دردشة حوامل اهل فلسطين الغاليات ^_^

[احساس أنثى]

الله عليكم فنانات شهتوني

هههههههه

سرت بس اسمع كلمة الاكل بشتهي

[حواء مثالية]

تفضلي احساس اكيد معزومة حبيبتي

[احساس أنثى]

ياريت قراب على بعض ويسير بينا تواصل فعلي

اموت بالعلاقات الحلوة

[زهر اللوز]

احساس يا ريت والله،، انتي وين ساكنة بركي رتبنا ليوم كلنا نلتقي بشي مكان
شو رأيكم ؟

[عسولة فلسطين]

والله يا زهر اللوز بتعرفي انا بحب العلاقات الاجتماعية بس بتأنى قبل ما اتعرف ع حد
بس هيك مرتاحة لأني مابعدت عن اهلي وصحباتي
---------------------------
الله يسعدك حوااااااء >>>صايرة خليجية هههههه
وأنا بشهر 1 بصير 23 سنة هههههههه ماحد سألني بس عشان تعرفوا عني شوي
--------------------------
احساااااااااااااس ،، والله اليوم تغدينا تايلندي وقليت بطاطا وسلطة بس التايلندي ماما بعتتلي اياه مابعرف اعمله
وصحة وهنا ع السمك برضه أنا بموووووووووووووووت بالسمك بس مابعرف انواعه ههههههه
ويللا هي اناواياكي بغزة بنتعرف ع بعض ان شاء الله واللي الشرف
ويااااااااااريت نكون كلنا سوا


بنات حآخد منكم بعض وصفات الأكل بس افضى شوي ههههههه

[عسولة فلسطين]

زهر اللوز انتي من غزة؟؟؟؟

[زهر اللوز]

عسولة صحة وهنا على الغدا جيبيلنا الطريقة من ماما،،، بركي عملنا شي مختلف
لا انا من نابلس بس ساكنة برام الله :(

[عسولة فلسطين]

ع قلبك يارب يا زهر
ان شاء الله والا يهمك
بجيبلك الطريقة
اهلاً وسهلاً فيكِ انا واحساس من غزة

[حواء مثالية]

هلا هلا صبايا موزعات على الوطن

انا من بيت لحم

جارة القمر من القدس

[احساس أنثى]

وانا ليا الشرف ياعسولة فلسطين

[عسولة فلسطين]

الله يسعدك يا احساااااااااس
==========
شايفة يا حواااااااااء هههههه
وأعتقد سما من نابلس؟؟؟ ماتكون ذاكرت خاتنتني
لولو وغموض مغتربات

[حواء مثالية]

مممممممممممممممممم نعسانة

اتقاتلت مع المدير بالشغل الي يومين ذايقة خلاقي مش طايقة حد يارب صبرني

[عسولة فلسطين]

الله يعينك ياااااااااااارب ياحواااء
طولي بالك
ووسعي صدرك

[عسولة فلسطين]

أستأذنكم بنااااااااااات برجع ان شاء الله
المسااااااا

[غُمُوض أُنثَى]

مسسسآآآآكُم ورد يآ آحلآ صبآآآيآ
لمآ بغيب عنكُم بشتآقلكُم واللهِ :))
/

عَسولة واحسآآس من غزة؟؟؟ يآآآي شو مشتآقة لغزة حبيبتي ^^
خلص ان شآء الله نلتقي بس ارجع ع غزة
نآوية اولد في غزة ان شآء الله ازا وضع الحمل كآن تمآم مش حآبة اولد هون خآلص

شو اخبآركو اليوم يآ صبآآيآ
عسولة واحسآس وحوآء وجآرة ولولو وزهر اللوز

اليوم عملت انا رز اوزي من الدجآج المحمر بس تعبت كتير ورجع ينزل عليا الدم اهئ اهئ :(

بعين الله .. ربي يتمم ع خييييييييييييير

[teya]

السلام عليكم ورحمه الله وبركاته انا حابه استفسر عن شغله وكتير خايفه منها
انا قبل اربع شهور حكيت بيني وبين نفسي عهد بيني وبين الله اني ما اشيل حواجبي لاني عارفه انو شيل الحواجب حرام ونفسي ما اشيلهم بس عشان في عندي بحاجبي ضربه قاسمه حاجبي بالنص بالعرض ومن يومها ما شلتهم واليوم رحت ونضفتهم تنضيف ما حففتهم كتير لانو كتير مداياتني وحابه اغير شكلي قدام زوجي انا خايفه كتير انو ربنا يعاقبني خايفه كتير منكده ياريت حدا يريحني ويطمنني ...ارجو الرد

[عسولة فلسطين]

غموض>>>ان شاء الله بتيجي وبتولدي بالسلامة وبنشووووووفك
يللا صحة وعافية بمووووووووووووت ع الأوزي ياغموض أنا
يا حبيبتي ريحي حااااااااااااااااااااااالك والله يتمملك ع خييييييييييييييييييير يارب
------------------------------------------------
أهلين تيا>> والله تقريبا انا متلك بطول بس بعملهم
وكمان ما برفعهم لحواجبي بس تنضيييييييف والله يغفرلنا ياااااااااااااااااااااااااااااااااااااارب

[غُمُوض أُنثَى]

مممممم التنظيف اظن مش حرآم ..
لانه محبب تكون المرأة نضيفة وجميلة قدام جوزها
الحوآجب لما تكبر مش منظر بصرآحة بتبشع شكل الوجه

عآدي بعتقد حبيبتي

[غُمُوض أُنثَى]

حبيبتي عسولة نورتي ياقمر :))
ان شآء الله يارب بشوفك ع خير

وماعليكي مني وكلت امري لربي وان شاء الله البيبي يضل بخير هيني مستمرة عالعلاج والمثبت وان شآء الله خير ..

صحيح عسولة اديش صآرلك متزوجة انتي

[عسولة فلسطين]

صح والله ياغموووض وكلي أمرك لربنا وبس
لأنه ربنا كبيييييييييير
أنا صارلي متزوجة 9 شهور يا الله مشيوووووووووووا بسرعة
وانتي؟؟
غموض انتي من وين من غزة؟

[غُمُوض أُنثَى]

امممممممم انا صآرلي من شهر 7 متزوجة يعني تقريبا 5 شهور :))
مآ شآء الله انتي 9 شهور .. مهيا الايآم الحلوة بتمشي بسرعة صح هههههه

انا من النصر وانتي؟

[عسولة فلسطين]

ان شاء الله ربنا بيمكنا ببيوتنا
وربنا يسعدنا مع أزواجنا يااااااااااااارب
أنا من مدينة الزهراء اذا بتعرفيها؟

[غُمُوض أُنثَى]

الله يسمع منك حبيبتي يارب ويسعدك :))
اكيد بعرفهآ ولو .. بس بعيدة عنآ

شو بتعملي بيومك ..!

[نبض قلب]

من وين بالنصر غموض انثى

انا من الشيخ رضوان

ازا بتسمعي فيه

حامل ولا لأ

[عسولة فلسطين]

أها بعيدة عن النصر شوي
والله يا غموووووض روتين ممل
عنجد نفسي أتوظف والله يا بنتي زهقت من قعدة الدار
صح اني بيتوتية وبحب اضلي بالبيت بس بحب اطلع اشوف ناس كمان وما اضيع تعليمي ع الفاضي هههههه

[غُمُوض أُنثَى]

هلآ حبيبتي " نبض قلب " منورة التجمع :))

اكيد بعرف الشيخ رضوان ولوووو ... قلة ماكنت اروح عليه اتسوق هنآك ^^

انا بشارع الشفا ساكنة .. بس حاليآ بتونس

حآمل وبآقيلي اسبوع بخلص التآني ان شاء الله

وانتي؟؟

[غُمُوض أُنثَى]

ياحبيبتي ياآ عسولة مهوآ طآلمآ الوحدة تجوزت خلص لآزم الروتين هههههه

شو مخلصة بالجآمعة؟؟ طيب ليه ما تشتغلي انتي هلأ فآضية قبل ما تلتهي وتنشغلي

[عسولة فلسطين]

هههههههههه
والله ياغموض أنا مخلصة تربية انجليزي
من الجامعة الاسلامية
اشتغلت مع المكفوفين بمشروع لمدة 5 اشهر لأني بعرف لغتهم
بس حاليا بالبيت بانتظار امتحانات الوكالة والحكومة لعل وعسى يطلع اسمي

[عسولة فلسطين]

انتي غموض مخلصة جامعة؟
وكم عمرك

[غُمُوض أُنثَى]

حلو التربية انجليزي طول عمري كان نفسي ادرسها :))
ان شآء الله يارب يطلع اسمك وتتوظفي وتشغلي حالك

انا والله مخلصة هندسة معمارية من الجامعة الاسلامية برضو ^^
عمري 23 خلصتهم بشهر 10

هههههههههههههه

[عسولة فلسطين]

يللا حلو
الله يوفقك يااااااااارب
يعني اي سنةمتخرجة انتي؟
هههههههه ياستي العمر كله ياااااااااااارب
أنا بشهر1 ببدأ بالـ 23

[غُمُوض أُنثَى]

لسا الفصل المآضي تخرجت بعد 5 سنين عنآء
الحمدلله :))

العمر كله حبيبتي بعدك بأول عمرك لسآتك ^^
والله انا مش مفكرة اشتغل صرآحة الا بعد اول ولد
وازا كنت فآضية يعني
لانه ان شاء الله نآوية اخد اجازة طويلة بعد اول ولد ههههههههه
جوزي بدو 3 سنين اجازة وبيني وبينك اريح

[عسولة فلسطين]

هو معك حق
أنا لا أحبذ الست اللي بتولد وبتشتغل بعد ولادتها بأشهر
لأنه بصراحة البيبي بيكوووووون محتاااااااااج لأمه ولحنانها
ههههههههه والله ياغموض لأنه اللغة ما كتير باستخدمها حاسة حالي حأنساها
لهيك ميتة ع الشغل هههههه

[غُمُوض أُنثَى]

اكيد طبعآ كله رح تنسيه ازا مآ مآرستيه عملي

متلي طبعآ الحمدلله نسيت الهندسة كلها هههههههههههههههه خلينآ بالمطبخ احسن ^^
ان شاء الله بتتوظفي يارب والي الحلوان ازا طلع اسمك :))

[عسولة فلسطين]

هههههههههههههههه ولو يا غموض
لك وللبيبي كمااااااااااان بس يطلع اسمي
ان شاء الله
هههههههههههه شايفة بالله مالنا الا الطبخ

[غُمُوض أُنثَى]

بعين الله حبيبتي بس ماتنسي الحلوااااااان " بس ديري بالك ما بحب الاشيا الحلوة خلينآ عالمآلح " هههههههههههه

الله يسعدك حبيبتي ويوفقك يآرب ويرزقك
ان شآء الله بنلتقي بكرآآآ ع خير

ااستوى العدس عندي هلأ وعيوني بتسكر لحالهآ ^^
تصبحين ع خير يآرب يآ احلآ عسولة
احلآم سعيدة يآرب

[عسولة فلسطين]

هههههههههه والا يهمك كل الموااااااالح لعيونك
ههههههههه والله يسعدك وأحلام سعيدة لك كمان يااااااااااارب
وأنا سطلت خلص بنزيني ههههههه
بس كنت كتييييييييييير مندمجة معك
تلاقي الخير ياااااااارب
نلتقي غداً ان شاء الله
سلاااااااااام

[حواء مثالية]

صباحكم عسل يا بناااااااااااااااااات

اشتقتلكم كثير

[عسولة فلسطين]

يا هلاااااااااااا حواء
يسعد صباحك ياااااااااااارب
كيفك؟

[حواء مثالية]

هلا يا قلبي بخير الحمدلله كيفك انتي والله اليوم عجقة شغل

طمنيني عنك

[سما الدنيا]

مساء الخيرات والليرات والسعادة والحب وراحة البالل يا رب.....
شو اخباركم يا كروشات اشتقتلكم سو متش....
كيفك حواء انشاء الله اتكوني بخير وكيف حملك ...
وعسولتنا الحلوة كيفها وكيف امورها...
وجارة القمر ودمعة ولولو وغموض وزهر الوز وكل البنات يا رب اتكونو بخير وصحة وعافية...
اخ بس الو فترة النت عندي فاصل مليت حالي بدونكم يا عسولاتي الحلوات..
اختي ما شاء الله مبارح ولدت وجابت بوبو بجنن عقبالنا يا ربي انجيب احلا بيبيات...
طمنونا عنكم شو عاملين انتو؟...

[احساس أنثى]

هلا والله بالصبايا الكسلانين

توقعتكم الصبح تكونوا ساردين كل الأخبار

هههههههههههه

لأني مادخلت فترة الصبح ...

[جارة القمر]

مسا الخير ياااااااااااااااااااااااا بنوتات

اشتقتلكم

بكتب بسرعة لانه زوجي هلأ بروح من الشغل .........
بروح زوجي على ا4 بيوصل البيت 4:20 .........وانتو متى بيروحوا زواجكم !!؟ ست حشورة انا بعرف

اولا غموض حبيبتي الله يثبتلك حملك ياااااااااااااااااارب
وتشوفيه بين ايديك


ثانيا والله اني قرأت الكاتبته زهر اللوز مرتين لانه انصدمت لما قالت تعرفت على جارة وطلعت
سيئه بقول بيني وبين حالي ما لحقت تتعرف علي لما عدت القراءه ههههههههههههههههههههههه فهمت

زهره صار عندي فضول اعرف شو الموقف اللي عملته الجارة معك ......وبما انها سيئه معك ......اكيد بقول حسبي الله ونعم الوكيل ............


احساس ....يا ام زياد....... لاحول ولا قوة الا بالله طلعت وجبة الغسيل بسيطه كنت كمان شوي بدي
اخد تكسي طلب واجيب الصبايا واجي اغسل معك ههههههههههههه بمزح


حوائتي ....كيفك ياااااااااقمر يا عم صحتين و100 هنا على الشورما والفانتا وحطي تحت الشورما 3 خطوط حمر لانها زااااااااكيه بدي شوررررررررررررررررررماااااااااااااااااا!!!

ههههههههههههههههههههه صحيح حواء ضيفي لقائمة المشروبات الممنوعه للحامل المشروبات الغازيه وممكن نتفاجئ بانه المي مضره

صدقيني يا حواء كمان انا تناقشنا انا ومسؤولتي بحده شوي وتعكر مزاجي امبارح


بنات فعلا قعدت البيت بتجيب المشاكل انا قعدت بدون شغل 6 اشهر هههههههههههههه عملت حروووووب من ضيق خلقي هلا الحمد لله من بعد الدعاء انا شغاله لليل ونهار


اليوم موعد عند الدكتور على 6 الا ربع ........
والله بتيجيني اللام حاده ببطني من الجهه الشمال الله يستر

[احساس أنثى]

هلا سما الدنيا منورانا يائمر

حمد لله على سلامة اختك وعقبالنا يارب

وكل هاد ياجارة القمر وبتكتي بسرعة

هعههههههههههههههههههه

كيف لو انتي فاضية

أنا زوجي ماالو مواعيد ,,, لأنه بيشتغل شغل بسيط بجمعية

وقت مابدو بيروح

[سما الدنيا]

منورة بوجودك يا احساس ومبروك الاسم الجيد ..
والله يبارك فيكي يا رربي

[احساس أنثى]

صبايا بكرة انطلاقة حماس

خارجين خخخخخخخخخخ

يمكن عسولة طالعة معهم

[عسولة فلسطين]

سما نورتي الدردشة
الحمدلله ع سلامة أختك والله يقومكم جميعا بالسلامة يااااااااااااارب
----------------------------------------
ههههههههههههه والله ضحكتيني يا احساس مين قالك اني طالعة ( ليكون انتي طالعة نشوفك)
مع احترامي لكل الفصاااااااااااااائل بس وبكل فخر لا أنتمي لأي فصييييييييييييل لأنهم مابيدخلوا عقلي كلهم

[احساس أنثى]

جدعة هههههههههههههه

لا شو يطلعني انا من غير هالواسطة جوزي عامل عليا حظر

[نبض قلب]

شو اخباركم بنات

مرحبا يا غموض انثى

انا حامل بالشهر الخامس

عندي بنت اسمها ليان عمرها 9شهور و نص

بدرس تربيه عربي بالجتمعة الاسلاميه سنه تالتة

واي معلومات انا حاضرة

[نبض قلب]

بدكم تروحو عالمهرجان بكرة

؟؟اليوم شفت المنصة حلوة كتير

[نبض قلب]

كسفك احساس انثى عرفينا عليكي هعهع

[احساس أنثى]

له له له يانبض قلب انسيتيني

انا دمعة شوووووووووووق

بس غيرت الاسم

وااااااااااااااااااااااااااع

[نبض قلب]

هع
ليه غيرتيه ما انتبهت انو انتي اهلا بيكي بأي اسم

انتي حامل

كم صار لك متزوجة
ما بفتح كتير مشغولة ببنتي و الدار و الجامعة

[سما الدنيا]

احم احم نحن هنا في حد هون ندردش شوية من زمان عن النت ....هلا عسولة الله يبارك فيكي وعقبال ما انباركلك بحملك يا رب.....

[جارة القمر]

مسا الخير

سما انو هون بينفع ولا لا.............

بنات خلينا نتفق نكون ندخل بوقت معين حتى لو يوم واحد بالاسبوع


احساس انثى هههههههههههههه ضحكتيني هاد وانا مستعجل لو موو مستعجل كان حجزت اكمن صفحه كتابه


نبض قلب الله يخليلك ليان ويثبتلك حملك بس الله يعينك بنتك بعدها صغيره

[سما الدنيا]

اها ولو جارة كلكن فيكن الخير والبركة ...نوتي الدردشة كيفك وكيف حملك ان شاء الله بخير ..انا زوجي سايبتو نايم وقاعده هون عالنت الو تلت ايام كان فاصل ..

[جارة القمر]

فقدناك والله بهالغيبة الحمد لله على سلامة اختك شو سمتو ؟؟؟؟؟؟؟؟ظ

وشو طبختي اليوم؟

[سما الدنيا]

اها الله يسلمك يا ربي سمتو يوسف ...
ضايلي كمان اخت حامل كمان اكتر مني شهر بدا اتسمي بنتها ليان...
انا ما شاء الله الي ست خوات وست اخوة دزينة امي كاينة جايبة وعند امي بصير 23 حفيد ...
كل خواتي ما شاالله خلفن وعندهن اولاد انا اخر بنت بيستنو بابني حابين يشوفو اكتر واحد ...بيحكولي بيطلع زغنون زيي هههههههههههه..
وربي ما تفقدي غالي اها شايفه قطعة هالنت والله مليت حالي ..
اليوم ما طبخت اعملت حواضر ...انتي شو طبختي اليوم..

[احساس أنثى]

الله عليكم يانسوان ههههههههههه

نبض قلب انا صارلي متزوجة سنة وشهرين ... واليوم بديت بالشهر التاني للحمل

[جارة القمر]

ما شالله انا كمان عندي 5 اخات و2 اولاد
انا واختي واخوي متزوجين وعدد الاحفاد 6 ولما نجتمع اولادنا بيعجبوا
اسم الله انتو كيف لما تجتمعوا؟؟؟؟؟؟؟؟؟

انا اليوم كمان نواشف

[سما الدنيا]

اها امي بتفتح روضة للصغار بس نجتمع ههههههههههههههه...
بس والله هيك حلو ..الله يخليلك اياهم اخوتك يا رب..
بتعرفي الحواضر بكون مرات ازكا من الاكل والطبيخ....الاحد الجاي موعدي مع الدكتورة بدي اعمل فحص السكري ومنو بطمن عالبيبي..
وبدي اشتري اكمن غرض في محل برام الله عجبني كتير حابه اشتري كل لبسي منو ماي بيبي اسمو المحل وفيه كمان ضراغمة قسم الاطفال حلوين اللبس فيه..بس مش عارفه عشنك جربتي قبل هالمرة الحمل متا بلشتي اجهزي للبيبي ..انا هلاء اكمن قطعه بدي اجيب انا ان شاء الله بس افوت التامن ببلش اجهز شو رايك منيح هادا الوقت والا اجهز قبل؟

[احساس أنثى]

على خير ياسما الدنيا

حيصتيني انا لسى باول التاني وبدي اشتري ههههههههه

اموت على اغراض البيبي عشانها صغيرة

[سما الدنيا]

تسلمي يا احساس ان شاء الله بتصيري اتجهزيلو وانتي حامل ولما ييجي بالسلامة بتعرفي بجد شعور بجنن انو لما الوحده اتصير اتحضر لاول مولود الها يعني بكون نفسك تاخدي كل الي بالمحل وتطلعي ...شعور الامومة شعور بيجنن ربي ما تحرم حد يا رب اميييييييييييييييين

[احساس أنثى]

امين يارب

أنا اعرف اول طفل تجهيزاتوا على ستو ( أم أمو ) يعني اني انا

هيك العادات عنا ... عندكم كده

بس الا ما اجيب شي

[سما الدنيا]

لا انا حماتي رح اتجهز للبيبي....بس بتعرفي مش حابه هيك اوكي اتجيب لابني مش غلط بس برضو مش كل شي انا حابة اجيب عزوقي يعني لما حكتلها بدنا انجهز للبيبي حكت قدام زوجي انو ما اجهزو انتو احنا منجهز وهو وافقها ..طيب بلكن انا بدي شي عاختياري انا يعني ما بدي زوجي يركن لهيك انا كل ما اطلع عرام الله او عاهلي بشتري اكم قطعه..
بكفي السرير اهلي بدهم يجيبوه عزوقهم ...يلا كتر الله خيرهم

[غُمُوض أُنثَى]

كيفكُم أحلآآآآ صَبآآآيآ ..~

احسآآآس وجآآآرة ونبض قلب وحوآآء وعسوولة وسمآآآ ويآرب مآ اكون نسيت حد ^^

جآرة تسلميلي حبيبتي ع دعوتك الحِلوة ربي يسعدك ان شآء الله

سمآآ نورتي يآ البي فقدنآكي بهالغيبة .. ومبروك لآختك وزييييييييييييييييييين ما اختآرت لانه انا " ام يوسف " نآوية اسمي يوسف ان شآء الله :))
وعقبآل عندك وعند كل الصبآيآ ربي يتمم الهم ع خير

نبض قلب منورة حبيبتي وان شآء الله ربي يتمم الك ع خير ويحفظ لك بنتك وكيف دراستك ان شاء الله تمام !

بس شو الدعوة كلكو عآملين نوآشف اليوم ههههههههههه وانآ متلكم عملت نوآشف مع شوربة خضآر واسكآلوب .. حآجآت خفيفة

بس انا زي احسآس بعرف انه تجهيز اول بيبي ع ستو " مامتي يعني " !!
يمكن عندكم مو متل عنآ ... بس الا طبعآ ما الوحدة تجيب اكم قطعة ع زوءهآ


منوريييييييييين

[احساس أنثى]

نورك ياعسل ....

عقبال ربنا مايتمملنا كلنا على خير يارب

صبايا شو عاملين بالحمل مع جيزانكم؟؟

يعني انا اخر دلع معاه مسكين هههههههه


لو كانت الشغلة جنبي اعمل حالي مش طايلة واخليه يناولني

مبارح الريموت وقع حكتلوا مش قادرة اوطي اجيبوا بطني

ههههههههههههههههه

وعودتوا مايخلي شي مكركب وراه .. نصيحة الستات الكبار هادي

كانوا يحكولي عودية بكرة مابتلاحقي على ابنك ولا على زوجك ولا على بيتك

ومعهم حق والله

[سما الدنيا]

هلا منورة غموض كيفك يا حلو وكيف الحمل معك ...فعلا اسم يوسف حلو ..ان شاء الله بيجي عخير ابنك يا ام يوسف ويربا بعزك..
العادات عنا مختلفة بالضفة نفسها يعني في ناس الحماة الي بجهز وفيه ام البنت وفي الحامل نفسها بتحضر حسب ...بس بالنهاية الا ما الوحده اتجيب لابنها حتا لو همه بجهزو...مهوه المباركات لحالها بتعبي خزانة البيبي...

[احساس أنثى]

يلا ربي يوفقكم ياحلوات

بدي اقوم اعمل لزوجي نسكويك مين بحبوا

بس حعملوا بارد بيحبوا بارد الراجل هههههههه

[سما الدنيا]

اقول يا احساس خليكي عدلعك وخليه يعملك النسكويك وخليكي معنا هون..احكيلو اخ تعبانه ههههههههههههههههههه....

[غُمُوض أُنثَى]

منورين حبيبآتي ..

والله يآ احساس انا امر منك مع جوزي ههههههههههه
مرت عليا فترة بأول التآني الوحآم موتني عالاخر ماكنت اقوم من السرير

جوزي الله يرضى عليه كان يجلي ويكنس خخخخ ويجيب الاكل " فطور + غدا + عشا "
ولحد هلأ كتير مرات بكون بالسرير مثلآ بجيبلي كاسة عصير او فاكهة او غيرو

مسآكين الرجال زي الاطفال والي مسآعدني انه مآخدين بعض عن حب احم احم

يلا صحتين عالنسكويك بس سخن ازكى ^^

والله يآ سما ع قولتك المبآركات لحالها بتعبي خزاااااانة
عشان هيك بدي اولد في غزة مش بتونس هههههههه لو ولدت في تونس حتروح عليا المبآركآت ^^

شو بتعملو هلأ صبآيآ ..!!

[سما الدنيا]

ههههههههههههههههههههههههه ضحكتيني يا غموض.. الله عليكي
هوه برضو الوحده تولد وهية قريبة من اهلها احسن...
انا يمكن انام عند اهلي اسبوع لما الد عشان امي ادير بالها عليه وعالبيبي بس زوجي مش مقتنع بالموضوع لانو اهلي ابعاد عنا شوي ومشكلة عزوجي انه اكون بعيده انا والبيبي عنو لمدة اسبوع او اكتر ...الله يهونها بس انا بدي اروح اجيب فواكة واوكل حاسة حالي جوعت

[غُمُوض أُنثَى]

مهو السبب الرئيسي الي حيخليني اولد في غزة هما اهلي ههههه
بصرآحة اشتقتلهم كتييييييير والله ومش حقدر اولد بعيد عن الماما

يارب بس يستقر وضع البيبي وتسمحلي الدكتور اسافر غير هيك رح انجن بجد :(

صحتيييييييين ع البك حبيبتي " كلي كلمنتينا + برتقال " كويسين بالشتا

انا جآي عبالي كآسة عصير .. بدي انآدي زوجي يجيبلي الله يعنيه انا صرت قاعدة بالسرير ومتدفية مافي مجال اقوم هههههههههههه

[سما الدنيا]

يلا تصبحون عالف خير يا رب..
الهازبند قام من النوم بلاش يقكرني مطنشتو بدي اروح عندو ...يلا انشوفكم بكرة على خير يا ربي احلام سعيدة

[احساس أنثى]

ههههههههههههههه

لا حرام مو لهالدرجة ياسما

والله يابنات انكم متل العسل

صحتين على الب يلي بياكل ويلي بيسمع ^_^

وان شاء الله كلكم تقوموا بالسلامة يارب

تلاقوا من الله خيييييييييييييير

نراكم غدا

[عسولة فلسطين]

ههههههههههههههه
يعني لأني جيييييييييييييييت بلشتوا تناااااااااااموا هههههههههههه
ان شاء الله نوم الهنا لكم
بشووووووووفكم بكرة
وادعوووووووووووووولي ربنا يهونها علي
عملت تحليل لهرمون الحليب طلع عالي وااء ، شكله من آثار الاجهاض
الله يصبرني ويشفيني ويشفي ربنا كل مرييييييض ياااااااااااااااااااارب

[حواء مثالية]

سلام عليكم

كيفكم شو اخباركم

منورات يا هيك اللمة يا بلا بس كان ناديتوا علي كان اجيت

سما الحمدلله انك بخير والف الحمدلله على سلامة اختك يارب ويتربى بعز اهلووووووووو

مبارح كلكم طابخين حواضر انا طبخت مقلوبة

وبالنسبة للتعاون المنزلي عندي شخصيا شبه معدوم زوجي ما اله علاقة بشي ولا عنده استعداد يجيب كاسة مي الا بحالات اضطرارية .... بس انا عودته هيك الله يسعدو هو بحكيلي بده يعمل الاشي بس انا ما بخلي وباغلب الاحيان ما بخلي علي شي بشتغل اول باول

كيفكم والوحام يا بنات انا طافيه اغلب الاحيان فترة الصبح بوكل هوى

هاتو اشوف كيفكم اليوم ... شو برنامجكم لليوم

بنااااااات انا مبطلة اشبع نوم

يوم الجمعة خطبة بنت حماتي الله يهنيها يارب

بالي انام يوم الجمعة اخ يالله الله يكون بعوني وعونكم

[نبض قلب]

شو اخباركم كيف اصبحتم

انا قاعدة بغسل وبنتي نايمة

الدنيا سقعة بس شو بدنا نعمل

[حواء مثالية]

هلا نبض يعطيكي الف عافيه يارب شغلي الصوبة ودفي حالك منيح

[احساس أنثى]

صباحكم فل صبايا

مبارك ياحواء على الخطوبة ربي يتمملها على خير وعقبال ماتقومي بالسلامة يارب

سرتي باي شهر حواء بالتالت ؟؟

انا الحمد لله مابين لي وحام الحمد لله متل امي ^_^

صبايا تفضلوا افطروا معقول افطرتم؟؟

كاسة حليب مع سندوش فينو بالفلافل

[احساس أنثى]

حبيبتي عسولة ان شاء الله بسيطة مادام بس هرمون حليب ربنا يكرمك بالذرية الصالحة

غموض انتي حبييتيه هون وطلعتوا بره ؟؟ فضول

لأني كمان اخدت زوجي عن حب ^_^

[حواء مثالية]

هلا احساس الله يبارك فيكي ياقمر وان شاء الله عقبال كناينك

حبيبتي انا وحامي بلش باخر الثاني انا هلا اخر ايام بالثاني كم يوم بفوت بالثالث الله يعدي هالفترة على خير يارب

يسلموا انا فطوري اليوم فواكه موز وتفاح وكاكا تفضلي

مممممممممممممممممممممممم شوعامله هلا

[احساس أنثى]

صحتين وهنا

هيني بهالروتين الممل

قاعدة على النت لا شغلة ولا مشغلة

راح اطق والله

[حواء مثالية]

بعين الله

اقلك اعملي شغلة على شاني انا نعسانة كثير نامي عني ساعة او تنتين

متى تصير الساعة 3 شايفة الناس كلهم مخدات

[احساس أنثى]

ههههههههههههههه

كل هاد ياحرام من النعس

يلا النهار قصير على طول بيمضي

[لولو حمادة]

مرحبا كيفكم اليوم منورين
مبروك حواء لبنت عمك الليل طويل كيف مابتشبعي نوم
كيفك احساس كيف الحمل يعطيكي العافية نبض

[حواء مثالية]

ما انا طول الليل بعاني من معدتي عشان هيك

هيني نمت ساعة بالمكتب تسليكة لا اروح مش قادرة ولا بعمللهم كارثة هههههههههههههههه

الله يعدي هالفترة على خير يارب

[جارة القمر]

هاااايااااااااااات بناااااااااااااااات

ههههههههههههههههه النسكويك شريته لابني والله اني بشرب كل يوم زاكيي

سما بصراحه انا اهلي شرو لسرير وحماتي شرت كل مستلزمات البيبي
وما كنت مهتمه مين يجهز
بس لما كنت شو قطعه حلوه اشتريها
وما تستعجلي لانه الاطفال بسرعه بكبروا والاواعي بتصغر
وما بتلحقي تشتري

يلا باااااااااي بشوفكم بعدين الغل لفوق راسي

[احساس أنثى]

هلا صبايا منوريييييييييييين

انا مو حاسة اني حامل لدرجة اني بخاااااااااف

وبوسوس كتير ... بس بحس بطني بشد .. او نخزات

لكن مافي اي اعراض وحااااااااااااام .. امي متلي تقلي دوخة بسيطة

يلا ان شاء الله خير على نهاية الشهر ليا مراجعة

[حواء مثالية]

على خير ياقمر انا هيك بالشهر الاول صار معي بتم هالشي معك فترة

ان شاء الله يكون وحامك خفيف لانه انا كنت فاكره حالي هيك بس بنهاية الثاني بلش معي الله يخفف عني يارب والله كثير تعبانة

[احساس أنثى]

يلا بتهون باقيلك شهر بعدين خلص ان شاء الله بتبدي تحسي فيه وتنبسطي عليه

ربي يتمملنا على خير يااااااااااااااارب

[احساس أنثى]

يلا صبايا اشوفكم لامسا على خير اذا شغلنا الماتور

لأن الكهربا عدها قطعت

وبدي اقوم اعغمل سلطة مع حماتي للمجدرة تفضلوا

[حواء مثالية]

بعين الله احساس صحتين على المجدرة

جارة منورة

سما

لولو

عسولة

غموض

كل الصبايا

[سما الدنيا]

مساء الخير لاحلا الصبايا....
هلا حواء منورة والله ..والله يسلمك يا ربي وعقبالك انتي كمان ما اتشوقي ابنك بين احضانك وعقبالنا كلنا..لازم المسا انشوفك هون خلي السهرة تحلو...
عسولة واحساس وجارة وغموض ولولو ونبض كيفكم ان شاء الله اتكونو بصحة وعافية...
انا فتت من الوحده هون بس النت لساتو سيئ ساعه لتفتح الصفحة معي ...
يلا معلش هيو زبط والحمد لله الكل بخير ...شو اخبارم طمنونا عنكم

[teya]

كيفكم بنات شو اخباركم
كيف الحمل معكم
اليوم اصحيت على حركه الجنيين ببطني الله يحميه يارب ويحرسه
ادعولي بنات الله يسعدكم يارب

[احساس أنثى]

هلا ياالغالية

ربي يثبت لنا حملنا جميعا يارب

[غُمُوض أُنثَى]

مرحبآ لكُل الصَبآيآ الحِلوين :))

" احسآس , حوآء , عسولة , سمآ , جآرة , نبض , لولو , تيآ " والجميع
نهآركُم سعيد ..

حوآء الله يعينك بجد والله منآ عآرفة كيف بتشتغلي بهالنعس هآدآ ! ومبروك الخطوبة

سمآ منورة حبيبتي .. احنآ بخير والله دآم الجميع بخير ومبسوطين

احسآس .. صحتين عالمجدرة , الوحآم انآ مآ بلش معي غير بأول التآني ومع نص التاني راح كلياً وانبسطت بس مآمآ بتحكيلي يمكن يرجع ع ازفت او ماآ يرجع وان شآء الله مآ يرجع لانه هلكني !

والله يا احساس مممممم جوزي بيكون ابن عمتي حبينا بعض يمكن 10 سنين او اكتر خخخخخ حب منذ الطفولة وتطور مع الايام بس كان يدرس برا هون بتونس يعني وكتبنا كتابنا ورجع سافر كان ينزل بالصيف ضلينا سنتين خاطبين بعدين الصيف هادا تجوزنا وسافرنا وهيني حامل الحمدلله هههههههههه >> قصة حيآتي

وانتي كيف قصتكو ؟؟hwaml7 هههه شلة حبّيييبة .. مين كمان تجوزت عن حب يآ بنآت خخخخخخخخ hwaml13

جآرة .. منورة يآ حلوة و يعطيكي الف عآفية ع الشغل

لولو .. بعين الله الدنيا فعلا برد كتييييييييييير يعطيكي العافية ع الغسيل

تيآ ..نيآلك بديتي تحسي بالبيبي عقبآآآآآآآآآآآآآآلنا والله كتير متشوقة ^^

ان شاء الله بتتجمعوا المسآ كلكم وتكون احلآ لمة

لهلأ مآ طبخت ومو عآرفة شو اطبخ اهئ اهئ بدي شي خفيف وجوزي مش مسآعدني بأي اقتراح hwaml4

[سما الدنيا]

هلا غموض منورة حبيبتي ..
ومنورات كل الصبايا احلا مسا الكم..
وازا بالنسبة لسؤالك انا اخدت عن حب دام 9 اشهر بعديها تم النصيب ...هوه احلا هيك بكون التنين فاهمين بعض اكتر مين متلنا يا صبايا والا الكل تقليدي....

[احساس أنثى]

هلا صبايا احلى مسا لعيونكم

الصراحة حسدت نفسي اليوم دخلت اعمل سلطة مالحقت اوقف حسيت راسي فاضي ودوخت

وجوزي اجا يعبي بنزين ريحة البنزين خنقتني حسيت حالي حرجع منها

بالنسبة لقصة حوووووبي هههههههه استمرت سنة تقريبا ... سنة عادي ابن عمتي كمان

وسنة بدأت المراسلات والحب .. بس لما وصلت لسنة تالتة ورابعة بدوا الخطاب يجوني

انجن عبودي وانا مااقدر احيك شي لأهلي راح هوا وقف لأهلوا وقلهم لو مااخت البنت هادي انا ولا عمري بتزوج ..

وانا كنت خايفة ابويا مايوافق لأنه ابن عمتي زوجي اصغر مني بسنة ولسى بيدرس بس الصراحة عقلوا بيزن بلد والله مو لأنه زوجي يعني مايتواصل الا مع اخي مخلص ماجستير هندسة - الكل يحسدهم وهما( قصدي جوزي وأخوه هما توأم ) بهالعمر يحكوا انجليزي كتير كويس ويفهموا للكمبيوتر والمواقع الالكترونيةوتصميمها بشكل رهيب ...

بكفي ههههههههه المهم تجوزنا ياسلام راحة بال فكرتوني بايام زمان هههههههه

[سما الدنيا]

الله يخليكم لبعض يا احساس ويخلينا ازواجنا يا ربي وما ننحرم منهم ابدا....

[احساس أنثى]

امين يارب

تخيلي ياسما من زود الحب بقلوا ربي يجعل يومي ويومك سوا

مين ياكل قسماااااااااااااااااااااااط ؟

[غُمُوض أُنثَى]

هههههه واآآو سمآ واحسآس وانا عن حب طيب ممتاز كتير
لنشوف مين كمآن كان من شلة الحبيبة !!

والله حلو كتير الحب خصوصا لما يزيد بعد الزواج
سبحان الله مع العشرة بيصير في حاجات احلآآآ
والعشرة لحالها بتعمل حب قوي بين الزوجين
وع قولة سما بيكونو فاهمين بعض اكتر

ربي يسعدكم حبيبآتي مع ازوآجكم ويرزقكم ويهدي بالكم

[احساس أنثى]

امين يارب جميعا

بقية الشلة نايمة كسلانة الوحام موتهم مساكين

[سما الدنيا]

الله يخليكي يا غموض ويسعدك انتي كمان....
اها الواحد لما يحب حدا بيدعي يومه يكون قبل يومه يا رب سخرنا ازواجنا وخلينا اياهم طول عمرنا..
شو هوه القسماط يا احساس اول مرة اسمع فيه

[سما الدنيا]

لازم نتصل عحواء تيجي تسهر معنا وجارة وعسولة ...لا هوه مش قصة كسل يمكن..
بس نحنا مزودينها وتاركين الازواج لحالهم هههههههههه...
انا زوجي عالتلفزويون وانا هون ..

[احساس أنثى]

انا زوجي طاشش وسايبني ههههههههه

مو معقول ماتعرفوا القسماط ينشرا من البقالة بنص شيكل

هادي صورتوا

http://forum.hwaml.com/imgcache2/hwaml.com_1323883465_243.jpg

[عسولة فلسطين]

يسعد مسااااااااااااااااكم
ههههههههههه سما ما حبيت أخسرك اتصال وجيييييييت الله يسعدك يارب حبيبتي
أبدأ أرد،،،
حواااااااء حبيبتي الله يكون لك معين والله النووووووووم حلو وبالذااااااااات بالبرد هههههه
والله يتمم ع خير الخطبة وربنا يسعدها
جاااااارة الله يعطيكِ العافية يااااااااااااارب
احسااس ان شاء الله بكرة حأروح ع غزة التشخيصي أعيد التحليل وبعدها للدكتور اشوف ايش حيقولي ، تفاقيد الله رحمة
غمووووووض حبيبتي كيفك
والله انكم أحلى شلة حبيبة ههههه الله يخليكم لبعض انتوا وازواجكم ويخليلي ربنا زوجي ومايحرمني منه أبداً ويجعل يومي قبله كمان
أنا بالنسبة اللي تزوج تقليدي بس هو الوحيد بالذات قلت لماما يوم مابده يجي يشوفني قلتلها مابدي اشووووووفه وكنت اعيط والا كنت طيقاه من قبل لأشوفه
ماما قالتلي شوفيه يمكن يعجبك ويمكن انتي ما تعجبيه وما راح ياخدك غصب عنك
هلأ الأحلى انه هو التاني كان جاي ومقرر يحكي لأ حتى لو كانت ملكة جمال
بس كان جاي عشان ما يحرج امه لأنها أخدت موعد
هههههههههههه بس عنجد لماتقابلت عيونا ما بعرف ايش صااااااااااااار
حسييييييييييييت اني بعرفه من سنين واني شيفاه قبل هيك وهو التاني
وتم النصيب وهلأ عندي ايااااااااااااااااه بكل الدنيا ولو رجع الزمن في تاني وقالولي أحب ححبه هو ولو بعد ألف سنة
كانت معكم عسولة فلسطين من غرفتي ههههههههههه>>>ما شاء الله تقرير

[عسولة فلسطين]

ههههههههه والله كتبت كتيييييييير تبعت
بمووووووووووووووت عليه بالذات المملح للقسماط
احساس يمكن اله اسم تاني غير اللي احنا بنقوله

[عسولة فلسطين]

لولو بغسلي يعطيكي العافية
وهيني بأطوي الغسيل أنا
ومشغلة الدفاية ومييييييييييييييييتة برد
وأحلى شي بس اتنفس من تمي بيطلع زي الدخان وانا بعمل حالي بدخن كنت اعملها لما كنت صغيرة مين كانت تعمل زي ههههههههههههههه


بنااااااااااااااااات ملاحظين اني اليوم برامة شوي هههههههه

[احساس أنثى]

ههههههههههههههههههه

هلا بيكي عسولة احسن يلي بيحكي بدل الملل برا المنتدى وجوا المنتدى

شو مالهم الصبايا قال بدهم يتفقوا يحطوا فترة نفوت فيها سوا وهما اصلا كسلانين

[عسولة فلسطين]

والله يااااااااااريت يا احساس
أنا مالي موعد محدد ع النت
بس أكون فاضية بتلاقوني نطيت هههههههه

[احساس أنثى]

انا لليل نهار حتى مليت منو كمان هههههههههه

الفرج قريب وعدني زوجي بعيد ميلاده يوم الاحد يطلعني وأخيرا

[لولو حمادة]

مرحبا انا جوزي ابن عمي لمن سافر يمكن كنت بالاعدادي
سافر يدرس ودرس كمان ماجستير ونزل الامارات يشتغل يعني فوق العشر سنين ماكنت بعرف حتى شكله ولا هو بيعرفني امه خطبطني وشفتو على النت وصار نصيب وبعدين سافرتله على الامار ات لوحدي مغامره

[عسولة فلسطين]

هههههههههه
ان شاء الله بتتهنوا يا احساس بس ديري بالك ع حالك وانتي طالعة
وان شاء الله بيكون يوم من العمر
==========================
لولو كيفك.؟
يللا الله يهنيكم انتي وزوجك قديش فرق العمر اللي بينكم؟
حشورة أنا بمزح والله مش حشورة بس فضولية شوي

[لولو حمادة]

الفرق بينا سبع سنوات
احسن بيكون عقلو كبير واعي

[عسولة فلسطين]

اها حلو فرق العمر بينكم
وانا فرق بيني وبين زوجي 4 سنين

[لولو حمادة]

وينكم ماحدا باين شو نايمين بدري
وين حواء وجارة ونبض وسما وزهرة اللوز وغموض وتيا وعسولة واحساس يارب ماكون نسيت احد

[لولو حمادة]

وينك عسولة بدي اسالك عن التايلندي كيف بتعمليه شو مكوناته انتي حكيتي مرة عنو ويمكن اكون بعرفو باسم تاني

[عسولة فلسطين]

هيني بس بدي اروح أحضر فواكه واجي اقعد
والله نسييييييييييت أسأل امي عنها ههههههه رغم اني كنت امبارح طول نهاري عندهم
خلص بس احكي معها بكرة بسألها بس لأنه عقلي ما بعلق كتير بنسى

[غُمُوض أُنثَى]

مسآآآكُم ورد وفُل ... ~

مآشآء الله يآ عسولة شو هالقصة الغرآمية هآي ولغة العيون يآسلأآآآآم ,
بصرآحة طول عمري كان نفسي امر بموقف انه يجي العريس واول مرة نشوف بعض وهيك يعني نكتشف بعض بأول جلسة

بس النصيب انه كنا نعرف بعض ونحب بعض يعني لما اجى يخطبني مآ انحطيت بموقفك هههههههههههههه
الله يسعدك حبيبتي ويهنيكي انتي وزوجك ويرزقكم الذرية الصالحة قرييييييييييييييبآ :))

يلآ احسآس ان شآء الله تنبسطي في الطلعة يآآآآآآآآآآآآآآرب وتبطلي تحسي بالملل ^^

لولو يسعد مسآكي يآحلوة بتعرفي صحبيتي اتجوزت معآيآ بنفس اليوم وجوزها ابن خالتها وماكانت بتعرف عنه اشي ولا كانت شايفاه وحتى لما خطبوا كانت مكالماتهم قليلة كتير ما تعرفو ع بعض غير لما اجى قبل الفرح بآسبوع وهيهم ما شاء الله سافرت متلك ع الامارات

الله يهنيكي ويهنيهم يآرب اهم شي يكون الزوج منيح معك وبيحبك

ياعسولة الي بيحكي احسن من الي ما بيحكي خليكي معنا مراسلتنا دومآ خخخخخخخخخخخ
انا كمان بيني وبين زوجي 4 سنين

يآحوآمل يآحلوين اشربوا الحلييييييييييييب خخخخ بشرب لبن خضيض انا ما بحب الحليب

[نبض قلب]

كيفك لولو حمادة شو اخبارك

انا اول مرة اشوفك معنا

انا بشرب كل يوم كاسة حليب-طالبه مدرسة-

وكتيش ييجي موعد ولادتي و اولد و اتريح

[حواء مثالية]

صباح الخير كيف الحال ان شاء الله تمام بصراحة قعدة راحت علي مبارح الله يهنيكم يا بنات

انا زواجي كان تقليدي عرفته يوم اجا خطبني بس اول ما اتصلوا ياخدوا موعد قبل اشوفه حسيت انه نصيبي الله يخليلي اياه الحمدلله اول قعده كانت اكثر من ساعة اخد عقلي وقلبي فيها وانا نفس الشي

الحمدلله بعد الزواج صار القرب اكثر والحب اكثر الحمدلله رب العالمين

بوكل بسكوت مملح تفضلوا بنات اليوم الحمدلله مصحصحة

بكرا خطبة بنت حماتي كانت حفلة على الذيق اليوم الصبح بحكولي بدها تلبس بدلة وخطبة خطبة راح تصير هيك تغير برنامجي بالبس واللوك كله

مممممممممممممممممممممممممممممممممممممم

طمنوني عنكم
جارة وين مختفية hwaml9

[دنيتي انت]

صباح الخيرات
داخله عرض
بس ما عليه تحمللوني
لسى جديده وكتكوته

[سما الدنيا]

اهلا وسهلا بدنيتي انت ..انشاء الله بتنورينا هون وتنبسطي معنا البنات هون زي العسل واكتر شوية...
هلاااااااا صباحو للحلوين الامامير شو اخباركم ..صباحو حواء شلونك اليوم..الف مبروك خطبة بنت حماكي ...
وهلا بكل الصبايا ..مبارح كنت بدي اكمل السهر معكم بس اجت بنت حمايه علينا واخدتنا معها رحنا اطلعنا عبيت حماي يلا معلشي اليوم منعوضها..

[حواء مثالية]

هلا سما منورة ياقلبي كيفك شو اخبارك

دنيتي انت كل النور نورك حبيبتي ان شاء الله تنبسطي هوووووووووووووووووووووون

هاتي ملخص عنك

شو عامله بحياتك ادي الك متزوجه معك اولاد

دارسه

.............

[سما الدنيا]

انا تمام الحمد لله بخير المهم انتو اتكونو كمان بخير..مبسوطه عشان قرب موعد الدكتورة يوم السبت هادا, الي شهر ما رحت مشتاقه اشوف البيبي واطمن عليه الله يطمن الجميع ويطعم الجميع يا ربي...

[حواء مثالية]

ان شاءالله بالسلامة ياسما وتطمني على القمر وتنبسطي في يارب ويشرف ويجي بالسلامة ان شاء الله

[سما الدنيا]

مسائو كيفكون يا صبايا..
هلا جارة منورة يلا الحمد لله انك اطمنتي عالبيبي..انا ان شاء الله السبت طالعه ورح اشوفه واطمن عليه...
الله يخليلك زوجك يا رب بس قصة تعرفكم حلوة تعتبر زواج عن حب..
يلا منيح ما حط عينو عوحده من الصبايا الي كانو معك ههههههههههههههههه.
ولا ما بعملها اكيد انتي قمرهم كنتي...
شو طبختو اليوم انا عملت مشكلة مع رز يم يم زاكية كتي كانت.

[جارة القمر]

مساااااااااااااااااء الخير يااااااااااااااااا حلوااااااااااات
ما صدقت وانا اقدر ادخل ادردش معكم

كيفكم بناااااااااااااااات بجد اليوم خلينا سوا ندردش حواء
مالك حجه اليوم الخميس بكرا ما في شغل
صحيح شو قررت تلبسي للخطبه؟؟؟؟وبدكم تعملوها بالبيت ولا بقاعة؟؟
....................


صحيح لما رحت على الدكتور الحمد لله فحوصاتي تمام واخدت ابني وزوجي معي لانه
يزن جنني بدو يشوف اخته اللي مسميها دانا وقبل بيوم من لما رحت للدكتور قلته خلص رح اخدك وتشوف دانه على التلفزيون هههههههههههههه انجن وهو يسألني كيف وليش ومتى وكل الاساله .............

قبل موعد الدكتور بقولي ياماما متى الدكتور بدو يحضرني اختي دانه على التلفزيون
هههههههههههههههههه
طبعا الدكتور من كتر ما شاف يزن متلهف
صار الدكتور يكبر بصورة الجنين لفرجا يزن الايد والراس الحمد لله
قلي باين صحته كويسه وما شالله مع انه 11 اسبوع مع انه الدكتور قلي الجهاز بيعطي انه 12 اسبوع .............كان يتحرك ويسبح بشكل واضح وحرك كف الايد زوجي انبسط ..........


بالنسبة لزواجي .............كنت ادرس بالجامعة سنة تانية......

اللي صار انه كان لي حساب بالبنك وزوجي كان يشتغل فيه مهندس حاسوب
وشافني وسال عني واجى بدو يتقدملي بس اللي صار انه والدي بتعامل مع نفس البنك
وما مشولوا معامله فصار بينه وبين زوجي ههههههههههه مناوشات
بعد فترة شافني بالبنك وقلي انه حصل موقف معين مع والدي وانه بيعتذر له
وما شفته الا يوم من الايام بجامعتي .........وضل يحوم والله كان معي صبايا عندهم استمارة
بدهم يوزعوها على الطلاب وكنت انا بعبي فيها على المقعد
لما شافوا صاروا يحكوا عنه انه هاد الشب شكله مش من جامعتنا وصاروا يتفتلوا قدامه على اساس بدهم يعطوا استمارة والله اني يومها ما قمت عن كرسي وضلتي محلي وما اهتميتله نهائي
بعد فترة كنت بالبنك ..........بعتلي زميلته بالبنك تاخد رايي انه يتقدملي اولا .......قتلها امري بأيد اهلي
وبعدها طلبني وصار النصيب

[جارة القمر]

انا اعملت مجدرة ,........ وقليت كبد رديت نفسي بالمجدرة ........

[سما الدنيا]

اها صحتين وعافيه يا قمورة بس بيحكو الكبدة مش كويسة للحامل انا هيك بسمع..
ومن يوم ما حملت ما اكلتها...
بتعرفي من حملي الشاي ما شربت الا اكم كاسه بالعدد والقهوه بالمره والكولا والسفن يا حسره مع اني بموت عشريها ما بشربها بالمره والشيبس نادرا جدا لاكل يعني في كتير اشياء امتنعت عنها بحملي ان شاء الله اخلص ححملي عخير والد بالسلامه وانفش بكل الي ما اكلتهم ههههههههههه

[جارة القمر]

سما كنت بحملي الاول هيك هلا لا والله

بيجي عبالي ما بحرم حالي والحامي الله..........


هلا بحضر جويل بحب البرنامج

[سما الدنيا]

اها بلش هوه هديك المره كانو جايبين اسيل من برنامج هوه وهي طلعتها بجنن..
بس اشوف المخلوقه يلي بدها اتزبطها جويل وراجعلك لانو الكمبيوتر بغرفه والتلفزيون بغرفه تانيه..
واكيد الله الحامي بس خلص مش غلط نبعد عن هيك اشياء

[سما الدنيا]

اها والله شفتها ..بس بتعرفي بدها شغل كتير لتزبط يلا يكون بعونها جويل ههههههههههههههه

[جارة القمر]

هههههههههههههههههههه............


صيحيح الحرص واجب............بكرا رايحه على بيت اهلي لانه عيد ميلاد
امي اليوم وبكرا بدي اخدلها قالب كيك ومرت اخوي بدها تعمل حلويات ونعمللها عيد ميلاد
مفاجئة ........
وكمان ب25/12 عيد زوجي ..........

[سما الدنيا]

يلا عقبال 150 سنه يا ربي ..وتتهني انتي وزوجك يا ربي كام بصير عمرك يا قمر.
انا ببخمسة واحد عيد ميلادي بصير عمري 26 سنه يعني قرب..
شو ناوية تعملي بعيد زواجكم ..انا لما مر علي هوه كان ب8 عشره بس اكتفينا بالمسجات بس يوم عيد ميلدو لزوجب عوضها لانو كان قريب 23 عشره اعملتلو حفله خاصه بجنن ..يلا خبرينا افكارك لهلليوم.

[سما الدنيا]

الله يخليلك امك يا رب ويخليلنا امياتنا بس كانو فهمت عيد ميلاد الوالده فكرتوالك

[جارة القمر]

عيد زواجي مر ب2/8/2011 ب 25/12/2011 عيد ميلاد زوجي
والله انا مش رومانسيه وما بعرف اعمل حفلات ...........واااااااااااااااااااااااع

لكن شريته بلوزه هديه...........واهديتو ياها قبل شهرههههههههه

[جارة القمر]

اها مهو يزن بيكبس معي على الاب توب مو مخليني اعرف اكتب
حبيبتي كلك زوووووووك وربي يحمي امهاتنا

[سما الدنيا]

ههههههههههههههه...الله يخليلك زوجك وابنك يزونه..
حبيبتي بما انو عندك خبرة بدي اسالك هلاء انا ان شاء الله كمان اسبوع بفوت بالشهر السابع بتنصحيني اجهز للبيبي يوم اطلع انا السبت طالعه ..هلاء مش كل شي يعني بدي اشتري الشنته الي بتكون للحامل بتاخدها معها للمشفى وكمان بدي احضر فيها كل الي بيلزمني يعني شو اشتري ان كان الي ولا للبيبي

[جارة القمر]

طبعا عزها تحضري هلا والافضل من السادس بس لا هيك كتير مناسب لانه
بالاشهر الجاي رح ما شالله تثقلي ,,,,,,,بنصحك تحضري كلشي خلال الشهر السابع وقبل التامن
وليقرب موعد ولادتك وبصراحه الافضل من بداية التاسع تحضري الشنطه اللي للمستشفى فيها بجامتك وبجامة البابي والاغراض المهمه وتحطيها بمكان زوجك يعرف وينها لانه ما بتعرف متى بتيجي لحظة الولادة وازا ما كنت مجهز وضعك رح تضايقي ........لانه ما حد بيعرف مستلزماتك غيرك ........

[سما الدنيا]

الله سيعدك يا ربي خلص لهيك ااسحب مصاري واشتري كل المهم...اليوم البنات نايمين او كنو عشان عطلهن انا مني عليه معطلة طول السنة السنه هههه وزوجي بكره اجازتو واليوم بقضيها طشات مع اصحابو وهون وهون

[سما الدنيا]

وين البنات نايمييييييين ..طيب تاركيني لحالي مش حرام عليكن,,,,,, شكلي بدي اروح عالفيس بوك ادردش هناك

[غُمُوض أُنثَى]

مسآ الخير يآ حلوآت ..

الله يآرب يخليلكو ازوآجكم ان شآء الله
مآشآء الله كُل وحدة الهآ قصة مميزة وكيف تعرفت ع زوجهآ !!
الله يهنيكم ويسعدكم جميعآآآ

انا يوم السبت عندي موعد مع الدكتورة ويآرب خير خآيفة كتير :(
ان شآء الله تطمني وتحكيلي انه المشيمة استقرت


مممممممممم اليوم طبخت كِبّة البطآطآ اول مرة اعملهآ + رز عآدي + سلطآت
بس الحمدلله طلعت زآكية وعجبت جوزي كتير ^^,, شطورة خخخخخخخخخ

ضحكتيني يآ سمآ من المنتدى للفيس خخخخخخخ وانا زيك
شو بيعملو الصبآيآ ..!

[احساس أنثى]

صباح الخير صبايا جميعة سعيدة وموفقة للجميع

أنا مبارح مافتت كان يوم عجقة كتييييير

جوزي عزم رفقاتوا يلي معاه بالجمعية على الغدا

ههههههههه انتوا لو مكاني بتوافقوا ؟؟

انا عاردي واله البنات محترمات حرام

وطبعا لل 4 واحنا لسى نضيف عصير وفاكهةو شاي ومكسرات

بعدها سبنا المطبخ متل ماهوا ورحت اسلم على جدتي بتكون ام حماتي خخخخ

صبايا انا بديت بالتاني وحسدت نفسي الصراحة تعبانة كتيييييييييييييير

احس معدتي لايعه لكن مااقدر اطلع شي والدوخة بس اقف ادوووخ

والله متدايقه حييييييييييييييييييييييييييييل

ادعولي ربي يعدي هالشهرين على خير ... وربي يقومكم كلكم بالسلامة

اكيد اليوم حواء مشغولة اليوم الخطبة !! صح

يسعد يومكم صبايا الله اعلم متى افوت لانوا ظهري بيوجعني كتير دائما ممددة

[بينك روز]

صباح الخير عزيزاتي
انا مشتركه جديده معكم من غزة
بدي انضم لإلكم
امبارح رحت عملت تحليل دم وطلعت حامل الحمد لله
يلا وين نصائحكم وارشاداتكم ليه

[احساس أنثى]

هلا حبيبتي منورانا

انا كمان من غزة الف مبرووووووووووك حملك

احكيلنا عنك شوية؟ شو دارسة كم عمرك كم الك متزوجة اي شي

[عسولة فلسطين]

كييييييييييييفكم بناااااااااااات والله مشتاقة لكم كتيييييييييييييييييييييير
ع السريع بدي أكتب طريقة التايلندي للي طلبوها
وياااااااااارب تعجبكم
برجع بشوف ايش كتبتوا وانا مش موجودة لارد ههههههههه لأني لو ما كتبتها حأنساااااااااااها
صدورة الدجاج بتفرموهم صغير ومن بعد هيك بتشربوهم ميتهم لحالهم بمقلاية او طنجرة مع نتفة ملح
بعد هيك بتجيبوا البصل حسب كمية صدورة الجاج اللي عاملينها بتفرموهم شرائح رفيعة مش خميلة
ووبتحطوهم بمقلاية او طنجرة تانين وبعدين بتجيبوا فليفلة خضرا وصفرا الألوان اللي عندكم وبتفرموها + ملح وبتشربوهم ميتهم ( مية البصل والفليفلة) ومن ثم نضع قليل من الماء حتى يستوي البصل >>> ما يكون بيقرط
وبعدين بنجيب بطاطا بنقطعها مكعبات صغيرة ونقليها ( حسب الكمية اللي انتوا عاملينها) وعندما تستوي البصلة نضع الدجاج والبطاطا + القليل من زيت القلي ( السيرج) ومن ثم نضع فلفل أسمر و بهار ( بهار طبيخ عادي) نقلبهم مع بعض ( شوي مش كتير نقلبهم) وبس هاي أكلة التايلندي
طبعا صبايا فيه ناس بتحط معها فطر زاكي مع الفطر
واحنا بناكلها بسندويتشات فينو مع صحن سلطة جنبها يا سلااااااااااااااام
وصحة وهنا
لو عجبتكم قولولي

[عسولة فلسطين]

والله مشتاااااااااااااااااقة لكم يا صبايا
كيفكم فرداً فرداً طمنوني عنكم؟؟؟؟
امبارح ما فتت كنت مشغوووووووووووولة كتيييييييييييييير واليوم
رحت امبارح عدت تحليل هرمون الحليب والحمدلله طلعت النتيجة طبيعية وانا مش عارفة مين اصدق؟؟؟ بس اللي عملت عنده التحليل تاني مرة نتائجه دقيقة انصحووووووووووني مين اصدق؟؟؟
هو موعد دورتي قرب لأني اخدتلها الحبوب اللي بتجيبها بعدين
رحت زبطت حالي وميشت شعري وروحت عملت لزوجي مفاجأة وهو كان عاملي مفاجأة
هههههههههههه الله يخليلي ايااااااااااااه ياااااااااااااااااااااااااااااااااااااااااااااااار ب

[عسولة فلسطين]

pink rose
أهلا وسهلا فيكِ معنا
ومبروووووووووووك حملك
والله يتمملك ع خير ياااااااارب

[احساس أنثى]

فنانة ياشششششششششيف عسولة ههههه

ماشاء الله عليكي ... صحتين وهنا وان شاء الله بنجربها

[احساس أنثى]

حبيبتي انتي افتحي على الاعراض يلي بتبين انه عندك هرمون الحليب عالي

وشوفيها هيا عندك ولا لأ بدل ماتقعدي بحيرة تصدقي مين ولا مين

ونعيما على الشعرات قلك اياها زوجك ههههههههههههه

[جارة القمر]

مساء الخيرات يا بنات ................

عسولتي ..........تسلم ايدك يا قمر............

احساس انثى يعطيك العافية ...........

هلا جيت من بيت اهلي ..........
ما شالله اكلت اكل هههههههههههه عامله ماما جاج محشي وورق دوالي ........
وتحلينا لانه عيد ميلادها شريتلها كيكة كرمل ومرت اخوي عامله حلويات قضيناها اكل

[جارة القمر]

وووووووووووووينكم,.,

[احساس أنثى]

صحيتن وهنا ياجراة

والعمر كلو للماما يااااااااارب

بوجودكم جنبها

[جارة القمر]

تسلميلي يااااااااااااااااااااااا احساس
انا هلا بحضر ام بي سي برنامج ايدل لانه رح يطلع فيه حد من الحي تبعنا ههههههههههه

[احساس أنثى]

اانا على المسلسلات ههههههه

بحضر مسالة كرامة

[سما الدنيا]

صباح الخير يا حلوين....
ان شاء الله اتكونو بصحة وعافية...
اليوم طالعه عالدكتورة اطمن عالبيبي موعدي ع2 العصر وبدي اعمل فحص السكري كمان ..ادعولي يا صبايا ...بدي ااروح اخلص الشغل البيت واطلع عرام الله ومن رام الله عبيت اهلي رح انام عندهم ومن هناك رح اطمن عليكم ازا شوفت اني عندي وقت ..
يلا اشوفكم على خير يا ربي.

[لحظات سعاده]

احبابى اهل الاراضي المقدسه اشهد الله انى احبكم فى الله
ربنا يحفظكم ويحفظ زريتكم من كل سوء انه ولى ذلك والقادر عليه

[سما الدنيا]

شكرا الك لحظات سعادة هادا من زوقك وكل المحبة الك كمان.. ربي يحفظك وينولك الي ببالك...
تحياتي الك

[احساس أنثى]

صباحكم ورد ياصبايا

ربي يطمنك على البيبي يارب وتقضي وقت حلو مع الاهل

واهلا وسهلا فيكي لحظات سعادة ..

[لحظات سعاده]

اهلا بيكى سما واهلا بيكى احساس سعيده لمعرفتى بيكم وده شرف ليا اخواتى
وربنا يباركلك يا سما فى البيبي بتاعك وربنا يحفظهولك من كل شر يارب العالمين ويجعله من الصالحين يارب العالمين
اختكم ايه من مصر

[احساس أنثى]

هلا بيكي حبيبتي ايه انتي فلسطينية وعايشة وبمصر ؟؟

[لحظات سعاده]

لا يا اختى للاسف انا مش فلسطنيه انا مصريه

[احساس أنثى]

هلا بيكي وبكل اهل مصر

بس استغربت لانك فايته الدردشة معنا قلت اكيد فلسطينية وعايشة بمصر

بسيطة حبيبتي نورتينا ... كيف الأوضاع عندكم ... على وش انتخابات انتوا

[حواء مثالية]

صباحكم فل يا بنات

كيفكم شو اخباركم والله ما قدرت افوت يوم الخميس بتعرفوا تحضيرات للخطبة ومش عارفه اش اعملناها بصالة كانت كثير حلوه

البست طقم ربيعي رسمي ذهبي قطعتين قميص نص وتنورة قصيرة وعملت شعري رفعة خفيفة حطيت طوق كرستال على لون الطقم الحمدلله طلعت من الاخر

بس الغريب مبارح كل اللي بالخطبة يسالوني عيونك طبيعي ولا عدسات مع انهم بعرفوني وشايفيني قبل هالمره بس لون الطقم فتح لون عيوني والميك اب بينهم انا بالايام العادية ما بحط ميك اب بالمره

بس ما شاركت كثير رقصت شوي صغيرة عشان الحمل

احساس ديري بالك على حالك بهالفترة انا قلتلك انه الوحام ببلش بالثاني وزعي اكلك وما تعبي معدتك بكون الوضع اهون حبيبتي

سما ان شاء الله تجهزي البيبي على خير يارب وتشوفي وتفرحي في ياقلبي

جارة منوره يا عسل وكل عام وهي بخير مامتك حبيبتي والحمدلله انك تطمنتي على البيبي

غموض ان شاء الله امورك تمام

عسولة منورة ياقمر

كل الصبايا الله ما يحرمني منكم يارب

[لحظات سعاده]

هلا بيكي وبكل اهل مصر

بس استغربت لانك فايته الدردشة معنا قلت اكيد فلسطينية وعايشة بمصر

بسيطة حبيبتي نورتينا ... كيف الأوضاع عندكم ... على وش انتخابات انتوا


هههههههههههه
ده من كتر حبي ليكم والله لوحده يعلم وده شر ف ليا انك تفتكرنى فلسطنيه هو انا اطول حتى مجرد اللقب بس


الاوضاع تمام اهم عملين يتخنقوا ويضربوا فى بعض بس هو ده اللى هما فلحين فيه وربنا يكون اللى فيه الخير

[حواء مثالية]

لحظات سعادة منورة حبيبتي بيتك ومطرحك

من اي منطقة بمصر انتي

[احساس أنثى]

لا ربي يصلح الحال عندكم حبيبتي لحظات سعادة

وحواء حبيبتي الف مبارك مرة تانية وتالتة على الخطوبة وعقبال ماتقومي بالسلامة

والله ياحواء الاكل مابيجي على بالي عشان معدتي مش مرتاحة بعين الله بدنا نصبر

[حواء مثالية]

بعين الله احساس فترة وبتعدي ان شاء الله الايام بتجري بسرعة الله يسهل علينا يارب

[ammona]

يعطيكم العافية
وانا من فلسطين وحبيت شاركم
وانا حامل بكرية والله يتتمملي ع خير

[لحظات سعاده]

تسلمليلى يا احساس يااااااارب وربنا يبارك فيكى انتى وجنينك وربنا يقومك بالسلامه يااااااااااااااارب ويكون ليكى ولدا صالحا يارب العالمين


اختى حواء اهلا بيكى والف مليون مبروك وعقبال ما تشوفى عرس جنينك يااااااااااااااارب وتقومى بالسلامه
انا من الجيزه
والله سعيده جدا بمعرفتكم اخواتى

[لحظات سعاده]

يعطيكم العافية
وانا من فلسطين وحبيت شاركم
وانا حامل بكرية والله يتتمملي ع خير



يعطيكى العافيه وربنا يباركلك فى جنينك يا امونه ياااااااااااااارب

[حواء مثالية]

هلا امونة منورة ياقمر

امونة من وين من فلسطين ادي الك متزوجة

دارسة ولا لا

احكيلنا عنك شوي


منورين اهل مصر

[لولو حمادة]

مرحبا كيفكم اليوم
مبروك يا حواء شكرا يا عسولة على طريقة التايلندي بجربها
انا كنت مشغولة مع ابني كان عندو تطعيم والمكان بعيد اكثر من ساعتين بالسيارة بعد ماوصلنا صار معو سخونه و ماطعمنا عشان السخونة وطشينا باقي اليوم تمشينا على الكرنيش ورحنا على المحلات وتبضعنا واحنا مروحين صار يسخن تاني لمن وصلنا ساعة عشرة صار يغلي حولنا 3ساعات نزل حرارتو بعد التبريد 39
طلعنا على المستشفي صار يرجف خفت كثير اول مرة يسيرهيك معي وماعند حدا لا نا وزوجي المهم تهنا بالطريق المستشفي بنسمع عنها قريبة بدها ربع ساعة اخدنا الطريق ساعة وحنا نلفلف واخيرا وصلنا وعملو فحوصات بعد ساعة حرام عليهم واعطو علاج وحكو روحو خلص بعد عداب الخمسة الفجر

[حواء مثالية]

لولو الف سلامة علي ابنك ما يشوف شر

خدي بالك منه بهالعمر بدهم رعاية زيادة

بوكل بموز تفضلوا

مال جارة مبطلة تطل بالنهار

[لولو حمادة]

صحتين حواء الموز بيتعب معدتي بعمل حموضة
اهلين امونة واهلين باهل مصر وين الصبايا مشغولين

[احساس أنثى]

يسعد مساكم صبايا ...

الف سلامة على ابنك يالولو ..

وامونة نبي تعريف عنك عشان يصير بنا تواصل بزيادة

لحظات سعادة واحنا اسعد بمعرفتنا ليكي ..

وين سولة شو اخبار فحوصاتك ؟؟

جارة مهيا اسم على مسمى جرة لاقمر بتطل بالليل ههههه

انا الليلة قاطعة عندي الكهربا ومابدنا نشغل متور بدي اطلع اطش انا وزوجي عازمته عشان بكرة عيد ميلاده ... بصير 23 صغير صح هههههههه

[حواء مثالية]

هلا احساس ان شاء الله كل العمر يارب

لولو وكل البنات منورات

[عسولة فلسطين]

كيييييييييفكم يا صبايا
مبرووووووووووووووك يا حوااااااااااء الخطبة>>> ياعمي الحلو حلو لو ايش ما لبس هههههه
ع فكرة وانا زيك ما بحب اتمكيج بس ماما بتبهدلني دايما انه اتمكيج لزوجي وزوجي ما بحبني اطلع حاطة ع وجهي اشي هههههههههههه
-----------------------------
لولو حبيبتي ألف سلاااااااااااااااااامة ع ابنك ما يشووووووووووف شر يااااارب
الله يخليلك اياه وتفرحي فيه طمنينا عنه
----------------------------------
احسااااااااااااااس العمر كله لزوجك ان شاء الله هههههههههههه طلعنا انا وزوجك قد بعض بس هو اكبر
الله يوفقكم سوا ويبعد عنكم العين ويسعدكم
-------------------------------
جااااااااااارة القمر الله يخليلك اهلك يااااااااارب وكل عام وامك بألف خيييييييييييير
برجع اكمل لأنه الباب رن هههههههههههه

[عسولة فلسطين]

لحظات سعادة
أهلا وسهلا فيكِ بتنورينا والله

[جارة القمر]

مساء الخير يا بناااااااااااااااااات

حوائتي .............اكيد قمر ياااااااااااااااااا قمر ..........كيف طلعت عروستكم..؟؟
وباي صلون عملتي ؟؟؟لانه ازا بتعرف صالون شاطر لنصير نجي عليه انا بتعامل مع غريس بالقص والصبغ اما شي تاني ما جربت


احساااااااااااااس ..............تتهني والله ............وعقبال 120 لزوجك ..........

والله يعينك على وحامك انا الحمد لله حاسة انه افضل من قبل بكتتتتير عقبال عندكم ياررررررررب

عسولتي ........تسلميلي يااااااااااااارب

لحظات سعادة...........كلك زوووووووووووووء والله ...........


امونه ........هلا وغلا فيك اخت بينا .....................

لولو ,,,,,,, الف سلامة على ابنك صدقيني .........لما ابني يمرض بكون اهون علي اني انا امرض ولا هووووووووو لانهم بيقطعوا القلب .....يا حرااااام


سما .........ربي يطمنك على عمرو .......يارب


اليوم عملت صيادية سمك ,,,,,,,,,,,,

كتير طيبة بس زوجي لحد هلا ما رجع على البيت ......

[لحظات سعاده]

يلسلمولى عيونكم يا قمرات فلسطين اجمل تحيه ل لولو حماده و حواء واحساس و عسوله فلسطين

وربنا يبارك بيكم فى حملكم وابنائكم

[جارة القمر]

http://forum.hwaml.com/imgcache2/hwaml.com_1324141958_621.jpg


اعجبتني وحبه اهديكم يااها يا احلى اخوات ...........فرد فرد ....حارة حارة .....باب باب ههههههههههههه ما بتجوز على الميت الا الرحمة

[احساس أنثى]

هههههههههههههههههه الله يرحمه ضحكتيني ياجارة وانا قرفانة والله

راحت عليا الطشة طلع جوزي مشوار هوا وأخوه والله انهبلت انجنيت

كنت مرتبه اموري شو هاد والله صيحت من هالوضع والروتين قرفانة قرفانة ياربي

[جارة القمر]

لاااااااااااااااااااااا والله زعلتيني يا احساس لو محلك بنجن جنوني ...........وبحرد ههههههههههههه لا بمزح بس ما معو حق زوجك


مع انه كمان زوجي زعلني ........... طلب عدة مرات مني مقلوبة ...وما عملتها لاني والله بتعب اعملها بعد دوام فقلت بدي اعملها بكرا واليوم بعمل شي ابسط

ههههههههههههه روح قبل شوي ولما حطيت الاكل انصدم وقلي بديش اكل لاني طلبت مقلوبة بعد شوي هههههههههههه اكل وشبع وقلي قومي سوي قهوه
تعالي اشربي معنا ...........

[غُمُوض أُنثَى]

مسآء الورد يآ حلوين ..~

كيفكم شو اخباركم شو عاملين شو طابخين !

مسكينة يا احساس يلا معوضة حبيبتي للي احلا منها ما تزعلي

حواء مبروك الخطبة .. القالب غالب شو مالبستي حلوة ياعسل

جارة يسلمو حبيبتي عالورد يا احلا من الورد

عسولة كيفك يا حلوة ان شاء الله تمام

لحظات سعادة هلا فيكي منورانا ياحلوة

لولو سلامته الصغير يروح الشر عنه يارب

منورين الصبايا كلهم
الدنيا بررررررررررررررد والله مكسلة اكتب كنت بس حكيت امسي عالبنات

[جارة القمر]

هلا غموض كيفك هينا بنسلى مع العلم مش طال حدا خلص بجد بدي ازعلللللللللللللل

[احساس أنثى]

أنا معك ياجارة

بسزعل الراجل بسيط بكلمتين برضا

منا حردانة ومش حرضى الا لما يعوضني بالطلعة هههه

منورة غموض انثى

من كتر منا متدايقه بسمع ادعيه بلكي برد قلبي

[عسولة فلسطين]

مساؤكم عسل
أهلييييييييين غموض والله الدنيا برررررررررد ع الآخر بس ايش بدنا نعمل الحمدلله
جارة،،يسلموووووووووووووو ياااااااااا مذوقة ع الورد والحلو ما بجيب الا الحلو
ههههههههههههه والله لو انا مكان زوجك بحرد لأنه نفسه فيها حرام اعمليله اياها بكرة بيعينك الله
احساس،،، طولي بااااااااااااالك هي فشلة غير شكل بس لعله خييييييييييير افرضي وانتي طالعة صارلك شي ربنا ما بكتب لبني آدم الا كل خيييييييييييير،،، خديها قاعدة مني اي نعم انه الواحد بيطق بس قولي لعله خييييييييييييييييير كل ما بيصيرلي شي برجع وباقول لعله خير
اليوم أكلت كبسة *_^

[لحظات سعاده]

مساء الجمال
احب اسمع منكم على الاراضي الطاهره كل شي لو مكنش يضايقكم
عوزه اسمع عن الجبال والخضره والزاتون والناس والحجاره وكل حاجه متبخلوش عنى بحاجه اذا مكنتش اضايقكم

[احساس أنثى]

لا وليش نتضايق بالعكس


بس يعني مااعرف شو نحكيلك ... الحم لله الحياة عندنا ماشية متلنا متل غيرنا نشكر الله على كل حال

واحلى شي بشعبنا الكل يقف بجانب التاني

اممممممم مااعرف شو اقلك بعد

[احساس أنثى]

صحتين عسولة على الكبسة

شو يعني بدي اقول بقول الحمد لله ولعله خير فعلا

بس الي مدايقني من اول ماحملت ماطلعت يعني ماصدقت وخططنا لهالشي كمان مايتم

[حواء مثالية]

صباحكم فل شو اخباركم

كثير مشتاقلكم

مبارح حطيت اللاب توب جنبي قلت خلص الليلة راح اسهر مع البنات راحت علي نومة صحيت الساعة سبعة الصبح هههههههههههههههه احلى سهرة صح برضوا هلا نعسانة انا عارفه الله يهونها علي والله صرت احس حالي مريضة على قد ما بنام واذا ما نمت بظل اتثاوب بحكيلي زوجي روحي نامي ليصيرلك شي ههههههههههههه

[بينك روز]

هلا حبيبتي منورانا

انا كمان من غزة الف مبرووووووووووك حملك

احكيلنا عنك شوية؟ شو دارسة كم عمرك كم الك متزوجة اي شي

هلا بيكي حبيبتي احسان
الله يبارك فيكي يارب
انا الحمد لله متزوجه من سنه و8 شهور، عمري 25، طبعا خلصت جامعة محاسبة وبشتغل هلا بشركة خاصة
حملت قبل هيك مرتين والحمد لله نزلت وماكمل حملي
اخر مره كانت في 14/6/2011 والسبب انه الجنين كان يموت بالاسبوع السابع، وهلا بعد التحاليل الي عملتها لازم اخد ابره هيبارين مابعرف ازا سمعتي فيها، وامبارح اخدت اول ابرتين الله لا يوريكي بوجعوني لهلا، وفي الي معاد عند الدكتوره كمان اسبوعين مشان يحددلي اكم الكمية الي هخدها من الهيبارين
ادعولي امانه الله يكون معي ويثبت حملي

[بينك روز]

pink rose
أهلا وسهلا فيكِ معنا
ومبروووووووووووك حملك
والله يتمملك ع خير ياااااااارب
اهلا وسهلا فيكي عسوله
تسلمي يارب
الله يبارك فيكي يارب

[احساس أنثى]

بينك روز هلا حبيبتي فيكي

ربي يثبتلك حملك ويكتبلك في كل خطورة الخير والسلامة يارب العالمين

[حواء مثالية]

كيفكم بنات مشتاقلكم كثير كثير كثير

شو عاملات انا ماله ما في شغل ولسه باقي ساعتين ونص على دوامي

[احساس أنثى]

واحنا اكتر ياحواء اديني ببعكش بالمنتدى فاضة هههه

كيف الوحام معك اليوم ؟؟ انا اليوم الحمد لله خفيف

صبايا متى انتو سمعتوا نبض الجنين ..مبارح رحت عند الدكتورة حكتلي انتي لسى بالاسبوع الخامس

والنبض مايبين الا لما تنتهي من التاني ؟؟

[حواء مثالية]

الله يسعدك احساس انا حبيبتي كنت بالاسبوع السابع يعني رحت بعد اربعين يوم على الدكتورة والحمدلله الله اكرمني وسمعني دقات قلب حبيبي الاسبوع الجاي زيارة الثاني انا بكرا بخلص الثاني بنزل بالثالث

[بينك روز]

الله يارب يسعدكم كلكم
انا لسه مابحس بوحام حبيبتي دمعة وحابه اعرف امتى هسمع النبض اصلا لسه مابعرف باي اسبوع انا، اخر دوره كانت الي في 15/11/2011
حواء كلامك مزبوط والله الدوام ممل ولسه مطول فاضل ساعتين
بس بدي اسئل القعدة على الكرسي بتأثر على الحامل ولا لا

[احساس أنثى]

والله بالنسبة لحساب الحمل انا مابعرف هههههه

لكن الجلسة على الكرسي الطويلة تتعب الظهر يعني حاولي امشي

لكن بالاشهر الاخيرة اي تضر لي قريبة عشان تشتغل قالولها وضع الجنين الراس فوق

وهيا بالسابع طبعا مع المشي والحركة الحمد لله نزل الراس لتحت

[بينك روز]

اها
مرسي ليكي ياقمر
وشكرا كتير الك
انتي بأي شهر حامل

[لولو حمادة]

كيفكم صبايا اهلن بيكي بينك روز انا اجهضت بعديكي بيوم يوم 15\6 بس في الشهر الخامس وكان النبض متوقف بس انا اخدت اسبرين اطفال كل يوم حبة علشان قبل الاجهاض جبت ولد وماعندي مشكلة

[بينك روز]

اها مافهمت عليكي لشو اخدتي الاسبرين بيبي
انا هلا باخده لاني لازم اخده مشان الابر الهيبارين

[لولو حمادة]

انا اخدت الاسبرين عشان نزلت في الشهر الخامس

[احساس أنثى]

يلالعله خير صبايا افتكروا شي كويس

أنا حامل ببداية التاني ياعسولة ( بينك روز)

[Loole kenan]

اهلين صبايا ـ انا حامل جديد وخايفة والله ـ
الخوف هاد طبيعي ولا كيف ؟ الله يكتبلنا الخير يارب .

[جارة القمر]

مساء الخير بنات

النبض للجنين بيبدأ بالاسبوع السادس


بينك روز .هلا وغلا فيك .......الله يثبتلك حملك يارب ..........من وين انت؟؟


حواء ..........انا اخدت اجازة لاخر الاسبوع..........بدي ارتاح شوي ,,,,,,,,مع انه والله ما في راحة طول اليوم بعزل بالبيت ,.وطلعت على المعهد.......


عسولة ولا تزعلي انت وزوجي اعملت اليوم مقلوبة ههههههههههههه\



احساس ...........نفسي اعرف شو زوجك قلك بعد ما وعدك وما نفذ؟؟؟

يلا وينكم ...........

[جارة القمر]

Loole kenan (http://forum.hwaml.com/u38448.html) هلا فيك بينا من ....... شو الخوف .؟؟ا .................

[حواء مثالية]

صباح الخير يا بنات كيفكم شو اخباركم يارب تكونوا بخير
وينكم صايرة طلتكم قليلة شو شاغلكم

[جارة القمر]

صباح الخير يا حواء ,,,,,,,,,,,

بجد البنات ابصر شو صاير معهم ............مخفيين...........

[Loole kenan]

loole kenan (http://forum.hwaml.com/u38448.html) هلا فيك بينا من ....... شو الخوف .؟؟ا .................



من ثبات الجنين لكني سبحان الله اليوم صار عندي احساس قوي
انه هفوض امري لله واللي ربنا كاتبه بده يصير ـ ~
يمكن لانه اول مرة بكرية يعني والله يتمملي على خير ولكل الصبايا ~

[حواء مثالية]

loole kena (http://forum.hwaml.com/u38448.html)n وكلي امرك لربنا حبيبتي ان شاء الله يتتملك على خير يارب

جارة كيفك شو اخبارك شو عامله

انا كثير متذايقة وزعلانة وحاسة احساس اني مقهورة امانة دعولي يا بنات يخفف عني ويصبرني
تعبانة كثير انااااااااااااااا

[بينك روز]

هلا فيكي حبيبتي جارة القمر
انا من غزة
والحمد لله حامل جديد
انتي من وين

[حواء مثالية]

بينك روز

منورة ياقمر هلا وغلا فيكي

[احساس أنثى]

يسعد مساكم صبايا والله مابنفوت كتير عشان وضع الكهربا وانا عن نفسي وضع الوحام تاعبني مشان هيك

جارة القمر ... جوزي قلي مضطر والله معلش حبيبتي عوضني اياها مبارح رحت انا واياه بس الصراحة توبة اذا بطلع نزلت انا سندويشة جاهزة مارضيت انزل وجبة وللأسف اكلت اقل من لاربع وماقدرت الجبنة موعت نفسي خفت يسير معي شي بالمطعم هههههه ماقدرت اكمل

قعدت اكل مخللات وخاصة الخيار كان لزيز حادق

حواء حبيبتي باذن الله فترة وتعدي هيا هييك الحامل كانت تيجيني فترة اعيط من الملل والخنقة .. بعين الله حبيبتي

وين الصبايا وين عسولة ؟ ولولو ؟؟ وتهاني ؟؟ وسما؟؟ والجمييييييييييييع

والصبايا يلي انضموا النا مو سامعين صوتهم معنا

[لولو حمادة]

مرحبا كيفكم اليوم ياعسولات اليوم

[احساس أنثى]

ربخير كيفك انتي يالولو

[Loole kenan]

ولا يهمك حبيبتي حواء وانتي كمان وكليها على الله وحاولي تتنشقي هواء كتير لحتى
تخففي عن حاآلك ياعسل ~

ويسعد مساكم جميعاآ ~

[لولو حمادة]

الحمد لله بخيروين باقي البنات

[احساس أنثى]

نايمين بالعسل

ياعندهم اسرى مفروج عنهم هههههههه

كيف ابنك ؟؟ والنونو؟؟ والروتين ؟؟ والوضع ؟ والدنيا

[لولو حمادة]

ابني احسن من الاول والنونو كويس بس تقل الحمل تاعبني بعرفش انام واتقلب بيكتم على نفسي
والروتين مقرف ومتعب

[Loole kenan]

مش للدرجة هادي نايمين الانترنت جننا بس مش اكتر

[جارة القمر]

بنات مسا الخير

ما عليك شر حواء شغلتيني عليك شو مالك؟؟؟؟؟؟؟؟؟؟؟؟
ربي يهون عليك ويفرج همك
والله الحامل بتكون روحها بانفها .........بحس حالي مش طايقه نفسي ,,,,,,,,

ومعدتي اليوم متل الزفت ............الحمد لله على كل حااااااااال
اعملت صنية كفتا ما قدرت اشم ريتحها وتغديت اليوم حبة عوجا مع سفن اب ,.


والله اني انا كمان مضايقة ورح فش نكدي بجوزي ليروح .........../

[Loole kenan]

ياحبيبتي الله يكون بعونك ، طولي بالك واستغفري ~

[عسولة فلسطين]

مسااااااااااااا الخير
كيفكم يا بنات
ماااااااااالكم متضايقين والله الدنيا مابتسوى
ان شاء الله فترة وتعدي بس قولوا ياااااااااااارب
احسااااااااااااس الله يهنيكي يااااارب والحمدلله انك انبسطي
صحة يا جاااااااااارة اليوم عملت معكرونة وصحن سلطة
سلامي لكل الصبايا المختفيييييييين
والله ضع الكهربا مأساوووووووي ع الاخر زهقونا حالنا

[عسولة فلسطين]

أهلا وسهلا Loole Kenan
بينا ان شا الله بتنبسطي معنا

[غُمُوض أُنثَى]

يسعد مسآكم يآ صبآيآ ..

كان موعدي اليوم مع الدكتورة
طبعا بكتبلكم وانا بعيط

من مبارح لليوم وهوا بينزل عليا دم مع اني مرتاااااااااااااااحة عالاخر
الدكتورة عملتلي سونار مهبلي
طبعا ماحكتلي شي .. حكت لجوزي وجوزي حكالي

وضع الجنين خطر واحتمال كبير ينزل والجنين حجمو صغير كتير بالنسبة للكيس
والنبض لسا مو مبين وانا بآخر التاني :(((((

حكت اجيلها بعد تلات ايام ازا كان في تطور بيكمل وازا مافي
حنام ليلة وتعملي اجهاض وتنظيفات وتحاليل كاملة لنعرف السبب :(((((

زعلااااااااااااااااااااااااااااااااااااااانة موت ومش قادرة ادعولي يا بنات يكون خير

[لولو حمادة]

سلامتك غموض ان شاء الله ينمو الجنين لاتستعجلي وتنامي تعملي عمليه حتى لو ضعيف في كثير هيك وبيضل الحمل انا سلفتي كانت تنزف وضعيف بس ماكانت تقوم من الفراش وجابت بنت ما شاء الله عليها

[لولو حمادة]

غموض روحي على دكتورة ثانية افضل وطمني اكثر وربنا يكتبلك اللي فيه الخير ولا تزعلي وادعي ادعية تثبيت الحمل

[لولو حمادة]

كيفك عسولة وينك مختفيه

[عسولة فلسطين]

هيني والله يا لولو كنت بشوف فيديو تصويري للنار ومتأثرة فيه
-------------------
غموض يا حبيبتي نفسيتك هاي بتأثر
ياااااااااااااااااااااااارب ياااااااااااااااااااااااااااارب ربنا يثبتلك حملك يااااااااااا الله وتشوفيه سليم معافى ما تستعجلي وقولي ياااااارب
الله يبعد عنك الشر يا رب انا قبل ما انزل حسيت انه راحت اعراض الحمل وصرت اعيط بالليل لزوجي قلتله انا حاسة حالي بطلت حامل وفعلا بعد يومين نزلت لهيك النفسية بتاثر يمكن
قولي يارب وقل لن يصيبنا الا ما كتب الله لنا
ياااااااااااااااااااااااااااااااااااااارب تيجي تطمنينا عنك يااكريم
بس ارتاحي وما تتحركي كتير

[ام قمر سارة]

مرحبة يا بنات انا سارة من فلسطين وساكنة بالقدس وحابة اني اتفاعل معكم بتقبلوني ؟؟؟؟؟؟؟؟؟؟ انا يمكن اكون حامل بالشهر الاول ادعولي استمر علما باني اجهضت قبل شهر وعندي بنت عمرها سنة ونص

[لولو حمادة]

اهلين بيكي ام قمر
ان شاء الله حامل

[سهوووودة]

مساء الخير عليكم جميعا
انا اشتركت جديد لما عملت بحث بقوقل وطلعلي هالتجمع
انا من غزة وصارلي بس 6 شهور موجوده فيها
ومابعرف كتير شوارع
المهم انا هلاء حامل ..وبدي مساعدتكم لتدلوني على محلات بتبيع ملابس للحوامل
وياريت توصفولي المكان بالتفصيل
الله يقوم الجميع بالسلامه ويطعم كل مشتهي يارب

[حواء مثالية]

صباحكم عسل

كيفكم شو اخباركم

والله يا جارة الحياة ما بتخلا انا اليوم الحمدلله احسن من مبار ح

عسولة منورة يا قمر

غموض قلبي معك ياختي الله يثبت حملك ويهونها عليكي يارب وتشوفي بين ايديك يارب

لولو ان شاء الله ابنك طاب وصار كويس ديري بالك علي

الاسماء الي نورتنا جديد هلا وغلا فيكم

سما مختفية جاري البحث عنها هههههههههههههههههه

احساس انا كمان الوحام ذابحني ونفسيتي الي يومين بالمره مش طايقة حد وبقاتل بهالوى الله يصبرني يارب

مممممممممممممممم مبارح طبخت سمك محشي

شو عاملين بهالوقت انا هلا خلصت شغلي تقريبا وكل النهار قاعده هون ما عندي شي

ان شاء الله تصحوا بكير ونلتم اشتقتلكم كثير

[Islamgirl]

انا فلسطينيه -غزاويه
كنت اعيش بالاردن مع اهلي ومن 3 شهور تزوجت وسافرت مع زوجي للسعوديه - جده
وللاسف ما بعرف حد

[حواء مثالية]

هلا وغلا فيكي منورة حبيبتي

[بينك روز]

صباح الخير
كيفكم صبايا
انا اليوم مدايقة كتير
انا حامل بالاسبوع الخامس هلا هيك بيحكي شريط الحمل، بس انا اخر دوره الي كانت في 15\11\2011، يعني بصراحة مش عارفه أديش إلي حامل
المهم صحيت الصبح ورحت على الحمام الله يعزكم لما مسحت بالفاين نزل مني افراز لونه ابيض ومعه افراز لونه بني فاتح،، خوفت كتير مع العلم انه معي حرقه بسيطه بالبول الله يعزكم.
اتصلت بالدكتوره وانا مدايقه حكتلي ما تقلقي انتي معك التهابات بالاول فكرت انه لون الافراز بني غامق خافت عليه بس لما حكتلها انه لونه بني فاتح حكتلي ما تقلقلي
مين صار معها هيك
وطمنوني عن وضعي الله يخليكم

[حواء مثالية]

الف سلامة عليكي ياقلبي انتي خدي علاج للالتهابات لانه مو كويسه وتاثر على حملك

الافرازات البيضة ببداية الحمل كانت كثير معي خصوصا اول شهر

انتي هلا بالاسبوع الخامس عمر حملك 35 يوم ببداية الاسبوع الخامس

ما تشوفي شر ياقمر اشربي زهورات بتخف الالتهابات وابعدي عن المخللات والبهارات

[بينك روز]

الله يسعدك حواء
كلامك ريحني شوي
ادعيلي ربنا يكون معي
لاني قبل 7 شهور نزلت والحمد لله حملت بعد فتره من العلاج
هلا بحكي لزوجي يجيبلي زهورات

[حواء مثالية]

ما تشوفي شر ياقمر بس كمان انتبهي ما تشربيهم سخنين كثير

[بينك روز]

ولا يهمك حواء
انا اليوم ان شاء الله هروح على الدكتوره
لاني قبل شوي رحت على الحمام الله يعزكم ومسحت بالفاينه طلع خطوط بسيطه جدا لونها زهر
ادعولي الله يثبت حملي الله يخليكم

[سما الدنيا]

صباحو يا كروشاتي الحلوات,,,ولكل البنات.....كيفكم يا رب اتكونو بصحة وعافية و بالف خير يا رب.
بدي اسلم عكل الصبايا من حواء يلي بتجري البحث عني ههههههههه بس عطول بينت كيفك والف مبروك خطبة بنت حماكي عقبال بنات حمايه يا رب...وكيف حملك يلا ديري بالك عحالك والوحام شهرين وبتخلصي وبتصيري تاكلي مني..الله يثبتلك حملك واتشوفي ابنك على خير..
احساس كيفك وكيف النونو ..حبيبتي ما تاكلي كتير مخللات بتخافي يصير معك التهابات بالحمل, والله مشتاقه كتير لالكم الكم وحشه والله..
وعسولة وجارة ولولو والف عافيه عابنك ربنا يقومك بالسلامه..
وغموض والله حبيبتي ادايقت عليكي لانو هون ما بحب اسمع الا الاخبار الطيبه عنكم ..يلا معلش يا عمري انتي ديري بالك عحالك وما اتعبي حالك كتير وان شاء الله تطمني عالبيبي.
والبنات هون ما شاء الله كترانات يلا الله يزيد ويكتر..
المهم انا رحت السبت عالمختبر عملت فحص السكري وشربوني مغ كبير مي مع سكر وحكولي بعد ساعه ارجعي المشكله انو ارجعتلهم بعد ساعتين بس عملولي الفحص وحكولي لازم انعيدو لانو ما كان دقيق بسبب تاخري بس غصب عني انشغلت بالمحلات وانا الفلف..بس رحت عالدكتورة واطمنت عالبيبي وشفتو ما شاء الله عنو وزنو 900 غرام حكتلي ممتاز وزنو الحمد لله وبطني ما شاء الله كبرت بهاد الشهر وبانت كتير وصاحباتي الي صدفتهم برام الله والكل بيحكيلي الحمل بين عليكي الحمد لله ووزني من اول حملي زاد 6 كيلو يا رب اللله يتمملي عخير والكل يا ربي..مبارح رجعت عملت فحص السكري واخدو مني اربع عينات دم خلال تلت ساعات متت من الجوع لانو كمان كانو مصيميني ودوخت بس الحمد لله الفحص طلع كويس وما معي اي سكري ولا شي لك الحمد يا رب...
طولت عليكم بالحكي يلا معلشي اتحملوني هدول تعويض عن تلت ايام ما حكيت فيهم هون ...
الله يطمن الجميع ...طمنونا عنكم يا حلوات

[جارة القمر]

هلا بنات كيفكم

غموض ربي يثبتلك حملك يارب وتقر عينك برؤيته


بينك روز الله يطمن قلبك ....بعد ما تروحي للدكتورة طمنينا


سما ,,,,,,,,,,,اشتقنالك............شريتي للبيبي .؟؟؟



مدااااااااااااااااااااااااااااااااااايقه

[سما الدنيا]

هلا جارة منورة والله حبيبتي ..احنا مشتاقين اكتر..
اها الحمد لله شريت للبيبي اشياء حلوة وبجنن بدي اصورهم ليوم وانزلهم هون تعطوني رايكم ...من شو مضايقه يا جاره بتعرفي ما في شي مستاهل بهالدنيا ...اتوكلي عاالله الحياه كلها هيك

[لولو حمادة]

مرحبا يا بنات كيفكم اليوم
ليش مدايقة ياجارة مافي شئ مستاهل
كويس انك طمنتي على البيبي سما خلص ورينا الصور علشان انا باخر السادس ولسا ماجهزت علشان مش عارفة وين حولد بغزة ولا الامارات ابني الاول مانبسطت في الاجهاز
كيفك حواء
ابني صار احسن راحت السخونة واللوز بس صار معاه اسهال من تخفيف الملابس والكمادات

[عسولة فلسطين]

مساااااااااا الخيرات والليرات
كيفكم يا بنات
حواااااااااااء كيفك حبيبتي يارب تكوني بخير
بينك روز الله يطمن بالك ياااااااااااااارب ويثبتلك حملك ،،، انتي بتقولي بعد رحلة من العلاج ايش كان مالك >>>> مش حشورة انا هههههه بس لأني حبدأ علاجي ان شاء الله حابة اتونس
سمااااااااااااااااا>> والله نورتي يا شيخة بتختفي وبتطلي زي القمر هههههه
الحمدلله الله يقيمك بالسلامة انتي والبيبي ولازم نشوف اواعي ابن اختنا والا ايش رأيكم صبايا
احساااااااااااااااس>> وينها مالها لا حس ولا خبر
جاااااااااااارة >>> الله يكون لك معين يا رب قولي يااااارب
غموووووووووووووووض>> والله بالي عندك طمنينا عنك يااااااااااااااااااااااااااااااااااااااارب تكوني بخير انتي والبيبي
لولو >>> وينك مختفية؟؟
وأهلا وسهلا باللي انضموا لنا جديد

[سما الدنيا]

هلا فيكي عسولة تسلمي يا عمري والله انتو متل معزة الخوات الله يخلينا لبعض شو اخبارك يا قمرايه.انا كنت مختفيه عند اهلي وما فضيت اقعد عالنت كان عندهم شغل بالبيت وعمال كانت عقدة بيت اخوي عقبال ما نبني لاولادنا ان شاء الله ..
شو بتعملي هلاء يا عسولة شو بلشتي بالعلاج ولا لسا ...انا اختي دكتورة نسائيه ازا عندك اي سؤال بالنسبه للعلاج اسالي وانا بسالها وان شاء الله عن قريب اتكوني حامل ...
شو طابخين اليوم انا مبارح اجيت عالبيت وجبت معي اكل من المطعم لانو روحت متاخره من عند اهلي واليوم عاملة مجدرة مكسلة اعمل شي بيطول عالغاز ...