دردشة حوامل اهل فلسطين الغاليات ^_^ [الأرشيف] - الصفحة 5

حواء مثالية

10-29-2011, 03:56 PM

ايواااااااااااااااااااااااااا بخطوات ثابتة نحو المشاكل يا بناااااااااااااااااااااااااااااااااااااااااااااااا ااات لي هيك ما تنسوا حالكم على النت ما بطير النت وهينا بنجي كل شوي

انا هلا بالشغل بس بكون محضره شو بدي اعمل سلف وقبل ما يجي زوجي بكون فري ما عنيد شي بوجوده ما بشتغل شي كمان بفضي حالي الو اطلب واتمنى خلي يجي يشوف النعمة الي عايش فيها ههههههههههههههههههههه

بس اقلكم شغلة الي كم يوم بجي الليل بكون تعبانه يمكن تراكمات تعب هلا قادة انا وزوجي بنحضر تفلزيون حاطة راسي على كتفه الا انا نايمه كان يحكي معي ومنهمك ومنسجم اصحيت على كلمة بالموضوع بنهايته انا ما كنت معو هلا بعدها بحكيلي صاحية بحكيله اه اه اه ما لقيت حالي الا انا بسابع نومه لقيت حالي الصبح على التخت تاني يوم نفس الشي فكرني مريضة تالت يوم نفس الموال مبارح فقعت معو متعود انام بعدو او معو

بالكن ماااااااااااااااااااالي يابنات اليوم متحدية حالي اليوم انا ما انام الا لينام وهو وما يتكرر هالشي بدي اروح من الشغل واعطيها نومه هههههههههههههههههههههههههههههههه قبل ما يروح بنص ساعة بصحصح وبحضر حالي كاني مش نايمه وبدي اشوف يا انا يا النوم الي طاس علي اله فترة

اخ ياربي والله الواحد مش عارف شو بده يعمل

شو عاملات بهالوقت ا

انا كمان نص ساعة بطلع من شغلي

سما الدنيا

10-29-2011, 04:36 PM

بخخخخخخخخخخخخ..هيني بستنا للطبخه تجهز...وبالنسبه للنم يا حواااء انا بنام قبلو شو اعمل من يوم ما حملت وصايره هيك بس لما ييجي الا يصحيني عشان ينكوشني شويه ههههههههههههههه...منستغل الفرصه عالنت وهون وهون ابل انشالله ما ييجي البيبي انشالله بيجي عخير وما يحرم حدا يا ربي لانو بزن ما رح اعرف احك راسي وما رح اتشوفوني هون كتير ....ممممممممممم ريحة الطبخة طالعه شكلها زابطه.....تحياتي الكم ولكل الصبايا ودمعة شوق بشرينا كيف طلعت معك الطبخه يمكن انتي ازكاااا اكيد....

شموخ فلسطينيه

10-29-2011, 06:33 PM

مرحبا صبايا
شامه ريحة اكلات طيبين ههههههه
ماشاء الله
انا اليوم طبخت ملوخيه ودجاج مشووي بالفرن
واكيد الرز والسلطات

احساس أنثى

10-29-2011, 06:48 PM

فنانة ياشمووووخ

يلا ودعيها الملوخية بكرة بالشتا ما بتنول كتييييير

وما بكون طعمها زاكي

جارة القمر

10-29-2011, 09:09 PM

والله يا بنات انكم معدلات بترفعوا الرس.............. طبخات تمام

انا اليوم اعملت ملوخية وجاج محشي ونضفت البيت وحاسس ضهري مكسر

حواء مثالية شو بتشتغلي.؟؟
انا بالنسبة لي زوجي من النوع اللي كتييير بيسهر وما بقدر على السهر لاني كمان بشتغل
ما بصدق وانا انام وزوجي متفهم ............اما يوم الخميس والجمعة اكيد سهر .......لانه بعدها عطلة ...........

انا مشكلتي اني يوم الاحد والاثنين والاربعاء بشتغل الصبح وبدرس بالليل يعني بغيب كتير عن البيت وحاسه انه ابني كتير بيبعد عني ........وزوجي بدأ يلمح .......الله يستر

عسولة فلسطين

10-29-2011, 11:32 PM

يسعدلي مسااااااااااكم يا صبايا
ما شاء الله كل هالطبخات والحكي الحلو من وراي ههههههه
الله يسعدكم
ادعولي معي مغغغص فظييييييييييييع ببطني هي أول مرة يجي بعد ما نزلت
طمنوني عنكم يارب بخير تكونوا

عسولة فلسطين

10-29-2011, 11:36 PM

مممممممم جارة القمر>> هو الشغل بصراحة بياخد من وقت الوحدة وبيتها
بس حاولي توفقي بينهم حافكرلك بطرق للتوفيق ههههه
الله يكون بعونك يارب

جارة القمر

10-30-2011, 09:54 AM

حبيبة قلبي يا عسولة .........
سلامتك اشربي مرمية ممكن تفيد...........

بنات بسمع كتير بالمنتدى عن شي اسمه تمريخ وممرخة افهمت شو معناها
لكن هل يوجد عنا بفلسطين هيك شي وشو بسموهم.

احساس أنثى

10-30-2011, 10:48 AM

في حبيبتي

بس هادي ماالها مكتب او شي

يعني بدك تسألي اي حد بعرف مرة بتمرج وبتعمل كاسات هوا وشاطرة في أمور النسوان

حسب عليمي هيك

وربي يرفع عنك وعنا يارب

حواء مثالية

10-30-2011, 11:09 AM

صباح الخير معجوقة شوي اليوم عندي ضغط عمل عشان اول الاسبوع

مشتاااااااااااااااااااااااااقلكم

جارة القمر

10-30-2011, 11:10 AM

دمعة شوق صباح الخير ليش صاحية بدري
لو انا بعطلة لسحبتها نومه والله نعسانه يا عالم

بالنسبة للمرخة نفسي حد يعملي مساج لضهري مو لشي تاني لاني اعاني من الم برقبتي وضهري
وبستلم اختي تعملي مساج...........

جارة القمر

10-30-2011, 11:11 AM

عسولة شو شغلك؟؟؟

شموخ فلسطينيه

10-30-2011, 11:28 AM

كيفكم صبايا وحشتوني
الله يسعدكم يارب
وسلامتك عسوله
المغص شي طبيعي بعد التنزيل
الله يعوض عليكي بالخير يارب

جارة القمر

10-30-2011, 09:40 PM

مسا الخير بنات شو وينكم ما حد منكم طال..........

انا في قمة التعب والنعس

عسولة فلسطين

10-30-2011, 09:51 PM

يسعد مسااااااكم بنات
الله يسلمكم يااااااارب
هيني متحملة المغص اللي ما بينحمل والله مووووووووت بس ربنا يعينا
جارة القمر>>> هو فيه أحلى من نومة الصبح بالذات لما يكون عندك شي ههههه
الممرخات اللي بيعملوا تمريج عنا بغزة مالهم مكاتب زي ما قالت دمعة بس بالبيت ممكن تاخدي موعد
ماعمري رحتلهم ،، مش حباهم مش عارفة ليش
والله جارة أنا متخرجة صارلي سنة متخرجة لغة انجليزية بس لسه ما اشتغلت

lolo1991

10-30-2011, 10:27 PM

مرحبا انا جديده في المنتدى وحابه تفيدوني
انا اول يوم في اخر دوره لي هو 7-8-2011
واخرموعد للولاده لي هو 13-5-2012
بس مو قادره اعرف انا باي شهر بالضبط
ارجوكو ساااااااااااااااعدوني؟؟؟؟؟......

عسولة فلسطين

10-30-2011, 10:30 PM

أهلا وسهلا فيكي معنا
ممممممم مش عارفة بس يمكن بالرابع او ببداية الخامس
الله يتمملك ع خير ياااااارب وتشوفي البيبي بعيونك سليم معافى

lolo1991

10-30-2011, 10:34 PM

مرحبا انا جديده في المنتدى وحامل لاول مره ارجو تساعدوني
انا اول يوم في اخر دوره لي هو7-8-2011
وموعد ولادتي 13-5-2012
بس مش قادره احدد باي شهر انا بالضبط
ارجوكم ساعدوني؟؟؟؟...........

عسولة فلسطين

10-30-2011, 10:52 PM

اسألي الدكتور أو الدكتورة اللي بتروحيلهم وأكيد حيحددولك

Dr.Reem

10-30-2011, 11:43 PM

مساء الورد ع عيون احلى صباياااا وحشتوني كيفكم؟

رحيق الأمل

10-31-2011, 03:07 AM

هلا هلا دكتورة ريم تمام الحمدلله انتي كيفك..؟؟

صباااااااااايا يا عيوووووووني اناديكم انا عشان ابوسكم

أين انتم يا ستات المستقبل ههههههه

حلمي أشوفك

10-31-2011, 03:47 AM

السلام عليكم ورحمة الله وبركاته
الله يتمم لكل حامل حملها ويرزق اللي لسا محملوا
انا مو من فلسطين بس حابة اقولكم الله ينصر فلسطين واهل فلسطين نصر عزيز مقتدر ويرد كل فلسطيني غايب عن بلاده

بدآيه حلم

10-31-2011, 09:30 AM

السسسلام علييكم ورحمه الله

كيف حالكم اهل فلسطين القويه

دعآء حللووه حبيت تقرونه

حصنت نفسي ومافي رحمي باسم الحي القيوم الذي لايموت ورددت عنه السوء بألف ألف لا حول ولاقوة إلا بالله
اللهم اجعله مسلما صالحا عابدا ذاكرا..
حافظا للقران الكريم وممن يعملون به..
اللهم يامثبت القلوب ثبت قلبي على دينك
وثبت مافي رحمي واجعل حمله تسعة اشهر بلا زيادة او نقصان
اللهم اجعله بارا بوالديه وأهله..
اللهم حسن خلقه وخلقته ..
اللهم أعيذه بكلماتك التامات من شر شياطين الانس والجن..
اللهم سهل ويسر حمله وولادته..
اللهم قر عيني به..
اللهم ارزقني ولدا واجعله تقيا ذكيا
واجعله سليما معافى ولا تجعل في خلقه زيادة ولا نقصان ..
واجعل عاقبته إلى الخير...
اللهم إني نذرت لك ما في بطني محررا...
فتقبل مني إنك أنت السميع العليم...
اللهم اصلح لي ذاتي وذريتي...
اللهم استودعتك هذا الجنين فحسن في خلقه وأخلاقه يا رب العالمين..
اللهم اني اسألك هون الطلق وحسن الخلق ..
اللهم آمين

احساس أنثى

10-31-2011, 12:26 PM

حبيبتي حلمي اشوفك ربي يسمع منك على دعائك لأهل فلسطين

وحياكي الله بيننا حتى لو ماكنتي فلسطينيةفكلنا بالاخر عرب وانة واحدة

.................................................. .........

بداية حلم ربي يبارك فيكي على الدعاء

...................................ز

ونرجع ونتطمن على الصبايا ونقولشو استعداداتكم للعيد

يلا كل وحدة تقلنا شو ناوية تعمل حلويات للعيد؟ شوبدها تحط على طاولة العيد؟؟

وشو بدها تشتري؟؟ ملابس؟؟

جارة القمر

10-31-2011, 01:14 PM

السلام عليكم
حلمي اشوفك وبداية حلم بارك الله فيك

لولو في بالمنتدى برنامج لحساب الاشهر بالضبط لكن ما بعرف باي قسم ابحثي عنه بين الاقسام

دمعة شوق دكتورة عسولة حواء رحيق وكل البنات
كيفكم ؟

ان شالله يا عسولة تشغلي عما قريب

وان شالله انبشر بعض الاشهر الجاي بالحمل ههههههههههه بس تنزل دورتي لانها حالفه يمين ما تنزل

بالنسبة للعيد انا مش ناوية اشتري لي لانه عرس سلفي يوم الجمعة ومش ملحقة تحضير الي ولا لابني ولا زوجي
اشتريت فستان للعرس ولابني بدله
ضل زوجي اليوم يشتري

وضل اشتري لابني ملابس للعيد وحذاء

المشكلة اني فصلت لفستاني جكيت عند الخياطة ومش حاببته نهائيا ياربي عجقة وقايمة

والدواء اللي باخده عاملي اعراض انفلونزا ...........

اسفه كلامي كتير لكن بفضفض والله

سما الدنيا

10-31-2011, 01:19 PM

كيفكم يا احلا صبايا
الف مبرو لجارة القمر وعئبال ما تفرحي بابنك واحنا اول المعازيم طبعا ههههههههههه
وكل سنه وانتو سالمين يا رب كل الي هون واخص دمعة شوق ويا رب يعطيكي الي ببالك بالنسبه للعيد الله يخليلنا حمواتنا بيعملن عنا كعك العيد بس علينا ناكل ههههههههههه

حواء مثالية

10-31-2011, 01:46 PM

مسااااااااااااااااااااااااااااء الخير

سوري انشغلت عنكم شوي

بتعرفوا

مبارح كان بجنن اختي خلفت جابت توأم ماشاء الله ولد وبنت بتجننووووووووووووو الله يحميهم يارب

ويرزقني ويرزقكم

عشان هيك كنت عندها كل الوقت

ممممممم انا بشتغل مديرة ادارية ومديرة برامج باذاعة محلية

برداااااااااااااااااااااانة شكله الشتى شرف

شو عاملات عساكن بخير

خطرتلي فكرة بحكيكلكم اياها المسى ان شاء الله تعجبكم

بالنسبة للعيد انا راح اعمل معمول ما في حد بريحني لاحماتي ولا غيرها ههههه ماما بعيدة عني شوي عشان هيك بعمل لحالي بس شاطرة وبعمله زاكي

هلا بالنسبة للاواعي انا راح اشتري الي ولزوجي لسه ما قررت شو بس اشتري بخبركم

كمان بشتري مكسرات وفواكه يعني بتكون الطاولة عامره هههههههههه

بتتفضلوا اكيد

اليوم انا مو رايقة

سما الدنيا

10-31-2011, 02:01 PM

مساء الخير كيفك حواء باينتك ست بيت شاطره مش متلنا لسا اجديد عشغل البيت والطبيخ والنفيخ ههههههههههههه...بدنا اياكي مروئه دايما وعطول...المسا انشالله منشاركك بالفكره...

جارة القمر

10-31-2011, 02:05 PM

ما شالله يا حواء بتعرفي تعملي معمول انا عملت معمول بعيد الفطر تعبت كتير واخر شي طلع طعمة طيب لكن بيتفتفت كتتتير
سما هلا فيك
طبعا الكل معزوم على الفرح

سما الدنيا

10-31-2011, 02:09 PM

تسلمي حبيبتي انا حماتي بتحكي انو يقلل سمنه للمعمول ما بتفتت...انشالله للسنه الجاي ازا ضلينا عايشين لازم اكون اعرف اعملها

حواء مثالية

10-31-2011, 02:19 PM

الله يعيده علينا ونحنا هاديين البال يارب وتكون عيلة كل وحدة فينا كبرانه

الحمدلله كانت طول حياتي رحتلي بالمطبخ يوميا تكون لو اعمل اي شي لازم افوت بعدين لتشربوا الكوكتيل من تحت ايدي انسووووووووووووووووووووووووووووو من الاخر

شو عاملات هلا

انا بعدني بشغلي

سما الدنيا

10-31-2011, 02:34 PM

انا بالبيت بستنا فرجي...ههههههههههههه ..مهو الا ادرس تربية لانو الوظائف عالباب اففففففف اشي بيقهر....اختي كوافيره واتعلمت منها كتير جاي عبالي افتح صالون برام الله وكل البنات الي هون ببلاش اعملهم ههههههههههههههه....بس اشتغل

حواء مثالية

10-31-2011, 02:40 PM

هههههههههههههههههههههههههههههههههههههه

خلص صبايا حددو يوم بننزل على رام الله ومنها بنتعرف على بعض ومنها بنعمل نيو لوك ههههههههههههههه

حواء مثالية

10-31-2011, 02:43 PM

انا كمان المفروض اني معلمة ومخلص دبلوم عالي اساليب يعني على طول لازم ياخدوني بس للاسف صارلي ثلاث سنين مخلصة على الفاضي بنجح بالامتحان

بس اشتغلت بغير مجالي معي دورات كثيرة هاد الي ساعدني

الحمدلله وضعي كويس هلا لو اجاني بديلة بالتربية مش رايحه هههههههههههه جميلتهم على حالهم اذا اجاني تعيين بروح هههه وصلولهم خبر يا بناااااااااااااااااااات ههههههههههه

سما الدنيا

10-31-2011, 02:51 PM

ههههههههههههههههههههههه....انا بكالوريوس وما صحلي الا بروضه وتركتها... اربع اسنين دراسة عروضه ما بقبل يا رب بس ....لا جد بعرف اعمل حواجب واميش واقص واعمل تنضيف بشره بس ما في صالون يعني منتلائا برام الله ومنلائيلنا شي قرنه او زاوية اعمللكم ههههههههههههههههههههههههههه...

حواء مثالية

10-31-2011, 03:52 PM

هههههههههههههههههههههههههههههه

مو غلط المهم نلتقي ما ظني نلاقي وقت راح ننسى حالنا بالحكي

الله يجمعنا على خير يارب

نصف ساعة واغادي دوووووووووووووووووووووامي

سما الدنيا

10-31-2011, 03:53 PM

الله يعطيكي العافيه ...انشالله منلتقى على خييييييييييير

جارة القمر

10-31-2011, 11:57 PM

ما شالله ما شالله ......
شي حلو والله .........حواء تعالي عمليلي شعري يوم الخميس لانها حنة سلفي
هههههههههههه
بالنسبة
لظائف السلطة مو عادلة مرت اخوي معدلها 92 علمي ومخلصة كيمياء +وسنتين
دبلوم وما توظفت لحد هلا وهي متخرجة ب2007
وانا قدمت للسلطة بس ماعملت الامتحان لاني الحمد لله كنت متوظفة بمكان افضل
الله يرزقك الجميع

جارة القمر

10-31-2011, 11:59 PM

حواء شريتي اواعي للعيد حضرتك قلتي انك من بيت لحم ؟شو اسماء محلات اوعي حلوه؟

حواء مثالية

11-01-2011, 11:14 AM

لسه يوم الخميس راح انزل انا وجوزي ان شاء الله ونشتري كل اغراض العيد بما انه اخر يوم دوام كمان

بالنسبة للمحلات في كثير هسه اذا بدك شي رسمي ومرتب وغير شكل تركي وماركات في محلات تنين مستحيل تطلعي منهم الا تكوني مشترية شي بس غاليين شوي في محل اسمو ازياء عيسى هاد بشارع القدس الخليل يعني على الشارع الرئيسي وفي كمان محل هاد دايما انا بشتري منو اسمو الكونكورد concord هاد كمان في شغلات كثير حلوه ولكل الاعمار وعندو فرع احذية انسىي من الاخر هلا اذا بدك سبورت في محل اسمو دلاس على السينما الجينزات عندو بتجنن واذا محتارة وبدك تختاري لفي على الكل ما تنسي سعادة مووووووول اكسسوارات سبورات رسمي عبايات نثريات

في ببيت ساحور قريب من بيتي محل اسمو شتيه فاشن هاد بسحر واذا بدك تكوني مميزة بتشتري من عندو

وفي محل اسمو رملاوي هاد كلشي تركي جلباب عبايات اطقم رسمي هاد جهزت من عندو بجهاز عرسي العبايات والجلبيب وعنده داخلي كمان

هلا في شغلات عملية واسعارها معتدله بالمحالات العادية الي بالسوق مثل ام سكستي وليالينا الاناقة

واذا بدك احذية في بسعادة مول الطابق الارضي محل على الشارع كثير حلو وفي الدحنوس هاد عندو كلشي وكمان النوباني والجوهرة

ممممممممممممممممم طولت صح حافظة كل البلد ههههههههههههههههه

بس انا اذا بدي اشتري شي لمناسبة وما بدي حد يكون مثلي بتعرفي بروح على الخليل ورام الله بيت لحم من كل قطر قطعة هههههههه

بالنسبة للوظيفة خليها على الله كل واحد باخد رزقته بهالدنيا وعشان اطمنكم رافعين سن التقاعد ل 65 يعني الواحد على حفة قبرة بعدين بتقاعد لهيك ما تستنوا دبروا حالكم باي شي هههههه

انسيت اقلكم صباح الخير

احساس أنثى

11-01-2011, 02:49 PM

ماشاء الله عليكم صبايا من ورايا فاتحين قصص هههههههه

الله يوفقكم يارب بس انا زعلانة لأنه بنات غزة مو مبينات شو هالكسل يلي فيهم

وكل عام وأنتم بخير مقدماااااااااااااااا ... ينعاد علينا وعليكم بالخير والبركة يارب

احساس أنثى

11-01-2011, 02:51 PM

حوااااااااااااااااااااااء مثالية

عايزاكي تشاركيني في موضوع سندباد منتديات حوامل

عشان تنزليلنا بنذة وصور عن الضفة ورام الله كل الي بدك اياه عن الضفة والقدس

شو رايك ؟؟؟ ردي عليا على الخاص اذا اه أو لأ ؟؟

لأن الكل شارك عايزين بلدنا تاخد دورها

عسولة فلسطين

11-01-2011, 03:43 PM

مسااااااااااااااااائكم فل يا أحلى صبايا بالمنتدى
كل عام وانتوا بالف خيييييير يااارب، ينعاد علينا وعليكم بهداة البال والصحة والسنة الجاي نكون زاااااااايدين بالعيلة >>أحلى دعوة
ما شاء الله هالقصص والحكي ههههههه
اشتقتلكم لكن بتعرفوا هلأ عجقة ومن هالحكي بطل معي وقت اقعد ع النت بس يصير معي وقت بتلاقوني ع السريع ع الدردشة هههههههه
ما شاء الله حواء ههههههه دعياة واعلان للمحلات
والله انا نزلت السوق واشتريت وعملت شعراتي زبطتهم
والبيت نضيف دايما بس عشان نزلت وكنت بالشهر والشوي اللي حامل فيهم نايمة ع ضهري عشان الدم ما مسكت البيت حساه بده تنضييييييييييييف غير شكل
طمنوني عنكم صبايا>> دمعة ، جارة القمر ، حواء وكل الصبايا ان شاء الله بخير

احساس أنثى

11-01-2011, 03:48 PM

دامك بخير ياعسل انت نحنا بخير الحمد لله

انا بدي انزل بكرة او بعده على السووووووق

احب سوق موسم العيد بتشوفي شغلات جديدة

سما الدنيا

11-01-2011, 03:59 PM

هاي كيفكم صبايا شو عاملين عساكم من عواده قلبتها خليجي....مممممممممم الكل بيحكي عن لبس العيد انا طالعه يوم الخميس يوم السبت بكون صايمه ما بقدر اططلع ورام الله بتكون عجئه وانشالله يا رب ععطلة العيد ازا قدرنا نطلع عبيت لحم بس هاد حسب الهازبند وائفه عليه ههههههههههه ..من اول ما اتزوجت وهوه واعدني ياخدني هناك ما رحت لاني عمري ما زرتها من كل مدن الضفه...

عسولة فلسطين

11-01-2011, 04:12 PM

تسلمي يا دمعة يااااارب
وان شاء الله كلكم بتكونوا بخير
العيد الماضي جبت قهوة عربية ييييييييييعععععععععع
طعمها مقرف هههههه
بدي انزل اشوف بركي رحت ع ديليس اوصيه
أهلين سما الدنيا وانتي من عواده يارب
انا ع فكرة ما كنت حجيب اواعي عيد بس ماما اصرت اروح اجيب وانزل السوق اغير من نفسيتي والحمدلله جبت ههههه

احساس أنثى

11-01-2011, 04:17 PM

انا ماشريت للعيد حلبس من عندي اي شي

بس شريت فستان طويل لفرح بنت عمه لجوزي بكون رابع يوم العيد

سما الدنيا

11-01-2011, 04:18 PM

يالا تتهني فيهم ...كيف الاحوال عندكم بغزه طمنونا عنكم

عسولة فلسطين

11-01-2011, 04:42 PM

يللا مبروك يا دمعة
ابصر قولتك الواحد يلبس شتوي والا صيفي بالعيد ههههههه
الجو متقلب بالبيت برد برة شووووب

احساس أنثى

11-01-2011, 04:46 PM

الأحوال بغزة مية مية الحمد لله استقرت قبل يومين كان في قصف وضرب صواريخ من عنا من قبل المقاومة الحمد لله أحسن خلي الناس تفرح على وجه العيد

والله انا متلك أنا بدي البس طقم ... تنورة وجكيت ... بس هوا ربيعي والمشكلة بالسوق مافي شي اسمه ربيعي ياصيف ياشتا ههههههه

عسولة فلسطين

11-01-2011, 05:04 PM

اه بالسوق يا صيف يا شتا هههههه
انا جبت شتوي لما نزلت هههههههه لنه عجبتني كتير البلوزة
وفيه عندي صيفي كيف ما يكون الجو بنتأقلم معه
الاحوال بغزة الحمدلله صارت منيحة بس صوت الزنانات الله ياخدهم زي الدبانة كانها بتزن فوق راسي
وامبارح ع قناة معا كاتبين انه يتوقع الليلة الرد ع غزة قلت لزوجي الحق الله يسترنا
الله يحمي هالشعب من شرهم يااااارب

احساس أنثى

11-01-2011, 08:18 PM

لا الحمد لله خفت كتير الزنانات عن الايام الماضية

انا بعرف وجودها من التلفزيوووون

ربك بستر والي كاتبه بصير وان شاء الله خير

احساس أنثى

11-01-2011, 09:02 PM

يسعد مساكم صبايا شو بتعملوا ...

أنا باكل بطاطا حلوة .. وبتفرج على عصر الجنون

تفضلوا معي ^_^

جارة القمر

11-01-2011, 10:30 PM

دمعة يا ريتو صحه وهنا انا زوجي اشترى بطاطا حلوة وخربت وانا ما عملتها
ما بحبها

..........
حواء تسلميلي يارب سبحان الله وكائنك كاينه معي بالتسوق
انا درست بجامعة بيت لحم ولي بيت فيها وبعرف بيت لحم تماما
انا شريت فستان عرس سلفي من عيسى سعره 1200 ووالله اني كنت شايفة بالكونكرد فستان
لكن لما اخدت امي معي لتختار بين فستان عيسى وكونكر حبو الفستان اللي عند عيسى .
انا بتعامل مع
شتيا و احذية ميس والدحنوس لكن صندل اللي لعرس سلفي شريته من الاميرة
وزوجي اشترى بدلته من الشلبي على الشارع الرئيسي
وابني اشتريتله من fox
يعني هالشهر اكلت هوا بالمصروف
انا اكتر شي بحب اشتري من عنده ببيت لحم للمكياج السيوري روووووعه

حواء مثالية

11-02-2011, 10:37 AM

صباح الخير يا حلوووووووووووووووووووين الكم وحشة والله العيد راح يبعدنا شوي بس راح كون كل ما اقدر معكم مبارح حطيت برنامج انا وزوجي للعيد فل ما عندنا ولا دقيقة ان شاء الله يكون العيد حلو على الكل والكل يكون فرحان ومسبووووووووووووووووووووووط

مبارح عملت منسف ياصبايا والله اتمنيتكم معي روحت بكير شوي من الشغل واتفننت بس طول الليل سهرانه بتعرفو...........تعبانة شوي بكرا نازله اشتري للعيد مبارح كمان مريت من السوق واعرفت شو بدي اشتري الي ولزوجي طالعين رحلة طويلة يومين على الشمال وراح ناخد شلي على البحر خامس يوم العيد بكون الخمس راح نروح السبت مين طالع على اريحا والشمال بلكي صدفناكم

كل عام وانتو بالف خير وانتو اغلى الناس

جارة القمر

11-02-2011, 11:09 AM

حواء الله يهنيكم يارب .......كيف طالعين على الشمال ؟؟؟ بتقدروا تعملو تصاريح؟

ان شالله انا وزوجي رح نطلع على يافا وممكن ازور نابلس من زمان نفسي

طيب اول يوم العيد شو خططو بالكي نغار منك

حواء مثالية

11-02-2011, 11:24 AM

هلا ياقلبي

ياريت فينا نفوت مناطق 48 قصدي شمال الضفة جنين نابلس طول كرم

اول يوم العيد بتعرفي بكون زيارات وعيدية تاني يوم العيد بجو بنات حماتي وكمان النهار كله بنقضي بمنتزه عندنا ببيت لحم تالت يوم بطلع على اهلي انا وزوجي ممكن نروح منتزه وممكن لا بيت اهلى احلى من المنتزه واروق واكيد فيها حفلة هش ونش رابع يوم راح نتجمع نحنا واصحابنا ونطلع كلنا على سينما القصبة بس لهلا ما عرفت شو بكون العرض يومها

وتاني يوم كلنا بربطة المعلم قولة المصاروة على جنين ونابلس راح نام بشاليهات باريحا على البحر راح نتم يومين بين اريحا ورام الله السبت راح نرجع للبيت الاحد على الشغل ههههههههههه

بتعرفي زوجي شو حكالي مش بخلص الاسبوع تاع الاجازة خلينا نعيدة متت علي ضحك حكيتله بنعيده بالصور مش ضروري نرجع نطلع زوجي بموت بالاجازات بعدها على بداية السنة ان شاء الله بس يخف الشتاء راح نطلع على السعودية عمره باذن الله وان شاء الله هالايام ربنا بكرمنا بصير حمل عشان فرحتنا تكمل والله كثير حابه افرحه بهيك خبر هاد الموجز بعد العيد بشوف شو الصور الي بنفع ينزلوا هون بنزلهم ولايهمكم عن مشواري كله

عيدكم مبارك للمره المليوووووووووووووووووووووووون

حد خطط للعيد مثلي

احساس أنثى

11-02-2011, 11:48 AM

موووووووووووووووووفقة ياحواء وربي يهنيكي مع زوجي

بس اكتر نقطةعجبتني بزوجك انه ينزل معك السوق

أنا مستحيل ينزل زوجي معي لاسوق خاصة موسم الاعياد بكون زحمة بتخانق مع السوق كله ههههههه

وانا مابحب اخده مابعرف يفاصل لو قله الف شيكل بدفعهم وبطلع ههههههه

.................................................. ..............

احنا أول يوم عيد الأهل بيجوا عليا وعلى دار عمي وتاني يوم حروح عند اهلي بالليل وابات لتالت يوم

طبعا حروح العصر تالت يوم لأنه عنا حنة بنت عم زوجي ورابع يوم الفرح

بس بالاعياد بنطلع تالت يوم رحلة على خانيونس والدير والجنووووب مع عماتي وأعمامي وأهلي

ياسلام العيد هاد رات علينا عشان لافرح *_*

جارة القمر

11-02-2011, 12:08 PM

الله يفرحكم يا بنات ويهنيكم
يارب:.......
ما شالله عليك يا حواء ......

والله يتمملك فرحتك وتحملي وكل الصبايا وانا كمان ههههههههههه

احساس أنثى

11-02-2011, 01:27 PM

الله يسمع منك ياجارة القمر ياااااااااااااااااااااارب

بهاد الشهر كلنا نكون حوامل

حواء مثالية

11-02-2011, 01:27 PM

الله يسعدكم يارب ويخليكم

نسيت احكيلكم طالعين ليلة العيد بعد ما نفطر انا وهو وصحابنا ناويين انشاء الله نصوم وقفة عرفات الله يقبل من الجميع يارب راح نطلع نتمشى جو بيت لحم بالاعياد بجننننننننننن

الله يهني الجميع يارب ويهدي سرنا ويبعد عنا كل مكروه يارب

الله يسعده زوجي بنزل معي على السوق عشان ما بخليني انزل لحالي ممنوع بغار علي كثير بتعرفي بهيك اجواء مابحب اكون انا واياه لحالنا ما بتحكم بحاله بكون ماشي ويقاتل بالارض ههههههههههههه بس حلوه غيرته لو كان لا مبالي كان انجلطت

حواء مثالية

11-02-2011, 01:29 PM

امين يارب الله يكمل فرحتنا ياكريم

حواء مثالية

11-02-2011, 01:31 PM

بنات بدي اقص شعري بدي قصة قصيرة

شو رائيكم الي عندها فكرة لقصة قصيرة تجيبها هون بكرا نازلة على الصالون

حواء مثالية

11-02-2011, 01:33 PM

هاي قصة العيد الي فات

http://t2.gstatic.com/images?q=tbn:ANd9GcSVCwHU-xq1amJyua61NNPHBxU9EV-2--To0KypsTpQkYEslw_e_qIV9dZw

سما الدنيا

11-02-2011, 02:41 PM

http://t2.gstatic.com/images?q=tbn:ANd9GcQxwiAakqdbYAaA__ch4ttCZ564z9J33 WMwHwUXF2x0XFR5niGF

هاي احلا قصة بشوفها قصيره ..ازا بدك اتقصري ما اتقصري اكتر من هيك لحتا يناسب عمرك كل ما كان الشعر اقصر كبر باالعمر بس انصير بالتلاتين منقصروا هههههه لسا بدري ..واكيد كل شي عليكي حلو تقبلي النصيحه...انا طالعه عاريحا انشالله مع اهلي عسيستيا بس ما رح انام ..ومع زوجي انشالله عبيت لحم هيك صار الحكي بس ازا ما غير رئيو....كيفكم صبايا نسيت ارد السلام ...مش رح نفتح النت من هاد اليوم لتخلص العطله كلها ..بكره طالعه اشتري انا وزوجي ..والجمعه بدي انفض البيت نفض بس الله يكون بعوني لانو ما بدي اتعب حالي..والسبت كمان طالعه نفطر بره والاحد كل سنه وانتو سالمين بنبلش بالطشات هون وهون..موفئين

حواء مثالية

11-02-2011, 03:32 PM

بشوف شو بطلع معي بس والله شعري مغلبني بقصرة كل فترة عشان يتحسن صاير خفيف شوي هلا بغلبني عشان الشتا بتعرفوا الحمام وهيك الشسورا ما عندي وقت كثير عشان شغلي بضل بردانه من الله انا حابه اقصرة لعند الكتف قصة قصيرة مشفرة هو ناعم كمان بجي معو هالشي لشوف شو بطلع معي ان شاء الله يكون كلشي تمام

احساس أنثى

11-02-2011, 07:38 PM

يختي انتي ئمر ياحواء من غير هالواسطة ^_*

جارة القمر

11-02-2011, 10:54 PM

حواء-مالك غير صالون غريس ببيت جالا بدون ما تختاري القصة قليلها
بدي شي يلبقلي بتطلعك متل الفنانات

عسولة فلسطين

11-03-2011, 01:44 PM

كييييييييفكم صبايا
طمنوني عنكم
وان شاء الله تكونوا خلصتوا ترتيب وشرية >> هلأ الكل معجووووووووق مش عارفة ليش
رغم انه البيت بيكون نضيف بس لازم للعيد هية هههههههههههه

احساس أنثى

11-03-2011, 02:32 PM

ههههههههههه

انا شايفة البنات بطلوا يبينوا الكل مشغول

لكن انا فاضية هههههههههههههه

حواء مثالية

11-03-2011, 08:12 PM

سلام عليكم

كل سنة وانتوا اغلى الناس

ميته تعب هاي وصلتي من السوق هلا بدي اريح شوي برجعلكم

عسولة فلسطين

11-04-2011, 12:12 AM

هههههههههههه
والله انا اليوم خلصت ترتيب
بس حاسة كلي مكسررررررررررررة
يعطيكِ العافية حواء

حواء مثالية

11-04-2011, 10:13 AM

تسلمي ياقلبي
\
بعين الله بس حلو العيد والشي بستاهل

جمعتكم مباركة

جارة القمر

11-04-2011, 01:56 PM

مرحبا
امبارح كانت الحنة لسلفي واليوم العرس تفضلوا
وكل سنه وانت سالمين

أصعب شعور بالشتا :")
,
,
,
,
... ,
,
,
,

تكون قاعد على هالكنبايه ودفيان ،
ومتلحف بهاللحاف الدافي ومشغل التلفزيون ، وكاسه الشاي بأيدك وكل أمورك تمام

ولا أنك تتفاجئ أنه الريموت بآآخر ما عمر الله ،

Dr.Reem

11-04-2011, 07:27 PM

مساء الورد والياسمين مسااااء الحب والوئام ع عيون احلى صبايااااا كل سنة وانتم سالمين وينعاد عليكم بالخير واليمن والمسرات أضحى سعيد يارب كيف الجميع؟؟؟

احساس أنثى

11-04-2011, 09:34 PM

هههههههههههههه

ضحكتيني ياجارة القمر

خلي زوجك يعطيكي اياه انا هيك بعمل بتمسكن بحزن بقوم بناولني الشغلة هههه

اشتقنالك يادكتورة ريم وين انتي

عيد اضحكى سعيد على الجميع

Dr.Reem

11-04-2011, 09:51 PM

تشتاقلك العافية ياحياتي

حواء مثالية

11-04-2011, 10:37 PM

يسعد مساكن يا حلوات كيفكم
ضحكيتني جارة القمر والله بتحصل كثير معي يا بقرر اني ما احضر يا بروح بجيبه بعنيني الله بحاجته شو بدنا نعمل

عيدكن مبارك حد ضل علي شي للعيد انا فنشت بكرا ربع ساعة على محل المكسرات والقهوة بس وكلشي تمام اليوم غيرت بديكور البيت شوي شعري طلع بجنن رحت عند غريس بجد انها من الاخر قصيته قصة قصيرة بجد طلعت روعة كنت مترددة بس النتجية من الاخر

برداااااااااااااااااااااااااااااااااااااانه كثير انا شكلها الشتوية غير شكل السنه

الله يجيب الخير يارب

يا بنات بدي اعمل مخلل زيتون اول مره بعمله حد عنده فكره على مقادير الملح والليمون الو الي بتعرف تقلي الله يسعدكن اليوم دقيت الزيتون ونقعته بده ثلاث ايام بدي يزبط بلاش حماتي تشوف حالها علي بتقول زيتونها غير شكل وحماي الي هو ابو زوجي بقلي عمتك ما بتعرف تعمل الزيتون بديش اعك وتطلع هي خبيرة بتعرفن الشماته بعدين هههههههههههههههههههه

Mss Hassan

11-05-2011, 02:57 PM

اليۆم يوم عرفه . . ♥

تذگرۆٱ خير ٱلدعٱء
في يۆم عرفھّ :
" لا إله إلا الله ،
وحده لا شريك له ،
له الملك وله الحمد ،
وهو على كل شئٍ قدير"

ثمّ ٱجمعۆٱ بعثرھّ ٲحزٱنگم
ۆتهيؤوٱ لٍـ ٱلعيد . . ♥

¸ ۆٱستبشرۆٱ خيراً . . ♡

جارة القمر

11-05-2011, 05:48 PM

شو بنات كيف لصيام؟
طول اليوم وانا مش قادرة اقوم مو من لصيام
لي فترة بعاني من اثار انفلونزا

شو عملتوا فطره ...........

انا امبارح عملو بيت حماي قدر وزاد عندي كتير سخنته مع شوربة
وسلطة ولبن واكيد كولا

حواء مثالية نعيما انا غريس هي الوحيده اللي كتير بحب شغلها انا امبارح الجمعة كنت عندها الساعة 2ونص عملت شعري .......والمكياج عند سهام ببيت سحور
اليوم جايه على بيت لحم بعد المغرب اشتري سجاده واغراض انا وزوجي

احساس أنثى

11-05-2011, 07:00 PM

ربي يهنيكم جميعا

وكل عام وانتم بخير

ان شاء الله مابيجي العيد الجاي الا وكل وحدة منا ربنا رازقها ببيبي حلو

انا ما حشوفكم الا على الخميييييييييييييس

سي يوووووووووووووو

جارة القمر

11-06-2011, 02:10 PM

وانت بالف خير دمعة شوق يلا تتهني ومشكورة على الدعوة الحلوه متلك
شو بنات وينكم....؟؟
ههههههههههههه لحم لحم

حواء مثالية

11-07-2011, 10:05 AM

سلام عليكم

عيدكم مبارك اول يومممممممممم كان كثير حلووووووووووو

كثير مشتاقلكم اليوم بيتنا فل راح يكون بنات حماتي جايات

يومي طويل بس اكيد راح يكون حلووووو قلت اجي اصبح عليكم والف لفة بالمنتدى

احساس أنثى

11-07-2011, 10:51 AM

منوريت ياصبايا ربي يجعل ايامكم كلها اعياد

مين ضحى ؟؟ فيكم ؟؟

احنا عمي ضحكى بخروف وجوزي وسلفي شاركوا معه ..

بس بتضل للكبير عمي هههههه

انا الليلة عند اهلي لبكرة يعني حشتاقلكم كتتتتتتتتتتتتير

جارة القمر

11-07-2011, 01:36 PM

حواء حضرتك ساكنة مع بيت حماك.؟

دمعة رح نشتاقلك الله يهنيك سلمي على اهلك ههههههههههههههه

انا اليوم رايحة انا وزوجي على بيت اهلي معزومين عندهم ..........
ورح نزور دار سيدي ...........
وبكرا احتمال انروح على اريحا

جارة القمر

11-08-2011, 02:54 PM

مرحباااااااااااااااااااااا
ما شالله ما شالله بجد مشغولين

MALAK2010

11-08-2011, 07:03 PM

ادخلوا شاركونا فى مسابقه لبس العيد للاطفال

http://forum.hwaml.com/t81043.html#post1621953 (http://forum.hwaml.com/t81043.html#post1621953)

جارة القمر

11-08-2011, 09:12 PM

يا بنات معدتي دبحتني ..........انا مريضة ومو طايقة نفسي

نبض قلب

11-08-2011, 09:26 PM

مالك اختي جارة القمر من غير شر شو مالك ؟؟

جارة القمر

11-08-2011, 09:33 PM

نبض قلب شكرا على اهتمامك
انا كتبلي الدكتور حبوب تنزيل الدورة وشاكه انه هالاعراض منها الم بمعدتي
وضيق ........وغثيان ...........الله بعين

المهم كل عام وانت بخير

احساس أنثى

11-08-2011, 10:48 PM

طيب يعين مانزلت لسى عشان هيك تعباكي؟؟

طيب ارجعي للدكتورة واحكيلها الحبوب ماجابت معي نتيجة

ربي يرفع عنك ماتشوفي شر حبيبتي

جارة القمر

11-10-2011, 12:24 PM

صباح الخير يا دمعة ان شالله انبسطي بالعيد

انا والله اليوم عندي دوام بس ما رحت مو قادرة هلا طالعة للدكتور ...........

احساس أنثى

11-10-2011, 10:04 PM

الحمد لله العيد حلوة بشوفة الحبايب

وبتواصلي معكم

ان شاء الله تطمن بالك ربي يرفع عنك

وينكم ياصبايا ؟؟؟ شو بتجهزوا لدوامكم ولا شو اخباركم ؟؟

وينك عسولة فلسطين ؟ والدكتورة ريم ؟؟ وحواء مثالية ؟؟

وبقية لاصبايا ؟؟

Dr.Reem

11-10-2011, 10:45 PM

مساء الخر عالجميع كل عام وانتم بألف خيرررر وحشتوني كيفكوا ياحلوات ,,, كيفك دمعة شوووق ؟؟؟

Dr.Reem

11-10-2011, 10:51 PM

سوري صباياااا مساء الخيررر والبسمات

احساس أنثى

11-11-2011, 12:21 PM

بخير الحمد لله بدي تكونوا مبسوطين

جمعة مباركة يااحلى صبايا صبايا فلسطين

يلا انتهت العطلة جهزوا للدواااااااااااام والشغل

الا أنا فاضية اشغال هههههههههههه

طول السنة مأجزة

Dr.Reem

11-11-2011, 08:24 PM

مساء الورد ههههههه وانا كمان مأجزة طول السنة فاضية اشغال وطفشااااااااااااااااااانه

جارة القمر

11-11-2011, 08:58 PM

مساء الخير يا بنات كيفكم.........

والله يا بنات بيصير معي اشياء ما كنت اتصورها .......
ان شالله رح احكيها ........لكن مو هالفترة لشوف النتيجه

لا اله الا انت سبحانك اني كنت من الظالمين

بنات رحنا 3 يوم العيد على نابلس ......ما عرفنا فيها شي وروحنا لكن انبسطنا

يلا قولوا كيف قضيتو العيد ؟!

Dr.Reem

11-11-2011, 10:18 PM

مساء الورد ووالياسمين احنا تمام انتي كيف ياعسوله شو عم يحصل معك انا عرفت خليها سرررر هههههههه ,,,امممممممم احنا اول يوم قضيناه عند الاهالي بعد ماضحينا وافطرنا بلشنا زيارات وبليل شويناااا وسهرناااا وتاني يوم طلعنا عالحدائق وتالت يووووم بالمولاااات بسسس كتيررر انبسطناااا

حواء مثالية

11-12-2011, 09:48 AM

السلام عليكم ورحمة الله وبركاته

الله يسعد اوقاتكم ويحلي اعيادنا واعيادكم ويجعلنا من مقيمي الطاعات والمذكورين بالسموات

حبيباتي كثير اشتقتلكم انا عيدي كان بجنن بكل لحظة في الحمدلله اليوم اول يوم دوام انا بشغلي هلا

والله ما حبيت تخلص الاجازة على قد ما هي حلوه الله يخليلي اياه زوجي يارب ويجعلني قرة عينه بجد ايام ولحظات لا تنسى

انا مو ساكنة ببيت حماتي انا وهي بنفس العمارة شقتين جنب بعض

احلى شي بالاجازة كانت رحلتنا على الشمال واكثرها الوقت الي قضينا باريحا تمنيتكم معنا روحنا الجمعة العصر بتعرفوا شو الحلو الواحد يطلع مع اصحاب احلى واحسن بكفي بكونوا جيل واحدا نحنا طلعنا ثلاث عائلات اصحاب زوجي ونحنا كلنا متزوجين جديد بس هم قبلنا بسنة تقريبا

كثير انبسطنا الحمدلله

شو كان عندكم شي مميز بالعيد

سما الدنيا

11-12-2011, 02:18 PM

كيفكم يا احل بنات............

حواء مثالية

11-12-2011, 03:14 PM

هلالالالالالالالالالالالالالالالالالالالالالالالال الالالالالالالالالالالالالالالالالالالالالا

جارة القمر

11-12-2011, 07:09 PM

http://forum.hwaml.com/t81561.html#post1630820

بنات ادخلو على الرابط هذا اللي حصل معي

جارة القمر

11-13-2011, 09:55 AM

صباح الخير .......يا صبايا كيفكم!!!!!!!!!

حواء مثالية

11-13-2011, 01:00 PM

جارة القمر مبررررررررررررررررررروك ياعمري الله يتمملك على خير يارب

افرحتلك من كل قلبي

احساس أنثى

11-13-2011, 02:16 PM

بس هيك بدها حلوان مرتب يلا شو بدك تعطينا ؟

حواء مثالية

11-13-2011, 02:55 PM

دمعة كيفك يا عسل شو اخبارك

احلى حلوان انها ارتاحت والله واكرمها هاد بالنسبة الي

فرحتها بالدنيا والله دمعت لما قرات موضوعها

انا بحلي عنها شو بدكم اطلبوا واتمنووووووووووووووووووووووووووا

سما الدنيا

11-13-2011, 03:02 PM

الف مبروووووووك وعقبال كل البنات الي بالمنتدى يا رب...بنات ادعو لاختي عملت اليوم حادث بسيارتها عطريق نابلس وهيه حامل بالتامن وانا والله صعب اوصللها ادعولها الها ولجنينها يا رب كل خير ..حكولي انو اختي ضهرها اكتر اشي بوجعها والبيبي الحمد لله امنيح بس صايره معها تقلصات دعواتكم يا بنات

عسولة فلسطين

11-13-2011, 06:02 PM

كل عام وانتم بالف خييييييير يا أحلى صبايا ولو انها متأخرة مني شوي هههه
بس جد ما فضيت الا اليوم
وكتييييييييييييير مشتاقة لكم
يارب تكونوا بأحسن صحة وحال
الف مبروووووووووووووووووك جارة القمر الله يتمملك ع خير حبيبتي والله فرحتلك من قلبي
الله يثبتلك حملك ويقر عينك بشوفته
كيييييفك دمعة مشتاقة لك يارب تكوني بخير انتي وحواء وكل هالصبايا
سما الدنيا الحمدلله ع سلامتها والله يقومها سالمة هي والبيبي وربنا يكون معها

احساس أنثى

11-13-2011, 11:13 PM

هلا عسولة احنا مشتاقينلك اكتر والله

سما الدنيا ربي يرفع عنها ويطمنك عليها ياااااااااااااااااارب

حواء مثالية

11-14-2011, 09:57 AM

سما الف سلامة على اختك يارب ان شاء الله تكون منيحه هي والبيبي

صباحكم قرنفل صبابا مشتاقلكم

احساس أنثى

11-14-2011, 01:04 PM

صباح القشطة والعسل والورد والفل والياسمين والنرجس على احلى صبايا

صبايا فلسسسسسسسسسسسسسسسسسسسسسسسسطين

حواء مثالية

11-14-2011, 01:13 PM

ممممممممممممممممممممممممم

هاتو شي نحكي في يا بنات

سما الدنيا

11-14-2011, 01:56 PM

احلا صباح انا هلاء صحيت من النوم كيفهم احلا البنات يسلمو يا بنات اختي الحمد لله امنيحه والبيبي كويس اليوم بتروح ...بس ابصر مالي صايبني احباط بدون سبب وتعبانه وماله اووووف ..شو الحل يا بنات...لحد هاء ما افطرت هلاء البيبي بيزعل مني بدي اروح اغذيه وارجع هههههه..برجعلكم تراتني اله وحابه اقضي كل وقتي هون

جارة القمر

11-14-2011, 02:21 PM

يا الله ما احلاكم ..........الله يخليكم لي اعز خوات وافرحلكم متل ما فرحتولي يااااااااارب

حواء سما عسولة دمعة شوق حبايبي الله لا يحرمني منكم .................

سما الف الحمد لله على سلامة اختك والبيبي الله يحميهم ...........

يلا لازم انكون كلنا حوامل يارب ..........ونفرح مع بعض
انا اول ما خبرت زوجي قعد يبكي ونفس الشي حماتي الحمد لله
حواء بتصدقي على اي دكتور اجيت؟؟؟؟اجيت على الدكتور بهيج بيت لحم رووعه

سما الدنيا

11-14-2011, 02:42 PM

الله يتمملك على خير جارة القمر ورح تكمل فرحتنا بانو نسمع كل البنات حوامل والله يرزقنا الذرية الطيبة يا رب ....الدعوه بظاهر الغيب مجابه وانشالله دعواتنا دائما النا والكم....

حواء مثالية

11-14-2011, 04:31 PM

هلا يا حلوات

اي جارة بعرفوا لهاد الدكتور بس انا لسه ما رحت الا كشف عادي عند دكتور من عيلة زوجي والحمدلله ما عندي شي ان شاء الله هالشهر الله يريح بالي والله حابة كثير افرح زوجي
بعدين في سر خبيته عن زوجي عشان تزبط المفاجئة ان شاء الله الله يحن علي ويخليني احقق هالامنية موعد دورتي ب 19 الشهر وهو بعرف انها 20 انا قلتله اذا ما اجت ان شاء الله بعمل الفحص ب 21 او 22 انا باذن الله راح اعمله ب 20 اذا ما اجتني ب 19 هي منتظمة عندي الحمدلله ادعولي يا بنات

سما الدنيا

11-14-2011, 04:39 PM

ان شاء الله يا حواء الله يحققلك الي ببالك وتطلعي حامل يا رب

حواء مثالية

11-15-2011, 11:15 AM

الله يسعدك ياقلبي ويعطيكي حتى يرضيكي

وينكم صبايا مالكم العيد خلص

مشتاقلكم

سلامي للكل

عسولة

جارة القمر

دمعة

سما

دكتورة ريم

وكل الصبايا

سما الدنيا

11-15-2011, 01:04 PM

سلامي لاحلا صبايا كيفكم
بنات انا اليوم لاول مره رح اعمل فطاير سبانخ ادعولي تزبط
وزبطن ولا ما زبطن الكل معزوووووووووم
هههههههههههههههه
حماتي بعيده شوي عني بدي اضطر اعمل لحالي جاي عبالي شو اعمل

سما الدنيا

11-15-2011, 01:27 PM

يا بنات هلاء اخوي بيتصل عليه حاجز عرسو وحنتو 20 الحنا
21 العرس
وبنت حماي حناها ب20 برضو والعرس ب22
طيب انا شو خصني هاي بتتصل عليه واخوي بيتصل عليه انو حد منهم ياجل طيب مهوه اخوي حاجز الصالات والمغني ودافعين العربون وبنت حماي نفس الشي حاجزة الصالون وكل شي برضو..طيب بصير ما احضر حد منهم وجوزي بموت عالسهرات ومستني لتيجي حفلة اخوي لانو جايب مغني من الاخر عرئيو وبنت حماي عامله حنة نسوان طيب التاني جوزي اتصل ومعصب عليه هلاء طيب انا شو خصني ال ليش ما نسقت معهم ..اوف طولت عليكم بس شو اساوي والمشكله اهلي ببلد وبنت حماي ببلد..انا مني عليه اخوي ابدا بس جوزي ما بصير ما يحضر اختو وهوه كمان حابب يجي عالسهره بنجن ازا ما حضرها شو اعمل والله بشكي همي...

حواء مثالية

11-15-2011, 01:34 PM

هلا سما الله يكون بعونك يارب

اسمعي احضري ساعة من سهرة بنت حماتك وروحي على سهرة اخوكي باقي الليل وتاني يوم احضري لاخوكي وابعتي ورد لبنت حماتك جوزك يقسم حاله نصين يطلع اخته ويوصلها الصالة ويحضر ساعة من عرس اخوكي

بعينكم الله

سما الدنيا

11-15-2011, 01:46 PM

لا بس الحنا فيه اعتراض بنفس اليوم عرس بنت حماي بكون اخوي عرسو مخلص لانو عرسو21
وبنت حماي22
بس الحنا ب20 التنين الله يعيني ....هوه عرسي انساني منهم خليني افكر بفطاير السبانخ كيف بدهم يطلعو بس ابلش فيهم ههههههههههه ميته علا ما اوكل سبانخ ههههههههههههههههه

حواء مثالية

11-15-2011, 02:10 PM

هههههههههههههههههههه الله يسعدك يارب اجي اساعدك فيهم انا شاطرة وسريعة فيهم

ممممممممممممم جوعانة احسبي حسابي كيف ما طلعوا راح نوكلهم ما تخافي

الله يديم الفرح عندكم يارب

سما الدنيا

11-15-2011, 02:18 PM

تسلمي يا ربي والله يديم الفرح عندك كمان يا حواء...ولو معزومه بدون ما تحكي بس يا رب يزبطو ...لسا بس يخمرو بستنا فيهم...شو رايك اخد رايك وراي البنات كمان بشغلة انا ساكنة ببير زيت وصحلي شغل برام الله بس مش بنفس البلد يعني بركب مواصلتين لحتا اصل الشغل وانا هلاء حامل بالخامس واول حمل الي الله يكتب الحمل للجميع بتنصحوني اشتغل ولا كيف ..انا بصراحه حابه لانو ماله كتير وبرضو الراتب كتير كويس بس انو خايفه عالبيبي بالطلعه شو تنصحوني ...

حواء مثالية

11-15-2011, 02:30 PM

ياقلبي انتي اذا حملك كويس والدكتورة طمنتك ما تقلقي الشغل كويس منها بتتسلى ومنها بتحسني وضعك

اذا حابة انتي كمان تشتغلي والشغل مو متعب ما فيها مشكله

سما الدنيا

11-15-2011, 02:38 PM

تسلمي حبيبتي انشالله خير انا استخرت كمان ازا منيح اشتغل فيه....اصلا انا ماله كتير من كتر الملل بضل نايمه ل12 ووبفطر متاخره وبفعد مرات هون عالنت بعدين ببلش اطبخ واشتغل مليت بدي اغير روتين حياتي انا ما بحب الحشره من يوم ما اجوزت الي تفريبا سنه وشهرين مجوزه وانا حاسه حالي محشوره اشتغلت تلت اشهر بروضه وتركتها لانو كشغل ما عجبني ..والي 8 اشهر قاعده ما بطل الا عبيت حماي او عاهلي والطلعات مه جوزي مش كتير لانه حسب شغلو يعني ملل بملل...الله يعينا بس

سما الدنيا

11-15-2011, 02:45 PM

ومشكلتي اني موسوسه كتير عالبيبي الي ببطني الله يخليلي اياه والله تاعبني هاد الاشي يعني يمكن خوفي عليه يخليني اتردد واترك الشغل ..بتعرفي عشان البيبي بلش حركه ببطني الو اربع اسابيع ما شاءلله بحس بحركتو ازا مر يوم وما اتحرك بتنكد وبنكد عزوجي وبنجن مني والله مش عارفه شو اعمل وبس يتحرك بصير منيحه مع زوجي يعني اضحك بوجهو ...والحل مش عارفه انا لاشوف ابني بين احضاني يمكن ارتاح انشالله يا رب الله يتمملي علا خير بس حرام الي بعملو بحالي بس غصب عني يا رب..يمكن لتجربو الحمل انشالله يا رب عن قريب اتصيرو متلي......

عسولة فلسطين

11-15-2011, 02:59 PM

يسعدلي اوقاتكم ياااارب
كيفكم
هههههههههه ان شاء الله السبانخ طلع منيح
سما حبيبتي ماتقلقي ع البيبي توكلي ع الله واستودعيه ربنا وخلص الله يتمملك ع خير وتشوفيه بين عينك سليم معافى يارب
تفضلوا صبايا عاملة شوربة عدس عشان الدنيا برد بتدفينا

حواء مثالية

11-15-2011, 03:01 PM

الله يهونها عليكي ياقمر ما تحميلها زيادة يمكن عشان اول حمل انتي هيك

الله يتمملك على خير والي في خير الك الله يعطيكِ اياه

حواء مثالية

11-15-2011, 03:02 PM

انا ليوم بدي اطبخ مقلوبه تفضلوااااااااااااااااااااااا

سما الدنيا

11-15-2011, 03:02 PM

هلا عسولة ..صحتين علا قلبك يا رب زاكية شربة العدس بالشتا خلص يمكن بكره اعملها. بس انا لسا العجينه ما خمرت بس تجهز ببعتلكم من عيوني..ومتوكلين عالله ونعم بالله .....

حواء مثالية

11-15-2011, 03:03 PM

عسولة منووووووووووووووووووووووورة

كيفك شو اخبارك

احساس أنثى

11-15-2011, 08:30 PM

صحتين وهنا على قلوبكم

ماشاء الله عليكم

انا مابطبخ حماتي بتطبخ ^_* اخر دلع اه

عسولة فلسطين

11-15-2011, 08:37 PM

هلا حواء
الحمدلله تمام هينا بخير
الله يديم علينا كلنا الخير
ههههههههههه بيلبقك يا دمعة الدلع هههه الله يسعدك ويوفقكم مع بعض بس وقفي جنبها وتعلمي الطبخ محسوبتك مابعرف اطبخ شي وبشقة لحالي انا يا بتصل ع ماما يا ع حماتي اسأهم طرق الطبخ يا بسأل زوجي ههههههه ما شاء الله هو اشطر مني
فلهيك استغلي انه حماتك بتطبخ واكتبي الطرق تبعت طبخها

aaaammaall

11-16-2011, 12:48 AM

انا جديدة في المنتدى وانا من غزة ومفيمة فى ليبيا وحامل في الشهر الثاني واتمنى منكم النصيحة ولكم مني كل التقدير

عسولة فلسطين

11-16-2011, 01:52 AM

أهلا فيكي بينا
وان شاء الله ربنا يتمملك ع خير يااارب
ما شاء الله البنات كتير قريبين للقلب حتنبسطي معهم ان شاء الله

احساس أنثى

11-16-2011, 10:57 AM

صبايا اليوم يوم ميلادي بس مابعرف كم صار عمري ههههههههههه

لا سرت 24 كبرنا هههههههه

حواء مثالية

11-16-2011, 11:36 AM

السلام عليكم ورحمة الله وبركاته

دمعة شوووووق

http://forum.hwaml.com/imgcache2/hwaml.com_1321432610_603.gif

http://forum.hwaml.com/imgcache2/hwaml.com_1321432611_426.gif

لا احلى دمعة شوووووووووووق

http://forum.hwaml.com/imgcache2/hwaml.com_1321432611_980.gif

عقبال 120 ياقلبي

ان شاء الله بتقضيهم بهنا وسعادة وتكوني بينا ونعيدك كل سنة

هدية بسيطه مع بوسة hwaml51hwaml51hwaml51 هدول ثلاث بوسات ههههه يالله عيشي

http://forum.hwaml.com/imgcache2/hwaml.com_1321432609_848.jpg

كل سنة وانتي اسعد الناس

اختك

حواء مثالية

حواء مثالية

11-16-2011, 11:40 AM

aaaammaall
هلا وغلا فيكي ياقمر نورتي منتدى حوامل وقسم دردشة فلسطين

ان شاء الله تفيدي وتستفيدي

عرفينا على حالك اكثر

اسمك تعليمك يعني نبذة عنك عشان نعرفك

بنات الي عندها سؤال ما تستحي تتفضل تسال

منورة ياعسل

احساس أنثى

11-16-2011, 01:04 PM

تسلميلي ياحوااااااااااااااااااااااء

جد احلى هدية الي تهنئتك ليا

ماانحرم من هالصحبة يارب

بس طلعت مكبرة حالي عمري 23 انا شكيت برضو اني لسى صغيرة ههههههه

جارة القمر

11-16-2011, 01:14 PM

http://t0.gstatic.com/images?q=tbn:ANd9GcTdO7r5d7uO-YFBSegt02IGWGOyGP6VxDaP8VCaSrfpuwfxOVM2

عقبال ال120 يا احلى دمعة يارب

سما ........كيف السبانخ اللي يومين باكل فطاير سبانخ كتير زاكي بس مو انا عملتهم مرا حماتي ومره امي

المهم بالنسبة للعرس انا بقول تجهزي نفسك وتروحي على بيت حماك وتحضري وبعدها روحي على اهلك وهيك زوجك لانه ما توقع انه ببيت العروس في سهرة بتطول للرجال
وبالنسبه للشغل اوعك اوعك تخلي الفرصة تروح عليك حتى لو اول حمل لك
اول 3 اشهر بتكون مرحلة الحمل بدها اهتمام بعدها ان شالله ما في خوف
وبالنسبه لحركة البيبي
ازا بدك يتحرك اضربي باصابعك بشكل خفيف كتير على بطمك
او
كلي شوكالاته على طول بصير ينطنط

والله يا بنات معدلات
حواء كيف المقلوبة انا االيوم بدي اطبخ باميا على لحمة

اتفضلوا

amaalهلا وغلا فيك بينا

حواء مثالية

11-16-2011, 01:41 PM

والله طلعت زاكيه كثير زوجي بموت فيها لما احتار شو بدي اطبخ بعملها على طول

دمعة كل العمر الك حبيبتي

جارة الك وحشة طمنينا عنك

صبايا باقي على دورتي يومين

ادعولي

جارة القمر

11-16-2011, 02:06 PM

حواء يا رب يا حنان يا منان انك تكوني حاااااااااااامل يارب والله من قلبي بدعيلك
وتلحقك بالحمل دمعة
يارب

هيني بستنا معك دورتك وان شالله ما تشوفيها الا بعد 9 شهور

انا بقول حواء ما تحليلي على طول استني الله بعينك 3 ايام وحللي دم افضل من البول
على العلم انه حملي بان بالبول وما ضهر بالدم طبعا انا حاله شاذه ههههههههههه

حواء مثالية

11-16-2011, 03:00 PM

ان شاء الله يارب هي منتظمة عادة الله كريم الله يسمع منك يارب

aaaammaall

11-16-2011, 04:59 PM

"اللهم يا من أمسكت السماء أن تقع على الأرض وهي بلا عمد، أمسك ما في رحمي، وأتمم له على خير".
- "اللهم صوِّره في أحسن صورة ونجِّه من كل تشويه ومرض
منورين يااحلي صبايا اسمي امل وخريجة مختبرات طبية واسكن حاليا بطرابلس بليبيا ومبسوطة كثير اني اتعرفة عليكم وبدي منكم تدعولي ولجميع الحوامل باهي طبعا هدا كلمة ليبيا معناها اوكى

سما الدنيا

11-16-2011, 06:13 PM

مساء الخير يا احلا صبايا
دمعة شوق ..كل عام وانتي بالف خير عقبال ا50 سنه
حواء كيفك وشو عامله انا من كتر البرد ضليت عالتخت ما رضيت اقوم كسلت مع انو والله كمان امفلوزه كتير...ونشالله يا رب منسمع انو انك حامل هاد الشهر يا رب.
عسولة كيفك يا امر يسلمو عرايك بتعرفي انا ناويه احضر شوي عند بنت حماي واروح عالسهر انا وزوجي .
وجارة القمر كيفك وكيف حملك انشالله يتمملك علا خير
واهلا وسهلا بالضيفه الجديده انشالله بتكوني اخت لالنا... ما اكون نسسيت حدا مراحب كوميات لكل الصبايا...
وبالنسبة للسبانخ ماشي حالهم زبطن يعني بالنسبة لاول مره مني من الاخر صح ..مس يوووووو

عسولة فلسطين

11-16-2011, 11:52 PM

دمعة شوق،،،
ان شاء الله ياااارب عيد ميلاد سعيد حبيبتي لك
ويااااااااااااااارب ما تنتهي هالسنة الا وتكوني حامل ونفس هاليوم تكوني ماما يااااااااااااارب
ويسعدك انتي كل هالصبايا المنورين
معلش ما بعرف انزل صور بالتعليق والا كنت حنزلك أحلى كيكة هههههه اعتبريها وصلت
-----------
ان شاء الله حواء يارب ما تشوفي دورتك وتكوني حامل ونعملك احلى حفلة هون
-------------
جارة القمر ،سما الدنيا كيفكم يا حلوييين؟؟
تحياتي للجميع ومحبتي طبعا

حواء مثالية

11-17-2011, 10:39 AM

الله يسعدكم يارب وما ريحرمني منكم حبيباتي الف شكرا لدعواتكم الله يسمع منكم يارب

والحمدلله على كل حال اذا صار واذا ما صار كله بامر ربنا الف حمد وشكر اله

اموله ايو هيك شوي شوي اعطينا كم كلمة باليبية خلينا نتثقف

حلو كثير تخصصك انا بحبه كثير

كثير اتشرفنا بمعرفتك

الله يثبتلك حملك ويحميلك اياه يارب وتقر عينك بشوفته سليم معافى يارب

اي شهر انتي هلا

هاتوووووووووووووووووووووووا شي ندردش في

حواء مثالية

11-17-2011, 03:01 PM

بناااااااااااااااااااااااااات وينكم

ليكون رايحات مشوار سوى مو ماخذاتني ههههههههههه

طمنوني عنكم

وهاتو شي نحكي فيييييييييييييييييييييييييييييييييييييي

عسولة فلسطين

11-17-2011, 05:48 PM

هينا حواء بهالدنيا ولو وين حنروح بدونك ههههههههههه
هاتيلك طشة نروحها والله الواحد زههههههههق

aaaammaall

11-17-2011, 09:12 PM

حواء حبيبة الله يسمعنا عنك الاخبار الطيبة ويفرحنا هليومين بحملك امين يارب العالمين . وانت يا عسولة الله يعوض عليكي كل خير وبالفعل اسم على مسمه وباقى الصبايا وينكم ياحلوين لسه بدري على النوم صحصحو معاي

جارة القمر

11-17-2011, 09:57 PM

مسا الخيرات والليرات يا احلى وردات صدقوني بكون متلهفه ادخل اشوف تواجدكم

امال :انت شو اللي وداك على ليبيا وكيف كانت الاوضاع وكيف صارت الله يحميكم ويثبتلك حملك

سلامتك الف سلامة سما ما عليك شر اشربي ليمون

اكتر شي بضايق منه اني اكون بردانه ,,,,,,,,,,,بحب المطر لكن البرد ما بقدرله

سما شو اشتريتي للعراس اللي عندكم
ودمعة انت عندك عس قلتي ؟؟

احساس أنثى

11-17-2011, 10:16 PM

يسلمو ياصباااااااااااااااااااااااااااااااااااااااايا على التهنئة بعيد الميلاد حبيباتي انتو

جارة القمر كان عندي فرح بتالت يوم العيد والبست اله فستان طويل على جليه كم

جارة القمر

11-17-2011, 10:19 PM

مبارك ما عملتو يا دمعة............

احساس أنثى

11-17-2011, 10:30 PM

سلميلي ياعسسسسل

ربي يبارك فيكي

سما الدنيا

11-17-2011, 10:50 PM

اكيد مشغولين هلاء الصبايا بس اليوم طلعت عرام الله ...وشريت اكمن غرض ورحنا غيرنا الهويه ..بعد سنه من الزواج قررنا انغيرها لمتزوجه ومتزوج مبدرين صح هههههههههههه...بدي اشتري ثوب لحنة بنت حماي رح البسو لحناها بس اهلي عاداتهم ما بلبسو اثواب بس يمكن البسو كمان عحنة اخوي ما انا اساسا ما رح احضرها لحنتو الا السهره بس رح اكون لابسه يعني هيك ثوب مقسم وحلو لانو انا سمبتيك ههههههههههه..والفستان برضو نفسو لعرسها وعرسو حابه اجيبو قصير بس لسا متردده يمكن اجيبو طويل لانو الا حد يفوت عالقاعه لهيك نتستر شوي...بكره الجمعه كمان بدي اصيع ...المهم انتو يا صبايا اتكونو مناح وكل اموركم تمام التمام ....

aaaammaall

11-18-2011, 02:45 PM

كيف الحال صبايا الله يجعل هليوم امبارك علينا ويستجيب الله لدعوتنا اشكركم على مشاعركم الطيبة هذا حال الفلسطنية امشتتين في ارض الله الواسعة بالنسبة للاوضاع كانت صعبة كثير الصواريخ كانت بتمر من فوق العمارة وكانت حرب بمعني الكلمة ولكن ولله الحمد توا اتحسنت اكثير سلامي للجميع

احساس أنثى

11-18-2011, 06:56 PM

هلا وغلا باحلى صبايا

حبيبتي سما اكيد شو ماالبستي حتطلعي متل القمر

وربي يتمملكم على خييييييييييير

أموووووولة انتي من وين عن شو بتحكي الحرب على غزة ؟؟؟

سما الدنيا

11-18-2011, 09:47 PM

تسلمي يا احلا دمعة شوق انتي الحلوة وعيونك الحلوين...امال من فلسطين ساكنه بليبيا وبتحكي عن فترة الحرب في ليبيا الله يبعد كل شر عنهم هون وبغزه وبكل مكان يا رب

جارة القمر

11-18-2011, 10:02 PM

مساء الخير يا حلوات

يعطيك العافية يا سما ....فكره حلوه التوب واللي برام الله كتير حلوين
انا بحنة سلفي كانت عائلية البست في اول السهرة توب (ملكه)شريتها لعرس اخوي من الاردن
وبعدها اللبست عادي
لانها كانت تقيله وتعبت منها
دمعة شوق حاسك هديانه ونشاطك قل صاير شي معك.؟

جارة القمر

11-18-2011, 10:04 PM

الف الحمد لله على سلامتكم يا امال

سما الدنيا

11-18-2011, 10:07 PM

هلااااا كيفك جارة القمر شلونك..الجو عشنو برد كتير يمكن ما حد بيقدر يقعد عالنت نفسو الواحد يضل تحت الفراش والغطا بس والله من الملل بقعد هون ولانو بدي اطمن عالحلوات...كيف الحمل معك الله يتمملك على خير..

جارة القمر

11-18-2011, 10:15 PM

كنت اليوم بعرس قريبتي بس ما طولت فيه ..........

سما انا الحمد لله تمام بس بحس بزوفان ..غثيان لكن الحمد لله على كل شي

انت كيفك.........واعرفتي انت حامل ببنت او بولد وشو ناويه تسمي؟

حواء وعسولة والباقين شو وين غاطسين

سما الدنيا

11-18-2011, 10:18 PM

اها الحمد لله انا كمان اربع ايام بفوت بالشهر السادس وفيه ولد انشاء الله ..كنت بدي اسميه رامي بس ما عجب زوجي فخلص قررنا انو انسميه( عمرو) شو رايك بهالاسم حلو؟

سما الدنيا

11-18-2011, 10:21 PM

والله انا باول تلت اشهر متت من كتر ما كانت معدتي اضلها غثيان وما كنت اكل كتير بس الحمد لله بعد الرابع بتصيري تاكلي كل الي بالبيت ههههههه الله يتمملنا علىخير يا رب ويكتب لجميع الصبايا الحمل باذن الله خلي فرحتنا تكمل مع فرحتهم ..

احساس أنثى

11-18-2011, 10:25 PM

جارة القمر تقريبا مابعرف ليش هديانة الجو والتفكير الدنيا هموم

الله يفرجها على الجميع ... والحمد لله على كل حال

والكهربا رجعت متل الاول تقطع يوميا عشان هيك كمان

سما الدنيا

11-18-2011, 10:29 PM

الله يعينكم يا دمعة ...الله يبعد الملل عن الجميع والله لسا انا اكتر منك بمل لانو انا ساكنة لحالي واهل ابعاد وبيت حماي بنفس البلد بس ابعاد كمان شوي وزوجي للمغرب ليروح من شغلو يعني ملل بملل الله يعينا

نبض قلب

11-18-2011, 10:40 PM

اهلا اختي سما الدنيا

من وين انتي ؟؟

سما الدنيا

11-18-2011, 11:13 PM

انا اصلي من شمال القدس متزوجه بمنظقة رام الله..هلا بيكي نبض قلب

عسولة فلسطين

11-19-2011, 12:15 AM

يا مساء الفل عليكم احلى بنات
كيفكم
يارب تكونوا بخير
أمل حمدلله ع سلامتكم والله
وكيفكم يا صبايا دمعة،،حواء،، سما،، وجارة القمر
يارب تكونوا بخير
جد الكهربا صارت تزهق الواحد بطلنا نلاقي وقت نقعد ع النت
حبنا نسمي ع احلى جروب

حواء مثالية

11-19-2011, 09:50 AM

الله يخليلي اياكم يارب وما يحرمني طلتكم ياكريم

والله الكم وحشة انا يوم الجمعة اجازتي ومبارح ما اتهنيت فيها مثل البشر بنت حماتي نامت عند اهلها مع اولادها صبحوا صاحيين من الساعة سته

المهم

الله يسعدكن يارب خير وبركه اني اطمنت عليكن يوم الخميس حسيت بالوحدة لحالي بالمنتدى

جارة كيف حملك ان شاء الله تمام وباقي الصبايا كيفكم

اسم عمرو حلو كثير

انا اليوم موعد دورتي للهلوقت مرت بسلام ادعولي صبايا

احساس أنثى

11-19-2011, 01:31 PM

ان شاء الله ياحواء ربي يكتبلك كل خير يارب ويكرمك بالحمل باذن الله

صبايا عايزة مشورتكم

عندي حنة لبنت عمتي ب29 الشهر وانتو شايفين الجو كيف

شوروا علا شو البس مش حلوة البس اسوارية بهالجو ؟؟

محتارة ؟؟

حواء مثالية

11-19-2011, 01:38 PM

هلا ياقلبي

الله يسمع منك ويسلموا على الدعوة الحلوه

حبيبتي في اواعي سهرات ورسمي شتوي بتاخد العقل كثير حلوه

البسي تنورة قصيرة مع فيزون وبلوزه حلوه بمشي

aaaammaall

11-19-2011, 01:47 PM

الله يسلمكم ياحلوين والله باهتجمع حسيت اني معاكم بفلسطين
حواء الله يفرحك ويكتبلك احلى حمل بس ماتنسيش اتفرحينة يارب
يا احلى الحلوين كيفكم الله يتمم حملنا على خير

سما الدنيا

11-19-2011, 01:48 PM

صباح الخير كيفكم يا احلا صبايا..والله الي تلت ايام امفلوزه وتعبانه ودكتورتي كتبتلي تلت انواع ادويه وانا ما اخدهم خايفه عالبيبي وكل ما يسئلني جوزي اخدتي الدوا بكزب عليه وبحكيلو اخدت...
دمعة شوق وحواء مثالية وعسولة فلسطين ونبض وامال وجارة القمر انشالله اتكونو بالف الف الف خير
انشالله يا حواء منسمع احلا خبر انتي حابه تسمعيه واتكوني حامل وتطلعي احلا ام ويكتب للجميع يا رب وما تحرم حدا...
خلص طالما عجبك اسم عمرو يا حواء خلص انا رح اقتنع 100ب%
دمعة شوق احلا شي بهالوقت للاعراس تكوني لابسه نتورة فصيره مع فيزون وجزمه هي طويله او فستان بييجي طويل مع فيزون وجزمه بيجو بيجننو عليكي احلا شي بهالوقت هادا يعني زي هيك
http://t2.gstatic.com/images?q=tbn:ANd9GcSJCIEBGS--x6Sup0pQyweAZIm8-i7LhUdgmXYv0YclSc76Ynez5Q

حواء مثالية

11-19-2011, 02:38 PM

هلا وغلا منورات يا بنات الله يسمع منكم يارب

الله يخليكن وما يحرمني منكن يارب

شو عاملات بهالوقت

هاتو شي نحكي ففي

سما الدنيا

11-19-2011, 02:45 PM

بره مطر كتير ..وقاعده عالنت وكمان شوي بدي اقوم اطبخ مقلوبه ...كيفك حواء انشالله بخير

حواء مثالية

11-19-2011, 03:16 PM

هلا ياعمر عندنا كمان مطر بس اليوم مو طابخة اليوم زوجي عازمني على العشا برا

انا بخير طول ما انتي بخير يا حلوه

احساس أنثى

11-19-2011, 04:32 PM

حواء مثالية وسما فلسطين

اشكركم من كل قلبي على الافادة ياذوااااااااااقات

حواء مثالية

11-19-2011, 04:38 PM

ولو حبيبتي بدنا شي محرز الله يسعدك وتكوني ملكة يارب

مممممممممممممممممم وين باقي الصبايا

احساس أنثى

11-19-2011, 05:36 PM

لابدين مع هالشتوية كسلانين يفتحوا النت ههههه

حواء انتي انتهيتي من موضوع سندباد المنتدي؟؟

عسولة فلسطين

11-19-2011, 08:53 PM

مسااااااااؤه لأحلى صبايا بهيك جو يااااااااااااي بموووووت بجو الشتا
كيفكم
سما والله هلأ انتبهت ع اسم البيبي هههههه كتير حلو اسم عمرو الله يوصلك اياه بالسلامة ياااارب ويتربى بعزكم
حواء يارب تكوني حامل ان شاء الله وتفرحينا
دمعة زي ما قالوا الصبايا بيطلع عليكِ حلو
يخليكم يااااااااااااارب ويسعدكم يا احلى صبايا
كنتم معكم من تحت الحرام ههههههههههه

جارة القمر

11-19-2011, 10:01 PM

هلا وغلا بخواتي حبيباتي

سما اسم عمرو بجنن خليك عليه

دمعة شوق سبحان الله بدي اقلك متل ما قالو الصبايا بس اتوقع
فستان لحد الركبه مع فيزون بطلع رررروعه

حواء مثالية تقلك شغله والله على اعصابي عليك يا رب تكوني حامل يارب

عسولتي انت كيفك ونبض وامااااااال شو اخباركم؟؟؟

حواء صحه وهنا ...شو عالخيمة رايحين تتعشو __ست حشوره انا---.؟؟؟ هههههههههههههههه

سما الدنيا

11-19-2011, 11:09 PM

زوجي بفرمت جهاز كمبيوتر .. بالعربي مش فاضيلي بدو ساعه ليخلصو وانا قاعده هون عالنت الساعه العاشره ليلا ويا رب يكون حد موجود لانو حابه ادردش مع حد واهلي عالفيس ما حدا موجود هون حابه ادردش...

سما الدنيا

11-19-2011, 11:19 PM

انا مش شغل سهر عالنت شكلي ..يلاتصبحو عالف خييييييييييييييييييير بكره انشالله منحكي

احساس أنثى

11-20-2011, 09:10 AM

صباح الورد على احلى صبايا

صباح الرومانسية لعيونكم الحلوة

جارة القمر انا حلبس متل ماحكيتي فستان قصير على فيزون وجزمة الله يعزكم طويلة

بس ان شاء الله الاقي بلسوق فساتين للشتا مو صيفية

منورين يااحلى صبايااااااااااااااااا

حواء مثالية

11-20-2011, 09:49 AM

هلا يا روحي انتوووووووووووووو

الحمدلله مبارح مر بسلام ما شرفت الدورة مع انها منتظمة عندي باليوم والساعة الحمدلله يارب الله يكتبلي كل خير واليوم ما حاسة باعراض دورة كمان مش عارفه اعمل الفحص اليوم ولا لا

حبيبتي بالنسبة لموضوع سندباد والله ما عارفه شو احط في وقتي كثير ذيق رشحي وحده من الصبايا هون بتكمل على الي نزلته

اتعشينا بميلانو شارع القدس الخليل والله شي فاخر على الاخر كثير انبسطنا

ممممممممممممممممممممممممممممم

متى اعمل الفحص مخي راح يروح من الانتظار حابه افجأ زوجي اليوم بس خايفه ما يبان بالكم شو اعمل

جارة القمر

11-20-2011, 01:32 PM

مرحبا

سما انا الساعة 9ونص نمت ما بقدر على السهر

دمعة شوق الله يوفقك وتلاقي في بلايز بكونوا طوال متل الفساتين
وحطي قشاط على الخصر بتصيري تقهري قهر ههههههههههه

حواء مثالية الله يطمنك يارب جيبي فحص بول اكثر من واحد
سعرهم ارخيص ونوعيتهم منيحه عشان اذا ما بان تكرري الفحص بالايام الجاية

وبعدين صحتين وهنا ميلانو روعه والبيتسا تبعتو بتجنن ..........
بدي بيتزا واااااااااااااااا

حواء مثالية

11-20-2011, 02:20 PM

الله يسعدك ياقلبي مش عارفه شو اعمل حابه ارتاح من الانتظار والحمدلله ما في بوادر دورة انا كثير بتالم منها ومن قبل بيوم بتبلش اعراضها بس هاد الشي ما كان عندي صارلي خمس ايام ماسكني صداع بجبيني اضافة نخزات بصدري واسفل بطني يارب ياكريم يريح بالي هالشهر

انا عشان افاجيء زوجي قلتله انه موعها عشرين وهي ب 19 والحمدلله منتظمة اعمل التحليل اليوم وانا مروحة من الشغل ولا لا

جارة القمر

11-20-2011, 02:49 PM

ليه ما تعملي تحليل حمل منزلي؟؟؟
ولا اقلك توكل على الله واعملي فحص مش خسرانه شي

حواء مثالية

11-20-2011, 02:55 PM

والنعم بالله انا قررت اعمل بكرا hwaml10hwaml10 ادعووووووووووووووووووووووووووولي

احساس أنثى

11-20-2011, 04:46 PM

ربي يكتبلك يلي فيه الخير يلا خلينا بالدور ان شاء الله

جارة القمر وهلأ دورك خلينا نتأمل خير يارب

ان شاء الله ربي يطمن بالك ياعسسسسسسسسسسسل

aaaammaall

11-21-2011, 12:06 AM

حبيبتي الاعراض هذا اعراض حمل ان شاء الله اعملي تحليل منزلي والله ان شاءما راح يخيبلك املك فرحينا الله يفرحك

حواء مثالية

11-21-2011, 09:35 AM

الله يخليلي اياكم يارب ويطمن بالكم

الحمدلله رب العالمين قادر على كل شي

اول ما تكون النتيجة معي راح تعرفوا اول ناس

جارة القمر

11-21-2011, 01:45 PM

حبيبتي دمعة شوق الله يكتبلك الحمل عاجلا غير اجل

حواء يلا وين النتيجه الله بفرح قلبك يارب

حواء مثالية

11-21-2011, 02:09 PM

ياعمري انتي امبارح زوجي ما خلاني اعمل التحليل اليوم بده يطلع معي على المختبر بده يلاقيني بعد الشغل راح اخبركم وكمان احليكم ان شاء الله يارب

الله يفرحك دمعة يارب وتحملي عاجلا غير اجل ياكريم

انا لهلا بالشغل شو عاملات

كيف المطر عندنا فيضانات ببيت لحم الحمدلله الله يجيب الخير يارب

سما الدنيا

11-21-2011, 02:29 PM

كيفكم يا احلا بنات شو اخباركم...حواء انشالله بطمنينا وبتطلعي حامل يا رب...وانشاء الله ما ينحرم حدا يا رب...انا طالعه عند اهلي اليوم رح انام عندهم الله يعيني عالمواصلات الطريق بعيده..المهم ادفي حالي ...يلا ديرو بالكم على حالكم ما بدي اوصي انا ..انشوفكم على خير

حواء مثالية

11-21-2011, 02:56 PM

سما الدنيا يارب يخليكي يارب ودايما نسمع عنك الاخبار الطبية حبيبتي انتبهي لحالك

ان شاء الله تنبسطي عند اهلك ونشوفك على خير

صبايا وينكم

غُمُوض أُنثَى

11-22-2011, 04:05 AM

وآو تجمع للفلسطينيات ^^

انآ فلسطينية بس حآليا في تونس
حآمل بالشهر التآني

يآ الله شو مشتآآآآآقة لغزة آخ مافي بعدها
كيف الصبآيآ ؟؟

حواء مثالية

11-22-2011, 09:58 AM

صباح الخير

صبايا تفضلوا هووووووووووون

http://forum.hwaml.com/t83035.html#post1668511 (http://forum.hwaml.com/t83035.html#post1668511)

aaaammaall

11-22-2011, 01:44 PM

يسعد صباحكمياحلوين
الف الف مليون مبروك يا حواء والله افرحت هلبا (يعني اكثير جدا)الله يتمملك بخير والجميع ويرزقنا الدرية الصالحة المعافاة من جميع الامراض يارب
بنات وينكم بدي اسمع (اشوف ) احلى زغرودة زيكم
غموض اهلا وسهلا فيكي انت هين جنبي انا في ليبيا يلة بستنا منك زيارة

بنت جبل الصنديان

11-22-2011, 03:55 PM

حواء مثاليه الف الف مبروك الحمل والله يتمم لك على خيير
انا كت متابعه معك بالتجمع بس من بعيد هههه وكنت استنى تيجي تبشرينا
ولما عرفت انك حامل ما بتتوقعي اديش فرحتلك
ان شالله عقبال ما تشوفيه بحضنك يارب
ما حكيتيلي اديش صارلك متزوجه

حواء مثالية

11-22-2011, 04:44 PM

هلا حبيباتي الله يبارك فيكم يارب ويفرحني فيكم قريب بحمل سليم معافى

انا صالي متزوجة اربع شهور

احساس أنثى

11-22-2011, 06:51 PM

ماشاء الله بتراك الله ياحوااااااااااااااء

جد خبر حلو كتير الحمد لله يارب

ربي يتمملك حملك يارب وتشوفيه بحضنك ياكريم

بس احكيلي اخدتي بنصيحة حماتي ؟؟ انك تبقي نايمة بعد الجماع ؟؟ ^_*

ديري بالك على حالك والف مبارك مرة تانية

وأحلى مسا لأحلى صبايا ادعولي الشهر هاد ربنا يكرمني مع اني الي اسبوع التبويض بطلع على السوق عشان الفرح يلي عنا بس شو اعمل مضطرة ..

جارة القمر

11-22-2011, 09:22 PM

حوااااااااااااااااااااء
الف الف مبررررررررررررررررررروك من قلبي فرحتيني
وبكتيني

يارب يثبتلك حملك
وعقبال حبيبتي دمعة تكمل فرحتنا

احساس أنثى

11-22-2011, 09:45 PM

الله يسمع منك ياجارة القمر يااااااااااارب

بس احكولي بأثر انه لو فيحمل حصل بأيام التبويض وأنا بطلع وبمشي كتير؟؟

ولا عادي ؟

تهاني القمر

11-23-2011, 02:26 AM

بيأثر
لانو الحيوان المنوي بكون حي لمدة معينة والبويضة بتعيش مايقارب 48 ساعة جاهزة للتلقيح ازا انتي استقبلتي هدا السائل لازم تبقي وقت الجماع نايمة ع ضهرك اقل شي نص ساعة وتكون حركتك قليلة بالايام هاي لانو ازا تحركتي كتير البويضة مابتصلق بجدار الرحم منيح ومابتم الحمل هدا اللي اخدتو مرة ابوي بحملات التثقيف الصحي وفهمتني عليه

احساس أنثى

11-23-2011, 09:19 AM

اشكرك تهاني كتيييييييييير

أنا بفترة التبويض ماضيعت ولا يوم وبعد الجماع ابقى نايمة للصبح الحمد لله وان شاء الله خير

بس انا قصدي عشان بطلع السوق العصر وبمشي يعني ممكن مايحصل حمل بهذا السبب؟؟

حواء مثالية

11-23-2011, 10:44 AM

هلا حبيباتي الله يخليكم يارب وما يحرمني منكم

انا بصراحة هالشهر شنيت حرب على الانترنت وعلى كل الوسائل والطرق التي قد تؤدي للحمل وغلبها من المنتدى من هون اهم شي الرحة كمان

بتعرفي اهم شي تعرفي ايام التبويض والاهم من هيك حتى لو ما صار جماع يوم يوم مو مشكله شكله هاد الشي الي فادني

هلا نحنا بنحسب عشر ايام بعد الدورة بصير التبويض بس قرات شي بحكي انه ايام الدورة كمان بتنحسب من ايام العشرة الاولى يعني انا كانت دورتي 19 ايام التبويض بتبلش عندي من 29 انا وزوجي بلشنا من 27 يوم بعد يوم وبالايام الي متوقع التبويض فيها الي هي كانت من 30 ال 4 عملنا يوم بعد يوم هيك الحيوان المنوي بكون اقوى وفرص التلقيح بتكون اكثر والحمدلله ما تركت القران كل يوم اقرا سورة البقرة وطول الوقت استغفر ربي والادعية

والحمدلله رب العالمين الي اكرمني الله يكملي على خير ويسهل حملي يارب وولادتي وعقبالك يا دمعة

واعملت بنصحية حماتك كمان بحكيلك ما تركت شي واشتريت عسل بالمكسرات كمان كثير منيح

هاي تجربتي وبهيك كملت فرحتي الحمدلله رب العالمين الله يتمم على خير

بس بتعرفوا بالعيد رحنا رحلة كنت حامل اسبوع اطلعت بالملاهي والخطرة كمان الله الحامي الحمدلله الي عدت على خير يوم الجمعة الجاية بدي اروح اطمن على البيبي واسمع دقات قلبه

طمنوني عنكم بنااااااااااااااااااااات وين صايرات تغيبن

أسيرة فلسطين

11-23-2011, 10:46 AM

السلام عليكم ورحمة الله وبركاته

كيفكم صبايا ان شاء الله تمام

بنات انا دخلت امبارح بالشهر الخامس وللأن مو حاسة بحركة الجنين

هل هذا شي عادي ؟؟؟ طمنوني الله يطمن قلوبكم

حواء مثالية

11-23-2011, 12:53 PM

هلا اسيرة

يمكن بتحرك بس ببطء لهيك ما بتحسي روحي افحصي واتطمني

الله يطمنك يارب ويسهلك

احساس أنثى

11-23-2011, 04:57 PM

منكم نستفيد ياحوااااء

وربي يثبتلك حملك يارب...

نحن هنا واخيرا انتهيت من السوووووووووق وهمه

ملابس الشتا مو كتير بتعبني بحسها مش خرج مناسبات ملابس الصيف أحلى

احكولي رايكم للحنة شريت تنورة قصيرة متل هادي بس طبعا لون أسود وعليها وردة بالخرز الاسود على الجنب

http://forum.hwaml.com/imgcache2/hwaml.com_1322056637_123.jpg

على بلوزة بيضة على رقبتها في حركة بالأسود وعلى الكم في قيطان بالاسود مع شغل

المهم انا محتارة شو ألبس على التنورة

صندل http://forum.hwaml.com/imgcache2/hwaml.com_1322056637_322.jpg متل هيك بس مااله ربطه ولونه اسود

ولا جزمة طويلة سودا متل هادي؟؟

http://forum.hwaml.com/imgcache2/hwaml.com_1322056638_215.jpg

يلا شوروا عليا ياذواقات ؟؟

لولو العسولة

11-23-2011, 06:29 PM

مرحباااا
يا حلوة فى كتير ملابس الشتا حلوين اذا مناسبتك فى الشتا لزم تلبسى شى شتوى عشان ما تبردى
اول شى لزم تلبسى بوت على التنورة اذا قصيرة لانو ما بنفع الصندل هاد
وتانى شى حلوة التنورة وحلوة مع البلوزة كمان
كتير زوووووء

لولو العسولة

11-23-2011, 06:34 PM

مرحبااااااااااا
بكل اهل فلسطين.. انا من فلسطين وبالتحديد من غزة
انا عمرى 23 سنة ومتزوجة الى حوالى سنتين
وحامل جديد هلا
اخر دورة كانت الى22\8\2011 يا ريت تقولولى كام شهر انا هلا
الدكتور تاعى بقلى بالشهر 3 وحماتى بتقلى شهرين ونص هون انا بستغرب كتير من كلامهم لكن الدكتور قلى 12اسبوع يعنى 3شهور كاملين صح هيك ولا لاء
فى عندى مشكلة تانية يا ريت تحلولى اياها.... وزنى52 وطولى 173 هل هيك وزنى مناسب لحملى ولا لاء افيدونى الله يخليكم

احساس أنثى

11-23-2011, 06:44 PM

هلا بيكي لولو انا من غزة كمان

بس للأسف مابعرف احسب حسابات الحمل

وربي يكرمنا يارب .. واشكرك على النصيحة باللبس

نورر.

11-23-2011, 08:04 PM

مرحبا كيفكو
انا نور من غزة حامل بشهر الثالث بكرية والله يتمم على خير ان شالله للجميع

فطوم حامد

11-23-2011, 10:43 PM

مرحبا ياامورات انا كمان فلسطينية وساكنه بلاردن
حامل بكرية بالشهر التالت
ياريت يكون في بيناتنا تواصل

جارة القمر

11-23-2011, 11:54 PM

هلا وغلا بكل اللي انضمولنا جديد بيتكم ومطرحكم

حبيبتي دمعة موفقة بالملابس لكن اكيد الجزمة مع التنورة

حواء الله يفرح قلبك يارب

دمعة وحواء والله اني بحنة سلفي ما خليت رقص ولا دبكة ولانط ولا هز الا عملته
وانا ببداية الحمل ومكنتش عارفة توكلوا على الله الله الحامي

حواء مثالية

11-24-2011, 09:42 AM

والنعم بالله الله يهونها علينا ويكون حملنا سهل وولادتنا وان شاء الله يادمعة تفرحينا قريب وتكمل فرحتنا بحملك حبيبتي

صباحكم عسل مثلكم مليووووووووووووووووووون هلا بالي انضموا النا جديد

جارة بلش الوحم معك ولا لسه انتي باي اسبوع هلا

احساس أنثى

11-24-2011, 10:55 AM

هلا بكل الي انضموا معنا من جديد وسعيدة لنهم من غزة

بس هلأ سار الحديث عن الحمل كل الي فايت بتحدث عن الحمل

ماالي مكان بينكم hwaml15 hwaml15

صدقتوا
هههههههههههههههههههههههههه

ربي يثبتلكم حملكم جميعا يارب

ويرزقكم بالذرية الصالحة ياكريم يارحمان ياررب العالمين

وان شاء الله افرح معكم الشهر هاد يارب

حواء مثالية

11-24-2011, 12:06 PM

حبيبتي دمعة والله وقعتي قلبي

ولو الك البيت ونحنا ضيوفك

الله يطمن بالك هالشهر يارب تحملي بتوام يارب

كيفك شواخبارك عساك بخير

احساس أنثى

11-24-2011, 12:47 PM

انا بخير الحمد لله نشكر رب العباد على كل حال

انتي احكيلي شو ردت فعل حماتك ؟؟ لأنها كانت منتظرة حملك؟

سما الدنيا

11-24-2011, 12:54 PM

كيفهم احلا الصبايا
انا قبل ما افتح هون دعيت ربي انو اشوف حواء حامل وبتبشرنا ولما شوفت الخبر كتيييير انبسطت والله افرحتلك من كل فلبي ومليووووووون الف مبروووووووك والله يثبتلك حملك ويتمملك على خير واجيبي احلا بوبو يا رب...
وانشالله بتكمل فرحتنا كمان لما ربنا يكتب لدمعة شوق الحمل عن قريب يا رب....
انا مبارح الحمد لله فتت بالشهر السادس الله يتمملي انا كمان على خير وللكل يا رب..مشتاقه للصبايا

احساس أنثى

11-24-2011, 01:01 PM

هلا بيكي سما الدنيا وين بتغيبي ؟

ربي يكملك المشوار على خير يارب

ويسهل عليكي الولادة امين يارب

ويبارك فيكم جميعا على الدعوات ربي يستجيب منكم

سما الدنيا

11-24-2011, 01:08 PM

الله يخليكي يا دمعة والله دائما دعواتنا لجميع والله كريييييييم...
كنت عند اهلي ومبارح روحت بالليل ...
شو عاملين وكيف هالبرد معكم....

حواء مثالية

11-24-2011, 01:12 PM

اخ يا دمعة لو تعرفي

هلا انا اعملت التحليل وروحت على البيت هي ساكنة بشقة جنبي طبعا مستحيل اخبرحد قبل زوجي انا روحت بعد العصر زوجي ورح الساعة ثمنية تقريبا هو راح خبرهم طبعا ركض هز العمارة كلها حكوا العالم ابصر شو صار عندهم

اجت بتقلي والله لادبحك لي ما حكيتي عاتبتني قلتها راح تروح الفرحة الي كنت حابة اشوفها على وجه زوجي لهيك اعذريني مش صح حد يعرف قبله طبعا سؤال من تحت الطاولة سالتني ياه بتقلي متى خبرتي امك حكيتلها لسه ما خبرتها طبعا وانا بالمختبر قلت لامي ههههههههههههههه

والحمدلله الكل انبسط والله بس فرحة زوجي بحياتي ما رح انساها

هلا سما منورة ياقلبي الله يبارك بعمرك ويتمملنا على خير يارب

عسولة فلسطين مختفية شو اخبارها ابعتوا فرق بحث عنها

دكتورة ريم

جارة القمر

وكل الصبايا لجداد منورات حبيباتي

دمعة يارب تفرحي هالشهر ياكريم

تهاني القمر

11-24-2011, 01:45 PM

مبررروك لكل الحوامل هدا الشهر
انا تزوجت بشهر 4 وزوجي سافر اجا على عيد الفطر ولهلا ماحصل حمل بدري علينا لسة عرسان بس عندنا بلشمال بدقو كتير وحماتي تسئل ومرة ابوي تسئل وورطة
لكن زوجي ماخد عادات الاجانب مش مهتم لهيك شي
دمعة ممكن يحصل حمل عادي بس اللي بقوي هاي الشغلات الصدقة والزكاة تفريج كرب عن مؤمن الصبر تبني يتيم
وربنا يكرم للكل

حواء مثالية

11-24-2011, 02:03 PM

منورة تهاني الله يبارك فيكي يارب وان شاء الله نفرح بخبر حملك قريب ياقمر

تهاني القمر

11-25-2011, 03:55 AM

يسلمووو ياعسل :)

احساس أنثى

11-25-2011, 11:10 AM

المهم حماتك هلأ ياحواء ماالها تحكي معك اي شي

وان شاء الله ياتهاني الشهر الجاي انا وانتي

وهادي العادات عند الكل خاصة لو ودة تزوجت بعدك وحملت

حماتي أول ماتزوجت كانت تسأل عن دورتي اجتك ولو تأخرت يوم عن معادها تريحني

هل عشان الاشي من زوجي بطلت تسألني وبتقول لزوجي ليش مرتك مستعجلة على الصغار

شايفة انا بحمي زوجي روح على الدكتور ويتعالج هيا بتيجي بتقلوا انا مش عارفة على شو مستعجلة هيا .... حفقع من هالناحية .. وهوا زوجي مابصدق ويسمع شي زي هيك

مع انها حماتي وحمايا تأخروا 7 سنين يعني لازم تشجع زوجي عشان ما ناخد مدة طويلة طبعا كل شي من عند رب العباد ومكتوب بس بدو الواحد يسعى ولا أنا غلطانة ؟؟ الله العالم العلاجات قديش بتاخد وقت والعمر بيمضي ..

ربي يفرجها علينا جميعا من كل ناحية

تهاني حبيبتي من ناحية الصدقة والزكاة جوزي متولي هالشي الحمد لله وبقلي لا تسأليني شو عملت انا بعمل وما بقول هاد بيني وبين ربي ..

يارب ربنا يتقبل ويعوضنا خير انا وانتي وكل مشتهية يارب

طولت عليكم جميعة مبااااااااااااااااااااااااااركة للجميع

أكيد الكل مبلوش بالاكل خاصة اكلة الجمعة احنا املين دجاج مشوي حنشوي بالبيت لحالنا وتبولة وبطاطا وحمص

يلي على بالو مايحرم حالو

عسولة فلسطين

11-25-2011, 11:21 AM

صباااااااااااااااااحكم فل
والله مشتاقة لكم ع الاخر
حوااااااااااااااء حبيبتي ألف الف مبروووووووووووووووووووووك الحمل
الله يثبتلك اياه ويتمملك ع خير يااااااااااااااااااااااااارب وتشوفيه قدام عيونك سليم معافى آمين يارب العالمين
ويارب عقبال دمعة شوق يااااارب وأنا وكل البنات يارب تجبر خاطرنا قبل نهاية هالسنة
والسنة الجاي نستقبلها ومعنا البيبي ببطنا آميييييييييييييين
والله هيني كان ضهري بجعني كتييييييييييييييييييييييييير لهيك ما كنت افوت المنتدى ومشغولة شوية
بس هي رجعتنا للمنتدى
طمنوني عنكم وحدة وحدة لأني جد مشتاقة لكم
بدي أروح اشوف كيف حنضف القريدس وااء

احساس أنثى

11-25-2011, 11:55 AM

احما بخير الف سلامة عليكي ياعسولة

عاملة قريدس اليوم صحتين وهنا أنا زهقت السمك من جمايا كل اسبوع سمك

مابخلينا نشتاقلوا ههههههههه

عسولة فلسطين

11-25-2011, 03:39 PM

والله انا بحب السمك
بس الجاج واللحمة ما بطيييييييقهم
لا الحمدلله جايبلي اياه منضف فكرته بده تنضيف كنت حعيط لأني بعرفش انضفه بس اتصلت ع ماما وفهمتني بس لقيته منضف الحمدلله
وعمت جنبه سمك فيليه وسلطات تفضلوا يا صبايا

احساس أنثى

11-25-2011, 09:19 PM

صحتين وهنا على قلبك ياعسل

السمك بعطش اكيد طول اليوم مووووووووية ههههه

وين الصبايا والله شكلوا الحمل تاعبهم ومريحين حالهم من قعدة الكرسي

بحقلهم يلا ربي يثبتلكم حملكم يارب جميعا الشهور الأولى خطرة

سوسهs

11-25-2011, 11:20 PM

مساء الخير يالغاليات والله يسهل عليكم اموركم يارب

شاركينا بهل الزاويه الله يسعدك يارب

http://forum.hwaml.com/t82924.html (http://forum.hwaml.com/t82924.html)

تقبلي مروري سوسه

تهاني القمر

11-26-2011, 03:09 AM

دمعة ان شالله انا وياكي حوامل يارب الشهر هدا
طيب المشكلة من زوجك بشوو عنده ضعف بالسائل او تشوهات
وانتو قضيتو فترة علااجات زي حماتك ولا موكلة ربنا

ربنا يتمم حمل كل الحوامل ويقومو بالسلامة
اليوم مرة اخوي كشفو الها طلعت حامل 4اسابيع عقبال عند العايز

وصحة وهنا ع طبخات اليوم
انا اكلللللللت مفتوووول شغل حماتي الفتل بس انا هبلتو وطبختو

حواء مثالية

11-26-2011, 09:38 AM

هلا وغلا صبايا والله منورات

كثير مشتاقلكم عسولة الله يسعدك يارب وعقبال ما نباركلك حبيبتي

دمعة الله يساعدك ويهنيكي ياقمر وان شاء الله ربنا بعطيكي قريب ياعمري ما في شي بعيد عند ربنا ما تسمعي كلام حدا وما تخلي حد يتدخل بحياتكم حتى لو كانت حماتك اتفقي انتي وزوجك شو بدكم تعملوا يعني مش ضروري هي تختم على كل اشي

جارة القمر سلامات سلامات كيفك يارب تكوني بخير

تهاني منورة حبيبتي

باقي الصبايا وين

انا مبارح ما فتت رحت عند اهلي من العيد ما رحت عندهم لهيك ما فتت الساعة 9 الصبح كنت عندهم روحت متاخرة واعطيتها نومه وهيني صبحت على دوامي زي الشاطرة بس والله اجا على بالي انام اليوم بس شو بدنا نعمل حكم القوي على الضعيف

طمنوني عنكم بنااااااااااااااااااااااااااات

احساس أنثى

11-26-2011, 04:15 PM

اه ياتهاني المشكلة عند زوجي

عنده ضعف بالنسبة النشيطة بس 30 % عنده الميت 50% عشان هيك

لكن تشوهات والشغلات هادي لا الحمد لله مافي شي

لا ماقضينا اي علاجات زوجي مو راضي يقلي هادي كيماويات سايبينها لرب العباد هوا يلي بيلطف بينا

انا بحاول والله ياحواء اني مااخلي حماتي تتدخل انا اصلا مابحب الي زي هيك مع انها عمتي اخت ابويا .. بس زوجي برجعلهم بقول هما عندهم خبرة عشان هما تأخروا

مو كاين يرد عليا ... انا عارفة ربنا يعين

حواء شكلا وحاااامك نوووووووم ؟؟!!

Dr.Reem

11-26-2011, 05:11 PM

مساء الورد والياسمين عالغالين شو التجمع كلووو صار حوامل يلااا الف مبرووووك للجميع وعقبال باقي الصبايااا يارب كيف الجميع يارب تمام

Dr.Reem

11-26-2011, 05:21 PM

بنات بدي استشيركوا باسم يوسف شو رايكوا فيه؟

احساس أنثى

11-26-2011, 05:40 PM

احلى الاسماء اسماء الانبياء

وربي يجعله من الصالحين يارب

احنا بخير انتي وين هالغيبة .... !! عساها خير يارب

Dr.Reem

11-26-2011, 06:17 PM

تسلمي دمعة شوووق ويارب ع طووول بخيرر وانا الحمدلله تمام

جارة القمر

11-26-2011, 07:16 PM

مساء الخير يا بنات كيفكم

هههههههههههههههههههه كتبت رد طويل واجا ابني حذفة مش قاردة اكتبه مرة تانيه هههههههههههههه

احساس أنثى

11-26-2011, 07:19 PM

ههههههههههههههههههههه

بسيطة جارة القمر كانه وصل

جارة القمر

11-26-2011, 07:21 PM

حواء انا هلا بالاسبوع 9 والوحام الحمد لله يوم ولا شي ويوم بغيب عن الدوام من معدتي
كنت بحملي الاول اصير شبه مغيبه واروح للدكتور ويعطني ابره تتصحيني /انت كم صرتي؟

د.ريما اسم يوسف روووووووعه توكل على الله الله يتمملك على خير

دمعة :خلصت شريه للمناسبة اللي عندكم ؟
والله يفرح قلبك وقلب زوجك
صدقيني زوجك متلهف يسمع انك حامل متلك
انا بسمع انه الافضل الانتظار لبعد مرور سنة زواج لأخذ اي علاج

سما :خلصت الاعراس اللي عندكم ؟
وما شالله راح لكتير ضل القليل على الولادة

عسولة كيف بتعملي لقريدس؟