين يصير حمل غير بعد فترة شهر او شهرين حتى !! لغاية ما يرجع الرحم لوضعو

بآقي الصبآيا .. حواء سما جارة احساس بينك روز ان شاء الله كويسين وكله تمام

[سحابة الماضي]

مرحبااا بنات اول مره بعر انو في تجمع للفلسطينيات

انا نعمه غمري 20 سنه صارلي متزوجه 7 اشهر

ساكنه بالقدس ...

وحلو هالتجمع يا صبايا وللامام ان شا الله

[سما الدنيا]

هلا بيكي ...سحابة الماضي منوره
بنات بدي اتعشا وراجعه

[غُمُوض أُنثَى]

اهلا فيكي نعمة ..
نورتي التجمع ان شاء الله تنبسطي هون
رح تلاقي البنات اكتر من خوات الك

حامل والا لسآ.؟

[ام حمود2]

احساس انثى

بينك روز

حواء مثالية

جارة القمر

عسولة فلسطين

لولو حمادة

هلا حبيباتي النور نوركم تشرفت فيكم واللهhwaml13


اليوم تسوقت اشتريت تشوز وشوية ميك اب وملابس لحموديhwaml12

كيف كان يومكمhwaml5

[عسولة فلسطين]

يا هلا فيكم بنات
والله ما شاء الله ههههههههه بغيابي هالكم ساعة كاتبين اشياء بتجنن
أنا بحب الماسكات الطبيعية برضه زيكم وكنت أقرأ من النت وأجرب الشغلات اللي تدخل مزاجي بس هلأ مش بحس معي وقت
والله يا غموووووض أحسن شي بتعمليه النيو لوك أنا رحت ميشت شعري وغيرت من حالي لأني طول ما كنت حامل وأنا نايمة ع ضهري وما اتحرك عشان كان الدم ما يوقف بس الحمدلله اللي الك لك يا بني آدم واللي مش الك محرم عليك>>> سمعته كتير هالمثل ههههه
ممممممم بالنسبة لسؤالك أنا ضلت معي الدم كأنها دورة عادية عندي عرفتي يعني قعدت معي 8 ايام حتى أكتر من دورتي بشوي حتى طولت بس نزلت شوي عشان كنت آخد مثبتات
يللا صحة وهنا يا سمااااااااا ايش حتتعشي اليوم تعشيت شعيرية وتذكرتك والله ههههههه
احساااااااااااااااس والله لك وحشة
يللا يا حواء صحة وهنا ع الفلافل كتييييييييييير بحبه
لولو حلو اسم احمد الله يخليلك ياه يارب ايش حتسمي البيبي الجاي الله يوصله بالسلامة؟
أهلا وسهلا بنعمة بتنورينا
ام حمودي أهلين فيكي

[أم ريـم]

مرحبا يابناااتت
عندي سؤال مين فيكم استخدمت مقشر كيف طريقة استخدامه ؟

[لولو حمادة]

كيفك عسولة اليوم انا بد اسمي محمد لو ولد كان نفسي بايهم بس جوزي مش راضي
ادا بنت ماقررت نفسي باسم غيداء من وانا صغيرة واقنعت جوزي بس اخت جوزي سمتو قبل خمس شهور نجنيت منها صرت اصيح
هلا اسم ريتاج عاجبني بس الباشا مش راضي شايفة كيف

[لولو حمادة]

كيفك غموض
انا بعد الاجهاض الدم وقف بعد اسبوعين وادا بدك ترتاحي شهرين التبويض بيكون نشيط بعد الاجهاض يعني انتبهي من الحمل

[عسولة فلسطين]

والله حلو اسم ايهم بعرف ولد صغير اسمه أيهم ما شاء الله حلو كتير
واسم غيداء حلو ووين المشكلة يا لولو
سمي غيداء وحتى لو هي سمته لأنه انتي نفسك بهالاسم
أنا نفسي باسم روعة ههههههه من زماااااااااان وأنا حباه واسم الولد رواد بس طبعا الولد ان شاء الله ع اسم حماي الله يرحمه

[لولو حمادة]

لا مابدي هم عارفين اني بدي اسمي هدا الاسم قهروني ونفس العيلة
بنت خالتي سمت رواد قبل شهرين شو اسم البنت اللي بتحبيه شو اسم حماكي
ايهم مش راضي جوزي

[عسولة فلسطين]

والله اسم حماي اسماعيل
واسم البنت روعة بس قولي ان شاء الله بيجوا قريبا

[حواء مثالية]

صباحكم فل بناااااااااات كيفكم شو اخباركم عساكم بخير

مبارح روحت واطلعنا انا وزوجي نحضر احتفالات بيت لحم صح كانت مطر بس كان شو كثير روعة وكثير رومنسي

انبسطنا كثير

اشتقتلكم كلكم دون استثناء

[عسولة فلسطين]

يسعد صباحك يا حوااااااااء
انا من بعد صلاة الفجر ومش عارفة انام وااء
يللا الله يبسطكم امبارح شفت شوية من قناة مكس
كيفك اليوم؟
ولو طولت بالرد بكون نمت ههههههه لأني سطلت

[حواء مثالية]

هلا عسولة منورة كيفك شو اخبارك

بوكل بفواكه تفضلي

[سما الدنيا]

يسعد صباحكم حبيت اصبح عليكم يا حلوات...
بس للاسف ما رح اقدر اقعد اليوم زوجي معطل عشان الكريسمس...حكيت اجي اصبح عليكم اشوفكم بالليل على خير ...

[حواء مثالية]

هلا سما منورة حبيبتي نشوفك على خير

[جارة القمر]

مرحبا بنات .........كيفكم
ادخلو اليوم المسا خلينا ندردش


وبنات يارب الامور بدات تنحل عند اهلي بس ادعو لهم يااااااارب يفرج همهم يااااارب

[حواء مثالية]

هلا جارة نورت الليلة عاملين عزيمه هش ونش لخطيب بنت حماتي تفضلوا

مش عارفه اذا فضيت بفوت

الله يخفف عن اهلك

[سحابة الماضي]

شكرا الكم بنات على الترحيب

شو كيف الجو عندكم .... مطر وبرد زي عنا ؟؟؟

[حواء مثالية]

اي والله المطر بجنن ما شاء الله من مبارح لليوم الجو من الاخر مع اني ما بحب الشتى بس الجو كثير حلو عندنا

[ام حمود2]

مرحبااااااااااااااااااااااااا صبايااااااااااا

كيفكم وكيف جوكم

[سحابة الماضي]

فش احلا من جو المطر من الصبح ما شاء الله

[احساس أنثى]

يسعد مشاكم صبايا شلونكم ؟؟ وشلون البيبيهات؟؟

جوزي ياحرام الو ساعة بطلب مني قهوة وأنا كسلانة اقوم حرد راح يعمل لحالو

هههههههههههههه

[ام حمود2]

هههههههههههههههه يقطع شرك احساس كان عملتيلو
قال يعني ما بعملها بزوجي هيك حركات هههههه

[ام حمود2]

اخ منو حمود ابصر ضغط على اي زر بالكيبورد صار خط المنتدى كله صغير

[احساس أنثى]

لا طالع عنا واااااضح

والله الجو برد وهوا مو مبطل طلبات ههههههههه

خليه يتعود بكرة شو بدي اشيل لما اشيل صح ولا لأ؟

[ام حمود2]

عوديه مو غلط بس بشطارة ودلع يعني حبيبي بردانة قوم لحالك واوعك تجاكريه بعااااااااندو ديري بالك بدي ياكي شطورة

[احساس أنثى]

ههههههههههههههههه

لا من هالناحية معلمة ^_*

[ام حمود2]

هههههههههههههههه ايوة شطورة

[احساس أنثى]

أم حمود اخدنا الحديث ونسيت اسألك انتي فلسطينية ؟

[غُمُوض أُنثَى]

يسعد مسآآآهم الحلوات
في هالجو الحلو هآدآ يححححححح !!
برد مش طبيعي والله

كيفك ام حمود منورة حبيبتي اهلا فيكي
احساس كيفك ياحلوة وكيف وحامك خف والا زي ما هو لسا !!

بتعرفي مبارح جوزي الله يرضى علييييييييييه جلى كل الجلي لانه المطبخ كان قاااااااايم وانا كنت تعبانة مش قادرة اعمل شي بعد ما نزلت

والله حرام مساككين هالرجال بس بالدلع كل شي بيجي ههههههه زي الاطفال
شو بتعملو في هالبرد ووين باقي الصبايا

[عسولة فلسطين]

هااااااااااا نحن هنااااااااااا
كيييييييييييييفكم

[غُمُوض أُنثَى]

هلا هلا بالعسل
نورت ..
كيفك حبيبتي ..؟

[عسولة فلسطين]

أهليييييين غموض
والله الحمدلله
كيفك انتي طمنيني عنك؟

[حواء مثالية]

صباااااااااااااااااااااااااااااااااااااااااااااااا ااااااح الخير يا حلووووووووووووووووووات

[بينك روز]

يسعد مساكم حوامل
شو اخبارك كيف انتو اليوم
انا والله الحموووضه دبحتني الها يومين على هاد الحال
الي بتعرف علاج الها تحكيلي الله يخليكم

[حواء مثالية]

هلا بينك روز شو اخبارك كلي خيار كويس والطحينية كمان

[حواء مثالية]

ابصر مال البنات اليوم ولا وحده طالة ان شاء الله تكونوا بخير يارب

[ام حمود2]

هلا فيكم صبايا

احساس اها انا فلسطينية من غزة

غموض هلا والله فيكي النور نورك حبيبتي
كيفكم مع البرد اليوم

[ام حمود2]

هلا حواء الصبايا شكلهم بردانين

[ام حمود2]

زوجي هلا على وصول يارب ما يتاخر جعت كتير
البيبي جاااااااااااع كمان والراجل طول وبعدين فيه

[سما الدنيا]

مسائو يا صبايا شلونكم ..هلا بكل الموجودين ...كيفك حواء عسولة غموض بينك روز وجارة واحساس ولولو وكل البنات ان شاء الله اتكونو بالف خير...
31 الشهر طالعه عبيت لحم ولاول مره ازور هالمدينة طالعه طشة مع مع مجموعة معلمات رح انضل لليل زا صحلي رح اشتري اغراض من هناك للبيبي...
ادعولي بدي اروح عدكتور الاسنان هلاء بدي اشوف رح يعملي :(
خايفهههه..بشوفكم بكره يا حلوييييييين

[عسولة فلسطين]

مساااااااااااااء الخييييييييير
كيفكم
يللا منيح يا سما ان شاء الله بتنبسطي بس ديري بالك ع حالك بعتقد حتكون زحمة هناك
يارييييييييييت بنقدر نيجي كان شفتوني بالضفة ^_^

[احساس أنثى]

مساكم ورد ياصبايا .. وهلا بيكي ام حمود 2

حبيبتي بيتك روز انا بعرف الخبز الفينو بضيع الحموضة

حواء لصراحة مابدي احسدك بس بدي اصلي على النبي وأقول ماشاء الله

يعني انتي بالشهر التالت وبتاكلي كل شي بلاحظ عليكي ليش انا مابيجي عبالي ولا بقدر اكل مع اني بكون جعانة ....!!

عسولة شو اخبارك كيف امورك ان شاء الله تمام

سما رحلة موفقة يارب

وين جارة ؟؟ وين أم حمادة ؟؟ وين الصبايا ؟؟

صبايا الي يومين بحلم اني باكل حجات حلوة مرة حلمت اني باكل عنب والمرة التانية باكل مربى فراولة معقول اجيب بنوتة ؟؟ ^_^

أنا والله مو كرهانة بالعكس مبسوطة لو اجت بنت لأنا 6 شباب بالدار ههههههههه بدهم بنوته

[عسولة فلسطين]

أهلين احساس
والله الحمدلله اموري تمام
مممممممم شوفي تفسير الاحلام ع النت
وان شاء الله خير
ما فرقت بنت والا ولد المهم خلقة تامة وسليمة

[عسولة فلسطين]

يا بنااااااااااااات مالكم بتختفيوا؟؟؟؟؟؟؟؟؟

[بينك روز]

صباح الخير عسوله فلسطين كيفك
ان شاء الله بخير

[جارة القمر]

صباح الخير بنااااات ........كيفكم

الحمد لله كل اللي انسرق بييييين ورجع لاهلي ربنا كبير الحمد لله بس المشكله المتهمين
ما نالو جزاهم لكن ربنا ما بيترك حد
المهم انه اهلي هدي با لهم ...........

صايره اكره كتير اشياء مثلا اللحمه -السفن اب- الشبس- حتى الملوخيه كرهتها
حاسه انه الشي اللي باكل منه كتير بصير اكرهه-امبارح كنت جوعانه وما اكلت شي ولا طبخت
وجوزي بيقول بدي اعملك ساندوش نقانق لما قال هالكلمه حسيت بدي استفرغ


ومش عارف شو بدي اكل!!!!!!!!!!!!!!

[جارة القمر]

سما تتهني ببيت لحم كتير حلوه ........ورح تنبسطوا

[ام حمود2]

صباااااااااااااح الخير صبايا

[حواء مثالية]

صباح الخير يا غوالي

كيفكم شو اخباركم

مشتاقلكم النا كم يوم ما بنتواصل مثل اول الكل مشغول

حبيبتي احساس انا بوكل كل اشي الحمدلله بس متبعة نظام عشان هيك معاناتي مع الاكل خفيفة الي ما بطقيه حاليا الدجاج والا الباقي عادي

يعني ما بوكل مره وحده وكمان ما بجوع حالي كل ساعة ساعتين بوكلي شغلة تفاحة موزة او شي زي هيك بس في وجبة رئيسية باخد قبلها عصير فواكه ممكن لنوع او كوكتيل بس مرات بجيني ساعات انسي بحس معدتي بدها تطلع من مكانها الله يعدي هالفترة على خير يارب

[ام حمود2]

هلاااااا صباايااااااا

بعرف حوامل بقضو كل فترة الحمل بلااااااا وحاااااااااااام

[ام حمود2]

مو شرط الوحام بفترة الحمل

انا عن نفسي معاااااااااااااااااااااااااااااااناة مع الوحام بكره الحمل من هم الوحم

دووووووووووووووخة وبقل وزني ومااااابكل ولااااااااااابشرب متل الناس هاد غير التعب والارهاق

[بينك روز]

مين سمعك عزيزتي ام حمود
والله الصبح صحيت وشربت ميه ورحت نتقتها
حتى المي ما بتقعد ببطني
شو اعمل مش عارفه وماما بتقولي لازم تنزلي الصفره شو الصفره مابعرف

[حواء مثالية]

هلا بنات
بينك روز هي هاي الي بتكون تعابيتنا وتاعبة المعدة الاشي الي بنستفرغه لونه اصفر هاد الي بتقصد امك عنه اخ ياربي مبارح من الاربعة العصر نايمه للساعة سبعة الصبح ونعسانه وتعبانة الله يكون بعونا يارب

[سما الدنيا]

صباحو صبايا ..يلا الله يعينكم عاشهر الاوحام والله كانت اصعب اشهر مرت عليه..يلا معلش هانت يا حواء شهر وبتخلثي منها وان شاء الله اقل وكل الصبايا..
احسن اشي حسيتو للعية المعدة الرمان كنت اكلو احس معدتي خفت ما كنت اعرف اولها بس اختي دلتيني عليه متاخر يلا جربوه انتو.....يلا الله يتمم للكل عخير يا ربي

[بينك روز]

اها
مرسي الك حبيبتي حواء بس ما بقدر اطلعها
شو اعمل ياربي دبحتني
الرمااان! مابضر الحامل يعني
ولا يهمك سما راح اجربه
يسلمو كتير

[سما الدنيا]

هلا بينك روز لا حبيبتي ما بضر ولا شي انا مجربتو هوه اصلا كتير مفيد للجسم بدون حمل ومع الحمل اكيد الفايده الك وللبيبي...برضو اتاكدي ازا خايفه او شي ....موفقه يا ربي..

[حواء مثالية]

بعين الله يا بناات كل التعب بروح وقت يصير البيبي بحضنا الله يجيبة بالسلامة يارب

اذا هيك تمام سما كان من اول احكيتي ان شاء الله ينفع اليوم بجربه

سما متى بلش البيبي يتحرك عندك

[بينك روز]

مرسي الك حبيبتي سما
ان شاء الله راح اجربه بلكن ارتحت من لعية النفس وهمها

[سما الدنيا]

الحمد لله رب العالمين حسيت بحركة البيبي عالرابع يعني بنص الشهر الرابع هيك بتكون اولها زي فقاعات كانها بالجسم وزي رفرفه بالبطن وعالخامس بتصيري اتحسيها واتشوفيها ....ان شاء الله عن قريب بتصيري اتحسي فيها..
ويلا كمان قربت تحكولنا شو فيكم ولد ولا بنوته..ربي يعطي كل وحده الي بتتمناه..
حواء حبيبتي كيف اسعار المحلات وقت الاعياد يمكن بتكون غاليه عندكم لانو مقرره اجيب اكمن غرض الي وللبيبي من هناك وما بعرف محلات قريبه من المكان الي منا ننزل فيه ....بس يا رب ما اتكون زحمة كتير الواحد يعرف يلف عكيفو ..
بينك روز ان شاء الله بيخف الوحام عندك بس حبيبتي ما تشربي مي عالريق اوعك الا لتراجعي كل الي بمعدتك..

[حواء مثالية]

هلا حبيبتي بتنور بيت لحم هلا الاعياد مو النا للمسيحيين يعني الاسعار عليهم بتغلا بس اذا بدك شغلات حلوه واسعارها معتدلة ومنيحه في سوق اسمه سوق الفواغرة اكيد راح تروحوا علي هاد في محلات كثير جنب بعض وفيها كل اشي واسعاره كمان كثير منيحه بعدين شو ما كان السعر عندنا ببيت لحم اقل كثير من رام الله بس كمان انتي وشطارتك فاصلي وما تخليهم يعرفوا انك من رام الله بعطوكي اغلا واسمعي في مؤسسة اسمها باب الحارة بهاد الشارع فيها كل اشي بسعر الجملة بتجنن اذا ما عرفتيها اسالي عنها الكل بعرفها بدلوكي انا اكيده راح تشتري كلشي منها في للكبار وللصغار

[سما الدنيا]

يسلمو يا عسل ان شاء الله نتوفق بهالروحه واجيب الي عاوزاه ...

[حواء مثالية]

ان شاء الله بيت لحم كثير حلوه اكيد راح تنبسطوا

[سما الدنيا]

اها اكيد حلوة باصحابها ...

[ام حمود2]

مرحبا صبايا اسمعو حمود مغلبني شو رايكم تاخدو زهئان وزهئني معه

[سما الدنيا]

ههههههههههه..الله يخليلك اياه حمودي...باي شهر حامل انتي يا ام حمود...
وين الصبايا الباقيين غايبين ان شاء الله يكون خير عسولة وجارة واحساس وغموض ولولو..اشتقتلكم

[حواء مثالية]

الله ييسعدك يا سما

ام حمود اعطي اشي يلعب بي او اعمليله شغلات بحبها

[حواء مثالية]

انا طالعة من دوامي هلا اشوفكم على خير

جارة عسولة غموض كل الصبايا اشتقنالكم

[ام حمود2]

سما الدنيا
ههههههههههه..الله يخليلك اياه حمودي...باي شهر حامل انتي يا ام حمود...


الله يسعدك حبيبتي

هلا انا حامل بالشهر السابع وانتي؟

[سحابة الماضي]

الله يقومكك بالسلامه

[ام حمود2]

حواء
ام حمود اعطي اشي يلعب بي او اعمليله شغلات بحبها

ااااااااااااااااخ طلع مخي مو عارفة شو اعمللو

دلوووووووووووووووووووووع ومدلع حالو